روايتِي الاولى: { مُنـــاي } بِ قَلمي- دِميرة

[واثقة بجمالها]

اكييد بكوون متوااجده لاني احبج بالله واحب اسلووبج


القصه روووعه بكل ما تحمله هالكلمه

حبيبت حييل منى وعيسى خايفه ع مريم و نوال احسهم يهال ويبله مجابل

بانتظارج يا شمعه المنتدى

 

[DeeMa-]

وااااااااااااااااااااااي مو صج مو صج مو صج مو صج مو صج القصه

دميرة انا شفت لج مشاركات بموضوع dr.nouf بالازياء وكنت دايم اشوف لبسج مشالله اكيد ذوق باللبس وذووق بالاسلوب واكيد ذوق بالكتاابه

والله اول ماشفت توقيعج فيه القصه سيدة دشيت عليها ..

مشالله عليج والله مااجاملج اسلوبج مو طبيعي صراحه ينن وحلو ان تدمجين الماضي مع الحاضررر صج صج عيشتينا الجوو ..


خليتيني اتخيل عيسى ومنى ونوااال وناصر وكلهم ..



حسيت عيسى خالد البريكي لوووووووووول ...


بس دموور ابي اسالج سؤال .. عايلة عيسى بدوو ؟؟؟ وعايلة منى حضر ؟؟؟ !! ولا عيسى فقير ومنى غنيه ؟؟؟

لاني مو فاهمه ام عيسى لمن تقوله منى مو من ثوبنا ولا احنا مو ثوبهم ؟؟


بعرف هالنقطه اذا ممكن

ونااااااااااطرة البااارت احر من الجمر

 

[ladeen]

دمًـــيره
فلــــه
شمعــــه
منــــوره

بـــرافو
نــاطـــرين البارت الجديد

اللــــه يعطــــيج العـــافيـــه

 

[loloالحلوة]

الله يستر شصار على منىىى

يمكن طاحت غشيانه مو متعوده عالصوم​

ههههههههههههههههههههههههههههههههههههههههههههههههههههههه
حلوة حلوة حلوة حلوة

 

[loloالحلوة]

اب اب اب
تم تقييمج دمووور
وقصة ولا ارووووووووووووووع

 

[^ليلاس^]

حلو البارت والروايه حلوة بس وايد فيها ذكريات قمت اتخربط الحين قاعد يتذكر ولا بالحاضر

يسلمو حبيبتي

 

[DA3LOoOLA]

waiting dodo

 

[đeɱɛɼɑ™]

السَلام عَليكم

:

.

يعطيكُم العَافية بَنات
اللي قَيموُني سواءا ً كان لهُم بصمة هِني او لا اشكركُم بِنتا ً بِنتا ً
luuuuuvkoom = )

،

وان شاء الله بَنَزل البَارت الجديد بعد دِقايق بس اضبِط البدليَات و هَ السوالِف
لان حتى مع المٌراجعة في كذا بدليِة تفششل بالبارتات اللي قبل :$

وان شاء الله ارِد على استفساراتكُم عقب ما انزِل البَارت

BRB
​

 

[đeɱɛɼɑ™]

الفصِل الثامِن
الجِزء الثَاني و الاخِير مِن هَ الفصِل

عيسى كان بسيارتَه و الخوف مبين بتعابير ويهه
كان دايس عَلى اقصى سِرعة الين المستوصف ..

//

منى طاحت بمجمع المهلب لانها كانت صايمة وضغطت على نفسها بالرياضة
بالاضافة إلى الحالة النفسية السيئة من يوم انفصلت عن عيسى ..
كل هالاشياء تراكمت عليها وخلتها تنهار وما تتحمل اي نقطة تعب زايدة ..

سمعوا صرختها .. دقوا على الاسعاف و ودوها على اقرب مستوصف في المنطقة ..


/

دخل عيسى مستوصف حولي مثل المجنون ..
سال عنها وقالوا له انها موجودة عند الطبيبة الحين .. ودلوه على غرفة الطبيبة ..
راح صوب الغِرفة ... طق الباب ودش !!

الطبيبة كانت مع مني عند السرير الابيض ..
مني كانوا عيونها غرقانة بالدموع وخشمها احمر من البجي ...
لما شافت عيسى انصدمت ! ..
مشاعر مختلطة حست فيها .. فرح حزن استغراب وَلَه شوق حب كره.!

الطبيبة قامت من مكانها واهي معصبة: لو سمحت انا معاي مريضة الحين تفضل انطر برة

عيسى:دكتورة انا معاها ... انا .. ( وبتردد واضِح ) .. انا زوجهَا

منى كان ويهها جهة الطوفة ..
خافت حييل وبنفس الوقت استاسنت لما سمعت " زوجها " بـ لسان عيسى ..

الطبيبة طالعتهآ واهي مستغربة .. منى المذيعة المشهورة ... متزوجة !!

الطبيبة : منى صج هالحَجي !

منى لفت على الدكتورة ودموعها بعيونها
كانت خانقتها العبرة .. هزت راسها وبصوت واطي: ايييي
وردت لفت ويهها الجهة الثانية ..

عيسى ابتسم .. والطبيبة انجبرت تسمح له يقعد معاهم بالغرفة..
طلبت منه ان ينطر ويقعد على الكرسي اللي جبال مكتبها ..

واهي ردت مع منى .. وسكرت الستارة البيضة ..
عيسى كان قاعد على اعصابه .. يفرك ايده ..
يرجع شعره ليه ورا .. يلعب بالاوراق اللي على مكتب .
.يشخبط على الاوراق .. رتب الاقلام من الطويل الى الاقصر و رَد لخبطهم مرة ثانية !
فصل المكتب تفصيل واهو ينطر ..

مل واهو ينطرهم .. قام من مكانه وقرب عند الستارة ..

عيسى: دكتورة ... ما خلصتوا ؟

الطبيبة ردت عليه واهي معصبة: لااا !! .. اذا مليت ممكن تتفضل وترجع لنا لما نخلص

عيسى: لا خلاص انطر

الطبيبة التفتت على منى: ريلج شلون قعد ابطن امه تسع تشهر
منى ضحكت الضحكة اللي تميزها: هههههههه

عيسى فز قلبه لما سمعها تضحك .. ارتاح وابتسم ..

بعد نص ساعة تقريباً .. الطبيبة طلعت من خلف الستارة وقعدت على مكتبها ..
وعيسى يطالعها ينطرها تقول شي . . بس اهي مو معاه ..
كانت قاعدة تكتب ومندمجة .. ما عطته ويه ..
عيسى التفت على الستارة البيضة ينطر مُناه تطلع ..

طلعت منى و وعيونها متفخة..
وفوق حاجبهآ الايسر غرزتين ...
يت وقعدت بالكرسي اللي جبال عيسى بدون ما تطالعه ..
الطبيبة بعد ما خلصت من الكتابة .. طالعت منى وابتسمت ..

الطبيبة: مثل ما قلت لج .. اهتمي باكلج ولا تبذلين اي جهد ..
خاصة بـ نهار رمضان .. وبعدين ما باقي شي ويخلص الشهر ماشاء الله الايام تركض ..
يعني خلي الرياضة بعد رمضان .. وانتي ماشاء الله جسمج مو محتاي هالجهد الكبير

عيسى كان يطالع منى ومندمج بجمالها وسحرها ..
ولهان عليها حييل .. الوِد وده يحضِنها !

منى بصوت مبحوح وتعبان: ان شاء الله
وخذت ورقة الادوية من الطبيبة ..

الطبيبة طالعت عيسى بحدة: وانت َ يا استاذ

عيسى التفت عليها واهو رافع حواجبه ومستغرب: انا ؟!

الطبيبة: ايي فيه استاذ غيرك هني

عيسى ابتسم: آمري؟

الطبيبة قامت من مكانها ..
وقفت ورا منى وحطت ايدها على جتفها: ديربالك على منى ولا تزعلها

عيسى توتر : هاا ان شاء الله اكيييد اكييد

الطبيبة: ويالله اخذها الحين ..
وخلها تاكل لها شي .. اهي لازم تفطر اليوم .. حالتها ما تسمح بالصيام

عيسى: ان شاء الله

منى : لو سمحتي دكتورة ممكن اكلمج على انفراد شوي

الطبيبة: اي طبعا ( وطالعت عيسى .. ) !

عيسى فهم نظرة الدكتورة وطلع من نفسه ينطر بره ..

منى : دكتورة ممكن ما تقولين حق احد عن .. عن يعني اني ... اهو ترى مو زوجي !
.. آآ .. خاطبني .. بس لي الحين ما سار شي رسمي

الطبيبة ابتسمت وطمنتها: حبيبتي لا تخافين ..
احنا الاطبة مجبورين نكتم اسرار مرضانا .. هالشي جزء من مهنتنا ..
بس ديريالج على نفسِج .. اغلى شغلة تملكها البنت سمعتها

منى ابتسمت بتوتر: اكيد .. ان شاء الله

تشكرت منى من الدكتورة وطلعت برة الغرفة ..
لقت عيسى ينطرها .. كانت تمشي جدام عيسى وعيسى لاحقها بخطوات سريعة..
وكل ساع اتلفت عليه وترد تكمل طريجها واهي متنرفزة منه ...
لما وصلوا عند بوابة المستوصف منى وقفت و طالعته ..

منى واهي تتصنع الابتسامة: مشكور تعبتك وياي .. تقدر تروح الحين ..
انا بدق على جوي .. و اهو راح ايي ياخذني

عيسى قرب منها: لا شنو جوي ! افا عليج انا موجود .. تعالي اوصلج بسيارتي

منى ردت عليه بحِدة : لا ! ما بي اعطلك عن شغلك ..
وكفاية اني طلعتك من الدوام هالحزة .. انا اسفه وايد

عيسى رد عَليها بقلبَه هَ المرة: كل شي يهون عشانج !

منى نزلت عيونها بالارض والعبرة خانقتها: عيسى ! كفاية تمثيل اوكي

عيسى مسكها من ذراعها وبكل عصبية: انا ما امثل ..
( وطالع حوالينه اذا فيه احد قاعد يشوفهم ) .. تعالي معاي وعن الدلع ..

منى حست بخوف وتوتر وفرح بنفس الوقت ! ..
ما كانت تبي تجادله اكثر خاصة انهم بمكان عام وممكن اي احد يشوفهُم ويلاحظ الشَد اللي صاير بينهم .. رضت انها تروح معاه .. طالعته ونزلت عيونها .. مِشى جدامها واهي لحقته مشوا ليه سيارته ..
بطل لها الباب .. ركبت وسكره .. واهو بسرعة ركب وعدل نفسه ..

منى كانت ساكتة طول الطريج ....
كانت لي الحين دايخة .. سندت راسها على الجامة..
بعدين فجاة رفعت راسها والتفتت على عيسى ..

منى: عيسى نسيت اييب الادوية !!
عيسى: زين زين .. عادي .. كا الحين نرد مرة ثانية نييبهم ماكو مشكلة ( وابتسم لها )

منى ردت له الابتسامة ..
رجعوا مرة ثانية المستوصف ..
منى كانت بتنزل بس عيسى وقفها وقالها انه اهو راح يروح اييبهم ..

عطته الاوراق .. نزل وياب الادوية ..
لما رجع السيارة لقى منى نايمة ..

كانت مغمضة عيونها .. شكلها ملائكي ..
قذلتها طايحة على عيونها
وعنقوصها على جنب وايدينها لامتهم على صدرها ..
بدون ما يحس .. قرب منها حييل ..
مسك شعرها وغمض عيونه وذآب بـ ريحتها .. عنبر وفاآنيليآ ومسك وشوية عرق.!

منى اساسا ً كانت مغمضة عيونها تبي تريحهم .. ماكانت نايمة ..
حست بـ عيسى قريب منها .. بطلت عيونها واهي متفاجاة ..
دزته حييل و بعدته عنها ..

هسترت عليه وقامت تصرخ: شنووو حسباااااااااالك انااااااااااااااا لعبة بييييييييييدك

عيسى سكت لانه اهو منصدم من اللي سواه. ..
شلون ما تمالك نفسه ... .

منى : رد علييييييييي !! رررد !!

وقامت تطقه على جتوفه وتدزه ..

عيسى مسك ايدها واهو معصب: منى خلاص شفييج ! اهدَي ْ !!

منى قامت تبجي: مااالك شغل فيييييييييييني ..
لا تدخل حياتي مرة ثانية بسسسسس. . بسسسسس .. اناا تعبببببببببت منك ماني قادرة ...

ونزلت من السيارة ..
عيسى بسرعة نزل وراها ومسكها وحاول يردها السيارة بس اهي قامت تصرخ وتدزه ..

منى: وخر عنيييييي ! لا تلمسنيي هِدنيي !!
انته شنو بدوووون احسااااس .. جماااد ما تحسسس . !! بسسس كفااااية بسسس

عيسى عصب حيييييييييل ...
مسكها من ايدها وسحبها لين السيارة ودخلها وقعدها عَ الكِرسي غصِب !
... و خزها والشرر طالع من عيونه
قالها واهو صاك على اسنانه: اقوووول قعدي بالطيب لا تخليني استعمل معاج اسلوب ثاني يالله !
وسكر بابهَا و اهو راح صوب بابه
ركب السيارة وداس حيييل ...

منى كانت يمه تبجي واتمتم بكلآم كله تجريح حق عيسى وحق نفسها بعد..
.. ظلت على هالحالة لين داخت ونامت ...

عيسى قعد يدور بالسيارة ...
ما كان يقدر يوديها اي مكان واهي بهالحالة ..
لا يردها بيتها ولا حتى يوصلها ليه سيارتها ...

راح على البحر .. صفط بواحد من المصافط
اللي منتشرة على شارع الخليج ..

صارت الساعة 1 الظهر .. المفروض اهو الحين بالبيت ...
عيسى خاف على منى .. كانت لي الحين نايمة .. قرب منها وحاول يقعدها ..

عيسى: منى .. منى ..

منى تحركت شوي وقعدت ... وتلاقت عيونها مع عيون عيسى ..
خافت ورجعت ليه ورا ولصقت بالباب ..

عيسى: لا تخافين ! .. انا اموت ولا أأذيــــــــــج

منى ساكتة وتطالعه والخوف بعيونها
عيسى تعذب من هالنظرة اللي اهي قاعدة تطالعه فيها ..

عيسى: منى انا ادري عذبتج وياي ...
بس انتي ما تدرين باللي انا فيه ... انا متعذب مثلج واكثر بعد ..

منى: انته شتبي مني بالضبط !!
.. من اول ما دخلت حياتي وانته قالبها .. تعبت خلاص .. انت مو قلت ما تبيني خلاص كون قد كلمتك و ابعِد !!

عيسى: انا احبج وربي فوقي احبج .. انا لو ما احبج .. جان ما شفتيني بعدت عن طريجج و لا شفتي حا..

منى قاطعته بضحكة الم ! .. ودموعها على خدها: هههههههههههه لغز هذااا .. لعلمك بس ...
اللي يحب ما يقدر يبعد عن اللي يحبها لووو شنوووو ..
يهد الدنيا كلها عشانها .. ومااا يتخلى عنها مثل ما انته تخليت عني ..
وعشان شنو !! تدري انا الليل ما اناامه ...
اعيد كل ذكرياتي معاك واعيشها مليوون مرة بس عشان
افهم شنو سويت لك ؟؟ !! شنو الغلط اللي سويته !! ؟؟

عيسى واهو منزل راسه : انا آسف

منى : بسس !! هذا اللي قدرت عليه .. آسف ! ..

عيسى سكت .. وما رد عليها ..

منى: لو سمحت وصلني عند سيارتي

عيسى طالعها .. سكت شوي بعدين قالها: حاضر

وشغل سيارته و طلع من المصافط .. وراح بطريجه ليه المهلب ..
طول ما اهم بالطريج محد كلم الثاني .. ولا حتى طالعوا بعض ..

منى نشفوا دموعها .. اما عيسى فكان قلبه محترق عليها .. .

وصلوا عند مصافط المهلب ..

منى: اوقف هني .. انا ادل سيارتي .. بروح لها مشي ..

عيسى: خليني او

منى قاطعته: ماله داعي ..

عيسى : على راحتج

نزلت منى من السيارة بدون ما تطالع عيسى .. خذت جيس الادوية ومشت عنه ..
عيسى قعد يطالعها و كل اسى وحزن الدنيا بـ عيونه ..
هالمرة حس انَ منى صج كرهته وما تبيه ..
و بعد الحركة اللي سواها معاها بالسيارة .. حس روحه انسان نذل واستغلالي .. !
حس انَ منى جننته .. خربت حياته .. اخلاقه.!!
وحس انَ كلام امه صح " صدقني ما تصلح لك .. صدقني ما تصلح لك .. صدقني ما تصلح لك .. "
طول ما اهو بطريجَه للبيت واهو يذكر صوت امه وكلامها له. ​

 

[đeɱɛɼɑ™]

رد: رد : روايتِي الاولى: { مُنـــاي } بِ قَلمي- دِميرة

upppppppppppp




دميرررره ترا قيمتج :eh_s(22)::eh_s(9):

مَشكوووووووووووورَة بطاريقووو فديتِج ما قَصرتَي kisses :eh_s(22):

اخجلتيني :eh_s(22):
فديت روحج انتي والله
:eh_s(7)::eh_s(7):
واسعدني هالبارت ... وان شاء الله مايصير ف مني شي ...

حَبيبتي رَبي يسلمِج ويخليج ، فداج كِلي
مَشكوره عَ التقيييم
وان شاء الله اكون قَده :eh_s(22):

تسلمين دودو

الله يسلمِج حَياااااااااااتِي :eh_s(7):

ناطرين التكملة ~

شكرا :$ ​

عَفوا ً :eh_s(22):
نَزلت التَكمِلة تَوِي

يمه شصار بمنى !!!!!!!!!!!

الله يستر


ناطرتج

وبثث

ثانكيوو

إقري البَارت الجديِد وتعرفين
منورَة المُكان :eh_s(7):

الله يستر شصار على منىىى

يمكن طاحت غشيانه مو متعوده عالصوم​

خخخخخخخخ حَرام عَليج
رَبي يهديها

شصاااااااااااار..

نَزلت توِي البَارت الجديد ان شاء الله يعجِبِج :eh_s(22):

​

 

[Sayounara]

رد : روايتِي الاولى: { مُنـــاي } بِ قَلمي- دِميرة


حررررام
ووايد حلو البارت..

 

[هجران الليالي]

لالالالالالالالالا بدل ماي كلحونها اثنينهم يعمونها

لازم حل حرام منوي تروح لرجال ثاني وحرام عيسى يتزوج وحدة ثانية " يموتون ببعض " اهىء اهىء

ناطرينج لاتطولين علينا

 

[đeɱɛɼɑ™]

اكييد بكوون متوااجده لاني احبج بالله واحب اسلووبج


القصه روووعه بكل ما تحمله هالكلمه

حبيبت حييل منى وعيسى خايفه ع مريم و نوال احسهم يهال ويبله مجابل

بانتظارج يا شمعه المنتدى

بَعد عُمري
أحبَك الله الذي أحببتِني فيه .. مي تو احبِججججج :eh_s(22)::eh_s(22)::eh_s(22):
وان شاء الله اشوُفِج حاضرَة بهالمُكان دوُم
منورَتني يا راقيَـــــــــــــــــــــــــــــــــــة

وااااااااااااااااااااااي مو صج مو صج مو صج مو صج مو صج القصه

دميرة انا شفت لج مشاركات بموضوع dr.nouf بالازياء وكنت دايم اشوف لبسج مشالله اكيد ذوق باللبس وذووق بالاسلوب واكيد ذوق بالكتاابه

والله اول ماشفت توقيعج فيه القصه سيدة دشيت عليها ..

مشالله عليج والله مااجاملج اسلوبج مو طبيعي صراحه ينن وحلو ان تدمجين الماضي مع الحاضررر صج صج عيشتينا الجوو ..


خليتيني اتخيل عيسى ومنى ونوااال وناصر وكلهم ..



حسيت عيسى خالد البريكي لوووووووووول ...


بس دموور ابي اسالج سؤال .. عايلة عيسى بدوو ؟؟؟ وعايلة منى حضر ؟؟؟ !! ولا عيسى فقير ومنى غنيه ؟؟؟

لاني مو فاهمه ام عيسى لمن تقوله منى مو من ثوبنا ولا احنا مو ثوبهم ؟؟


بعرف هالنقطه اذا ممكن

ونااااااااااطرة البااارت احر من الجمر

بكِل صَراحة لما اشوف مشاركات مِن هَ النوع اصير مثل هذا > :eh_s(9): هههههههههههه
قَلبي يفِز احس اني سَويت انجاز

مَشكووووووورَة عَ الكلام الحِلو بحقي وان شاء الله دوُم كتاباتي تكون مَحط اعجَاب للِي مثلج وشَرواج
لان هَ الشي يشجعني اني اطوِر من نفسسِي واكتب بكل شغف

بسسس لا لا لا عيسى مو مثل البريكي :bbbiu:
عيسى عريض و اطول و امتن من خالد

امَا بِ النسبة حق سؤالِج
فانا مخليه هَ الشغلة " مُبهمَة " يعني القاريء اهو يحدِد حسب تجاربه في الحياة - يعني مخليه هَ الشي مفتوُح لمخيلتكُم كَ قُراء ..

عموما ً مو شرط الثوب يكون بدو او حضر او غني او فقير
الثوب ممكن يختِلف حتى بين الاخوان والعايلَة الوحدة !! - مُمكِن اخت ما ترضى تزوج بنتها حق ولد خالتها او ولد عمها إلى آخره ..

ام عيسى زارت منى وشافتها وقعدت معاها
شافت الفرق الكبير من ناحية الالتزام الاخلاق طَريقة المعيشة اللي اهي عايشتها والترف ..
معنه عايلة عيسى ما عليهم قاصِر بس ماكانَت خوله تسمح بالدَلال والدلع الزايد اللي شافته على منى .. بالاضافة إلى انها مذيعة وتطلع بالتلفزيون وهالشي
في عوايل كثيرة ما ترضى فيه وتنقِد عليه ! فكِل هالشغلات مٌمكن تخليها مو من ثوبها إلى جَانب مخيلتكُم يعني ممكن تخيلونهم بدو حضر اغنيا فقرا عَلى حسب اللي تشوفونَه وتبونه

دمًـــيره
فلــــه
شمعــــه
منــــوره

بـــرافو
نــاطـــرين البارت الجديد

اللــــه يعطــــيج العـــافيـــه

هههههههههههههههههههههههه عاشت لادين أديب
والله يعافيِج حَبيبتي منورَتني

اب اب اب
تم تقييمج دمووور
وقصة ولا ارووووووووووووووع

فديييتِج مَشكووووووُرة واايد عَ التقييم :eh_s(22):
الاروع تواجدِج الدَايم

حلو البارت والروايه حلوة بس وايد فيها ذكريات قمت اتخربط الحين قاعد يتذكر ولا بالحاضر

يسلمو حبيبتي

الأحلَى تواجدِج مَشكووُرة
ايي شَسوي بحاوِل كثر ما اقدر ابيِن لكم
لما تشوفين لون احمر وخط كبير يعني هذا الفَاصل بين الحاضر و المَاضي

waiting dodo

here u r :eh_s(7):
​

 

[dreamy_83]

يعطيييج العافيه حبيبتي وتسلمين على هالقصه الرووووعه بس ابي اعرف متى تنزلين بارت يديد؟؟

 

[واثقة بجمالها]

,,,


روووعه بصرراحه قلبي يعورني عليهم ان شاءالله يردون لبعض الحب عذااب

فديتج انتي الراقيه لا خلا ولا عدم من هالتمييز ياارب

,,,

 

[MeeMeeYoo_2]

اخييييه

حبهم عذاااااااااااااااب

مشكوووره حبيبتييي

 

[` فلسَفةة أُنثى]

رد : روايتِي الاولى: { مُنـــاي } بِ قَلمي- دِميرة

وآآي لاَ ححرآمْ عوروا قلبيّ

وو مآ عليج أمر تحمسست مع نوآلوه وشسمَه نسيت إسمَه .. كثري أحداثهُم

وييّت دموّر .. عآدل مو مآ غيره اللي قلتيْ عنه بآول البآرتآت 'رفيج عيسْى أعتقد' ؟
اللي من درآ بسوآلفهآ معـاه ، صآر ما يرضى إخته تطلع ويآها ؟

إذآ كلآمي خرآبيييط .. مآ عليه شكلي كنت أتحلم

يعطييج آلف عآفيه حبيبتي ، سرد ممُيز يشد القآرئ

بـ الإنتظآر :eh_s(17):

​

 

[قطيووه^_^]

بالانتظااااااااااار

وعويس طاح من عيني كنت احبه لانه ثقيل

بس خربهاااا

 

[واثقة بجمالها]

ناطرين الباارت اليديد


موووفقه غلاااتي...

 

[loloالحلوة]

جد روووووووووووووووووووووووووووووووعة
up
up
up