روايتِي الاولى: { مُنـــاي } بِ قَلمي- دِميرة

[loloالحلوة]

اب
اب
اب

 

[قطيووه^_^]

ناطرييينج دموور

 

[Sayounara]

رد : روايتِي الاولى: { مُنـــاي } بِ قَلمي- دِميرة

هااي
وحشتني الرواااااية
والبارت الاخير تعيس..

 

[Sayounara]

رد : روايتِي الاولى: { مُنـــاي } بِ قَلمي- دِميرة

عسى ماشر..
عسى المانع خيرر..

 

[ّّ غالية ّّّ]

بالأنتــــــــــــــــــــــــــــــــــــــــــــظار .......................................

 

[Mazyoona]

*
..... *​

إيمآن : خل تكون بِ خير :eh_s(2):
دميرَه .. ...........
.......... توقيت مُمتآز لِ حآدِث إيمآن ألمُؤسِف ،
عَلّ عيسى و مُنى يشوفون مُصيبه آكبر
........... مِن مصيبتهُم لِ تهون عليهم

حبي لِج ،
.......... كل حُبي لِج يَ آلمُبدِعه

( يَ ربي عليج قدوه تينن ! )

​

* .....
*​

 

[loloالحلوة]

up
up
up

 

[q8_bebe]

:eh_s(9): واااااااو :eh_s(9):
وربي تحمست مع مقطع الاسعاااااف حمااااااس :eh_s(9):

يلا دمور فديتج لا طوليييين :eh_s(8):

 

[ّّ غالية ّّّ]

آآآآآآآآآآآآآآآآآآآآآآآآآآآآآآآآآآآآآآآآآب

>>تشووقـــــــــــــــــت يلالالالا لا تتأخرين عليناا ...

 

[واثقة بجمالها]

عيني عليج باارده

مميزة في كل شئ

ربي يحفظج لغااليج

ونااطرينج لان فعلا حسج الادبي شيق واسلووب راائع كرووعه حضووورج

 

[loloالحلوة]

اب
اب
اب

 

[super model]

القصصصصصصه عجيييييييييييييييبه

ناطرينج حبيبتي

 

[بسمه الم]

نااطرينج يااقلبي

 

[واثقة بجمالها]

still wating

 

[DA3LOoOLA]

الله يقوم ايمان بالسلامه انشالله
waiting dodo

 

[đeɱɛɼɑ™]

السَلام عَليكم
أعتِذر عن التَاخير جَد اعتِذر لَهيت بشَي ثانِي :eh_s(4):
اشكُركُم واااااااااااايِد عَ المُتابَعة :eh_s(17):
وان شاء الله الفصُول القَادمة تعجبكُم اكثر :eh_s(15):



الفصل السَابع
الجِزء الثَاني والأخيِر من هَ الفصِل


عِند مستشفى الأميِري ..
عيسى كان تَوه واصِل عِند البَاب الرئيسي للمَشفى .. نزل امه وسهيلة واهو راح بسرعة يصفط سيارته ...

خولة وسهيلة نزلوا وريولهم مو شايلتهم من الخوف والصدمة
ما يدرون شنو الخبر اللي بيسمعونه عن ايمان بعد ثواني .. حية ؟ ميتة ؟ مشوهه؟ !

خولة كانت تخطي بخطوات مترددة وثقيلة ..
اما سهيلة ف َ كانت خانقتها العَبرة بس متمالكة نفسها وماسكة امها حييل صوب ذراعهَا

سهيلة: يمه لا تخافين .. ايمان ما فيها شي ان شاء الله ..
خولة ما ردت عَليها بس طالعتها بنظرات حايرة واهي تدري انَ سهيلة خايفة كثرها ..
هذي اختها .. حبيبتها .. توأم روحها ...

سهيلة قعدت امها على الكراسي .. وراحت سالت الاستقبال عن ايمان بو قصب .. قالت لهم انها توها داشة ومسوية حادث ...

خولة كانت تفرك ايدها وتعصر اصابعها من الخوف ...
وتطالع حوالينها .. الوجوه ما هي مثل الوجوه ..
حست كل شي حولها صنم .. كل شي حولها بدون شعور .. بدون الم.! بدون قلب .!

سهيلة : يمه يمه

خولة كانت مو منتبه على صوت بنتها ...
بعدين التفت على سهيلة بعيون شفقَانه على اي خَبر عن ايمان .. اي خَبر .. كانت صافة جدامها اسوء الاحتمَالات !

سهيلة: يمه .. قالوا لي انها لي الحين بالعمليات
ولمت امها و دَمعت عيونها بحرقة ... خولة كانت منصدمة ومو قادرة تتكلم ...

عيسى دش من الباب واهو يتلفت يدور اهله ..
شاف امه وسهيلة لامين بعض.. وقف يطالعهم من بعيد .. والافكار تدور براسه ..
"ششنو !! " " شفيهم " " ايمان !! "

وبخطوات كبيرة مشى صوبهم واهو خايف يسآل ...
مسك سهيلة من جتفها ..

عيسى: سهيلة شفيكم ؟! ايمان صاير لها شي
سهيلة رفعت راسها واهي تهز راسها: لااا .. لي ما طلعوها من العمليات

عيسى خذا نفس عميق .. وقعد يمهم ..
رجع راسه ليه وراا .. وغمض عيونه ...


//

نوال وناصر كانوا قاعدين بالصالة وينطرون اي خبر عن ايمان ،
جاندرا كانت متسندة على باب المطبخ وتبجي .. . .

رن تلفون البيت .. نوال بسرعة شالته .. وناصر يمها ينطر ردة فعل منها ...

نوال: الوو .. عيسى شلوون ايمااان ؟؟

عيسى: الحمد الله اهي بخير الحين لا تحاتوون .. ودوها العناية

نوال: يعني ماا فيها شي .. شفتووها؟

عيسى: ها الحين رايحين لها .. طمنوا بالكم اوكي وان شاء الله شوي ورادين البيت

نوال ابتسمت وناصر ابتسم على ابتسامة اخته .... وطمنوا جاندرا انَ ايمان زينة وبخير ..
حسوا كلهم براحة ولو للحظات .. المهم انَ ايمان عايشَه و لي الحين تتنفَس من هوا هَ الدنيا ...


//

مريم كانت بـ حديقة الشعب مع البنات ..
ركبوا اكثر الالعاب اللي هناك ... كانوا مستانسين بلمتهم وجمعتهم مع بعض ..
مريم كل ما ركبت لعبة .. طرشت مسج حق نوال تتحرش فيها و تحرها .. واهي مو عارفة عن نوال والحالة اللي اهم فيها ...
نوال اساسا ً ما تدري عن تلفونها ولا عن مسجات مريم ...
كانت قاعدة مع ناصر بالصالة ينطرون اهلهم يرجعون ..

//

مريم والبنات كانوا قاعدين على كراسي يم لعبة من الالعاب ...

مريم: الله .. ابي برد ( لانها شافت واحد ماسك برد .. طالع من صالة المطاعم )

حصة: اكيد من ماكدونالدز ..

مريم قامت من مكانها وعدلت بلوزتها وقالت لهم بـ دلع متعمد : اللي تبي .. اتييي .. ماراح اشتري لكم
ومشت عنهم واهي تضحك ..

والبنات يصرخون : يالبخييييييلة .. شهالنحاااسسة .. زين نِطري

السماعات اللي منتشرة على مدار الحديقة كانوا حاطين اغنية " من قلب " لـ راشد الماجد

http://www.youtube.com/watch?v=hgVBXXz0Ne8

وقفت مريم تحرهم بيدهآ ... طالعتهم وحركت راسها يمين وشمال ، وشعرها البوي يطير مع كل حركة
وهزت جسمها شوي كـ "شبه " رقصة .. واهي ميتة من الضحك ..
البنات قعدوا يضحكون ويردون لها حركاتها بـ رقصات " عبيطة " و " فصلات مرآهقآت "!

الشباب اللي هناك ينوا علي مريم وحركاتها ..
خاصة انها طويلة وجسمها جذاب.. وفوق هذا الضحكة والبسمة ما تفارق شفاتها .. بسمتها كانت ترد الروح ..

الشباب كلوها بعيونهم .. يمشون يمها ويقطون عليها جم تعليق وجم كلمة غزل ..

" حموود جسمها موو صج هاا "
.. " آآه يا قلبي عالخصر "
" يالاسمر عذبتنا "
"ممكن تسلفيني شعرج يوم واحد .! "

مريم تمشي واهي رافعة خشمها ..
ولا هامها احد .. معنها كانت مستانسسة على هالتعليقآت ..

صج اهي تفرح لما تسمع كلمات الغزل .. بس مو اي واحد يدش مزاجها
ومو اي واحد تعطيه وجه .. على الرغم من شطانتها وحركاتها الواضحة لـ جذب الجنس الخشن.!

//

عادل كان واقف مع ربعه لما شاف مريم
شافها واهي تترقص وشعرها طايح على عيونها واهي تحركه وتوخره بيدها بحركات عفوية ..
لاحظ خفة حركاتها وغشمرتها مع رفيجاتها .. جذبته ضحكتها العالية المميزة ..

سمع تعليقات ربعه عليها ..
دشت مزاجه ..
حس انها صيده سهلة عليه .. وشكلها تقبل تدخل بـ علاقات..
عادل كان مثله مثل ربعه اللي مرافجهم .. يغازلون ويتحرشون..
يتعرفون على البنات .. ويقضون وقت فراغهم.!
فكانت اي بنت طبعها مثل طبع مريم .. تعتبر بالنسبة لهم احلى انواع البنات اللي يدخلون معاهم بعلاقة ..
كانوا يدورون .. الوناسة .. الضحك .. بعيدا ً عن النكد ..
وبعيدا ً تماما عن علاقات الحب الاليمة.! والارتباط !
..كانوا صريحين مع البنات .. يبينون لهم من البداية .. انَ علاقتهم علاقة صداقة .. لعب.! . . وبس!
و تتم الموافقة من قبل الطرف الآخر او لا !

عادل قال حق طلال انه اييي معاه .. راحوا ورا مريم وقفوا وراها واهي تطلب من ماكدونالدز ..

عادل: اقول بوطلي مو جنه القمر مسير علينا اليوم
طلال: الاا اكيييد .. و مو اي قمر .. قمر 14
عادل: ولابس احمر بعد كاشخ
طلال: اييه .. احمر ما يغرز !

مريم سمعت كلامهم واهي مبتسمة ابتسامة خباثة .. كانت ناوية عليهم .. ..
لبسها كان سكيني جيينز.. بلوزة لاكوست حمرا طويلة ليه تحت ركبتها بشوي .. وفلات احمر ..

مريم خذت بردها من عِند الكاونتر .. لفت صوبهم بسرعة ودعمت عادل عمدا ً !!
كلمة we rock المكتوبة على بلوزة عادل صَارت ما تبين من برد مريم اللي تلف تي شيرته!

مريم: وااي ما تشوف !! .. عمي انت ولاشنوو !
عادل انصدم من حركتها ! وما رد عليها ....

طلال: هييي انتي احترمي نفسج

مريم: هه ! انته اللي احترم نفسك .. ويالله واحد منكم يشتري لي برد ثاني عن اللي طيحتوه مني

عادل اخذ كلينكس من ماكدونالدز وقعد يمسح بلوزته ويطالع مريم من فوق ليه تحت ..
اهي كانت مبتسمة ابتسامة استهزاء وشابكة ايدها وتهز ريولها وتطالعه بنظرات جريئة ..
طلال كان واقف يم عادل ويكلمه بصوت واطي ..

طلال: مو جنها هزئتنا ؟
عادل: مردوده .. اصبر بس انت

عادل قرب من مريم والابتسامة على ويهها: اختي انا استسمح منج .. والحين اذا تبين اروح اشتري لج ماكدونالدز باللي فيه .. امري بس انتي ( وغمز لها بعينه اليمين )

مريم: صج؟

عادل: صجيين

مريم: اممم يعني عادي اقول حق كل رفيجاتي وتشتري لهم ؟

طلال يطالع عادل ويضحك ..

عادل: هاا ايي ايي عاادي .. ناديهم مو مشكلة

مريم : اوكي ( ودقت على حصة وقالت لها اهي والبنات كلهم ايييون عند ماكدونالدز)

يو البنات ومريم قالت لهم انه عادل بيشتري لهم برد ..
بعض البنات عصبوا على مريم وقالوا لها لا مانبي ومشوا عنها ..
اما الباجي فكانوا نفس طبيعة مريم ورضوا واهم مستانسين ..

مريم والبنات .. كل وحدة خذت بردها .. ودفع عنهم كلهم ...
البنات طلعوا لحقوا رفيجاتهم اللي ما رضوا عادل يشتري لهم .. بس بقت حصة مع مريم ..
مريم راحت عند عادل ..

مريم قالت بدلع مصطنع : مَشكووور وااايد وااايد .. ادري اذيتك

عادل ابتسم: لا عاادي .. بس اذا تسمحين شوي
و اخذ بردهَا من ايدهَا بخفة وسِرعة عجيبه و دَمر بلوزتهَا مثل ما دمرته
اهي صرخت صرخة اللي خلت كل اللي بصالة المطاعم يلتفتون عليها ..


مريم: هيييييييييييي انت مينون !

عادل: هذي عشان مرة ثانية تلزمين حدودج ويا اللي اكبر منج .. مفهوم ياا ... ( والتفت على طلال و ضحك باستهزاء )

مريم لا شعوريا تفلت على وجهه .. ومشت عنه !

طلال مسك عادل لانه كان بيطقها ..
مريم التفتت عليه واهي تضحك بصوت عالي .. وراحت مع رفيجتها حصة الحمام ..

عادل: انا اواريها بنت اللذين !
طلال: شعليك منها يا ابن الحلال .. تولي هي واشكالها .. لا تنزل نفسك اكثر خلاص اقصر الشر ..

عادل ما سمع كلام طلال .. ونطرها لما طلعت من الحمام وراح لها ..
مريم خافت ...

رفعت ايدها واهي تهدده: ان قربت مني والله اوديك و...

عادل قاطعها ومسك ايدها .. وحط فيها ورقة مكتوب عليها رقمه.!
ومشي عنها واهو مبتسم وعطاها ظهره ... مريم كانت مصدومة من حركته معاها .. ..
آخر شي توقعته منه بعد اللي صار بينهم انه يعطيها رقمه ..

حصة خذت الورقة من ايد مريم ..

حصة: اسمه عاادل .. عاد صج لايق عليه هالاسم .. ابيض ومخدد

مريم: حصيص ! .. انتي شفتي اللي صار توه ؟!

حصة: هههههههههههههه شفيج لا تنصدمين يا ماما ..
ما سمعتي المثل اللي يقول .. الريال مثل طابع البريد كل ما تفلتي عليه لزق فييج

مريم وحصة ضحكوا بصوت عالي .. بعدها راحوا حق البنات ..
اللي قروروا يدشون سينما الشعب .. فلم تامر حسني .. مَحبوب المراهقات السينمائي والغنائي !

//


جَك ْ ...
عيسى دخل البيت بروحه ..
ناصر كان نايم عَ الغنفة ..
نوال سمعت فجة الباب بسرعة قامت وراحت صوبه ..
شافت عادل داش بروحه وشكله تعبان .. الساعة كانت 12 بالليل ..

نوال: وين امي وسهيلة .. ليش مو معاك؟

عيسى بـ صوت تعبان وفيه بحة: خليتهم عند ايمان .. .. روحي ييبيلي قلاص ماي

نوال: ان شاء الله

بسرعة راحت نوال المطبخ و اترست حق اخوها قلاص ماي من البرادة
ويت له بسرعة ..
كانت قاعد بالصالة يم ناصر .. حط سويجه على الطاولة وخذه قلاص الماي من ايد نوال ..
قعد يشرب كانه مو شارب من سنة ...

نوال: شلون ايمان .. شفتوها ؟ صارت زينة ؟

عيسى حط القلاص عالطاولة: ايي الحمد الله زينة لا تحاتين

نوال: عيل ليش امي وسهيلة ما يوو .. عيسى لا تقص علي قولي الصج انا مو صغيرة ( وقعدت تبجي)
عيسى لَمها حييل وقعد يمسح على شعرها ويهديها ..

عيسى: يا يبا والله ما فيها الا كل عافية .. انا توني شايفها ..

نوال واهي تبجي: مبلى عيل ليش امي وسهيلة ما يوو معااك

عيسى واهي مبتسم ويلعب
بيدها الصغيرة ويشبكهم بيده: يعني ما تعرفينهم ..ما رضوا اييون معاي .. يبون ينطرونها لما تقعد من النوم ..

نوال لمت عيسى حييل وحطت راسها على حضنه وغمضت عيونها ..
عيسى خلاها مثل ما اهي وقعد يمسح على شعرها ....
معنه كان تعبان حيل وجسمه متكسر ..
رجع راسه عالغنفة .. وغمض عيونه .. وناموا كلهم بالصآلة ..


//

السآعة 9 الصبح ،
بغرفة رقم 9 الجناح السادس بـ مستشفى الاميري .. ايمان طلعوها من العناية المركزة بعد ما تاكدوا انَ حالتها مستقرة .. كانت ايمان لي الحين نايمة ..
مركب عليها المغذي .. راسها وايدها وبطنهآ .. ملفوفين بالشاش ..

سهيلة كانت قاعدة وتقره قرآن .. اما خولة فَ منسدحة على الغنفة
وغافية بعد ليلة طويلة من التعب ..
ايمان بطلت عيونها بحركة بطيئة وطالعت حولهَا لمحت سهيلة ..

ايمان بصوت واطي : آآبي مااي .. عطوني مااي

سهيلة بسرعة حطت القرآن على الطاولة وقربت من ايمان واهي تبجي وتبوسها بين عيونها ..

سهيلة واهي مبتسمة: الحمد الله عالسلامة
ايمان ردت عليها بتعب : ماااي

سهيلة بسرعة صبت حق اختها ماي وشربتها شوي شوي ....

//

منى قعدت الصبح و اول ما بطلت عيونها خذت تلفونها تشوف اذا عيسى رد عليها او لا ..
نغزها قلبها لما شافت انَ لي الحين مو راد واكيد صاير شي ..
مو معقولة يحقرها طول هالمدة الا شاغلة شي ..
قامت من فراشها وطلت من الدريشة .. شافت انَ سيارة عيسى موجودة بس البيوك لا ..

راحت غسلت ولبست تريننق رمادي .. حطت كلبسة على شعرها .. ونزلت تحت ..
ابوها كان لي الحين نايم ..
منى كانت حييل متوترة وفضولها ذبحها ..
طلعت برة البيت ونادت جوي ..

يالها جوي يركض من برة .. لانه كان قاعد يغسل السيايير ...

جوي: قود مورنينق مس
منى واهي عاقدة حواجبها من الشمس: قوود مورننق .. جوي دو يو نوو بلال .. ذا نكست دور درايفر ؟
جوي: يسس آي نوو هيم
منى: قوود .. كان يو كوول هم .. آي وانت تو تووك تو هيم
جوي: وااي مسس . . ديد هي دو سم ثنق رونق
منى : نوو نوو .. جست كول هم ايي جست وانت تو اسك هِم اباوت سمثينق

جوي هز راسه وراح بيت بوقصب يدور بلال ​

 

[đeɱɛɼɑ™]

بَنات نِكا ً نِكا ً شُكرا ً مِن ال آآلب ْ
نَزلت البَارت الجديد ان شاء الله تستمتعُون بقراءتَه :eh_s(7):

عيني عليج باارده

مميزة في كل شئ

ربي يحفظج لغااليج

ونااطرينج لان فعلا حسج الادبي شيق واسلووب راائع كرووعه حضووورج

الله يَازين اللي حضرَت غَطت على كِل الحضُور
منورَة والله
اتمنى حضورِج الدايِم فديتِج:*
​

 

[đeɱɛɼɑ™]

اب
اب
اب

إنتي اللي ارفَع لِج القُبعَة على هَ الروح الطيبة اللي تملكينهَا
مَشكوووووورَة عَ الرفع تعبتِج وِياي

واشكِر كِل بنت رفعت الرِواية فديتكُم
​

 

[đeɱɛɼɑ™]

رد: رد : روايتِي الاولى: { مُنـــاي } بِ قَلمي- دِميرة

توقعت حادث

ناطرييييينج

ناطرة معاكم

واااااااوو عاااااشت ايدينج حبيبتي
الرواااايه تهبل
متااااابعتج ياااقمر

تشوييييق

ناطرين البارت

دميــره ما يصير قلتي الظهـر ;p

حدج شوقتينــا

وتســلم اناملج

الروايـه اتينن

روآية أكثر من روعه ‘
يلآ دموّر نآطريييينج لآ تطووليين ​

يَعطيكم العَافية يالشيخَات
ونستونِي عَ التفاعِل الحِلو مِنكم
Irresistible ، sun_kisses ، بسمه الم ، معاناة قلبي ، aRoRa ، فلسَفةة أُنثى

قلوُوووووب ْ و باقات وَرد مِن لابتُوبي ليه لابتوباتكُم
شُكرا ً :rerrerek:

​

 

[đeɱɛɼɑ™]

ناطرييينج دموور

هااي
وحشتني الرواااااية
والبارت الاخير تعيس..

بالأنتــــــــــــــــــــــــــــــــــــــــــــظار .......................................

*
..... *​

إيمآن : خل تكون بِ خير :eh_s(2):
دميرَه .. ...........
.......... توقيت مُمتآز لِ حآدِث إيمآن ألمُؤسِف ،
عَلّ عيسى و مُنى يشوفون مُصيبه آكبر
........... مِن مصيبتهُم لِ تهون عليهم

حبي لِج ،
.......... كل حُبي لِج يَ آلمُبدِعه

( يَ ربي عليج قدوه تينن ! )

​

* .....
*​

:eh_s(9): واااااااو :eh_s(9):
وربي تحمست مع مقطع الاسعاااااف حمااااااس :eh_s(9):

يلا دمور فديتج لا طوليييين :eh_s(8):

القصصصصصصه عجيييييييييييييييبه

ناطرينج حبيبتي

الله يقوم ايمان بالسلامه انشالله
waiting dodo

يعطيييييييييكٌم مَلايين العَوافي
عَساني ما خَلى مِنكُم
اشكركم عَ المتابعَة وان شاء الله ليه نِهايتها تظلون من المُتابعين واكسبكُم قُراء وخَوات

قطيووه
Sayounara
غَالية
Mazyoona < اموااااه :*
q8_bebe
super model
DA3LOoOLA <

^
لكم كِل وِدي وتقديري
وقراءة مُمتَعة نزلت البَارت الجديد فوق وان شاء الله الفصِل الثامِن اليوُم بالليل ْ
​