رودي للاستشارات الهندسية

[rudy]

هلا كيكه

واي اسمك يشوق ابي كيكة كادبوري بالبرتقال الحين
توني هابه فيها:eh_s(6): اتينن


المهم

ترا الباب مو ضروري يكون نفس لون الألمنيوم
واغلب البيوت يكون لون الباب بني
وانا ابالي فكرة محد سواها من قبل
ولو تلاحظين بيبان البيت الأبيض ............ عشتو

بيبانهم الداخلية يا طويلة العمر بنية والفريم او الشرشوب ابيض
طالع عجيب

واذا تبين بيبان روحي الاهلية مالت الألمنيوم والمطابخ تلقينها يم فانتسي ورد عندهم بيبان المنيوم بلون الخشب تشكيلتهم كبيره
وانا بالنسبه لي كان ودي احط باب حديد مع زجاج مغبش بس الألمنيوم محكم اكثر.
ما يدخل اغبار
انا الحين في بيتي في مرحلة الديكورات الجبس وتركيب السيراميك يعني وراي مشوار يهد الحيل
الله يسهل​

 

[rudy]

منو تبي مطبخ
على كيف كيفها
ومن ارض الواقع
ادش هالموقع واتفرج واذا عجبها تطلبه من ايكيا
اعتقد ان لغة موقع ايكيا سويدي
لأني موفاهمة منه الى كلمة سعر
http://www.ikea.com/ms/sv_SE/complete_kitchen_guide/get_inspired/index_original.html


​

 

[rudy]

مرحبا بنات اشرايكم في الصورة الى تحت
ما لاحظتوا شي

ركزو شوفو الباب الي بالصورة
لونه بني والفريم ابيض
عجيب ما اعتقد ان احد سواها من قبل
ولي سواه صج عنده ذوق ويعرف بالديكور​

 

[نوارة 28]

مجهود رائع اختي رودي بغيت مصمم ديكور شاطر وبغيت اعرف احسن محل يبيع غرف نوم حلوة


مع تحياتي

 

[rudy]

مجهود رائع اختي رودي بغيت مصمم ديكور شاطر وبغيت اعرف احسن محل يبيع غرف نوم حلوة


مع تحياتي

غرف نوم زينه تلقينهم عند البيت الأمريكي
بس الناس اذواق يعني انتي لازم اتلفين على محلات الأثاث واتقررين
لأن ساعات النجارة هم زينين
وبالنسبة لمصممين الديكور مري دومين بسن سيتي خابره عندهم قسم للتصميم الداخلي اذا ماني غلطانه
حتي اي محل اتشوفين ديكوراتهم حلوه ساليهم عن المصمم
يعطونك اسمه ورقمه
بس للأمانه ما تعاملت مع مصمم ديكور لما الحين وما اعتقد اني بتعامل كل الي تعاملت معاه هو استشاري للأشياء الرئيسية بالديكور
الي هي اساس البنيان
كتقسيمات الحمام والكهرباء وديكورات الجبس
اقصد الأساسيات

 

[الكيكة]

هلا رودي ... ايي الفريم الابيض غريب

جربي يمكن يطلع حلو

 

[rudy]

بجرب انشاء الله
وبقولكم التجربة

 

[ام مياز]

الغاليه رودي
صراحه عندي اسئله كثيره لكن ماراح اقولها كلها حتى ماتتمللين :eh_s(14):
اول شي الدور العلوي ودي اصبغه بلون خربزي لان رخامي فيه من هذا اللون ولون غرفة بنتي وردي درجتيين وش رايك؟؟
اما غرفتي ودي فيها شكل ثااااااني تكون عالم ثاني لانها عباره عن جناح مدخل يفتح على غرفه لجلسه خاصه وحمام كبير وغرفة جاكوزي ثم الغرفه الرئيسيه اللي هي غرفتين في بعض مفتوحين الصغيرة ودي اخليها غرفة ملابس واحيان اقول خلها جلسه حلوة معtvومفصوله بستارة كريستال(وش رايك)وشنو تشوفين لي لون مناسب لها وللجناح عموما (حتى اهبل ابو الشباب) ولك مني دعوة بظهر الغيب يام الذوق كله والسلام:eh_s(17):

 

[الكيكة]

رودي شوفي الباب اللي شريته للمدخل
المنيوم لونه خشب

شريته من توب روك اب 1320 دينار
هذي الصوره من تلفوني صورته بالمحل بس ماعرفت اصغرها و ترا بيضيفون لي قوسس من فوق جام و حديد نفس الفتحات الموجوده لان بابي مقوس من فوق

[/IMG]

 

[ام مياز]

وينك رودي ماجاوبتيني؟؟؟؟؟؟؟؟؟؟؟؟؟؟؟؟؟

 

[سيدة الكويت]

السلام رودى عندج صوره كبتات الى يكون يمه مكتب دراسه انا عندى صور

بس ابى اشوف موديلات كبتات حق البنات حلو ولا البسيط احلى

 

[الكيكة]

سيده الكويت واللي يعافيني .. اشدعوه عيالنا يدرسون على مكتب و لا يكتبون على مكتب ... طول عمرنا احنا و عيالنا بعد مثلنا نكتب و ندرس على طاولة الاكل بالمعيشه ... و اللي عليه امتحان صعب يدرس بغرفته ( انا حاطه قنفه ثلاثيه او ثنائية بكل غرفه نوم)

و و كل واحد مخصص درج ( جرار ) بالكبت للكتب و الدفاتر .
و الكمبيوترات الحين لاب توب مو مثل قبل الكمبيوتر على ايامنا .. ماخذ مكان
و البرنتر ابمكتب ابوهم .. اللي عنده طباعه يشل لاب توبه و يروح يطبع بالمكتب

 

[سيدة الكويت]

هلا كيكه لا لازم يتعلمون على المكتب على الأقل يحلون واجباتهم

وأحسن حق ظهرهم ويتعلمون الأعتماد على نفسهم

 

[rudy]

هلا كيكه وسيدة الكويت
كل وحده منكم كلامها صح
انا اعيالي عندهم مكاتب بس ما يقعدون عليها كلها كتب واقلام واوراق امتحانات والواجبات يا اما على الفراش او الطاولة الي بالصالة وانا توني شارة طاوله طعام اصغيرة بالصالة بس مو للطعام لا للواجبات
والله يهنيك سيدة الكويت اذا بناتك يطيعونك ويدرسون على مكاتبهم ويتمم عليهم وعقبال الي عندنا

وانا مثل ماقلتي بسوي المكتب من ضمن الخزانه توفيرا لمساحة الغرفة وخاصة للأولاد لأنهم ما يحتاجون خزانه كبيرة وإذا لقيتلك صور بحط انشاء الله

 

[rudy]

الغاليه رودي
صراحه عندي اسئله كثيره لكن ماراح اقولها كلها حتى ماتتمللين :eh_s(14):
اول شي الدور العلوي ودي اصبغه بلون خربزي لان رخامي فيه من هذا اللون ولون غرفة بنتي وردي درجتيين وش رايك؟؟
اما غرفتي ودي فيها شكل ثااااااني تكون عالم ثاني لانها عباره عن جناح مدخل يفتح على غرفه لجلسه خاصه وحمام كبير وغرفة جاكوزي ثم الغرفه الرئيسيه اللي هي غرفتين في بعض مفتوحين الصغيرة ودي اخليها غرفة ملابس واحيان اقول خلها جلسه حلوة معtvومفصوله بستارة كريستال(وش رايك)وشنو تشوفين لي لون مناسب لها وللجناح عموما (حتى اهبل ابو الشباب) ولك مني دعوة بظهر الغيب يام الذوق كله والسلام:eh_s(17):

آسفه حبيبتي بس توني اشوف سؤالك
انشغلت هالأسبوع وما دخلت المنتدي عذريني

أول شي شنو يعني خربزي!!!!! او مره اسمع في هالون

بالنسبة لغرفة بنتك حلو الون الوردي انا وايد احبه وترا الوردي درجات منها الحلو منها الي رايح فيها وليتك اتمرين ايس هارد وير وتشوفين درجات الالوان الي عندهم اصلا راح اتغيرين رايك

وبالنسبة للون غرفتك انصحك اول شي انك تختارين الستاير لأن اختيار القماش اصعب من الصبغ والصبغ ايي مكمل للغرفة وانصحك بعد مع الستارة لون السجاد وعلى اساسه تختارين لون الغرفة يا اما نفس لون السجادة 100% او لون من الدرجات الموجودة بالستارة​

​

 

[كلي تفاؤل]

السلام عليكم ورحمه الله وبركاته

شلونكم خواتي حبيت اشاركم ببعض الصور من شقتي بما انكم ما قصرتوا معاي خاصة الأخت رودي والاخت الكيكة بإجابه على تسؤلاتي ..تسلموون بنات استفدت منكم ..

بوريكم صور الصبغ اللى اخترته

أول شي الصاله ..صبغتها مشمي مت على هاللون وان شاء الله بخلي الأثاث درجات البني مع البرتقالى ...

هذاي غرفه عيالي بغيتها مخططه برتقالى واخصر وابيض بس الصباغ ماعرف يخططها فصبغتها ساده هاللونين وطلبت من ام على العضوة مس سنسن ستكرات طوفه وراح االصقهم عليها بس توصل ..

أخيرا غرفت النوم ...حطيت طوفه وحده ورق جدران (خذيت من الدعيج )شغلهم رااقي ..طبعا الصورة ظاااالمه الغرفه ,,لون ورق الجدران بني والورود زرقا وصبغت باجي الطوف ازرق سماوي ...

وكلف على ورق الجدران 85دك طبعا على حسب مقاس الطوفه اللى عندي ...

وجبت لكم الموقع اللى طلب منه الدعيج هالورق ..وراح تلقون نفس الكتلوجات اللى بالموقع عند الدعيج ....

http://www.casadeco.com/casadeco.asp

اسم الكتلوج شيكاغو

أبي رايكم بصراحة خواتي واذا في اي ملاحظات اكون شاكرة لكم

 

[الكيكة]

هلا جهراويه لا شكر على واجب احنا خوات

شقتج اتهبل ... و احلى شي لون الصاله يهبلللللللل عليج بالعافيه

و غرفتج بعد حلوه بس عاد انتي و ذوقج يا اطلعينها بالوان الستاير و الكفر و السجاد و الاثاث و الاكسسوارات ... او الله لا يقوله تخربين الموضوع
فانصحج شوي شوي و فكري عدل قبل لا تفرشينها ..
و شوفي هالصور اخذي منها افكار

 

[الكيكة]

 

[كلي تفاؤل]

ياحياتي الكيكة تسلمييين لى على الصور روووعه.. دليل على ذوقج الراقي صور الستاير اتهبل ...وصاجة انا ما استعجلت بتأثيثها...

بس حاطة في بالي ان الكفر والزولية لون ازرق بعد لآن غرفتي لونها بني غامج ...نفس لون الكفر اللى بالصورة اللى حطيتيها

والله ييسر

 

[كلي تفاؤل]

شفتي الصاله لقيت موقع يبيع ستكرات قلت بحطها للصالة لونها بني عجبنييييي حيل للصالة هاذي صورتها تحت ..بس للأسف جيت بطلب منهم في خلل مو راضي الموقع يسوي لى الطلب ..بحاول مرة ثانية وثالث وعاشرة لووول لآنه دخل مزاجي حيييل ...

جيكي على الستكرات ورا الغنفة