رودي للاستشارات الهندسية

[الحلم البعيد]

رودي مشكوره على المعلومات القيمه

ابي رايج ودي افصل لبناتي سريرين (وحده عمرها11 والثانيه 12) .. شنو تنصحيني اخلي جوانب السرير صاكه للارض او ا خلي فراغ بسيط,,, رايج يهمني ..وعلى فكره غرفتهم صغيره 4في 4
ساعديني بافكار الترتيب للاثاث ,,,,,,وممكن صور

 

[shusha]

في عدة طرق خليهم يرشون الجام ويصير غير شفاف مغبش
او ستارة رول تنزلينها وقت الحاجة وتكون ثابته بالباب يعني ماراح تخترب لى صار عندك ضيوف نزليها
او مثل ما اقترحو البنات ترسمين على الجام

مرحبا رودي .. الموضوع يا بوقتة
توني بسالج عن الرسم بغبار الزجاج
عندي باب شقتي شفاف عالحديقة وموعاجبني ان احط ستارة

ابي رقم محل يرسملي عالزجاج (بغبار الزجاج)

اذا عندج فكرة

مثال الرسم بغبار الزجاج

 

[rudy]

رودي مشكوره على المعلومات القيمه

ابي رايج ودي افصل لبناتي سريرين (وحده عمرها11 والثانيه 12) .. شنو تنصحيني اخلي جوانب السرير صاكه للارض او ا خلي فراغ بسيط,,, رايج يهمني ..وعلى فكره غرفتهم صغيره 4في 4
ساعديني بافكار الترتيب للاثاث ,,,,,,وممكن صور

مرحبا اختي بالنسبة للسرير ضروري يكون فيه فراغ من تحت للتخزين وبما ان الغرفة صغيرة لازم تستغلين كل سانتي فيها
ليش ما تحطين لهم اسرة ايكيا الرفيعة الي ايي تحتها مكتب هذي تعطي اتساع دبل للغرفة بحيث يكون النوم فوق والدراسة تحت اكيد شايفتهم في مجلات ايكيا​

 

[الحلم البعيد]

مشكوره يارودي على الفكره

بس علشان انا كنت مفصلتلهم (كبت )قبل فتره,, حبيت افصل السراير نفس الالوان ., وفكرتج باستغلال المساحه اللي تحت السرير حلوه .

فقررت اسوي درج (مجر) .

ومشكوره مره ثانيه

 

[Heaven Light]

رودي حبيبتي .. انا بغير غرفة النوم بخليها غرفة قعده + نوم ..

فكرتي وهي كالتالي : استغني عن غرفة النوم واشتري سوووفا بد (( قنفه فيها سرير )) وغرفتي صغيره اظن 4×5 والمشكلة اللي عايشين فيها 3 بنات انا عمري 20 واختي عمرها 16 والاخيره عمرها 14

بس نبي نحط كبت للملابس !! ومحتارين نبي صغير وبنفس الوقت يكفينا احنا الثلاثه ..

فكرت اشتري طقم سوفا اللي بالزواية وفيه سرير .. وسوفا منفصلة لخواتي الثنتين ...

يوووه والله ضيق المساحه مشكلة .. شنو اسوي قولي لي ؟ اخاف نومة السرير مال الصوفا مو مريح .. بس والله تعبت ابي مكان ننام وندرس فيه ماكوو بيتناااا صغير جد اجدا

 

[rudy]

اعتقد ان الصوفا بد مو للاستعمال اليومي تنفع للضيوف او للشاليه
شرايك تحطين سرير دورين والثالث دي بد سرير نهاري
للنهار ينفع للجلوس وباليل للنوم

 

[حبيبت عزوز]

رودي مرحبا حبيت استشيرك بشقه معاااريس انا اثث شقت اخوي وهي كلها غرف نوم ومجلس وحمام الله يكرمك ومطبخ تحضيري انا الحين باثث المطبخ بس محتاااره في اللون تقريبا لقيت مطبخ لونه مشمشي بين الفوشي ولاحمر بصراحه لونه روووعه ولقيت اصفر بسلفر وبعد روووعه بس ابي الوان تحطينها لي وامكن اختار اللون المشمشي بس السيراميك شنو احط لونه وطريقه المطبخ كلاسيكي يعني ساااده مافيه شي وثااني شي الحمام بعد ابي الوان وصور له وشنو احط بلحمام والجااكوزي ياليت تحطينه بعد واذا في اشياء جديده غيرالجاااكوزي ياليت تحطينها الله يعينج بس والله ماااعرف شي انا البنت الوحيده وبعد توني على هسوالف صغييييره وياحياتي لاتبخلين علي بهالاشياء بالنسبه للمطبخ والحمام ..... انتظر ردج،،

 

[rudy]

المطبخ يحتاج سراميك بيج او اف وايت عشان يبرز لون المطبخ وبالنسبة للحمام لاتحطين جاكوزي وانتي كيفيك
والسبب ان الجاكوزي صج يونس بس مع الوقت راح تملون منه وتبون شي عملي وانا دايما اشبه الجاكوزي بجهاز المشي نكون في امس الحاجة له ولكن بس نشتريه نستعمله بالكثير مدة اسبوعين بالسنة
وبالنسبة للصور حاضر راح احاول ابحث واحطلك انتظريني

 

[strawberry_q8]

ماقصرتي اخت روودي على مساعدتج للكل وان شالله بميزان حسناتج
حبيبتي بغيت أسألج تعرفين مهندس ديكور شاطر ابي اغير تصميم البيت وحدددي ضايعه ابي احد يساعدني بالالوان والديكورات

 

[rudy]

العفو اختي
ما عندي مهندس ديكور محدد بس محلات الأثاث الكبيرة عندهم يقدرون يفيدونك
اذا شريتي منهم شي
يساعدونك بالالوان والأثاث وكل شي

 

[الحلم البعيد]

ياليت تساعديني للمره الثانيه

هذا المخطط التقريبي لصالتي(الجلسه اليوميه) وترا مساحتها اصغيره العرض 420والطول 460و ابيج تساعديني اشلون اثثها

(التلفزيون,الكنب سواء متصل L أو مفرق (مودرن) لسه مافصلته انتظر مشورتك,الخ)

و نفسي اصبغ جدار 1 مقلم او لون غامق بس محتاره اي جهه هي

الانسب. وباقي الجدران3 لون فاتح .وياليت تشورين علي بالالوان


الله يجزاج خير على هذا العمل اللي تقومين به

 

[الكيكة]

السلام عليكم

رودي شخبارج و اشلونج مع الثقل ( الله يهون عليج )... داشه اسلم عليج بروح الحج .

مع السلامه

 

[الكيكة]

أختي الحلم البعيد
بما ان صالتج صغيرة انا اقول استغلي المكان
فصلي جلسة متصلة على حرف u .. و فصلي ستارة رومانية للشباك
و حطي التلفزيون على الطوفه اللي فيها الباب

و شوفي راي رودي

اشوفكم على خير

 

[اخت فروحه]

الكيكة :

تروحين وتردين بالسلامة الله يتقبل منج ان شاء الله

 

[MaHoNa]

احم

هااي بنات شلوونكم شخباركم :68_asmilies-com:

عيدكم مبارك مقدما :hjy5jewf:

بصرااحه انا حددي محتاره وضايعه انا توني مالجه وابي اسوي اثاث غرفة النوم والصاله <<<< كتبتي قصة حياتج :dddds:

رحت ميداس وعلي عبدالوهاب وايكيا مالقيت شي عجبني <<<< العيب مو منهم من اللي ماعندها ذوق :bbbiu:

امبييه والله احس اني ضعت بس صج اللي محيرني وابيكم تساعدوني عليه شلون اختار الالوان وانسقها مع بعض مثلا يعني اذا خذيت اثاث غرفة النوم بني محروق شنو الالوان اللي ادخلها عليه ؟؟؟ او درجات البني عموما .. ما اعرف انسق بالالوان كلش :eh_s(22):

بليييز بنات همتكم معاي ساعدوني عطوني افكاركم وآرائكم لاني صج حددي تعبت :cxxxp:​

 

[rudy]

الحلم البعيد
سوري على التاخير انا توني والدة ولاهية مع البيبي فياريت تعذروني
بنسبة لغرفتك انا من راي كيكة بس مو قعدة على حرف u لا حطي حرف الال والطوفة المقابلة حطي فيها مكتبة عشان تشيل اغراضكم والطوفة الثانية الي مقابل الشباك وبين البابين علقي فيها التلفزيون

 

[rudy]

مرحبا قلب دودي
انتي الحين شريتي غرفة النوم والمطلوب !!! شنو
تبيني اكمل لك الغرفة يعني الصبغ والستاير والسجاد؟؟؟
بالنسبة للون الغرفة تقدرين تدخلين اي لون تبين
ما اقدر احدد انتي عطيني اللوانك المفضلة عشان اقدر ابتدي

 

[MaHoNa]

اول شي الحمدالله على السلامه حبيبتي

لا للحين ماشريت بس اغلب اللي شفته درجات البني وفي وحده عجبتني لونها بني محروق اذا ابي هاللون شنو الالوان الحلوه اللي اقدر ادخلها عليه وبالنسبه حق الالوان ماعنندي مشكله اي لون بس اهم شي تكون الغرفه شرحه مو غمته فهمتي قصدي

 

[الحلم البعيد]

حمدالله على السلامه ومبروك المولود

ومشكوره وما قصرتي وسامحينا اذا ثقلنا عليج

وبوسيلي البيبي والله يجعله من الصالحين (سواء بنت او صبي)

 

[مواطنة كويتية]

السلام عليكم

اخت رودي أنا عندي استفسار بسيط ،، أنا صالتي وايد صغيرة وكنت حاطه جلسه فخمه جدا غطت على مساحة الصالة،، والحين ناوية ان شاء الله اغيرها واصبغ الصاله شنو تنصحين اسويه ،، من ناحية الصبغ والجلسة،، وانا بخاطري اسوي جلستي( شمواه)،، ياريت تفيديني وتحطين صور تفيدني ،،وشكرا.