زوجي ونحافتي

[*Pink Girl*]

انا طول يومي أبكي و اروح أنام في غرفتي من الصداع

وهو يقول أكيد عندك هبوط بالضغط لأنك ما تاكلين شي

ما يدري أني اعرف انه يحط الحبوب لي في كوب الحليب و مشروبي المفضل عصير الفراوله

 

[Jolyan]

اصلا حتى لو حبوب ما تضر طريقته مو حلوه يحط الحبوب بالأكل احسها قمه الانانيه
اهي مو لعبه بايده يسوي عليها تجارب و يوكلها حبوب و من وراها بعد انتي بنفسج
لو تمرين بتجربه البنيه بتعصبين و تزعلين شلون استغلج و يسوي فيج جذي
حلوه طريقه 1001 صج تفكير جهنمي لووول جربي يمكن راح يخاف و يستحي على وجهه شوي

 

[*Pink Girl*]

مشكورين عبو التفاعل

صار يوم ما دخلت للمنتدى لاني كنت تعبانه و نومي مخربط من الحبوب

انا بستنى اخر هذا الاسبوع وبواجهه

والحمد زاد وزني كيلوين

 

[حور رومانسية]

حبيبتي افحصي هرموناتج نشاط الغده الدرقيه ينحف حيل ويحرق الاكل ويسبب صداااع ومواي تحليل يبين وياج شوفي دكتور شاااطر عندج العثمان او لطيفه الدويسان او الانصاري لازم فحص دقيق عشان يبين بمستشفى حكومي
وثانيا
اكلي سيريلاك مع حليب الصويا يمتن بس الصدر والخلفيه من تحت الارداف ومايمتن باجي الجسم
هو فيه حبوب اسمها سوبريفيتا تمتن وبالصيدليات موجوده
بس تمتن كلج وتنفخ البطن فحرام جربي الصويا تلقينه باجيان بس يبيله وقت اخذي تجارب البنات لموضوع الاخت فيرست ليدي

منتديات عالم حواء

 

[popa]

سمحيلي ريلج مو متقبلج

 

[Pinky -cat]

حياتي عليج وعلى الوجبات السريعة بليل او اكلي ونامي تمتنين اكيييييييد اخذيها مني

 

[New_bride]

نصيحتي لج لاتزيدين وزنج بهالطريقه
الريال مايبي دهون متراكمه
ومن قال لو كلتي وخذتي حبوب بتنتفخ هالاماكن اللي هو يبيها

الحل انج تروحين نادي وتقولين للمدربه ابي اكبر مناطق معينه وهي تعطيج تمارين تبنين فيها عضل وجسمج يصير بيرفكت

اخذي بنصيحتي ماراح تخسرين
لاني تزوجت ووزني مثل وزنج 46 تمرنت وريلي استخف عالتغيير لين الحين يقولي جسمج كان فضيع وناويه بعد مااولد ارد للتمرين

 

[نـعـومـه]

اكلي رهش يمتن حيل اكلي صمون ورهش مرتين باليوم

وحليب معاهم

حبوب لاتاكلين خوفج مستقبلا تصيرين بطه