روايتي الرابعه ~ قـَرين فجر ~ واقعية 100% .. اللي يخااف لا يدش ReRez

[ReRez]

- 6 -

شهر 5 - 2006

الكل كان متيمع عندنا .. خالي فهد و مرته و بناته شيخه و شيماء .. و خالي أحمد و مرته و اعياله الصغار مشعل ومروه

بالصالة ( تحت ) انا والبنات ( فاطمة و شيخة و شيماء ) قاعدين بروحنا على صوب نسولف

فاطمة : عفية عفية قولي حق ابوج خل نروح هالخميس والله الفلم عجييب لا يطوفنا
شيماء : ماقدر اشفيج والله امي تذبحني قربنا عالفاينلز الحين
فاطمة : اشدعوه عليج تحسسيني انج آينشتاين عادي راح نطلع خميس مو ايام الاسبوع
فجر : والخميس مو يوم من ايام الاسبوع ؟
شيماء و شيخه : ( يضحكون ) اي صح
فاطمة : فجور بلا سخافة انتو فاهمين شقصد
شيخة : اي فاهمين , قصدج ويك اند .. بس تره هم امي ماراح ترضى
فاطمة : مممم .. زين فجور انتي قومي كلميها
فجر : و اشمعنى انا ؟؟
فاطمة : ادري ماراح ترفض اذا كلمتيها الكل صاير يسويلج اللي تبينه
فجر : لا شكو
شيماء : جربي كلميها
فجر : اوكي
- قمت رحت قعدت عند خالتي ساره ( مرت خالي فهد ) و عيون البنات علي -

فجر : خالتي طلبتج
خالة ساره : دام بناتي قاعدين يخزون هالخز معناته اهم مطرشينج
شيخه : ماكو فايده امي جاكتنا جاكتنا
فجر : ( ابتسمت ) زين ميخالف هم طلبتج
فهد : خلاص تم
فجر : لا خالي عفية انا ابي خالتي توافق من خاطرها
خالة ساره : ( اتطالع بناتها ) مو أول اسمع اللي تبونه
فجر : نبي نروح فلم بالسينما هالخميس
خالة ساره : والامتحانات ؟
شيماء : ( بسرعه يت اقعدت يم امها ) يمه عفييييييييه والله بس هاليوم عطينا اوف الدراسه بتطلع من عيني
خالة ساره : زين بس هالمره وماكو طلعه غيرها الا اذا عطلتوا
شيماء : ( باست امها ) مشكووووره
فهد : يستاهلون البنات
سعاد : ( تهز ايدها ) آخر زمن يصير الاتفاق وانا قاعده وبناتي ماخذو شوري
فجر : ( بست امي ) فديييتج والله ادري انج ماترفضين لو قلنالج
سعاد : يمه منكم انتي واختج
ماما آمنة : كل وحده تبوس امها من صوب وناسين يدتكم ؟
( قمنا كلنا .. انا و فاطمة وشيماء وشيخه و قعدنا نلم يدتي و نبوسها )
أحمد : شوي شوي على امي
ماما آمنة : ( تضحك ) خلهم خلهم يا حلوهم
( قمنا انا والبنات رجعنا مكانا نسولف عن يوم الخميس )

ماما آمنة : الف حمد وشكر لك يارب
سعاد : ( تبتسم ) الحمدلله
فهد : على شنو؟؟
ماما آمنة : على هالبنت .. ردت لها عافيتها بفضل الرحمن
خالة هدى ( مرت خالي أحمد ) : اي ماشاءالله اهي الحين ماتييها احلام مثل قبل ؟
سعاد : لا من غيرنا البيت صارت احسن الحمدلله
خالة ساره : لازم تطلعون صدقات .. وتوزعون أكل عالفقاره
سعاد : طلـّعت فلوس الحمدلله
ماما آمنة : ربي يحفظها ويحفظ الجميع يارب
الكل : آمين
----

ويا الخميس و رحنا السينما , خالي وصلنا وراح .. استانسنا وقتها وايد .. خلص الفلم و طلعنا بره القاعه

فجر : ( طالعت تلفوني ) الله يستر اشصاير ؟
شيخه : اشفيج ؟
فجر : خالي داق علي 30 مرة بس ماكان فيه سيرفس من ساعه الا ربع واهو يدق .. لحظه واصلني اكثر من مسج
شيخه : ( تطالع تلفونها ) وانا بعد
شيماء : اشصاير ؟
فجر : ( قريت المسجات ) كلهم من خالي يقول ناطرنا بره
شيخه : نفس المسجات دازهم لي
فاطمة : تره انا اخاف جذي .. اشفيه ليش داق هالكثر ؟
فجر : مادري يارب سترك .. امشوا بنات
( طلعنا بره المجمع .. لقينا خالي واقف عند الباب ناطرنا .. صعدنا السياره وبسرعه مشى )

شيخه : يبا صاير شي ؟
فهد : لا ماكو شي
فجر : عيل ليش داق وايد ؟
فهد : ( ساكت )
فاطمة : خالي قولنا اشصاير
فهد : ( بصوت عالي ) قلت ماكو شي
فاطمة : ( بجت ) دام صرخت اكيد في شي
فجر : ( عصبت يوم شفت فاطمة تبجي ) ليش قاعده تبجين ؟؟
فاطمة : لأن اكيد صاير شي ماتشوفين خالي يصرخ و ويهه مو على بعضه و موراضي يرد على سؤالنا
فجر : ( بصراخ ) وليش تبجين ؟؟ مو شرط يكون فيه شي شين
فاطمة : ( امسحت دموعها وماتكلمت )
- كنت اصرّخ عليها عشان اقص على نفسي .. معني كنت واثقه مليون بالاميه ان في شي موزين صاير -
---

- وصلنا البيت بس خالي ماسفط السياره -

فهد : يللا نزلو كلكم
شيخه : كلنا ؟؟
فهد : اي نزلوا يللا بسرعة
شيماء : بس امي تبينا نرجع عشان ندرس حق الامتحانات
فهد : نزلوا مابي اسمع حجي زياده
فجر : ( طالعت البيت مالقيت سيارتنا ) خالي وين امي ؟
فهد : مو اهني .. بس ساره موجوده داخل مع الخدم
شيخه : امي اهني بروحها ؟؟
فهد : ( بصوت هادي ) تره بديت أعصب وهذي آخر مره اقول نزلوا

- نزلنا كلنا و ريولنا ترجف ماكنت ادري اشصاير ومابي افكر بأي شي شين .. و خالي مشى بسرعة حتى قبل لا اندش البيت -

شيماء : شيخه انا خايفه
شيخة : الله يستر
فاطمة : مابي ادش
فجر : ( مديت ايدي و مسكت ايد فاطمة ) بسم الله ان شاءالله ماكو شي

- كان الباب مطرّف .. دشينا البيت لقينا سوما تبجي و يمها خدامة بيت خالي فهد تواسيها .. و خالتي سارة قاعده وويها فيه كل علامات الصدمة .. شيخه وشيماء راحوا حق امهم و اقعدوا يمها .. وانا ماسكة فاطمة و اطالع سوما وانا مصدومة -

شيخه : يما اشفيكم اشصاير ؟
خالتي ساره : ( ساكته و ماقالت شي )

(سوما شافتني زادت بجي .. بلعت ريجي و رحت عندها )
فجر : سوما اشفيج ؟
سوما : ( تبجي ) ماما كبير مووت

- تخيلوا شكلي وانا اسمع هالخبر من الخدامة .. قعدت اطالعها مو مصدقة اللي سمعته -
فاطمة : ( تصرخ و تبجي ) جذااابه ماما آمنة مافيها شي .. احنا خليناها ومافيها أي شي
( شيخه وشيماء اقعدوا يبجون و امهم تلمهم وتهدّيهم .. وانا ساكته اطالعهم مو مصدقة اللي قاعد يصير )

فاطمة : ( اقعدت عالارض واهي تبجي ) يمه آمنة اشلوون رحتي وخليتينا .. يمه الله يخليج رجعي
( وانا على مكاني واقفه اطالع و جني بحلم و ما انزلت من عيني ولا دمعه )

سوما : ( يت يمي وعيونها حمر ) فجور .. ماما
فجر : ( رفعت ايدي وقاطعتها بعصبيه ) بس مابي اسمع شي
خالتي ساره : فجر حبيبتي تعالي يمي
فجر : ( هزيت راسي ) مابي

( خليتهم وبكل هدوء صعدت حق غرفتي .. قعدت عالسرير وعيني عالارض .. مو مصدقة ان يدتي راحت .. بعد نص ساعة انسدحت و ما انزلت من عيني ولا دمعه .. غمضتها و دعيت اني ابطلها والقى يدتي بالبيت .. نمت ساعه تقريبا بعدها فزيت على صوت بجي وصراخ .. كان صوت بجي امي و البنات .. قمت طلعت بره الغرفة ونزلت تحت و عقلي موراضي يصدق ان امي آمنة راحت.. دشيت الصالة لقيت امي قاعدة عالأرض بعباتها تبجي بصوت عالي و اهي لامه فاطمة اللي تشاهق .. و شيخه وشيماء ميتين بجي عند امهم .. وخالي فهد و خالي أحمد واقفين يهدونهم .. قعدت اطالعهم و ماكو غير تعبير الصدمة على ويهي )

سعاد : ( تبجي و تصارخ ) يمااااا اشلووون رحتي توج مافيج شي .. ياارب اخذ رووحي مكان روووحها بس خل ترجع اهي
فهد : ( عيونه حمر شكله باجي .. قعد يمه امي وحط ايده على جتفها ) بس يا سعاد انتي كبيرة وفاهمه .. موزين اللي تسوينه لازم نهدّي البنات مو نزيد عليهم .. وبعدين اهي راحت بليلة يمعه ( جمعه ) يعني شي زين هذا الحمدلله
سعاد : ( تبجي ) يا فهد توها كانت اهني توها تعشت معاي ماكان فيها الا العافية اشلوووون راحت اشلووووووون
ساره ( مرت خالي فهد ) : خلاص يا سعاد وحدي الله
سعاد : آآآآآه يا يمممممممه آآآه يا حلوة اللبن
أحمد : خلاص سعاد لا تبجين بهالطريقة الميت يحتاج الدعاء مو البجي
(فاطمة تشاهق وتدفن راسها بصدر امي )

- كنت واقفه اطالعهم الكل يبجي وانا واقفه مصدومة اشوفهم .. امي آمنه راحت ؟؟ اشلون وانا مخليتها كانت تضحك وتشوف تلفزيون .. والله كانت بصحتها -

سعاد : ( لامه فاطمة بيد و مدت ايدها الثانيه وطالعتني ) تعالي يمه فجر قعدي يمي
فجر : ( هزيت راسي - لأ - )
فهد : فجور حبيبتي روحي حق امج
ساره : ( تكلم خالي فهد ) تره من اسمعت الخبر واهي ماقالت ولا كلمة
فهد : ( قام يه عندي ) يبه فجر هذا طريج كلنا ماشيين فيه و الموت حق

( هزيت راسي - لأ - .. ماكنت ابي اسمع كلمة من اللي يقولونها كلهم جذااابيين يدتي ماكان فيها أي شي اشلون ماتت فجأة!! )

- تميت بغرفتي مصدومة ما اكلم احد لي ثاني يوم وقت العزا .. الكل يا عندنا بيتنا انترس ناس يعَزّون .. والقرآن شغـّال و الجو كئيب .. رديت اسمع بجي تحت .. هالمره ماكان بجي امي كان صوت البنات .. سورة البقرة شغالة بالبيت و انا مع كل آية فيها اختنق زيادة .. امي آمنة راحت صج ؟؟ .. احس راح انفجر ماقدرت اتحمل اكثر .. ركضت نزلت تحت الكل كان بالصالة الكبيرة .. تعديتهم ورحت الصالة الصغيرة .. المكان اللي تنام فيه يدتي .. بطلت كبتها و قعدت بالارض عند الادراج .. فتحتهم لقيت ملافعها السود اللي تلبسهم 24 ساعه .. شلتهم بيدي وشميتهم .. آآآخ يا ريحتج يا يمه .. بهاللحظة انفجرت وقعدت ابجي بحرقه .. اللي يشوفني يقول هالبجي شايلته بقلبي من اول ما تركنا ابوي و فجرته كله بهاليووم -

( يتني امي وعيونها حمر و متفوخين و يت معاها رفيجتها ام خلف )

سعاد : ( اقعدت يمي و امسكت جتفي ) حبيبتي فجر
فجر : ( تميت لامه الملافع على صدري و دفنت نفسي بصدر امي وانا ابجي بصوت عالي ) ابييي امي آمنة ابييييييهاااا
ام خلف : ( تمسح على شعري ) تعوذي من ابليس و هذا يومها مايجوز تقولين هالكلام
سعاد : ( اقعدت تبجي معاي بس بصوت واطي ) الله يرحمها ادعيلها يمه
فجر : ( وَخـّرْت عن امي وانا اصرخ ) لاااا مامااااتت ماااااااااامااااتت

- دشو علي البنات يهدوني واهم بروحهم يبيلهم اللي يهديهم -

فجر : وخروو عني مابي احد اهني طلعووو بره
( قطيت نفسي على سرير يدتي - الله يرحها - وقعدت اشم الملافع وابجي .. بجيت مددده طوويله وانا اسمع القرآن اللي مشغلينه بالبيت و اختنق زياده و ابجي لييين نمت من غير ما احس )

- مادري اشكثر نمت .. قمت طلعت سمعت صوت امي بالصالة الثانيه تكلم خالتي ام خلف عن وفاة يديتي.. وقفت عند الباب اسمع اللي يقولونه -

سعاد : ( بصوت باجي ودموعها تنزل ) راحت فجأه والله ماكان فيها شي .. البنات سلموا عليها وراحو السينما .. كانت يوعانه وتبي تتعشى .. قلت حق سوما تحط العشى .. كلـَت وقعدنا نشوف مسلسل مع بعض واهي تضحك وتعلق عالأحداث .. كلش ماكان فيها شي كلللش
ام خلف : ربي يصبركم
سعاد : ( تمسح دموعها وتكمل ) كانت توها ماكله من ساعه تقريبا ( واقعدت امي تكمل لها اللي صار )

- ذاك اليوم و بعد ساعه من العشى -

ماما آمنة : سعاد وين الأكل ؟
سعاد : ( انصدمت ) اشفيج يمه تونا تعشينا الحمدلله
ماما آمنة : متى ؟
سعاد : اشفيج يمه ؟ توه قبل لا نشوف الحلقه
ماما آمنة : لا والله ماكليت
سعاد : ( استغربت ) يمه تونا كلينا بيض و فاصوليا حمره
ماما آمنة : ما اذكر !!!
سعاد : زين انتي يوعانه ؟
ماما آمنة : اي خل تحطلي عيش و روب
سعاد : يمه موزين لج العيش هالحزه
ماما آمنة : اللي تشوفينه
سعاد : اسويلج شي خفيف تاكلينه ؟
ماما آمنة : اي ..
( قامت امسكت عكازاتها بتروح الحمام - عزكم الله - واهي تمشي رايحه الحمام كان الطريج وراها كله بول - مكرمين - .. يدتي كانت تمشي و تسويها واهي مو حاسه )

سعاد : ( قامت راحت يمها ) يمه اساعدج؟

( اقعدت يدتي تطالع امي بنظرات سرحانه و ترد تطالع طريجها بنفس النظرات )
سعاد : يمه فيج شي ؟؟
( بس يدتي ماردت على امي و كملت طريجها .. راحت الحمام و امي نادت سوما ونظفت الارضيه .. بعدها يدتي ردت الصالة و انسدحت )

سعاد : يمه فيج شي ؟ تعبانه يمه ؟
ماما آمنة : ( بصوت واطي ) ابي انام
سعاد : ماتبين أكل ؟
ماما آمنة : ابي انام
سعاد : نامي ارتاحي اذا تبين شي تره انا يمج
---

- عند امي و أم خلف -
سعاد : وبس كانت هذي آخر مره اسمع فيها صوتها .. قعدتها بس ماقامت .. و على طول ناديت الاسعاف ورحت معاها .. اسعفوها وايد و دخلوها الانعاش بس ماقامت ( اقعدت تبجي بصوت مقموت عشان لا نسمعها )
ام خلف : كان يومها اللهم لا اعتراض .. و الحمدلله ليلة يمعه و ماتت مرتاحه مو تعبانه و من مستشفى لي مستشفى مثل أغلب العيايز
سعاد : ( تمسح دموعها وترد تبجي غيرهم ) الحمدلله .. الله يرحمج يا يمه

فجر : ( ماقدرت امسك دموعي رجعت مكاني و انسدحت على سرير يدتي و قعدت ابجي من غير صوت ) الله يرحمج يالغالية

وفوق ما ان نفسيتي متحطمة .. صارتلي اشياء كلش مو وقتها وحطمت نفسيتي اكثر واكثر
-----


بنات هالبارت ضايقني وايد عشان جذي ماقدرت امزج المواقف اللي تخوف معاه .. حبايبي أي وحده تقرى هالبارت خل تدعي بالرحمه والمغفرة حق يدة فجر فعلا كانت اتهبّل الله يرحمها

اللهم اغفر للمؤمنين والمؤمنات .. المسلمين والمسلمات .. الأحياء منهم والأموات
اللهم آمين


________________

واقعية 100% اللي تخاف من ( العالم الآخر ) لا تقراها
البارتات صفحه 1 , 6 , 12 , 17 , 25 , 29
--


-

 

[جوري الفيلجاوي]

waitting

 

[جوري الفيلجاوي]

الله يرحمها ويغمد روحها الجنه يااااارب

 

[شيخهـ ..~!]

صج صج صج تضايقت حييييييييييييييييييييييييييييل على يدة فجر
الله يرحمها ويجعل مثواها الجنه
وينور لها بقبرها وجميع موتى المسلمين
***
تسلمين ريريز
يعطيج العافيه
***
البارتات صفحه 1 , 6 , 12 , 17 , 25 , 30

 

[أم@الحلوين]

اخييييييييييييه الله يرحمها ويغمد روحها الجنه

 

[so_what]

الله يرحمها ان شاء الله برحمته و يغفر لها

 

[shoOshii]

skoul out naw atfra8 agra elii 6afniii
bs al.9ra7a ana great chm part o0 gmt a5af f madrii ymkn ans7eeb mn al.89a bs awl shay bdwer a7ad ygra wyay a5af agraha brou7ii eth m7ad r'6a shswii b3ad ans7eb ...........wlah sooory sooory soory kan wdii akmlha bs 7adii e5tra3t .....a5af y9er feni 7ala nfsya b3dain mn hl.ashya2 o0 at5ylhum
ba ma ra7 astslem enshlah alga a7ad ygra m3ay al.part o0 ma ans7eb




:eh_s(22):

 

[أم@الحلوين]

اخييييييييييييه الله يرحمها ويغمد روحها الجنه

 

[nado0osh-q8]

الله يرحمها ويرحم اموات المسلمين
البارتات ص 1-6-12-17-25-30

 

[JaN JaN]

الله يرحمها ويغمد روحها الجنة صج اجواء العزا تكون حييل كئيبه بالبيت الله لا اييب هالايام حق اي بيت


تسلم الايـــــــادي :d




البارتات: 1 - 6 - 12 - 17 - 25 - 30

 

[zqertya]

الله يرحمها برحمته ان شالله ويدخلها فسيح جناته

والله ان قلبي انقمت وادمعت عيني


البارتات :
1 - 6 - 12 - 17 - 25 - 30

 

[ms.balmen]

كسرت خاطري..الله يرحمها و يغفر لها..
نبي بارت

 

[جعفريه و أفتخر]

واي و الله عورتي قلبي الله يرحمها يارب و يغمد روحها و الجنه و يعينهم و يصبرهم.

 

[3rbawia 7lwa]

الله يرحمها و يغفرلها و يرحم جميع اموات المسلمين
اقرولها الفاتحة بنااات

 

[Q8SeaGull]

يعطيج العافية

اندمجت وايد بالبارت شوي وابجي معاهم

الله يرحمها ويغمد روحها الجنه ان شاء الله

وناطرين البارت الياي​

 

[FuTuRe DoC]

آآآخ بجيتيني

الله يرحمها ويغمد روحها الجنه حبيتها حدي

بنات اقروا هالدعاء حق يدة فجر الله يرحمها :

اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار .
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين .
اللـهـم انزله منازل الصديقين والشهداء والصالحين وحسن اولئك رفيقا .
اللـهـم اجعل قبره روضة من رياض الجنة ,ولا تجعله حفرة من حفر النار .
اللـهـم افسح له في قبره مد بصره وافرش قبره من فراش الجنة .
اللـهـم اعذه من عذاب القبر ,وجاف ِالارض عن جنبيها .
اللـهـم املأ قبره بالرضا والنور والفسحة والسرور.
اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
اللـهـم انه عبدك وابن عبدك خرج من الدنيا وسعته ومحبوبيه وأحبائه إلي ظلمة القبر وماهو لاقته .
اللـهـم انه كان يشهد أنك لا إله الا انت وأن محمداً عبدك ورسولك وانت اعلم به.
اللهم ثبته عند السؤال
اللهم انا نتوسل بك اليك ونقسم بك عليك ان ترحمه ولا تعذبه
اللـهـم انه نَزَل بك وأنت خير منزول به واصبح فقير الي رحمتك وأنت غني عن عذابه .
اللـهـم اّته برحمتك ورضاك وقه فتنه القبر وعذابه و أّته برحمتك الامن من عذابك حتي تبعثه إلي جنتك يا أرحم الراحمين .
اللـهـم انقله من مواطن الدود وضيق اللحود إلي جنات الخلود .
اللـهـم إحمه تحت الارض واستره يوم العرض ولا تخزه يوم يبعثون "يوم لا ينفع مال ولا بنون إالا من أتي الله بقلب سليم"
اللـهـم يمن كتابه ويسر حسابه وثقل بالحسنات ميزانه وثبت علي الصراط اقدامه واسكنه في اعلي الجنات بجوار حبيبك ومصطفاك (صلي الله عليه وسلم) .
اللـهـم اّمنه من فزع يوم القيامة ومن هول يوم القيامة وأجعل نفسه أّمنة مطمئنة ولقنه حجته .
اللـهـم اجعله في بطن القبر مطمئن وعند قيام الاشهاد أمن وبجود رضوانك واثق وإلي أعلي درجاتك سابق .
اللـهـم اجعل عن يمينه نوراً حتي تبعثه اّمنً مطمئن في نور من نورك .
اللـهـم انظر اليه نظرة رضا فإن من تنظر إليه نظرة رضا لا تعذبه ابداً
اللـهـم أسكنه فسيح الجنان واغفر له يارحمن وارحم يارحيم وتجاوز عما تعلم ياعليم .
اللـهـم اعفو عنه فإنك القائل "ويعفو عن كثير"
اللـهـم انه جاء ببابك وأناخ بجنابك فَجْد عليه بعفوك وإكرامك وجود إحسانك .
اللـهـم إن رحمتك وسعت كل شيء فارحمه رحمة تطمئن بها نفسه وتقر به عينه .
اللـهـم احشره مع المتقين إلي الرحمن وفداً .
اللـهـم احشره مع اصحاب اليمين واجعل تحيته سلام لك من أصحاب اليمين .
اللـهـم بشره بقولك "كلوا واشربوا هنئياً بما أسلفتم في الايام الخالية" .
اللـهـم اجعله من الذين سعدوا في الجنة خالدين فيها مادامت السموات والارض .
اللـهـم لا نزكيه عليك ولكنا نحسبه انه اّمن وعمل صالحاً فاجعل له جنتين ذواتي أفنان بحق قولك:
"ولمن خاف مقام ربه جنتان"
اللـهـم شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها ابداُُ .
اللـهـم اجعله في جنة الخلد التي وعد المتقون كانت جزاءً ومصيراُ لهم ما يشاءون وكان علي ربك وعداُ ومسئولاً .
اللـهـم إنه صبر علي البلاء فلم يجزع فامنحه درجة الصابرين الذين يوفون اجورهم بغير حساب
فإنك القائل " إنما يوفي الصابرون أجرهم بغير حساب "
اللـهـم انه كان مصلي لك ,فثبنه علي الصراط يوم تزل الاقدام .
اللـهـم انه كان صائم لك , فأدخله الجنة من باب الريان.
اللـهـم انه كان لكتابك تالي وسامع فشفع فيه القراّن وارحمه من النيران ,واجعله يارحمن
يرتقي في الجنة إلي اّخر اّية قرأها أو سمعها وأخر حرف تلاه
اللـهـم ارزقه بكل حرف في القراّن حلاوة , وبكل كلمة كرامة وبكل اّية سعادة وبكل سورة سلامة وبكل جْزءٍ جَزاءً .
اللـهـم ارحمه فانه كان مسلم واغفر له فانه كان مؤمنً.
وادخله الجنه فانه كان بنبيك مصدقً وسامحه فانه كان لكتابك مرتل.
اللـهـم اغفر لحينا وميتنا وشاهدنا وغائبنا وصغيرنا وكبيرنا وذَكّرنَا وأنثانا .
اللـهـم من أحييته منا فأحيه علي الاسلام ومن توفيته منا فتوفه علي الايمان .
اللـهـم لا تحرمنا أجره ولا تضللنا بعده .
اللـهـم ارحمنا اذا اتانا اليقين ,وعرق منا الجبين ,كشر الانين والحنين
اللـهـم ارحمنا اذا يئس منا الطبيب ,وبكي علينا الحبيب وتخلي عنا القريب والغريب
وارتفع النشيج والنحيب .
اللـهـم ارحمنا اذا اشتدت الكربات وتوالت الحسرات واطبقت الروعات وفاضت العبرات ,
وتكشفت العورات وتعطلت القوي والقدرات .
اللـهـم ارحمنا اذا بلغت التراقي وقيل من راق وتأكدت فجيعة الفراق للأهل والفراق
وقد حَمً القضاء فليس من واق
اللـهـم ارحمنا اذا حملنا علي الاعناق ألي ربك يومئذ المساق وداعا ابديا للدور الاسواق والاقلام
والاوراق الي من تذل له الجباه والاعناق .
اللـهـم ارحمنا اذا ورينا التراب وغلقت القبور والابواب وانقض الاهل والاحباب فإذا الوحشة والوحدة وهول الحساب .
اللـهـم ارحمنا اذا فارقنا النعيم وانقطع النسيم وقيل ماغرك بربك الكريم
اللـهـم ارحمنا اذا أقمنا للسؤال وخاننا المقال ولم ينفع جاه ولامال ولا عيال وقد حال الحال وليس الا فضل الكبير المتعال .
اللـهـم ارحمنا اذا نَسي اسمنا ودَرس رسمنا وأحاط بنا قسمنا ووسعنا .
اللـهـم ارحما اذا اَهملنا فلم يزرنا زائر ولم يذكرنا ذاكر ومالنا من قوة ولا ناصر فلا امل الا في القاهر القادر الغافر يامن اذا وعد وفي , واذا توعد عفا , وشفع يارب فينا حبيبنا المصطفي واجعلنا ممن صفا ووفا وبالله إكتفي يا ارحم الراحمين ياحي يا قيوم يا بديع السموات والارض ياذا الجلال والاكرام .
اللـهـم انه عبدك و ابن عبدك و ابن امتك مات و هو يشهد لك بالوحدانية و لرسولك بالشهادة فأغفر له إنك انت الغفار.
اللـهـم واجمعنا معه في جنات النعيم يا رب العالمين .
اللـهـم انزل علي اهله الصبر والسلوان و ارضهم بقضائك.
اللـهـم ثبتهم علي القول الثابت في الحياه الدنيا وفي الاخره ويوم يقوم الاشهاد.
اللـهـم صلي وسلم وبارك علي سيدنا محمد وعلي اّله وصحبه وسلم إلي يوم الدين

ثاانكس ريريز على البارت

 

[sweety_love2]

ناطرينج نااااااااااااااااااااااااااااااااااااااااااااطرينج ريريز
بس ما اقول غير يا سلام عليج وعلى الي تكتبينه من قصص واقعيه

 

[dr.maha]

السلام عليكم اختي ريريز

انا كنت ماتبعه كل رواياتج الأربعه

مشالله تبارك الرحمن من اورع الرويات الي أقرها ..كنت اتابع بصمت

انا سجلت بالمنتدى عشان اشجعج اكثر :eh_s(22):

و اشكرج على جهودج

و بالنسبه حق هالروايه :: احم ترى انا خواااااااااافه من هالسوالف:eh_s(22):

أذكر لما اول مره قريت الساعه 3 الفير << كان علي امتيحان رياضيات

و ماخذه بريك قلت اقرى روايتج اليديده

الله لا يوريج مو اختبص قلبي إلا رحت فيها ..بطلت ليتات البيت كلها من الخوف ..:eh_s(4):

بس قلت بقرا يعني بقرا ..ما اقدر اطوف شي من ريريز ..

اول مشاركه لي بالمنتدى حق روايتج

و بالنسبه للبارت :: الله يرحمها و يجعل قبرها روض من رياض الجنه و يسكنها فسيح جناته ..

ناطرين حبيبتي :eh_s(22):

 

[sweety_love2]

ناطرينج نااااااااااااااااااااااااااااااااااااااااااااطرينج ريريز
بس ما اقول غير يا سلام عليج وعلى الي تكتبينه من قصص واقعيه

 

[ReRez]

مشكورين بنات عالدعوات الحلوه جزاكم الله الف خير

( فيوجر دوك )
مشكووره بعد عمري والله دمعت عيني .. بلعومي يعورني و انا اكتب هالرد

ماقصرتي عالدعاء مشكوره بعد عمري

مشكورين بنات كلكم وحده وحده