روايتِي الاولى: { مُنـــاي } بِ قَلمي- دِميرة

[DeeMa-]

وااااااااااااي حده عجيييييييييب ومريووم ينخاف منها لووول


ناطرينه

 

[noynoy]

واي نوال و مريم يخرعون اش هالشطانه
ناطره البارت الياي

 

[đeɱɛɼɑ™]

السَلام عَليكم بنَات
كَ العادة راحت عَلي نومَه ما نزلته مبجر آسفه وان شاء الله برِد عليكم نِك نِك :eh_s(17):
( لاديين حَياتي ان شاء الله هَ الفصل يعوضِج عن النَطرة لانه طويل حبتين
دعلولَه فديتج ان شاء الله صبري على رزقج لوول بِ الاجزاء الجاية ببين كِل شي )

الفصِل الثالِث عشر
الجِزء الاوَل

توه عادل حاط السويج ..
جان يرن موبايلَه ..
مسك تلفونه وشاف الرقم .. ابتسم ابتستمة جانبية ..

لقى هَ الوقت مناسب جدا ً انه يرد على " البنت " اللي تدق عليه ..
كان واثق انها بنت ..
خبرته في عالم " المغازل " خلته يعرف نوعية ما يستهان فيها من مُجمل انواع البنات ..
الخفيفة والثقيلة واللعوب واللي تبي زواج واللي واللي .. ..

عادل رد عَ التلفون: الووو
وشغل السيآرة ..
وكآن صوت السيارة عالي و واضح بـ السبيكر عند مريم و نوال ..

مريم طالعت نوال ..
نوال اشرت لها عشان ترد ..

مريم : الووو ( وغمضت عيونها )
نوال يمها كانت ميتة ضحك بس غامتة هَ الضحكة بـ كفر فراشها الوردي ...

عادل: هلا والله ..

مريم: ....

عادل: مطولة؟

نوال و مريم كلهم بِ صوت واحد شهقوا : هيييييييييييييييءءء !!!


فجاة الصينية اللي يابتها نوال واللي كان فيها قواطي البيبيسي .. بيبسين منهم مبطلين .. و ماعون نفيش
طاحت على سرير نوال وبعدين عَ الارض ..

مريم صكرت التلفون بِ وجهه عاادل ...
وبسرعة شالوا قواطي البيبسي ..
وردوهم الصينية .. قعدوا يلمون النفيش اللي تنثر على الفراش و عَ الارض ..

نوال كانت قاعدة على ركبها وتشيل النفيش اللي على القاع وتحت الفراش

نوال: كلللللله منج شفتي .. تدمررر فراااشي كلله

مريم كانت واقفة تلقط النفيش اللي على فراش نوال
بس لما شافت نوال معصبة عليها جان اتخصر وتطالعهآ

مريم: يالله عاااد شنووو شنوو كله منج ؟
و ما تدمر وايد اصلا .. شوفيني قاعده اسنعه وانظفه لج بعد اشتبين اكثر اووووف

نوال: لا اتاففيييين!! ... ااكيد الله موو راضي عن اللي نسويه .. عشان جذي طاحت الصينية

مريم: امبييه لا انتي مووووووو صج شهالتالييف اللي عليج ؟!! قولي من طفااقتج مطرفة لي الصينية شي طبيعي تطييح يَ السنعة !

وسكتوا وكل وحده ماده بوزها وكل دقيقة وحدة منهم تخز الثانية و تتأفف ...
فجاة رن تلفون مريم .. مريم بسرعة خذت تلفونها اللي كان مقطوط عَ المخدة وشافت رقم عادل
مريم طالعت نوال ..

نوال: شفيج تطالعيني جذي .. . ...اهوه؟

مريم هزت راسها

نوال: هَ المرة طاحت الصينية ... المرة الياية عيسى بيطيح عليناااا

مريم: اووووف نوول .. لازم ارِد عليه واعرف شسالفِته ( وقعدت عَ الفراش و تربعت )

ردت عليه وحطته سبيكَر ..
نوال انقزت عَ الفراش بحركة سريعة وقعدت يم مريم وحطت ايدها على جتفها ..


مريم: آآآ ... الوو

عادل: الووو

مريم: نعم ؟

عادل: نعم الله عليج .. عفوا اختي انتي كنتي داقة قبل شوي؟

مريم طالعت نوال وبـ توتر جاوبته: اناا !! لااا .. لااء ما دقيت عليك !

عادل رفع حاجبه: هااا !! صارلج اكثر من ساعتين تدقين على رقمي و قبل شوي رديت بس فجاة صكرتيه؟

مريم: آآآآ .. ماا ادري ..

عادل: لاحوول .. .. . بتقولين لي منو انتي ولا شلون ؟

مريم غصبت نفسها تتكلم: انا اناا ..

عادل : ايي ؟

مريم: انا كنت داقة .. داقه بس .. . عشان اعرف انته ليش عطيتني رقمك ؟

( نوال من كثر ما اهي متوترة كانت ضاغطة على جتف مريم حيييل ..
ومريم من كثر ما اهي متوترة مو حاسة بهالضغط !! )


عادل ابتسم ابتسامته الجانبية " الشهير " فيها بين ربعه ..

عادل: هممم .. اسف حبوبة ماني ذاكرج !! ممكن تذكريني بارك الله فيج

مريم بـ عفوية : ليش انته جم وحدة مرقم ؟!

نوال ضحكت بصوت واطي وطقت مريم طقة خفيفة على جتفها ..

عادل ضحك : .. والله شوفي يا حلوة .. بكون صريح وياج .. انا ما اعطي رقمي لاي بنت والسلام ... دام اني عطيتج ايااه تاكدي انج عاجبتني ... وداشه مزاجي
( ولف السكآن لفة وحدة بـ ايده اليسار .. وطلع صوب دوار البدع .. ) ..

مريم: ......

عادل: معاي ؟

عادل سحرها بـ ثقته وصراحته ...
مريم ردت بصوت دايخ: اييي

عادل بـ كل ثقة: حلو! .. الحين رحم الله والديج ممكن تقولين لي وين تلاقينا بِ الضبط ؟

//

منى وهبة وعيسى وصلوا عند مصا فط ابل بيز ..
منى وهبة ب ِ المرسيدس .. وعيسى بِ اللكزِس الذهبي. . ..

بـ سيارة منى ،

هبة: قلت لج ماني نازلة !

منى: الحين كل هذا بس عشان قال بينزل وِيانا .. ترى بس بيوصلنا ليه البَاب ..
اهو بس عشان يعني محد يطالعنا او يتحرش فيننا يعني معانا ريال عرفتي ؟

هبة: لا ما عرفت موين ... انتي حسبالج شوية اهي ولا شوية ندخل ومعانا ريال غريب ... لعملج ترى اهو وايد ماخذ راحته معاج ..

منى : اهو خايف علينا .. انتي تدرين انه يغار علي واايد

هبة: يغاااار !! .. هه ضحكتيني .. هذا لو عنده غارية جان ما رضى على نفسه انه يطلع مع بنات جدام خلق الله ...
منى اذا انتي عادي عندج الوضع .. ترى انا مو عادي عندي..
اهلي يخافون علي ... ووووو تهمني سمعتهم !

منى انصدمت من كلام هبة لها ..
وحست بـ غصة .. عيونها قاموا يتلامعون من الدموع ...
سكتت .. تسندت على الكشن .. وقعدت تطالع سكان السيارة وعيونها مغورقة.. سرحت بـ كلام هبة ..
هبة حست انهآ جرحت منى وندمت حيييل لانها كلمت رفيجتها بهالطريقة ..

هبة: آآ منى انا .. اانا .. اسفه ما كنت اقصد والله ما ادري شلون قلت هَ الحجي البايخ

منى ابتسمت وتكلمت بـ صعوبة
واهي تحاول تخفي غصتها ..


منى: لا عادي ما سار شي ...
انتي سح .. انا الظاهر .. ( وحركت ايدها) .. نسيت نفسي .. ( وضحكت باستهزاء )

هبة بـ استعطاف: صدقيني انا تهمني مصلحتج ... انتي متخيلة وضعنا شلون بيكون ؟ .. وياريت الصبح او الظهر .. لا حزة زحمة و ويكند ..اللي رايح واللي ياي يشوفنا .. والكويت هَ تبينآتها ممكن يكون اي احد من اهلنا هني .. ساعتها شنو بيكون موقفي وموقفج قوليلي ؟! .. اهو ريال ما همه ..
لو يحبج صج ما يطلب منج هَ الطلب .. المفروض تهمه سمعتج قبل كل شي .. مو بس يونس عمره و بالطقاق فيج ..

منى كانت ساكتة وتسمع كلام هبة اللي كان مثل " الطراق "
اللي صحاها من ايام " العسل " اللي اهي فيها مع عيسى ..

رن تلفون منى ...
منى مسكت تلفونها .. ومسحت دمعة كانت نازلة على خدها ..
طالعت هبة ..

منى: هذا عيسى .. .. شقوله ؟

هبة: قوليله انج ما تبينه ينزل معانا .. كثر الله خيره صاير لنا بدي قارد من المستشفى لين هني .. وديربالج تقولين له انه انا اللي قايلة لج ..

منى: بسس .. آآ .. آنا ما اقدر اقوله جذي راح يزعل عليي .. وزعله جاااااايد ما تعرفينه كثري ... ويمكن يخليني

هبة: واذا !!! .. ريال بدااله موو الف مليووون بعد ...
و اذا يحبج صدقيني ماراح يقدر على فراقج ..

منى طالعت هبة بـ نظرات ترجي ..
كانت تبيها تغير رايها .. تبيها تقولها لا عيسى يحبج ويموت فيج ..
كانت تبيها تكون متعاطفة معاها .. بس بوقتها هبة كانت قاسية مع منى
وكان لازم تكون قاسية معاها عشان تعلمها انه اللي قاعده تسويه غلط بـ غلط ..

منى ضغطت على الدقمة الخضرا االلي بالتلفون
وقربت التلفون من اذنها .. وايدها الثانية كانت ماسكة السكان حييل ..

منى: آآ .. آالووو

عيسى: ساعة على ما تردين .. يَ الله شتسسون ؟ منتوا نازلين شنو؟

منى: مبلى راح ننزل .. بسس ( وطالعت هبة )

عيسى: شصاير؟ فيكم شي ؟ ..... رديي !!

منى: لااا لااا مافيننا شي لا تخاف .. بس ترى .. انا وهبة اللي راح ندش ابل بيز .. انته لا

هبة لما سمعت منى قالت جذي ارتاحت وابتسمت ..
ورفعت ابهامها بـ حركة " اوكي " .. وخلت منى تبتسم وترتاح انه صديقتها معاها وبصفها ..

عيسى كان واقف يم سيارته لما سمع هالجملة من منى ..
قطب حواجبه .. وحط ايده الثانية على غبق السيارة ..

عيسى: وليش ان شاء الله ؟

منى طالعت هبة: عشان مو حلو شكلي وشكل رفيجتي واحنا داشين مع ريال غريب جذي ..

عيسى رفع حاجبه: ريال غريب! مو توج قبل 10 دقايق كنتي راضية ومستانسة .. شاللي غير رايج ؟

منى: ماكو شي غير راييي .. بس فكرت فيها عدل .. والمفروض اسلا ً تخاف علي و ما تطلب مني هَ الطلب

عيسى عصب: يعني الحين انا مو خايف عليج ! ... اقول

منى:.. هلا ..

عيسى : يالله تصبحين على خير وديربالج على نفسج .. باي

منى: عيسى صبر شوي لحظة

عيسى: فمان الله و عوافي ..

منى : عيساااه لحظة لا تصكره .. انا مو قصدي شي والله

عيسى: منى ترى حدج غثيتيني لا تحديني اسوي شي ما يعجبج .. روحي تعشي يبا واذا خلصتي دقي علي ..

منى حست بِ تانيب الضمير: آآ .. بس ... امم .. ان شاء الله انت بعد ديربالك على نفسك .. مع السلامة

عيسى : باي


وصكروا من بعض .. وكِل واحد بحاله ..
عيسى ركب سيارته واهو معصب من تصرف منى معاه ..
منى نزلت من السيارة وهبة وراها ...
منى كانت عينها على سيارة عيسى اللي كان دااايس بسرعة غير معقولة بالمصافط ..
ولما مر صوبهم حتى ما التفت عليها ولا عبرها ...
منى حطت ايدها على قلبها وطالعت هبة بنظرة عتب ..
اما هبة ابتسمت لها وطلبت منها انهم يدخلون عشان يمديهم يحجزون مكان وينطرون طاولتهم ...
منى سكتت وطاوعتها وراحوا صوب ابل بيز و اول ما دخلوا كانت العيون تتلاقط عليهم من كل صوب .. خاصة اللي كانوا قاعدين ينطرون عَ الغنفات ...


//

عيسى مشى عنهم والافكار تدور بـ رآسه ...
" غيرة " " خوف " " حب عشق " " هيآم " نسى عاداته "
" نسى انه بالكويت ! " كان يقول بداخله : " تصرفاتي مع منى تدل على انانيتي "
" اهي صح وانا غلط " " لا لا اهي غلط وانا صح " ! " ياما طلعت معاها بمطاعم .. " " شمعنه الحين ترفض " " صج اول شي كانت رافضة هَ الفكرة .. بس قدرت اقنعها .. ! " " ليييش سوت جذي فيني "
" بس لحظة .. انا غبي ! .. ما خفت عليها .. سمعتها .. اهي صح !! .. لا لا لا انا صح ! "

عيسى توتر حيل من بعد هالمكالمة ...
كان دايس بـ سيارته و يبتون بين السيايير
ماكان في صورة بـ خيآله إلا صورة منى ..
ولا صوت يسمعه إلا صوت منى !
دخل عيسى واحد من مصافط السيايير اللي على طول الخليج ...
صفط سيارته ونزل .. كان يبي البحر !! حس انه محتاج البحر حيييل ...
اول ما نزل من السيارة حط ايده اليمين على البآب وخذه نفس عميييييييق ماكان وده يطلعه ..

حس انه يبي يموت بدونها وكره نفسه لـ لحظات وحس انه حقير لانه يعامل منى بهالطريقة ..
كان يعشقها بس بنفس الوقت " يحتقر " نفسه لانه يسمح لها اللي مانعة عن خواته واهله !

مشى عيسى عَ الرصيف شوي وبعدين لما وصل ناحية الرمل ..
فصخ نعاله البُنية .. رفع شوي دشداشته ونزل... كان الرمل بااااااارد ...
راح عيسى صوب مافيه ناس وايد ولا صيحة ولوية ..
قعد يطالع البحر والموج اللي يكفخ عَ السيف .. طلع باكيت زقايره و ولع له وحدة وبده يدخن بكل هدووووء .. مع كل نفس ياخذه كان يفكر فيها . . ..

//

في المستشفى ،

خولة كانت عند الدكتور تسئله عن حالة ايمان
وكان يطمنها انه كل شي تمام وانه حالة ايمان تدل على انها راح تتعافي بسرعة
ويبيلها على الاكثر اسبوع بالمستشفى وتطلع واهي باحسن حال ..

اما بـ غرفة رقم 9 ...
ايمان: صج والله كانت هني؟

سهيلة كانت تسنع ملابس ايمان وتحطهم بالكبت ..
التفتت على ايمان واهي تبتسم

سهيلة: ايي والله شفيج مستغربة ؟

ايمان: ما ادري كله يتراوالي انها مغرورة و شايفة عمرها

سهيلة صكرت الكبت ويت قعدت عَ الكرسي اللي يم فراش ايمان

سهيلة: لا حرام عليج مسكينة حبوبة حيييييل

ايمان: ايي بس يعني احسها شايفة روحها ليش انها حلوة .. ترى يعني كلنا حلوييين .. ( وقولبت بـ عيونها )

سهيلة ابتسمت: ... هذا اللي حارج ؟ .. بس عشان حلووة صارت مغرورة .. ما عندج سالفة تدرين ..

ايمان: سهيلوو ترى انا مريضة ومتكسرة المفروض تكونين حنونة معاي

سهيلة: هههههههه ابتلشنا مع اليهالووو

ايمان: ايي زين كله مدحيني جذي

سهيلة : الحين يهاالوو مدح !

ايمان بـ دلع مصطنع: اييي احس اني بيبي وتوني نونو

سهيلة: ههههه انتي افكارج هذيي ماراح تخليج تعيشين صح بهالدنيا .. راح تتعبين والله

ايمان: ليش اتعب .. شقلت الحين انا

سهيلة حطت ايدها على خدها
وطالعت ايمان بـ نص عين ..

سهيلة: اسئلج سؤال وتجاوبيني بصراحة؟

ايمان استغربت
من نبرة صوت سهيلة اللي تغير فجاة ..

ايمان: اييي سئلي من متى ما جاوبت بصراحة .. اكثر وحدة بالعايلة صريحة وتقط بالوي انا

سهيلة ابتسمت: اوكي .... انتي الحين تشوفين نفسج حلوة ؟

ايمان: صج والله ! .... عطيني منظرة واقولج

سهيلة: هههههههههههه لا صج جاوبيني

ايمان: شوفي انا ادري انه احنا فيننا ملح وقبلة وانينن بس مو جماال جمال

سهيلة: لا والله فيننا جمال وزيادة بس انتي اللي موو قنووعة ودايما ً تطالعين غيرج

هني دخلت خولة الغرفة واهي مستانسة ...
وفصخت عباتهآ ..لاتتها .. وحطتها على الكرسي

وقعدت : خلاص اموونه غدى شرج ان شاء الله

ايمان وسهيلة استانسوا

سهيلة: صج والله يمه .. خلاص بيرخصونها

خولة: ان شاء الله قريب .. اهم بخلونها جم يوم زيادة عشان يتاكدوون بس ولا وضعها تمام

ايمان: واااااااي الحمدالله واخيرا ً بطلع من هني طقت جبدي من الفراش والسدحه والتبطح

خولة وسهيلة ضحكوا وبعدها كملوا سوالفهم ...



،

بـ ابل بيز ،

منى كانت ماسكة الشوكة وتحرك الباستا بالصحن بشكل دائري ..
كانت سرحانة بـ عيسى
واللي سوته فيه .. و زعلانة حيييييل ومبين عليها انها متضايقة ...
هبة كان موعاجبهآ حال منى ..

هبة:.. شفيج ... مو ناوية تاكلين؟.. اكلج برد ..

منى: مو مشتهية

هبة: يعني غصب تحسسيني بِ الذنب

منى: لاااااااا مو عن والله

هبة: ههههههه ادري

منى انحرجت : كريهة تدرين

هبة ابتسمت: بذمتج مو احلى قعدتنا جذي انا وياج برييحاتنا و نشوف هَ الاشكال الحلوة .. ... بدون ويه النحس تبعج

منى: هبة !! ترى سج ما ارضى عليه .. اذا تحبيني لا تذكرينه بِ الشينة

هبة: خلاص خلااص زين انا اسفة .. بسس موين صج قوليلي شتحبين فيه ..
شمعنه اهو .. شنو فيه زود عن باجي الرياييل ؟

منى استانست حست انه بدت الطلعة تحلوو ..
كل سالفة فيهآ عيسى .. تحلى بـ نظر منى ..

منى خذت شوية من الباستآ بشوكتها وكلت ..
هبة استآنست لانه منى بدت تاكل..

منى: شوفي .. عيسى فيه شي غير عن كل الرياييل ... شي يميزه عنهم ..

هبة بين الفضول
على تعابيرها ...

هبة : شنوو ؟


//

في غرفة نوال ،
مريم ونوال كانوا منسدحين عالفراش ومتلحفين
يطآلعون الفلم ...
نوال كانت مندمجة بِ الفلم ...
بس مريم كانت سرحانه بـ" فلمها مع عادل" !

من بعد ما كلمته .. نوال قالت لها انه يبي يلعب وما يستاهل انها تكلمه ..
اما مريم .. فما تدري ليش عادل عجبها حيييل معنها تدري انه يبي يلعب ..
بس شنو فرقت عنه ؟ اهي بعد كانت تبي تلعب ! ..
ما كانت تبي علاقة جدية .. كانت بس تبي واحد يكون " رفيجها "
تسولف وتضحك وتطلع معاه بدون ما يتحكم فيهآ ولا يحاسبها لا على لبسها او مكياجها او تصرفاتها ..

رن تلفون نوال ...

نوال قامت من على الفراش ..
وراحت صوب مكتبها ..
وخذت تلفونها اللي كان محطوط يم كتابها النحو ..

نوال : الووو
عيسى : 10 دقايق واكون عندكم ... بس ادق هرن تطلعون لي ماشي ؟

نوال: الحيييييين !!

عيسى: ايي الحين .. شفيج اخترعتي ...(عقد حواجبه ) انتي وينج ؟

نوال بتوتر: بلـ .. بلـ .. بالبيت بعد ويني

عيسى: اييي ادري بالبيت عيل ويين بتكونيين!! .. وينج بالصالة ولابدارج ؟

نوال: لااا بداري .. عندي مريووم قاعدين نطالع فلم .. انته مو قلت ماراح تيي الا بعد الـ 12

عيسى : وكاني الحين بيي .. يالله لا تكثرين حجي .. قلت لج تزهبي .. وقولي حق ناصر ..

نوال: والبنيية شنو اخليها بروحها بالبيت

عيسى: انتي ما تدرين اني بمركم اخذكم حق ايماانوو اليوم؟ .. خل ترجع بيتها .. خو كاهو مسافة الطريييج وسايقها عندها اهي مو غريبة عارفة البيت واهله ...

نوال واهي صاكه ضروسها: بسسسس فشششششلة انته ماا ..

عيسي: لا فشلة ولا شي .. يَ الله تصرفي معاها مالي خلق هذرة زايدة ... باااي .. تعالي لا تنسين قولي حق ناصر الحين... مع السلامة ..

نوال : مع السَلامة

صكروا التلفون ونوال نست انها انها تقوله ان اهل مريم بيسافرون السعودية باجر يزهبون حق عرس بنت خالتهم من هناك .. وانها راح تنام عندهم هالاسبوع ...

نوال حطت تلفونها على الكومدينه واهي تنافخ ...
مريم قعدت على حيلها وطالعتها ..

مريم بـ استهزاء وغشمرة : يعني اخوج بفهم ماكو احساس مثلا ً .. او متبلد المشاعر .. ما يدري اني موجودة وبنام عندج .. ضيفة في بيتكم ماكو احترام .. هزلت والله هزلت

نوال: هههههههههههههههه وايد معطيه نفسج اهميية .. اقصاج مريووووم

مريم خذت المخده وحذفتها على نوال اللي لقفتها بايدها واهي تضحك وراحت قعدت يم مريم عَ الفراش ..

نوال: شلون الحين بتقعدين هني . . ولاااااااا شرايج تيين معاانا

مريم: وديي بس ويييع مااحب ريحة المستشفيات .. وشراح اسوي هناك ؟؟ تلقين الغرفة اصغر من دارج وكلنا متقلقصين فيها لا اقدر اسولف معاج على راحتي ولا اهمه بعد وبنقعد جنا حلقة دينية بسبة نصايح امج وسهيلة واخوج.. لا تسوون لا تلبسون لا تطلعون لا تقرقون ..

نوال: لاااااااا والله.. ما ارضى علي اهلي

مريم ضحكت: شفيييج لا تعصبين .. شفتج معصبة على اخوج قلت الطف الجوو

نوال لوت بوزها واهي تبتسم: انزين شقلتي الحين تيين معاانا او نوو ؟

مريم: مممممم لا بقعد مالي خلق

نوال سكتت لـ ثواني بعدين بققت عيونها على مريم: تعاااااااااااااالي .. اشوف اشوف حطي عينج بعيني

مريم عدلت قعدتها : شفيج ؟!!!!!!!

نوال: لا لا لا ماااااااكووو قعده هني .. هذا عدووله الظاهر لعب بمخج ... اانا اطلع مني وانتي بتمسكين تلفونج وتدقين عليه

مريم بـ ارتبآك: شنووو !! ليش حسبالج انا ياااهل ولا بسرعة يقصون علي .. ما تعرفيني

نوال: المصيبة اني اعرفج زيين .. عشان جذي يالله قومي بدلي عشان تيين معانا حق ايمان

مريم: اووووووووووف ماكو ثقة !

نوال: هههههههه الثقة حق اهلها .. قلت لج انتي كلش مو ويه ثقة

مريم ما حبت تجادل نوال اكثر لانها عارفة انه كلام نوال كان صح !! ...
فـ قامت من على الفراش واهي تبتسم و بطلت جنطتها الزرقا المضربة بـ احمر و وردي
عشان تطلع لها لبس حق المستشفى ..
اما نوال فـ راحت صوب ادرآجهآ الخشب وبطلت الدرج الرابع وطلعت لها بنطرون برمودا اسوود وتي شيرت احمر من بنتون ..

مريم: شرايج نلبس نفس الشي .. انا بعد ياايبه بنطروني الاسود ..

نوال: ليش يهال ؟! ( ولبست التي شيرت الاحمر )

مريم: الحين صرنا يهاااال ! ما ادري منو اول تترجاني عشان نشتري نفس الشي .. مالت بسس

نوال ضحكت وراحت صوب المنظرة .. خذت بروشها البنفسجي وقعدت تمشط شعرها ...

نوال: كيفج لبسي اللي تبينه ... بس اذا حصلنا زفه من عيسى مالي شغل ترى

مريم قعدت عَ السرير واهي تلبس البنطرون الاسود ..

مريم: لييش يزفنا !! شبنسوي .. طالعين مفصخين ؟!

نوال التفت عليها وقعدت على كرسي الكومدينه الخشب ..

نوال بـ استهزاء: :يا ذكية اذا لبسنا مثل مثل راح نلفت الانظار وراح يطيحون الشباب واحد واحد أمام اعيننا القميلة

مريم : قميلة بعيينج ... شهالتفكير المعقد !!

نوال: ههههههه والله هذا مو تفكيري تفكير اخوي العود عيسى

مريم: مالي شغل فيه انا ضيفتكم واحترام الضيف واجب

نوال: ههههههههههههه .. وييييييييي ذكرتيني ما قلت حق نويييصر

وبسرعة قامت من عالكرسي ..
بطلت الباب وخلته مشرع وركضت عالدرج .. وصلت نصه و طلت على الصالة...

نوال: نصووووور عيسى يقوولك البس بسرعة 5 دقااايق واهو بره

ناصر بـ صراخ: ولييييييش تووج تقولين لي

وقام من مكانه واهو معصب
ومشى صوب الدرج و وقف عند اوله وطالع نوال ..

ناصر: اكيييد داق عليج من زمان عشان جذي انتي لابسه وخالصه !!!

نوال: بب ببعد هذاااا اللي صاااار و بعدين لحظه لحظه انته لبسك مافيه شي ...
بنروح مستشفى يعني ماله داعي التكشخ الزايد

وعطته ظهرها وصعدت واهي رافعه خشمها عليه ..
ناصر شبص عيونه واهو معصب .. بعدين راح صوب المنظرة الكبيرة اللي موجودة على العامود الكبير بنص الممر اللي جبال المطبخ وطالع نفسه
رجع شعره ليه ورا .. وتاكد انه شكله زين .. واقتنع بـ كلام نوال ..

كان لبسه نظيف ومرتب ومافيه شي ويصلح حق روحة مستشفى ..
بس بعدين صعد فوق عشان يلبس نعاله الكروس السودة لانه كان لابس نعاله البنية اللي عنده من يوم كان بـ اولى متوسط ويحبهآ وموراضي يقطهآ .. معنهآ مقطعة ورايح لونهآ وصارت صغيرة عليه ...
بس كانت تذكره بـ احلى سنة درآسية .. السنة اللي تعرف فيهآ على ربعه الحااليين واللي كان فيها طالع الاول على صفة ولاول مرة بـ حياته الدرآسية ...

//

بـ ابل بييز ...
منى كانت بالحمام تعدل شعرها ويمها بنتين قاعدين يعدلون حجاباتهم ...

طلعت منى عقب ما ربطت شعرها وضبطته
وفصخت جاكيتتها اللي فوق وظلت بالقميص الشيفون اللي تحت ..
ومشت صوب طاولتهم ...
هبة كانت قاعدة تكتب مسج حق امها وتقولها انهم توهم مخلصين عشا ويبون يحلون ...
قعدت منى .. وحطت جنطتها وجاكيتتها على الكرسي اللي يمها . .
ورجعت شعرتين كانوا نازلين من شعرها ورا اذونها اليمين ..
هبة رفعت راسها عقب ما طرشت المسج ...

هبة: ليييش ربطتي شعرج مساع احلى .. ؟

منى خذت منيو الحلو وبطلته: لا احسن جذي .. مابي اكون " احلى " على قولتج و عيسى زعلان علي ومتضايق

هبة: تصدقين !! اول مرة تمر علي حالة حب نفسج .. حالتج كسيفة ... لهالدرجة تحبينه ؟

منى حطت المنيو وطالعت هبة : بعد كل اللي قلت لج عنه تسئليني تحبينه ..؟!! انا اعششقه!

هبة تلفتت حوالينه وقربت من منى وهمست لها: قصري حسج لاحد يسمع

منى ابتسمت وبصوت واطي: سووري .. بس هذا السج !

هبة رجعت عدلت قعدتها : انتي تدرين شنو قلتي لي عنه ؟ .. حسبالج شي يديد .. ترى كل الشباب يسوون جذي حق البنات اللي يعرفونهم .. يدللها ويدلعها ويعني يغار عليها ويسوي فيها حِمشش ... بس عشان اتم معاه وما تهده ..

منى: بس عيسى يحبني .. والريال اذا حب يكون غيييير .. نظراته لي احسها بس حقي انا ما يشوف غيري فيها حتى نبرة صوته معاي غييير حتى ضحكته سوالفه غشمرته عصبيته .. يحسسني اني اميرة معاه ملكة !!

هبة بـ استهزاء: ههه قصدج جارية !!

منى عصبت: هبااه !!

هبة: اسفة .. بس انا احكم بعقلي مو قلبي نفسج ... منى قوليلي الصج .. بذمتج ما عمرج شكيتي بانه قاعد يلعب عليج وماخذج تسلية ؟

منى: هبووي انا لو بس اشك 1% انه عيسى قاعد يلعب جان هديته من زمان ( منى كانت طبعا ً تجذب .. اهي بين فترة وفترة تشك بنوايا عيسى بس ما حبت تبين جدام رفيجتها انها ضعيفة جدامه وحبها له خلاها تتنازل عن وايد اشياء منها عزتها وكرامتها في بعض المواقف )

هبة خذت المنيو وطالعت منى وتنهدت: خلينا نطلب الحين وبِ السيارة نتكلم على راحتنا اكثر

الجِزء الثاني والثَالِث
ليه رجعت مِن بره ان شاء الله ،
enjoooooooy

​

 

[đeɱɛɼɑ™]

الفصل الثالِث عَشر
الجِزء الثاني

بـ سيارة عيسى ...
عيسى كان حاط سيدي منوع و حاط ريبلاي على اغنية نوال

ليه ساكت ؟
وداخلك زحمة حَكي ؟
ليه تضحك وفيك عبرات وبِكي ..
ما تعبت وقوف ليه ما تتكى ؟!

ـ

كان ماشي بِ الشوارع واهو بـ عالم ثاني ..
يفكر شنو لازم يسوي ؟ وشنو لازم يكون موقفه مع منى بعد اللي صار منها ؟
اهو صح ولا اهي ؟
اهي صح ولا اهو ؟

ـ

رن موبايله..
قصر عَ الاغنية و رَد ..

عيسى: هلااا يمه ؟

خولة: هلا حبيبي ... وينك فيه ؟

عيسى: رايح البيت باخذ نوال وناصر ويايكم ان شاء الله .. ليش تبون شَي ؟

خولة: زيييين سويت انك بجرت ... انا وخواتك ميتين يوع

عيسى ضحك: وانا اللي حسبت خايفة علي وبتطمنين .... اييه يباا الحب كله حق الصغار راحت علينا خلاص

خولة: يالله عااد عن السخافة واللغوة الزايدة

عيسى واهو مبتسم: ما عليه تمونين ... امي بعد ما اقدر ازعل عليج

خولة ضحكت: حبيبي اختك ايمان مشتهية شاورما لحم و شوقتنا معاها .. ملينا من اكل هَ المستشفى الماصخ

عيسى: هههه شهوة ٍ فيها العافية .. ان شاء الله حاضر بجيب لكم اللي تبونه ... كلكم تبون لحم ؟؟

عيسى حفظ من امه طلباتهُم ..
وصكر منها وعلى طول دش فريجهم واهو داش لاحظ انه ابو منى طالع من البيت والسايق قاعد يحط جناط في السيارة فـ عرف انه بيسافر ...
اول ما وصل عن بيتهم دق على نوال وقالها تطلع واهو نزل من سيارته وخلاها شغالة..
وراح صوب بيت بوريشة ...

ابو منى شافه واهو جاي صوبهم .. فنزل من درج البيت و سلم عليه ..

عيسى: شخبارك عمي ؟؟

محمد: هلا هلا عيسى والله بخير...الحمدالله على سلامة ايمان اعذرني ما قدرت ايييكم الشغل ما يخلص مثل ما انت شايف الحين رايح المطار

عيسي: الله يسلمك مِن الشر .. لا واصل عمي ما عليك قصور .. ماشاء الله سفراتك زايدة هَ اليومين
محمد كان كل دقيقة يتلفت على جوي ويتاكد انه حط اغراضه كلهم ..

محمد: اييي بعد هذا الشغل ( و طقه على جتفه ) لما تشيب مثلي راح تعرف اهمية الشغل والمواعيد المضبوطة

عيسى: ههههههههه ماشاء الله تووك شَبااااب عمي ( محمد ضحك ) .... عيل ما اشوف وِياك الله يخليها لك .. بنيتك مُنى ! .. شنو طالعة ؟

عيسى حاول يتدارك الوضع: عمي منى ترى بحسبة خواتي واخاف عليها بس حبيت اتاكد انها موجودة بالبيت ...
صدقني انت لما تسافر ما يهنا لي بال الا واهي بِ البيت .. خوفي عليها من خوفي على خواتي واهلي

محمد كلمه بـ حدة: لا تخاف ولا تحط في بالك منى عن 10 رياييل
ولا تظن في يوم اني مخلي بنتي هدد .. انا موصي عليها اهلي اللي اهم اهلها ما يخلونها لحظة تغفل عنهم وبينها وبينهم اتصالات وزيارات دايمة سواءا انا مسافر او لا .. فاهم وانا ابوك ؟

عيسى ضحك بـ توتر واضح: اييي فاااهم فاااهم
( وهز راسه واهو معصب بس حاول كثر ما يقدر ما يبين هالعصبية )

محمد: يَ الله عييل اسلم عليك ... وديربالك على نفسك !

عيسى : درب السلامة ان شاء الله ... اشوفك على خير ..

وراح صوب سيارته اللي كانوا راكبين فيها ناصر و نوال و مريم ...
قبل ما يركب سيارته طلع باكيت الزقاير من مخباته و ولع له زقاره وركب ...

عيسى: السلام
ناصر ونوال ومريم: وعليكم السلام

نوال قربت شوي من كشن عيسى
ومدت ايدها: عيسى عفيه حط هَ السيدي انا مسويته .. و انت عارف ذوقي بالاغاني يعجبك

عيسى خذه نفس مرتين من الزقارة
وقطها بره والتفت على اخته نص التفاته .. اخذ السيدي منها واهو معصب ..

عيسى: اختج مسوية حادث و بِ المستشفى تعبانه .. وانتي فاضية تقولين لي حط سيدي ما سيدي
( وقط السيدي يمه )

نوال ردت تسندت واهي منحرجة..
مريم قربت صوبها وبصوت واطي: ادعي ربج اخوج يصير عمي وما يشوف لبسنا ..
نوال ضحكت ضحكة مغموتة ..

وحرك عيسى واهو يفكر بِ هاليوم اللي موراضي يخلص على خير ..
من اوله ليه آخره مشاكل في مشاكل واخرها الحين مع ابو منى ..
ـ
عيسى طول شوي على اغنية نوال " ليه ساكت "
كانت لي الحين على الريبلاي ..

مريم قالت حق نوال: اخوج فيه انفصام شخصية او شيء من هذا القبيل؟

نوال: ههههه اوووش سكتي لا يسمع

مريم ضحكت وقعدت تعدل شعرها ولاحظت شي لونه احمر محطوط بِ المقعد الخلفي ..
توها بتلف تطالع جان ..

عيسى: مريم شلونج ؟؟

مريم طالعت منظرة السيارة ونظرات عيسى لها : هااا تمام الحمد الله

عيسى: بتناميين عندنا ؟

مريم: ايييي امي وابوي وكلهم رايحين السعودية ... وقررت انام عندكم .. لاتقول عندك ماانع ترى انا امانة عندكم الحين

عيسى ضحك : حيااج الله ان ماشالج البيت نشيل لج بعيوننا افا عليج

مريم : ايييي هذا العشم فيك ... ( وبصوت واطي حق نوال ) يَ المعقد

نوال ومريم قعدوا يضحكون ...
اما عيسى فقال حق ناصر يدق على المطعم اللي دايما ً يشترون منه شاورما وقاله يطلب لهم اللي يبونه على ما يوصلون وياخذون طلبهم ...

//

منى وهبة كانوا بالسيارة وبطريجهم حق بيت هبة ،
هبة كانت تكلم امها بالتلفون ..
هبة: ايي يمه والله كانا بِ الطريج ... ايي ايي ( وتطالع منى وتعض شفايفها ) ..
يمه الله يخليج ويطول لي بعمرج زفيني ليه رديت البيت حياتي بعد عمري انتي .. والله ما تسوى علي هَ الطلعة .. ان شااااء الله ... ان شااااء الله .. اوكي ... مع السلامة

منى ضحكت: بشري ؟

هبة: سكتي معصبة حدها ليش متاخرين ليه هالحزة ..
انتوا بنات .. ماتستحين ما تخافين .. شيقولون الجيران ... خوو توها 11 ونص ( وحطت تلفونها بالجنطة بحركة نرفزة)

منى: ما عطاها ما عطى ابووي ... مطرش مسج بعد مو داق " موينه طيارتي الساعة 12 وانا رايح المطار الحين ديربالج على نفسج "

هبة: انتي ابووج اييينن لو يسلف اهلي شوي من ثقته الزايدة فيج

منى: وانتي لو اهلج يسلفونه شوي من حرصهم وخوفهم عليج

هبة : موييين شوفي ترى ابوج يحبج ويخاف علييج واايد بس ما يحب يبين لج هَ الشي ... جم مرة من وراج يوصيني عليج

منى: ادري هبووي بس ولوو مليت من هَ الحرية الزايدة تسدقين ... ابيه احس فيه ... ابي مرة يزفني ... يرفع صوته علي ... يعطيني جذي طراق عَ الماشي

هبة : هههههههههههههه مو صاحية .... تعالي بتردين بروحج هَ الحزة ... ادق على بدور يماشيج ليه بيتكم ؟

منى: لا ماله داعي يتعنى بِ هالليل .. وبعدين انتي شفتي فريجتنا خرشة 24 ساعة ماشاء الله ...

هبة: اكييييييد ؟ ترى عادي بدور ما عنده مانع

منى: هههههه لا حرام يمكن طالع مع ربعه او نايم او شي .. قلت لج خلاسس ماله داعي لا تكبرين الموضوع انتي

هبة: على راحتِج ...

وكملوا طريجهم ليه بيت هبة ...
نزلت هبة عقب ما سلمت على منى و وصتها على نفسها وحلفتها اذا صار شي تدق عليها
وانها بتنطر منها تلفوون اول ما توصل البيت وماراح تنام بدون ما تسمع صوتها ..
منى طمنتها انها بتكون بخير وما كان له لزوم خوفها الزايد عليها ...
هبة بهالسنة حييل تقربت من منى وصارت صديقتها اللي معاها على طول سوالفهم واسرارهم عند بعض وجم مرة يطيحون في اختبارات " صداقية " وينجحون ويتعلقون في بعض آكثر واكثر ...
كانت هبة ونعم الصديقة لـ منى و منى كذلك بالنسبة حق هبة ...

،

بِ المستشفى ..
كانوا خولة وسهيلة وايمان و نوال ومريم وناصر قاعدين يسولفون
ويضحكون وياكلون من الشآورما اللي طالبينها ..
اما عيسى فـ وصل البنات وناصر المستشفى وقالهم انه لازم يروح مكتبه بالشركة
لانه ناسي اوراق مهمة هناك ولازم يخلصهم اليوم قبل باجر ...
بس الصج انه كان يبي يشوف منى ومو متحمل انه طول هالمدة كان مخليها بروحها
وما يدري شنو صار معاها ..
كان خايف عليها حييل .. على الرغم من تحذير ابوها له وبنفس الوقت تطمينه له
انه منى بـ ايدي امينة و اهلها في تواصل دايم معاها ..
إلا انه كان ما يثق في مصداقية محمد بوريشة خاصة انه كان دايم يشوف الحزن
بعيون منى لما تذكر ابوها واللهفة انه ابوها يكون دايما ً معاها واهو مخليها ومشغول بـ اعماله عنها ...

،

منى وصلت فريجهم وتفاجات من الظلمة اللي موجودة بِ المنطقة كلها ...
الكَهربا كانت طافية .. .​

​

 

[đeɱɛɼɑ™]

الفصِل الثالِث عَشر
الجِزء الثالِث والأخير مِن هَ الفصِل

منى وصلت فريجهم وتفاجات من الظلمة اللي موجودة بِ المنطقة كلها ...
الكهربا كانت طافية ..
اول مادخلت فريجهم خافت شوي وقعدت تسمي بالرحمن
وعيونها تتلاقط شِمال ويمين عن اي جنس بشر
كانت خايفة واايد .. خاصة انه هبة كانت قايلة لها عن سالفة رفيجة بنت عمتها اللي تعالج
من سنين من شيخ ليه شيخ وقالوا انه عاشقها جني وموراضي يطلع منها !! ..

منى لقت مصفط سيارتها ماخوذ ومصفط سيارة السايق بعد ماخوذ ..
جوي مودي ابوها المطار ... توهقت !! ..
معنه مو اول مرة يسوونها الجيران .. بس هَ المرة غيير ..
هَ المرة اهي بروحها وماكو احد بِ البيت غير الخدامة ويمكن نايمة الحين !!
ولوسي نومتها ثقييلة ومبرمجه نفسها على اوقات معينة تنام فيها وتقعد
ولا يمكن اي شي يصحيها الا يمكن زلزال او طوفان !! ..
بس فكرت:
" اكيد ابوي موسي لوسي تنطرني"

صفطت منى سيارتها عند مصافط بيت الجيران
اللي مقابلينهم لانه ما عندهم الا سيارتين وفي مكان حق سيارة ثالثة ..
صفطت هناك واهي متوترة وميتة خوف ..
طلعت تلفونها عشان تدق على لوسي وتقولها تنطرها برة بس اول ما طلعته تفاجات !!

منى كانت ماسكة تلفونها وتطالعه وقلبها يطق حييل لدرجة كانت تحس انه النبض وصل ليه قمة راسها !!
منى قعدت ترعص فيه: اووووووف وقتها الحيين مااااافييك شحن .. (رفعت راسها وطالعت حواالينها ) وااي يمه المكان يخرع شنوو هذا بسم الله بسم الله ( وتنهدت وحطت ايدها على قلبها )
مااكو شي ان شاء الله ماكو شي ( بلعت ريجها ) ..

حطت تلفونها بجِ نطتها وصكرت السيارة واهي تتعوذ من ابليس واتمتم بالمعوذات ...
نزلت من سيارتها وصكت باب السيارة " جك ! " كان صدى الصكة وااضح !

مسكت السويج بِ طريقة انه ما يطلع صوت عشان ما تخاف زيادة ،
و مسكت جنطتها حييل .. قربتها من جسمها ومشت شوي شوي ..
كان صوت كعبها يسري مثل الصدا
و من كثر ما اهي خايفة قامت تركض ليه بيتهم .. حست المسافة بين المصافط والبيت آلاف الكيلووو مترات !!

اول ما وصلت بسرعة بطلت باب سور بيتهم ودخلت
ركضت عَ الدرج بِ خطوات كبيرة وعلى اخر شي زلقت !! .. تمالكت نفسها وما طاحت
بس جنطتها طاحت من ايدها وتناثروا اغراضها وانكسر عطرها...
منى خافت اكثر وما همها العطر كثر ما همها تجمع اغراضها بِ اسرع وقت ممكن وتدخل البيت وتتلحف بفراشها وتغمض عيوونها حييل وتنام عشان يصير باجر بسرعة !! ..
حست نفسها رجعت ياهل ام عناقيص وشرايط بيض ..

قعدت عَ الارض تلقِط اللي تقدر علييه
حطت بوكها و تلفونها ودفتر مواعيدها واقلامها الاسود والوردي والرصاص...
و مشطها و كريم اساسها المضغوط وحمرتها و شغلات بناتية ثانية ..
... توها تبي تقوم .. حست كَأن في احد بِ نفس المكان ...
رفعت راسها صوب السور شافت ظل ريال وكان ماسك شي كبير بِ ايده ... مو مبينه ملامحه عدل
بس شكله واقف يطالعها ..
منى مسكت جنطتها و ركضت ليه باب بيتهم حاولت تبطله مو راضي يتبطل كان مقفول ..
جان تطقه حييييل وتنادي بِ رجى : لوووسي اووووبن ذاا دووور .. لوسييي ....

والتفتت وراها واهي تتنفس حييل
شافت الريال جاي صووووبها واهو يركض عَ الدرج
اهي خااافت اكثر ولزقت بِ الباب
حست انه بيِ غمى عليها ...
الريال مسكها من ايدها
منى حاولت تفلت منى وكانت مغمضة عيونها
وقعدت تطقه باِ يدها وتدزه وتقوله بِ صوت يرجِف من الخوف : وخرررررررر وخرررررر عني !

الريال مسكها من ايدها وحاول يهديها: منى شفيييج ؟؟!! اهدي لا اله الا الله .. شفيج ؟! انا عيسى بطلي عيونِج شوفيني !

كان هذا عيسى ..
كان ناطرها ترجع من برة .. دق على تلفونها بس كان مغلق
ف َ نطرهآ برة على ما ترجع ...
وحب يراقبها شتسوي وشلون تتصرف واهي بروحها ..

منى وقفت ورخت ايدها بـ ايده اللي كان ماسكها ...
بطلت عيونهآ شوي شوي .. وشافته ..
عيسى هد ايدها و مسك وجهها و وخر الشعر اللي كان طايح على عيونها

عيسى: اسم الله عليج هدي اخذي نسسسم
( اهو اخذ نسم عشان تقلده كان يعاملها مثل الياهل بِ هالمواقف)

منى شالت ايده عنها و قعدت تبلع ريجها ..
كان ودها تطقه وبِ نفس الوقت تلمه
لانه خرعها ! ولانه البني آدم الوحيد اللي شافته بِ هالظلمة وانقذها من اللي اهي فيه ..
بس لحظة !! .. قعدت تفكر " يمكن هذا مو عيسى .!! يمكن يني !! نفس اللي دخل في رفيجة بنت عمة هبوو "

بسرعة وخرت عنه وخذت خطوتين ليه ورا ورجعت شعرها ورا اذنها واهي تطالعه وخايفة

منى اشرت بِ صبعها صوبه واهي تتنافَض: اان انت انتتتتتتتته ... بسم الله الرحمن الرحيم اعووذ بالله منك .. قل اعوذ برب الناس ملك الناس اله النااس ... .

عيسى طالعها و اهو مستغرب وبعدين قعد يضحك حييييييييل حيييييييييل

منى خافت اكثر كانت ضحكته قوية ....
منى صكرت اذنها بِ ايدينها الثنتين ونزلت عَ الارض واهي تصرخ : بسسسسسس بسسسسس ..

عيسى استوعب انه منى صج خاااااااااايفة .. مو بَس خايف .. إلا ميتة خووف !!
بسرعة راح لها يبي يهديها نزل لها وقعد عَ الارض جبالها ..
وخر ايدها عن اذنها ومسكهم حييل
معنها كانت تحاول بِ القوة اللي بقت فيها انها ترجعهم مرة ثانية صوب اذنها ...
وكانت منزلة راسها ما تبي تشوفه ..

عيسى طالعها: منى انا اسف والله العظيم اسف ... شفييج خااااايفة مِني ؟!!
يبااا سوي اللي تبينه طقيني سفلي فيني لعني ابو خامسي بسس لا تسوين بنفسج جذي ... ما احب اشوفِج جذي .. منى .. منى ؟!!

منى رفعت راسها شوي وشافته ولي الحين نظرات الخوف بِ عيونها ...
منى بـ صوت يرجف: اح احلف انك عيسى ولد ييرانا

عيسى كان يبي يضحك بس ما كان يبي يخوفها اكثر ..

عيسى: والله العظيم انا عيسى ولد جيراانكُم ... اللي كله ماذيج ومنزل دموعج

منى ابتسمت
بس بعدين راحت ابتسامتها وسالته: اذا سج انته عيسى ....اش اششياايبك هني ليش كنت واقف بره جذي وما كلمتني اول ما شفتني

عيسى حاول يطلعها من اللي اهي فيه ... خفف ضغطه اللي على ايدها لانه حس انه عورها ..
ومسك ايدينها اللي كانوا صغار حييل بِ المقارنة بِ ايده وقربهم من شفايفه وباسهم
اهي بسرعة سحبتهم وقربتهم من جسمها وطالعته واهي معصبة

منى: لييش سويت جذي؟ ( سكتت شوي بعدين طالعته بـ حدة )
مو عشان انا خايفة تستغلني و تسمح لِ نفسك تسوي اللي تبيه

عيسى ضحك: اييييييي هذي منى اللي اعرفها

منى ابتسمت واستحت: لا سج شتسوي هني ؟

عيسى: بعد بيتي هني شنو شتسوي ؟

منى بـ دلع: عيساااااااه

عيسى: آآآه يا قلب عيسى
منى غطت وجهها بـ ايدها وضحكت ..
عيسى قام من مكانه وراح جاب الشي اللي كان شايلة وحطه عند الباب لما صار اللي صار ..
كان جايب لها بوكيه ورد/روز احمر ...
حَب يعتذر منها عن اللي سواه اليوم عند ابل بيز ..

منى قامت وعدلت من نفسها وطالعته واهي مستحية ..
عيسى وصل ليه عندها ومد ايده عشان تاخذه منه .. بس منى ما مدت ايدها ..

عيسى رفع حواجبه بـ استغراب: ترديني ؟

منى: اول اعرف ليش يايب لي هَ البوكية؟

عيسى نزل راسه وبعدين طالعها : يعني الا تكسريني

منى ردت عليه بسرعة: لااااااا والله مو قسدي جذي

عيسى بـ خباثة: عيل ؟

منى نزلت راسها وقعدت تلعب باصابع ايدها ..

منى: بس لاني مو مسدقة انك حاس بغلطتك .. اآآ ... آآول مرة تعتذر لي بِ هالطريقة

عيسى ابتسم وتنهد وطالعها بـ حنان: ممكن تاخذين البوكيه ... وتسامحيني ؟

منى ردة له ابتسامته لها
و مدت ايدها وخذت البوكيه منه وقربته منها وشمته

منى: احب ريحة الورد ... شعرفك اني احب الاحمر؟
عيسى رجع درجتين
ليه ورا بدون ما يلتفت وقال لها: لانج حبيبتي

منى نزلت راسها و خدودهآا وَردوا من المستحى
بعدين طالعته واستوعبت انه زادت المسافة بينهم

منى: ويين بتروح ؟

عيسى ضحك واشر على بيتهم: بروح بيتنا

منى: الحين ؟

عيسى: ما ادري منو اللي ما تبي ريال غريب يوصلها ليه باب المطعم ... والحين عند بيتج عادي ؟

منى : خلاس ماراح تنسى هَ السالفة ؟

عيسى رجع لها فوق وقرب منها و اخذ وردة وحدة من البوكيه واللي كانت منى لي الحين ماسكته وحط الوردة على شعرها ...صوب اذنها اليمين ..
واهي ساكتة ومستحية حييل منه ..

عيسى: انا بس اشوف عيونج انسى نفسي.. انسى امي انسى اهلي انسى طوايفي

منى بـ دلع:هههههه... عيسى لِ هالدرجة تحبني؟

عيسى: مو بس احبج .. انتي عشقِي .. شسويتي فيني انتي ...

منى استحت بعدين قالت: عيسى تدري اني كنت خايفة واايد اول ما وصلت هني كنت حسبالي بيدش فيني يني او انخطف ويذبحووني

عيسى نفخ على قذلتها : اييي وبعدين

منى: عيسااه بسس عاد لا اتحرش

عيسى: منى

منى: نعم

عيسى: يَ الله جدامي دشي داخل

منى: ليش مليت مني ؟

عيسى: رقلة انتي رقلة؟ ... شفيج مابي احد يشوفنا ويتكلمون..

منى: اوكي بس ادق عليك؟

عيسى: اكيييييييد بتدقين .. ما اقدر انام بدون ما اسمَع صوتِج .. يالخايسة تعودت عليج

منى: هههههههههه لا تقولي جذي

عيسى: شقلت الحين ؟ سبيتِج

منى : اييي سبيتني

عيسى سوى نفسه مو فاهم: انااا ! اسبِج . .. دايما ً ظالمتني

منى: عيسااااه بس خلاص ما اقدر اصيدك بِ الكلام كله تغلبني

عيسى: ههههههههههه .. احببج والله العظيم احبج

منى توها بِ ترد عليه جان يقاطعها ..
عيسى : لحظة لا تقولين شي .. دشي داخل الحين و بَ دق عليج.... يَ الله لا تطالعيني جذي ...

منى ابتسمت وراحت صوب الباب وطلعت الميدالية اللي فيها مفتاح بيتهم من جنطتها ..
وبطلت الباب وطالعت عيسى ..
عيىسى: يالله دشي ماراح امشي الا اذا دشيتي داخل و وصلتي غرفتج وطمنتيني

منى ابتسمت: ان شاء الله ...

في الوقت ْ الحالي ـ

منى كانت واقفة عند باب غرفة عيسى ..
طول طريجها من السيارة لين الغرفة واهي كانت تفكر بِ اول باقة وشلون قدمها لها عيسى وشنو سوه وشنو صار بهذاك اليوم اللي كان اوله نكد واخره حب وعشق ورِضى !

غرفة رقم 11 في الطابق الطابق الثالث جناح سبعة ..
منى كانت ماسكة البوكيه الاحمر .. نفس اللي عطاها اياه عيسى ذاك اليوم ...
كانت مترددة تدخل ... مو بس عشان اول مرة تواجه سهيلة عقب ما عرفت اللي " كان" بينها وبين عيسى ...
بس بعد لانها راح تشوف عيسى عقب فراقهم و بـ حالة غير اللي اهي متعودته عليها ..
ماراح يكون عيسى القوي اللي يقدر على كل شي اللي له هيبته جدامها وجدام الكِل ...
راح يكون ضعيف مو قادر يوقف على رجوله ولا قادر حتى يسوي اي حركة بسيطة
حتى لو بس تفتيحة العين !

منى اخيرا ً تجرأت و حطت ايدها على مسكة الباب وبطلته شوي شوي ...
كانت تسمع صوت جهازالقلب تته تته تته ..
دشت شوي شوي وايدها ترجف ...

سهيلة كانت واقفة عند راس اخوها لما سمعت تبطيلة الباب ..
راحت صوبه وكانت تدري انه منى اهي اللي جاية ..
سهيلة لما شافت منى ابتسمت لها وقربت صوبها وبصوت واطي ..

سهيلة: مشكورة انج ييتي

منى ابتسمت: انتي اللي مشكورة انج دقيتي علي وقلتيلي..انا كان لازم اييي واشوفه

وطالعت عيسى اللي كان بدون تقطيبة حواجبه الجذابة ...
بدون صوته القوي ... بدون زوله وهيبته ... وبدون وبدون وبدون ...
بس كان يملك لي الحين اغلى شي بِ النسبة لها .. قلبه اللي حبته وتعلقت فيه وموراضية تطلع منه حتى عقب ما افترقوا .. .

سهيلة: منى انا بخليج معاه بروحكم .. يمكن يحس بِ وجودج ..
يـ يـ يمكن ( خنقتها العبرة ) ما ادري يمكن يصير شي

منى عيونها صاروا حمر وهزت راسها بِ الموافقة
سهيلة طلعت ونزلت تحت قعدت بِ الكراسي اللي بالطابق الاول صوب الرسبشن ...
كانت تتمنى انه تصير معجزة او تتحقق " صواريخ الافلام " ..
البطلة تشوف البطل ويقعد من النوم لما تلمس ايده او لما تطيح دموعها على خدوده !! ... معنها كانت دايما ً تتطنز على هَ النوعية من الافلام بس تمنت بِ هالدقيقة انه هَ اللحظات تصير واقعية !!

//

منى حطت البوكيه عَ الطاولة ..
وقربت عند عيسى ..
وقفت عند راسه ..
كانت تطالعه وتتامله واهو نايم ..
عمرها ما تخيلت شكله بِ هالبراءة اللي اهو فيها الحين ...
ابتسمت بـ ألَم ..
على الرغم من انه جَرَحها حيييل بس ما قدرت انها تكون بِ نفس قساوته و تخليه بِ هالحَالة...
حطت ايدها على ايده ومسكتها حييييييل وغمضت عيونها ..
واهي تتمنى بِ قلبها انه يقعد ويقولها انا بخير مافيني شي كنت امثل كل هذا جذب !!
كل شي الا انه يكون اللي اهو فيه الحين حقيقي ...

بِ هاللحظة تبطل باب الغرفة ..
منى رفعت راسها ونزلت دمعة من عينها على ايد عيسى ..
ظنت انه اللي دخل سهيلة ...
مسحت دموعها من عينها وطالعت ناحية الباب واهي لي الحين ماسكة ايد عيسى ...
بس اللي دخلت بوهتها غير !
ماكانت سهيلة ... .. .... كانت ايمان !!
منى شافتها وارتبكت .. هدت ايد عيسى اللي كانت ماسكتها ..

نزلت راسها .. و مشت صوب ايمان .. ابتسمت لها .. بس ايمان طالعتها من فوق ليه تحت بِ نظرة استغراب ..
طلعت منى من الدار ودموعها بـِ عيونها ..
ما وعت الا صوت يناديها ..

ايمان: لحظـــــــــــة .. صبري !!


منى وقفت والتفت ورا .. شافت ايمان جايه صوبها ..

ايمان لما وصلت عند منى وقالت لها بِ لهجة شديدة: انتي شيايبِج هني ؟

منى ما تدري ليش حست انها غلطانة !
وحست انه اهي بِ موقف محرج وانه ايمان من حقها تكلمها بِ هالطريقة !!
منى كانت كرامتها آخر ما تفكر فيه الحين..

منى: اآآ . . آآنآآه

ايمان بِ استهزاء: ايي اييي .. ادري ..
تبين تتطمنين على اخوي ...... انا ودي افهم منج شغلة وحدة بسس .... انتي شنو ؟ ما عندج كرامة ؟

منى انصدمت من كلام ايمان لها ..
واسلوبها الاستفزازي الزايد عن حده .. منى طالعت ايمان واهي مشدوهه !!
ما كانت تظن بـِ يوم ْ انها تنحط تكون بِ هالموقف ... سكتت وما جاوبتها ..

ايمان ردت بـ ابتسامة استفزازية: طبعا ما تردين .. خليني اجاوبج ...
انتي وحدة بدون كرامة .. نعنبوووج شلون تظلين ورا واحد اهله مااااااااا يبووونج !!
كلنا مااا نبيج .. ليش مو راضية تفهمين هَ الشي؟ .. وخري عن اخوي خلاص ..
كفاية الحالة اللي احنا فيها الحين مو ناقصين مشاكل زيادة ..
ولاني مستعدة اشوف امي يرتفع عندها ضغط ولا سكري عشان حضرة جنابج ..

منى ما تحملت اللي سمعته من ايمان ..نزلت دموعها غصبن عنها ..
ايمان حست شوي بتانيب الضمير .. بس تمالكت نفسها ..
كانت تبي تنهي هَ العلاقة بأي شكل من الاشكال
حتى لو كان معناته تنزل دموع انسَانة ممكن صِج تحب اخوهَا وتبيه ..
بَس ايمان كان عِندها رضى امها اهم شي بِ هالدنيا ! ..

ايمان: اتمنى تكونين فهمتي علي الحين ... انتي ماشاء الله حلوة وبنت ناس .. الف يتمنونِج .. بس نصيبج مو معانا .. الله يوفقِج ..

وعطتها ظهرها وردت الغرفة ...

،

منى مشت بِ خطوات سريعة بين ممرات المستشفى ..
كانت تحس انه كل الناس اللي هناك قاعدين يطالعونها .. وشافوا اللي صار ..
حست نفسها صغيرة حييل ..
كلام ايمان لي الحين يرن بِ اذنها .. " بدوون كرامة " " اهله ماااا يبونج !! "نصيبج مو معانا " " مو معانا " " مو معانا " !!

،
سهيلة ردت الغرفة وكانت ماسكة بِ ايدها كوب فيه كابتشينو حار والدخان يطلع منه
وبيدها الثآنية جيس ازرق فيه كلوب ساندويتش .. شاريتهم من الكافتيريا ..
لما وصلت غرفة عيسى .. ودخلت ..
توقعت تشوف منى .. بس انصدمت لما شافت ايمان قاعده على الكرسي
ومجفسة ايدها وشكلها معصبَة ... عرفت انه اكيد صار بينها وبين منى شي ..
بس ما حبت تبين لها انها تدري عن منى او انها اهي اللي داقة عليها ! ..
سهيلة كانت ضعيفة شخصية بِ شكل عام .. وبِ شكل خاص جدام ايمَان .. . حست انها سَوت كِل اللي تقدر عليه .. المُهم انها خلت مُنى تشوف اخوها لو لِ ثواني ..


سهيلة واهي معقدة حواجبها: ايماان !! .. انتي ما رحتي البيت مع امي ؟

ايمان بـ نرفزة: لاااء

سهيلة : شفيج .. ؟
وراحت قعدت على الكرسي اللي يمها ...

ايمان بدون ما تطالع سهيلة : منى كانت هني ..

سهيلة حاولت تسوي نفسها مستغربة: صج ! ... ( وبصوت واطي ) .. فيها الخير

ايمان التفتت على سهيلة
وبِ صوت واطي بس بِ عصبية: شنو فيها الخير انتي بعد !! من صجج ولا اتغشمرين؟
.. هذي وحدة ماعندها ذرة كرامة؟... تدري انه احنا ما نبيها وموو راضين على علاقتهم
.. ما استحت ياية ليه المستشفى .. ماخافت احد يشوفها ! .. لاا وبعد كانت ماسكة ايده.. ما بقى الا تبوووسه .. . !

سهيلة بـ حزن: الله يهديج بس

ايمان لوت بوزها .. . وما عجبتها ردة فعل سهيلة تجاه الموقف اللي صار ...
سهيلة راحت خذت قهوتها و صمونتها وحاولت تبطل القوطي شوي شوي عشان ما يطلع صوت

سهيلة واهي تمد قوطي الساندويش حق ايمان: تبيين ؟

ايمان واهي لي الحين معصبة : لااااء

:

.

منى كانت بِ سيارتها وبِ طريجها للبيت ..
كانت ماسكة السكان حييييل كأنه بيطير منها ...
و تبجي حييييل حييييييل .. كانت تون من الالم ..
ألم تحسه بِ الجهة الاقرب من اليسار بـ جسمها .. تحس بِ وحرة وقهر قَوي ..
حست انه قلبها يعورها .. حرفيا ً يعورها !!

الحين عرفت سر ابتعاد عيسى عنها .. عرفت انه اهو تخلى عنها عشان اهله
وااللي يعوِر اكثر ان تصرفه كان صح ... اكيييد اهله اهم منها !!

حست نفسها غبية غبية غبية !! لانها ما شكت لو لحظة طول هَ السنين بـ نفور اهله ناحيتها
تذكرت كل تصرف وموقف مرت فيه وياهُم .. نظراتهم لها .. حركاتهُم .. كلامهُم معاها اللي الحين توضح ان اغلبه نغزات !!
عمرها ما فكرت بِ يوم انهم يكرهونها ليه هَ الدرجة وما يبونها ..
وعمرها ما حست انها ممكن بـ يوم تنرفض ..
كان غارها جمالها ودلعها ودلالها وشهرتها و مستواها المادي والاجتماعي
ما فكرت انه في مخلوق بِ الدنيا يرفضها !!
ظلت تتساءل !! ليييييييش !! ليييييش !!


:

.




مروا 7 ايام من ذاك اليوم ..
اليوم اللي عرفت فيه منى انها لا يمكن تكون لِ عيسى وعيسى لا يمكن يكون لها ...
ذاك اليوم انهارت وبجت وهدت وضحكت وابتسمت وردت بجت بِ حرقة اكثر من البجية اللي قبل !
كل هذا واهي بروحها بِ دارها .. ما قالت حق رفيجتها هبة ولا قالت حق عمتها
ولا قالت لـ جنس مخلوق ...

حبست نفسها بِ الدار ..
وقالت للكل انها مشغولة تحضر حق حلقة العيد اللي كان المفروض تكون ثاني يوم العيد
بسس مُنى دقت عليهُم وقالت لهُم انها تبي تمسك كِل حلقات العيد من اول يوم ليه الرابِع ! كانت تبي تشغل نفسها بِ اي شي !!

حاولت كثر ما تقدر تهدي نفسها بِ نفسها
ما حبت تحس بِ نفس الشعور اللي حسته جدام ايمان .. شعور " الضعف " و " الاهانة " و " الذل "
ما كانت تبي تعيد هَ الموقف مع اي شخص بِ حياتها حتى لو كانوا اهلها واحبابها ...

مرت ذيج الليلة على منى بِ طلعة الروح ...
حست عمرها وحيدة ومحتاجة حضنه وروحه وضحكته و لمسة ايده وكل شي فيه محتاجته الحين بِ الذات
بس اهو الشخص الوحيد اللي ما يقدر يكون يمها الحين ولاااا يمكن ابد يكون يمها بعدين ! حتى لو كان هناك امل انه يرجعون حق بعض .. اهي انذبحت بِ هاليوم !! .. بسس خلاص كل شي انتهى وراح بِ النسبة لها ...

ومن ذاك اليوم منى قررت انها تقط كل شي ورا ظهرها بِ النهار بسس...
اما آخر الليل لما تكون وحيدة وما معاها احَد تمثل عليه ..
ماكانت تقدر تقط ولاااااا شي وراها ..
كان كل شي جدامها وااااضح مثل الفلم اللي يعيد ويعيد ويعيد ويعيد وموراضي يخلص!
كانت كل يوم من هَ السبع ايام تطلع وتروح وتضحك وتسولف
ومن ترد البيت وتدخل غرفتها تاخذ تنهييدة كبييييييييرة وتفصخ القناع اللي كانت تحطه جدام الناس
تقط روحها على فراشها وتبجي بدون صوت .. بس دموعها تنزل و وتدمر مخدتها بِ الكحل والماسكرا ..
وبكل هدوء عقب كل جلسة " بكاء " تاخذ وجوه المخاد وتغييرهم ... تتوضى .. تصلي ...
تمسك قرآنها النحاسي الصغير .. تفتحه على سورة البقرة وتقراها لين تدوخ وتنام ... . .

//


العيـــــــــــــــــــد

العيِد هَل هلالَه
كِل الطَرب يِحلالَه
يارَبنا زيِد النِعم
يارَبنا زيد النِعم
وحَسن جميع الحَالة
يَ الله يَارب البيت
تِحفظ حِكام الكويت .. . والشعب واهم حَييين

http://www.youtube.com/watch?v=FCC0OK-i80E

السآعة 5 العصر ...
بِ المستشفى ..
غرفة رقم 11 ..
سهيلة و ايمان ونوال وناصر و خولة و طيبة كانوا قاعدين على الغنفات والكراسي ..
وعيسى كان عَ الفراش ... شايلين عنه الاجهزة ..
مفتح عيونه شوي .. ورافعين السرير ومعدلينه له عشان يقعد عدل ويشوفهم ...

خولة كانت عَ التلفون: الله يسلمج ... حبيبتي واصلة يا ام فهد وحبيبة ...
ربي لك الحمد والشكر فرحنا ليلة العيد صحى وغدى شره كاهوو جدامي حبيبي ( عيسى شاف امه وابتسم ) .... بوجه نبيج ... آمين ياربي آمين ... عسى عمرج طويل يا نظر عيني .. اخذي راحتج ... سلميلي عليهم كلهم وعايديهم .. وبوسيلي عميمة ... هَ العيد من غير شر ماكو لا غريبه ولا معمول من ايدي هااا ... ههههههههههههههه .. راح اعوضكم ان شاء الله .. تامرين تامرين .. ههههه ان شاء الله.. الله يسلمج الله يسلمج حبيبتي ... مع السلامة ...

وابتسمت ورعصت الدقمة الحمرا اللي بِ التلفون وصكرته ...

ايمان: يمه منو هذي ... خالتي سعاد ؟

( سعاد تصير بنت عمة خولة ... و كل عيد سواءا الفطر او الاضحى ... يتجمعون كل الاهل في بيت عمة خولة لانها كبيرة العايلة ويعتبرونها بحسبة امهم )

خولة: ايي خالتج سعاد بعد عمري .. تسلم عليكم كلكم وتبوسكُم

كلهم ردوا: الله يسلمها

طيبة قامت عشان بِ تصب القهوة ...
خولة طالعت سهيلة وخزتها عشان تقوم وتصب بدال خالتها ...

سهيلة بسرعة قامت من مكانها ..

سهيلة: عنج خالتي .... ( وخذت مطارة القهوة من ايد طيبة )

طيبة التفتت وطالعت خولة: انتوا جذي بِ تخلوني اعيز مبجر .. عسى ما تحركت بناتج اسم الله عليهم فزوا

خولة: ههههههههه ولا يوفونج حقج ... قعدي بس انتي
طيبة ابتسمت وردت قعدت مكانها ...

ايمان كانت ماسكة الريموت وتغيير بين القنوات تشوف شنو حاطين من برامج
وسهيلة قعدت تصب القهوة حقهم
اما نوال فقامت خذت صينية الحلو وقعدت تمشي ورا سهيلة توزع الحلو ...


ناصر طالع عيسى: عيسى تصدق فقدت الصلاة معاك اليوم بِ المسجد ..

ايمان: وااي نصور لا تقول جذي وتضيق خلقنا بروحنَا على طريف .. الحمدالله كاهو صاحي ومافيه الا العافية ..

ناصر: ههههههه بس هذا الصج

عيسى ابتسم وهز راسه ... كان ريجه ناشف حيييل وما يقدر يتكلم وايد ..
بس كلمتين على بعض ..
اما عشان يشرب ماي او يقوم لـ دورة المياة ..

،

عيسى قعد ليلة العيد .. الساعة 8 بالليل ...
بس من اول ما قعد واهو كان ساكت ما يتكلم الا للضرورة ..
كان جسمه شوي تعبان من النومة الطويلة اللي نامها طول هَ الايام
وراسه ورقبته يعورونه حيييل ..
لا سهيلة ولا ايمان قالوله عن جَيت منى للمستشفى ... ولا حتى قالوا حق اي احد ثاني ..
ايمان حذرت سهيلة من انها تقوله .. وقالت هذي فرصة عشان نكرهه فيها ولا يذكرها ..

عيسى كان منسدح و يطالع اهله شلون مستانسين ويسولفون ويضحكون
كان بين فترة وفترة يطالعهم ويبتسم ... لين فجاة سمع صوتها !!

منى : هههههههههه محسن الظاهر ضيوفنا مو متعودين على اسئلتك المحرجة .. خف عليهم شوي

ايمان بسرعة غيرت القناة ..
بس عيسى بِ صوت مخنوق وتعبان قالها ..

عيسى: ايماان ...
ايمان بـ توتر ردت عليه : هـ ـ هلا

عيسى: ردي القناة اللي حطيتيها تو..

ايمان ارتبكت وطالعت سهيلة وسهيلة طالعتها وعطتها نظرة انه سمعي كلام اخوج ..

ايمان رجعت خصلتين من شعرها ورا اذونها بحركة توتر
وردت القناة اللي فيها منى مقابلة مجموعة من ممثلين وممثلات
قدموا اعمال بِ شهر رمضان ...
كانت منى كاشخة كشخة العيد .. بس هَ المرة مكياجها كان صارخ حيييل ...
اول مرة تحط هَ النوع من الميك آب
كانت تحاول بِ شتى الطرق تغير من حياتها حتى بِ طريقة المكياج ...
بس ظلت على دلعها ولو انه زادته حبتين ..
تنورتها الفوشية كانت اقصر من اللازم ودلعة قميصها التايقَر كانت واسعة زيادة !


عيسى تنح جدام التلفزيون .. كان يطالعها وبِ راسه مليون عَلامة تعجب ..
توقعها تكون ميتة من البجي.. زعلانه .. توقعها تكون زايرته
بس للاسف محد اثبت هَ الشي وقاله انها زارته!
توقعها تكون يمه ... كلش ما ظن انها بيوم ممكن تكون بدون احساس ناحيته ! حتى لو كانوا مفترقين !
عيسى كان حال عقله وقلبه يقول:
معقولة عرفت اني بِ المستشفى ولا زارتني !!
معقولة تكون هذي منى .. حبيبتي !!
بس شنطر منها عقب ما افترقنا !! نستني !! بِ كل بساطة نست !!

،

خولة كانت تسولف مع طيبة بسالفة وما انتبهت على طلب عيسى
ولا على التلفزيون ...
بس شدها الهدوء اللي صار فجاة بالغرفة وصوت منى الواضح
رفعت راسها وشافت منى بالتلفزيون المعلق بِ الغرفة ...
وبسرعة طالعت ايمان واللي كانت بدورها تشوف امها ومتوهقة ...
خولة طالعت ايمان بِ نظرة وتمتمت بين شفايفها بكلام بما معناه " غيري القناة!! "
بس ايمان شافت عيسى وردت طالعت امها و حركت شفايفها و قالت " اهو قاالي " بدون صوت !!

خولة قالت بِ صوت واطي : لا حول لله ... (و بعدين رفعت صوتها و حاولت تتصنع الابتسامة) ... شوفي يا ام محمد هَ المذيعات فشلونا والله جدام العَالم ... و لا الكويتيات من متى يلبسون هَ اللبس ويحطون هَ المكياج ويطلعون جدام اللي يسوى واللي ما يسوى .. استغفر الله توه خالص الشهر ... ياربي لا تغضب علينا


سهيلة وايمان طالعوا بعض واهم منصدمين من كلام امهم
ما توقعوها تكون بِ هالقسوة خاصة
انه عيسى توه قاعد ومحتاج مساندة نفسية اكثر من " تحبيط وكلام يجرح " !

عيسى انصدم من كلام امه
كان عارف انه امه ما تواطن منى ولا تبيها بس ما توقعها تكرهها ليه هَ الدرجة
على الاقل هذا اللي لمسه من كلامها ...
عيسى كان محتاج يشرب زقاير .. جسمه كان ياكله ..
مو قادر يصبر دقيقة زيادة بدون ما يدخن ... وبعد كلام امه
حس انه محتاج اكثرررر واكثر لهم ... " منى " و " الزقارة " !


طيبة: هههههههههه وااي خولة لا تصيرين شديدة جذي عاد .. لا تحديني اطلع سوالف قبل .. ولا نسيتي الميني جووب الحمراا هههههههههههه

ايمان وسهيلة وناصر ونوال: ههههههههههههههههههه

خولة: وااي انتوا عيالي انتوا ... زاهبين حق التطنز ناطرين الشارة ..... ( والتفتت على طيبة ) ... طيبة الله يهداج انتي بعد تييبين اول حق الحين ... ايامنا قبل ويييين بس الله يرحم .. كنا بِ الجاهلية ... طلع لنا هَ النفط واستخفينا .. وبعدين ما كنا بِ هَ العقلية وهَ الفصاعة .. كنا نلبسهم على النية و نطلع ونروح ولاحد يلتفت يتحرش ويبطل حلجه .. كاان أمان

طيبة : تبين الصراحة معاج حق .... بس احنا ما نعرف اللي بِ النفوس .. الله يهدي الجميع ... هَ المذيعة منهي؟ انا مشبهه عليها .. شحلووها ماشاء الله ..


نوال ردت واهي مستآنسة: ايي خالتي اكيد شفتيها عند بيتنا ... هذي منى بنت جيراننا ..

طيبة: هااو هذي منى بوريشة ؟؟ رفيجاتي بِ القومة والقعدة يحجون فيها وبِ حلاتها ... متغييرة حييل ما عرفتها يحليلها

خولة عصبت وردت بنرفزَه: الناس مالهم الا الظاهر .. الله يستر على بناتنا .. خَليني ساكتة بس

طيبة: هههههههههه هَو هَو هَو خولة شفيج عَ البنت مسكينة .... نوال يمه طاوليني جنطتي

خولة خذت استكانتها الجاي واشربتها بِ امتعاض .. ما حبت تتكلم اكثر
لانها تدري ان تكلمت عن منى ماراح تسكت وراح تقول اللي بِ قلبها
وخاشته عن اختها من " الفشلة " !!
ما كانت تبي اختها تعرف انه ولدها عيسى كان يبي مُنى زوجة له ..
لان خولة كانت دايم تقول وتتحجى من يوم عيسى صغير
انه عيسى بياخذ وحدة متدينة ومن عايلة محافظة وماكانت تبي تخرب هَ الصورة اللي رسمتها لِ عيسى و " مرته " جدام اختها او اي شخص كان ...

،

عيسى تجاهل كلام امه ولا حاول يدافع لو بِ كلمة عن منى ..
لانه يدري ماراح ينفع الكلام ولا هو الوقت ولا المكان المناسب للنقاش
ولا اهو اصلا عارف شنو علاقته الحين مع منى ... !!
كان كل همه الحين يطلع من هَ المكان بـ اسرع وقت

عيسى: يمه

خولة : هلا حبيبي ... تبي ايييب لك شي

عيسى: لا بس تعالي شوي ابيج

طيبة: يمه يمه من ولد اختي توه قاعد ومن الحين اسرار ... قولي منهي هذي اللي حلمان فيها

خولة واهي قايمة ورايحة له صوب سريره : ههههههههههه خليه اسرار مو اسرار المهم يتكلم ولهانه على حسه عساني ماخلا منه

عيسى ابتسم على خفة دم خالته ولما وصلت امه ليه عنده
وجندست صوبه .. قربت اذنها من شفايفه و قالها بِ صوت واطي
عيسى: يمه تكفين قولي للدكتور يكتب لي خروج مو طايق المكان احس بضيقة... لا تبينين لاحد شي ... احس اني منغمت ابي هواا ... ابي هواا نظيييف

خولة كانت حاسة بـِعيسى ...
تدري انه راعي طلعات وروحات ومخيمات ...
وما يقعد بِ البيت الا اللهم حق النوم و من وين ليه وين يقعد معاهم على وجبة ...
وفوق هذا طيحته و احساسه بِ العجز من طيحة بسيطة خلته يحس بِ ضعفه واهو اللي ينضرب فيه المثل بالقوة والمرجلة ...

خولة هزت راسها وباسته على راسه وقالت له: ان شاء الله يمه لا تحاتي ...انتي ريح بالك الحين .. وانا بكلم الدكتور واقوله ..

//

في مبنى الاذاعة والتلفزيون ...
منى كانت توها خالصة من حلقتها و طالعة رايحة صوب سيارتها ...
كانت لابسة نظارتها التايقر الكبيرة وشايلة جنطتها الفِندي البيج...
واهي تمشي ..
كانت بِ تخطر صوب المصافط اللي بِ الناحية الثآنية
توها نازلة من الرصيف
ولا صوت بريك سيارة قوووووووووووي !!

منى من الخوف وقفت مكانها وعينها عَ الجيب المرسيدس السلفر اللي كان
على يمينها و حايش جسمها شوي !!
كان قلبها قاعد يدق حيييييييل ..
اللي بِ السيارة بسرعة نزل و خله الباب مبطل .. كان هذا خالد ..
خالد شاب في الثلاثينات من عمره ... لابس دشداشة بيجية و شماغ ابيض
ابيض .. عيونه عسلية .. له عَوارِض خفاف... طويل وضعييف حييل ....
كان خايف ومتوتر ان صار لِ منى شي لانها كانت منصدمة وما ترد عليه واقفة وايدها ترجف

خالد: فييج شي ؟!! لو سمحتي ردي عليه

منى ايدها كانت لي الحين ترجف و طالعته من ورا نظارتها ..
كانت نظارتها ماكلة نص وجهها ومو مبين منها شي ..
شافته .. كان وجه سَمح وجذاب ومريح ...
منى بلعت ريجها و حاولت ترد علي

وقربت ايدها اليمين من نظارتها واهي لي الحين ترجف
فصخت نظارتها بتوتر ...

خالد لما شافها سلبت منه انفاسه ..
لاحظ جمالهاا وكشختها .. خطفت قلبه مِنه .. مِثل ما خطفت قَلب عيسى مِن قبل !

منى ردت عليه واهي لي الحين حاطه ايدها على راسها وترجع شعرها ليه ورا ...
منى: انا انا اسفه ما شفتك وانته ياي

خالد كان قاعد يطالعها من فوق ليه تحت ...

خالد : انا الللي آسف حقج علي ... كنت عمي وما شفتج

منى ابتسمت : حسل خير اخوي و ووو آسفه مرة ثانية ....

خالد: لا تتاسفين المهم انتي ما فيج شي اكيد ؟؟

منى طالعت نفسها جنها تبي تتاكد انه صج ما فيها شي ...
وبعدين ردت عليه : لا ما فيني شي ما سار شي الحمد الله ...

خالد خذه نسسم : اووووف ريحتيني

منى ابتسمت و لبست نظارتها واهي متوترة ولي الحين ترجف: ... عن .. عن اذنك

خالد منعها و وقف جبالها ...
منى طالعته بنظرة استغراب وقالت له بِ حدة وابتسامة جانبية: اخوي لو سمحت انا متاخرة و مستعيلة في شي ثاني ؟

خالد بـ مراوغة: انا شايفج من قبل .. انتي مُنى بوريشه .. المذيعة صح ؟

منى ابتسمت: ايي انا .. انا مُنى ...

خالد: ماشاء الله شكلِج واااااااايد احلى من التلفزيون

منى ارتبكَت: مشكور اخوي بس عن اذنك حدي مستعيلة ..

خالد : زين مُمكن رقمِج

منى رفعت حاجبها : شنو !!؟

خالد : رقمِج عادي يعني

منى: سج انك ما تستحي .. ( البست نظارتها ومشت عَنه واهي تتحلطم )

خالد ضحك وشافها واهي رايحة صوب سيارتها ...
رِكب سَيارته ومِشى واهي لي الحين معلقة ابِ باله ! .. . .

أتمنى عَجبكُم الفصل الجديد
بِ انتظار
آرائكٌم
نقدكُم
توقعاتكُم
enjoy reading =)
​

 

[واثقة بجمالها]

قمه ع قمه وذووقك قمه



حييل تاثرت بمنى لما كانت يم عيسى بالمستشفى وجرحني كلام ايماان وخووولووه حرراام عليكم يبها وتبيه ليشش جذي حراام انقهرت

خالد << شكله اعجب بمنى وما راح يخليهاا


مبدعه دمووور

 

[هجران الليالي]

كل البارتات حلوووة ماشاء الله عليج

بس كاسر خاطري والله خالد .. أحس قلبه وروحه في منى

ناطرين البارتات .. صج الحب عذااااااااااااب

 

[Mazyoona]

Walaw eny bil car bas mo gadra ma ariid
Up up ,,

O BrB

 

[sweet.sanfoora]

ايمان هيلقية !

منى لازم تنسا عيسى لانه مووو ريااال

الريال يواجه الدنيا كلهاعشان اللي يحبها !


وبثثثثث

احبج

 

[DeeMa-]

ههههههههههههه الباارت ينن في آكششششششششششششن

ياخوفي يصير الي اباالي


وااي ماحب الام المتسلطه نفس ام عيسى افف حدها غثيثه

ولا ايمااان صراحه بطت جبدي شهاللقافه الي عليها ؟؟


عاد الحين اهما مسكتين على نوال ومريم :/ ماحب هالنظام .. الي يعيبون على شخصيه بالمجتمع واهما عندهم نفس هالشخصيه بالبيت لوولز .. احس نوال ومنى يتشابهووون !!!


لكن الله يستر من خالد


ونبي نعرف سالفة عادل ومريم ماكملتيها

 

[دنيا رديا]

رد : روايتِي الاولى: { مُنـــاي } بِ قَلمي- دِميرة

عيسسى :eh_s(4):
ينرررفزززززز
أول شي آلحمدلله على سلآآمته :eh_s(22):
بس مآيصير جذي :eh_s(14): حسيته وآيــد ضعيف



منى : لآآ بلييييز لآ تهديين عيسى آبيهم لبعض مآبي
وخوييلـد لآ يرز فيييسه بينهم :eh_s(14):


إيمآن : وييييع سخييييييفه كرهتهآآ

سهيله : فدييييتهآ وآلله آحسن من بعض النآس آآحبهـآآآ :eh_s(22):


...

دميرآآ :rerrerek:

تسلم إيديييينج
ويعطيج زليون عآفيه ..
على هالبآرتآت إلي تبرد القلب :eh_s(22):

بس قآعد تشوقينآ آكثر من قبل :eh_s(22):

نآطرين على آحر آحر آحر من آلجمممرر :ggdw:

 

[loloالحلوة]

up
up
up

 

[كويتية و النعم]

ايمان بطت جبديي
تنرفـــز ..
مشكوورة حياتي و ما قصرتي
يعطيج الف عافية :*

 

[đeɱɛɼɑ™]

*
..... *​

Rise an Shine
EVERYONE

آليوم آلسبت
و هيآآآآآآآآآآآ

نآطره آلبآرت يَ دمدم
​

* .....
*​

فديتِججج ...
مزمووزْ على فِكرة استانست وايد لما شفتِج اخترتي هَ الصورة حق التوقيع اللي بيعَئد :rerrerek:
تدرين ليش
برايفت : لان هَ الصورة انا قاصتها مسوية لها print screen من فيديو على اليوتيوب
وسويت لها افكتز بِ الفوتو وصج اهي اقرب وَحدة تخيلتها تكُووون مُنى لووول .. يا ذووووق .. luviiiiiiiiich :***

*
..... *​

ههههههههههههههههّ
صبآحِج ورد و حب و كل آلخير و فرحه من رب آلعِبآآد

آيي آنآ و آلفيري تيلز ربع مٌنذ آلصِغر :friends:
توقعآتي بِ آلنسبه لِ عويس و مُنى .. زوآج و حب و إستقرآر
بس بعد صرآعآت طويلة و عقبآت بِ آلحيآة و ممكن كِل شيء
يتغير خُصوصاَ بَعد طيحَة عيسى

و آلكآتبه آلمتميزه عطتنآ شيء يرضينآ و آبقت شيء كبييير بَعد :eh_s:

و سوآد ويه عيسسى سوري بس بقول الله يلوم اللي يلومهََ!!
يعني يحبهآ و يموت عليهآ و محروم منهآ و قآعده يمه ... و آلحُب مُسكِر
و جذآب آللي يقول لآ!! :eh_s(2): ....

فديتهآ آلمُخرِجه .. دمدم آلشوق وِثل حَدّه و نآطره آرد على كِل
آلبآرتآت و آتمنننننى على مآ آخلص آشوف بآرتج آليديد

هههههههههههه ^^ كِللش مآ آتشرط

فديتج ميسسينق يو ..
و Waiting

​

* .....
*​

مِسسس يُوو 2 حَياتي ،
ومس سبيكينق تويو لَما يكون عِندكُم احتِياط خخخخ ،

توقعِج لِ عيسى ومُنى : مُمكن جدا ً يكون هَ الشِي صَحيح و وارِد
واتوقع هذي النِهاية اللي تبيها كِل بنت عاشَت وتِربت على افلام ديزنِي / يونيفيرسَال/ هوليوود
الفيري تيلز عزيزتِي مُمكن تكون واقعية جدا ً ومُمكن لأ
جميع الاحتمالات واردَة في هَ الدَار و كذلك في الرِواية
ان شاء الله النِهاية تكُون مِثل ما تتمَنون

امَا بِ النسبة حق سالفة " سواد الويه "سبحان الله اهو كَرر تقريبا ً نفس السَالفة عند دري بيتهُم
ومع هذا البنات ما قالوا شَي ولا استنكروا الموقِف ههههههه
يعني اهو على حَسب ردة فعل الطَرف الثاني اذا كان راضِي يكون الموقف رومانسي
واذا كان مغصُوب يكون الموقف سيء ! هذي النَفس البَشرية سبحان الله سَواها

طبعا ً اختلاف الآراء لا يفسِد للوِد والمحبة والاحتِرام " رِواية "
ومثل ما قِلتي {الحُب} مُسكِر او كَما وصفته في احدى كِتاباتي :

الحُب
تِلك المَشاعر التي تُجبرنا على افعالٍ مجنونَة جداً
توبخنا عقولنَا دائماً على فِعلها ولكِننا لا نتوب منها ابدا!

بِ انتظَار " جبروت " حِضورِج وتعليقَاتِج يا احلى مَلامِح للزِين



​

 

[đeɱɛɼɑ™]

تعليقَاتي لونتهُم بِ الرمادي داخل الاقتِباس :eh_s(22):
v

v
v
v

*
..... *​

يَ بعد قلبي يَ نصور :eh_s(2):
و يَ مآآآل سلوم آلهِدآآآيَه
شنو هَ آلعقليه آلمتخلفه لِ آلشبآب هَ الآيآمّ
و ليش آلقوة و آلشطآنة و قِلة الآدب و الإحترآم مِقيآس !!؟

موقفج هذآ رملة من بَحر هَ آلموآقف في زمننآ
و آلمسآآكين آللي ينظلمون جّذي نفس نآصِر ..


بَعد قلبي نآصر فآهم آلرجوله غلط!!


للاسف هَ الشي متواجِد في عدد لا يستهان فِيه من الملحقات التربوية و المَفروض يكون هناك
تعاون بين الادارة المَدرسية و اوليَاء الامور لِ مثل هَ النوع من المَشاكِل
إلى جانِب القاء محاضرات توعوية لِ كل من الطلَبة و الاهالي ..
وان شاء الله تكون هَ الفِثة من القِلة

نَاصِر اتاخَذ هَ الخطوة من منظور كبته لِ غضبَه
ممكن يكون الشي اللي سَواه صح و ممكن يكُون غَلط
بس من وِجهة نَظري " الصبَي " بِ هَالسِن بِ الذات لازِم يكون قَوي ويحِل الامُور بيدَه اذا تطلب الأمر
لازِم يكوِن له قوه جَسدية يستخدِمها فقَط عِند الحاجَة ، وطبعا ً اهو في سِن مراهقة
و اتوقع شي جيد يكتسِب خِبرة حتى لو كانت من تَجارِب أليمة !


\\

نوآل .. آلله يعييينهآ على نفسهآ و إلى أين بِ تقودهآ
و الله يفكهآ من شر سآحِر زمآنه و آتمنى وحده من آلبنآت
خوآتهآ تلآحظ و تنبههآ وين نِهآية هَ آلطريج و لو آنه يمكن آنه
يكون في تنآقض لِ رآيي هني مع حُبي لِ علأقَة عيسى
و منى مع آنهآ ستل حرآم .. بس بمآ آنه ندري آنه نوآل هنآ فريسه
و طِفله!!

\\

سبحان الله ، الاعمَال بِ النيات ومن ضمنهَا هَ النُوع من العلاقات
يَمكن الكثير يشوف في تقارب شديد بين علاقة منى عيسى و نوال عزيز
بسس تظَل النية اهَم شي ما في الموضوع بِ النسبة لي
إلى جَانب إني حاولت ابين في بداية دخول نوال لِ هالطِريج التناقِض اللي فيه عيسى حلال عليه حرام على خواته .. . . بِ الاضافة إلى فِكرة " كَما تُدين تُدان " !

مع مرور آلبآرتآت في آلروآيه تِتضح لنآ عيوب
شخصية عيسى .. خييير يَ آلحبيب مَ يصير آلوآحد
يعلي صوته على آمه و لو شنوََ!! بس عيسى آلحين
ضمن قآئمة "آنآ معصب آفقد أعصآبي" @
و هي قآئمه يتصدرهآ كثيييير من آلنآس هَ آليوميينّ!!
عِشتوآ يَ عويس طآلت و شمختََ ..
إلآآ آمك عآد بس لو ربي يهديييهآ و تقولِك متى نخطب مُنى
نكون بِ خير آنآ ويآك و منى ..

هههههههههههههَهه .. .
مافِي شخصية كَاملة حتى لو في القِصص والرِوايات
مِثل ما له حَسنَات لَه عيوُب .. .
وان شَاء الله الكِل يكوُن بخير

:eh_s(10): يَ عيسسى تقص على منو و لآ منو ؟

اي والله :bbbiu:

هههههههههه يونِس ه’ آلعآدل زوجيه وحده من آلبنآت
^^^ وآآآي فديتني و آنآ آقطلِج نغزآآآت لولّ

لووووول مَزمَز بس عادِل بِ الفعل كَان على عَلاقة بِ مريم
راجِعي الفصول اللي قَبل


يَ ربي مو شآفع لِ عيسسى إلآ موآقفه هذي :eh_s(22):

انتي الظَاهر مِثلي احِب هَ التفاصِيل الدقيقة
وهَ الحَركات اللا ارادية ... يااااا رَب ترزقنَا عَ النية

\\

آلخآله طيبَه مآدري ليش آحِس آنه بِيكون لهآ دور
بِ جمع عيييسى و مُنى .. مآدري إحسآس صغنون
و يَ رب يهدي ولدهآ محمد و يكون له دور حِلو لمآ يرجع!!
و آلخآل يحِن على طيبه و يعرف آنه آلدنيآ مآ تسوى :eh_s(2):

اهي طيبة خوش وَحدة بس ساعات تخورها
ان شَاء الله في الفصُول القَادمة
تشوفوُن اذا كان لَها دُور او لا ، ، ان شاء الله يارب

\\


ههههههههههههههههههه حتى جآندروآآآ مركزه على سوآلِفهآ فدييتَج

ايييي لَازم راس المَال هذي :krkrkr:


\\

لآست بت نوت ليست ، مُنى
كل اللي آقدر آقوله ربي يريح قلبهآ صعب آنه
الإنسآن يحس بِ ضيآع !! و تنآقض بِ آلمَشآعِر
تحبه و تبيه و تبي تبعد مجروحه بس آلبعد مآ آثر
بس زآد حبه بِ قلبهآ
الله يريح قلبهآ

و يرزِقهآ عيسى بِ آلحلآل و بِ رضى آلكِل .. و يهدييييهآ و تِعتزِل

الله يصبِر كِل قلب ابتلى بِ العِشق !

\\

سُهيله و آموون
سهيله بدآت تآخذ من قلبي حيزآََ خصوصآ بعد حركتهآ لمآ دقت على مُنى
و آمووون مِلح آلقصه هَ آلمطيورَه

سهيلة و امون تناقِض تَام
وان شاء الله شخصياتهُم تتضِح اكثر واكثر لكُم ،
والله انتي اللي مِلح هَ المُكان :eh_s(7):

\\

دميييرّه
فنآنه فنآنه و آحبهآآآ
و سوري سوري طولت و ردودي شطولهُم :eh_s(22):

​

* .....
*​

يا حَياتي والله احرجتِيني ان شَاء الله عَلى يوُم اكون بِ الفعل فَنانة مُحترفة في قَص القَصص والرِوايات ـ
لا تتأسفييِن بِ العكس اشكِرج على هَ الكَم من السطُور اللي اعتبرهَا دفعَة تشجيع ْ لي للمُواصَلة
شُكرا ً مِن القلب YOU R MY FAVORITE FAN :****

*
..... *​

ههههههههههههههههههههههههههههههههه
مآ آقدر مآ آقدر مآ آقآآآآآآآآآآآآآآآوِم
خخخخخ خقيينآ :eh_s(22): و من يلومنآ!!





فديتج ;* لآزم هَ آلبهآرآت حلى آلقِصه
زيدي منهآ شوي هني و هنآك بس مو وآيِد ..~
و قلبي آخيييه يَ قلبي بس

دموره جذي آكوون مخلصه و رآآده على كل آلبآرتآآت
آللي تكآسلت و مآ رديت ...
يلله :$ ويتييينق نزلي بآرت على شآن آرِد :eh_s(22):

​

* .....
*​

لا تِكفيين قَاومِي لانِي على طريف هاا حذرتِج :krkrkr:
فداَج كِلي حَياتي
كفيتي و وَفيتي
بِ انتظار رايِج في البَارتات اللي نزلتهُم - شُكرا ً من ال آلب فديت آلبِج
​

 

[đeɱɛɼɑ™]

:eh_s(9): ناطرين البارت

نزلتَه ان شاء الله يكون عَجبكُم :$

ناطرينج حبيبتي اخذي راحتج

وانشالله ماتفقدين غالي انا اشهد اني غاطه لان تقريبا صارلي قريب الـــشهرين مسافره وتوني راده وحايشني مرض النوم حالتي كسيفه <<لووووووول الظاهر الجو متغير علي

يعطيج العافية دودو

الله يعافيج حبيبتي الحِمدالله على سَلامتِج الظَاهر صار فيج جِت لاق
فقدتِج والله ان شاء الله دُوم منورة روايتِي وتظلين ليه الآخر وما تنقرضين ههههههه لوف يوو :eh_s(7):

*
..... *​

عآآآد آلزيييين يَفرِض نَفسسه
​

* .....
*​

مكان ٍ مِنتي فيه ما فيه حَلا :$ :eh_s(7):

الام مال طق انتي شكووووووووووووووووووووووووووو

أمهــات آخــر زمــن

وبثثث

ثانكيوو

خخخخخخخ مَسكينَة
مهما كَان الام لها مكانتها واحترامهَا

يور وِلكَم سويتي
any time:eh_s(22):
​

 

[đeɱɛɼɑ™]

تعليقَاتي بِ الرمادي داخل الاقتباسس :eh_s(22):
v
v
v
v

عدل كلامج والله (yy) :>
لووول حتآآتي ميغسوووو
آآحم آشوف نفسي جذي ترآ
لووووول

lol يحق لِج



فدآج رآعية آلدموع لوول..
دوغيـآآآن .. لووول اي تستآهل على موقفهآ (K) !
آلله يحييج حووووووبييييي

سهيلَة الظَاهِر ارتفعت اسهمَها
تنفع تَنزل انتخابَات لوول
ويبقيج آلب

بالنسبه للبآرتز آلاخيرين :

عيسى : آآآآآحببببببببببه :eh_s(22): آينن آينن
يآ حظ منى فيه

خخخخخ يارب يرزقِج مِثله واحسسَن منه بِ مَليون :eh_s(15):

منى : يآآحظهآ بعيسى لوووووووول ..

لوول حِلوه حِلوه

هبه : شتبي رآزه فيسهآآ لووول .. لآ بس مآتنلآم دآم منى كله دق عليهآ وتشتكي لهآ من عيسى

هَبووي سوالفهَا هذي عشان خايفه على مُنى حرام
بس مِثل ما قلتي منى لما تتشكى لَها خلتها ترسِم صورة سيئة جِدا ً عن عيسى !

خوله : لآآآآ مآبي حرآم عليهآآ ..

معنه رايها قاسِي جدا ً
بس الكثير يتفقون مَعاها في الواقع اللي عايشين فيه ،

مريم : يآربي هالبنت آلله يستر شبتسوي بس .. مآآحبهآآآآآآ

مسكينة مريوُم الكِل كارهها :eh_s(4):

نوآل : آحبهآآآ :$ لول .. آحسهآ آعقل من مريموووو ..

اهي اعقَل صَح
بس ممُكن تِنجرف ورا مَريم وسوالفها


...

دميييرآآ

تسسسلم إيدينج .,
على هالبآرتز إلي أيننووووووون

شوقتييينآآآ آآكثر وآآكثر

نآطرين بآجر على نآر :eh_s(9):

الله يسلمِج من الشَر حبيبتي
ان شاء الله اظَل اشوقكُم دايِم واشوف حضوركم هني
منورتني والله
لا خلا ولاعدم

الله يستر شبيصير بمريم ، شحقــــــــــه دآآآقه
مشكورة حياتي و يعطيج الف عافية
وناطرينج بكرا

لقافَة زايدة لوووووول
والعفوو حَبيبتي الله يعافيج ويخليج
اشكِرج عَ المتابعة والتشجيع :eh_s(17):

عيسى دعله اف
ومنى شفيها ميته عليه و قاطه نفسها جذي
استغفر الله
ماتنلام هبه لي تنرفزت

خخخخخخ مريم و نوال
شفيهم اخترعوا مره وحده

تسلم ايدج دميره
ناطره البارت باجر

انتي حَدددددددددج كاره عيسى ومُنى خخخخخخ
ان شاء الله يارب مع الايام يحِن قلبِج شوي

والله يسلمِج ويخليج حياتي
بِ انتظارِج دوم ْ :eh_s(22):
​

 

[đeɱɛɼɑ™]

up
up
up

ميرسي :*

:eh_s(9):

باقي 12 ساعه تقريبا

خخخخخخ ناااااطره على نار

فديتِج لدوُن
ان شاء الله ما أكرِر هَ التاخير
احس بِ تانيب الضمير

Ladeen. مبدعه

Waiting demera

:eh_s:

حَدهااااا
يا عَساني ما خلى مِنكُم

،


.

تعليقَاتي بِ الرمَادي داخل الاقتباس :$
v
v
v

v

بارتين ولا اروع

مِن ذوقِج:**
عيسى : اموت بالغيره والتحكم اللي بهالطريقه يبن لهاا انه يحبهاا ويبيها له وبسس

ومنو يكره هَ النوع من الغيرَه بس ليه زادت عن حدها تصير خنقة لوول

منى: فديتهاا تمووت بعسعس واتمنى ياخذهاا

ان شاء الله تِتحقق امنيتِج يالغَلا

خوله : الله يحنن قلبها ع عيسى ومنى

ان شاء الله بِ الرواية نشوف يتحقق هَ الشي او لا ! ودي اقولكم بس مابي اخرِب عليكم


مريم : ما احب هالنوعيه من البناات تخرع وينخاف منهاا وعليهاا

هههههههههههههَ ما هقيت مريم تكوُن شخصيتها منبوذَه لهالدَرجة
صراحة صدمتوني محد يحبها بس ما الومكم شخصيتها " وقحَة " شوي !

نوال : الله يستر عليهاا من مرييووم

آميين يارب


مميزة لبى قلبج

يا حَياتي لَبى ولَبى :*

تسلمين دودو

الحين بعرف شصار على عويس خلينا من هالحجي لا حقين عليه ابي اعرف يموت والا لا ؟!؟

يعطيج العافية حبيبتي

بِ البارت الجديد نزلت شنو صَار
ان شاء الله ارتحتي الحين ههههههههههههه .. فديت اللي ينطروُن بس :$:$:$

Waiting

merci :$
بِ انتظار تعليقِج ان شاء الله عجبج الفصل الnew

يممممه شصار


ناطرين دمور شصار للبنات

وعادل ماحبيته اهو ومريم

ونوال الله يستر عليها لا تخرب

زادوا قائمة اللي ما يحبون مريم لووول مسكينة كاسرة خاطري

بِ انتظارِ رايِج في الاحداث اللي صَارت :eh_s(17)::eh_s(22):

دمووووره نآآطرييين

حددددددددددددي اندمجت واللله ، اسلووبج حيييييل يجذب ماشالله عليج ، احب هالنوع من الكتابات

فديتج اناا مبدعه ماخليتي شي الا وابدعتي فيه ماشالله ~
واصلي ناطرييينج ..

حياااااااااااااتي والله يا عَسسسسَل :*
يا بختِي فيج بين الحضُور :eh_s(22):

بِ انتظار حضورِج و آرائج يَ الشيخَة :hjy5jewf:

بنات اي ساعه ينزل البارت



اللهم صلي وسلم على محمد

استغفر الله

استغفر الله

والله مَاكو وقت محدَد ،، ( اهو المفروض يومين بِ الاسبوع )
ان شاء الله ليه رديت الكويت ينتظِم وقتي ولو اني اشِك هههههه
عذرونِي وتحملوُني
اشكرِج على انضاممِج للقراء .. ان شاء الله تستمرين معانا ليه الأخير :eh_s(7):

وااااااااااااي حده عجيييييييييب ومريووم ينخاف منها لووول


ناطرينه

هههههههههه مريووم خذت كِل حسناتكُم < اخاف صِج
وانتي العَجيبة وَالله يَ بَدر 14 :eh_s(22):

واي نوال و مريم يخرعون اش هالشطانه
ناطره البارت الياي

خخخخخخ ان شاء الله تخِف شطانتهُم ويعرفون الصَح من الغلط
وانا بَ اكون بِ انتظارِج حَبيبتي
نورتيني :eh_s(17):
​

 

[ladeen]

دمييييره حبيبتي تسلم يمناك
للاسف للحين ما قريت الاجزاااء
ظروف تمنعني

معذوره عالتاخير حبيبتي

ميته ابي اقرا الاجزاااء
ان شاء الله لي عوده قريبا

 

[هجران الليالي]

ناطرينج على أحر من الجمــــــــــــــــر