زوجج ناعم لكن ذرب والا رجل لكن جلف

[iLLuMinaTion]

هلا بنات

لو خيروج او ممكن توصفيلنا عن الحال اللي انتي فيه الحين

شنو تفضلون بين الاختيارين.....لمواصفات الزوج

الاختيار الاول : زوج ناعم دلوع يهتم في الموضه والازياء ويلبس الشورتات ومهتم بشعره
ويهتم في اناقته وشكله وملابسه تلفت النظر من غرابتها.....لكن
ذرب ..يعاملج برقه واحساس ويحسب لج الف حساب ويعطي لمشاعرج الاهتمام الكامل


ام


الاختيار الثاني : زوج مكتمل الرجوله شكليا وداخليا خشن جدا ويعطيج انطباع ان هو مصدر القوه وينشد فيه الظهر ويكون عنتر زمانه داخل وخارج البيت ومفتول العضلات احيانا ...ولكن
يعاملج بقسوه وعنف ويفشلج ويزفج جدام الناس يعني جلف في المعامله وما يهتم فيج ولا يتغزل فيج
وانتي والكرسي واحد في البيت ويسبج ويلعن ابو خيرج



شنو تختارين

 

[~LiBrA~]

رد : زوجج ناعم لكن ذرب والا رجل لكن جلف

^^^^^^^^^^^^^^^^^^^^^^^^^^

 

[*peace*]

صراحه الاول !!!

 

[قلبي ابيض]

الاول طبعا << بس ملابسه بدون لفت انتباه ومايكون نعوم خخخخخخخ

 

[نشيج الروح]

ولا واحد ههههههههههه ..... أبي ريال يهتم بنظافته ومنظره وبنفس الوقت شخصية قوية وله احترامه .... ما يصير يعني ؟؟

 

[STOP SHAYOO5A TOP]

اكيد ولا واحد
الاول بالنسبه لي ترف
والثاني مو محترم
:ggdw:

انا ابي مكس من هذا شويه ومن هذا شويه
:krkrkr::krkrkr:

 

[سواحل]

ويييع شبي فيه نعوم الله يقرفه
وجلف ما اقعد عنده شهالخيارين الله يهديك
اهم شي الرجوله والشهامه وقوة الشخصيه والا سلوب اللي يجيب العافيه
ولا بغينا اكثر من جذي

 

[Bamya]

ya 3away ya 6ofa?

none

 

[sweet dashttya]

رد : زوجج ناعم لكن ذرب والا رجل لكن جلف

ولا واحد

 

[DLOOL]

ابيه ولا واحد احس الاول عيبه النعومه والثاني الجلافه ولااا واحد لانه رجل عااااااادي يعني يمشي ع ريوله

 

[ريماس77]

ولا واااااحد منهم ياناعم يادفش مايصير

 

[<<ام تركي>>]

ولا واحد من الخيارين ابيه يحترمني ويقدرني ويكون رجل بمعنى الكلمه

 

[❤لبيـــه❤]

امممممم اذا الاختيار بين هالاثنين وخلاص ماكو مجال يمكن الثاني واغيره بطريقتي

لكن اذا مفتوح طبعا ولا واحد

 

[غزاله شارده]

رد : زوجج ناعم لكن ذرب والا رجل لكن جلف

ولا واحد
الأثنين الحياة معهم مستحيله

 

[عويتقة]

ولا واحد فيهم انا ابغي ريال صالح يعرف الله ويتقي ربي فيني ويحبني ويدلعني بس ابغاه يكون خشن واحسه رجل متكامل

 

[iLLuMinaTion]

ردود جميله

 

[زوجة عزيز]

رد : زوجج ناعم لكن ذرب والا رجل لكن جلف

الصراحه لا الاول ولا الثاني اهم شي زوج احبه واللي يحب ينسى كل عيوب حبيبه صح

 

[أم يوسف :$]

رد : زوجج ناعم لكن ذرب والا رجل لكن جلف

والله انا باخذ اشياء من الاول والثاني بمعنى ان :
ابيه يتصف بالرجوله ذرب معاي ويحس فيني متى فرحت او زعلت يحبني مابي يكون مفتون العضلات ابدا ما احبه يتفاخر بعمره ويسوي روحه انا البطل الي ماكو مني ,,,
وو احبه يعطيني الاهتمام الكامل ويحسسني اني انثى ويحترمني ويحطلي الف حساب مايكون قليل ادب معاي مايخليني ابجي ولا اعصب ابي احس بحنانه ..,,
( واي بنات جني كتبت قصه بس صج هذي المواصفات الي ابالي ) ​

 

[اميره بكلمتي]

الاختيار الاول : زوج ناعم دلوع يهتم في الموضه والازياء ويلبس الشورتات ومهتم بشعره
ويهتم في اناقته وشكله وملابسه تلفت النظر من غرابتها.....لكن
ذرب ..يعاملج برقه واحساس ويحسب لج الف حساب ويعطي لمشاعرج الاهتمام الكامل

 

[فنكيه]

ولا واحد