البارت ال 15 :
صالح أول مادرا عن حمد وطلاقة دق على حمد
صالح: السلام عليكم
حمد : وعليكم السلام هلا بو عبدالرحمن
صالح: هلا فيك يالغالي ... انشاللة انك بخير ( صالح وايد انكسر خاطرة على حمد فوايد صاير حنون وياة هو اصلا صالح حييييييل حنون بسرعة ينكسر خاطرة )
حمد: هلا فيك ..
صالح: شلونك ؟ انشاللة مرتاح ؟
حمد: بخير ... امر ؟
صالح: مايامر عليك ظالم ... ماكو اشرايك نطلع ؟
حمد: وين؟!!!!!!!!!!!!!!
صالح: شرايك نروح كافية ... شرايك الراية او ستاربكس البدع .. احنا بنص الاسبوع مااهقى اكو زحمة
حمد: وييييييية من متى صرت راعي طلعات ؟ ماشي ... نمرني او امرك ؟
صالح : لا انا امرك ..
مر صالح حمد وراحو الراية قعدوا ب water lemon وصج ماكان زحمة
صالح: بعد قولي شلونك ؟
حمد: تراك اذيتني كل دقيقة قايلي شلونك ؟ مو ناقص الا تبجي .... ترا مو اول واحد ولا اخر واحد يطلق ... شفيك حسستني جني احتضر
صالح: اسم الله عليك بس مابي تكون مضايق
حمد: لا متضايق ولا شي ... بعدين تعال حتى فيصل طلق ليش ماناديتة معانا جان كملنا والا بس انا اللي اكسر الخاطر
صالح: لا مو عن بس فيصل توة متزوج ماامداة يتعلق بزوجتة.... وفيصل راعي روحات وردات مسرع ماراح ينسى بعدين اصلا فيصل من طلق مجابل سعود ... تقول جنة سعود يبي يعوض الشهر اللي غاب فية عنة .. انا اقول لو فيصل ياخذ سعود واييد ابرك لهم هم الاثنين ههههههه
حمد: اي واللة صاج... عسى اللة لا يفرقهم هههههههههههه
صالح: اي جذي اضحك .. خل الهم عنك
حمد: تبي اكفخك انت .... شفيك جذي قلبك رجيج ... اي هم من قال اني مهموم ..... شدراك عني يمكن الحين بس ارتحت
صالح: مادري بس انا دايم اسمع من الاهل ان مرتك خوش مرة
حمد: ويعني انا اللي ابن كلب ؟
صالح: محشوم بس مادري فكر ... عيد احساباتك
حمد: تدري انا اللي غلطان طالع معاك ... واللة اذا ماغيرت السالفة اقوم وارد بتاكسي
صالح: لا خلاص .. بغير السالفة
-------------------------------------------------------------------------------------------------
المكان : بيت بوصالح
ناصر يدور امة بالبيت نزل الصالة مالقى الا زيون وسارة
زينة: نصور ماقلت لك عن اللي شفناها .... تهبل
ناصر : انزين..... وين امي؟
زينة : نصور اقولك تهبل ....تقول وين امي
ناصر : صج تهبل .....وااااااااااي يابخت اهلها وين امي ؟
سارة : صج انت مو صاحي ... الحين بغيت تموت عشان تروح معانا والحين ولاجنة السالفة تهمك ... مسرع ماهونت ؟
زينة : اي والله شفيك غيرت رايك؟
ناصر: ماغيرت رايي .. بس لقيت فارسة احلامي
زينة (تتطنز ): لقيتها على حصانها الابيض ؟
ناصر : لا ياحلوة..... لقيتها ببورشها الكحلي (سيارة فرح)
سارة : عشتاو عندها بورش بعد
ناصر : لا وابوها وزير
زينة : ياانت ... منيشن الاخ
ناصر : خلصوني وين امي ؟
زينة : بدارها
راح ناصر دار امة ركض وهو يصرخ : يماااااااااااا..... يمااااااااااااااااااااااااااااااااااااااا
ام صالح: شفيك خبصت قلبي ..... اكيد الملاقيف اللي تحت قالولك عن اللي شفناها
ناصر: لايما هونت مابيها
ام صالح: نويصر انت تلعب علينا تحن تحن تالي تهون ؟
ناصر : لا يما ماهونت ... بس لقيت البنت اللي بتزوجها
ام صالح: وين لقيتها
ناصر : الله يسلمج يما عندي واح من ربعي يشتغل بشركة زين للاتصالات عاد اليوم مريتة دوامة وانا عندة والا اشوف ذيك البنت اللي اطيح الطير من السما ... مؤدبة وخجولة وسنعة وحدها حدها محترمة .... سيدة دشت قلبي ... عاد انا قلت الشكل مو كل شي خل اسال عنها صاحبي ... قلتلة بو وليد هالبنت الحلوة المؤدبة منو
قالي هذي فرح ال ........ والا اقول والنعم واللة خوش عايلة هذي... فوق الجمال والاخلاق الاصل والفصل عاد مابقى شي ما سالت عنة طلعت البنت كاملة والكامل الله
ام صالح: عايلتها مو غريبة علي جنهم من نسايب بيت ريل خالتك فوزية ....دامك على قولتك عرفت عنها كل شي ....ماتدري شصير لها الوزير؟
ناصر : بلى يما ابوها
ام صالح: خلاص .... باجر ادق على خالتك فوزية اسالها عن البنت.. تالي يصير خير.. شقلت اسمها ؟
ناصر : فرح ..... بالذمة يما ناصر وفرح مو قمة النتاغم تحسين اثنين حلويييييين ناصر وفرح حتى بطاقة العرس بتصير حلوة ناصر وفرح ....... يماااااا اتصدقين هالبنت نصيبي ؟
ام صالح: ليش بعد لايكون حلمان اك بتتزوج وحدة اسمها فرح ؟
ناصر : لا يمااااااا شقالولج ... بس مالاحظتي ؟
ام صالح ( وهي مالها خلقة ): شلاحظ بعد ؟
ناصر : غير التناغم والتوافق اللي بين اسامينا هي اسمها فية حرف الراء وانا اسمي اخر حرف راء مو قلت لج نصيبي ........ عاد يما اذا ماعجبتج دوري لي وحدة اسمها يناسب اسمي يكون بينا احرف مشتركة
ام صالح: اذلف برة لا اهفك باقرب شي عندي
ناصر : بذلف ... بس دقي على خالتي فوزية عشان اذا صار او ماصار ادور غيرها
ناصر كان وايد ذكي بحركتة هذة لان هو عارف امة عدل... امة وايد تهتم بالعوايل والاصل والفصل وغير هذا بين ان هو مايعرف فرح ولا مصر عليها لان يعرف ان امة ماتحب هالسوالف واذا شافته ان مصر عليها بتشك ... ناصر كان اكثر واحد فاهم امة من اخوانة ... وطلع تفكير ناصر صح لان بنفس الليلة امة دقت على اختها تسأل عن فرح .
ام صالح: هلا فوزية ... شلونج؟ وشلون العيال ؟
فوزية : هلا فيج حبيبتي .. كلهم بخير تسلمين
ام صالح : اقولج الوزير ال.... يصير حق ريلج صح ؟
فوزية : من نسايبهم ليش ؟
ام صالح: بيني وبينج ... انتي تدرين ان ندور حق نصور مرة وسمعت ان عندة بنت حليوة قلت اسال عنها
فوزية : قصدج فرح ؟
ام صالح: اي . شنو هو ماعندة الا فرح ؟
فوزية : بلى بس فرح البجر والباجين صغار مو مالوت زواج
ام صالح : الا مرتة من بينته .؟
وخذت ام صالح المعلومات كلها من اختها مابقى شي ماسالت عنة وفوزية وايد مدحت بفرح واهلها
ام صالح: وااااي بردتي قلبي اللة يبرد قلبج والله كنت احاتي !
فوزية : شتحاتين ؟
ام صالح: احاتي نويصر ... من يبتة وانا احاتيه من شطانتة ولما كبر كنت احاتي لا اييب لي وحده من الشارع ويقول هذة زوجتي ... والله جان وقف قلبي .. اثاري ياحليلة يعرف ينقي ...
فوزية : يعني خلاص انشالله بتخطبينها له ؟
ام صالح: دامج تقولين البنت سنعة وحلوة وامها حبيبة ... وداشة خاطر ولدي ... ليش لا ... خل اشاور بو صالح والله يكتب اللي فية الخير
شاورت ام صالح بو صالح وهو جاوبها انها تسال عن البنت واذا عجبتها تتوكل على الله بس ام صالح ماقالت حق ناصر تبي اتيننة شوي... وناصر ننطر يوم يومين 3 قرب الاسبوع يخلص وامة ماردت لة خبر
فرح : ناصر اشوفك لاخطبتني ولا شي !!!!!!!
ناصر: ياحياتي..... صج طايحة بجبد نفسج
فرح : ياغثك ... ليش اطيح بجبد نفسي انشاللة... شناقصني ... اصلا الف وواحد يتمنوني
ناصر : اي بس انتي ماتتمنين الا واحد
فرح : اش هالثقة ؟
ناصر : نسينا نسينا ماكلينا ... ناصر احبك.... ناصر اموت فيك .... ناصر عفية تزوجني
فرح: تعايرني يانصور ... خلاص عيل انا ماابيك واذا خطبتني بردك
ناصر: يلا عاد لا تصيرين مليقة .. اتغشمر معاج
فرح(مكسور خاطرها ): انا غلطانة بينت لك اني احبك حييل .. عاد دايم اسمع اخذي اللي يحبج ولاتاخذين اللي تحبينة ... احنا ماتزوجنا وطايح معاير فيني ... شفت نفسك علي
ناصر : منو هذا اللي شاف نفسة عليج ياكل تبن الا ياكل خرا انا اشوف نفسي على فروحة شيخة البنات ... انا لوما الميانة جان ماقلت جذي ... بعدين مو بس انتي تحبيني ... انا احبج موت ... انا حتى النفرة لطلعت بويهج احبها
فرح : وووووع شنو نفرة انت الثاني ؟
ناصر : شفتي شلون قلبي ... اني احبج اكثر من نفسج انا حتى النفر والدمامل اللي فيج احبها
فرح : اوووووووووو خلاص اسكت .. درينا انك تحبني
ناصر : اي تسنعي مو تشكين بحبي لج ....
فرح: صج والله ..
ناصر : اصلا يافروحة انا من دونج اضيع ....لحظة شوي
فرح : وين رايح ؟
ناصر : اقولج نطري والا تدرين شلون شوي وادق ... باي
سكر ناصر الخط ردت فرح ادق علية والا عندة خط ثاني تنرفوت حدها دقت 4 مرات ما رد
تالي رن تلفونها والا تتكلم وحدة وتقول : لديك اهداء من صاحب الرقم ...... 99688
ناصر كان داز لها أغنية ...
يا حبيب عمري أنا
يا حياة روحي أنا
يا جناحي في الهوى
يا بحوري في الهنا
شويه إن قلت أحتاجك
شويه إن قلت أشتاقك
و شويه إن قلت أنا كلي لك
و شويه إن قلت أهواك
لو تجمع حب العالم
و احساس و شوق العالم
و كلام الحب
وأغاني الحب
ما تساوي يا عمري غلاك
إياك تظن إياك
وتفكر يوم أنساك
إياك تظن إياك
وتفكر يوم أنساك
أو أنسى بلحظه هواك
حبيبي يا حبيبي
إياك تظن إياك
تفكر يوم أنساك
أو أنسى بلحظه هواك
يا حبيبي يا حبيبي يا حبيبي أنا
من خوفي عليك يا أعز الناس
من خوفي عليك أنا خفت الناس
من خوفي عليك يا أعز الناس
من خوفي عليك أنا خفت الناس
لك طله جميله عجيبه غريبه ترد الروح
فيها معنى الحب لها دق القلب تداوي جروح
يا أجمل من في الوجود خذني لأبعد حدود
لدنيا من الورود فيها إنت إنت حبيبي
إياك تظن إياك
تفكر يوم أنساك
يا أعز الناس إياك
تفكر يوم أنساك
أو أنسى بلحظه هواك
حبيبي يا حبيبي يا حبيبي أنا ________________
اول ماخلص الاهداء دقت فرح على ناصر : انت مو صاحي تصكة بويهي عشان ادز اغنية ؟
ناصر: حبيبتي شعرفج بالرومانسية انتي ؟
فرح: حياتي انت .... تسلم ياريت دايم ادز لي اغاني حب
ناصر : ولييييييييييييييييييييه يامن شرا له من حلاله عله ... انشالله مايطير المعاش على فاتورة تلفوني على بو ادز اهداءات
فرح: وااااااااي صج انت ماتتغير تحب اتجعمني ... انا ادفعهم ياالبخيل .
ناصر: افا عليج خلاص دامج تدفعين اصبحج باغنية وامسيج باغنية .... الحين اخليج.... اسمع حس الوالدة بالصالة خل اروح اشوف شصار علينا
فرح: اي تكفى روح بسرعة
ناصر : وتقولين مو طايحة بجبد نفسج هههههههههههههههههههههههههههه
----------------------------------------------------------------------------------------
زينة كانت قاعده بدارها تفكر : وااااااي اخيرا طلقها مابقى والله هقيت اني بموت قبل لا ايي هاليوم ... حياتي ياحمد والله ل اعوضك عن كل السنين اللي ماكنا فيها بعض ... يارب يخطبني ... يارب يسامحني وينسى اللي فات والله لأشيله بعيوني والا يرن تلفون زينه واللي داق محمد : اووووووووووو هذا شيبي ماني راده عليه دق محمد اكثر من مره وزينه مطنشه : اووووو صج لزقه .... امبي خل ارد.... انا دازه له صوري صج اني حماره ... خل ارد لا يمشكلني
زينه : الو
محمد : هلا حبيبتي ... وينج كسرت تلفونج ليش ماتردين ؟
زينه : ابد .... بس كنت تحت قاعده مع اهلي ... وجهازي فوق بداري
محمد: شفيه حياتي ليش منفسه جذي ... احد مضيق خلقج ؟
زينه : لا بس تعبانه شوي ... محمد تبي شي ... شوي انا مشغولة
محمد( حييل اندقر من زينه ) : لا بس كنت مزهب لج اغنيه بسمعج اياها ..
زينه : شنو ؟
محمد: لا خلاص .. متى ماصرتي فاضيه اسمعج اياها ... ديري بالج
زينه : اوكي ... يلا باي
محمد: زينه؟
زينه : هلا
محمد: ترا ماكو شي يسوى تضيقين خلقج عليه جذي .... واذا بخاطرخ شي تبين شي تراج تامرين
زينه (ابي فرقاك) : تسلم باي ........( زينة بقلبها ) ويييييييييييييييييييييييييييييييه هذا شلون بفتك منه .. انا حمارة شكو ادز صوري حقة ... ماكو الا اتم وياه لينا اتاكد ان الصور صج ممسوحة .. وااي بس شلون بتاكد
محمد كان مزهب أغنية قررت ( اموت بحبك )مالت مجيد
-----------------------------------------------------------------------------------------------
ناصر نزل الصاله تحت عند امة : يمااا ... يا ام صالح
ام صالح: هلا بمعرسنا
ناصر : شنوووووووووووووووووووووووووووو ... يما شقصدج ؟
ام صالح: قصدي بشنو ؟
ناصر : يما لا تلعبين فيني ... ابوي وافق ... البنت عجبتكم ؟
ام صالح: البنت تهبل ... ماسمعت عنها الا كل خير وانشالله هالجم يوم بادق اخطبها
وفعلا خلال الاسبوع تمت خطبه ناصر وفرح والاسبوع اللي وراة خطبة الرياييل وبدوا تجهيزات الملجه اللي قرروا يسووونها نهاية الكورس .
اما حمد ولولوة على نفس الحال الاهل يحاولون يصلحون بس الاثنين راكبين راسهم ... حمد اهله وايد يضغطون عليه كان راد من الدوام وهو متنرفز كانت امه توها داقه عليه تكلمه عن موضوع لولو
حمد: خلاص يماا ... انا ولدج والا هي ... شفيج بس تحاتينها هي ومافكرتي فيني انا
ام حمد: يا حبيبي انا لو مااحبك وابي لك الخير جان ماقعدت احن فوق راسك
حمد: خلاص يما تكفين سكري الموضوع ... توني طالع من الدوام ومالي خلق نفسي ... اكلمج بعدين
من التنرفز كان حمد بيلف دعم الرصيف وانكسر رينج التاير ......: اوووووووو وقته هذا ... استغفر الله ياربي ... الله ياخذ لولو وساعتها ... تم حمد ناطر فوق النص ساعه على ماوصل سايقهم عشان ياخذه .. : يمااااا ترا ماني ياي اتغدا بروح شقتي
ام حمد: ليش يما ... وغداك ؟
حمد: مو مشكله اتغدا تالي رفعي لي الغدا ماعليج امر ... انا بروح الشقة انام تالي ايي اتغدا
ام حمد : على راحتك يما
وصل حمد الشقة ومن التعب بس بدل على طول حط راسه ونام ..... العصر دزت لولوة مسج حق حمد :
حمد بعد اذنك انا بيي الشقه عقب ساعه اخذ باجي أغراضي
لولو دزت المسج عشان حمد اذا كان بالشقه يطلع عشان تاخذ راحتها ولانها مالها خاطر تشوفه
نطرت لولو رد من حمد بس مارد ...لما قربت الساعه تخلص دزت مسج ثاني :
ترا مسافة الدرب واوصل
تنرفزت لولو من حمد : شدعوة عليه مايرد علة مارد
لبست لولو وطلعت رايحه شقتها
