رودي للاستشارات الهندسية

[جاكليت]

تسلمين أختي رودي
واذاتقدرين تبحثيلي وتفيديني أكون شاكره لج
وجزاك الله خير..لأني محتاااره

 

[fife4ever]

رودي
الي اتكلم عنه المطبخ الاساسي يعني للطباخ
بس ابي اعرف السلفر قديم

ومشكوره على اصور

 

[rudy]

مرحبا اختي fife4ever

اذا تقصدين الآلمنيوم اي من اسنين واحنا نشوفه في المطابخ ليش ما تحطين المنيوم ابيض او لون الخشب يكون افضل .
بس لو اتلاحظين المطابخ هاليومين ردو على الألمنيوم او بالاحرى الستيل بس بخطوط مودرن ودخلو معاه الخشب مثل الي عرضتهم بالصورة.
واذا انتي خلاص شريتي المطبخ مو مشكله لأنه للطباخ يعني ماراح يكون لك وانتي الى قاعدة تطبخين فيه.

والحين المطبخ صار مثل غرفة الاستقبال فيه التلفزيون وطاولة الطعام والقنفات يعني حلو انك تهتمين بديكوره واتزينينه بالوحات وتقللين من السراميك فيه واتعدينه غرفة مثل باقي غرف الجلوس.

 

[rudy]

مرحبا كيكه

طرا على بالي بالنسبة للصبغ الذهبي
اذا انتي عندك مساحات معقوله استخدمي ورق الذهب تلقينه عند الي يسون الديكورات للحوائط
ويستخدمونه لتعتيق الديكورات الجبسية وبعد تلقينه عند النجارين لما ينجرون الصوفات الستيل المذهبه
وهو ورق رقيق جدا جدا مثل القصدير بس ارق منه يلصق على المساحة المرغوب بصبغها وتغطيتها.

والي قتلك عنهم ما يستعملون الصبغ الذهبي لا يستعملون ورق الذهب وهو ذهب صج بس من خفه يصير سعره معقول
وهذي بعض الأعمال في استخدام ورق الذهب:

لاحظي الكورنيش الموجود في ديكور السقف ليس صبغ ذهبي ولكنه تعتيق بورق الذهب ولاتخترعين من ورق الذهب ترى عادي يستعملونه العمال في شغلهم.

 

[جاكليت]

بليز رودي محتاره ؟؟!

 

[نووووونا]

بصراحه شى رائع منك اختى رودى عالمجهود الجبار

تسلمين والله يعطيك الف الف عافيه

واكيد راح احتاج مساعدتك بس بعد شويه فى تجهيز غرفة نوم حق بنتى

وعمرها 11 ولون غرفتها (( الطوفه)) وردى فاتح وياليت تحطين لى صور

عشان ما فى تركيز اضيع بالقراءه

 

[الكيكة]

رودي مشكووووووره عالمعلومه وايد ( ورق الذهب ) راح اسال عنه
مشكوووره

بالنسبه للمطبخ .. ما شاء الله مطبخي طلع شغل عدل .. يهبل .. اهو 9 ْ 5 اخترت فينول خشبي غامج و دار مدار الدرفات المنيوم فضي عادي و المسكات طوال مثل اللي حطيتيهم بالصور ... و الثلاجه و البراده و الافران و الغاز و الشفاط كلهم ستيل
و حطيت جزيره طولها 180 سم و عليها لوح ساخن لطبخات الجاينيز و 4 كراسي الرفاع ... اييييي و حطيت كوريان مو رخام
و الحوائط بين الكبتات برسلان 10ْ10 معتق و باقي المطبخ برسلان 30 ْ 60 اوف وايت و خط بالنص نفسه بني خشبي .. والارضيه مو ساده .. ايطار بورسلان خشبي نفس اللي بالطوفه و بالنص البورسلان الاوف وايت و فيه كسر صغار منثوره بني غامج .... كل من دش مطبخي قال هذا استقبال مو مطبخ ...

ترا الفضل يرجع للمنتدى .. خذيت كل الافكار منه

 

[rudy]

عليك بالف عافية وياليت اتعرضين لنا بعض الصور عشان نستفيد من خبرتك

ومن وين اخذتي المطبخ شكله من وصفك حلو

والحين الي عندها مطبخ مساحته كبيره لازم تحط جزيرة ضروري وتعطيك مساحة كبيرة للعمل والتخزين.

 

[rudy]

مرحبا جاكليت
بالنسبة للصبغ ليش ما تصبغين احد الحوائط لون والباقي لون ثاني ويكون الون الرئيسي الي بتحطينه معتق او تكنيك وموقعه بالحائط الرئيسي للغرفة
وعلى فكرة الأبجورات تعطي لمسات رومانسية للغرفة واتغير من شكلها والوانها واذا غرفتك مثل ماقلتي عباره عن موزع بين الغرف ، انصحك انك ما تصبغين لون غامق كفايه البيبان الي فيها.

وشوفي هالرابط الي حاطته bnt_kwt واستوحي منه بعض الأفكار الي تناسب شخصيتك واثاث بيتك


http://www.q8yat.net/showthread.php?t=58048

ولو البيت بيتي لخترت المجموعة الأولى او الثالثه​

 

[fife4ever]

الكيكة

اذا ممكن ابي اشوف مطبخج وكوريان كم كلفج غالي هو

 

[الكيكة]

الله يعافيج ....اتصدقين ولا مره جربت احط صور بالنت .. بس انشالله بحاول اصوره بموبايلي.. اهو يديد و انا ما سكنت للحين .. حتى الثلاجه و الشفاط عليهم نايلون .


و شريت لمغاسل الاستقبال .. مغسله ام حوضين من تحت خشب و الاحواض والخلاطات لونهم نحاسي على زيتي ماعلقت المنظره للحين لاني ناويه احط تحتها موزاييك صيني .. مثل هالصوره ..

و شريت ثريات وايد حلوين للاستقبال ( على قولة اختي مثل قصر المؤتمرات ) من مجمع الرحاب بتنزيلات هلا فبراير باسعار جدا جدا معقوله و عليهم كفاله 10 سنين .. و شريت ثرية لغرفة نومي وايد راقيه بس ماركبناهم للحين.

بيتي للحين فيه عمال و حوسه انشالله خلال اسبوع يخلصون و يروحون . بس بنييب شركة تنظيف تنظفه .. انا شريت اجهزه كهربائيه و طاولة اكل للمعيشه من صفات الغانم مربعه مرتفعه و عليها 8 كراسي
و بنطر تنزيلات الصيف بفرشه كله ان شاء الله .

و ما استغنى عن استشاراتج و الله يجعله بميزان حسناتج

 

[rudy]

الله يهنيك كيكه خلصتي الجزء الصعب انا بيتي لما الحين اسود والسيراميك محتاره من وين آخذه كل مارحت مكان قلت خلاص باخذ منهم ولما اروح مكان ثاني اغير رايي احترت وراي مشوار طويل الله يعيني.

وعلى فكرة اذا قصدك الموزايك الصغار تراه وايد حلو بس يبيلك واحد شاطر بالتركيب وقبل لا اتركبينه روحي آرت كازا شوفيهم اشلون حاطينه

 

[الكيكة]

الله يسهل امورج ان شاء الله و تخلصين على خير .. اللي ركبلي بيتي باكستاني وايد شاطر ... اتصدقين ناس مانعرفهم املقف يدشون بيتنا و يشوفون شغل عمالنا الديكور و الارضيات و ياخذونهم يشتغلون ببيوتهم .. عليهم بالعافيه ( ماحب النحاسه ههههه)
انا الا اروح هالارت كازا اشوفه.. حماتي نازله بيتها اليديد و صكت راسي فيه و مسويه حماماتها عزج الله منهم .

والله يارودي اعتقد بالنهايه ان المسأله ذوق مو المكان اللي نشتري منه.

انا احب اخذ معاي اختي الكبيره الله يخليها لي خدومه و عندها ذوق ابهالسوالف .. احب استشيرها قبل لا اشتري شي ( رايين احسن من راي )
نروح نحوس نحوس و ناخذ فكره عن الاشكال و الاسعار و ناخذ من كل محل كرتهم و نكتب عليه شنو اللي عجبنا و بجم.

حاطتلي ملفين .. واحد كله فواتير( علشان الكفالات )
و واحد كله كتالوجات و كروت و اسعار .
و مكتبي بالبيت ( بالشقه) متروس نماين سيراميك. مرات احتاج اخذهم معاي لما اروح اشتري شي علشان الالوان

بيتي للحين يغلب عليه الساده ( ماحب وايد نقشات اخاف امل او يروح موديله )

الدور الارضي رخام سيسيليا ايطالي المتر اب 8 دنانير

الدور الثاني ( المعيشه و نوم العيال ) سيراميك اسباني لونه على بيج على مشمشي فاتح فيه عروق مثل الكراميل المتر اب 3 و ربع

الدور الثالث جناحي جرانيت صيني فل بودي 60 ْ60 بيج اللي يعطي على مشمشي ( ترا مو مشمشي برتقالي ) اهو بيج ...المتر 3 دنانير او 3 و ربع مو متأكده

و صبغت كل البيت لون واحد نفس لون الارضيات البيج اللي مايل على مشمشي .. و بعدين بحط بعض الاركان وول بيبر . يعني طوفه وحده مو كل الغرفه

وايد قرقت .. ودي احط صور علشان تحكمين و تقوليلي رايج و اذا في تعديل اعدل قبل لا نخلص

 

[rudy]

كلامك صحيح % المهم الذوق مو السعر مره شفت وحده امركبه سيراميك عجيب قلتلها من وين لك هالأفكار الي ما تطري على البال قالتلي انها شافت الموديل علن آرت كاز وشرت السيراميك من بره وركبته مثلهم سعر المتر من بره اب 2.5 د.ك ومن آرت كاز اب 23د.ك

بالنهايه الذوق اهو الي يطلع البيت

وبالنسبة الى سيسيليا هالنوع من الرخام تلقينه ببيوت كل الكويتين يعني الي تحطه قلبها بارد ما اتحسف يعني مو ارخيص ولا غالي معقول ويمشي مع كل انواع الأثاث

 

[الكيكة]

عليك بالف عافية وياليت اتعرضين لنا بعض الصور عشان نستفيد من خبرتك

ومن وين اخذتي المطبخ شكله من وصفك حلو

والحين الي عندها مطبخ مساحته كبيره لازم تحط جزيرة ضروري وتعطيك مساحة كبيرة للعمل والتخزين.

خذيته من العالمية للمطابخ و عليه كفاله 5 سنين .. خذيت فينول خشبي ساده ( يعني مافيه حفر و نقشات ) المتر اب 60 دينار .. الفينول ارخص من الالمنيوم و طلع علي كله اب 1900 دينار

انا و اختي اختلفنا عالجزيره .. اهي تقول لا تحطينها جنها تابوت و تضيق المطبخ
و انا اصريت احطها و حطيتها.و خليت اكثر من نصها من تحت مفتوح يعني ماكو تخزين ..لانها مو عريضه عرضا 80 سم جنها طاوله تحتها فاضي علشان اللي يقعد ما تضايق ريوله.

عندي بعد بالدور الثاني مطبخ تحظير مفتوح عالصاله للحين ماسويت فيه شي
الله يعينا

 

[rudy]

ما انا فقد ذهبت الى ايكيا وسوولي مخطط عباره عن كاونتر عرضه 6 متر وجزيره عرضها 180 فيها المغسله بس مادري شاءلله يكتبلي من ايكيا ولا غيرهم الحلو في ايكيا انك مع الوقت تقدرين تزيدين عليه او اتغيرين فيه بس انا مو حابه سطحة العمل عندهم خشب، ما عندهم كوريان او رخام واخاف اركبه من برا يصير ترقيع او ما يتحمل..... محتارة

 

[الكيكة]

بس حبيت انبهج على شغله مهمه ... لا تركبين رخام طبيعي لان يقولون تتكاثر فيه البكتيريا و يطلع ريحه
ناس اعرفهم مسوين مطابخ عند محلات معروفه و غاليه مع رخام طبيعي و كلوها مع الريحه

فيقولون احسن شي الجرانيت .. و اشوفهم هالايام هابين بالكوريان و يمدحونه و يقولون بعد كل جم سنه اذا حسيتي انه تعتق فيه له ماده يمسحونه فيها و ترده يديد

 

[مُناي]

رووووووووووووووووووودي

قلبووووووو

ياليت تعطيني رايج

بهالاستشاره

ولج حبي

http://www.q8yat.net/showthread.php?p=1216094

 

[rudy]

مرحبا اختي مناي امبين من كلامك تبين اتاثثين غرف للبنات لون حائطها وردي فاتح والأرضية بيضة منقطه برمادي ليش ما تشوفين هالصور وبعدين اتقررين الي تبينه لأن الوردي الفاتح يمشي معاه الوان وايد كل الي قلتيهم +الأبيض والأسود والبنفسجي ....

[/CENTER]

 

[rudy]

اهداء للاخت مناي