زوجي يخوني مع رفيجتي :(

[عبير العنزي]

اصعب شعور انج تعيشين مع انسان ماتثقين فيـه

وحسبي الله عليها هذي شنو من رفيجة؟؟

حبيبتي اذا تأكدتي من الخيانه وتأكدتي من العلاقه اللي بينهم لاتسكتين

لاتخلين بيتج ينهدم جدام عيونج وانتي تتفرجين دافعي عن بيتج اقلبي الدنيا على راسها افضحيها جدام اهلها

دخلي ناس بالسالفه..بس قبل كل هذا كلميها وهدديها انج ماراح تسكتين لها

بس المهم انج تمسكين دليل واللي عندج مو دليل( نفس المسج) حاولي تراقبين تصرفات زوجج بهدوء وبذكاء

وحاولي تمسكين شي عليها تقدرين تواجهين فيه

وارجع واقولج الغلط الاول من زوجج

 

[blue bunneh!!]

اصلن شكو ضايفته و تقلد نكاته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


تروحين تكلمينها مثل ما قلت لج

 

[q8tiaa81]

ولله يابنات من حر مافيني لما يقرب مني ودي اصرخ واقوله ماحبك وخر عني قمت احس نفسي مغفلة واحسه حقير ياريت بس اتأكد عشان لما اواجهه يكون في دليل قمت اخاف اخليه بروحه لحظة بس ماكو فايدة دام يداوم ويروح قهاوي وانا ازور يعني لازم يظل بروحه وبيلاقي وقت

 

[q8tiaa81]

ماتنزل اكلمها اكرهها وهم ماقدر اقولها ليش مقلدة اللي كاتبه زوجي مادري ابي شي استند عليه قوي وصاجة ياعبير العنزي صعب تعيشين مع شخص مو واثقة فيه ولو كانت بعلاقة معاه انا مابيه اصلا حتى لو انهدم بيتي لاني ماراح اثق فيه بعد لانه كان حالف عالمصحف اللي يحلف عالمصحف جذب شلون اثق فيه بعد واعيش معاه

 

[blue bunneh!!]

خو انتي مراح تكلمينها حبا فيها !!!
حبيبتي وراج بيت و عيال مو وقت احبها و ما احبها و اكرهها و ريحتها مشمش :\ < الاخيره من عندي لووول
تدقين عليها بكل جراة . و مثل ما اهي متفرعنه تبينيين لها انج اقوى منها و شخصيتج تمسحها من الارض
قوليلها : كلمتين ما اطولها , بتوخرين عن زوووووووووووجي و لا تبيني اوخرج ؟؟

 

[q8tiaa81]

قتلج حبي ابي اتأكد ولو تأكدت انا مابييييييييه فماله داعي ادق عليها لو اهو يكلمها صج انا مابيه خلاص شبي بواحد خوان ويحلف جذب

 

[blue bunneh!!]

اوكي
تبين تتأكدين
1-دزي مسج من رقم ريلج رساله شعر اي شي على تلفونها شوفيها شترد ؟؟؟؟
2- طلعي برنت على رقم ريلج شالمشكلة حبيبي مو واثق من نفسك ؟ طلع برنت
و اذا تاكدتي ان مافي شي ردي عليها من التلفون خل تسمع صوتج عشان تخاف ما تفكر ترد

 

[بلسم جروحي]

ادري شكثر مجروحه ومصدومه لكن صدقيني يا حبيبة قلبي لا تسوين شي تندمين عليه طول العمر
اوكي واجهتيها وبعدين رح ترد عليج رد يجرحج اكثر من اول ...وهو تروح هيبة انج تعرفين اللي مسويه . خلي عنج العصبيه واهدي وحطي عيالج بين عيونج لا تخلينها تنتصر عليج وتاخذه بارده مبرده , تمنعينه عنها رح يلقى غيرها مو مشكلة البنات المشكله فيه هو دايما ذكريه بالله سبحانه
وان الله يعاقب بنفس جنس العمل وفي اعز الناس عنده , وصلي بنص الليل ركعتين واطلبي واحد
لا يغفل ولا ينام وابجي من قلب هو اللي شايف وسامع , لكن اياج تكلمينها وتعطينها قدر وهي مو كفو , اقعدي بروحج وشوفي انا شنو مقصره فيه وشنو عندها او مسويته اللي عجب زوجي , واقري على نفسج قران وامسحي على قلبج ان الله يثبتج ويعطيج القوة ادري مهما قلت ما رح
اطفي النار المشتعله بقلبج يا قلبي لكن خليج قويه وثابته ترى الريال ما يبي المره الضعيفه واللي
تفضحه وتصرخ وبعدين ما تسوي شي لا احد يدري من اهلج او اهله صيري ستر وغطا له ورح
يبين بعينه صدقيني , عمر الطلاق ما كان حل وخصوصا انتي عندج عيال لا يا حبيبة قلبي لا تتهورين ... ادري طولت عليج وايد بس اذا تبين اي شي راسليني عالخاص .الله يبرد قلبج​

 

[عالمي انا غير]

هشئ يعور القلب حيل حتى لو قاطعتيها كلميها خل تتركه وقولي لها ترى الرجال عمره مايحترم البنت اللي كلمها وهو بعد لازم يغير رقمه قوليله لو تعزني صج غير رقمك وبخصوص ربعه ما اظن صعب يقول لربعه هذا خطي الجديد بمسج بس هو حاب هشئ وماوراى السواهي الادواهي حسبي الله عليهم صج مايستحون وربهم ولا ع البال استغفر الله ياربي

 

[q8tiaa81]

اولا اخاف مايكون بينهم شي ولما ادز مسج ترد اهي وتستانس او ممكن يكون في شي وردها يكون عادي وشلون اطلع برنت والرقم باسمه

 

[عالمي انا غير]

هشئ يعور القلب حيل حتى لو قاطعتيها كلميها خل تتركه وقولي لها ترى الرجال عمره مايحترم البنت اللي كلمها وهو بعد لازم يغير رقمه قوليله لو تعزني صج غير رقمك وبخصوص ربعه ما اظن صعب يقول لربعه هذا خطي الجديد بمسج بس هو حاب هشئ وماوراى السواهي الادواهي حسبي الله عليهم صج مايستحون وربهم ولا ع البال استغفر الله ياربي

 

[ترانيم القصيم]

اذا متاكدة كلمي احد من اهلها
بس الاهم تتاكدين مو مجرد شك
والله يهديه ويسخره لج​

بالضبط ,, تأكّدي بالبداية ,, لا تقررين شي استنادًا على الشكوك

لازم يكون معك دليل ,, عشان لا تصير السالفة إنك تتهمين بنتهم من دون دليل

بلغي أحد من أهلها و معك دليل يدينها و يثبت تورّطها بعلاقة مع زوجك ,,

الله يهدي الكل و الجميع ,

احترامي و تقديري

ترانيم القصيم

 

[ترانيم القصيم]

اانا عمري ماخليته يشوف رفيجاتي بس هذي شافها معاي مرة وباق رقمها من تلفوني

الحجاب الشرعي حل للجرايم الزوجية

لو كل البنات يلتزمن بالحجاب الشرعي الصحيح آللي أمر به الشرع كان الشباب ما انفتنوا بالنسوان و بالتالي ما تتعرض أي وحدة فيهم للتحرش ,

 

[shaimaahmed]

عورتي قلبي وذكرتيني بذكرى ابد ما ودي اذكرها

حبيبتي سووي نفسي واجهي واحسن طريقه للتخلص من الشك وكل شي يدور في بالج انج تواجهين وانا ما ودي اضايقج بهالكلام بس لازم تسوينه انج تتعبين يوك واحد وتراقبينه اذا طلع او اننتي تطلعين والموضوع يبيله تفكير بس احسن شي للمرأه انها تنسى هالخيانه لانج صج رح تتعبين

والله يكون بعونج ويجعل كيدهم في نحرهم لانه بالنهايه اثنينهم قراب عليج

االله يسهل امورج

 

[بلسم جروحي]

صدقيني لا تتهورين وبعدين تعظين اصابعج ندم لا تفرحين العدوات فيج اخذيها نصيحه من اخت
لا تتخذين اي تصرف وانتي بهذي الحاله قعدي لج جم يوم فكري بهدوء لا تتسرعين ترى كل ما
تانيتي تقدرين تتخذين قرار افضل بس اذا تبين عيالج ما يصيرون مشتتين ومثل الايتام وابوهم
موجود , حرام لا تفكرين بنفسج انتي برقبتج عيال واذا انتي شاطره لا تخلينها تنتصر عليج .​

 

[غـيوض]

لا حول و لا قوة الا بالله ,,,

حسبي الله عليها بسس .. ​

 

[q8tiaa81]

ولله فاهمة كلامكم بس انا لو اكتشفت انه خايني مرة ثانية معاها لو بمسج بكره ماراح اقدر اقعد معاه قلبي وايد مجروووح انجرحت مرة وسامحت ارد انجرح بعدد صعبة وللله صعبة خصوصا انه حلف عالمصحف شلون امن فيه و كان حالف وردلها قولولي شلون امن

 

[بلسم جروحي]

منو اللي يضحي بالدنيا هذي غير المره طول حياتها كله تضحيات بس قولي يا رب ثبتني على
طول بلسانج ترى ما رح يصير فينا شي اذا لا سمح الله انفصلتي بس قلوبنا الله يعلم معاج
والله ادري الجرح كبير وفوق الوصف بس شتسوين هذا اللي ربج قاسمه لج فيه ناس يموت لهم
عزيز الله يكافينا الشر قولي الحمدلله ويا رب تعيني والله سبحانه بعينج .​

 

[كنوشة 2009]

اخذي تليفون زوجك ودزي لها مسج جن اهو اللي داز المسج وشوفي
شنو ترد عليج علشان يكون عندج دليل على الاثنين
بعدين واجهي زوجك وحطي النقاط على الحروف
واهي مسحي فيها الارض وهدديها
والله يهدي زوجك

 

[Y.H.Q.]

فضحيها عند اهلها