زوجته طعنت برجولته وخانته .. لكنه سكت وماسوالها شي!!!

[اللعبه]

مثل ما قالت ما كو اسم المراة هي المسؤوله عن النسب وهل هذا الولد منه او من غيره . وهو ان زنى فيزني في امراة تحمل وتنسبه لغيره وان زنى هو لا يحمل ولا شي .

الموضوع ماله داعي من الاول . كبري عقلج في مواضيع مالنا نتكلم فيها .باجر تقولين ليش ينسب الولد للاب والام هي اللي تتعب....الخ

 

[ĎєνiL.ĞιRL]

ولما اهو يحمل غيره وينتج ولد حرام !

هاذي مو جريمه ؟ اهو متسبب فيها ؟

انا اكلمج بكلام الله الي يقول ماكو فرق وانتي تيين تقوليلي كبري عقلج ؟

يعني كلام الله كلام يهال ؟ لما قال الزاني لا ينكح الا زانيه ؟

والزاني والزانيه المحصنين عاقبتهم الرجم حتى الموت ؟ يعني الله سبحانه وتعالى ساواهم بالعقوبه !!

انا اتكلم بعقوبة الزنى !! الزنى حتى لو من دون ما ينتج عنها حمل فإهي جريمه ..

استغفر الله العظيم اذا انا بكبر عقلي فأنا انصحج انج تفتحين عقلج لانه حتى كلام ربكم مو راضيين تتقبلونه ..

من الجهل الي تربيتوا عليه .. !

 

[Miss.6Mo7]

كلآمج عين آلعقل ..

 

[روونــا]

صح ڪـڵاامـڪ .. مڵيـۈن باڵميـﮧ

ۈمعـآاڪ بڪڵ ڪڵمـﮧ قڵٺيهـآأ


يعطيڪ اڵعآفيـﮧ ..

 

[مرافئ الذكريات]

رد : زوجته طعنت برجولته وخانته .. لكنه سكت وماسوالها شي!!!

ارفض الخيانه للطرفين

 

[ĎєνiL.ĞιRL]

صح الخيانه مرفوضه من الطرفين ..

والله يعافيكم ..

شكرا على المرور ..

 

[ماريا ابنة الحي]

انا مايبط جبدي

الا كلمة (الريال شايل عيبه )

 

[ĎєνiL.ĞιRL]

لانها كلمه جاهليه ..

ومالها اساس من الصحه ..



وشكراا على مرورج ..

 

[ابتسامة نثيه]

رد : زوجته طعنت برجولته وخانته .. لكنه سكت وماسوالها شي!!!

الشريييييييييييييييييفة كلامج كلة صح وانا رايي من رايج كنت بقول ردج بس سبقتيني
صح احنا بمجتمع شرقي مسلم والغيرة بعروووقة
دايم يحطوون اللوم الكبير ع الزوجة الخاينة والرجل بكل برود اعصاب يدعولة بالهدااااية ولا تاااب يفتحلة 1000 باب وباااب والكل يرجعلة هيبتة اما الزوجة حتى لواتوووب بتظل المراة الرخيصة الفاااسقة الي ماتصلح تربي اججيال ولا تبني مجتمع
انا ايد كلام وجواب الشرييييفة

 

[اميره القباني]

رد : زوجته طعنت برجولته وخانته .. لكنه سكت وماسوالها شي!!!

شنو هالرجال هذا مااصدق
اللهم احفضنا
اهي لوتدري ااهو زلمه بحق كان ماسوت الي سوته

 

[باعوضه]

احس المره لما تخون ينهدم البيت --بس الريال لا عادي ماكو تاثير مثل المره

 

[قانون كـيفي]

الاسلام عدل بين خيانة الرجل والمراه


وجعل الحكم الشرعي لزنا الرجل وزنا المراه واحد


بس نحن البشر الي فرقنا

 

[> Miss M6ereiah <]

والله ياقلبي معاااااج كللللل الحق وآنا كنت أتسائل نفس السؤال....بس الردود تبين إنج تنفخين بجربة مقضوضة تكلمينهم عن راي الإسلام والشرع يكلمونج عن أعراف وعادات وتقاليد....يبدون العادات والتقاليد على الشرع ويقولون وين الوازع الديني والخوف من الله وهم مايزرعون هالشي في قلوب عيالهم الذكور بالذات لأنهم رياجيييييل شايلين عيبهم!!!!!!!!
عجبي

وانا معاكم .. مستحيل اللي يقولونه منو أهم الحين الشرع ولا العادات والتقاليد :cxxxp:
بس شوفي انا شراح اسوي اذا اكتشفت هالشي ماراح اقول بحافظ على بيتي واتحسب ع البنت اللي قصت عليه لأنه اساسا الغلط منه اهو .. راح اوخر عنه واخليه ماراح اتحمل تنجرح كرامتي وانهان واكمل حياتي معاه عشان التقاليد والناس ..:eh_s(8):

 

[ورود خذلتها العاصفه]

( الزانى لاينكح الا زانيه ) هذا مو بالزواج


الايه كانت تقصد الجماع

يعنى الرجال المتزوج اللى يبى يزنى ماراح يلقى الا وحده ساقطه تشاركه يالمساله هذى



اعيد واكد مالها شغل بالزواج


فلا تفسرون الايات على كيفكم


لكن بعيدا عن العادات والتقاليد اللى يدرى مرته تخونه وساكت هذا يعتبر ديوث


والديوث حكمه عســـير عند الله سبحانه وتعالى



في الحديث عنه صلى الله عليه وسلم ( أَنَّ اللَّهَ سُبْحَانَهُ وَتَعَالَى لَمَّا خَلَقَ الْجَنَّةَ قَالَ : وَعِزَّتِي وَجَلَالِي لَا يَدْخُلُك بَخِيلٌ وَلَا كَذَّابٌ وَلَا دَيُّوثٌ

 

[نواره البطه]

انا اأيدج بهالساااالفه
يرجم الزانيه والزاني الثيب حتى المووت
بس مجتمعنا ظالم شووي للمرأه فقط

 

[الشيخه ام شيخه]

رد : زوجته طعنت برجولته وخانته .. لكنه سكت وماسوالها شي!!!

الله سبحانه ما فرق بين المرأة و الرجل في الزنى والعقوبة وحدة للأثنين وهي الجلد لغير المتزوجين والرجم حتى الموت للمتزوجين الزناة

نعم هذا كلام ما يختلف عليه اثنين لأنه كلام رب العالمين في القرآن الكريم لكن يا اختي خلينا واقعيين احنا مجتمع ما يطبق الشرع بصراحه!

احنا مجتمع قوانينا وضعية ومو كلها مطابقه للشرع وفي شي اسمه عرف والعرف هو ما يحكم المجتمع من عادات و تقاليد حتى وان كانت غلط

او مخالفة للشرع! واكبر مثال و اكبر دليل هو كلامج

الريال ما يتحاسب لكن المرا يلعنون ابو اسلافها ليه خانت مع العلم ان الشرع ما فرق بينهم لكن العرف فرق والمجتمع يحكمه العرف وما نقدر مهما سوينا ان احنا نغير المجتمع

الريال شايل عيبه رضينا وإلا ما رضينا سواء صح او غلط

المراة ماتبي يقولون عنها مطلقة صح او غلط هذي هي الفكرة السائدة

نتمنى ان المجتمع يطبق شرع الله لكن الواقع يقول غير واحنا لازم نكون واقعيين و محد غصب احد على شي! بصراحة المرأة إللي بتسامح زوجها عالخيانة حرة وإللي بتحاسبه وماراح تسامح ايضا حرة والعكس صحيح


بصراحة موضوعج جدا حلو مشكورة

 

[الصعيريه]

رد : زوجته طعنت برجولته وخانته .. لكنه سكت وماسوالها شي!!!

الخياانه خياانه سواء من رجال ولا مره

بس عندنا بمجتمعناا
اذا الرجال خان مرته بتعطيه فرصه يمكن يتسنع وفي بعضهم اللي ماترضاها على نفسها وتطلب الطلاق ومستحييل تقعد عنده بعد مآأهانهاا
لانه خيانة الزوج تعتبر إهانه لزوجته وأكبر دليل على عدم إحترامه لمرته
لانه لويحترمهاا ويخاف على مشاعرهاا مستحيييييييل يفكر بخيانتهاا مهما كانت الاسبااب
وأصلاا مآكو سبب مقنع علشان الزوج يخون زوجته

وبالنسبه لخيانة الزوجه
شي أكييد إنه الرجال مآرآح يرضاها على نفسه وماراح يأمنهاا على نفسه وعلى عياله
وعلى بيته والأغلبيه اللي يتعرضون للخيانه من زوجاتهم مآيخلونهم على ذمتهم
وفي بعض الازواج يعطون حريمهم فرصه عل وعسى تتغير

وعسى الله يبعد عناا الخياناات بأنواعهااا
ويحفظ لنا أزواجناا ويحفظنا من كل شر

ويعطييج العاافيه عالنقاااش الرووعه

 

[أميرة الصدق]

السلام عليكم ...أولاً : مبارك عليكم الشهر
ثانياً:أختي الكريمه كلامك صحيح 100%100 الخيانه خيانه سواء من الرجل أو المرأه...لكن عزيزتي الرجل غير المرأه في كل شيء والله سبحانه يقول في كتابه الكريم ( وليس الذكر كاالأنثى ) وليس معنى ذلك تقليل شأن خطيئة الرجل ...فذنبه عظيم خاصه إذا وصل الأمر إلى زنى والعياذ بالله...لكن الأمر أفضع وأعظم إذا كان من المرأه ...والواقع خير شاهد على ذلك ...المرأه شرفها إذا ذهب لا يعود ...وسف يلاحق العار جميع أقاربها بل حتى قبيلتها بأكملها ....المرأه إذا خانت فقد إرتكبت جريمه لا تغتفر ...بعكس الرجل ...تلقين الناس من حوله يدعون له بالهدايه ومنهم من يفسر أفعاله بأنها طيش شباب ...وإذا هداه الله يجد 100 بيت يفتح له أبوابه وكلن يقول تعال أزوجك ...لكن المرأه حتى لو صارت عابدة زمانها ماحد يفكر فيها ...حتى لو فكر فيها أحد ...فيكون إنسان نادر قله من يقبل بها ...أختي الكريمه نحن مجتمعات شرقيه مسلمه تسري الغيره في عروقها ...لا يسمح الرجل العربي بأن ينظر أحد لزوجته فكيف يرضى بخيانتها ...وهذه نعمه عظيمه فالذي لا يغار على أهله يعتبر ( ديوث ) وقد سئل رسول الله صلى الله عليه وسلم عن الديوث فقال ( هو الذي يقر الخبث في أهله ) وهذا الصنف من الرجال حرمت عليه الجنه بقول رسول الله صلى الله عليه وسلم ...والشواهد كثيره من السنه عن غيرة الصحابه رضى الله عنهم ...
وعن رائي الشخصي ...سبحان الله أكره خيانة الرجل وأحتقره ...ولكن يزداد كرهي وأحتقاري للمرأه الخائنه ...كيف تسمح لنفسها أن تنزل لهذا المستوى :080402ask_prv:...كيف تخون أهلها وزوجها . :080402ask_prv:..كيف هان عليها شرفها وعرضها :080402ask_prv:..كيف هانت عليها سمعتها وسمعة أهلها وزوجها وعيالها.. :080402ask_prv:
وأخيراً أختي الكريمه إختلاف الرأي لا يفسد للود قضيه :hjy5jewf:...والله يهدي ضال المسلمين

آنا مع الإخت شريفة بكل كلمة
وأحب أضيف على موضوع إن الشرع أحل 4 للرجل !
أغلب الحريم اتشجع زوجها على العلاقات المحرمة أو تسكت عنه اذا صادته مع وحدة عشان بس مايتزوج عليها !!
ولا تقولين هالكلام موصحيح :23_asmilies-com:
أغلب الحريم أشكره يقولونها جدام بعض !!! أحسن يزنى ولا يتزوج !!!!!!!!!

 

[تمنيتك]

رد : زوجته طعنت برجولته وخانته .. لكنه سكت وماسوالها شي!!!

مشكله ان محد معتبر الشي هذا الزناااا ( حرام ) يعني محاسب عليه له عقووبه من الله .. الله محرمه !! لا المهم ليش خان او شعورهم جدام اهلهم وربعهم

بصراحه علي كثر ماقريت مواضيع خيانه او سمعت .. همهم بسس دنيوي مو جدام ربهم وعقاابه


ومافي شي اسمه شايل عيبه .... ليش عند ربه الريال شايل عيبه ؟؟؟؟؟ يعني استغفر الله يوم الحساب .. ليش تزني ... شنو جوابه ... انا ريال شايل عيبي !! ​