روايتِي الاولى: { مُنـــاي } بِ قَلمي- دِميرة

[Miss McDonald]

رد : روايتِي الاولى: { مُنـــاي } بِ قَلمي- دِميرة

:eh_s(9):



Thnx 3la el part


حلوة انج تعطينآ جرعه " حدث " تخلينآ نتشوق للبآرت اليآي ,


:eh_s(22):

 

[Irresistible <3]

رد : روايتِي الاولى: { مُنـــاي } بِ قَلمي- دِميرة

يعطيج العافية :eh_s(7):​

 

[Sayounara]

رد : روايتِي الاولى: { مُنـــاي } بِ قَلمي- دِميرة

يسلمو ع البارتس

 

[ّّ غالية ّّّ]

:eh_s(7):
بالأنتظارررر ​

 

[m-3atboha]

رد : روايتِي الاولى: { مُنـــاي } بِ قَلمي- دِميرة

مرحبآ
روايتج خوقاقية
امم توقعأتي
عيسى : يبوووووي أبيييه وينه هو و انا أروح أخطبه
منى: مآ حبيتهآ >>هيئة الامر بالمعروف
سهيله: احلى خوآت عيسسى و لهآ نصيييب بالوآية
آآمممم
طيبه : آحسسهآ مسكيينه و خقيت على بيتها>>>هذآ و آنآ مآ شفته لوووووول
خوله : زين آنهآ حنت على آختهآ
عبد العزيز : رآح يلعب على نوآلوووه
نوآل : يبوووي ششنو شيطىآنه خفي خفي يآبنية
ايمآن: آمآ حشششهآ بالنآس مو صصج تحسسني آنهآ خالاتي لوووول >>يويلي رآح آنطق
مرييم: محد مخب نوالوه الا هي و رآح يصير فيهآ ششي


آممم يآحبنيييلج يآ دميييره​

 

[« ҝ ά ш ά i i »]

رد : روايتِي الاولى: { مُنـــاي } بِ قَلمي- دِميرة

مشڪوره ع آلبآإرت

 

[MeeMeeYoo_2]

thaaaanks alot ;*

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

الفصلْ الثالِث
الجزء الثالث والاخير من هَ الفصل

سهيلة قعدت: عيسى لي الحين يكلمها
ايمان: منوو ؟ منى؟!
سهيلة: اييي واليوم الظاهر متهاوشين هووشة جاايدة
ايمان: وااي الله يسمع منج.. لو امي تدري تطيح بمكانها .. .. تخيلي هذي جنتنا
سهيلة: استغفر الله ... الله يهديها
ايمان: انتي ما شفتيها امس شنو لابسة .. انا استحيت اطالعها
سهيلة: هههههههههه ذابحج الحيا انتي
ايمان تطقها بالكوشية و قعدوا يضحكون مع بعض ..
ايمان: بس الحق ينقال زبدة اتينن مالومه ليه حبها
سهيلة: صج اهي حلوة بس همن اخوي هيبة وكله ملح وقبله
ايمان : انا قلت شي عن اخووج الحين .. اقولج البنت فتنة تقوليلي حلوة ( وتقلد سهيلة لما قالت حلوة)
سهيلة: واذا ؟... الله ما كثر الجميلات بالديرة .. بس الحظ والنصيب
ايمان : الله لاااااااااا يقوله .. ان شاء الله مو من نصيبه .. وايد فصعه هالبنت ما تصلح لنا
سهيلة: استغفر الله استغفر الله اللهم اني صائمة
ايماان: اوووه نسيت . استغفر الله استغفر الله

بده المسلسل اللي ايمان وسهيلة متابعينه ... واندمجوا فيه ...
خولة كانت بالمطبخ تصفف وتوزع الاكل .. جاندرا وبلال و ولدها ناصر قاعدين يسااعدونها ويغلفون الصواني بالقصدير ...
كانت حايسة .. والبنات قاعدين متابعين المسلسل .. فما راحوا ساعدوا امهم ..
نوال نزلت من فوق واهي تركض ...

نوال : خيااااااااااانة ليش ما نادييتووني
ايمان : اووووش سكتي
نوال: سهيلة قوليلي شصار .. ؟؟؟ .. شفيها هيفاا تبجي ( هيفاء بالمسلسل)
سهيلة: محمد عرف انها اهي اللي تسرب معلومات الشركة حق بوسعود
نوال: هييييييييء امبيه
سهيلة: و اعترف حق سعاد انه متزوج هيفوو
نوال : واااي مسكينة عااد كاسرة خااطري سعااد
ايمان: سكتوا انتوا الثنتين لجيتووني ... ابي اسسمع

سهيلة اشرت بيدها: ويييه ...
و التفتت على نوال وتكلمها بصوت واطي ..

سهيلة: نوال ترى بنروح الجيام اليوم ..
نوال: شنووو لا ماني رايحة
سهيلة: لييش
نوال: عندي امتحان
سهيلة: كييفج بس قولي حق امي هالحجي
نوال: اييي بقولها .. بدرس انا
سهيلة: ايي مبين والدليل قاعدة معانا هني
نوال : طول اليوم قاعدة بداري اكرف.. بس هالمسلسل وبعدها اقوم اكمل دراسة ...

خولة طلعت من المطبخ بعد ما قسمت الاكل و حضرته عشان يوزعه بلال على الجيران والاهل ...

خولة: وااااااااي بنات العاازة .. ما تستحون تشوفوني اعجل بهالمطبخ وانتوا مجابلين لي هَ الغبر مافيكم ذرة احسااس اطوف
ايمان واهي تترجى امها: يمه لحظه شوي مشهد مهم
خولة تكم عليهم: ما اقول الا مالت على حَظي فيكم

ناصر بعد طلع من المطبخ ولحق امه ...
ناصر: يمه بتروحين دارج؟
خولة: اييي حبيبي
ناصر: بييي معاج

نوال بصوت عالي من بعيد : واااااااااي بتكسسسس
ايمان وسهيلة وخولة يضحكون : هههههههههههههههههههههههه

خولة: نوااالووو يالله عااد ما ارضى على ولدي ( ومسكت ناصر من خدوده وباسته)

نوال واهي محترة من حركة امها ..

نوال: يماااه .. بعد بعد تكفين قوي راسه علي !!

خولة : غصبن عليج يقوى راسه عليكم ..رياالنا هذا سبع سبع ( وتطق على ظهره وناصر يضحك)

سهيلة تنغز نوال: نوال بسس نبي نشووف
نوال سكتت واهي محترة ..

ايمان: امبيه لا شر شر هالهيفوو ما خلت ولا بقت لهفت كل فلووسه

خولة مشت عنهم وبيدها ناصر .. اللي كان مكتئب من الامتحانات ..
وضايق خلقه .. و مو قادر يركز عدل .. فكان كل ما يتضايق يروح عند امه وينسدح عندها .
. او يساعدها لما تحتاج غرض او ضرورة ...
دشت خولة الدار وراحت غسلت ايدها وانسدحت على فراشها وناصر حط راسه بحضنها وغمض عيونه ...
خولة خذت كتاب الاذكار اللي عندها وقعدت تقره منه ...

//

تتن تتن ... صوت مسج وصل لـ تلفون نوال ،
طلعت نوال تلفونها وشافت المسج " نوال .. هذا رقمي .. دقي علي اليوم بعد الفطور "
نوال استغربت الرقم .. واستغربت انه هاللي متصل يعرف اسمها !
ردت عالمسج " منو ؟! " ...
ياها مسج ثاني " دقي وتعرفين " ... نوال استغربت منو هذا !!
توقعت ان هالمسج مقلب من رفيجاتها او من مريم .. فما اعطت الموضوع اهمية زيادة وكملت المسلسل ...

عيسى وصل البيت دخل وخواته مندمجيين .. .
لما سمعوا صكه الباب وشافوا اخوهم .. بسرعة سكتوا وعدلوا من قعدتهُم ...

عيسى واهو عاقد حواجبه ويلعب بالمسباح بين اصابعه: السلام عليكم ..
سهيلة وايمان ونوال: وعليكم السلام
عيسى مشى صوب الصالة ..: عيل وين امي
سهيلة: فوق بدارها
عيسى هز راسه ومشى عنهم وراح صوب الدري عشان يروح حق خولة ..

ايمان: خنت حييلي اخوي سبِهته حسبي يالله عليها
سهيلة رفعت حاجبها وزمت شفايفها: ايمااااااان
ايمان طالعت سهيلة وتذكرت ان نوال قاعدة ..وسكتت

نوال سوت نفسها ما سمعت ومندمجــــــة بالمسلسل .. مَاكانت تحب تتدخل بسوالِف خواتهَا ..

//

بالطابق الاول .. مِن بيت بوقصب
طق طق .. ،
خولة: منوووو
عيسى: انا انا ... عيسى
خولة: تعاال يمه
عيسى بطل الباب وشاف
ناصر منسدح وحاط راسه بحضن خولة ، واهي تمسح على شعره ...

خولة : هلااا حبيبي وينك اليوم ولهت عليك
عيسى واهو ابتسم ومشى صوبها .. باس راسها وقال : ماكوو يمه بالدوام

خولة: لييه هالحزة ؟

قعد على طرف الفراش ..
عيسى: ايي كان عندي جم شغلة .. قضيتهم والحين ها توني راد ( ومسح على شعره )
خولة: يعطيك العافية حبيبي .. بعد عمري انته ( وتمسح على خدوده )
عيسى ابتسم: يمه بغيتي شي.. توني شفت تلفوني .. داقه علي
خولة: ايييييه ذكرتني .. ياربي ما ادري شفيني صايرة انسى وايد هَ الايام ... اليوم ودي انا و العيال .. وخالتك نروح الجيام بالمسجد الكبير
عيسى: ومنو بوديكم ... بلال ؟
خولة: لااا بلال فقيير مسكين طول اليوم واهو يشاوط ...
يوزع النافلة .. هلك مسكين ...
عيسى: عيل شلون تروحون بروحكم ؟
خولة: وانته وين رحت
عيسى: اناا !! يمه مالي خلق والله تعبااااااااان متلييش ( و مسك تي شيرته وييرها)
خولة: هوو عيسى اسم الله عليك ما قلنا بنروح نلعب احناا .. الحين العشر الاواخر .. ايام مباركة .. المفروض انته اللي تقولي يمه بوديج مو انا اترجاك ( وزعلت)
عيسى : خلاص خلاص ولاتزعليين حاضر راح اوديكم ...
وقاام عنها .. توه بيطلع من الباب .. التفت عليها ..

عيسى: وهذاا كل ما ادخل دارج الاقيه منسدح بحضنج
خولة: هههههههههه عويسس تغار من اخوك
عيسى: هههههههههههه
خولة: تعاال حبيبي

عيسى كان محتاج حق امه وايد .. يبي حضنها ..
يبيها تمسح عليه وتخفف عنه همومه ...
راح لها ولمته ولمهاا حيييييييل .. كان وده يبجي ...
بس كتم اهاته ودموعه .. ما حب يبين حق امه انه ضعيف ومنكسر

ناصر: آآآي رااسي ( كووع عيسى حاش راس ناصر )
عيسى دزه عالخفيف: صج حسوود يعني ما الم امي
ناصر: ههههههههه لاا امي بس حقي اناا (ويلمهاا حيييل )
كلهم قعدوا يضحكون ههههههههههههههههه

//

عند طاولة الاكل .. ،
جاندرا كانت توزع الاكل ..كان ما باقي شي وياذن المغرب ...
ايمان وسهيلة بعد كانوا يساعدونها .. نوال كانت بغرفتها تكمل دراسة ..
وعيسى بداره .. منسدح على الفراش ... يطالع التلفزيون ..
بس مو منتبه شنو اصلا عارضين .. .. كان يعيد شريط ذكرياته مع منى وسرحان بعالم خياله .. .
ضحكاتها حركاتها دلعها زعلها رضاها ...
واهو جذي وصل له مسج ...

" عيسى .. لا تعلقني جذي .. بس ابي اسمَع صوتِك .. مِحتاجتك حييييييل "
عيسى عدل قعدته .. وصار يقره المسج اكثر من مره ...
مسح على شعره .. وقام من مكانه .. صوب الدريشة ... ي
شوف اذا منى بالبيت او لا ... شاف سيارتها واقفة .. بس مالاحظ ان بعد سيارة عمتها البي ام الزرقا صافطة بعيد شوي..

قرر ان يدق عليها .. كان مو عارف شنو راح يقولها ..
ولا يدري شنو راح تكون ردة فعلها .. ولا شنو بتكون بداية ونهاية مكالمتهم مع بعض ..
المهم بهذاك الوقت حس انه لازم يدق ...
منى كانت قاعدة مع عمتها سارة بالصالة يطالعون برنامج ديني ...
مُنى المفروض هَ الحزة تقدم بَرنامجها بس بما انهم دخلوا العَشر الاواخِر ، البَرنامِج وقف وراح يكون لَها برنامج اول ايام العيِد ..

//

"تبغى الصدق .. اكذب عليك .. اكذب عليييك ... "
منى شافت تلفونهآ .. والشاشة تشب بـ " قلبِي " ..
تدودهت .. وبسرعة خذت التلفون وراحت غرفة الاستقبال ...
سارة: بالعَدال شوي شوي ... شفيج مهو طاير التلفون
منى: ههههههه لا بس لانه مكالمة ضرورية عميمة ( ومشت بسرعة صووب دار الاستقبال )


سارة ( كانت حاطة ريل على ريل وتتحلطم ): ما ادري على شنو مطيورين هالبني


منى كانت متلهفة حييل انها تسمع صوت عيسى.. كانت فاقدته وااايد .. حست ان الدنيا مو شايلتها من الفرحة ... حست انها خلاص بتملك الكون كله بس بهالمكالمة ...

منى: الووه عيسااه
عيسى: .....
منى: واااااي شكثر ولهانه علييك ... جذي تخليني وما تسال عني .. شفت مسجاتي لك؟ قريتهم؟ شفت جم مس كوول عندك ؟؟
عيسى: ايي ايي شفت
منى: احبك والله احبك وما اقدر اعيش بدونك ( وقطت روحها عالغنفة)
عيسى: انا ماني عارف شلون ابدي .. و لا شنو اقول .. انتي قاعده تصعبين الامور علي
منى عدلت قعدتها: شنو شساير ... فيك شي؟ ..........ز اهلك فيهم شي؟ قول لا تخوفني ...
عيسى ( وكان متوتر ومحتاج الزقارة حييل ): منى انا... انا ... احنا .. ماينفع نكمل اكثر من جذي ... كان لازم اكون صريح معاج من الاول

::

بنات الفصل الرابِع
ان شاء الله اليوم بِ الليل ْ ع َ التِسع
وراح ارِد عليكم اشكِر لكم تواصلكم ومتابعتكم للرواية :eh_s(22):

​

 

[MeeMeeYoo_2]

امبيييييييييييه مساكيييييييييييييين :eh_s(16):

ماحب جذي 2 يحبون بعض ويفترقوون

بس يمكن نهايتهم مع بعض :eh_s(10):
اتمنىىىىىىىىىىىىى :eh_s(2):


مشكوووره حبيي

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

آسفة بَنات تاخرت عَليكم راحت علي نومَه :bbbiu:
المُهم الحين بنزل الفصل الرابِع - الجِزء الاول مِنه

برب

​

 

[ρeαrℓ]

رد : روايتِي الاولى: { مُنـــاي } بِ قَلمي- دِميرة

قريت الفصل الاول بكل اجزائه عجبتني القصه

وان شاء الله لي باك للتكمله .. قواج الله حبيبتي

:ggdw:​

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

الفصل الرابِع
الجِزء الاول

منى عدلت قعدتها: شنو شساير ... فيك شي؟ .......... اهلك فيهم شي؟ قول لا تخوفني ...
عيسى ( وكان متوتر ومحتاج الزقارة حييل ): منى انا... انا ... احنا .. ماينفع نكمل اكثر من جذي ... كان لازم اكون صريح معاج من الاول


منى انصدمت ! سكتت ما عرفت شترد .. وبدت دموعها تنزل ...

عيسى: منى صدقيني انا حبيتج وعشقتج بس ( وطلع زقارة من باكيته اللي كان يمه وحطها بين شفايفه ) كِل شي قسمة ونصيب
منى: يعني شنو ؟.. كل هذاا .. .يعني كل هذاا جذبب ... جذبببببببببب ( ارتفع صوتها وقعدت تبجي حيييل)

عيسى طاحت الزقارة من بين شفايفه
عقب ما سمع صرخة منى: منى حرام علييج والله .. انا ما ودي تسوين بنفسج جذي حسي فيني لو تدرين باللي فيني ( و عفس باكيت زقايره بيده الثانية )

منى بجت وقالت باستهزاء: باللي فيك ؟ هذا بس اللي هااامك ! انت وبسسس ... انتاااااااااااه واااحد انااااني ... موو بس اناااني الا حقيييييير ... وووو نذل بعد ( وحذفت تلفوونها وطاحت على الغنفة وقعدت تبجي بحرقة )

سارة بالصالة سمعت منى و فزت من مكانها ...
وبسرعة ركضت دار الاستقبال وبطلت الباب السحب بقوة .. وشافت منى بهَالحال ..

سارة: يمه منى شفيييييييج شفيييج حبيبتي جااوبيني ( قعدت يمها ورفعتها ولمتهَا)
منى: عميمة طلع جذاااااااب .. جذاااااااب ( صوتها كان رايح وتبجي واهي منكسرة)
سارة: اسم الله عليج الرحمن الرحيم .. اسم الله علييج يمه اسم الله عليج ( وقعدت تمسح و تقــره عليها ...)

منى كانت صدمتها قوية بموقف عيسى واللي قاله لها ...
قطت نفسها على عمتها واستسلمت للامر الواقع ..
سارة كانت موفاهمة بالضبط شنو اللي صاير .. وشنو اللي خله منى تنهار بثواني ...
واهي اللي كانت معاها تسولف وتضحك بالصالة ... بس حست انها مشكلة عاطفية ..
ومن كلمة منى لما قالت "جذاب " .. خمنت انه اغلب الظن المسالة فيها " رجل" !

//

http://www.youtube.com/watch?v=a9ucQE8Jed0

" الله اكبر الله اكبر ... الله اكبر الله اكبر .. اشهد ان لا اله الا الله ... "
اذن المغرب .. منى لي الحين قاطة راسها وجسمها كله على عمتها سارة .. وقفت دموع ..
بس كانت سرحانة بكل شي يربطها بـ عيسى.. تفكران اللي صار توه حلم او واقع ..
عيسى صج تركها ! . . طلع من حياتها ولا راح يرجع ابدا .... و كِلمة احبِك منه بتكون شي مستحيل !
كل شي انتهى !

سارة: منى حبيبتي .. منى امي ( ورفعت راس منى من على صدرها)
منى قعدت تطالعها بـ عيون حايرة ..
كانها تترجاها تقولها فهميني شنو صار .. عطيني السبب اللي خلاه يهدني ... ليش كل من احبه يبتعد ويروح ...

سارة: منى طالعيني عدل يمه .. الحين اذن المغرب ..
امشي نتفطر وبعدين كل شي وله حل .. زين امي .. زين حبيبتي؟

منى كانت لا حول ولا قوة بس تهز راسها .. وبدت دموعها تنزل مرة ثانية
سارة مسحت دموع منى .. وقومتها ومشت معاها ليه السفرة ..
سارة: اسم الله عليج حياتي اسم الله عليج

وقعدوا على السفرة .. سارة كانت تداريها ومهتمة فيها ..
تعطيها التمر واللبن .. وخلتها غصب تشرب شوربتها ...
بعدها خذتها دارها .. ودتها فراشها .. لحفتها .. منى نامت على جنب وتقرفضت مثل البيبيات ..
سارة قعدت تمسح على شعر منى ...

سارة: منى .. انا بروح اصلي .. وراجعة .. اوكي؟

منى هزت راسها ... سارة ابتسمت وباست منى بين عيونها .. وطلعت من الدار ..
نزلت تحت .. خذت السيادة اللي كانت محطوطة بصندوق فيه كم كبير من السياييد والاثواب ...
ولبست عباتها ولفتها وقعدت تصلي ..


//

في بيت بوقصب،
عيسى كان قاعد على طَاولة الطعام و ويهه منصفق ...
مو عارف شنو موقعه بهالدنيا من بعد منى .. كلامها له .. صوتها لي الحين يرن باذنه ..
" حقيييير .. نذل ... حقييير .. نذل .... حقيييير ... نذل " ... كان وده يكسر كل اللي جِدامه !

خولة : عيسى شفيك ما تااكل؟
رد عليها بصوت تعبَان: مو يوعان

ايمان تطالع سهيلة وتلوي بوزها ..
سهيلة تبقق عيونها عليها انه سكتي لا تقولين شي

خولة: شلون مو يوعان .. على لحم بطنك من امس حتى ما تسحرت معانا .. هااك حبيبي ذوق هالهريسه انا مسويتها اليوم من ايدي ( وتحط له بصحنه) .. ذوقها عشان خاطري يمه

عيسى : يمه قلت لج موو يوووعااااااااااان ( وعلى صوته)

خولة استغربت ردة فعله وتضايقت حيييل .. تنهدت وقالت : خلاص كيفك

عيسى: الوااحد ما يرتااح بهالبيت ..
وقام من على السفرة ... دز الطاولة بيده ... صعد فوق ..
و بعد خمس دقايق نزل من فوق وبيده السويج .. وطلع من البيت .. وصك الباب حييييل ..

ايمان: شفيييه هذااا !

سهيلة: ايماان بس .. يمه لا تكدرين خاطرج شكله كان متضايق من شي ثاني

نوال: انزين متضايق يسوي جذي ويزعل امي!

ناصر: لا تكبرون السالفة

نوال: اسكت اسكت انته واللي يعافيني

ناصر: لا تكلميني جذييي

خولة: بسسس عاااد !! ما زعلت الحين اناا شفيييكم .. يالله خلصوا كملوا اكلكم .. انا الحِمدالله شبعت بروح انسدح لي شوي راسي مصدع ( وقامت ما قدرت تحط لقمة ثانية بحلجها.. )

ناصر وقف وطالع نوال بنظرة غضب : مرة ثانية لاترفعين صوتج الزفت هذا وتكلميني بهالطريقة فاهمة .. مو ياهل جدامج اناا

نوال عفست ويهها: نصور تكفى اقعد مو لايق

ناصر هني فقد اعصابه وراح يبي يطقها .. ايمان مسكته بسرعة: نصوور شفييك ينيت
وتحااول فييه .. ويدزها .. ويوصل حق نوال .. مسكها من شعرهاا: لاااااااااا تكلمييني جذيييييييي لا ادوووس ابطننننننج

نوال: آآآآآآي آآي يمااااه يماااااه

سهيلة: ناااصر خللهاااا خلااااااص

نااصر: لما تكلمني عدلل اهدهااااا .. فاااااهمة قوليلي فااااهمة

نوال: آآآآي هدني وخرررررررر عنيي آآي آآي يمااااااااه

ايماان: نصووور بسسسسسس هدهااااااااا خلهااا بسسس

خولة نزلت من فوق واهي تصارخ: نصووووور نصووور ويهد هددد البنييييييية

وتييي له وتحااول تفااككهم لانه بدوا يتهااوشون وطاحوا على القاع

جاندرا طلعت من المطبخ: آآآيوووه شنوووو هذاااا
وقعدت تطالع من بعيد واهي خاايفة ...

خولة قدرت توخر ناصر عن نوال .. نوال قعدت تبجي وتصارخ: يااااااا حمااار مالك حق تمد اييدك عليي

نااصر وويهه احمر: جببببب سكتاااااااااااااااااااااااي
ويبي يطقها مرة ثانية
خولة هني عصبت .. جان تطق ناصر سطار !!

ناصر فقد اعصابه وقام يناقز بمكااانه ويصرخ : يمااااااااااه تطقيني عشان هالزفته .... تطقييييييينيي ...... تطقيييني انااا عشااااانهااا

خولة: جب جب اووووص ولااا كلمة يالله رووووووح داارك .. يالله جداامي
ويودته من فنيييلته وسحبته لييه فووق ...

نوال قعدت على الارض تبجي .. وسهيلة تهديهااا

ايمان: عمى بعيين العدووو خبصتوونا لا بارك الله في ابلييس

جاندرا ركضت المطبخ ويابت قلاص ماي حق نوال ..
نوال خذت القلاص وتشربه واهي ترجف وتبجي ..

وتطالع ايمان وسهيلة: ماااااااله حق يمد ايييده علي ... الحمااار مااله حق

سهيلة: اووص ولا كلمة انتي عارفة انج غلطااانه

ايمان: فوق شينج قواة عيينج بعد ..

سهيلة: ناصر الحين خلاص كبر صار ريال .. عيب جذي تكلميينه

ايمان: ما الومه الولد طق خلاص من لسااانج الزفِر

نوال قعدت تبجي اكثر ...

ايمان: جااندرو ييبي لي انا بعد قلاص مااي .. ريجي نششف !

//



عند باب بيت بوقصب،
عيسى لما طلع من البيت .. شاف سيارة منى واقفة .. عوره قلبه .. كان وده يروح بيتهم ..
وياخذها ويروح معاها ابعد مكان بالدنيا ...
بس الحلم شي و الحقيقة والواقع شي مختلف تماما ً بالنسبة حق علاقتهم الحين .. الحين كل شي بينهم انتهى ..
او المفروض ينتهي ...

ركب عيسى سيارته .. وداسس حيييل .. طلع من منطقتهم .. وخذه الخط السريع ..
راح يتمشى عالخليج ...

بالرادو كانوا حاطين .. اغنية "صدفة" لـ فضل شاكر

عيسى: ههه صدفة ! ( وقاعد يضحك واهو قلبه يحترق على منى ..)
تذكر اول مرة شافها .. والصدفة اللي جمعتهم ..
وخلتهم يكونون جيران . .تذكر لما شافها اول مرة عند سيارتها ....
شعرها الاسود اللي متكتكت على جتوفها وظهرها ...
خدودها .. رسمة شفايفها .. عصبيتها عليه .. الخوف بـ عيونها لما انحاشت منه ... ...
تذكر ذكرياته معاها ... ضحكتها الطفولية اللي يحبها ... دلعها لما تناديه .... ابتسامتها الساحرة

رن تلفون عيسى ...

عيسى: هلااا
عادل : شلونك بو العييس
عيسى قصر عالرادو: هلا والله عدوول
عادل: هاا عالوعد
عيسى: ايي وعد؟
عادل: امداك نسيت .. الجيام اليوم ها شقلت بتييي ولا لا ؟

عيسى تذكر انه مواعد اهله يوديهم اليوم .. وتذكر انه زعل امه ..
وانه طلع من البيت و اهم يطالعونه بنظرات استغراب واستهجان ... و عصبيته الغير مبرره على الفطور ...

عيسى: لاا والله ما اقدر اهلي يبوني اوديهم الجيام بعد .. اسمح لي
عادل: لاا شدعووه عاادي لاتحاتي.. بس انتوا وين رايحين اي مسيد .. اللي يم بيتكم
عيسى: لا .. الاهل ودهم يروحون المسجد الكبير
عادل: واحنا بنروح هناك بعد هههههههه
عيسى: ههههههههه
عادل: عيل نشوفِك
عيسى: اكيييد ان شاء الله

//

عيسى .. رد البيت عالساعة 9 بالليل ... واهو راد .. شافها !
شاف منى طالعة من البيت واهي كاشخة .. لابسة بدلة سودة بـ دانتيل بيج راقي ..
الدانتيل كان حوالين رقبتها وحوالين ايدها ... كعبها اسود .. حاطه حمرة حمرا حييل .. عيونها مسويتهم بشكل دخاني باللون الاسود والبني ... شعرها مسويته بف ..لابسة تراجي الماس .... طالعة مثل الاميرات !

عيسى صفط سيارته ونزل .. وقف يطالعها ...
نزلت من دري بيتهآ وبعدين التفتت عليه ..
طالعته بنظرة احتقار .. نظرة قويـــــــة حاادة .. وابتسمت له ..
عيسى تخصبق وتوتر وافكاره قامت تدور بـ راسه " معقولة هذي منى . ... هذي اللي كانت منهارة بالتلفون قبل جم ساعة !"

لما وصلت عند سيارتها ... وقفت لحظات .. بعدين مشت صوبه !..
اهو واقف منصدم من الموقف اللي اهو فيه ..
كان بلحظتها يبي يقولها انا اسف ابيج ما اقدر اعيش بدونج ! ...
بس ما قــــــدر كل ما فكر بـ منى .. تطري عليه امــــــــه ..
وكلامها له " عيسى هالبنت ما تصلح لك اسمع كلامي.. لا احنا من ثوبها .. و لا اهي من ثوبنا "

منى كانت تمشي صوبه بكل ثقة وغرور ... وصلت عنده ... !​

 

[8yoona]

واااي ما افتك منه بالبيييت يطلع بالقصة :eh_s(11):
ياآ جماآعة ترا عيسى موجوود على ارض الوآقع

وثاانكس حبيبتي عالقصة واايد حلووة وانا بعد سجليني متاابعه وياهم ان شااء الله ووو موفقة ولاتنسيين المدونة مآلتج هم اتابعها والله يعطييج الف الف عاآفية :eh_s(7):

 

[" غـادهـ "]

رد : روايتِي الاولى: { مُنـــاي } بِ قَلمي- دِميرة

.

وآآآآآي دمووور
هالجزئين عـوآآآآآآر قلب حدهم :eh_s(16):

آآآمبـي عيسـى ليش يتخلــى عن منـى
حــرآآآم يعلق آلبنيه كل هآلمـده وتآلـي يقول مآآ نصلح لبعض
وآآآآآي حده قهــر ..
عفيـه دموووور رديهم لبعض تكفييييييييييييييين :eh_s(11):
<< موووو شــي تدخل جــوى ..

.

 

[Irresistible <3]

رد : روايتِي الاولى: { مُنـــاي } بِ قَلمي- دِميرة

مساكين كسروا خاطري

يعطيج العافية ,​

 

[Mazyoona]

عيسى حبيته وآحس صرآعه مؤلم يحبهآ يموت عليهآ بس آمه !!
خوآته ؟؟ آهله .. هذول كلهم مسؤوليته .. دنيِته ~


آلحب لآ غزآ آلقلب مآ يستآذن و يمحي كل شي كل شيء
خصوصاَ آول الآيام .. الحب يعمي لِ درجة آنه آلوآحِِد
يحِس آنه مآكو مُستَحيلّ ، و عيسىآ فِكرته كآنَت جذي
آنه منى له! مُنى مُنآهْ .. آمنيته بِ آلحياة اللي بتتحقق
فرحته بَعد كِل هـَ التَعبّ .. مآ آعتقد لو عيسى عَرف بِ
آلبدآيه آنه هذآ مصيرهُم بِ يسوي جذي .. يكون لهآ
بس مآ يكون بِ نفس آلوقّت ..

و مُنى آثآر مآ بعد آلجرح .. آسهل شي للآنثى المَجروحه
ممكن تسويه آنهآ تِستَخدِم جمآلهّآ بِ الإنتِقآم !!
بس آلغآلب آنهآ مآ تكون مستوعبه آنهآ جرحت روحهآ قبل
لآ تِجرحه ، صحيح عشمهآ و حبته .. بس نِست آنهم
حلموآ مَع بعض .. خَطِطوآ مع بعض .. كبروآ مِع
بعض .. و حبهم كِبر مع بَعض .. يعني كآن لِ آلرجُل
دورّ بِ آلزين بَعد و كآن شيء جميييل و كآن إحسآس حلو
و بسمتهآ بِ ضيقهآ ~ عيسى كآن لِ مُنى وآيد مفروض
تآخذ الآمورّ بِ منطقيه

بس هني نيي لنقطة : و مِن متى تتوآجَد آلمنطِقيه في آلحُب ؟

آلرجل لآ تعور حَب آكثرّ و تعلَقَ بِ شكل خَيآلي ..
و آلمرأه لآ إنجرحَت ، عآنِدت روحهآ فتره .. بس بعدين
تِستوعب آنهآ محتآجَه لهْ..

آخيه على حآلهُم يُؤلِمني
الله يجمع كِل حبيب بِ حبيبه
دَمورّه / آحبج و نآطره و آسفه ع آلطوآله :eh_s(22):

 

[MeeMeeYoo_2]

اخييييه عوااااار قلبببببببببببب


مشكووووره حبيبتييي

 

[DreaMo'O]

كسسسسسرت خآطري منى =(
جانزين ام عيسسى ترضى فييها

 

[loloالحلوة]

يالله وييييين الباقي ما ابي انام وانا مو مكملة القصة:eh_s(16):
دمووووووووور عفية بسرعة كملي القصة:eh_s(7):

 

[DA3LOoOLA]

رد : روايتِي الاولى: { مُنـــاي } بِ قَلمي- دِميرة

:eh_s(11):

نبي بااارت :eh_s(2):