زوجي اصغر مني. زواج ناجح

[iLLuMinaTion]

هلا بنات

شلونكم

من العنوان وراح ادخل بالموضوع

المعروف والعرف والسائد والقاعده ان الزوج اكبر من الزوجه

واباءنا واجدادنا لازم يتزوجون بنت اصغر منهم الا ما ندر

ولكن لاحظت في الاونه ان الامر صار عادي وما قاموا يدققون علي الموضوع هذا

ومن خلال اللي حواليني اشوف ان جميع الحالات اللي تكون الزوجه اكبر حالات زواج ناجحه

تتوقعون ليش

هل لان المراه تكون ناضجه اكثر وتحتوي الرجل وتصبر عليه

هل هذا الشي يكسبها احترام الرجل اكثر

ام ان هناك اسباب اخري


نبي تفاعلكم

 

[iLLuMinaTion]

وين التفاعل

 

[simply unique]

مممممممممم مو شرط ..
بس عن نفسي أأيد بعض زيجات الرياييل من الحريم اللي اكبر عنهم ..
لما يكون الزوج ما فيه عقل المرة تعقله..

 

[semsem2031990]

انا بالنسبة لي ما اايد هل شي
تدرون ليش؟؟
اهو حاليا اسمه زواج ناجح بس تخيلوهم بعد 15 سنة
المره شكبرها و مالها خلق و الريال بعده صغير و مفرفش
كلنا ندري الحريم يكبرون بسرعة

 

[غلات اهلها]

انا عن نفسي انا اكبر من زوجي تقريبا بسنة

بس ما احس فيه اختلاف كبير يعني عادي بس اذا كان الاختلاف كبير يعني اكثر من خمس سنين ممكن الوحدة تحس بفرق العمر

 

[اميرة زوجي]

سنة او سنتين اوكي بس اكتر لا و الزوجة رح تكبر والزوج رح يبين شاب واصغر منها ومو بعيد يتزوج عليها
بس مو شرط لان لكل قاعدة شواذ والله يهني الكل

 

[فوفو22]

خلاف العمر

مشكلته انه ما يكون واقع وواضح

إلا بعد مرور سنوات على الزواج

لانه بطبيعه المراة شكلها ووزنها

يكبرويزيد اكثر من الرجل

ويقف عندها الاخصاب بال الاربعينيات

بينما الزوج يحلو بال 40من عمره ......

وهنا عاد يعيد النظر بغلطته القديمه

فوفو

 

[اميره1980]

خلاف العمر

مشكلته انه ما يكون واقع وواضح

إلا بعد مرور سنوات على الزواج

لانه بطبيعه المراة شكلها ووزنها

يكبرويزيد اكثر من الرجل

ويقف عندها الاخصاب بال الاربعينيات

بينما الزوج يحلو بال 40من عمره ......

وهنا عاد يعيد النظر بغلطته القديمه

فوفو

انا معاج فوفو

 

[iLLuMinaTion]

انا عن نفسي انا اكبر من زوجي تقريبا بسنة

بس ما احس فيه اختلاف كبير يعني عادي بس اذا كان الاختلاف كبير يعني اكثر من خمس سنين ممكن الوحدة تحس بفرق العمر

حاله واقعيه

الله يتمم عليكم

 

[جولينار]

عمي متزوج وحده اكبر منه ب 5 او6 سنوات


ولهم 19 سنه متزوجين ومتوفقين


عن نفسي مستحيل اتزوج واحد اصغر مني


والتوفيق بيد رب العالمين

 

[G!RLooNa]

انا ما احب اخذ واحد اصغر مني بس عادي امي اكبر من ابوي بسنه و ماحس في فرق بينهم الله يخليهم لبعض و يخليهم لنا انشالله :d

 

[Rawonah]

خلاف العمر

مشكلته انه ما يكون واقع وواضح

إلا بعد مرور سنوات على الزواج

لانه بطبيعه المراة شكلها ووزنها

يكبرويزيد اكثر من الرجل

ويقف عندها الاخصاب بال الاربعينيات

بينما الزوج يحلو بال 40من عمره ......

وهنا عاد يعيد النظر بغلطته القديمه

فوفو

انا معااج وكلامج عين العقل :rerrerek:
​

 

[nani88]

بنات اكبر والا اصغر ما يهم المهم التفاهم والتوافق
وترى الي تقول يبين عليها الكبر عقب جم سنه ترى الحين الدنيا تغيرت بنات بعمر العشرين
يسوون عمليات تجميل فما بالج بالي في الاربعين .. وترى الريال ما يوقفه شى لين بقى ياخذ على مرته حتى لو هي
بالعشرين واظن اتعرفون او سمعتوا قصص بنات معانا اهني او برع المنتدى ان الزوج تزوج عليها مع ان مو ناقصها شى.. بالنهايه الريال يدور راحته ..

 

[ذايبه بغرامك]

أنا أكبر من خطيبي بـ 3 أيام >>> براااا
هههههه
عادي الأمور طيبه واحنا بخير

 

[Freakya]

عيل شرايكم انا اعرف واحد من اهلنا متزوج وحدة اكبر منه جريب العشر سنين

وكاهم شحليلهم

 

[Maaax]

ما احب اتزوج واحد اصغر مني

 

[الجوريه الحمراء]

لالالالالالالالالامستحيل اخذ واحد اصغر مني باجر بكبر وبعيز

بس الحمدلله زوجي اكبر مني

 

[اسيره2]

مافيها شي التجميل والنوادي والصوالين اتخلي الي ب 50 جنه بالعشرين اهم شي شطارة المرا وعقلها ولا الشكل الحين ماصار عائق كللللللش

 

[سكوتي بذوقي]

ولد خالتي زوجته اكبر منه باربع سنين

طلقها بسبب كلام الناس الكل يزن على راسه

ليش تاخذ وحده اكبر منك

مو دايم يكون ناجح انا زوجي اكبر مني ولو ماكنت متزوجه

مستحيل آخذ واحد اصغر مني حتى لو الفرق شهر واحد بس

 

[حكاية شهرزاد]

وشعلينا من الريال ,, بنخش التجاعيد وبنتزوجه وهو صغير ,, احنا بعد متحطمين ونبي واحد زين ,, اهم شي ماناخذ ريال من مرته ونمشي سيده ..

ولا الحريم والبنات الكبار مو مقصرين بشي على الصغار ,, يعطونهم فلوس + دوم جميلات + جسم + اهتمام + عقل + ذكاء + تكانة + اخلاص + حب + تمسك + تملك + رعاية + حقوق + وتربيه واهيا تربي العيال + دلع + جو + ولا تشوف العيوب عنده وتطوف لانه قلبها كبير وشافت + تحطه بعيونه ..

وجان على العمر ترى الا شهاده بجواز ,, الحلوة حلوة بكل الاعمار ,, واللي تبي الصغير بتتعب حتى من ناحيه نضوجه وتغيراته لكنها اذا بتحط بالها عليه بتكسبه ,,
ومن قال الكبيرة عاديه ولا اقل من الصغيرة ,,

سوال هالبنات الصغار يعني مابيكبرون ؟
ولا بيعيشون دب الدهر .. الموت مايعرف صغير ولا عود ..

وجان على مسئلة الاجانب بالصحه والاهتمام وبيد الله يرزق الاناث والذكور ..

اما اللي قطعها الطمث ,, فهذي حاله استثنائية مع انه الطب وايد تطور ومن زمان فيه علاجات تاخذها الوحده عشان ماتقطعها العاده ..

اقول ترى الكبيرة احلى ,, والدليل نانسي بال 28 السنة بتصير نظرا لانها 5_1983

احلى بوايد حتى لو التجميل ,, ترى وجه النضوج حلو ..

وعندنا من الحيل اللي شوي رايح الجميلة مرح جبر والكل يدري انها تخطت الاربعين من زمان ..

بالله هذول اديين ولا ينعافون ..