رودي للاستشارات الهندسية

[مملكة الكاكاو]

بنات انا نويت اني افتح فرع للديكور في منتدى كويتيات

وحبيت اساعد البنات الى عندهم مشكله في تنسيق الديكور او اختيار الاثاث

وطبعا بنات المنتدي الباجي لاتقعدون ساكتين واتفرجون هم عطونا رايكم

يالله نبتدي منهي الزبونه رقم 1:eh_s(10): ​

عزيزتي رودي.. مشكورة على الموضوع المفيد..
الصراحة آنا سؤالي متعلق ب الحمامات (وانتي بكرامة).. وين أحصل حمامات حلوة حق أطفال؟؟ شفت محل أبيات.. و شفت محل "أكوا مونو" (مو متأكدة من اسمه) الي يم أبيات، ما شالله الحمامات الي عنده صج تفرح الأطفال.. رووووووووووووووووووعة بس غااااااااااالي.. فوين أقدر ألاقي محلات حمامات شغلاتهم حلوة و مديلات جديدة "تصلح للأطفال"؟؟

مشكووووووووووورة.

 

[آسفه يا طموحي]

يعطيج العااااااااااااااافيه

ماقصرتي0000
عندي مشكله بصالاتي اول ما تدخلين صالتين من الصوبين وعندي تحجير بالطوفه بحاول اصوره وادزه لج خاص اهو من سكنت بيتي مسوووينه ذوق زوجي 00انا مو عاجبني ودي اشيله بس يقووولون استغليه احس انه قديم 00ابي افكار له وعارفه اني بحتاجج باشياء ثانيه تسلمين

 

[زهرة التقوى]

الله يجزاك كل خير

بالنسبة لي فانا في مرحلة الصبغ والتأثيث وبغيت مساعدتك حبيبتي
مرحبا عرايسنا



بغيت اخذ استشارتكم

و اتمنى الاقي رد


في بيت عمي ارض صغنونه مساحتها 66 متر مربع تقريبا

قمنا بنيناها 3 طوابق



الطابق الارضي : حوش و مطبخ و صالة وحمام ومخزن

و الاول والثاني نفس الشي : غرفة مفتوحة على غرفه تبديل وحمام + غرفة و حمام

و هذا تخطيط البيت


الطابق الارضي:

الطابق الاول والثاني:

اللي باللون الازرق : نوافد و الجزء المفتوح: ابوب


مساحة الغرف صغيرة و مو عارفة شلون اصبغها و اثثها

فقلت ما لي الا رودي اكيد بحصل رد من عندها

 

[rudy]

آآآآآآآآآآآآآآآآآآآآآآآآآآآآآآآآسفة خواتي صارلي فترة ما دشيت المنتدى لضروف خاصة واليوم باذن الله اح احاول ارد على اسالتكم

عذروني بليييييييييييييييييييز

 

[rudy]

حبيبتي حبيت اسالج انا توني مغيره شقتي ومغيره الاثاث ومتهوهقه الحين بالصبغ
غرفه النوم شريت غرفه موديرن قلت اغير شوي مليت الكلاسيكي ولونها اسود فشنو اصبغ الطوف اي لون ؟؟؟
والغرفه الثانيه هم بعد شريت قنفات سود بعد قنفات موديرن شنو بعد اصبغ الغرفه ؟؟؟
ووايد قالولي صبغي الغرفه الاحمر حلو مع لاسود بس خايفه تصير مقموته
وغرفه النوم قالولي صبغي بس طوفه وحده فوشي والثانيين وردي فاتح وماادري اذا بيطلع حلو ولالا
وغرفه الثالثه فاضيه ومو عارفه شنو اسوي فيها
بس الصاله الرئيسيه الحمدلله ماعندي فيها مشكله
ماعليج امر ياليييييييييييييييييييييييييييييييييييييييييييييييييييييييييييييت تساعديني

الاسود حلو معاه الرمادي بدرجاته الفاتحة والغامجة واسود يمشي معاه الوان وايد مثل البنفسجي او الوردي او البرونز وتقدرين تخلين الطوفة لون ابيض ومن جهة وحدة حطي ورق جدران بلون انتي تشوفينه مناسب وعلى حسب الموجود بالسوق وبالنسبة للالوان القوية مثل الاحمر راح تملين منه مع الوقت ولو الغرفة غرفتي صبغتها رمادي.
وبالنسبة للغرفة الثالثة الفاضية ليش ما تسوينها غرفة ملابس وتخلينها غرفتك الخاصة فيها كل احتياجاتك وتسوينها كانها محل ملابس وتخلين فيها مرايا كبيرة وقنفة

 

[امراة من زمن الحب]

رودي بسألج شنو الارضيات الدارجه الحين ؟
رخام والا سيرامسك والا جرانيت والا باركيه والا والا ...؟
وشنو ترشحين لي من أي محل اشتري الأرضيات وشنو الالوان ؟
الله يعافيج ردي ضروووووووووووري

الله يعافيج ردي ضروري
وشنو المحلات اللي لازم امر عليها ؟؟؟

 

[Pissy Missy]

يعطيج العافيه حبيبتي على هذا المجهود الرائع ما قصرتي

ان شاء الله بنزل بيت يديد وحابه اسويلي غرفه تبديل (open closet ) مفتوحه بس ما اعرف وين يسوونها

شنو افكارج و وين اقدر اسويها ؟؟

 

[ســتارز]

هلا رودي حمدالله على السلامة

لوسمحتي حلو نجمع بين طقمين قنفات نفس الصالة متقابلين والاثنين سادة ؟

والا اخلي واحد منهم مشير مع اني احس السادة ارقى

 

[ام الريميه]

السلام رودي ياقلبي تكفين ابي استشيرك بشي وابيك تردين علي بسرعه الله يوفقك على المجهود النبيل
حبيبتي انا بغير صالتي وهي تقريبا 6×4 بغيرها لمودرن
سويت ورق جدران برسمات حلوه تجمع بين الالوان الرمادي الفاتح والبنفسجي والموف والابيض والاسود بحطه بجدار واحد بس وال3 الباقيين بويه انا محتاره باللون حبيت االرمادي لانو الكنب لونه بنفسجي حلو مو البنفسجي الفاتح والخداديات الوان الجدار
السيراميك لونه بيج فاتح
السؤال ضاع بين هالقرق
ابي لون الجدران وش رايك بالرمادي تكفين ردي علي هاليومين باصبغ؟؟؟؟؟؟؟؟؟؟؟؟

 

[البرنسيسه77]

هاى رودى انا عندى استفسار قبل لا ابلش بالبنيان ان حاه اسوى لكل غرفه بالبيت ستايل خاص فيها وابيها تكون كامله من الاثاث والكسسوارات وتكون كلها متناسقه مع بعض وفخمه السؤال هو فى شنو ابتدى هل افكر فى شكل الغرفه النهائى قبل ما ابيدى ولا لم اخلص من السيراميك والديكور واجى لمرحلة الصبغ افكر بشكل الغرفه لانى بصراحه مانى قادره ارتب افكارى الغرفه يبيلها اشياء كثيره من لون الصبغ ولون الاثاث والستاره والسجاد والاكسسوار فياريت المساعده

 

[آسفه يا طموحي]

وينج يا روووودي


:")

 

[da7doo7y]

حياتي مشكورة

 

[أم راشد المطيري]

السلام عليكم

اختي بشقتي الجديدة بحط ورق جدران

شنو الالوان اللي احطها خل اقولج اثاث الصالة بني وبيج وسرير غرفتي بني شنو احس الالوان اللي احطها مع اثاثي

واحط ورق جدران لون واحد ولا اقسم الصالون حق لونين من ورق الجدران واحط كل البيت والغرف ورق جدران ولا بس طوفة وحدة والباقي صبغ

ابي خبرتج

وجزاج الله الف خير

 

[asOola_21]

السلام عليكم .. حبيبتي رودي اتمنى صج تساعديني

نبي نبني شقه اب بيت اهل زوجي والمساحه 130 متر مربع ابي اعرف تقريبا شلون راح تكون الاحجام اذا ابي 3 غرف وراح يكون عندي مشكله ،، بيت الدري راح يصير تقريبا بنص الشقه شلون اقدر استغله ؟؟ اتمنى تفيديني

 

[prettysoul]

أختنا الفاضلة رودي

أتمنى أن تكوني بخير.
وألف شكر لكي لأنك ماتبخلي على العضوات بالمساعدة

أختي لوسمحتي عندي سؤال
والدي راح يبني بيت من طابقين الثاني للنوم
والأول
لاستقبال الضيوف مع المطبخ وتعرفي مجلس النساء يكون مفصول عن مجلس الرجال

إللي حبيت أسأل عنه
إيش المفروض والدي يتبع إمشان يكون تأثيث البيت راقي؟؟
دمتي بخير

 

[النية الصافية]

يعطيج العافيه وعساج عالقوه والله يجعله بميزان حسناتج
حبيت اسال عن الموضه الدارجه حاليا للارضيات هل سيراميك او باركيه او زل
اقصد افرش سجاد لان بخاطر افرش زل لغرف النوم بس الصالات ابها سيراميك وقطع سجاد شنو رايج واختار السجاد ساده مشير وشنو النوع الزين ؟؟؟
وبالنسبة لموضة الستاير لغرف النوم افضل احط رول او نظام امريكي انتي اشرايج لغرف نو عيالي اولاد من عمر 16 سنه لي 7 سنوات
والبنسبة للحمامات وين اروح محلات رخيصه وابي نوعيه زينه للبايبات والاطقم والسيراميك؟؟؟؟
والابواب لكبتات البيت ودي اغيرها لانها بالطوفه واسويها سحب انتي شنو رايج ؟؟؟؟
واسفه على كثر الاسئله

 

[سميه البدر]

السلام عليكم
حبيبتي بوريك خطط صالتي ابي اغيرهاااا

الجدران لونها بيج فاااتح البيبااان لونها خشب .. كبت التلفزيون لونه خسبي بني وفيه زي درج حق الاغراض على جنب .. الشبااك لون الستاره بيج فااتح ....
حبيبتي ابي اغير ابي شي يبهر وياليت تزودين معااهاا صور اذاا مافي كلافه عليك

 

[سُوالفي حلوة]

مراحب
عندي دريشة صارية بين الدري شاط عليها الانها تكشف عل جيران ستارة ولا رسم ولا شنووووو

 

[ســتارز]

مراحب
عندي دريشة صارية بين الدري شاط عليها الانها تكشف عل جيران ستارة ولا رسم ولا شنووووو

في محلات الديكور جلاد شفاف معرق يسمح بالضوء بس مايشف

 

[ام تولي]

وينج يااخت رودي مانستغنى عن افكارج واستشاراتج:
بنات عفيه اللي تعرف نجار يسوي كبتات التخزين نفس اللي بإيكيا واللي هابين فيهم الحين لاتبخل علي بالرقم لأني رحت لكذا محل قالولي المتر المربع على80 اشدعوه يعني يطلع بحدود 800 والله غالي لابعد ابي حقي وحق اعيالي والله ميزانيه!!!