ريلج وعقدة السوق

[ShaGRa NoiSya]

جادل انتي حدج مأسااااة والله ,, الله يعينج صراحه

انا من بعد ذاااك اليوم ماطبيت معاه السوق كلللش ومره كان بالسوق قلت له في جاكيت اصفر عاجبني بزارا اخذه لي
راح شافه قاااالي جم مقاسج قلت له سمووول تخيلي يايب لي ميديم !!! وطلع وسيع علي ومن نحاسته شالع الليبل عشان ما ارده عاد مالبسته مو حلو علي

 

[فلنتينو]

مافي ريال يحب السووق

 

[ماني من الناس]

موشكله لين تزوجت

انا ماحب زوجي يكون معاي بالسوق لأن احس هذي شغله حريم مو حلوه امشيه وراي من مكان لي مكان خخخخ

خو احنا لازم نفر المحلات كلها وبعدين نقرر وما نمل يعني بالعكس الشعور عندنا طبيعي

اما الازواج احسهم يملون وما تهمهم هالسوالف

بس الموشكله انا مابي اسوق اولا لأني عباره عن وحده مفهيه + ما دل مكان ماركز + خويفه + مالي خلق القوانين والانظمه والزحمات


يعني ما عندي حد يوديني

الحين اطلع السوق مع اخوي وزوجته وبنات اخوي لأنهم حيل متعلقين فيني خخخخ ما يروحون مكان الا انا معاهم

بس بعدين لي تزوجت فشله احس بيقطعوني

وانا ماعرف اسوق ومابي اتفشل قدام ريلي من مكان لي مكان ومن سوق لي سوق لان ذوقي صعب


واحسه غريب عني يعني مو مرتاحه اتسوق مع احد غير اهلي بعدين لين تزوجت شلون برد اتلزق مع اهلي

 

[مدام فراوله]

مجبوره معاه اروح السوق بس اكره اليوم الي اروح معاه.ياله خلصتي بسرعه طولنا تعبنا ماتعبتي لازم اسمعها كل مانزلت السوق نفسي في مجمع نسائي بس مايدخلونه الرجال

 

[انا لحبيبي .]

عندي عقده منه لما اطلع معو السووق ،،

تعالي ناحيه اليمين ، مو عارفه شو السر بناحيه اليمين اضل امشي جهه اليمين ع كتفو اليمين o_o

وهو ما بطيق السوق ، مره اخدني السوق ربع ساعه حكالي يلا خلصتي ،

حرمت اطلع السوق معه او احكيلو خدني السووق

 

[ShaGRa NoiSya]

والله هالرياييل مادري شلون صايريين

لو يفترون السوق مع ربعهم 500 مره عادي بس معانا زهقانين وتعبانيين ومالهم خلق

 

[Lemon Juice]

من صجج معروفين الرياييل لا تروحين معاهم سوق يذبلون جبدج

انا أصلا ماحب أتسوق الا بروحي آخذ راحتي عدل

حتى امي واختي ما أفضل يكونون معاي لأني أطول بالسوق أدش كل محلات المجمع وما أطلع الا بقطعة والا قطعتين..

امي مسكينة ماحب أفرفرها معاي لا تتعب ، واختي نفس الشي تدوخ معاي وتمل

أروح بروحي الضحى أو أستأذن من الدوام حلو التسوق هالحزة ما فيه لويه

تسوقوا بروحكم واذا ما تحبون اخذوا اخت أو رفيجه

أما الرياييل انسوا تتسوقون معاهم

عاد أكو رياييل يحبون السوق ما يملون بس هذولي قله

 

[أم توتو]

انا ريلي مايحب السوق بالليل يحبه الصباح
ثانيا اشتري اللي تبن ونرد البيت لاتدورين السوق كله
طبعا بالعيد الله يعين يقولي بدينا مرابطه بالسوق خذ ورجع خذ ورجع

 

[ورد]

هههههههههه الحمدلله انا وزوجي من عشاق السوق ،، بس انا صرت اكره اروح وياه لان يضيع وقتي على محلات الرجال وما يمديني اروح محلاتي .. و لا يرضى امشي عنه لازم وياه .. وكل مرة نروح نتناقر على منو يبدي محلاته ،، وكل مرة في السيارة انا الي ببدي ومن ننزل اول محل رجالي .. والمشكلة هو يحب يجرب قطعة قطعة واكثر من مقاس ،، يعني اذا عجبه محل اقل شي ساعة على ما نطلع ما يخلص كم محل الا المول بيسكر وارجع انا بحرتي .. .

ويوم الي تنزل عليه الطيبة ويخليني اروح محلاتي على كيفي ، الا غصب بدلي وشوفي البدلة كيف ،، وانا اكره شي عندي في الحياة اجرب ملابس ،، يعني قصتنا ما تخلص مع السوق ..

 

[جوري 2007]

ماشاءالله تبارك الرحمن ريل بنت خالتي يمووت عالسوق وذويق حيل ،، لازم يروح وياها يستمتع ويدخل وياها محلات الحريم وينقي

تالي محلات الرياييل يشتريله جم شغله ،، تالي هدوم عيالهم يفنتق فيهم ،، اصلا ساعات اذا اهيه مشغوله او معزومة ياخذ اليهال و

يشريلهم يحليله ، الله يتمم عليهم

اول مرة اشوف جذي !!