روايتِي الاولى: { مُنـــاي } بِ قَلمي- دِميرة

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

.


واي منى شريره

نآآآآآآآآآآآآآطرين آكيد عيسى رآح يكسر رآس نوآل الحين :dddds:

هههههههههههَ مسكيينة ان شَاء الله مع الوقت تغيرين رايِج فيَها
ونوال ما يندرى شوفوا بعد شوي شيصير :082502bye_prv:

توم خلِج قريبة دوم اتفاءل ليه شِفت نِكِج :hjy5jewf:

​

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

شهالحركات دودو منزله روايه

بس ماقلتي لنا اهيه حقيقية والا لا ؟!

وناطرينج ياحلوة :blueSmCLR:

عَ شوون عَيل :wqedqw:

الرِوايَة خَياليِة غيييير واقعِية بس ما يمنَع إن يكون فيها شوية لَمسَات واقعية
خاصة مِن ناحية الشخصيَات ، يَعني مثلا ً شخصية مُنى فيها كذا طبع شايفته على جَم بنت وجمعتهُم فيها وطورتها ب خَيالي
وهلم جَره لكل شخصية متواجدة في الروآيَة

وحَياج الرحمَن اتمنى تكونين من متابعِين الرِواية :eh_s(7):

​

 

[đeɱɛɼɑ™]

رد : رد: روايتِي الاولى: { مُنـــاي } بِ قَلمي- دِميرة

ليييييييشششش الملقوفه تتصل :eh_s(2)::eh_s(2)::eh_s(2):

لأن حَظ نوال يكسِر الصخَر
​

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

الفصل الاول
الجزء الثالث والأخير من هَ الفصِل

صكرت منى التلفون
و اهي مستانسة لانهآ بهالحركة حرقت اعصاب عيسى و
حرته مثل ما يحرها ويحرق قلبها اغلب الاحيآن بقساوته.

عيسى بسرعة قام من مكانه وطل من الدريشة
وشاف انه كلام منى صج وانه فيه كورفت صافطة بعيد وفيها واحد،
وشاف نوال واهي توها داخلة البيت.
وظل يطالع الكورفت اذا تلحق الجمس او لا...
بس تحرك جمس مريم ولي الحين الكورفت صافطة...
عيسى صار مينون " يعني صح كلام اموييييين " " هالولد لاحق نواال " " ايااااااا ... !! "


نزل عيسى من فوق والشرر طالع من عيونه
شاف نوال توهَا داخلة مِن البَاب .. راح لهآ ومسك ايدها وصرخ عليها :

عيسى : منوووووو هالحيوان اللي لاااااااحقج
نوال : آآآممممم منووو منووو والله ما سويت شي لا تطقني لا تطقني
عيسى: قووليلي منوو هالحيواااااااااان اللي موصلج ليه البيت

نوال : والله مريوووم اللي موصلتني ( وقعدت تبجي ) والله مريووم والله
هااك دق عليها والله اهي وسرااي بعد سايقهم والله والله العظيم

عيسى : نوووووول ورب الكعبة اكفر فييج اليوم لا تستهبلين علي ادري مريوم موصلتج
فيه كووووووورفت لاحقتكم ...... منوووووو هذااااااااااا
نوال : وااااي ياااربي والله ما ادري عيسى الله يخليك لا تطقني والله ما ادري عنه
(و لا شعوريااا عضت اييييده حيييل واهو هدها وانحااشت فوووق.....)

عيسى تعور من العضة بسس بسرعة طلع برة وراح صوب راعي الكورفت ....
عبد العزيز شاف عيسى مجبل صوبه !ارتبك وتوتر لما شاف عيسى طالع من نفس
البيت اللي دخلت فيه نوال بس تماللك نفسه وسوه نفسه
انه يطالع بين البيوت على اساس انه مضيع،
وصل عيسى عند الكورفت:

عيسى : خير اخوي شفيك واقف هني ؟

عبد العزيز نزل من السيارة و مد ايده حق عيسى
عشان يسلم عليه، عيسى طنشه .. رد ساله نفس السؤال
عبد العزيز انحرج ورد ايده و قعد يمسح على شعره :

عبد العزيز : لا والله بس مضيع بيت رفيجي قايلي انه بهالقطعة
عيسى : من بيته رفيجك انا اعرف كل البيوت اللي بقطعتنا
عبد العزيز ( توهق) : هااا مماا مااا اعرف اسم البيت بالضبط لانه اهو مو بيت رفيجي رفيجي ...
اهو بيت رفيج اخوي و اخوي ماخذ منه شغله فموصيني اردها له عارف الكسل وما يسوي هههههه

عيسى حمق وعرف انه قاعد يراوغ جان يمسكه
من ايده ويدخله سيارته ويصكر الباب...
عيسى جندس وحط ايده على السيارة و طقها بايده كذا مرة
وبكل عصبية :

عيسى: شوف حبيبي اطلع من هِني ومابي اشوف سيارتك خير شر
لا هني ولا بالمنطقة بكبرها .. فااااااااااهم
عبد العزيز : هاااا ايي اييي فاااهم .. مشكور عالوصف حبيبي ما تقصر فمان الله
وحرك سيااارته وداااس واهو معصب وحمقان ويفكر بـ نوال :

عبد العزيز: والله ما اخليج .. مطرشت لي واحد هااا .. والله ماني هادِج ..!!
وابتسم ابتسامة خبيثة ... ،

نوال اول ما ركبت الدري
و وصلت الدور الاول بسرعة فصخت جووتيها وركضة على دار عيسى تطل
من دريشته وتشوف منو اللي لاحقهم ..
... طلت وشافت الكورفت الحمرا وشافته لما نزل من السيارة ..

نوال : هييييييييييء .. امبييييه هذااا !! ( وحطت ايدها على شفايفها ).

شافت انه عيسى وياه تكلموا شوي وبعدين عبد العزيز مشى ...
لما مشى بسرعة طلعت من دار عبد العزيز وركض على اطراف اصابعهآ
ليه دارها اللي تصير آخر الممر جبال دار عيسى بالضبط ...
دخلت دارها و قفلت الباب ودشت فراشها ...غطت روحها بالكفر ..
وغمضت عيونها حيييل عشان تنام وما تحس بشي ...

عيسى كان ناوي يادبها اليوم .. كان ناوي على شر ..
وصل حده مع نوال وسوالفها ..
كل يوم طالعة لهم بسالفة يديدة ..
جم مرة يطيح عليها مع مريم في السوق واشكالهم ما تدل على سنهم ..
من ناحية المكياج واللبس واللي استغرب انه نوال تطلع من البيت بهالشكل
كان متاكد انها متعلمة هالشغلات وهالحركات من مريم ... عيسى دوبه ودوب مريم ..
يشوفها بنت صايعة ومو مال تتهيت بروحهآ ...
لو ما امه ماسكته شوي عنهم جان ما كَملت نوال مع مَريم ليه هَ السِن مع بعض

ركب عيسى فوق وشاف فلات نوال الفضي محذوف يم الدري وكل طبجه بصوب ..
طالعهم وابتسم .. تذكر نواله الصغيرة ... إشورة العياالة ... مشى بهداوة صوب دارها
طق الباب شوي شوي .. ما ردت عليه .. حاول يبطله لقاه مقفول .. ..
حط جوتيها يم باب دارها .. وطالع اثر العضة بيده وابتسم بحنية ..
بعدهآ رد داره خذه سويج سيارته وتلفونه و طلع ..

،

جَك ْ .. صكر بلال (سايق بيت بوقصب) .. باب سيارتهم الـ كِيا
و اهو ركض وركب السيارة عشان يرد خولة وبناتها البيت ..

خولة : بلال ودنا الجمعية
بلال : جيين ماما
ايمان : يمه حدنا دايخين مو اله الجمعية الحين
خولة : جاندرا قايلت لي ماكو لا فيمتو ولا قمردين .. وانتي عارفة نصور لازم يشرب فيمتو على الفطور

وحركوا صوب الجمعيــــــــــــــــة ...
بعد ما خلصوا من الجمعية ردوا البيت .. خولة لاحظت انه سيارة عيسى مو صافطة
اول ما دخلوا البيت .. البنات راحوا دآرهم .. واهي حطت الاغراض بالمطبخ .. جاندرا
كانت نايمة هالحزة .. الساعة كانت 10 ونص بالليل ..
دقت على عيسي .. رن وايِد و ماا رد .. ردت دقت عليه مرة ثآنية بَس هَ المَرة شَال التَلفون

خولة : الوووه هلا حَبيبي ويينك اشغلتني عليك
عيسى: كاني يمه وين بروح يعني
خولة : لا تبطي .. وراك دوام باجر
عيسى: ان شاء الله ان شاء الله
خولة : اييي شبغيت اقول .. انته داق علي مساع
عيسى : اييي كنت ابي شي بس الحين خلاص
خولة : على راحتك .. بِ العدال بالطريج .. وحَاول ما تبطي زين يمَه
عيسى : ان شاء الله مَاشي لا تحَاتين .. تصبحين عَلى خِير
خَولة : وإنت من اهل الخير حبيبي .. مع السلامة

//


تن تن تن تن ، كان صوت المنبه واصل ليه دار ايمان وسهيلة...
ايمان وسهيلة بينهم فرق سنتين ،
سهيلة اكبر من ايمان بس اللي يشوفهم يقول ايمان اهي الاكبر....
من يوم كانوا صغار و سهيلة اهي الهادية الراكدة و ايمان عكسها تماما ً...
بس هالشي نفع سهيلة ...
سهيلة كان كله ينوكل حقها وياخذون اغراضها بالمدرسة
بس ايمان كانت على طول تدافع عن اختها وترد لهآ حقها....
عشان جذي اهم وايد متعلقين في بعض لـ درجة صارت اعمارهم 24 و 22 سنة
ولي الحينهم ينامون بنفس الدار معنه البيت فيه غرف وايدَه تِسمح لهم ان يتوسعُون .

ايمان : اووووه !! نصور ذبحنا مع هالمنبه ما إننَام يعني ( ودششت راسها تحت المخدة )
سهيلة (لبست نظارتها ) وقامت عشان تصكر منبه ناصر وتقعده ك َ العادة.

طلعت من دارها واهي ماشية صوب دار ناصر سمعت صوت عند دار عيسى،
معنه مو من عادتها تتسمع
بس هالمرة حست انه فيه شي جايد ، راحت صوب داره و قربت اذنها يم الباب:

عيسى: بتحطيني جدام الامر الواقع يعني ... بعد هالسنين بتخليني؟!! ..
اناااااا اناااا تخليت عنج!! .. منى سمعيني انا مااا اقدر ما اتحَمل
انتي دنيتي .. بس قلت لج ماااا اقدر اتقدم لج الحين مااااااا اقدر ....
لااااااا تبجين وربي اتنرفز اصكر التلفون ترى ...
خلااااص انتي الظاهر ما تبيني قولي جذي من الاول
خلاص خلاص فمان الله …. قلت لج فمآن الله

ورقع التلفون.....
سهيلة خافت لانه قامت تسمع اصوات تكسسر وصراخ وقلبها عورهآ على اخوها...
ترددت تدخل،خافت يحوشها طشار من عصبيته لانه تدري فيه اذا عصب مآ يشوف جدامه...
فجاة انقزت سهيلة من صوت وراها:

ناصر : سهيلة شتسوين ؟
سهيلة ارتبكت : هااا ... نصوور حبيبي بسرعة يالله غسل والبس .. ترى متاخرين على الدوام
وعدلت نظاارتها وطالعت بالارض وردت غرفتها بخطوات سريعة.


بالسيارة ايمان كانت قاعدة يم سهيلة .. وناصر ورا يلعب في الـ بي اس بي ..
سهيلة طول الطريج واهي تفكر في عيسى واللي سمعته.
اغلب العايلة تدري عن علاقة عيسى بـ منى و جم مرة
ام عيىسى تكلمه بهالموضوع وانهآ مو راضية على علاقته فيهآ ولا يمكن ترضى انه يتزوجهآ ..
كان عيسى يعصب ويصآرخ ويقوم الدنيا و يقعدها ...
بس بالنهاية يرضخ للامر الواقع لانه عنده رضا امه اهم شي بهالدنيا وبدون رضاها ما يسوى شي..
و كل مرة ينتهي نقآشهم انه خلاص راح يهد منى .

عيسى كان ما يقدر يسوي هَ الشي ...
كان يمثل جدام امه وخواته ايمان وسهيلة اللي عارفين بهالموضوع الحساس
ويطمنهم انه خلاص راح ينهي علاقته فيها بس الواقع كآن عكس جذي تماما ً...
كل سنة حب عيسى لـ منى يكبر ويزيد. ومنى يزيد توترها وقلقها انه لي الحين
ما تقدم لها وخطبها على الرغم انه عمتين من عماتها
الود ودهم توافق تتزوج من عيالهم اليوم قبل باجر،
بس كل شي قسمة ونصيب بهالدنيا.

ايمان: نصور انته مو عندك امتحان اليوم
ناصر ( من غير ما يلتفت عليها ومندمج باللعبة): ايي عندي .. بس امتحان قصير عادي يعني
ايمان : عادي! .. درست له ولا لا؟
ناصر: ايي درست له
ايمان: الله يستر .. اقعد راجع شد حييلك نبيك تدشش كلية الطب
ناصر : انا بدخل كلية الشرطة
ايمان ( تعدل قعدتها وتلتفت على ناصر) : شنوو!! تتخرج لنا ضابط يعني .!!
خرخووتي بالشارع كل من يسب ويسفل فيك ... طب وبس .. هه يقولي شرطة
ناصر ( مارد عليهآ ... لاهي عنها باللعب )

التفتت على سهيلة وشافتها سرحانة بعالم ثاني.

ايمان: سهييلة تذكرين بدور بوكناري .. ما غيرها وكيلتي اللي تخرع
سهيلة: اممممم شفيها ؟
ايمان: تصدقين انخطبت !
سهيلة: الله يتمم عليها ان شاء الله
ايمان : اييي ما قلنا شي .. بس يعني شكلها الحمد الله والشكر ههههه ظنتي انها تجذب ... من يبيها الله يخليج
سهيلة: الله يهداج ايمان شهالحجي
ايمان : وانتي كله مسوية نفسج المرأة الفاضلة
سهيلة: استغفر الله العلي العظيم
ايمان : تكفين سهوول انتي شفتي لبسها وااي ضيم ضيم وظلاايم ..
اقولج ذاك اليوم دشيت عليها .... نبتبتهبهبتستسثخقععصس( سهيلة داخت من قرقة ايمان وبنفس الوقت
بس قاعدة وتهز براسها واهي مو صوبها ولا تدري وين وصلت بسالفتها عن بدور ! )
ايمان : وااي بدعت فيها غاادة .. تعرفينها غدووي ابراهيم ... سهييلة سهييييلة
سهيلة : ايمان تكفين شوي شوي صدعتي راسي
ايمان ( لوت بوزها كالعادة ) : الشرهه علي ... يعني بييي معاج اليوم اونسج
سهيلة : هههههه قولي غير هالحجي
ايمان: شقصدج ؟!
سهيلة : ما ادري منو ما تبي تحرك جاكواارها بهالحر
ايمان : هااا اصلااا آآآ اصلاا ... وانا الصااااجه تعرفين الجاكوار ما تتحمل شمسناا . .
واذا بِ اتمنين علي بهالتوصيلة خلاص يباا من باجر احرك سيارتي و اوصلج بعد

سهيلة : ههههههههه اتغشمر معاج شفيج
ايمان ( ابتسمت ) : الا قوليلي جني سمعت اليوم صوت احد يصارخ .. لا يكون عيسى؟
سهيلة ( بصوت واطي ) : بعدين اقوولج

ايمان طالعت ناصر وفهمت انه سهيلة ما تبي تتكلم
جدام ناصر عن موضوع عيسى.

،

منى بغرفتها كانت كاشخة على سنقة عشرة،
شعرها مسويته بف و حطت كريم اساس برونز و و شوية ماسكرا
مع حمرة وردية فاااتحة .. وتعطرت بعطر سارا جيسيكا بآركر اليديد
و لبست نفنوف ستريت كامل طوله ليه تحت الركبة بشوي، لونه وردي فتحي ..
وكارديغان ثري كوارتر وردي غامج وكعب نفس لون الكارديغان
وطلعت جنطتها الوردية الفاتحة من إرمييز
ورشت مرة ثانية من العطر وطالعت نفسها بالمنظرة الطويلة،
كان في عيونها نظرة حزن واسى بس ابتسمت بكل فخر وشجعت نفسها:

منى : انا استاهل واحد احسن منه ، اهو شنو اساسا ً .... ولاااااشي.

طلعت من دارها و كعبها صداه يسري بكل البيت....
نزلت الدري شوي شوي واول ما وصلت الدور الارضى نادت الخدامة:

منى: لوسي لووسي .. ( وقعدت تعدل بساعتها الرولكس الفضية)
طلعت لوسي من دار الاستقبال اللي كانت قاعدة ترتبها ،

منى: لوسي بليز اي وانت يو تو جينج ماي كوفر اند ري آرينج ماي روم
لوسي: اوكي ماام ..
منى : اوكي ذن سي يو …..
مشت شوي وبعدين التفتت :
منى: اند اف دادي كولز تل هيم آم ووركنق ليت تونايت.

محمد بو الريش اهو ابو منى ورجل اعمال كبير ..
على طول مسافر يا لـ دول اسيا او اوروبا عشان يقضي اشغاله ..
عنده شقة باغلب الدول اللي دايما ً يتردد عليها مثل اليابان و لندن ...
كان يغيب فترات طويلة .. خصوصا لما دخلت منى الجامعة ..
لانه تطمن عليها اكثر بعد ما رباها وعرف انها قد الثقة وتعرف تعتمد على نفسها
على الرغم من دلعها الواضح الا انها قوية الشخصية ..
فكان محمد متطمن عليها وكل يوم يدق عليها وموصى خالاتها وخواته عليها ..

طلعت منى بره وراحت صوب سيارتها الـ سي آل كي السودة
وتوها بتركب جان تلتفت على دريشة عيسى ...
انكسرت حيييل لما شافت انه عيسى مووو واقف يطالعها مثل كل مرة....
عيسى متعود انه ينطرها ويطل عليها من فوق وتكلمه بالتلفون ويقولهآ احلى الكلام،
اصلا من هالدريشة اهي لاحظت اهتمامه فيها من اول سنة انتقلوا لهالمنطقة.

بمثل هاليوم قبل اربــع سنين
منى كانت طالعة من بيتها ومتاخرة على محاضراتهآ ..
اول ما وصلت السيارة قعدت تدور السويج تذكرت
انها نسته فوق بغرفتهآ دقت على البيت وقالت حق لوسي تييب لها السويج من دارهآ...
تسندت على السيارة تنطر لوسي ..
و بحركة لا ارادية رفعت راسها ... تلاقت عيونها مع عيون مينون الفريج ( ب نِظر منى )
واهو يطالعها من دريشة داره.
مني عدلت وقفتها وخافت شوي ونزلت راسها.... بعدين ردت مرة ثانية تطالع الدريشة شوي شوي
وشافت عيسى ياشر لها بيده ويسوي لها باباي . هني منى خافت زيادة وركضت بيتهم
عيسى مات من الضحك عليها وبنفس الوقت كسرت خاطره
راح بسرعة بدل وتعطر وخذا سويجه ونزل يبي يلحق عليها قبل ما تحرك سيارتهآ


​

 

[•ː̗̀»AghLa 7υB«ː̖́:]

رد : روايتِي الاولى: { مُنـــاي } بِ قَلمي- دِميرة

3esa Wayeed 6ayeeeb 7araamm
7ata Muna 7abet'ha ;p Ksrt Kha6riiii
ya36eech il3afyaaa

 

[ba6re8a]

طحتتتتتتتت عليييييييييييج دميييييييييره روايه من وراي

يه يه حركاااااااااااااااااااااااااااااااااااات


يالله بقرا اليوم واعلق_03ba: :hjy5jewf:

 

[الاحاسيس المبهمه]

alrwaya raw3a shwaya 3leha w allah

7dhaaaaaaa 8weyaaa men 9jjjj ! tbark rbiii

:hjy5jewf:

motaab3aaaa lch

( wt3le8y b3d shway lmn 23dl al ke bord w 25leh yktb 3rbiiiiiiii)

 

[الاحاسيس المبهمه]

احم تعدل الكيبوورد :lololoe:

يالله استعدي للتحليل ...

عيسى : يااحبني له والله ... حبييييييته احب هل الاستااايل ... امااانه دميره إذا بيتزووج لاتنسيني :wqedqw: ... وشي حلو ان اهوا إلي ماسك البيت ومضبط الاوضااع ... واقووله لاااااااتستسلم لهل الحب لان إلي مثل منى موكفوو لااازم المياعه والدلع ولاا يعني ماا انشهر ... ماادري ماحبيت منى ...

نوالو : الله يابنت .. اقووول دحري الشيطاان ووخري عن هل الطريج إلي ماله اول ولا تالي احسنلج :jumpon: ... ورااح تحب عبدالعزيز وبعدين اهيا لمن فكرت ان اهو جريء وشلون ياها المطعم وجذي يباا هذوولي يدورون الصيدات مثلج ... وبعدين انتي لمن تروحين السوق ويكلمونج هذي موجرأه؟؟؟؟؟ ...

ايماانو : هذي شخصية تمثل حال اغلب الحريم بمجتمعناا ( قرقه . حب مناظر . حش . غيبه . نميمه ) بس حااسه ان ورااهاا شي اهيا وجاكورهااا فشلتنا إلي يقول ماحد عنده جاكور غييرهاا :krkrkr: ... قوليلهاا احنا ببيتنااا عندناا 7 جاكورتات اناا وابوي وامي واخوي واختي وسايقنا وخدامتناا :lololoe: ...

سهيله : يااحبيتها والله ... مؤدبببه ... يالله ثبتهااا ...

نصووري : الله يثبته بصلاته ... ويرزقه التفوق ... حاسه ان له دور راح يصير ...

امهم : ملييقه ماحبيتهااا ... يعني لييش ماتمسكين نوالوو لاتدلعيينهاا ...

خالتهم : يااحبييبتي والله ماا اعبر على الكشخه ياازقرت عطينييي ويه _03BA:

عبدالعزيز : راااااح يصيد نواالوو صيده محترررمه ... ورااح يبرررد جبدي فييهاااا ^_^ ... وحاسته جمييل بس ماراح اتنازل عن عيسى :rerrerek:

منى : يالفتانه ... يالي ماتستحيين ... انزين اهواا زفج شكو تفتنين وشدرااج ان لاحقهم ... وبعدين بطيتي جبدي ترى لمن قلتي العبادات بيني وبين ربي ... انزيين ندري بس يعني الترصرص والدلع المااصخ ياماصخه ماله دااعي :rgewrg:

دميره : عاااد هذي حبييبة قلبي حبيتهاااا ^_^ ... خووش وحده وكتاباتها بداايتهاا حلوووه واايد وشكل الرواية يديده من نووعهااا :q8:

وعااش وااقف :ggdw:

 

[el7la kla]

رد : روايتِي الاولى: { مُنـــاي } بِ قَلمي- دِميرة

تشووووووووق الروايه ومنى السخييفه يعني اخته شكو مسكييينه .. لووول يعطيج العافيه

 

[قطيووه^_^]

رد : روايتِي الاولى: { مُنـــاي } بِ قَلمي- دِميرة

دميرة حبيبتي والله
انا حبيتج وانا ما اعرفج ودايما احب تصويرج
والحين تكتبين روايات بعددد
ترا انا ما احب اقرا روايات كويتية بس هذي اول وحده اقراها لانج انتي كاتبتها


ولا يوقف ولا يوقف

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

3esa Wayeed 6ayeeeb 7araamm
7ata Muna 7abet'ha ;p Ksrt Kha6riiii
ya36eech il3afyaaa

eee i3ways 6ayib mo sheen
bas kel ensan feeh janib sayi2 ow janib positive ،
ow Allah iy3afeech sweetie :*

​

 

[đeɱɛɼɑ™]

رد : رد: روايتِي الاولى: { مُنـــاي } بِ قَلمي- دِميرة

طحتتتتتتتت عليييييييييييج دميييييييييره روايه من وراي

يه يه حركاااااااااااااااااااااااااااااااااااات


يالله بقرا اليوم واعلق_03ba: :hjy5jewf:

لووُوووووول
اهلييييين ْ ، اييي شِفتي شلون ما اغشمِر < شكو

وبِ انتظَار رااايِج حَبوبه
منورتنِي :blueSmCLR:

​

 

[đeɱɛɼɑ™]

رد : رد: روايتِي الاولى: { مُنـــاي } بِ قَلمي- دِميرة

alrwaya raw3a shwaya 3leha w allah

7dhaaaaaaa 8weyaaa men 9jjjj ! tbark rbiii

:hjy5jewf:

motaab3aaaa lch

( wt3le8y b3d shway lmn 23dl al ke bord w 25leh yktb 3rbiiiiiiii)

:fun:
الاروع تواجدِج وحضورِج والله شجعتيني بهالكَلام الحِلو :$:$
عَساني ما انحِرم من هَ الطَلة العَجيبَة
وكاني الحين بقره التعليق اللي بالَعربي

​

 

[đeɱɛɼɑ™]

رد : رد: روايتِي الاولى: { مُنـــاي } بِ قَلمي- دِميرة

احم تعدل الكيبوورد :lololoe:

يالله استعدي للتحليل ...

عيسى : يااحبني له والله ... حبييييييته احب هل الاستااايل ... امااانه دميره إذا بيتزووج لاتنسيني :wqedqw: ... وشي حلو ان اهوا إلي ماسك البيت ومضبط الاوضااع ... واقووله لاااااااتستسلم لهل الحب لان إلي مثل منى موكفوو لااازم المياعه والدلع ولاا يعني ماا انشهر ... ماادري ماحبيت منى ...

نوالو : الله يابنت .. اقووول دحري الشيطاان ووخري عن هل الطريج إلي ماله اول ولا تالي احسنلج :jumpon: ... ورااح تحب عبدالعزيز وبعدين اهيا لمن فكرت ان اهو جريء وشلون ياها المطعم وجذي يباا هذوولي يدورون الصيدات مثلج ... وبعدين انتي لمن تروحين السوق ويكلمونج هذي موجرأه؟؟؟؟؟ ...

ايماانو : هذي شخصية تمثل حال اغلب الحريم بمجتمعناا ( قرقه . حب مناظر . حش . غيبه . نميمه ) بس حااسه ان ورااهاا شي اهيا وجاكورهااا فشلتنا إلي يقول ماحد عنده جاكور غييرهاا :krkrkr: ... قوليلهاا احنا ببيتنااا عندناا 7 جاكورتات اناا وابوي وامي واخوي واختي وسايقنا وخدامتناا :lololoe: ...

سهيله : يااحبيتها والله ... مؤدبببه ... يالله ثبتهااا ...

نصووري : الله يثبته بصلاته ... ويرزقه التفوق ... حاسه ان له دور راح يصير ...

امهم : ملييقه ماحبيتهااا ... يعني لييش ماتمسكين نوالوو لاتدلعيينهاا ...

خالتهم : يااحبييبتي والله ماا اعبر على الكشخه ياازقرت عطينييي ويه _03BA:

عبدالعزيز : راااااح يصيد نواالوو صيده محترررمه ... ورااح يبرررد جبدي فييهاااا ^_^ ... وحاسته جمييل بس ماراح اتنازل عن عيسى :rerrerek:

منى : يالفتانه ... يالي ماتستحيين ... انزين اهواا زفج شكو تفتنين وشدرااج ان لاحقهم ... وبعدين بطيتي جبدي ترى لمن قلتي العبادات بيني وبين ربي ... انزيين ندري بس يعني الترصرص والدلع المااصخ ياماصخه ماله دااعي :rgewrg:

دميره : عاااد هذي حبييبة قلبي حبيتهاااا ^_^ ... خووش وحده وكتاباتها بداايتهاا حلوووه واايد وشكل الرواية يديده من نووعهااا :q8:

وعااش وااقف :ggdw:

OMG

ماااشاااء الله عَليييييييييييج ْ
صَراحة انا احسسِد نفسي ان عِندي قارئة تحلِل و تناقِشش جِذي
صِج القراء اللي مِثلج يعطوون دافِع للكَاتِب ان يبدع في كتاباتَه القادمَة ويواصِل

عَجبتني نظرِتج لكل شخصية و خِطابِج لها :ggdw: هَ الشغلة تخلي كل شخص يقره يشوف نظرات غيره للشخصيات
ويتفااجيء شلون النَاس تختلف عن بعضها من ناحية تقييم الشخصيَات

و اتششَرف براايِج حَبيبتي
ويسعدنِي تواجِدج
راح اكون بِ انتظَار تعليقَاتِج القَادمة مع كِل بارت < طمعت

​

 

[DA3LOoOLA]

رد : روايتِي الاولى: { مُنـــاي } بِ قَلمي- دِميرة

waiting

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

تشووووووووق الروايه ومنى السخييفه يعني اخته شكو مسكييينه .. لووول يعطيج العافيه

مِيرسسسسسسسي :friends:
ههههههه اييي بعد حريم ناقِصات عقل
الله يعَافيج ويخليج :*

​

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

دميرة حبيبتي والله
انا حبيتج وانا ما اعرفج ودايما احب تصويرج
والحين تكتبين روايات بعددد
ترا انا ما احب اقرا روايات كويتية بس هذي اول وحده اقراها لانج انتي كاتبتها


ولا يوقف ولا يوقف

بَعد عُمري
ليي الشَرف ْ ، خاصة بعد نِك نيمج هذا دَلعي في البيت حبيييتِج خَلاااص :ceaf32e183:

وإن شاء الله الروايَة تعجبِج ولكن اتقبل نقدِج في اي جزئيية مِن الروايَة
لان بِ النهاية حَابة اني اطور من نفسسِي مستقبلا ً ان الله راد

منورتني :*

​

 

[đeɱɛɼɑ™]

رد : روايتِي الاولى: { مُنـــاي } بِ قَلمي- دِميرة

waiting

الفَصل الثاني
يااي بِ الطريج ان شَاء الله
دقايِق بس اضبِط الجِزء وارتبه وانزله لِ عيونكُم:*

​

 

[^ليلاس^]

رد : روايتِي الاولى: { مُنـــاي } بِ قَلمي- دِميرة

لووووول زين تسوي منى تطلع حرتها لووول

يسلمو حبيبتي :ggdw:

 

[الريــم]

يممممممممممممممه الرواية حدهاااااااااااااااااااااااااا شيييييك مثل راعيتها الانيقة والذوق ناطرة الجزء الثاني حبيبتي