روايتِي الاولى: { مُنـــاي } بِ قَلمي- دِميرة

[بسمه الم]

عوااااااااااااار قلب البااارت
نااااطرينج ياااقمر

 

[loloالحلوة]

up
up
up

 

[DeeMa-]

امبي هالبااااااااااااارررت ينننننننننننننننننن ويبججججججججججي ..


وايد حلوو خلاااص حطيت حق عيسى شكل محدد ابااالي لوووووووول حسيته حلووووووو احب المتين والعريض الحمدالله لووول


بس منى منو تشاابه عيزت وانا اتخيلها بس ماقدرت لووول


حلووو انج تخلين الخيال مفتوح بالقصه مو محدده كل شخص اهوا شنوو .. بس تكفييييييييييين لا تخلين النهايه مفتوحه

مانبي نحطها على كيفنااااااا .. انشالله انتي تقرريينها


وناااااااطرتج


up

up

up

 

[ba6re8a]

عنبر وفاآنيليآ ومسك وشوية عرق.!



عرقققققق لالاللاا دميرررره تكفيييين لوووووول

لااا والله كرهتهااااااااااااا تكفيين حسني صورتها :p

مشكوووره حبي

 

[ba6re8a]

امبي هالبااااااااااااارررت ينننننننننننننننننن ويبججججججججججي ..


وايد حلوو خلاااص حطيت حق عيسى شكل محدد ابااالي لوووووووول حسيته حلووووووو احب المتين والعريض الحمدالله لووول


بس منى منو تشاابه عيزت وانا اتخيلها بس ماقدرت لووول


حلووو انج تخلين الخيال مفتوح بالقصه مو محدده كل شخص اهوا شنوو .. بس تكفييييييييييين لا تخلين النهايه مفتوحه

مانبي نحطها على كيفنااااااا .. انشالله انتي تقرريينها


وناااااااطرتج




up

up

up

انا حسييييتها تشبهه حلييمه بولند مادري ليش!!!

 

[DeeMa-]

اي حتى انا حسيتها حليمه باول القصه بس الحين لاأ

دموور قاعده تقول انها نااااااعمه وضعييفه وكشخه .. حليمه بطه وهيلقيه وتتصنع لوووووول

مادري احسها تشابه شهد الي بفرقة مسك لوول

ها دمور انتي قوليلنا منووو :/


سوري اذيتج بالقصه بس حدي اندمجت فيهاا :$

 

[كويتية وكيفي]

up
up
بااارت روووعه
واااي لما قال زوجهاا انا اختبصت شلوون اهي

 

[دنيا رديا]

رد : رد: روايتِي الاولى: { مُنـــاي } بِ قَلمي- دِميرة

وآآآآآو شهالروآآآآآآآيه

حدهآ حدهآ عجيييبآآآآ :rerrerek:

عآد آنآ من زمآآآن عن آلروآيآت
ودشيت هالقسم جذي عبط
مآكنت حآطه ببآلي آقرآ روآيه
بس شفت روآيتج و دشيتهآ
قريت أول شي بعدين إندمجت فيهآ
مآقدرت وآآيد عجبتنييييي
عآد آنآ مآآحب آلروآيآآت آلخيآليه
بس روآآيتج عجييبه وآآيد شدتني
يمكن لآنهآ من آلوآآقع :eh_s(10):

إن شآلله من آلبآرت آليآي ببدي احلل الشخصياات :ggdw:

 

[đeɱɛɼɑ™]

السَلام عَليكُم بَنات
دِقايق وانَزِل لكم البَارت

البَدِر و بَطريقه بَدعتوووووووا

بطَريقه
هَ الوصف مُقارِب للواقع بعيد جِدا ً عن الخَيال والمِثالية الزايدة
وبعدين تعمدت اضيف " العَرق " اولا ً لانها لاعبة رياضة و هَلكانه وثانِيا ً بغيت أبين شكثر الانسَان ليه عشق الشخص يعشِق حَتى ريحتَه الطَبيعية .. ومو شَرط العَرق تكون ريحته وَع لوول اذا كان الانسَان نظيف ويتسبح كِل يوم واكله صِحي تكون ريحة عرقه " نِظيفة "


و سَالفة شكلهَا انا وِصفتها لكم اول الفصل

مُنى كانت لابسه تنورة رصاصية هاي ويست و قميص وردي فاتح ..
شعرها اسود ليه نص ظهرها وبشرتها خمرية صافية ..
عيونها وساع وحواجبها سود كثاف وشفايفها محمرتهم باللون الوردي
وصابغة اظافرها بلون احمر مايل للوردي وكعب رصاصي مكمل جمالها واناقتها ..
نظارتها البولقآري كانت رافعتها على شعرها عشان كانت قاعدة تدور بجنطتهآ ...

لونهَا خمري ( يعني معبوطَة بدمها ) مِهي بيضة ولا سَمرا .. مُمكِن حَنطاوية مٌقارِبة للِسِمر = الخِمري -
وجِسمها ممشوق ومتناسق وانثوَي ، تبون طولها .. اممم قولوا تقريبا من 160-165
والبَاجي عاد شغلوا خَيالكُم ههههه .. مُمكن تكون مٌقاربَة لِ البَنات اللي بهالصُور

( حاولت كثر ما اقدر القى صور تشبه مُنى اللي رسمتها بخيالي بس ما لقيت عَدل ضبط :bbbiu: )











امَا عيسى ايي احلى يكون عريض و فيه متن مو مصعوِي :eh_s(4):
ممكن يكون مقارِب لِ هَ الصور







هني واهو يدخن ( امبييه حَدي شطحت وِياكم بالخَيال :eh_s(1): )

وووو جِني دلعتكُم واايد :eh_s(14):
انا قِلت لكم عن اللي اشوفه بخيالي وحاولت اييب لكم صور مقاربة قدر الامكان :/
وبس خلاص ماكو بعد صور تَعبت وانا ادوِر مُنى وعيسى :krkrkr:

مُلاحظة : الصور المستخدمة تعود ملكيتها لِ اصحَابها وكِل الشكر لهم:eh_s(17):

BRB :eh_s(7):


​

 

[Mazyoona]

آلرِوآآآيَه آلدميرِيه

*
..... *​

صبآآحو ،
صبآحكُم عنبر وفاآنيليآ ومسك بدون عَرق
:krkrkr:​

يمكن طاحت غشيانه مو متعوده عالصوم

لآآ شدَعوَه بآيِن آنه منى مو لِ هَـ آلدرجه ... !


.................................................................. [ :eh_s(17): ]

دميره ثآنكيو ثآنكيو ثآنكيو مِن الآعمآقّ
آلبآرت كآن مُميز و لو إني من محبين آلفيري تيلز و
Happy Ever After بس آُغرِمت بِ عيسىّ وآيِد
نِقدر نقول كآن جنتل وآيِد ، بس آلحين حركته آلمُتسرعه
بِ آلسيآره كآنت طرآق يذكرنآ آنه " هلوو ؟؟ آصحوآ
آي شي!! " :eh_s(10):

بس ليلحين عيسى مسكين في صِرآع كبيييييرّ
بين حُبه و بِره لآمه ..
مآدري ليش خآلتي آم عيسى مو موآفقَه !! < ( جذآآآبه تدري بس إلآآآآ تبيه يآخِذهآ!! :eh_s(22): )

منى نزلت عيونها بالارض والعبرة خانقتها: عيسى ! كفاية تمثيل اوكي

بَعد قلبي و الله .. ال "اوكي" حسستني بِ غلبهآ حسيتّ
بِ جرحهآ و قَهرهآ و حبهآ تبيه قريب بس مو جذي بِ آلحلآل
و مقهورّه مقهورّه ، مآ فكرت آنه آهو يَملِك نفس آلمشآعِر و آكبر ...
بس شلون تفهَم بعد مآتركهآ جِذي

عيسى: لا تخافين ! .. انا اموت ولا أأذيــــــــــج

:eh_s(2):
ليش مآ آعتبر تركهآ آذى .. حَركته معآهآ آذى!
من آول يوم حبهآ آذآهآ! .. لمآ عرف آنه نو وآي يكون ويآهآ
و أستممر و علقهآ فيه و تعلق فيهآ آذى روحه و روحهآ!
و لمآ تركهآ بدون لآ يبرر لهآ آو يحطهآ بِ آلصوره آذآهآ!
و آلحين يوم رِجع لهآ سآعآت شويه تبي تشببع روحهآ
منه و من حُبه و حنآنه و من عيسى، يقوم ينسى روحه
و يآذيهآ!!

منى ساكتة وتطالعه والخوف بعيونها
عيسى تعذب من هالنظرة اللي اهي قاعدة تطالعه فيها ..

يَ قلبي آنكمشت و آنقرصت و حست آنه آمآنهآ بِ هَـ آلدنيآ
مآ عآآآآد موجود ... لمآ عيسى غلط!!

تدري انا الليل ما اناامه ...
اعيد كل ذكرياتي معاك واعيشها مليوون مرة بس عشان
افهم شنو سويت لك ؟؟ !! شنو الغلط اللي سويته !! ؟؟

بِ آلظبط ,, وِصلنآ زين قآلت له ....
نآطره Reaction عيسى على هَـ آلجمله بٍِ آلذآت
في آلبآرتآت آليآيه ..

~

.................................... سوري ع آلرد آلطوييييل :$ بس آنآ آغرمت بِ آلروآيَه
.................................... و إذآ آسهلج حقريه لولّ كآفي تِقرأينه
.................................... دَمورَه كِ آلعآدَه مُبدِعَه
.................................... :eh_s(22): luv u;* و نآطرّه بِ شوق شوق!


​

* .....
*​

 

[đeɱɛɼɑ™]

الفصِل التاسِع
الجِزء الاول

خولة كانت بالبيت قاعدة بالصالة وتكلم طيبة عَ التلفون ..

خولة: لا لا ما قبوول .. اليوم فطورج عندنا

طيبة: بعد عمري والله مابي اكلف عليكم

خولة: هاااو اي كلافة الله يخليج .. الخير وايد والسفرة ماشاء الله كل يوم عامرة ..
وبعدين حسبالج اللي عندي ياكلون .. جان زين يا حافظ كل واحد ياكله لقمة لقمتين ويقوم ..

طيبة: ههههه .. والله ما ادري

خولة: لا ما ادري ولا شي .. انا لو ادري انَ خدامتج مسافرة جان كل يوم فطورج عندنا اصلا

//

عيسى لما قط منى عند المجمع .. ما قدر يمشي عنها .. نطرها لما طلعت ولحقها ..
واهي تدري انه اهو لاحقها ..
وتطالعه من منظرة السيارة واهي متوترة ومنقهرَة مِنه ..
تفكر بسوالفه معاها وليش يسوي فيها جذي ...
حست انها لعبة بين ايدينه .. وخذت عهد على نفسها ما تنزل نفسها له مَرة ثانية
ولا تبين له لحظة انها محتاجة له مهما كانت الظروف ...
حست انه انسآن اناني ومتناقص مع نفسه .. وراح يعذبها اكثر من ما يريحها ..
بَس كانت عَارفة بداخلها انه لو بس يضغط عَليها بكلمتين حِلوين مُمكن تِرجع له بدقيقة !

،

لما وصلوا عند فريجهم ..
منى صفطت سيارتها .. ونزلت بسرعة من سيارتها ودشت بيتهُم ..ماكانت تبي تشوفه ..
اما عيسى بعد ما تطمن انها بخير ودخلت بيتهم
صفط سيارته ..و دش اهو بعد البيت ...

شاف امه لي الحين بعباتها ولفتها ... و ماسكة سماعة التلفون ،
اشرت له انه اييها ..
راح صوبها .. باس راسها .. وقعد يمها ..
قعد يلعب بـ سويجه وسَرح باللي صار معاه اليوم ..

،

نوال كانت فوق تبدل ملابس المدرسة ... البست بجامتها الوردية ...
راحت توضت وصلت .. بعدها
مسكت تلفونها وقعدت تفكر بـ عبد العزيز ..
كلام مريم معاها اليوم بالمدرسة خلاها تقتنع شوي بسالفة انها تعطيه شوية مجال وتفهم منه شيبي منها بالضبط ..
اهي قالت حق مريم عن هالشخص اللي ماذيها بالمسجات والمكالمات .. بس ما كانت تدري انه اهو نفسه الشخص اللي بالافنيوز راعي الكورفت الحمرا ...

قامت نوال من على كرسيها .. وبطلت باب دارها .. طلعت.. طلت من الدرج ..
سمعت صوت امها وعيسى ..
ردت بسرعة دارها .. وقفلت الدار ..
انخشت بسريرها وبطلت تلفونها ..

طرشت مسج /

" انته منو ؟ وشلون عرفت اسمي ورقمي "

مروا 5 دقايق .. وبعدين وصلها مسج /

" انا ساحر "

نوال : هههههههه ..
وطرشت له رد /

" اوكي يالساحر .. شتبي مني؟ "

وصل لها مسج /

" ابي اسمع صوتج "

طرشت له/

" مو انته ساحر .. المفروض تقدر تسمعه بدون ما تطلب مني هالشي "

رد عليها /

" وصلت عندج وسحري بِطًلْ "

نوال: هههههههه وااي شيطان ! ..
ردت عليه

" والمطلوب؟ "


فجاة.! طق طق ،

عيسى: نوال !!

طق عليها الباب مرة ثآنية ما ردت .. .. حاول يبطل الباب لقاه مقفول ..

عيسى: نوال بطلي الباب .. ليش قافلته !

نوال بسرعة طفت جهازها .. وخشته بجنطتها وعدلت نفسها .. وبطلت الباب واهي خايفة ..

عيسى طالعها ورافع لها حاجب واحد: ليش قافلة الباب ؟!

نوال: آآآ .. .. كنت .. كنت نايمة ... ومابي احد يزعجني

عيسى: مممم ..

دخل دارها وقعد يطالعها ويتفحصها بـ عيونه .. الفراش الاغراض الكبت الكوميدينة ..
قرب يم مكتبها و رفع كتاب الفيزياء وقلب الصفحات .. ورده مكانه ..
نوال كان توترها واضح .. وكانت تطالعه واهي خايفة ...

عيسى: زين .. ترى اليوم بنروح الجيام .. خلج زاهبة ..

نوال: ان شااء الله ان شاء الله

وطلع من الدار ... نوال صكرت الباب وتسندت عليه وحطت ايدها صوب قلبها .... وبعدها ابتسمت !
شعور الخوف اللي حَست فيه عَطاها نَشوة
و خَلاها تقتنع انها داخلة على مغامرَة مثل مغامرات
البنات اللي دايِم تسمع عَنهم بسوالفهُم .. خاصة سوالف مَريم ..
الخط الاحمر اللي اهلها راسمينه لهَا حست انها داست عليه اليوم !


،

عيسى عقب ما طَلع من نوال راح داره .. وقف عند دريشته ..
يطالع سيارة منى .. سَرح فيهآ وبـ راعيتهآ اللي ماخذة قلبه وعقله ..

//

سهيلة دخلت البيت واهي معصبة وتستغفر ربها ..
وايمان وراها ماسكة ناصر من طرف قميصه وتدزه ليه داخل البيت واهي معصبة بعد !

ايمان : دش دشش .. ما ورى الصبيان الا البلاوي

خولة كانت توها فاصخة عباتها ولفتهآ
لما شافت ناصر ..
و ويهه كله دم وقميصه مشقق وعليه بقع دَم
مطشرة بكل مكآن على قميصه وجزء من بنطرونه الرصآصي .!!!


دِقايِق وانزِل لكم الجِزء اللي وَراه ان شاء الله

​

 

[كويتية وكيفي]

بااارت جداً قصيرررر

وان شاء الله مانع التأخير خير ياقلبي

 

[كويتية وكيفي]

اي صح نسيت أقولج ترااا عيسي مزززيووووون ... مع اني ما احب اسم عيسي بس في احتماال احبه حسب مجريات القصة ....

 

[đeɱɛɼɑ™]

الفصِل التاسِع
الجِزء الثاني و الأخير مِن هَ الفصِل


خولة توها فاصخة عباتها ولفتهآ
لما شافت ناصر ..
و ويهه كله دم وقميصه مشقق وعليه بقع دم
مطشرة بكل مكآن على قميصه وجزء من شورته الرصَاصي .!!!

اهي شافت ناصر جذي ... مشت بخطوات سريعة صوبه
امسكت راسه بيدها الثنتين وتطالعه وتتفحصه اذا فيه جرح كبير او لا ..
كان في جرح صغير على الطرف اليمين من شفايفه .. وعينه اليسرى غايصة ليه داخل ومتفخة ..

خولة: شنوو هذاااااااا !! ( ما رد عليهآ .. طالعت البنات ) ..منو مسوي باخووكم جذي ؟
ايمان طالعت ناصر ب نَظرات حادة: امي قاعدة تسآل .. رد عليها .. قولها !!

خولة طالعت ناصر تنطر منه اجابة .. بس ناصر ساكت .. بَعَدْ ايدين امه عنه ومشى ناحية الدرج ..
عيون خولة لحقت ولدها ولي الحين ناطرة منه رد على سؤالها ..
بس كان معطيها ظهره ومكمل طريجه ..

التفتت على بناتها : ما اتحجووون !!

سهيلة : يمه .. بعد سوالف صبيان

ايمان طالعت سهيلة: لااا مو سوالف صبيان سهيلة .. كلنا ندري نصور ما يحب الهواش ولا النجرة

سهيلة: شقصدج يعني

ايمان : يعني اكييد شي جايد ولا جان ما تكافخ ويا الصبي جذي !

خولة طالعتهم و اعصابها تالفة من حوارهم " العقيم " ! ... اللي ما خذت منه لا حق ولا باطل ..

خولة: ايمااانووو سهيلة قوليلي شصاااير .. لا تينينووني !! ..

ايمان : يمه والله ما ندري .. احنا وصلنا .. ولا هاللي يتعافرون بالشارع ..
انا وسهيلة بالزور اصلا ً فاككناهم

خولة : ومنوو هذيل

سهيلة: .. بس واحد .. سلووم ولد بوسالم ..

خولة: سلووووم !! شيايبه حق ولدي

ايمان: ايي شفتي ( وتلتف على سهيلة) قلت لج ما يعرفه

سهيلة: وانا شدراني حسبت ربع ومتهاوشين

خولة خلت بناتها .. ومشت صوب الغنفات واهي تتنهد وحاطه ايدها على راسها : هالصبيان بيموتوني ناقصة عُمر !

وخمطت عباتها ولفتها .. وصعدت فوق واهي تستغفر ربها و تتعوذ من ابليس
وخلت ايمان وسهيلة واهم يطالعونهآ وبـ عيونهم حزن على امهم

سهيلة: بعد عمري امي عورت قلبي

ايمان: خلاااص ... انا قررت اذا تزوجت .. ماني يايبه صبيان

سهيلة: بكيفج اهوو

ايمان: اييي بكيفي .. احنا بالقرن الواحد والعشرين .. طِبي وتخيري تبين بنت صبي تُوم ..عادي جدا ً

سهيلة واهي تعدل نظارتها: استغفر الله العلي العظيم

ومشت عن ايمان وصعدت فوق ..

اما ايمان فـ راحت المطبخ تشوف جاندرا شنو محضرة حق فطور اليوم ..

:
.

ناصر دش داره وراح الحمام ..
فصخ قميصة و قعد يتفحص بقع الدم اللي فيه بعدها قطه عالارض ..
قرب نفسه من المنظرة .. مسك شفايفه وطالعهم واهو متالم ..

خولة صعدت دارها ... وقلبها عند ولدها ناصر ..
ما تقدر تسيطر على نفسها اذا احد لمسه او زعله .. وهالنوب جذي يصير فيه واهي مو قادرة تسوي شي ..
حست انها كبرت وعيالها كبروا ..
حتى ناصر اللي قبل جم سنة كان توه ياهل الحين صار ريال !
وما قام يفضفض لها مثل الاول ولا يلجا لها لما احد ياذيه بالمدرسة او بالفريج او حتى بالبيت ..
قعدت خولة على كرسي الكوميدينه المخمل المضرب .. وايدها على ركبها ..
نزلت راسها ... وطاحت دمعة من عينهَا ..
دمعة ام متالمة من الحزن اللي شافته بـ عيون ضناها قبل دقايق ..
مسحت خولة ويهها بيدها وتعوذت من ابليس .. خذت لها شآور سريع .. و لما خلصت .. صلت فروضها والسنن .. قعدت تكمل الاجزاء اللي بقت لهآ من القرآن ...

بعدها راحت حق ناصر ..
طقت الباب عليه ما رد عليها ..
بطلت الباب شوي شوي ... شافت الليت مصكر .. واهو نايم بالفراش

قربت منه ومسحت على شعره .. باسته على خده .. و لحفته عدل وطلعت ..

ناصر دمعت عينه.. ماكان نايم .. كان يفكر باللي صار له اليوم ..
و الود وده لو يقول حق امه كل شي .. بس ما حب يطيح من عينها.!! ..
غطى نفسه بالكنبل وغمض عيونه حيل على امل انه ينآم ويقعد من النوم يلقى كل هذا كابوس وصحى منه ..

،

خولة قلبت كلام ايمان وسهيلة بـ راسها ..
و قالت عدل كلامهم .. ناصر ما تهاوش مع ولد بوسالم الا عشان شي كبير ..

عقب ما طلعت من غرفة ناصر .. راحت عند عيسى ..
كانت الساعة 4 العصر ..

طق طق،
عيسى بـ صوت عميق وقوي: منووو
خولة ابتسمت على صوت ولدهآ: انا
عيسى قام من فراشه وعدل نفسه وخفف من صوته: هلا يمه حياج

دشت خولة وابتسمت حق عيسى .. قعدت يمه ..

عيسى: خير يمه .. آمريني ؟

خولة : ما يامر عليك ظالم حبيبي .. ( وطالعت غرفته .. شافت التلفزيون مصكر .. وتلفونه محطوط عالكوميدينة) ..
شقاعد تسوي بروحك بهالدار .. انزل تحت اقعد معاي شوي .. ياربي كلكم معلقين ب دوركم ..نوال كله بدارها يا تدرس او تقرق بالتلفون مع رفيجاتها .. وناصر يا يدرس يا مجابل هذي شسمها ستاشن ما ادري اكس ما ادري شنو

عيسى يصلح لها ويضحك: ههههههه الاكس بوكس يمه

خولة: اييي اللي اهي .... وايمان وسهيلة ما ينزلون الا حق المسلسلات او البرامج .. واذا نزلوا كل وحده يايبة لي جهازها معاها ... وانا بروحي تحت محد يسولف ولا ياخذ ويعطي معاي .. ليش يايبتكم بفهم

عيسى:هههههههههههههههه .. ان شاء الله حاضر عيوني لِج .. جم خوخة عندنا .. راح انزل واسوي اللي تبينه

خولة ابتسمت له وطبطبت على خدة وتنهدت ..: الله يهديكم .... عيسى .. بغيتك بسالفة

عيسى توتر شوي .. توقع انه امه بتسئله عن منى واذا لي الحين له علاقة فيها ..
خاصة انه سهيلة ذاك اليوم قالت له انه كلهم عارفين ..
بس اهو الحين خلاص انهى علاقته فيها ..
ويوم عن يوم منى قاعده تكره.! خاصة بعد اللي صار اليوم بالمستوصف ...

خولة: عيسى .. شفيك وين سرحت؟

عيسى: كاني يمه معاج معاج .. ايي شالموضوع ؟

خولة: اييه .. قلت لي شالموضوع ...تدري انه اليوم اخوك متهاوش مع سلوم .. تعرفه ولد بوسالم جارنا

عيسى: اييي ايي اعرفه .. شاق الارض وطالع .. مينن اهله والفريج كله ... شيايبه حق نويصر

خولة: مو هذا اللي انا ابيك تعرفه يمه

عيسى باستغراب: تبيني يعني اروح اكلم سالم

خولة: لاااء ..الله يهداك ... ابيك تروح تقعد مع ناصر وتطلع منه الحجي ..
اليوم لا حجوة ولا بجوة .. دش وشكله منصدم خنت حيلي ..
عورني قلبي عليه .. حتى ما سلم علي ..بس طالعني وصعد فوق .. ولا جني احاجيه .. جنه مسبه

عيسى حاول يلطف الامُور: تــــه .. يـمه الله يهديج لا اتحطين فبالج .. جذي الصبيان .. خليه ينطق مرة مرتين ويتعلم !

خولة: عيسى !! .. ناصر ولدي و اعرفه زيين .. ما يحب يدش بهوشات وسوالف طق مطاقق .. اول مرة يتهاوش وهوشة جايدة بعد ..

عيسى: يعني ليه متى وانتي تحامين عنه .. شوفي شصار فيه من كثر ما تخافين عليه

خولة : هوو شصار فيه؟!! .. كاهو كل سنة من الاوائل ومحافظ على صلاته .. واذا صار ورفع صوته على طول ايي يتاسف مني ويبوس ايديني .. هذا اللي مو عااجبك

عيسى: اووهوووو .. خلاص خلاص يا يبا.. تكفون .. لاحد اييني وقت ما تصير مشاكل .. مالي شغل فيكم .. بس زهقت عيشتي !

خولة تنهدت .. وقامت من عنده ...

عيسى تدارك رفعة صوته عليها
و ناداها و النِدم واضح بلهجته: يمه تعالي وين رايحة ؟ تعالي قِعدي

خوله تجاهلته و طلعت من الدار واهي زعلانة عليه ..

عيسى : اوووف
مسح على شعره و مسك باكيت الزقاااير اللي كان يمه عَ السرير .. عفسه وحذفه عالطوفة !

:

.


منى كانت بالصالة متابعة مسلسل على قناة الراي ..
اهو نفسه المسلسل اللي يتابعونه بنات بوقصب .. . . واللي ينسون نفسهم ليه قعدوا جدام التلفزيون واهو معروض ..
كانت منسدحة على جنب .. وتلعب بشعرهآ ..

رن جرس البيت ..
منى استغربت منو يآيهآ هالحزة ..
عدلت منى نفسها .. وسنعت شعرها ..
شافت لوسي رايحة صوب الباب تبطله ..
بطلت لوسي الباب
ودخلت عمتها سارة ومعاها بنتها ريم ..
سارة وريم كانوا شايلين اجياس كبار .. فيهم بايركسات وصحون فيها فطورهم اللي يايبينه معاهم عشان يتفطرون هني مع منى ..

ريم اهي اصغر عيال سارة .. بـ سنة ثانية ثانوي ..
و كانت هذي اول مرة منى تشوفها عقب ما تحجبت ..

كانت ريم لابسة سكيني جينز وقميص ابيض واسع ليه تحت الركبة بشوي ..
واطرافه مزينة بخرز نمنم بنفسجي و ازرق..
و حجاب بنفسجي دبل فيس ، وجنطة كروس زرقآ وفلات ازرق ..

منى استانست لما شافتهم .. راحت لهم وسلمت على عمتها سارة وبعدين ريم ..

منى واهي تبوس ريم: وااي حلاتهم كبرواا ..
الف الف مبروك حياتي ( والتفتت على سارة) عميمة ماشاء الله شحلوه عليها ..

ريم صار ويهها احمر وابتسمت: الله يبارك فيج .. عيونج الحلوة

سارة واهي تقعد على الغنفات: عقباالج ان شاء الله موينه

منى ابتسمت بس بنفس الوقت حست بضيق انها لي الحين مو قادرة تتاخذ هالقرار ..
وهالشي صعب عليها اكثر ...
من يوم ما دخلت مجال الاعلام وصارت مذيعة والكل يعرفها ..
واي خطوة تسويها بحياتها محسوبة عليها ...

سارة: ريم يمه قطي حجابج ريحي شعرج شوي .. ( والتفتت على منى ) .. ابوج ما دق عليج اليوم ؟

منى واهي تقعد يم ريم: لا عميمة .. بابا الحين ما يدق على هالحزة .. سار كله يدق بالليل

فجاة سارة قطبت حواجبها وقربت من منى: مويييييينه ..هذي غرز اللي على حاجبج؟!!

منى ضحكت ولمست الغرز بيدها واهي مستحية ومترددة: ههههههه .. اليوم كنت بالسوق .. زلقت وطحت على حافة الدري

سارة: هيييييييء غبرة ! .. وليش ما اتحجين ما تقولين

منى استحت : عميمة كلها غرزتيين

سارة : وااي ياا بردتج .. الله حفظج و ما راحت عيونج .. شموديج انتي السوق هالحزة ؟

منى: لا بس كنت ابي شغلة من هناك ... و .. و سار اللي سار ..

سارة: والله لو درى محمد سوى لنا النون وما يعلمون

منى وريم قعدوا يضحكون : هههههههههههههههههه

دنت سارة من منى اكثر وقعدت تتفحص
الغرز وتلوي براطمها وتتحسر على شكل حاجب منى اللي تغير من هالغرز ...

ريم: منى

منى طالعت ريم : هلا ريومَه

ريم: بس خلاص ما راح تقدمين برنامجج

منى ضحكت : كل من يسالني هالسؤال

ريم استحت واحمر ويهها ..

منى: اهو ايي راح اوقف انا الحين لانه بس احنا بالعشر الاواخر .. وتعرفين الناس ما تطالع التلفزيون بهالوقت .. ورمضان وجذي .. فوقفنا .. بس ثاني يوم العيد عندي برنامج عشان العيد ان شاء الله .. تابعيني عاد ..

ريم هزت راسها واهي مبتسمة ..

سارة: الا على طاري العيد .. ترى ما بقى شي انتوا الثنتين ...
خلصوني .. مو مثل كل سنة ليه اخر يوم واحنا نفتر بهالاسوقة ..
ترى امول خالصة شغلها من الاسبوع اللي طاف

ريم: امول معروفة ام قليب

سارة ومنى: ههههههههههههه

سارة: ايييه خلج انتي .. قعدي قعدي ... ام قليب اهي اللي مريحة نفسها ومريحتني معاها .. .

منى: خلاص باجر بعد الفطور ان شاء الله نروح السوق شرآيكم؟

سارة: و ليش باجر .. اليوم عقب الفطور نشيل شلايلنا ونروح .. انتي شوراج .. عندج شي؟

منى: مممم والله ما ادري .. بس يعني .. ممم لا ما عندي يتراوالي

سارة: خووش عيل .. عشان يمدينا نخلص

:


طيبة وصلت بيت بوقصب بـ سيارتها الاُودي الذهبية ..
طيبة كانت لابسة نفنوف ليه نص الساق لونه اخضر تفاحي وعليه تطريز ابيض على طوله ..
وشعرها البوي مرجعته ليه .. و لابسة تراجي الماس صغار .. وفلات ابيض ..
وصلت عند بيت بوقصب نزلت من السيارة ..
طيبة بطلت الباب اللي ورا ونزلت جيس لوي فيتون ..
حاطه فيه عباية وشيلة وجوتي اسود مصكر ودلاغ شفاف ..
عشان اليوم بتروح الجيام مع بيت بوقصب ..
ومَعاها جيس ثاني فيه طَبقين مسويتهم حق الفطور ..
ماحبت تِدخل بيت اختها عُقب هالسنين وايدهَا خالية ..

فصخت طيبة نظارتها الشمسية وطالعت البيت وابتسمت ..

طيبة: .. الله يرحمك يا بوعيسى ..

وصعدت الدري وطقت الباب ..

،

نوال كانت بدارها تكلم مريم عالمسنجر ..
لما وصل لها مسج ..
كتبت حق مريم :

"بربوووش "

ومريم ردت عليها:

"تيتوووش "

بسرعة خذت التلفون وراحت صوب باب دارها ..
بطلته شوي شوي .. وطلعت راسها .. تاكدت ان ماكو احد ..
وردت دشت وقفلت الباب ...

راحت قعدت على فرآشهآ وبطلت المسج وايدهآ ترجف ... من الونآسة ..

" يا تدقين علي الحين .. او هذا راح يكون آخر مسج يوصلج مني " !

عبد العزيز كان قاعد بـ ديوانية بيتهم ..
اهو يقعد هناك اغلب الوقت .. لان ربعه دايما ً ايوونه هني ..
فكان معظم وقته يقضيه بالديوانية وساعات ينام فيهآ ..

كان منسدح على الغنفات الارضية ويمه كتبه ولابتوبه الـ آتش بي
والتلفزيون كان شغال على برنامج ديني ومقصر عليه ..

عبد العزيز كتب المسج واهو مستانس ..
لانه يدري ان بعد جم دقيقة نوال راح تدق عليه ويسمع صوتها ..
كان متاكد انه خلاص طيحها وقدر عليها بعد المسجات اللي صارت بينهم ..

تتن تتن ،
وصل حق عبد العزيز مسج ..
استغرب .. كان متوقع تلفونه يرن .. مو يوصله مسج.!
مسك تلفونه وقره المسج واهو منسدح :

" على راحتك .. مع السلامة يالساحر "

عبد العزيز عصب و عدل نفسه .. وقره المسج اكثر من مرة ..

عبد العزيز: يا بنت ال " .. " .. بس وين بتروحين مني .. اييب راسج يعني اييبه

نوال ما حبت اسلوب المسج الاخير اللي وصل لها من عبد العزيز ..
حبت فيه دمه الخفيف وغشمرته معاها بالمسجات .. بس اسلوبه اللي فجاة تغير خلاها تحس بشوية خوف
وانه عبد العزيز من هالشباب اللي امها وخواتها دايما يحذرونها منهم من اول ما دشت سن الـ 13 سنة.!​

 

[هجران الليالي]

مشكورة على البارتات الحلوة

وتعليقي على الباراتات وتحليلي إن عبد العزيز بيحب نوال وهي بتحبه بس بعد عناء ويمكن تسنعه وتعدله وتخليه ريال مو مغازلجي

عيسى ومنوي شكلهم على مفترق طريق نهاىي

يارب يتعدل أوضاعهم

ونصور شكله متهاوش ويا ولد جيرانهم على بنت !

والقادم أجمل منج يا دميرة

 

[Sayounara]

رد : روايتِي الاولى: { مُنـــاي } بِ قَلمي- دِميرة

احس منى تشبه زينه كررررررررم..
^^
وتسلمين ع البارت العجيييييييب..

 

[đeɱɛɼɑ™]

حررررام
ووايد حلو البارت..

شيسُون ظروف الرِواية جذي
وعيونِج الحِلوة
شُكرا ً عَ المُتابعة

لالالالالالالالالا بدل ماي كلحونها اثنينهم يعمونها

لازم حل حرام منوي تروح لرجال ثاني وحرام عيسى يتزوج وحدة ثانية " يموتون ببعض " اهىء اهىء

ناطرينج لاتطولين علينا

ههههههَ هذا اللي صَار ما بيدنا حيلة :krkrkr:
وان شاء الله تشوفين بالفصُول القادمَة شنو بالضبط مصيرهُم
منورتَني .. شُكرا ً :eh_s(22):

يعطيييج العافيه حبيبتي وتسلمين على هالقصه الرووووعه بس ابي اعرف متى تنزلين بارت يديد؟؟

الله يعافيج ويبقيج حَبيبتي الاروع تواجدِج ،
والرواية توني نزلت بارتين وان شاء الله عُقب باجِر انزل لكم فصل جديد
اتمنى حضورِج الدائِم

,,,


روووعه بصرراحه قلبي يعورني عليهم ان شاءالله يردون لبعض الحب عذااب

فديتج انتي الراقيه لا خلا ولا عدم من هالتمييز ياارب

,,,

فداج كِلي :*
و الحُب بِ العكس حِلو بس الاوادِم اهي اللي تخليه عذاب في عذاب :/
منورتني والله يا بعدهُم .. (صورتِج الرمزية الجديدة عجبتني حيييييل :eh_s(15): )

اخييييه

حبهم عذاااااااااااااااب

مشكوووره حبيبتييي

العفووووو حَبيبتي منورة والله
حَياج الله بكِل وقت
والحُب ايييييييييييييه الله يعين


​

 

[đeɱɛɼɑ™]

وآآي لاَ ححرآمْ عوروا قلبيّ

وو مآ عليج أمر تحمسست مع نوآلوه وشسمَه نسيت إسمَه .. كثري أحداثهُم

وييّت دموّر .. عآدل مو مآ غيره اللي قلتيْ عنه بآول البآرتآت 'رفيج عيسْى أعتقد' ؟
اللي من درآ بسوآلفهآ معـاه ، صآر ما يرضى إخته تطلع ويآها ؟

إذآ كلآمي خرآبيييط .. مآ عليه شكلي كنت أتحلم

يعطييج آلف عآفيه حبيبتي ، سرد ممُيز يشد القآرئ

بـ الإنتظآر :eh_s(17):


​

سَلامة قلبِج فديتِج

ايي قصدِج اللي ما يتسمَى > عَزيز .. ان شَاء الله تشوفيِن لهُم احداث عَلى حسب المجريَات

وبِ النسبة حق مٌلاحظتِج براااااااافوووووو لا مو خَرابيط ولا اتحلمِين انتي كِده :rerrerek:
عَطيتكُم لَمحة بسيطة في الفصول الاولى وان شاء الله تشوفوُن شلون تِطورَت هَ العلاقة وشنو صَار بِ الضبط
اششووَه ان في احد انتِبه .. اكِيد انتي الاولى على صفِج في المَدرسة

بس نَوال لي الحين مع مَريم ، بعد ما تِرجِته نوال .. بس في بين مريم و عيسى تَج :bbbiu:

ولي الشَرف تكونِين من المُتابعين ل روايتِي خاصَة انج فِطينة ههههه
ان شاء الله اشوفِج بين الحضور لي نِهايتها :eh_s(17):

بالانتظااااااااااار

وعويس طاح من عيني كنت احبه لانه ثقيل

بس خربهاااا

ههههههههَهه مَسكين
تَرى الحُب يخلي الشخص ما يفكِر ب عَقله !!
ان شاء الله تِردين تحبينه مرة two :eh_s(22):

ناطرين الباارت اليديد


موووفقه غلاااتي...

حَبيبتي الله يسلمِج
نزلت بارتين ل عيونكُم :eh_s(7):

جد روووووووووووووووووووووووووووووووعة
up
up
up

thaaaanx alot sweetie :eh_s(22):

عوااااااااااااار قلب البااارت
نااااطرينج ياااقمر

سَلامَة قلبِج حَبيبتي
نزلت ْ بارتين جداد وان شاء الله يعجبونِج
منورتنِي :eh_s(17):
​

 

[đeɱɛɼɑ™]

رد: رد : رد: روايتِي الاولى: { مُنـــاي } بِ قَلمي- دِميرة

امبي هالبااااااااااااارررت ينننننننننننننننننن ويبججججججججججي ..


وايد حلوو خلاااص حطيت حق عيسى شكل محدد ابااالي لوووووووول حسيته حلووووووو احب المتين والعريض الحمدالله لووول


بس منى منو تشاابه عيزت وانا اتخيلها بس ماقدرت لووول


حلووو انج تخلين الخيال مفتوح بالقصه مو محدده كل شخص اهوا شنوو .. بس تكفييييييييييين لا تخلين النهايه مفتوحه

مانبي نحطها على كيفنااااااا .. انشالله انتي تقرريينها


وناااااااطرتج


up

up

up

ههَههههههههه رديت عَليج انتي وبَطريقه بشكل مُسهَب بالردود اللي قبل بخصوص مُنى وعيسى ،،

اما بِ النسبة للنِهاية لا ان شَاء الله مَاراح تكون مَفتوحَة تِطمِنَي :rerrerek:

وان شاء الله دُوم تتفاعلون مع الرواية جِذي وتتاثرون :eh_s(2): <

منورتني والله
وان شاء الله يعجبونِج البارتيين الـnew

عنبر وفاآنيليآ ومسك وشوية عرق.!



عرقققققق لالاللاا دميرررره تكفيييين لوووووول

لااا والله كرهتهااااااااااااا تكفيين حسني صورتها :p

مشكوووره حبي

:eh_s(16)::bbbiu: هههههههههههههه
علقت على هَ النِقطة بالردُود اللي فُوق

والعفوو حَبيبتي
منورتنيييييي:*

اي حتى انا حسيتها حليمه باول القصه بس الحين لاأ

دموور قاعده تقول انها نااااااعمه وضعييفه وكشخه .. حليمه بطه وهيلقيه وتتصنع لوووووول

مادري احسها تشابه شهد الي بفرقة مسك لوول

ها دمور انتي قوليلنا منووو :/


سوري اذيتج بالقصه بس حدي اندمجت فيهاا :$

لا كِلششش مو صوُب حَليمة
معني احِب حَليمة اتوَنِسسسس وتهبِل وكل ابو شِي بس مُنى ما تِشبههَا شكلا ً يمكن بطريقة الكَلام شوي ..!

up
up
بااارت روووعه
واااي لما قال زوجهاا انا اختبصت شلوون اهي

الاروَع حضورِج وتفاعِلج الحِلو :eh_s(15):
هههههههَهههه عَسى دوم يارب تتاثروُن جذي احس اني صِج وصلت لكُم الاحاسيس اللي كتبتهَا في الرِواية و وَصفي صَح

وآآآآآو شهالروآآآآآآآيه

حدهآ حدهآ عجيييبآآآآ :rerrerek:

عآد آنآ من زمآآآن عن آلروآيآت
ودشيت هالقسم جذي عبط
مآكنت حآطه ببآلي آقرآ روآيه
بس شفت روآيتج و دشيتهآ
قريت أول شي بعدين إندمجت فيهآ
مآقدرت وآآيد عجبتنييييي
عآد آنآ مآآحب آلروآيآآت آلخيآليه
بس روآآيتج عجييبه وآآيد شدتني
يمكن لآنهآ من آلوآآقع :eh_s(10):

إن شآلله من آلبآرت آليآي ببدي احلل الشخصياات :ggdw:

هَذا مِن حَظي انج دشيتي هَ اليُوم وقِمتي تستعبطين لوول
اذا العَبط جِذي هَلا بووُه ،

شوٌفي اهي الاحداث والشخصيَات والاسَامي كِلها خَيالية
بس ما يِمنع ان تكُون قريبَة من الواقِع ومُلامسَه له .. يعني الحِوارات وطَريقة الكَلام و المُفردات
المُستخدمَة تلقيني شايفتهَا وملاحظتهَا على كذا شخص و اخلِق منهم حوارات مِن خيالي
و نفس الشي ينطِبق عَلى تكوين وخَلق شخصيَات الرِواية ،

و بِ انتظارِج عَزيزتِي
نورتيني والله :eh_s(7):
​

 

[đeɱɛɼɑ™]

رد: آلرِوآآآيَه آلدميرِيه

*
..... *​

صبآآحو ،
صبآحكُم عنبر وفاآنيليآ ومسك بدون عَرق
:krkrkr:​

لآآ شدَعوَه بآيِن آنه منى مو لِ هَـ آلدرجه ... !


.................................................................. [ :eh_s(17): ]

دميره ثآنكيو ثآنكيو ثآنكيو مِن الآعمآقّ
آلبآرت كآن مُميز و لو إني من محبين آلفيري تيلز و
Happy Ever After بس آُغرِمت بِ عيسىّ وآيِد
نِقدر نقول كآن جنتل وآيِد ، بس آلحين حركته آلمُتسرعه
بِ آلسيآره كآنت طرآق يذكرنآ آنه " هلوو ؟؟ آصحوآ
آي شي!! " :eh_s(10):

بس ليلحين عيسى مسكين في صِرآع كبيييييرّ
بين حُبه و بِره لآمه ..
مآدري ليش خآلتي آم عيسى مو موآفقَه !! < ( جذآآآبه تدري بس إلآآآآ تبيه يآخِذهآ!! :eh_s(22): )



بَعد قلبي و الله .. ال "اوكي" حسستني بِ غلبهآ حسيتّ
بِ جرحهآ و قَهرهآ و حبهآ تبيه قريب بس مو جذي بِ آلحلآل
و مقهورّه مقهورّه ، مآ فكرت آنه آهو يَملِك نفس آلمشآعِر و آكبر ...
بس شلون تفهَم بعد مآتركهآ جِذي



:eh_s(2):
ليش مآ آعتبر تركهآ آذى .. حَركته معآهآ آذى!
من آول يوم حبهآ آذآهآ! .. لمآ عرف آنه نو وآي يكون ويآهآ
و أستممر و علقهآ فيه و تعلق فيهآ آذى روحه و روحهآ!
و لمآ تركهآ بدون لآ يبرر لهآ آو يحطهآ بِ آلصوره آذآهآ!
و آلحين يوم رِجع لهآ سآعآت شويه تبي تشببع روحهآ
منه و من حُبه و حنآنه و من عيسى، يقوم ينسى روحه
و يآذيهآ!!


يَ قلبي آنكمشت و آنقرصت و حست آنه آمآنهآ بِ هَـ آلدنيآ
مآ عآآآآد موجود ... لمآ عيسى غلط!!


بِ آلظبط ,, وِصلنآ زين قآلت له ....
نآطره Reaction عيسى على هَـ آلجمله بٍِ آلذآت
في آلبآرتآت آليآيه ..

~

.................................... سوري ع آلرد آلطوييييل :$ بس آنآ آغرمت بِ آلروآيَه
.................................... و إذآ آسهلج حقريه لولّ كآفي تِقرأينه
.................................... دَمورَه كِ آلعآدَه مُبدِعَه
.................................... :eh_s(22): luv u;* و نآطرّه بِ شوق شوق!


​

* .....
*​

هههههههههههههههههههههههَهههههههه
يا ليِل الليل على سَالفة ال ع َ ر َ ق َ :krkrkr:

صَباحِج بخوُر ودِهن عود وهيِل و إقهَوَه :*

عَلى هَ التعليقَات الحِلوة اللي عَليج تستَاهلين
v



loads of fly kisses

بِ النسبة حق ال فيري تيلز والهابي اندينقز ْ وال آفتر وما آفتر انا بعد احبهُم ،شكلنا رومانسيَات فيرست كلاس ،
بَس لي الحين ما وِصلنا نِهاية الرِواية بنشوف اذا راح يكون نِصيبهم مع بعض او لا
شنو توقِعِج او بِ الاحرى احسَاسِج ؟

اما عِيسى وسواد الوي اللي سَواه :eh_s(4): معنه تَرى قَرب منها ما سوه اكثر مِن ذلك < كاسِر خاطري
فَ مثل ما قلت في بعض ردودِي ان اللي يدخلون في الحُب ينسُون عقولهُم عِند بَابه
تفكيرهم يكوُن مشلول في كِثير من المَواقِف ومِنها هَ الموقِف ! بَس طبعا ً هذا لاهو عِذر ولا مُبرر
خاصة ان الرجُل المفروض يكون " اعقَل " من المَرأة - بَس المُخرج عَاوز كِده

،

و بِ النسبة حق عيسى وريكشِنه راح نشوف ان شاء الله
في الفصوُل الجاية ليش وشحقه ولماذا :eh_s(4):

ومِثل ما قِلت لِج اخذي راحتِج في الرَد
الرِواية وصاحبتهَا تحت امرِج :eh_s(22):

فديتِج وفديت روحِج لوف يو مُووور :$
​