روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بصرااحه احسها روووعه كملي حبيبتي ناطرينج على احر من الجمر ترى عمري 22 ومتزوجه صارلي سنه ونص عشان لا تزفيني

حبيبتي والله شرفتيني
انتي الأروع
لوووووووووووول ما أزف.. وتشرفيني

يشرفني اكون ثاني وحده ترد عليج
وصج صج صج صج انج نزلتي قصه انتي بعد
وناسه
وناااااااااااااااااااطرينج حبوبة لاتقصين علينا بارت قصيروون تدرين قصتج حلوة وواسلوبج احلى

عفيه لا تطولين

حبي الشرف لي انج قريتي قصتي
حبيبتي والله اشتقتلكم واااااااااااااايد.. ما كنت ناوية انزلها الحين قلت يبيلها شوي عشان تصير أحلى..بس من حنة صاحبة القصة وريريييييييييييييييييييييز
أبد أفاا عليييييييج البارتات طوييييييييلة صبري وشوفي
حبيبتي والله انتي الأحلى
تامرين أمر.. تفضلي

كملي حبي حدها تعور القلب

حبيبتي فديت قلبج

انا عمري 20 ما يصير اقراها

أفاااااا بس هاذي القوانين .. وناطرينج تكملين 21 ان شاااااااء الله.. وتقرينها
مابي أخدش حيائكم

أموووووووووووره العسوله كاتبه قصه وانا توني ادري اشوه اني لحقت عليها من الاول

ماشاءالله عليج مبدعه بمعنى الكلمه والمقدمه رووووووووووووعه

وناطره البارت اليديد على ناااااااار00

حبيبييييييييييييييييتي والله.. انتي العسل
توني منزلتها ما تأخرتي
حبي والله انتي الابداع كله وانتي الأروع
تفضلي البارت

القصه عراقيه ؟

اموووووور ونااااسه العنوان جنه عنوان قصتي ههههههه
براءه اخترااااع
لووووول اتغشمر

لووووووووووووووول حبيبتي ريريز جاوبت.. لا القصة مو عراقية.. بس الموال عراقي
وعلى طاري العنوان.. هذا اللي خفت منه .. فكرت في قصتج وخفت الناس تتشابه عليهم الأسماء
خلاص براءة الاختراع لج عمري.. بس قتلج الكلمات بالترتيب حياة نقاء
أفا عليج تغشمري كثر ما تبين

انا عمري 20 و كسور يصير اقراها ؟! :$

لووووووووووووووووول راح نتغاضى عن الكسور. ونزيدج عشان تصيرين 21.. وتشرفيني

انا متزوجه بقراااااااااها لووول

لووووووووووووول حياج

مرحباااا

انا بكمل 18 بس متزوجه عادي اقراها صح :$

بالبدايييييه ولهت علييج امووره وايد

واستانست لما شفتج منزله قصة ..
..
بدايه القصه عواااااار قلب
بجتنييييي ..
والشعر اللي حطيتيه حيل يعور القلب
بدايه موفقه وبارت حلوو
ناطريييينج حياتي

حبيبتي دندوووووووش.. مراحب يا قلبي.. شرفتيني
وانا أكثر والله يلا ناطرين قصتج اليديدة
حبيبتي سامحيني بجيتج.. الا دندووش
انتي الأروع والأحلى
تفضلي قلبي

يسلمو على البدايه الرووعه و لو انها حزينه ، ناطرين البارت الياي

الله يسلمج حبي.. سامحيني ضيقت خلقكم
تفضلي البارت

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

هااااااااااااي حبايبي شرفتوني بردودكم الروعة.. وبحضوركم الأروع

البارت الثاني
*******


بعد فقدان الصدر الحنون احتارت نقاء بحياتها.. وكانت مشتتة بين بيت أبوها وبيت مشاعل

البيت صار خالي من أي احساس ودفى.. البيت اللي كان متروس أوادم داشة وطالعة

والضحكة في ما تنقطع.. صار مظلم شبح

السكون خيم عليه.. الأكل بدون صوت والتنفس صار أيضا بدون صوت

وبعد خمس شهور.. كانو متيمعين على الأكل .. بس محد يسولف مع الثاني والكل ياكل بصمت

بو خالد (يطالع صحنه): يا عيال بقولكم شي

خالد: آمر يبا

بو خالد: انتو شايفين البيت شلون صاير.. الفرحة والبسمة راحت منه.. ومحد قادر يطيق القعدة فيه.. حتى نقاء الجعدة صارت بالويك اند تنام عند مشاعل

الكل رفع راسه يبي يعرف بوخالد شعنده.. بس نقاء حست بغصة مو طبيعية.. وخنقتها العبرة

بو خالد: آنا يبا قررت أتزوج

مشاعل: تتزوج يبا؟؟ بس أمي ما طاف عليها 5 شهور

بو خالد: يبا انتو كل واحد لاهي في بيته .. وباجر جنان ونقاء يتزوجون ويخلوني.. وآنا روح وأبي روح وياي.. والحي أبقى من الميت

نقاء (قامت من الطاولة.. بس ما رفعت راسها.. لأن عيونها متروسة دموع): الحمدلله شبعت.. عن أذنكم

بو خالد: وين يبا نقاء؟؟ خليج معانا

نقاء: لا يبا الحمدلله شبعت بروح غرفتي

بو خالد (مد ايده لها): تعالي عندي حبيبتي

نقاء راحت له من غير لا تتكلم.. وبس لمها قطت راسها على صدره وقامت تبجي

بو خالد (يمسح على راسها): لا تبجين حبيبتي أصلا آنا أبيها عشان تباريج انتي وأختج.. وانا ترى ما دورتلي ويبتها فجأة.. آنا قلت حق عمتكم تدورلي وحدة تخاف الله فيني وفيكم

انتو أغلى شي عندي بهالدنيا بعد المرحومة.. يلا بابا مسحي دموعج لا تبجين

مسحت دموعها نقاء.. وابتسمت غصبا عنها.. عشان لا تضيق خلق أبوها ولا خواتها زيادة

وفعلا بعد جم يوم لقت العمة زوجة لبو خالد.. بس للأسف ماكانت بالمواصفات اللي بغاها بو خالد لعياله

يعني من أول ما دشت البيت .. محد ارتاح لها .. الا بوخالد من شافها نسى كل اللي طلبه في الزوجة

وأكثر وحدة كانت تكرهها نقاء لأنها حست انها ماخذه مكان الغالية.. وكان شعور متبادل.. اهي كانت تكره نقاء لأنها دلوعة أبوها

بو خالد (يأشر لها تدخل وينادي على البنات): حياج تفضلي البيت بيتج.. نقااااء.. جناااااان .. وينكم يبا تعالووو

نزلو البنات.. وطالعو ماجدة (مرت أبوهم).. وانقمت قلب نقاء الصغيرة

بوخالد: تعالو يبا تعالو حبايبي سلمو على خالتكم ماجدة..

يو البنات سلمو عليها ببرود.. واهي ردت عليهم بالمثل.. بس بابتسامة خبيثة

طلبت من نقاء توصفلي مرت أبوها قالتلي كلمة وحدة (حية)

مرت الأيام وماجدة كرهها حق نقاء يزيد.. كل ما تشوف بو خالد قاعدة عندها ويسأل عنها والا اييبلها شي.. كانت تمووت من الغيرة

وعشان تطلع حرتها قامت تفرق بين نقاء وجنان.. قامت كله تطلع مع جنان بروحهم وما ياخذون هالصغيرة المسكينة

واذا طلعت بروحها بس تشتري حق جنان.. مو حبا في جنان ولكن عشان تحر نقاء


وبيوم يت مشاعل بيت أبوها

مشاعل: السلام عليكم

الكل: وعليكم السلام

نقاء ركضت قطت روحها على اختها ولمتها.. تتذكر ريحة الغالية

مشاعل : هلا حبيبتي شلونج؟

نقاء: حبيبتي انتي من أشوفج أصير بخير

بو خالد: بييه بيييييه كل هذا حق مشاعل؟؟ واحنا مالنا شي؟

نقاء: انت حبيبي بس هاذي الحين امي

ماجدة (تعوي حلجها): عشتو وانا وين رحت.. مادرسج .. ما ازهبج حق المدرسة

نقاء: امبلا ما نكر.. بس انتي مرت أبوي وهاذي أمي

بوخالد: بس عيب .. قولي انتي خالتي مو مرت أبوي

نقاء: يبا ماقلت شي هذا الصج

بوخالد: قتلج عيب.. والحين يلا صعدي غرفتج

نقاء عفست ويهها.. وطالعت ماجدة والا تشوف على شفايفها ابتسامتها الخبيثة

كرهتها زيادة. لأنها تدري انها قامت تبعد بو خالد عنها

مشاعل: يبا بغيت اكلمك بموضوع

بو خالد: هلا حبيبتي شبغيتي؟

مشاعل: بروحنا لو سمحت

ماجدة (نطت بعصببية): قولي جدامي ترى ما يخش عني شي.. وانا مو غريبة

بو خالد: قولي يبا شفيج؟

مشاعل: يبا احنا الحين قاعدين نرمم بيتنا.. وبغينا نسكن عندكم شوي

ماجدة: بس احنا ما عندنا مكان

مشاعل (طالعتها بنظرة.. يعني مالج شغل): يبا فترة بسيطة.. بس على ما نخلص الترميم

ماجدة: أقولج مافي مكان وين بتقعدين؟ فوق رووسنا؟

مشاعل: انتي لج الدور الأول كله وانا ماني مقربة منه.. انا بقعد مع البنات بالأرضي

بوخالد: خلا يبا على راحتج.. بس ماراح تتضايقين؟؟ لأنج بتقعدين بغرفة من غرف البنات

مشاعل: عادي يبا..بنام بغرفة نقاء.. وتصير نقاء مع جنان بالغرفة (قامت باست راس أبوها) مشكور يبا ما قصرت

بو خالد: العفو.. البيت بيتكم.. متى بتييون؟

مشاعل: باجر ان شاء الله.. عن أذنك..

وراحت غرفة نقاء

مشاعل (طقت الباب): شفيها الحلوة مبوزة؟

نقاء: شفتي أبوي شلون زفني؟

مشاعل: هههههههه بعد انتي زودتيها.. طقيتي مرته بالطوفة

نقاء: أحسن انتي ما تدرين شيمسويه فيني.. تكره بابا فيني.. تبيه يحبها بروحها

مشاعل: أبوي مستحيل يكرهنا.. خصوصا انتي.. تدرين شكثر يحبج.. وما يرفضلج طلب.. ولا يرضى يزعلج

نقاء: عدل والدليل توه

مشاعل: ههههههه انزين بلا دلع يلا قومي نادي جنوون عندي لكم خبر

نقاء: شنو شنو؟

مشاعل: قتلج روحي نادي جنان وانتي تعرفين

نقاء: طيااااااااار الحين.. (وركضت غرفة جنان.. طقت الباب) جنووون فتحي البااااااب

جنان (طولت شوي وبعدين فتحت): شتبين؟ ليش تصارخين؟

نقاء: آنا بعرف انتي شعندج كله قافلة الباب وماخذه تليفون البيت.. تكركرين مع منو؟

جنان: مو شغلج بلا لقافة.. وبعدين قاعدة اسولف مع رفيجتي شتبين خلصيني؟

نقاء: تعالي مشاعل بغرفتي وتبينا.. عندها لنا خبر

جنان: صج؟ يلا امشي خنشوف شتبي؟

ردو غرفة نقاء

جنان: يا حيا الله من زارنا (وراحت باستها)

مشاعل: الله يحييج.. شلونج؟ وينج يالقاطعة؟

جنان: موجودة بالدنيا

نقاء: أي بالدنيا؟ الا قولي كله بغرفتها ما تنشاف

جنان خزت نقاء.. وطالعت مشاعل: خير هالملسونة تقول بغيتينا؟

مشاعل: اي بغيت اقولكم بقعد عندكم فترة

نقاء: هيااااااااااااااااااااا

جنان: ليش عسى ما شر؟ متزاعلة مع ريلج؟

مشاعل: لا يبا الله لا اييب الزعل.. بس بيتنا قاعدين يرممونه وبقعد شوي

نقاء: الله وناسة.. يعني بنام عندج كل يوم

مشاعل: ههههههههههههه لا انا بنام عندكم كل يوم .. بس انا بنام بغرفة نقاء.. وجنان انتي اخذي نقووء عندج

جنان: هااا؟ لا ماعرف انام وأحد عندي بالغرفة

مشاعل: ليش؟

جنان: بس ما أرتاح متعودة انام بروحي.. وهاذي بتضايقني

نقاء: ليش شفيني شبسوي؟

جنان: ما تسوين شي.. بس ماعرف

مشاعل: انتي ماتبيني عندكم؟

جنان: امبلا بس خلي نقووء تنام بالصالة عادي عندها

مشاعل: لا خلاص انا اروح اي مكان.. مو الا عندكم

نقاء: لالالا تكفين انا راضية.. والله عادي عندي انام بالصالة بس خلج عندنا

مشاعل: أوكي



ثاني يوم يت مشاعل ويابت اغراضها وأغراض ولدها عشان تنام عندهم

من أول ليلة نامت هناك.. ماجدة انتهزتها فرصة تأذي نقاء

نقاء كانت نايمة بالصالة.. يت ماجدة تطالع تلفزيون .. وتطول عليه حده

نقاء (مغمضة عيونها): لو سمحتي طفي التلفزيون بنام

ماجدة: بطالع.. وانتي ما لقيتي مكان الا الصالة تنامين فيها؟

نقاء: كيفنا هاذي صالتنا.. أنام وين ما أبي.. وانتي عندج صالتين فوق.. روحي طالعي فيهم على راحتج

ماجدة: مابي مو عاجبتني صالاتي

نقاء: اللهم طولج يا روح.. وفرت ويهها صوب الطوفة تحاول تنام

مشاعل (يت على صوت التلفزيون): شنو هذا؟ ما تقولين ناس نايمة؟ ناس تعبانة؟؟ ما تشوفين نقاء نايمة باجر وراها مدرسة؟

ماجدة: والله اهي راضية انتي شدخلج

نقاء (رفعت راسها): لا والله مو راضية.. مشاعل قتلها روحي فوق .. تقول مو عاجبتها صالتها تبي هني.. وانا مو قادرة انام

مشاعل (خذت الريموت بعصبية وطفت التلفزيون): لوسمحتي صعدي صالتج.. احنا ناس ورانا دوامات مو فاضين للمشاكل والصيحة وعوار الراس

ماجدة خزتهم بس قامت من غير ما تتكلم.. كانت تحسب حساب حق مشاعل


وبيوم كانت جنان بتطلع مع بدور.. مرت اخوها.. نقاء شافتهم عند الباب

نقاء: وين رايحين؟

جنان: بنروح الجمعية بنشتري شغلة

نقاء: اخذوني معاكم

جنان طالعت بدور

بدور: لا حبيبتي انتي قوليلنا شنو تبين واحنا نييبل اياه

نقاء: لا بيي معاكم.. متمللة من البيت

جنان: لا مانبي ناخذج.. عندنا شغل

نقاء: شنو شغلكم؟

بدور (غمزت حق جنان): خلاص تعالي معانا مو مشكلة

وصلو الجمعية.. جنان نزلت تشتري.. وبالغصب خلو نقاء تقعد بالسيارة مع بدور

وبعد فترة.. نقاء: مو جنه جنوون طولت وايد

بدور: لا طولت ولا شي.. كاهي الحين تيي

نقاء(فتحت الباب ونزلت بسرعة): خل اروح اشوفها

بدور (نزلت وراها بسرعة): تعالي وين رايحة؟

نقاء: مادري بدور على جنوون قلبي ناغزني

بدور: مافيها شي تعالي

نقاء ما ردت عليها وقامت تدور جنان بالجمعية.. لين لقتها بين الممرات واقفة تسولف مع واحد وتضحكله

نقاء (تخصرتلها ونادتها بصوت عالي): جنووووووووووووون.. هذا شغلج.. آنا أراويج.. وهدتها وقامت تركض

جنان لما شافت نقاء اختبصت وركضت مع بدور وراها

ركبو السيارة كلهم.. وبدور وجنان حاولو يقنعون نقاء انها ما تقول حق أحد

لكنها كانت مصممة تفضح أختها.. ياهل وما ينحط ببطنها شي.. لا وشايفته محد قايلها؟!

أول ما وصلو البيت جنان دشت غرفتها لأنها كانت خايفة فعلا انها تنفضح

ونقاء سيييييده على غرفة مشاعل

نقاء: مشاعل .. مشاعل

مشاعل: شوي شوي شفيج؟

نقاء: بقولج شفت جنون واقفة مع واحد ما نعرفه بالجمعية؟

مشاعل (بققت عيونها): شنو؟ نقووء انتي شقاعدة تقولين؟

نقاء: والله شفتها بعيوني.. حتى بدور تدري.. وقالولي ما اقول حق احد.. بس انا قتلهم ماني ساكتة وبفضحها والحين بروح أقول حق أبوي

مشاعل: تعالي قعدي وين رايحة؟ تدرين لو أبوي درى بيذبحها.. سكتي خليني آنا أكلمها.. قعدي هني لا تتحركين

مشاعل راحت غرفة جنان.. وزفتها عدل.. على هالسالفة.. وقالتلها انها هالمرة طوفتها وسكتت نقاء بس المرة الياية ماراح تسكت وتعرف شيتسوي فيها

جنان مسكينة كان حبها عذري يعني بس تليفونات ورسايل.. تدرون قبل الغزو ماكو نقالات وجذي الا القليل
**************************************

شرايكم قلبي؟ ولا تقولون قصير

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اميره البجع كنتي متميزه جدا بروايتج "كافي صدمات"

ولايوقف

ناطرين البارت الياي

حبيبتي شرفتيني
تفضلي يالغالية

السلاااااااااااااااام عليكم والشكر لج حبي اميره لأنج وافقتي تكتبينها ولأنج خصصتيلها من وقتج فدييتج
البنت كلمتني عشان اكتب قصتها بس يوم قالتها لي.. شفت اني ماقدر اعطيها حقها ولا اكتبها مثل اميره والاعتراف بالحق فضيلة
(( وتره البنت تهبل الله يحميها يارب و مثل ماقالت حبيبتي اميره خير الخطائين التوابين ))
وبالنسبه للحلوييييييين اللي قالو يصير نقرا :× انا بقول بالنيابه عن اميره لا مايصير تقرووون
الا المتزوجه :$ :$ صح اموور ؟؟
وانا راح اتابع معااج على طوول الخط
وحبي ديفا القصه مو عراقيه بس اميره حاطه اغاني عراقيه :×
معاااااااااج قلبا وقااالبا ^_^

وعليكم السلالالالالالالام والرحمة
أول شي نزلت الرواية ارتحتي الحيييييييين؟؟ لوووووووووووول
حبيبتي مشكورة انتي لأنج رشحتيني لنقاء.. وحبيبتي ما كو احلى من قصتج وأسلوبج.. الفتاة الهاربة.. للحين اتحلم فيها لووووووووول
حبيبتي كلامج كله عدل وعلى العين والراس
وكفيتي ووفيتي.. صح ريرييييييز انتي كلج صح
حبيبتي حيااااج الله
وشكرا على توضيحج لديفا الغالية
تقبلي احترامي.. ونطريني في روايتج

ناااااااااااااظرينج حبوبه

حبي تفضلي

حلوه بداية القصه ياقلبي لأني احس أنها الهدوء اللي يسبق العاصفه ناطرينج يالغلا مع بارت اطول ...

حبيبتي انتي الأحلى.. وكلامج عدل.. الا قولي عواااصف
تفضلي يالغلا

هلا بأميره
انا عمري عيوزه بس حدي استحي بس بقرا واغمض عيني اذا في شي يخدش حيائي :$
جذي عاد ؟.
من بدايتها موت !!
اشوي ودمعتي تطيح << كله قلبها متروسه

هلا فييييييييييييج.. يالعيوز.. العمر كله ان شاء الله ههههههههههههههه
حبيبتي والله فديت قلبج بس شسوي.. كافي صدمات الموت صار بالنهاية.. وهاذي بالبداية عشان أخلصكم من أول شي
حبي فديت دمعتج

يالله كملي

انا عمري 20 و مو متزوجه بس بقرا

لوووووووووووووووووووول ما تيوزون يا بنات
شرفتيني.. بعد ماقدر أطردج

ناطرينج اميره ..... :balo:

حياج حبي

متابعتج حبيبتي كملي

شرفتني متابعتج
تفضلي

اشواا عمري 20 بس متزوجه حياااتي بدايتها حلوه بس اتعور القلب حراام
وصج اشتقنالج واشتقنا حق اسلوبج حده يشوق
ويتنغ حيااتي

ههههههههههههه العمر كله يااااااااااارب
سلامة قلبج يالغالية
والله آنا اللي اشتقتلكم.. تفضلي حبي

 

[Danya =)]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مرحباا

ويع اكره كل مرت ابو !

مسكينه نقاء احس بتصير حياتها اليايه صعبه ..

تسلم ييدج امييره البجع

بارت روووعة

ناطريييين البارت الياي

 

[ام جنه]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

البااارت رووعه اما ماجده مادري ساجده مادري شنو حدث ولا حرج يعني
كملي حبيبتي ناطرينج بس لو تطولين البارت تنتووفه

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ريريييييييييييييييييييز

انتي متزوججججججججججججه؟؟؟

 

[so_what]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مشكووره على البارت ، وماجده من اسمها مبين انها شريه p: يحليلها نقاء صايره مخبر لول

 

[أم@الحلوين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مشكوووووووره عالبارت اموووره

وناطرين البارت اليديد شوقتينا

 

[كلي حلااا]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يمال العافيه على البارت ياقلبي الأحداث احلوت وماجده هذي ماأظن انها راح ترتاح لين تجنن نقاء ... وبانتظار البارت الجاي

 

[!pink-card!]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

Ahln ahln


We miss u :*


W elrwaya shklha tynn


W8ing elpart elyay

;**

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ريريييييييييييييييييييز

انتي متزوججججججججججججه؟؟؟

لأ :× ماحصلي الشرف لووول

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

فديييييييييييتج والله حدي استانست منصجج .. هذا من حنتنا انا واهي عليج خخخخخ
:$ :$ نزلتيها عشانا مو ؟؟

^_^ فدييتج كملييي حبوووو

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

لأ :× ماحصلي الشرف لووول

@@ عيل انتي ممنوعه من القراييييييييييه<<< لووووول واي اشتبين حاطه دوبج ابدووبها

 

[Low_Fat]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اهوو صج المغازلات غلط وعيب بس ما احب اليهال اللي يفتنون << اهم شي مغازلات ترى مو بدليه هذي كلمه نستخدمها دايما عن عبط
مسكينه الله يعينها على مرت ابوها .. مادري ليش يتليعنون على اعيال ريلهم هالحريم

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

@@ عيل انتي ممنوعه من القراييييييييييه<<< لووووول واي اشتبين حاطه دوبج ابدووبها

لووووووووووووووول انا يدتكم اهني :rgewrg:

 

[cup-cacke]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امييييييييييييره مالي شغل راح اقراها

والله ما جذبت نقاء يوم قالت عنها حيه..يعني شنو راح تستفيد لما تفرق بينهم وبين ابوهم..المفروض تكسبهم لانها اهيا اللي داخله على حياتهم..زين تسوي فيها مشاعل

وهذه بدووور ماشاءالله عليها بدال لا تعقل البنت تروح توديها له!!!!!!!!!!

يعني عادي عندها لو بناتها باجر توديهم


ناااااااااااطرين البارت حيااااتو

 

[:: Diva ::]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

فديتكم شكرا على التوضيح
انا قريت كظيت اخترعت ههههههههههه

جاري قراءة البارت
و عساج على القوه حبي

 

[opera]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

متابعه


اميره ياريت تحطين البارتات باي صفحات .. عشان اذا زادوو الصفحات نعرف وين ما نضيييع


وموفقه

 

[dreamy_83]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يعطيج العاااااااااافية حبي

 

[أروسا]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

انا عومري طعش سنه و زيدي عليهم 5 سنين ,,, يصير اقرا!!!!

القصه شكلها عجيييييييييييب و انتي يا اميره مبدعه دائما

ناطرينج ,,,