رودي للاستشارات الهندسية

[rudy]

مع تحيات

ٌRudy​

 

[rudy]

مرحبا اختي فازة ورد

بالنسبة للون الي حطيتيه وايد غامق اهو صحيح لون جريء بس اخاف انكم تملونه ابسرعة لذا انصحك بالالوان الهادية او انك اتحطين ورق جدران يمشي مع الكفر والستارة.

او اشرايك بالرسم وايد حلو وخاصة اذا لقيتي الرسمة المناسبة الى تعطيك عمق مثل لون السما والزرع والطيور ..الخ والي اتحسسك ان الغرفة كبيرة.

من اعمال المصمم بيرلا ليتشي

 

[الكيكة]

مشكوره رودي و للامام دائما

 

[مرمر زماني]

والله خوش فكره انا بغير اثاث صالتي وورق الحائط والسجاده بس محتاره شلون انسق الالوان انا اخترت اللون البرتقالي حق الغنفه وهي نوعها صوفا ولون بيج فاتح حق ورق الحائط لاني ما اقدر اصبغ لان الطوفه فيها عيوب بس محتاره بلون السجاده ومكتبه التلفزيون مالتي لونها بني محمر واحسها ما تمشي مع لون الغنفه فمبشنو تنصحيني

 

[مرمر زماني]

نسيت اقولك مساحه صالتي 4 ونص في 3 ونص يعني حده صغيره

 

[rudy]

مرحبا مرمر زماني

بما انك اخترتي الونين البرتقالي والبيج على طول طرت على بالي هالصورة
وهي عبارة عن صالة لبيت في مراكش من تصميم المهندس البيرتو بينتو

وعلى العموم البرتقالي والبيج يكملهم البني
واقترح بدلا من السجاد اتحطين باركيه راح تطلع الغرفة فخمه.
ونصيحه لا تحطين طاوله وسط لأنها راح تاخذ مكان بالغرفة
واذا بتحطين حطي طاوله بها عجلات لتسهيل الحركه واذا قدرتي تستغنين عن المكتبه يكون افضل ,وعلقي تلفزيون بلازما بالطوفه راح يعطيك اتساع ومساحه اكبر.
انشاء الله استفدتي من الاقتراحات


مع تحيات
Rudy​

 

[الكيكة]

رودي اذا علقنا تلفزيون بلازما وين نحط الريسيفر؟

 

[sunshine22]

مشكوره رودي


ابيج تفيديني بناتي غرفتهم صغيره ودريشتها كبيرررررررررررررررره
شلون اخليها وسيعه..................

انا في خاطري شطرنج اخضر فستقي مع وردي طوفتين بس والباجي وحده خضره ووحده ورديه...؟شرايج ((اخضر ووردي او احمر ووردي)) ,,,,,,,,,,
احس ان الاحمر ووردي اغرب واعجب@
الساده اخليه صوب الدريشه احسن ومن تالي الباب والشطرنج للي يدخل الدار يشوفها حلوه فكرتي...؟

والحين طلعت هالصوره انا ابيها لغرفت المعيشه وناويه اصبغها كركمي والاثاث ابيه ستايل قديم شكلي بفصله عند مملكتي بالشويخ لاني ابي مساحه وسيعه ابي افصل على الحدود فقط لا غير بالنص يادوب طاوله ارضيه وبس

المهم وين القى احد يسويلي هالمرايا بهلالها ونجومها بس ابيها صبغ خشبي لانه ديكوري اطرافه خشبي عند منو يسوون هالشغلات هذي ترا انا اول مره اثث بس عندي ذوق والا شرايج يارودي
ترا اذا قلتي ما عندي ذوق بزعللللللللللللللللل

 

[rudy]

رودي اذا علقنا تلفزيون بلازما وين نحط الريسيفر؟

حطيه على رف صغير تحت التلفزيون

 

[rudy]

مرحبا sunshine22
والله بدون مجاملة من كلامك امبين ان عندك ذوق وخاصة لما اخترتي الستيل
لأنه اهو ابو الذوق وبالنسبة للمرايا يسويها النجار يسويلك الاطار الخشبي
الي فيه نجوم وهلالات ويركبلك وراه المرايا اما بالنسبة الى غرفة البنات
الون الاول اهدى ورقيق وناعم بس اذا بتحطين الوردي والحمر راح تصير
الغرفي يتروالي اتشوق وحلوه وصج سويتي تغير فيها بس لا اتكثرين
خليه من جهة وحدة جهة ظهر السرير ولو اتجربين الاحمر والبنفسجي هم حلو​

 

[rudy]

اهداء للغالية كيكه:eh_s(17):

مع تحيات

Rudy​

 

[فازة ورد]

السلام عليكم
اختي سن شاين هالمنظره هذه شايفه اختها بس وين وين وين يافازه ... نطري لأتذكر !!!

 

[rudy]

اليوم يبتلكم مطابخ انجليزية انشاء الله تعجبكم

شكرا على المرور​

 

[مرمر زماني]

مشكوره رودي علي الرد بصراحه وايد حلوه الالوان بس ما تعتقدين ان اللون البني للسقف يغمج الصاله
وشرايك لو اخترت اللون الفستقي مع الاحمر والرمادي والبيج يليق
ادري اذيتك بس محتاره بلون للصاله

 

[rudy]

مشكوره رودي علي الرد بصراحه وايد حلوه الالوان بس ما تعتقدين ان اللون البني للسقف يغمج الصاله
وشرايك لو اخترت اللون الفستقي مع الاحمر والرمادي والبيج يليق
ادري اذيتك بس محتاره بلون للصاله

انا مرة حضرت دورة في فن الديكور وكان المحاضر ينصحنا بان السقف الأبيض مضيعة للديكور ولازم يدهن باي لون مناسب لديكور الغرفة وما يظل لونه ابيض.
بس من وجهة نظري ان الألوان الغامقة اتقلل من مساحة الغرفة والعكس الألوان الفاتحه تكبر المساحة.
فإذا ودك تصبغين صبغي فواتح مثل البيج والأبيض او الأف وايت.

اما البني لا ابتعدي عنه.

وبالنسبة الى " اللون الفستقي مع الاحمر والرمادي والبيج " الي ذكرتيه
انا انصحك بالفستقي والوردي والرمادي هذي التركيبه احلى

بس وين راح البرتقالي الي اخترتيه من قبل، اظاهر بعد ما استقريتي امبين انك محتارة.​

 

[رقي]

مشكورة سس
انا علي وشك اني اسكن بيتي
فصج ابي افكار

 

[مرمر زماني]

اي والله رودي حيل محتاره لان اليوم بروح اشتري واخلص كل شئ ومحتاره شنو لون الطوفه والسقف والغنفات والسجاده حاسه بعفس الدنيا

 

[موج الحزن]

الله يوفقج على هالخدمه الحلوة لخواتج الله يسعد ايامج يااارب

 

[ام الدلال]

أولا يعطيج الف عافيه علي كل هالمعلومات الحلوه والمفيده :eh_s(8): :eh_s(8): وبصراحه كل الاجوبه مفيده لا وبعد مدعومه بالصور :eh_s(15): حبيبتي عندي المعيشه علي غرفة الطعام كان لونها احمر مع اصفر وغرفة الطعام لون الخشب بني والارضيه اورنج والطوفه بيج مع رشه خفيفه ذهبي ودي اغير لون غرفة المعيشه كلها بخاطري اللون البنفسجي الكل يقول بسرعه يبهت ويبين قديم وما يتحمل اليهال :eh_s(10): اشرايج؟؟؟؟؟؟؟؟؟؟؟؟ وتسلمين

 

[rudy]

والله البنفسجي حلو وخاصة الدرجة الوسط مو الغمق ولا الفاتح بس اللون يعتمد على اثاث الغرفة وتقدرين تخلطين البنفسجي مع الرمادي مع اضافة بعض اللمسات الفضية والخشب الغامق يطلع حلو وياهم.


والحين اتركك مع بعض الديكورات البنفسجية.....

​