زوجي لسانه قذر؟ شالحل؟؟

[om_maria05]

اقترح انج ما تردين عليه كلش لان الريال اذا عصب ما يدرى شيقول بس اذا هدى يتحسسسسف بس نفسه تمنعه من انه يعترف انه غلطان .. و اذا على قولتج راد الصبح انتي لي رد لا تعطيييييينه ويه يعني جنه مو هاااامج و خلج ساكته لا تقوليله ها اشسويت وين رحت ووين ييت .. لان اهو اذا شافج امبوزه بيستحي و بيي من نفسه يسولف .. عاد اذا سولف انتي بس قولي اي و اها و اممم بسسسسس .. و انتي الظاهر توج متزوجه عادددي توقعي كل شي بس بعد سنتين او ثلاث بيتغيييير و حياتكم بتتغير و بيقل الهواش ..

 

[اكسبلانكا]

الله يهديه لج يارب

 

[ياشايل الظبى]

عادى كل الرياييل لازعلو مايخلون كلمه شنه مايقولونها

انتى سكتى واهو بينقد على عمره

 

[فروحة الحلوة]

الله يهديه حاولي تدعين له في صلاتج ان الله يصلح لسانه دام انه زين بس لسانه زفر وقولي له قصه الحطاب الي ولده لسانه دايم يغلط عالعالم فعاقبه ابوة وقاله كل ما عصبت اخذمسمار وطقه بالطوف لما انترس الطوف ورد لابوة فقاله كل الناس زعلانين منك فقال له كل واحد تتاسف منه شيل مسمار فتاسف وشالهم كلهم ورد لابوة فقاله انت شلتهم بس اثر المسامير للحين باقي وهذي الالفاظ الي كنت تستخدمها وتجرح الناس ماراح تقدر تشيلها واسفه طولت عليكم

 

[amna_83]

حاولي لمن يعصب ويبدي يغلط تتحاشينه
مثلا إذا كنتو بدار طاعي منها وروحي دار ثانيه

 

[ღALNOoOoryღ]

تبين الجد ؟!

اذا بدأ يسب او يتكلم عليج قولي له جزاك الله خير ماقصرت ..وخليه

والله بيتحسف ويمكن مره عن مره يتغير للأحسن ان شاء الله

ترى الشيطان شاطر بهاللحظات خصوصا بين الرجال ومرته والله يسخره لج يارب

 

[KaTKoTaT_aHaLHa]

شهالاسلوب!!! شوفي اذا سكتي مره بيصير هذا العادي عنده... انتي طريقتج وايد زينه و أهم شي انج مو قاعده تغلطين واذا بده يغلط قوليله رجاءا تكلم باسلوب أحسن من جذي ومثل مانا مو قاعده أغلط انت بعد ما أسمحلك تغلط احنا مو يهال ولما تهدي وتعدل اسلوبك نكمل كلامنا وهدي وامشي وقفلي عليج باب دارج ... ولما ايي يكلمج كلميه بجديه انه هالسلوب ما ينفع وانا مادري اذا عندكم يهال ولا ليلحين بس فهميه انه لا هذي طريقة تعامل بينه وتخيل لو عيالنا اسمعوا كلامك أي جيل بنطلع للدنيا وهذي الألفاظ اللي قاعدين يسمعونها من أبوهم حق أمهم!!! خل يحس بغلطته ويتسنع مافي شي اسمه عشان ريال فعصبي وتحملي لااا! مثل ما اهو ما يتحمل على كرامته الإهانه فانتي بعد عندج كرامه ولازم يستوعب هالشي!
والله يعينج

 

[قطوه سعوديه]

ياقلبي اغلب الرجايل مثل زوجج
لما يعصبون يقطون كلام وسخ
بس هم انتي الله يهداج بعد غلطانه اشلون تنضرين له بهالنضره الجهنميه رفعة حاجب وهو معصب اشتبين يقول اكيد بتزيدين النار

 

[قهوووه]

اذا بدا يتلفظ هالالفاظ اطلعي من الدار واحقريه
الله يهديه

 

[ام الحلوه والمزيون]

يمكنج تستفزينه

 

[رحيل المرافيء]

رد : زوجي لسانه قذر؟ شالحل؟؟

لا كل الرياييل جذيه
بس انتي سكتي لاتراددينه يزيد سكتي
المعصب كل شي يقوووول
ومو كل شوي اهلي واهلي مالهم شغل اهلج انتي وياه نتيازون

 

[راعية الطويلة]

رد : زوجي لسانه قذر؟ شالحل؟؟

ما دام انتي عارفته و عارفه اللي ينرفزه

غيري اسلوبج

و هو راد من مخيم مو من دوام و لا داش وزارة

عشان تقولين له ليش هالحزة؟؟!!

صح كلامه أول سلمي و ابتسمي

عقب استفسري

يعني خذي من كيسه و عايديه

باين زوجج يحب الكلام الحلو

و انتي الحلا مبتليج **عشششششتو**
عسى أيامكم كلها حلا بحلا

 

[شقرديه كيوت]

رد : زوجي لسانه قذر؟ شالحل؟؟

الله يعينج ويهديه

 

[جــــاذبية]

رد : زوجي لسانه قذر؟ شالحل؟؟

لاتزعلين مني إسلوبج إنتي ينرفز لأن النظرة نظرة إستحقار
والرجال مايحب أحد يستحقرة وينزل من قدرة يعني ما ألومة يعصب
أول شي شوفي إنتي شنو قايلة وإذا ماقلتي شي غلط وبدأ يغلط عليج
كل كلمة قذرة يقطها عليج قوليلة عيب عليك هذا إسلوب رجال عاقل وعدل إسلوبك لوسمحت
لا أسوي شي مايعجبج وأعاملك بالمثل وأشوف شنو ردة فعلك وإذا عادي عندك فهذه تربيتك
والرجال مايحب لما يكلم المرأة تعطيه طاف وتروح يتنرفز زيادة
وأهلج لاتدخلينهم بالسالفة دام طيب معاج بس لسانة عيبة
وشوي شوي يتعدل ..
بس هالنظرة هذه لاتعودينها طيعيني ..

 

[اشتياق]

المره ماتحط راسها براس الريـال سكتي عنه وكل ماغلط قولي الله يسامحك
الله يهديه يارب

 

[Um Ritaj]

باختصــــــــــــــــــــار





:lolo:عامـــــــــــــــــــــــــــــل الناس باخلاقك لا بأخلاقـــــــــــــــــهم :lolo:

 

[Un-6be3iya]

الريال مايبيله معاند
ريلج مثل الياهل
جربي هالحركة و اقص ايدي اذا ما فادت معاج
لي عصب و قعد يغلط خلج عاااادي طبيعي
بعدين ابتسمي .. مو تضحكين !!! بيحسج تتمصخرين @
بس ابتسامة كآفي وقوليله .. خلصت ؟

صدقيني اهو بينقد على روحه ..

 

[** باربي **]

لو كل من عصب قال جذي واكثر
عيل لا تلومونا لي فشرنا عليهم
ترى حتى احنا لحم وعظم واعصاب

مو بس اهم فوق راسهم ريشة ولا شنو ولا شي اسبيشل يعني !!!

 

[لولوة حمد]

رد : زوجي لسانه قذر؟ شالحل؟؟

حبيبتي وايد رياييل اذا تنرفزوا افقدوا اعصابهم ومايشوفون اللي جدامهم، اذا بدا يغلط عليج سوي روحج منصدمة ومسكينه وقوليله الله يسامحك وطلعي من الدار وقعدي بالصاله مثلا سوي روحج متأثره، واهوه صدقيني راح يتحسف ويراضيح عاد انتي هنيه استغلي الموضوع لصالحج وقوليله يوديج مطعم مثلا او يبيلج شي خاطرج فيه

يعني لختصار غيري تعاملج وياه وخلي عيوبه بصالحج اذا ماتقدرين اتغيرينه

 

[مناير ...!]

رد : رد: زوجي لسانه قذر؟ شالحل؟؟

لا رفعة حاجب ولا عناد
تمسكني لين تتمكنين ، الزوج ما يبي له معاند
ولا تحطين راسك براسه
كلميه بأدب شديد وباحترام ولا تعاملينه بنفس الأسلوب ومع الوقت بتتلاشى هالكلمات

صج عاد؟

لاحبيبتي لاتسكتين
شكو تسب فيني

على يوم والجو صافي قعدي معاه
وقوليله انت لسانك قذر وعيب جذي مايصير حتى لومعصب
وعطيه امثله وقوليله شتحسين
وخليه ينقد على نفسه