روايتي الرابعه ~ قـَرين فجر ~ واقعية 100% .. اللي يخااف لا يدش ReRez

[MiSS_TearSs]

رد : روايتي الرابعه ~ قـَرين فجر ~ واقعية 100% .. اللي يخااف لا يدش ReRez

صراحه يعجز لساني عن شكرج حبيبتي

يعطيج الف عافيه وماقصرتي على كل شي وصج صج القصه فيها عظه وعبره

واشكرج على الادعيه

وصج ان القصه فيها احداث تخوف بس تعتبر احداث طبيعيه حق شخص ملبوس والعياذ بالله



والله يثبتها على الي اهيا في وياخذ حقها من ظالمينها يارب اميييييييييين و يارب تنسى الي صار لها وتعيش سعيده اميييين


cu​

 

[Aboosah]

وصلت للبارتي سبعه وماقدرت اكملللللللله >>>خواااااااااااااااافه



بسسس ماشالله خووووش رووايه تمنيت اضم فجووووووووور

 

[المكسيكيه]

بنات هالبارت ممكن يكون قصير بس انا اشوفه كااافي اختصرت اللي صار فيه عشاني وعشانكم لأن نفسيتي تتعب وايد واانا اتذكر اللي صار والعياذ بالله

بهالبارت بتتعرفون اكثر على هالقرين .. اللي يخاف لا يقرااااه و تره عادي اذا طوفتوه ماكو مشاكل لأن البارت هذا كله

exorcist والعياذ بالله
---

- 9 -

- مر اسبوع و وصل الشيخ عبد الحافظ من البحرين .. اتفقت معاه ايي بيتنا بعد صلاة العصر .. و عالساعه ثنتين الظهر دزيت مسج حق اخواني فهد و أحمد قلتلهم اييون الحين .. وبعد نص ساعه كانت فجر منسدحة عالسرير بالصالة وتطالع تلفزيون .. جان ينطق جرس الباب -

فجر : ( فزّت و اقعدت عالسرير ) منو يالنا ؟
سعاد : ( طالعتها و آنا خايفه ) خوالج يمه
فجر : ليش يايين ؟؟
سعاد : بس جذي يزورونا

( قمت أبطل لهم الباب )
فهد : اشلونكم .. ها وصل ؟
سعاد : هلا والله تفضلوا .. لا راح يوصل بعد صلاة العصر .. بس عفية لحد اييب طاريه مابيها تدري
أحمد : ان شاءالله

( دشينا الصالة لقيناها منسدحة و ويهها عالطوف )
سعاد : فجر يمه خوالج يو ماتسلمين عليهم ؟
( ماردت علي كانت مغمضة عينها تسوي روحها نايمه )
سعاد : ( أشرت حق اخواني عشان محد يتكلم عن الشيخ ) حياكم .. ها فهد اشلون فاطمة معاكم ؟
فهد : زينه الحمدلله .. مستانسه مع البنات بس فاقدتكم
سعاد : احنا بعد فاقدينها اهني .. بس احسن لها تقعد عندك عشان دراستها

( مرت ساعتين و احنا قاعدين .. وفجر على حطتها نايمه ماعطيتنا ظهر )
أحمد : ( يطالع ساعته ) هذا متى ايي وراي شغل آنا
فجر : ( قامت و اقعدت تطالعني ) منو اللي راح ايي ؟؟
أحمد : وعليكم السلام خالي
فجر : ( طالعته وماردت عليه ) يمه منو اللي بيي ؟
سعاد : فجر حبيبتي عيب سلمي على خوالج
فجر : ( قامت سلمت عليهم وردت اقعدت عالسرير ) منو اللي بييلنا ؟؟

( رن تلفوني وكانت اللي داقه ام خلف )
ام خلف : سعاد انا وصلت و الشيخ بعد توه وصل اثنينا عند الباب
سعاد : ( بصوت متوتر ) خلاص الحين افتح
ام خلف : ان شاءالله مايصير الا كل خير لا تحاتين
سعاد : ان شاءالله ( سكرت التلفون وقمت لبست عباتي وملفعي عشان افتح لهم الباب )
أحمد : ( عرف ان الشيخ وصل ) خليج انا افتح
فجر : ( اوقفت ) تفتح حق منو ؟
فهد : تعالي حبيبتي هذي ام خلف
( راحت عند فهد اقعدت يمه جان يحاوطها بيده )

- عند الباب -
أحمد : السلام عليكم تفضلوا .. تفضل يا شيخ
الشيخ : وعليكم السلام ورحمة الله وبركاته
( بعد ما اوصلوا عند الصالة )
الشيخ : لو سمحت خل اللي داخل يتغطون
أحمد : ان شاءالله ( دخل علينا الصالة مع ام خلف ) تغطوا راح يدخل
فجر : ( خافت و قربت حيل من فهد ) منو بيدخل ؟
سعاد : ( خذيت ملفع و عباية و رحت عند فجر ) لبسي يمه
فجر : ليش ؟؟
فهد : فجر اذا لي عندج خاطر لبسيهم
فجر : زين ليش ؟
سعاد : يمه في واحد عند باب الصالة وبيدش يشوفج ولازم تلبسين
فجر : منو هذا و شيبي ؟؟ وبعدين انا مو متحجبه ليش البس ؟
أحمد : ( بعصبيه ) خلصيني لبسي الريال بيدش
فهد : ( خذا الملفع والعباية مني و لبسهم فجر ) خله يدش
فجر : ( امسكت دشداشة فهد وكانت حيل خايفة ) خالي مابي الله يخليكم مابي
فهد : ( باس راسها ) ميخالف حبيبتي .. ميخالف كلنا معاج

- دخل علينا الشيخ عبد الحافظ -
الشيخ : السلام عليكم ورحمة الله وبركاته
الكل ماعدا فجر : وعليكم السلام ورحمة الله وبركاته
أحمد : تفضل يا شيخ
الشيخ : ( قعد و اهو يطالع فجر اللي كانت متمسكه بفهد حيل ) انتي فجر ؟
فجر : ( طالعته و اهي خايفه حيل ) اي
الشيخ : تعالي يمي بارك الله فيج
فجر : ( طالعتني و طالعت فهد ) لا مابي
الشيخ : خلاص على راحتج خليج مكانج
( قعد جدامها اهي و فهد و بدى يقرى قرآن بترتيل عجيب )

( بيّن الألم على فجر و بدت تصدّع .. جان تقوم توقف .. الشيخ ماقطع القرآن بس أشـّر لنا عشان نمسكها )
فهد : ( قام مسك فجر ) تعالي يبه قعدي كلنا معاج لا تخافين
فجر : ( بصوت متوتر ) لا مو خايفه .. بس شوي بروح الحمام .. ماراح اطوّل
فهد : ( يطالع الشيخ ) اخليها
الشيخ : ( قطع القرائه ) لا ييبها اهني
فهد : ( مسك فجر من زندها واهي تحاول تفلـّت جسمها ) حبيبتي فجر لا تخافين
أحمد : ( بصوت عالي ) قعدي فجر خلاص عاد
( فجر اقعدت جدام الشيخ و اهي ترجف )
الشيخ : انسدحي على جنبج اليمين و عطيني ظهرج
فجر : ( طالعتني بخوف و اهي تبجي ) يمه مااابي خلاااص الله يخليييج
سعاد : ( تقطـّع قلبي عليها ) ميخالف يمه بعد عمري انتي .. سوي اللي يقولج عليه
أحمد : ( يا عند فجر و مسكها ) انسدحي فجر يللا سمعي الحجي

( انسدحت فجر و عطت الشيخ ظهرها .. و اهو قعد على اركبه وراها و انحنى شوي .. و سوى اصابع ايده اليمين مثل البوق و حطها على اذنها وقعد يتعوذ من الشيطان ويسمي بالرحمن و أذ ّن )
الشيخ : الله اكبر الله اكبر .. اشهد ان لا اله الا الله .. اشهد ان لا اله الا الله

( و اهو يأذن فجر اقعدت ترجف حيل و كل شوي تحاول تقوم .. جان يحط ايده الثانية ورى ارقبتها مسكها حيل و بدى يقرى قرآن و يرتـّل بـ اذنها .. بعد ربع ساعه فجر اتعبت حيل .. بدى لونها يتغير و اقعدت ترجف و تنافض و لونها يتغير لي السواد .. فجر بنتي البيضه حيل .. قاعدة تقلب بنفسجية جدام عيني .. اقعدت تعض شفتها اللي تحت واهي مغمضه عيونها و توّن )

( الشيخ مسكها و سدحها على ظهرها و اهو يقرى و يعلي صوته و اهي غيّبت واقعدت تنافض وتوّن .. و اهو يقرى قعد يطالع ايدها و اريولها ولاحظ ان ريلها اليسار تنافض أكثر من باجي الأعضاء .. حط ايده على ريلها و ضغط عليها حيل و كمـّل يقرى و ريلها اقعدت تنافض زياده .. أشر لنا عالزبالة - عزكم الله - عطيناها اياه حطها يم فجر و خذى بطل فيه ماي مقري و بطـّل حلجها و خله الماي يصب فيه و بدى الماي يطلع من حلجها و خشمها .. بعدها اقعدت اتكح و ترجّع بالزبالة )

سعاد : ( قعدت ابجي على منظر بنتي ) الله يشافيج يا حبيبتي ربي يشافيج و يريحج من اللي فيج
ام خلف : ( امسكتني تهدّيني ) تبين اوديج داخل ؟
سعاد : لأ بقعد عند بنتي ماقدر اخليها
ام خلف : زين اهدي ان شاءالله راح تتحسن
سعاد : ان شاءالله

( بدى الشيخ يقرى رقية شرعية )
الشيخ : أعوذ بكلمات الله التامات من شر ما خلق .. أعوذ بوجه الله الكريم .. وبكلمات الله التامات .. التي لا يجاوزهن بر ولا فاجر .. من شر ما ينزل من السماء .. ومن شر ما يعرج فيها .. ومن شر ما ذرأ في الارض .. ومن شر ما يخرج منها .. ومن فتن الليل والنهار .. ومن طوارق الليل .. الا طارقا يطرق بخير يا رحمن
( و رد يرتـّل آيات من القرآن الكريم )

اهني سمعت صوت وقـّف كل اشعره بجسمي .. صوت يطلع من حلج بنتي بس اهو مو صوتها .. كان صوت ريال .. صوت مبحوح )

" خلااااااااص بسسسس بسسسسسس "

( فهد و أحمد و ام خلف و آنا كلنا لا شعوريا رجعنا لي ورى .. انصدمنا ان هالصوت طلع من فجر بس الشيخ ما تحرك تم ماسك ريلها و اهو يقرى بصوت عالي )

" خلااااااص اسسسسسكـــــــتتتتت اسسسسسكــــــــتتتتتتتتتت "
الشيخ : ( وقـّف قرآن ) من انت ؟
" انا جنـّي مكلـّف بالسحر "

( قعدت ابجي بحرقه ما ادري كنت ابجي من الخوف او ابجي على بنتي المسكينة مادري بس كنت ابجي و اتعوذ من ابليس )
ام خلف : خلاص سعاد امشي ندخل داخل
سعاد : انتي روحي انا بقعد اهنييي
الشيخ : ( يأشر لنا ) اششششش
( أحمد كان عاقد حواجبه و عاض شفايفه ويطالع فجر اللي طايحه و لونها ازرق .. و فهد قام يا عندي و مسك ايدي )

الشيخ : اشلون دشيت فيها ؟
( ماكو أي رد )
الشيخ : رد علي
( ماكو رد .. الشيخ مسك ريل فجر و رد يقرى و يرتـّل )

بصوت مبحوح " خلااااص راح اجاااوب راااح اجااااوب "
الشيخ : اشلون دشيت فيها ؟
" اهي داست علي "
الشيخ : وانت وين كنت ؟
" عند باب بيتهم "
الشيخ : من وكلـّك بهالسحر ؟
( ماكو أي رد )
الشيخ : رد علي من وكلـّك بالسحر ؟؟
" امرأة حاقدة على فجر بنت سعاد "
الشيخ : شنو اسمها ؟
" ماقدر اقول "
الشيخ : ليش ؟
" بس ماااقدر ماااقدر "
الشيخ : زين اهي امرأة غريبة و لا قريبة ؟
" يمكن قريبه و يمكن غريبة "
الشيخ : اهي من ناحية أم فجر أو من ناحية أبو فجر او تعرف فجر شخصيا ؟؟
" من ناحية الوااااااااالد "
الشيخ : في أي دولة تم السحر ؟؟
" ....... " ( قال اسم دولة عربية )
الشيخ : و من متى انت ساكن جسد فجر ؟
" من 4 سنوات "
الشيخ : انت مأمور تأذيها من أي ناحية ؟
" أأذيها براحة البال والصحة و بالرزق و النصيب و الزواج و كل شيء "
الشيخ : انت يهودي ؟
" انا صبـّي "
** من الصابئة .. سويت عنهم سيرج طلع جماعة يعبدون الكواكب وبعضهم يعبد الملائكة **

الشيخ : قول اشهد ان لا اله الا الله واشهد ....
( بصوت مبحوح و يخوّف ) " ماقدر يذبحوووني "
الشيخ : منو اللي يذبحك؟
" اللي أكبر مني "
الشيخ : اذا اسلمت روح مكة و كلـّم الجان المسلمين قولهم انا اسلمت على يد الشيخ عبد الحافظ المبيضين و اهم راح يحمونك
" مااااقدر .. ماااقدر "
الشيخ : قول أشهد ان لا اله الا الله
( زاد الصوت يصارخ .. وسمعت صوت فجر يقول نفس الكلام بس كان صوتها واطي .. يعني الكلام ينقال بصوت فجر و صوت القرين اللي فيها )
" مااااقدر أسلـِم "
الشيخ : قول أشهد ان الا اله الا الله
" انأنو ان نا اناهه انا النااااه "
الشيخ : قولها عدل
" انأنووو أن نا اناااهه انااا الناااه "
الشيخ : ( يكلم أحمد ) أبي واير
أحمد : ( طالعني ) سعاد من وين اييب واير ؟
( مارديت عليه كنت مثل المشلوله دموعي تنزل و اطالع بنتي بصدمة .. قامت ام خلف راحت المطبخ خذت سجينه و يت طفت البلاك و قصـّت واير الكهربا مال محول التلفزيون )
ام خلف : ( عطته الشيخ وايدها ترجف ) تفضل

( الشيخ مسك الواير ولفه صار عبارة عن قطعتين .. و بدى يقرى قرآن و يطق فجر على فخوذها و ساقها .. اهو يطقها وانا أحس الطقـّه بقلبي .. كنت ابجي بحرقه دموعي تنزل و حابسه صوتي عشان لا أخرب شغل الشيخ )

فجر : ( توّن بصوت ريّال وتنافض ) مممممممممم ااااااههههههههههحححححح
الشيخ : ( يطقها بالواير ) بسم الله الرحمن الرحييم ( ورد يقرى قرآن )
" خلاااااااااااااص .. خلااااااااااص "
الشيخ : آمرك بالخروج من هذا الجسد
" راح اطلع راح اطلع .. بس مابي اسلـِم "
الشيخ : يللا اطلع
( بدى ويهها يغمج زيادة و ينتفخ .. و عيونها برزت اكثر )
الشيخ : ( حط ايده على عيونها ) لا تروح صوب العين
" زين "
( بعدها ارتفعت ايد فجر ورجع اصبعها الصغير لي ورى )
الشيخ : ابي ابره بسرعة
سعاد : ( كنت تعبانه حيل من المنظر ) ام خلف بدرج التلفزيون فيه علبة خياطة
( راحت يابت الابره من الدرج وعطتها الشيخ )
الشيخ : الحين بفتحلك فتحه اطلع منها .. بسم الله الرحمن الرحيم
( مسك اصبع فجر و غزه بالابره .. بعدها طاحت ايدها و اقعدت ترجّع وايد و الشيخ يقرى قرآن واهي ترجّع .. لين هدت .. و كمل الشيخ يقرى ويرتل و فجر افتحت عينها واقعدت اتطالعني وتطالع الشيخ وتطالع خوالها )
الشيخ : من انت ؟
فجر : ( بخوف ) انا فجر
( حط ايده على بلعومها و راسها وقعد يقرى بترتيل لمدة نص ساعة و فجر على حطتها مصدومه و تطالع الشيخ بس ماصار فيها أي شي )

الشيخ : ( وخر ايده عن فجر ) الحمدلله على السلامه
سعاد : ( مت بجي و رحت لميت بنتي ) الحمدلله مشكوور يا شيخ جزاك الله خير
( فجر من الخوف ماتبي تسأل عن اللي صار بس كانت تلمني وتبجي معاي )
الشيخ : فجر شتحسين فيه ؟
فجر : احس اني مرتاحه
الشيخ : و بعد ؟
فجر : و ريلي تعورني
سعاد : ( خفت وقعدت اطالع الشيخ ) اشفيها ؟
الشيخ : عادي ريلها تعورها من الضرب
فجر : ( مستغربه وتطالعني ) شنو ؟
سعاد : ( لميتها وبستها ) ماكو شي يا بعد عمري الحمدلله انتي الحين بخير
( الشيخ رد يقرى قرآن و فجر تسمعه و اهي مرتاحه ولله الحمد )
الشيخ : الحمدلله .. فجر ممكن تروحين شوي انا بكلم اهلج بروحنا
ام خلف : حبيبتي تعالي معاي

( راحت ام خلف الصالة الثانية .. و تمينا انا و اخواني مع الشيخ )
الشيخ : الحمدلله اهي الحين بخير وصحه .. واللي فيها راح بفضل الرحمن
الكل : الف حمدلله
الشيخ : واللي كلنا سمعناه ان اللي ساحرتها امرأة من طرف الأب .. واللي عرفته منكم ان ابوها مطلق من فترة طويلة
سعاد : اي مطلقني من 20 سنة تقريبا
فهد : و منو هالمره يعني ؟
سعاد : ان بعض الظن اثم .. بس من قبل 4 سنين فجر راحت بيت سالم .. واهناك تهاوشت مع مرته .. هذي كانت اول مره تروح تدخل بيته
الشيخ : مثل ماقال السحر كان عند بابكم و المقصود فيه فجر نفسها .. وفجر داست عليه و دخل فيها .. و كان ساكن ريلها اليسرى تحت الركبة
سعاد : ( بجيت على بنتي ) حسبي الله ونعم الوكيل باللي كان السبب
الشيخ : الحين اهي بخير ولله الحمد بس لازم تحصنون نفسكم بالأدعيه على طول و عندي نصايح.. ان شاءالله ان مشيتوا عليها مايصيبكم أي أذى بإذن الله بس اول نادوا فجر ضروري تسمع اللي بقوله
---


بنات باجر البارت الأخير .. واهو عباره عن نصايح الشيخ عبد الحافظ + حياة فجر حاليا و شنو صار معاها


________________

واقعية 100% اللي تخاف من ( العالم الآخر ) لا تقراها
البارتات صفحه 1 , 6 , 12 , 17 , 25 , 30 , 35 , 49 , 55
--


-

مرحبا
حبيبتي يسلمووو على الروايه الروعه الصراحه
وانا دريت انه مرت ابوها ام السحوره سوت السحر من اول ماكنت حست بنفس بارد صوب رقبتها
حسبي الله عليها من مره
ومشكوره
الحين بكمل البارت الاخير:eh_s(2):

 

[المكسيكيه]

شوفي علنها الروايه من فتره توني قريتها
بس قلبي تقطع على فجر
يسلمووو الايادي وانا فرحت حق فجر لانها ردت بصحه وعافيه والحمدلله حالتهم تعدلت الله لا يغير عليهم ان شاء الله
ربي يحفظج ويرزقج بالذريه الصالحه حبيبتي

 

[G!RLooNa]

ريريز حلاتج حامل الله يتمم عليج استانست لما شفت شريط الحمل بتوقيعج

انتي ما كنتي متزوجه صح ايام ماكنتي تنزلين الروايات ولا انا مخرفه

 

[bitter-sweetness]

الروايه عجيبه عجيبه عجيييييييييييييبه
يعطيج الللف عافيه ريريز

و الله يهون حملج و يسهل ولادتج يااارب

 

[ReRez]

مشكورين بنات عالمتابعه وعسى ربي يحميكم من كل شر اللهم ااامييين


جيرلوووناااا بعد قلبييي والله لج وحشه رفسي علي باب الخاص خل اندردش
اي والله ماكنت متزوجه بس بعد ما انقطعت عن المنتدى تزوجت و مشكووره عالدعوه الحلوه

ومشكوره حبيبتي *بيتر سويتنس عالدعوه وعلى متابعتج

 

[بتبوتااا]

يعطيج الف عافيه حياتي على نقل القصه قريتهاا كامله ومادري ليش حسيت اني اشوف القصه بعيوني صج طريقتج بسرد القصه مدمج حيل

والف الحمدلله انهاا تعافت ورت لهم حقوقهم وحسبي الله ونعم الوكيل في مرت ابوهم وجهنم بتشووف بعينهاا ان شاء الله

 

[ReRez]

مشكوره بتبوتا عالمتابعه و عالرد الرائع عسى ربي يسهل ولادتنا انا وانتي وكل بنات التجمع وكل حامل يارب

 

[دلوعه و افتخر]

القصه رووووعه



الله يشفيج و تاخذين حقج و تنسين الكوابيس


يسلموو

 

[جروح الحب]

يعطيييييييييييييييييج العافيه حبيبتي والحمدالله الله ما ينسى عبده وانه يمهل ولا يهمل ومرت ابو فجر راح تاخذ عقابه بالدنيا واذا ما خذته بالدنيا راح تاخذه بالاخره

 

[سالم الروح]

قريت البارت الأول وين التكمله ,,, مكسينه فجر كسرت قلبي

ومشكوره يعطيج العافيه

 

[سالم الروح]

بليز ابي رقم الصفحات اللي فيهم البارتات ابي اقراها ورابعض

 

[cute lulu]

يعطيجـ العافيهـ علىـ القصهـ

والله يرحمـ يدت فجر وان شاءالله تاخذ حقها وصجـ تاثررررررررررررررت

 

[DF.JB]

يعطيج العافيه ريريز
اسلوووبج روووعه
الحمدلله ان فجر راح اللي فيها
الله ينتقم منها وعسى الله ما يوفقها لا دنيا ولا آخره
والله يوفق فجر في حياتها
ويوفقج ويسهل ولادتج وتمين طول عمرج عايشه بسعاده آآآمين

ناطرين جديدج حبيبتي

 

[DF.JB]

لعيونج
Up Up Up Up Up

 

[G!rla q8ya]

يعطيج الف عااااااافية الروااااية ابداااااااااااااااااع



اب

اب

اب​

 

[G!rla q8ya]

up up up

 

[كتبت احزاني بورقه]

مـــــره مــــره نـــايــــس قـــلـــبــو ما شـــاء الله فـنــاانــــه عاجــبـنــــي اســــلــوبــج حـــــيــــــل
حــــــــــيـــــــل فـــــديـــــتــــج

 

[ღرحت فيهاღ]

قوووة ريريز بنات خالتي قرو قصتج كزوار وقالولي ياها بعدها نسيت القصة ودشيت المنتدى جان اشوفها اول شي قريت ليمن نسمه الي فجر تكون شابكة على اللاب وبعدها خفت بس امس شجعت وقريتها والحمدالله انكسر حاجز الخوف الي عندي وانشالله فجر تكون اب احسن صحة وعافية اهي واهلها واحبابها ومشكوووووووووووورة على القصة الروعة 