زينة وحمد .. قصة حب كويتية واقعية

[مـ سهله ـو]

ناطرتج حبيبتي

 

[زينة الأب]

و أنا بعد ناطرة باجي قصتج الحلوة انشالله تصيرين أحسن و تنزلين بارتات

 

[rawabi]

ووينج انا خذيت استااذن ورداه البيت بسرعه

ابي اكمل الروايه طلع ماكو شىء

من صجج مستأذنة من الدوام .... حده وناسة:dddds: اممممممممم ...انشالله الحين بينزل البارت دقايق

 

[rawabi]

ماتشوفين شر حبيبتي

وماشالله اسلوبج بالقصه صج صج صج يشوق ونعيش الأحداث معاه حيل عجبتني قصتج

أحب القصص الي فيها تأملات

وننطرج حياتي

وكلنا في الهوا سوااا المنتدى يعلق شكثر


لانه عليه ضغط

تسلمين وهذا من ذوقج ماقصرتي

 

[kity]

حياتي متى راح تحطين لنه بارت

 

[rawabi]

لاااا
بلييييز كملي اليوم
حدي متحمسا انا امس قريت الروايه تهبل تهبل تهبل يعطيج ألف عافيه وماشالله عليج خووش اسلوب
وناطرينج بلييز لا اطولين >>ودي اعرف النهايه

تسلمين وانشالله ماني مطوله بالقصه عالاربعاء بيتقول خالصه

 

[rawabi]

هااااي بنات .... تسلمون عالردود الحلوة والتعليقات واللي دعوا لي الله يجزاكم الف خير
انشالله نص ساعه بالكثير وينزل البارت بس على مااراجع البدليات واصححهم

 

[rawabi]

البارت ال 16 :
صالح: يما ابي اكلمج بموضوع ؟
ام صالح: خير انشالله ... امر؟
صالح: يما..... صراحة ابي اتزوج
ام صالح ( وهي حدها طايرة من الفرح ) : هذي الساعه المباركه والله ماتدري شكثر ونستني يما ....
انا لو ادري ان خطبت نصور بتشيشك جذي جان من زمان خاطبة لة .... عاد والله يا صالح لا اخطب لك احلا البنات واسنعهم ....انت الغالي انت البجر ............. من باجر لا حشى من اليوم ادور لك
صالح: لا يما مايحتاج ادورين !!! انا في وحدة ابيها
ام صالح جنا احد كت عليها ماي بارد هي تعرف ولدها مو مال هالسوالف لو ناصر اللي قايل لها جان عادي بس صالح كلش مومال بنات ويكلم : وحدة حاط عينك عليها ... خبري بالشركة ماعندكم بنات كويتيات صغار ...
صالح: لا يما اي شركة شركتنا كلها هنود
ام صالح : عيل يما شنوووو اخت واحد من ربعك والا من اهلنا ... وين شايفها؟
صالح: يما البنت لا من اهلنا ولا شي ... البنت جم مرة صادفتها وانعجبت فيها وباخلاقها ... عاد قلت اقولج تخطبينها لي
ام صالح ( ينت الا .. هي ماهي مدمقة وتعرف ولدها عدل لما مايقول الصج وصالح اصلا ما يعرف يجذب ) :
انزين انت بهالجم مرة اللي صادفتها قدرت تعرف اسمها ...بيتهم وين ... اي شي عشان نسال عنها
صالح : اي يما هي بنت ال......
ام صالح( ارتاحت انها من مواخيذهم ) : اي والنعم ماعليهم زود ... وين بيتهم
صالح: بيتهم بقرطبة وهي اخر سنة ادب انكليزي ... اسمها دلال
ام صالح: شسم ابوها ؟
صالح: خالد
ام صالح: يمااا صالح قوم اخذ ورقة من الدرج واكتب لي اسمها الكامل ووين تدرس وعنوانهم
صالح: اكتب رقم البيت؟
ام صالح( وعيونها طايرة ) : مشالله تعرف رقم البيت بعد .... كتبه ليش لا ؟ انشالله اسال وارد لك خبر
صالح: بس يما واللي يعافيج لا اطولين
طلع صالح من عند امة وتمت امة تفكر: معقولة صويلح راعي بنات لا مااهقى هو الطلعات يالله يطلعها من وين لوين يطلع منو هالدلال اللي عرفها وين شافها ... شكله يعرفها من زمان ... طريقته وهو يتكلم عنها مو طريقه واحد يتكلم عن وحده مايعرفها .... طول عمري احاتي نصور وسوالفة ما حسبت ان صويلح هو اللي بيتعبني ..
خل اسال عنها تالي يصير خير ... بس صج شكلها مو هينة اللي يابت راس اعقل عيالي لا مو بس خلته يحبها الا يتزوجها الله يستر منها ...

راح صالح دارة واتصل على دلال : هلا حبيبتي
دلال : هلا حياتي
صالح: دلول تدرين اني وايد احبج ؟
دلال: اي ادري ... عسى دوم
صالح: وانتي ؟
دلال: انا اموووووووووووووووووووووووووووت فيك ... صلوح جنة فيك شي؟
صالح: ليش يعني ؟
دلال : مادري طريقتك ... بتقول شي صح؟
صالح : تدرين انتي حييييل فاهمتني وعارفة لي
دلال: دام جذي يلا قول شفيك؟
صالح: دلول تتزوجيني ؟

تمت دلال مدة ساكته هي تموووت فية وتدري ان يمووت فيها بس هقت ان بطول على مايخطبها اغلب الشباب يخطبون البنت لما تمر عليهم جم سنة وهي معاة ماعرفوا بعض الا جم شهر
دلال:.................................
صالح: شفيج ساكتة اي او لا ؟
دلال : اكيد اي ... انا اصلا مااقدر اعيش من دونك
صالح: والله حتى انا

نطر صالح رد من امة هقى انها بتسوي فيه مثل ماسوت بناصر تعلقه شوي بس الحين بيكملون اسبوعين من قالها وماردت عليه ودلال من كلمها اخر مرة عن الزواج ما فتحت معاه الطاري تخاف تحرج نفسها وهو نفس الشي مافتح الموضوع مرة ثانية لان للحين امة ماردت له خبر .... رجع صالح من الشركة وصعد حق امة
صالح: السلام عليكم يماا ...(وباس راسها )
ام صالح: هلا يماا ... شلونك؟
صالح: بخير ... عساج بخير .... يما مارديتي لي خبر عن الموضوع اللي كلمتج فية
ام صالح : اي موضوع؟
صالح: يما الله يهداج موضوع زواجي
ام صالح: اي ذكرتني .... انا لقيت لك بنتين يطيرون العقل.....
صالح: يماااااا ... ودلال اللي قلت لج عنها
ام صالح: مالك نصيب فيها حبيبي
صالح(صكت فية الدنيا ) : ليش يمااااااا؟
ام صالح: البنت سالت عنها وما تناسبنا
صالح: ماتناسبنا بشنو ؟ البنت بنت ناس ومتربية حتى انا لما قلت لج اسم عايلتها ما اعترضتي
ام صالح: كلنا عيال ناس ومتربييييين .... بس قلت لك ماكو نصيب
صالح ( وشكلة حدة يكسر الخاطر وكل البراءة بويه ): يما قاعد اسالج جاوبيني ... اكيد في سبب
ام صالح: انت تكلمها ؟
صالح: لا يماا
ام صالح: صلوح ترا انت ماتعرف اتجذب .... والا شايفني غبية جدامك ماافهم؟
صالح: محشومة يما ............اي اكلمها
ام صالح: دامك تكلمها ماقالت لك عن اخوها العود يوسف؟
صالح: شفيه اخوها
ام صالح: اسالها هي تقولك ؟
صالح: بس يما انا قاعد اسالج انتي ... جاوبيني شفية اخوها
ام صالح: ما قالت لك ان اخوها سكييييير وراعي قعدات ؟
صالح طقتة البوه دلال ولا مره قالت له هالشي ... هي كانت تتكلم عن اخوانها وخواتها الا يوسف ماكانت تييب طارية وايد وجم مرة يابت طارية كانت تمدحة ويبين انها تحب يوسف حييل
ام صالح: شكلها ما قالت لك ؟ مايندراة شنو خاشة بعد
صالح(يرقع) : لا يمااااا هي قالت لي عن اخوها ... بس ابي افهم شكو اخوها بزواجي انا بتزوجها هي مو اخوها
ام صالح ( ينت لما قال لها جذي وصوتها ارتفع حيل) : انت من صجك ترضا ان خال عيالك يكون سكير وراعي قعدات
صالح( هم ارتفع صوتة) : الله يهديه ... هي مالها شغل اذا اخوها جذي ... البنت حدها سنعه ومتربيه
ام صالح: مشالله عالتربيه ... تكلم شباب وتقول عنها نتربيه شوف جم واحد مكلمه غيرك وقاصه عليه .
صالح: يما لوسمحتي لا تتكلمين عنها جذي
ام صالح: تعال طقني ... صويلح وويعة ترفع حسك علي ... عشان بنت من الشارع لا بعد مايندرا اذا هي للحين بنت والا لا؟
صالح دمه فار لما قالت امه جذي ماعرف شسوي ... اللي تكلمه امه لو احد ثاني جان والله اذبحه
صالح: يما لا تغلطييين عالبنت وانا اعرف دلال شنو ومنو .... وراح اتزوجها هي ماني متزوج غيرها
ام صالح: علك ماتزوجت...... خرعتني .... انا عندي اتم من غير مرا ولا تاخذ ام السحور والدبور انت للحين ماخذيتها وقاعد تصرخ علي لو تاخذها شبتسوي فيني
صالح : يمااااااااااا اصرخ من كلامج .... حرااااااااااام عليج تتكلمين عن البنت جذي ....... شايفتني ياهل اي بنت تقص علي
ام صالح : الحين نويصر اللي طول عمري أقول انة بيفشلني ... تزوج بنت وزير والكل يتشرق فيها ... وانت يالعاقل ياالكبير يايب لي وحدة مادري من وين تبي تتزوجها
صالح: شكلها السالفة لان ابوها مو وزير والا سفير مو بس سالفة اخوها .
ام صالح: مانبي سفير ولا وزير ... بس اقلها وحدة ابوها ماسك له منصب يرزك جدام الناس
صالح: ماني محتاج رزة من احد ... كافي علي انا عارف منو ... يمااااا البنت ابيها
ام صالح: الله لا يبيك .... ماانت ماخذها ... لوماكو بنت غيرها هم ماراح تاخذها .. اذا هذه بدايتها ينعاف تاليها

صكت الدنيا ب صالح شسوي امة مبين عليها ما باذنها ماي ... وهو مو مستعد يخسر دلال ... : اكيد امي بتلييين انا ولدها ماراح تكسر بخاطري ... وهو يفكر ومايدري شسوي رن تلفونه : هلا حبيبتي
دلال: هلا فيك حياتي .... وينك ؟
صالح: بالبيت عمري ... امري ؟
دلال : سلامتك .... ( دلال حست ان في شي مو طبيعي صوت صالح كان مغموت ) .. عسى ماشر شفيك؟
صالح ( خنقته العبره .. هالبنت من غير مايتكلم تحس فيه ) ... ماكو شي سلامتج
دلال : لا في صوتك كلش مو طبيعي ... اذا ماقلت لي من تقول له ... اذا لي خاطر قولي لا تخش عني
صالح: دلال ... اخوج يوسف يشرب ؟
دلال ( حدها انصدمت ... حست ان قلبها وقف ) : شنو ؟
صالح: دلال .... جاوبيني يوسف اخوج يشرب ؟
دلال : من قالك ؟
صالح ( وهو معصب ) : لا تجاوبين سؤالي بسؤال ؟
دلال ( ماعرفت شتقول اول مره تحس بهالاحساس جدام احد اول مره تحس انها مفتشله من اخوها : ...........
صالح ( بصوت ناشف شوي ) : قاعد انطرج تجاوبيني
دلال ( بصوت مخنوق ) : اي
صالح: ليش ماقلتي لي ؟
دلال : شقو لك ماهي بشارة ... ولاشي افتخر فيه امشي واتكلم عنه
صالح : بس كان لازم اعرف منج مو من امي
دلال( منصدمه) : ليش امك اللي قالت لك ؟ شداراها ؟
صالح: ليش هالشي ينخش ؟
دلال : صالح شفيك تكلمني جذي ؟
صالح : حارتني ... ليش خشيتي عني ماعلمتيني ؟
دلال : قلت لك ماهي بشارة ابشرك فيها ... بعدين شكو انت باخوي
صالح: والله اخوج بصير خال عيالي ... اللي شكلي ماني شايفهم ؟
دلال : شتقصد؟
صالح: امي مو موافقه
دلال : شنو يعني ؟
صالح : شنو يعني بعد ... قلت لج مو موافقه
دلال ( تبجي ) : انت شفيك تكلمني جذي .... ( وهي تحاول تكابر شوي عشان ماتنهار ) شدعوه عليها ماتوافق ... علها ما وافقت
صالح: تكلمي عدل هذي امي
دلال : انا ماقلت شي غلط عشان تقولي تكلمي عدل
صالح: انا اخليج اكلمج تالي
دلال : .................
صالح: اكلم منو انا ؟
دلال : على راحتك ... باي

سكرته دلال وتمت تبجي لين ماتعبت من البجي زين روحها ماطلعت من الحره والبجي ... اخوها يوسف هو اخوها البجر حده طيب وحنون بس عيال الحرام قصوا عليه ومشوه بدرب الخمر والقعدات ... بس هي ماقالت حق صالح هقت ان ماعرفت شلون تقوله وكانت تدعي ان مايدري لاهو ولا اهلة .....يوسف محد يدري عن خرابيطه الا اهلهم القراب عشان جذي انصدمت لما صالح قالها ..... وام صالح عرفت لانها طلعت تعرف مرة ولد خال دلال .

اما صالح قعد بدراه كاره الدنيا ومو عارف شسوي ... امه حرته وهو طلع حرته ب دلال ...: الحين دلال شكو انفس عليها ... تستاهل شكو تخش عني حطتني بموقف بايخ ... بس مسكينه شكانت بتقول .. حدها راح تتفشل
ياربي عد السالفه على خييير
من كثر التفكير والمحاتاة نام صالح مع ان مو وقت نومته وراحت عليه نومه ماقعد الا متاخر حده استعسر لما شاف ان الساعه قريب ال 10 وهوللحين ماراح الشركة ... اول ماقام جيك على تلفونه مالقى ولا missed call من دلال ... غسل ولبس واول ما ركب سيارته رايح للدوام دق على دلال اللي طول الليل مانامت الا جم ساعة والجم ساعة اللي نامتهم كلها كوابيس
صالح( متعسر ): دلال وينج؟
دلال : ويني بالجامعه
صالح: دامج قاعده ليش مادقيتي علي ... وينج من أمس ؟
دلال ماكانت عارفه شالوضع ادق او ما ادق وماكانت تدري ان صالح نايم ... هقت ان هو مايبي يدق : ماكو ... مو من زمان قاعده كنت بدق بعد شوي
صالح: من امس ماشفت رقمج حتى مسج منج مافيه .... شفيج؟
دلال: مافيني سلامتك
صالح: خلاص قلبي متى تخلصين اليوم؟
دلال أول ماسمعت كلمة قلبي ردت فيها الروح : انشالله عال 3 اليوم... بروح المكتبه عندي جم شغله اسويها
صالح: ديري بالج حبيبتي

دلال كانت بحاله مايعلم فيها الا الله ناطره صالح يفتح الموضوع وياها تبي تعرف شنو بيصير وصالح مافتح الموضوع لان هو نفسه صالح مايدري شنو بصير وامة كل يوم بحاله امه رافضه الموضوع نهائيا
ام صالح صج انها طيبه وحنونه على عيالها بس وقت الجد تصيييييييير حييل شديده وماعندها تفاهم هي كانت تبي مصلحة ولدها كانت تخاف باجر يصير مشاكل او ان يوسف اخو دلال ياثر بحياتهم وهم كانت تبي زوجة صالح تكون نفس زوجة ناصر يعني جنة ترزها جدام الناس ووتشيحط فيها
صالح كان مو عارف امة رافضه دلال ليش بالضبط ... لان كان يكلمها او لان اخوها سكير او لان ابوها موصاحب منصب قوي مثل ابو فرح........... وكان من حرته من امه يطلع حرته ب دلال صار كل يوم لهم حال مره زينين ومره منفسيين

صالح: وينج؟
دلال : مجمع الصالحيه
صالح: شموديج ؟
دلال : ماكو اسوارتي مقطوعة ويايبتها المحل يصلحونها
صالح: وليشما قلتي لي ؟
دلال : جم مرة جربت ادق مالقط معاي
صالح: وماكو شي اسمه مسج؟
دلال : صاااااالح شفيك تكلمني جذي ؟
صالح: شلون قاعد اكلمج بعد ... طالعه منغير ماتتكلمين .. تبين اصفق لج يعني ..
دلال : لا مو عادي انت مو حاس بنفسك ... حدك تغيرت علي ماصرت مثل اول
صالح : مافيني شي بس تعبان ... وراسي يعورني
دلال: انزين اخليك يلا باي
صالح: وين؟
دلال : بدش المحل



دلال : صالح ودي اكلمك بموضوع بس حدي منحرجة منك
صالح: افا عليج تنحرجين مني انا ... امريني .. انا كلي لج
دلال : صالح شصار على موضوعنا ... امك ماقالت شي ... الحين صارلنا اكثر من شهرين
صالح( ضاق خلقه لما دلال فتحت هالموضوع هو كل يوم ويا امه بحاله .. وامه كارهه دلال واهلها ومو عارف شقول حق دلال.. قرر ان مايبين لها ان هو وامه بحاله على سالفتهم ) : والله حبيبتي انا ماسالتها انشالله هاليومين اكلمها هي تدرين لاهيه مع ناصر وملجته
دلال : الله يوفقة ... صالح؟
صالح: عيونه ... امراي
دلال : ترا انا صج احبك والله العظيم احبك ومابيوم قصيت عليك او خدعتك ... بس والله ماكنت عارفه شقول عن يوسف بس ترا صج هو طيب وزين لايغرك كلام الناس عنه ... ( بجت دلال وهي تكلم صالح حست انها صج مكسورة وضعيفة ... حست انها قاعد تترجا ان ياخذها ... صج كسرت خاطر نفسها )
صالح ( عورت قلبه دلال حس فيها حييييييل مكسوره مو هذه دلاله ...دلولته كانت عنيده كانت قويه ... بس الحين صارت مكسور) : حبيبتي انتي مايحتاج تقولين اكيد ان يوسف زين دامه اخوج اكيد ان والتعم فيه ... الله يهديه انشالله ويوخر عنه عيال الحرام ... بس تكفين حبيبتي لا تبجين والله قلبي يعورني عليج... اذا صج تحبيني وقفي بجي ... واذا انتي تحبيني انا اموت بحبج وصدقيني ماراح اخذ غيرج واذا على امي مصيرها بيوم ترضا لما تلقى اني ما ابي الا انتي .... انزين ياقلبي روحي ريحي الحين وانا بعد شوي اكلمج
اول ما سكر صالح التلفون من دلال راح حق امه : يمااااااااااا
ام صالح: هلا
صالح: ابيج شوي
ام صالح: احنا ماخلصنا ... شفيك ماتبي تفهم قلت لك ماني خاطبتها يعني ماني خاطبتها هالبنت انا كارهتها
صالح: ليش يما هي شوت لج؟ والله يما لو تعرفينها تحبينها
ام صالح: ماابي اعرفها ولا تعرفني ... تراك صدعت راسي من حنتك قلت لك تبي تتزوج عندي لك بدال العروس الف بس هالبنت لا؟
صالح: اي ليش عاد ... فهميني
ام صالح: اقولك اخوها سكير وراعي قعدات ..
صالح: ردينا على سالفة اخوها ... قلت لج هي غير بعدين انتي ماتعرفين الريال يمكن قصوا عليه عيال الحرام وانشالله يهديه ... بعدين مو لازم احتك فيه خو انا ماراح اشوفه الا بالمناسبات
ام صالح: لا بالله البنت مسويه لك غسيل مخ .. مو قلت لك ام سحور ودبور

---------------------------------------------------------------------------------------------------

وصلت لولوة شقتها مالقت سيارة حمد صافطة قالت اكيد ان طالع (اذكركم حمد نايم فوق بس سيارته بالكراج )
صفطت وراحت على شقتها أول مادشت الشقة : اللللللللللللللة شهالعفيسة .. شكل الشقة من طلعت منها ماتنظفت عالاقل جان ياب خدامة بيتهم تنظف شوي .... دشت لولو دار النوم والا تلقى حمد نايم على بطنة ولابس تيشرت سماوي وبوكسر كحلي مقلم بسماوي .. والكفر طايح عالارض ... تمت اطالعه مدة : شكله وايد تعبان .... حمد حدي اشتقت لك انا استاهل انا اللي ضيعتك من ايدي .. وهي تتأمل ب حمد ... يتها فكره .
طلعت لولو برا الدار ونظفت الصاله بسرعة تنظيف اي كلام بس عالاقل صارت الصاله نظيفه الواحد يقدر يقعد فيها ... تالي بطلت ادراج حمد وتعبثت فيهم اللي يشوفها يقول جنها قاعدة ادور شي . (تالي تعفون شدور)
تالي راحت غرفة النوم ومن عند الباب من غير ماادش : حمدددددددددددد حمدددددددددددددددد
حمد(وهو مو مستوعب ) : ها شنوووووووووووووووو؟
لولو : لوسمحت قوم ابي اخذ اغراضي
حمد ( انصدم ... لولو هني شتسوي .. على طول قعد من النوم وتم بالفراش يطالعها ) : شيايبج ؟
لولو: ياية اخذ اغراضي ... انا دزيت لك اكثر من مسج وانت مارديت هقيت انك ماتبي ترد علي مادريت انك نايم ... وصارلي فتره انطرك تقوم بس تاخرت ولازم ارجع الحين وبيت اهلي ماعندي هدوم كفاية والا جان ماضايقتك وقطعت نومتك
حمد: حصل خير ... دشي اخذي اغراضج ( تالي استوعب ان للحين بالفراش ولابس بوكسر) : ماعليج امر .. نطري شوي بالصاله على ما اغسل والبس

لولو( جنه صج شايفته مليون مره مفسخ والحين مستحي اشوفة بالبوكسر ) : انشالله تبي اسوي لك شي خفيف تاكله .. والا تبي جاي
حمد( استغرب منها وحس ان فشله يطلب شي مع انه حده يوعان ) : لاماله داعي انا شوي وبطلع
راحت لولو المطبخ سوت شاي وحطته بالصاله .. قام حمد غسل ولبس طلع الصاله والا يلقاها مرتبه انحرج من لولوة لان الشقه كانت صج بتمشي
حمد: الله يعطيج العافيه
لولو ( بنفسية ) : يعافيك ... انا بدش الدار اخذ اغراضي
حمد: اخذي راحتج
قعد حمد بالصاله يشرب شاي على مالولو تخلص بس هي طولت ومااحب يحن فوق راسها قام سواله توستة وجبن ياكلها على ماتخلص .. شوي والا لولوة طالعه : ادري طولت بس كبتك كان معارة عدلته لك وترا عندك وايد هدوم وصخه ودهم المصبغة او خل الخدامه تيي تنظف لك ... انت شقاعد تاكل ؟
لايكون التوست اللي بالسة داخل المطبخ ؟
حمد: اي
لولوة(تبتسم ) : هذا منتهي صارله قريب الاسبوع ....... ماقريت التاريخ ؟
حمد( حط الصمونه عالطاوله وقام يمسح حلجة ... معصب ): وشفيج مستانسة وانتي تقولينها ؟
لولوة : اضحك على كسلك ماتغيرت !!!!
حمد: صج لقالوا الجوع كافر ..... خلصتي عشان بمشي اروح اي مطعم اكل
لولو : اي خلصت ... ماعليك امر انا خذيت الاشياء الضرورية الحين وفي اغراض داخل بس ماعندي جناط لهم متى ماناسبك دز مسج عشان ايي اخذهم وقت ثاني .......... ومشت رايحه صوب الباب
حمد: وين طالعه ؟
لولوة : شنو بمشي في شي ؟
حمد : وين عبايتج؟ مالبستيها؟
لولوة : انا اصلا ماالبس عباة
حمد: نعممممممممممم صارلي 3 سنين متزوجج تهقين ماادري اذا تلبسين عباة او لا ؟
لولوة : انا لبست العباة لك ... ويوم ماتركتني تركتها ( ماقدرت لولو تقول طلقتني )
حمد: اي شي صح انا عمري ماقلت لج لبسي عباة من ملجت عليج وانتي عبايتج لابستها
لولوة : انا ماقلت اني لبست العباة منك انا قلت لبست العباة لك ... لما كنت تكلمني ايام الخطبه مرة من المرات قلت انك تحب المرا اللي تستر عمرها وتلبس عباة تحب ان الشي اللي تشوفه مايشوفه غيرك ... عاد انا لبست عباة قلت ريلي ومااخلي شي بخاطرة
حمد حدة انصدم من رد لولوة ماهقى ان لولوة الغثيثة اللي 24 ساعة نجرة معاها لهدرجة تطيعة ومحافظة عليه سرح شوي بماضيهم لقى ان حتى هو ماقصر معاها بالغثى : لولو ... قصدي لولوة عادي تقعدين شوي ابي اكلمج


-----------------------------------------------------------------------------------------------

محمد: زيون حبيبتي شفيج ..... شاللي مغيرج ؟
زينة : محمد تكفى لاتحن ... مللتني من كثر حنتك
محمد: لو ماتهميني جان ماحنيت ... انتي متضايقة مني انا سويت لج شي ضايقج ؟
زينة ( لقتها فرصة ... وسوت روحها انها متضايقة ) : صراحة محمد انا مو عارفة شقول لك اخاف تفهمني غلط
محمد: افا عليج قولي فتحي لي قلبج
زينة ( بصوت حزين) : امي هذاك اليوم عورت قلبي .. كانت تتكلم عني وعن تربيتها لي وشلون هي مستانسه انها عرفت تربيني عدل ... ومن يومها انا موعارفة اكلمك ... احس بالذنب ناحيتها حتى الليل مو قادرة انامة احس اني غشيت امي
محمد : بس زيون ... انتي لو ماواثقة اني احبج وابيج جان ماكلمتيني .. بعدين انتي لاطلعتي معاي ولا شي ... واذا علي انا صدقيني اني شاريج بس انطر اني اخلص دراستي واتقدم لج
زينة( ولييييييييييه هذا صج لوعة ): بس محمد والله مو قادره اكمل معاك انا حتى الكلام مو قادرة اتكلمه ... وشوفت عينك صارلي جم يوم على هالحال كله مهمومه ومتضايقه ... ابي ارتاح بس مابيك تتضايق
محمد: حبيبتي انتي اللي يريحج يريحني ... ودام ان هذا السبب اللي يخليج تبين تتركيني بالعكس هالشي يسعدني ما يضايقني ... بس عالاقل طمنيني عليج بين فترة وفترة وانشالله انا هذا اخر كورس لي تالي اتقدم لج
زينة( مو مصدقة انها افتكت منه بهالسهولة ) : صج يعني عادي عندك ؟
محمد: اكيد مو عادي بس السبب اللي قلتي لي اياه مااقدر اجادلج فيه هذه امج والزم ماعليج رضاها ... واصلا انا الحين حبيتج زود.....................
محمد صدق كلام زبنة وقرر ان يتركها ووقت مايخلص دراسه يتقدم لها .... زينة حدها استانست ان الموضوع عدا على خير : الحمدلله يارب .. يارب سامحني ووفقني مع حمد والله اصير خوش بنت ... يارب رجع حمد لي وخلة يخطبني

 

[عالمي المجنون]

شكرا ع البارت الحلو

ادري مصخناها

بس بعد نبي بارت

يعطيج العافية ياقلبي

وعن توقعاتي اممم

اتوقع محمد مايفضح زينة

وباقي التوقعات نفسها

^_^

 

[MeeMeeYoo_2]

يحليلها الحين بترد حق حمد :\
وحمد شكله برد حق لولوه :\
مو صج :\
لوووووول
يعطيج العافيه

 

[rawabi]

انشالله يعجبكم البارت .... مع اني قريته قبل لانزله وصلحت البدليات هم طلع فيه وايد بدليات.... عاد انتوا طوفوا جنكم ماتدرون .... انشالله يعجبكم البارت

 

[rawabi]

شكرا ع البارت الحلو

ادري مصخناها

بس بعد نبي بارت

يعطيج العافية ياقلبي

وعن توقعاتي اممم

اتوقع محمد مايفضح زينة

وباقي التوقعات نفسها

^_^

لا شدعوة مامصختوها .. بس اذا نزلت بارت ثاني راح تخلص القصه بسرعه

انشالله باجر ينزل بارت ثاني

 

[عالمي المجنون]

والله حدها تشوق

ودي اقرى كلها مرة وحدة

وتسلم اناملج الذهبية

بالعكس مافيها اخطاء وايد

^_^

 

[الاحاسيس المبهمه]

وااااي هل الزييينه شفيهااا بس احس محمد خوووش رياال

يسلموو ناطرينج

 

[rawabi]

بنات تبون انزل القصه كامله باجر والا اكملها بارتات ... ؟ ان بسوي راي الاغلبية
التصويت لباجر الصبح .... واللي تقولونة بصير انشالله

 

[الاحاسيس المبهمه]

كاااااامله باااااااجر

نبيي نخلصهاا قبل لووية المدرسه

وتسلمييين حبيبتي

 

[kity]

واوو ننطرج

 

[OM FHD]

PArt 7iloooo ,
laaaaaaaaaa3 aham shay 9ali7 w Dalal ;p

W Sure nabeha KAmlaaaaaaaaaaaaaaaa


Waitning 4 U
ana m3 el Qe9aa kamlaaa​

:ggdw:

 

[MeeMeeYoo_2]

كااااامله باجر

يعطيج العافيه حبيبتي

 

[زهور الجمان]

كاااااامله باااااااجر
بلييييييييييييييييييييييييييز