زوجي ما يسمح لي انام عند امي ولا يوم واحد:( ساعدوني بنات

[Tom ♥ Jerry]

,

حممممممدي ربج و الله مآ ينعرف لكم يا الحريم
الحين زوجج تعبان و آنتي خلاص تزوجتي شنو بنام عند آمي
أوكي اذا آمج مريضه تعبانه اسمله عليها أو آنتي تعبانه بنفاس مثلا
هاذي حآلآت خاصه بس تبين تنآمين بين فتره و فترة بيت آمج
شكووووو ترا مآله شغل .. و الريال يبيييج يمه
الحين وآيد حريم يتمنون نفس حآلتج .. و آنتي تبين العكس !


خلج عند ريلج :* بيت ريلج بيتج و آهوة الآسآس

 

[oshi_q88]

روحي حق آهلج من الظهر ليين السآعةة 8 آو 9
طببعآ وقت الويك آند روحي لهم وبعدهآ آذآ جآت السسآعة 9 آو 8 ردي البيت

 

[بدوني تتضايقون]

تحملي تعودين ريلج ينام بدونج في بنات عودو ريايلهم على فرقاهم و ذي اكبر غلط جوفي عن نفسي الحمد لله وماشاء الله صار لي 13 سنه مع زوجي مستحيييل يخليني انام عند امي او اي احد في بداية زواجي كنت اصيح لاني متعلمه كل ويك اند انام يا عند اختي او خالتي او عمتي وفجاه زوجي حرمني افتكرت في البدايه انه تسلط لكن بعدين قالها ولي وبعينه دموع انه مايقدر يبتعد عني وصرت من نسافر لعمل قبل لا ارجع اوصي امي تنام عندي من اول يوم انزل فيه لي ماتمل وتيني بعد عمري ربي لا يحرمني منها ولا من زوجي
نصيحه عندي رفيجه من الرفيجات قعدت تصيح على ريلها امي وامي لازم ابات عندها اسبوعيا اذا تزوجنه فوافق الله لا يرويج الحين اقسم بالله انه ما يدري عنها ولا بطفلينها 24 ساعه تاركها حتى عياله يصيحون يبون يجوفونه ابد كل شهر يطل عليهم عيزانه تبيه ياخذها كل مره عذر
الله يخليلج ريلج وامج

 

[حشمه]

الله يخليكم لبعض ودام انه مو حاب فكره نومتج عندها

ليش ماتييبينها عندج لو في مكان وعندج حل ثاني

حاولي يوميا تمرينها واما نومتج تكون ببيتج

بجذي ارتحتي مريتي امج وراضيتي ريلج

 

[قَلبڪْ صًخرْ]

والله شي يحر

 

[زوجة عزيز]

الله يزيد المحبه بينكم ويشفي امج ويخليها لكم حبيبتي مافي مانع اتروحين لامج طول اليوم وفي الليل اتردين بيتج زوجج محتاج وقفتج معاه خاصه هالفتره خلج يمه ترا اجر لج ومن واجبج ان توقفين يمه

 

[زوجة عزيز]

تحملي تعودين ريلج ينام بدونج في بنات عودو ريايلهم على فرقاهم و ذي اكبر غلط جوفي عن نفسي الحمد لله وماشاء الله صار لي 13 سنه مع زوجي مستحيييل يخليني انام عند امي او اي احد في بداية زواجي كنت اصيح لاني متعلمه كل ويك اند انام يا عند اختي او خالتي او عمتي وفجاه زوجي حرمني افتكرت في البدايه انه تسلط لكن بعدين قالها ولي وبعينه دموع انه مايقدر يبتعد عني وصرت من نسافر لعمل قبل لا ارجع اوصي امي تنام عندي من اول يوم انزل فيه لي ماتمل وتيني بعد عمري ربي لا يحرمني منها ولا من زوجي
نصيحه عندي رفيجه من الرفيجات قعدت تصيح على ريلها امي وامي لازم ابات عندها اسبوعيا اذا تزوجنه فوافق الله لا يرويج الحين اقسم بالله انه ما يدري عنها ولا بطفلينها 24 ساعه تاركها حتى عياله يصيحون يبون يجوفونه ابد كل شهر يطل عليهم عيزانه تبيه ياخذها كل مره عذر
الله يخليلج ريلج وامج

:rerrerek::rerrerek: كلامج عين العقل المفروض الزوجه ماتبات الا في بيت زوجها لو شيصير بينهم من خلافات ماتترك له مجال يتعود ينام بدونها

 

[بنت الاحلام]

روحي لامج من الصبح لين الليل ونامي عند ووجج ولا تقصرين بحقه وجذي احين

 

[قلب الزعابي]

اممم يمكن فكرتي ماتفيدج بس بسدحها
أنكم تروحون تنتمون عندها انتي وزوجج اذا رضى
دام بيت امج فاضي وبجذي ضربتي عصفورين بحجر
ما ادري اذا قدرت افيدج
بس دامه محتاج لج لا تكفرين بخاطره ووماماتج رب العباد حافظنها بإذنه وما عليها شر
والله يشفي ريلج وامج

 

[اميره1980]

انا لو مكانج استانس لان ريلي متعلق فيني و ما يعرف ينام الا و انا موجودة
ما يصير حبيبتي اخته يتكشف عليها و تحطله الدوا انتي زوجته و هذا واجبج
امج روحي لها العصر و قعدي عندها و بريها مو شرط تالي الليل او تنامين عندها
انتي تقولين اختج طالعة و مو ذاك الزود رعايتها مع امج عيل خلاص اتفقي وياها مثل الزامات انتي دورج العصر و هي دورها بليل
اصلا لو ريلج يوافق تنامين عند امج انتي لا تسوينها عشان لا يتعودها
مثل ما تعود على وجودج ترا يتعود على فراقج
اختي بقول شي بعد مبين من توقيعج انج حامل وين حقج على نفسج ؟؟ ارتاحي لا تجهدين نفسج اكثر من اللازم لان نفسج عليها حق

 

[Patcholli]

قعدي عندها لي وقت متاخر بس وقت النوم ردي بيتج الريال يستاخش بروحه ويظيق خلقه يبي يحس انج يمه

 

[البارونـه]

حبيبتي بيت زوجج هو بيتج يعني المكان الي استقريتي فيه من تزوجتي
يعني ماتركتي امج الحين ، انتي تركتيها لما تزوجتي وهذي سنة الحياة
واذا حابه تنامين عندها نامي يوم تطلب منج او تحسينها تعبانه ، يعني حاله خاصه عرفتي
بس انج تخصصين يوم بالاسبوع؟ اصلا انتي نفسج مابتكونين مستقره
لاتتكلمين عن زوجج كأنه حارمج ، هو مامنعج منهم
بس هو يقول الصح ان هذا بيتج ليش تنامين برا
بس مثل ماقلتلج اذا امج اتعبت او احتاجتج لا تخلينها واهو اكيد بيقدر وضعج
وان شاءالله الله يشفيلج امج وزوجج :eh_s(7):

 

[<<الأميره>>]

هلا عاشقه شلونج: )
اشتقت لج ولأيامنا الحلوه
خلي امج تنام عندج
والله انا اذا نمت عند اهلي ماارتاح

 

[((البرنسيسا))]

خل امج تجي بيتج وتنام عندج منها تغير جو لها ومنها جو البيت عليكم يتغير

 

[في قلب البحرين]

كفوا عليج يختي
لاكبرين السالفه وامج تستاهل عيونج بس خبرج طاعه زوجج واجبه عليج وانتي سكتي عن الموضوع وان شاالله ربج بيسيرها وبروحه بقول لج باتي

بس استغفري انتي بنيه هل امررر ربي حبيبي مابيقصر معاج
خصوصا ان نيتج طيبه وانج تبين تبرين حلوة اللبن
صدقيني كلشي بيصير لج رفض او قبول في مصلحتج ان شاءالله

وان شاءلله ماتكتبين مررره ثانيه الا الزين ويارب عنج وعن المسلمين المشاكل يارب​

 

[أم يزيد &سديم&]

أختي صاحبة الموضوع كتبت ردي لك رسالة على الخاص
أتمنى تتطلعي عليها
جزيت الجنة

 

[لمى الهاجري]

عادي حطي حق زوجج اللزقة وعقب روحي بيت هلج نامي

 

[عاشقة الككاو]

بنااااات كللللكم بدون استثناء عسى ربي يسعدكم ويوفقكم دنيا واخره

بصراحه وااايد وااااايد فدتوني وخففتوا عني حدة الموقف بكلامكم البلسم
لو برد علي وحدة وحدة مارح اوفيها ردها الكامل وانا شابكة من الفووون ،، بس حبيت اطمنكم اني اقتنعت بكلامكم وفعلا صاجيين بكل كلمة قلتوها لي عساها بميزان حسناتكم


واموري حاليا طيبه وامي رح تنام عندي الحمدلله رضت بس ان شالله تاخذ راحتها لانها ببيت اختها وزوج بنتها يعني كلش مو غريب بس اهي الله يهديها ملوله وكله بترجع بيتها ،، الحمدلله كما ينبغي لجلال وجهك ولعظيم سلطانك




احبكم في الله خواتي

 

[بطوووطة$بيضة]

ماتبين اتجابلين زوجج

عيل زوجيه وحدة ثانية اتقوم فيه

وانتي روحي عند امج

 

[Shinexo]

^

ترى مب رايحه تلعب هي رايحه تجابل امها لنها تعبانه شكو تزوج ريلها ؟ مابتهاجر بتنام لين ما يترد اختها لان امها تعبانه

قل خيرا او اصمت + البنت قالت بتيب امها مب رايحه خلاص