زوجى دعى علي

[ضوء امل]

الله يعينج ويهديه ويسخره حقج​

جزاج الله خير

 

[راقيه وجذابه]

أمبيه بنات سوري قصدي قرائة سورة الكرسي , متأثره بسورة البقره

يعني ورا صلاة العصر تقرين سورة الكرسي 40 مره و ورا صلاة المغرب 40 مره

 

[ضوء امل]

حبيبتي يمكن جتكم عين من احد اقري عن نفسك وشغلي قران بالبيت وعطيه من قصص الصلاه اهم شيء الصلاه كل شيء ولا الصلاه


ماراح يصير كويس معاك الا بالصلاه

وانا بعد اقول جذيه مشكوره ياقلبى

 

[ضوء امل]

Re: رد: زوجى دعى علي

انزين على الاقل طلبي منه او اقنعيه انج اطلعين انتي و عيالج بروحكم على الاقل تشمين هوا و ترتاح نفسيتج

يا شين الحكره

مايحبنى اطلع بروحى وقبل كنت اسوق ورفض وطلبته اسوق بس عشان اروح الدوام ووافق شهرين وصارت مشاكل من غيرته الزايده وبطلت سواقه والحين اقضي مشاويرى حسب مزاجه ونفسيته والا ياانى اروح مع اختى الكبيره هذى الوحيده اللى يسمح لى اروح معاه رفيجاتى لا باقى خواتى لا والله انى عايشه الحكره صح شكرا حبيتى

 

[ضوء امل]

Re: رد: زوجى دعى علي

الله يعينج شي يحر والله..وانتي اهدي الحين وانتبهي لنفسج وطنشيه بدون لاتقصرين فالبيت ومدام راضاج خلاص اهدي شوي وان شاء الله يصدق بوعده

والله انى امكبره راسي وامطنشه ولولا
هالتطنيش جان علوم وان شاءالله يصدق بوعده شكرا ياقلبي

 

[ضوء امل]

هونيه وتهون وانا اختك هذا دنيا بس توقيت خطا يوم تكلمينه ادري انه علي برنامجه مافيه وقت تكلمينه طنشيه كم يوم ولا جبين له سيره بس هويته حلوه وقت ميصلح روحي يمه مع كاس عصير وه حبه حبه دخلي بلموضوع


موفقه​

فديت قلبج ياحياتى وانا ماكلمته الا وانا محتاجه لحبه وحنانه راعى الكراجات اهو حنون فديته بس مايحب الحنه يحب يعطى بمزاجه

 

[تركوووواز]

الله يشفيج ويرفع عنج

اعذرينى اختى الكلام مو لج للاخت المعقده اللى فوق
وانا اقول الله يسخر لج زوجج ويهديه

 

[Čut!e Quèéи]

الله يهديه ويصلحه

لا انتي ما فيج شي البلا فيه اهو
طريقته مثل الي هوايتهم الحمام والصيد
كله ما يدرون عن بيتوتهم ونفسيتهم اللهم يا كافي عصبيه
والسبب مشغول باله طول اليوم بالسياره و الصرف عليهاااا
من رايي انج تقعديين معاه تقولين له يا فلان عيالك لهم حق عليك
يا رجال عطنا بس ساعتين بالاسبوع مانبي يوم كامل بس ساعتين يا خميس يا جمعه
نطلع مع بعض نروح البحر او نتمشى بأي مكان او حتى لو نروح حديييييييقه بس خل العيال يتقربون منك
قولي له احنا محتاجينك نبي نشوفك نقعد معاك حياتك كلها ربع و كراجات ؟؟؟؟؟
عيل انا وعيالك وينا من حياتك ؟؟؟؟؟؟؟؟؟؟ وين حقنا عليك ويييينه ؟؟
المفروض ربعه يشوفهم مره بالاسبوع والظهر والعصر كله معاج والمغرب يروح ساعتين او 3 حق هوايته
وبعدين وقت العشااااا ياكل اللقمه معاج اهو وايد يبالغ على هالكراجات مايصير جذي
وبعدين تعالي دامه يسمع كلام وامه ويقدرها كلميهااا قولي لها خالتي ترى زوجي ما اشوفه مايصير جذي كلميه قولي له شي
الله يعينج عليه
ترى اغلب الرياييل مايقدرون الحريم وقت الدوره ولا يفهمون هالشي
السبب الاول جهل والسبب الثاني من الزوجه من اول شهر شهرين من زواجهم لازم تعلمه ع هالشي
ولدج على ما تربينه و زوجج على ما تعودينيه وانتي الظاهر ما عودتيه

 

[Čut!e Quèéи]

رد: Re: زوجى دعى علي

فديت قلبج ياحياتى وانا ماكلمته الا وانا محتاجه لحبه وحنانه راعى الكراجات اهو حنون فديته بس مايحب الحنه يحب يعطى بمزاجه

دامج تعرفين طبعه عيل لا تطلبين منه طنشي
ادري قلبج ياكلج خاطرج بكلمه بس الشي اذا ما طلع من القلب اشتبين فيه ؟
لايصير مثل الكاسكو يحفظ الكلام ويردده وراج عشانج بدون احساس
المره بالدنيا معروفه لازم تتحمل جبال من زوجها ولازم تاكلها وتسكت وتمشي له وايد وتطنش وايد
شنسوي هذا حظنا وهذيل رياييلنا خل يتعلمون من الاجانب مو كله يبونا احنا نتعلم عشانهم :eh_s(4):

 

[ام دليار]

الله يهديه ويسخره لج

 

[ضوء امل]

Re: رد: زوجى دعى علي

الله يهديه ويصلحه

لا انتي ما فيج شي البلا فيه اهو
طريقته مثل الي هوايتهم الحمام والصيد
كله ما يدرون عن بيتوتهم ونفسيتهم اللهم يا كافي عصبيه
والسبب مشغول باله طول اليوم بالسياره و الصرف عليهاااا
من رايي انج تقعديين معاه تقولين له يا فلان عيالك لهم حق عليك
يا رجال عطنا بس ساعتين بالاسبوع مانبي يوم كامل بس ساعتين يا خميس يا جمعه
نطلع مع بعض نروح البحر او نتمشى بأي مكان او حتى لو نروح حديييييييقه بس خل العيال يتقربون منك
قولي له احنا محتاجينك نبي نشوفك نقعد معاك حياتك كلها ربع و كراجات ؟؟؟؟؟
عيل انا وعيالك وينا من حياتك ؟؟؟؟؟؟؟؟؟؟ وين حقنا عليك ويييينه ؟؟
المفروض ربعه يشوفهم مره بالاسبوع والظهر والعصر كله معاج والمغرب يروح ساعتين او 3 حق هوايته
وبعدين وقت العشااااا ياكل اللقمه معاج اهو وايد يبالغ على هالكراجات مايصير جذي
وبعدين تعالي دامه يسمع كلام وامه ويقدرها كلميهااا قولي لها خالتي ترى زوجي ما اشوفه مايصير جذي كلميه قولي له شي
الله يعينج عليه
ترى اغلب الرياييل مايقدرون الحريم وقت الدوره ولا يفهمون هالشي
السبب الاول جهل والسبب الثاني من الزوجه من اول شهر شهرين من زواجهم لازم تعلمه ع هالشي
ولدج على ما تربينه و زوجج على ما تعودينيه وانتي الظاهر ما عودتيه

والله عجزت وتعبت وانبح صوتى وانا اطلب منه هالشى بس كله يقولى بعدين بعدين الا هوايته مو بعدين واهو عباله انا ادلع بهالايام ومرات يقدر ومرات لا

 

[*غاليه*]

اكيد ملوعه كبدة مادام مايقدر يقابل وجهج

الحين الحرمه مقهوره ومتضايقه وانتي تطنزين؟؟؟؟؟؟؟
الظاهر تعبرين عن شي تعانين منه وقد مر عليج انتي ام شيخوه...!!!! :eh_s(10):

 

[المرتاحة]

رد: Re: رد: زوجى دعى علي

مايحبنى اطلع بروحى وقبل كنت اسوق ورفض وطلبته اسوق بس عشان اروح الدوام ووافق شهرين وصارت مشاكل من غيرته الزايده وبطلت سواقه والحين اقضي مشاويرى حسب مزاجه ونفسيته والا ياانى اروح مع اختى الكبيره هذى الوحيده اللى يسمح لى اروح معاه رفيجاتى لا باقى خواتى لا والله انى عايشه الحكره صح شكرا حبيتى

ريلج مو راحمج ولا راضي رحمة الله تنزل!

قنعيه مره ثانيه و حاولي فيه ولا تعيشين هالعيشه

الله يكون بعون

 

[seedo]

اكيد ملوعه كبدة مادام مايقدر يقابل وجهج

الله يشفيج صراحة .. كل إناء بما فيه ينضح


صاحبة المووضوع حاولي ما اتكلمينه هالفترة لا تطلبين منه شي لما يطخ اهو بروحه ايي يعتذر لج

 

[Miss Chanel]

الله يكون بعونج

 

[ايمان_مشرف]

Re: رد: زوجى دعى علي

اكيد ملوعه كبدة مادام مايقدر يقابل وجهج

يمكن قصدج ..

اذا تبين زوجج يقابل وجهج ..

انتي تكونيين لطيفه وياه ..

تستقبلينه بالابتسامــه

وتوادعينه بعبارة "الله يحفظك ويردك لي با بعلتي "

عشان يحبج ويحب القعده بالبيت

 

[شذونه]

اول شي انتي لاتقولين كل مره والثانيه ابي حنان وابي مادري ايش لا صبري عليه شسوي وريحي نفسيتج واهم شي كل مايقرب دخوله للبيت حاولي تصلين وتذكرينه بالصلاه بطريقه غير مباشره مايصير ذلحين زوجج استغفرالله كافرالله يهديه مادي ليش الحماقه الزايده وانا متاكده اذا صلى وانتي ساعديته بيتغير انتي عطيه كل شي ولاتطلبين منه شي وصدقيني بيتغير بس لاتطلبين منه شي مثل الحنان او يجلس معج بلبيت وراح اعطيج موقع ان شالله بيفيدج

 

[شذونه]

تفضلي :eh_s(2):http://www.q8yat.com/showthread.php?t=825172 وطمنين عنج لاتنسين

 

[زوجة عزيز]

الله يعينج عليه ويزول اللي عندي

 

[الغاليه ام احمد]

الله يهديه ويسخره لج