زوجي يخوني مع رفيجتي :(

[صريحة جدا جدا]

ديري بالج ولا تستهيين بالامر ترى انا زوجي خاني مع اعز رفيجاتى وفضلت انكوي بنار الشك والغيرة ولما كنت اواجه يرفض ويقولى انى غيورة ليما طحت عليهم وى بعض ومقابلات وغرامات ورفضت اكمل وياه واطلقت منه وافتكيت رغم انه ترجانى وايد اسامحه لكن مااقد\رت انتى صلي وايد واستغفري ربج واهدي وفكري عدل والاهم تتاكدين قبل عشان لا تظلمين

 

[Loca]

يــــاحيــــاتي ططيب كلممي إأبـــوها ولا إأخـــوها خليــه يضبــــها

الللــه يعيــــنك فديــتك

 

[حراااااير]

الله يفرج همك يالغاليه..

بصراحه زوجك هو الغلطان ومب حاله ذي كل ماشاف وحده من خويتاك تعجبه ياخذ رقمها عيني عينك من جهازك ؟؟

يعني تنقطعين عن العالم عشان حضرته؟؟

والمفروض ماسكتي له من البدايه لما شفتي رقمها كان واجهتيه وقلتي له كيف وصل رقم البنت لعندك؟؟

ومن ناحية البنت لو رحتي وتسببتي معاها ماراح يفيدك لان زوجك هو الي يطارد وراها ..

ولو قدرتي توقفينها عند حدها زوجك بيدور غيرها

نصيحتي تعوذي من ابليس وكثري دعاء واستغفار وحاولي تتقربين منه وتهتمين فيه اكثر

والله يهديه وترجع علاقتكم احسن من اول ..

 

[q8tiaa81]

انا واجهته من قبل وقالي باق رقمها من تلفوني وشرحلي شلون صارت العلاقة عموما بنات انا نمت من 2 لي الخمس صليت الفير قريت قران ومانمت للحين قام وعازمني عالريق مضطرة اروح وياه وااجامله على ماكتشف الحقيقة ويكون بيدي دليل ذيك الساعه راح يكون الطلاق اهو الحل حتى لو عشان عيالي شسوي بعد ماقدر اتحمل مع جذاب وخوان

 

[أم سليمان دشتي]

حبوبه اخذي تليفون ريلج وضيفي رقمها وسويلها بلوك بعدين مسحيه
وان شاءالله ما تقدر تطرش عن طريق الواتس اب شي
جربي هالطريقة

انا مع هالحل وواجهي رفيجتج وقوليلها وربي ان ما تسنعتي لخلي الي ما يشتري يتفرج وفضحيها بالمكان الي اهيا فيه دوامها بيتهم خل تصير سنعه وتتغير مالت على هالرفيجات:eh_s(10)::eh_s(10):

 

[الزين والحلا]

الله يفرج همج اختي.

مع احترامي لجميع الردود. عجبني رد الاخت بلسم جروحي. اللي فيه رجاحة عقل ولا يهينون الباجي

وانا اقولج تريثي واصبري وصابري لمن تمسكين دليل ثابت عليهم وتتاكدين وبعدين انتي سيدة الموقف

وفقك الله

 

[حوريه عسل]

والله الدنيا قامت اتخرع

لاحول ولا قوه الا بالله

مالج اللا الله سبحانه توكلي على الله و ادعي ربج الصبح وبليل وكثري من الاستغفار

 

[•Brown•Sugar•]

مو عذر هذا رقمي من زمان ومابي اغيره
دقي على بنت ابليس وقوليلها
كلام يوصلج ويتعداج هالمره انا كلمتج وبحذرج
المره اليايه مالي كلام الا مع اهلج
ويا انا يا انتي

 

[أو عبوش]

روحي لها ونتفي حواجبها وشرشحيها جدام اهلها

 

[وردة الحياة]

رفعي السماعه عليها وقوليلها شكو تدزين مسجات لريلي؟؟؟؟؟؟

اهوا بالطقاق اللي يطقه بس تالشرهه على رفيجتج الخايسه الغير محترمه

على فكره ترى وايد شفت من رفيجاتي ريل وحده ثانيه يتحرش فيها...بس البنت المحترمه تعرف توقفه عند حده
بس هذي البنت خايسه ..وتدزله بعد صباح ومساء
والله لرفع السماعه عليها واشرشحها واهددها واقولها قسم بالله ان حسيت انج مريتي منطقتنا بس... لا اعلم اكبر راس بالعايله
وقوليلها ترى ريلي يمشي ويتكلم فيج واهوا اللي موريني مسجاتج

لا تسكتين عليها باجر تخلص من ريلج تروح لريل وحده ثانيه ...

 

[وردة الحياة]

الله يفرج همج اختي.

مع احترامي لجميع الردود. عجبني رد الاخت بلسم جروحي. اللي فيه رجاحة عقل ولا يهينون الباجي

وانا اقولج تريثي واصبري وصابري لمن تمسكين دليل ثابت عليهم وتتاكدين وبعدين انتي سيدة الموقف

وفقك الله

ليش تسكت لين يتعلقون فبعض ويحبون بعض وتتطور العلاقه
تكلمها وتهددها وتقطع الشك باليقين
كافي المسج اللي دازته بالواتس اب..وشكو هذيج حافظه رقم الريال بموبايلها؟
المره السنعه تصد عن زوج اي وحده تعرفها

 

[p_ian_o]

حبيبتي انتي تقولين ان اهو اللي شافها معاج وبااااااااااق رقمها من تلفونج

يعني اهو اللي موووو مضبوط ( لا تزعلين ) بس هذا الصج

وهذي رفيجتج ( ما خاف ولا حطلج اعتبار )

لو تدورين عليه من اليوم لي باجر ماراح تصيدين عليه شي ( هذا ذكي )

ما الومج لما تشكين فيه الصراحة .
هذي تعرفين رقمها ....

يمكن يعرف بنات ... وانتي ماتعرفين ارقامهم !!!!!

اذا رفيجتج تجرأ وسوى معاها علاقة فما بالج البنات اللي يشوفهم بره !!!


كلميه . قوليله خلك دايما معانا ومع عيالك ( قوليله انا موووو واثقة فيك ) خليه يسوي اي شي يخلي الثقة ترجع

مافيها شي اذا شاف ربعه بالاسبوع مرتين وبس

 

[بنت الاحلام]

واجهي البنت وقولي لها انا ادري بعلاقتج مع زوجي

وحلفيها وحلفيه ع المصحف
وريحي عمرج

 

[LuLiTa]

البنية انتي مو مسؤؤلة عنها بس ربي ريلج و ادبيه لانه حيل خفيف ! .. خل يغير رقمه و يدز مسج حق كل ربعه شنو المشكلة ؟! و لا يطلع لج اعذار ! المفروض يغير رقمه عشان يثبت لج انه فتح صفحة يديدة معاج و ما راح يرد للخرابيط ... لانه اهي لو اتحط امية رقم حق روحها بـ تظل عارفة رقمه فـ متى ما بغت ردت له ... لكن اهو السوسة !

 

[ريشة العازف]

من جـــــــــــدك مايبيلها كلام ادبيها بس لاتحطين ابو عيالك بالسالفه ابدا ابدا ابدا اقرصي اذنها بسكات بينك وبينها (((((في مثل يقول لاتعابي العوبه تعابيك تحط اللي فيها فيك )))))) ......صدقيني ماتأدب الحرمه الا الحرمه مثلها ......

وسبحــــــــــــــــان الله وبحمده سبحان الله العظيم .....

 

[* بنت المطر *]

الله يعينج ماشاف الا وحده وكلمها عيل لو يشوف كل رفيجاتج شيسوي !! شنو موتارسه عينه انتي والا ش السالفه

حبيبتي واجهيه والعني خيره جليل الحيا فوق ماهو خاين ومفشلج بعد قدام الناس !!

 

[بلسم جروحي]

حبيبتي الريال مثل الحيه يتقلب على ظهره وبطنه والله يقدر يحط له مو رقم واحد يحط عشر
ارقام وما تدرين عنه , فيه حريم وايد دخلوا رياييلهم حريم على فرشهم وتحملوا والله عانهم
لا تفكرين كل هالحريم عايشين بسعاده ومتهنين لابد كل وحده عندها مشاكل اقل واكثر منج اذا
كل وحده بتهدم بيتها عشان واحد مو محترم زوجته جان ما قعدت وحده عند زوجها والمره السنعه
هي اللي تحافظ على بيتها مهما كان ترى الطلاق سهل لكن ما بعد الطلاق هو الموت ابوج ما رح
يدوم العمر كله لج وبتعيشين ضيفه على مرت الاخو او زوج الاخت اتركي هالافكار عنج وسمي بالرحمن وطلعي مع زوجج واستانسي ولا تذكرين السالفه عشان ما تتخرب طلعتج والله بعض
الريايل اشكره يقول للمره ( رضيت والا بالطقاق انا كيفي ) مدام باغي رضاج يا حبيبتي ابعدي ابليس عنج ولا تدورين وراه عشانج مو عشانه , انا كل ما تذكرت سالفتج طارت النومه عني
الله يسهل امرج ويهدي بالج ويبرد على قلبج يا كريم .​

 

[Ψ 3soola Ψ]

روحي كلمي بنت بلييس هذيج و اذا قلت ادبها كلمي اهلها

و كلمي زوجج و وقوليله اذا شفت مسج منها راح اكلم اختك و اهيا تشوف حل معااك و روحي بيت اهلج

 

[الزين والحلا]

حبيبتي ً وردة الحياة انا ماقلت صاحبة الموضوع تسكت

قلتلها تتاكد اكثر ودور علي دليل تواجهم فيه واذا صاحبة الموضوع تقول للحين شاكة ومو متاكدة

علي العموم الله يفرج همها يارب

 

[عالمي انا غير]

حبييبتي الطلاق مو الحل الوحيد بتخربين بيتج عشان وحده ماعندها لا ذمه ولا ضمير ولا الانسان اللي انتي ماجيتي عباله تحملي الحياة ولا تخربين حياتج ترى انا اعرف بنات كثار يشتكون من جحيم الطلاق تصرفي بحكمه وان خانج حاولي تواجهينه وتطلعين كل اللي بقلبج وصارحيه بهشئ وبشعورج بس لا تفكرين بطلاق اذا مو عشانج عشان عيالج والمستقبل المجهول . ولا تفكرين بمشاعرج فكري بعقلج وبمنطقيه شوي