روايتي الثانية ...(( ضاعت حياتي بلحظة )) ... قصة واقعية .. ReRez

[تنـــاســـانــي]

اهئ اهئ اهئ ،،

ناطرتج ،، القصه تشوق ،،


ياليتني مادخلت الا لمن خلصت نفس الفتاة الهاربه

بث نصيبي ،، اذا ماخصتيها بسرعه راح األف القصه معاج

 

[الصبر له حدود]

بعد عمري خوووووووووووووووووووووووووووووووووووووووووووووووووووووووووووووووش روااااية بس واااقعية والبنية تعرفينها معرفة شخصية .. لاتخلينها مهما صار .. ودعواتي لها ياحلووه ..لالالالالالالالالالالالالالالالالالالالالالالالالايووووووووووووووووووووووووووووووووووووووووووووقف ..

 

[oranGe~Girl]

يمااااااااا شنو هذا

عواااااار قلب

بعد عمري روان الله يعينها ويصبرها

انا مادري الحين شنو صاير عليها

بس الله يعطيها ع قد نيتها واكيد بشووف شنو صار لها بالبارتات الياية

ناطرتج حبوبة

 

[ReRez]

واعليه تكسر الخاااطر مسكيييينة الله يعيينها ما اتخيل نفسي مكاااااني

خنقتني العبرة :0bee2e8d89::0bee2e8d89:

الباااااااااارت عجيييييب

يعطييج العاافية حبيبتي

ناااااااااااااااااطرينج :ggdw:​

انتي العجيييبه بعد قلبي :ggdw: ومشكوووره عالمتابعه فديتج

 

[q8ya-barby19]

عندي عرس حرام عليج خربت مكياجي ليش بجيتيني حيل بروحي كنت مضايقه وزودتيها علي الله يسامحج

مسجينه يا روان كسرت خاطري وقطعت قلبي تقطع

الله يسهل عليها ويرحم اهلها برحمته

 

[ReRez]

اهئ اهئ اهئ ،،

ناطرتج ،، القصه تشوق ،،


ياليتني مادخلت الا لمن خلصت نفس الفتاة الهاربه

بث نصيبي ،، اذا ماخصتيها بسرعه راح األف القصه معاج

ههههههههههههههه اي الله يعيينج .. انا اقول دام مافيج صبر دشي كل ويك اند تكونين محوشه 6 بارتات حلوين ولا اشرايج؟؟
:gathering:

 

[ReRez]

بعد عمري خوووووووووووووووووووووووووووووووووووووووووووووووووووووووووووووووش روااااية بس واااقعية والبنية تعرفينها معرفة شخصية .. لاتخلينها مهما صار .. ودعواتي لها ياحلووه ..لالالالالالالالالالالالالالالالالالالالالالالالالايووووووووووووووووووووووووووووووووووووووووووووقف ..

اي البنت اعرفها وربي يوفقها دنيا وآخره .. وتسلمين عالدعوات بعد قلبي :tek:

 

[ReRez]

يمااااااااا شنو هذا

عواااااار قلب

بعد عمري روان الله يعينها ويصبرها

انا مادري الحين شنو صاير عليها

بس الله يعطيها ع قد نيتها واكيد بشووف شنو صار لها بالبارتات الياية

ناطرتج حبوبة

تسلمين عالمتابعه اورانج العسل :eh_s(6):

 

[ReRez]

عندي عرس حرام عليج خربت مكياجي ليش بجيتيني حيل بروحي كنت مضايقه وزودتيها علي الله يسامحج

مسجينه يا روان كسرت خاطري وقطعت قلبي تقطع

الله يسهل عليها ويرحم اهلها برحمته

ويييي مااادري لو ادري ان عندج عرس جان مانزلت البارت :tomato2:
يللا ربي يسهل عليها وعلى جميع المسلمين .. فديتج عالمتابعه حبوو

 

[عاشقة المسك]

رورو متى البارت؟؟

 

[ReRez]

الساعه 10 :× لاتعصبوووووون بس انشغلت شوي والحين بكمل البارت ان شاءالله 10 نازل ^^

بـــــــ( أحبكم )ــــــرب

 

[قلبي وينك]

عاد انا امس الساعه 9 احاول ادخل وادخل كسرت المنتدي ولا اي صفحه راضيه تفتح لي كله يطلع لي error ما ادري ليش
تعودنا علي جرعاتج ReRez
الساعه عشره يعني بعد نص ساعه بتوقيت الامارات بس بتوقيت الكويت ما ادري

 

[ReRez]

لوووووووووووووووووووووووووووووووول حلوه بعد نص ساعه خخخخ
احنا الحين عندنا بعد ساااعه ونص ^_^
بس تدرون شكلي خلاااص راح انزلها بعد نص ساعه يعني 9 بتوقيتنا لأن جد جد جد قفلت مخي ضاااارب ماني قادره اكمل البارت
بنزله مو كامل لأن ماقدر اكتب ولا ابي اخليكم تنطرون وما انزل شي ..

بس والله حاولت اكتب ماقدرت ما اشوف عدل و كله بدليات وارد امسح حالتي كسييفه ..

المهم الساعه 9 بعد نص ساعه انزل الموجود عندي على ما اظبطه
وييييييييييييييييت

 

[خلودهـ]

آنزين لآتطوليين علينــآ D×
من آول مسنترهـ هني آشووف نزل ولآ لآ لووووووول
تيت وآحنــآ بعد (k)

 

[ReRez]

الله يبعد عنكم شر السهر والتخريييييف .. لووووووووول انا الحين قمت اخرف ماشوف عدل عادي طوفو اذا البارت فيه بدليات
^_^

 

[cute princess]

عاشت ريرز :ggdw:
وعاشت ريرز :ggdw:

يلا يلا يلا ناطرين البارت لا تطولين ! باقيلج 8 دقايق بالضبط !

 

[ReRez]

** البارت الرابع **

- روان ارجعت بيت عمها لقت اخوانها للحين نايمين –
روان : ( اتطالعهم واهم نايمين ) يارب صبرني عشانهم
- انطق باب الغرفه –
روان : تفضل
ابو جاسم : يبه روان تقدرين تنزلين الصاله في موضوع بكلمج فيه
روان : اي اكيد كاني لاحقتك
- لحفت اخوانها عدل وانزلت حق عمها –
ابو جاسم : قعدي
روان : ( اقعدت يمه وقلبها يرقع صارت اتخاف من هالمواقف )
ابو جاسم : يبه البقى براسكم .. انتو الحين بروحكم مالكم ولي الا انا لازم تقعدون عندي من اليوم ورايح
روان : ( منصدمه ) بس يا عمي بيتنا موجود و..
ابو جاسم : بيتكم راح يتم مثل ما اهو .. واذا تبينه ينباع راح ابيعه واحط فلوسه بحسابكم
روان : ( اتطالعه مصدومه من كلامه ) عمي العفو بس اشقاعد تقول؟؟ مافهمت
ابو جاسم : يعني انتي قرري بخصوص البيت يا نبيعه او تأجرينه أو تخلينه مثل ما اهو .. بس عيشتكم راح تكون بهالبيت من اليوم ورايح
روان : ( تهز راسها ) لا .. آسفه بس راح نرجع بيتنا
ابو جاسم : ادري انتي الحين بصدمه وماتقدرين تستوعبين فكرة انتقالكم بس هذا اللي لازم يصير .. انتي شابه واخوانج صغار ماتقدرين تعيلينهم بروحج
روان : لا عمي اقدر .. واسمحلي اقول هالشي بس احنا نرتاح اكثر ببيتنا
ابو جاسم : افا عليج يابنتي هذا بيت عمج .. يعني اعتبريه بيتكم
( روان اسكتت حست بغصه اتخاف تبجي لو تناقشت معاه اكثر )
ابو جاسم : باجر اخذج بيتكم تشوفين شنو تبين من اهناك وبنقله لكم
روان : ( طالعته وعيونها غورقت ) عن اذنك ( خلته وراحت الغرفه )
- دشت الغرفه وانسدحت يم اخوانها وحطت ايدها عليهم واقعدت تبجي بس تحاول تقصر صوتها عشان لا يسمعونها -
( مشاري تقلب جان تمسح دموعها بسرعه )
مشاري : ( يبطل عينه ) روان؟؟
روان : هلا حبيبي
مشاري : رحتي شفتي فروس؟
روان : اي
مشاري : متى يرجع البيت؟
روان : أول مايصير زين .. ولا تخاف راح يطيب ان شاءالله
مشاري : بس منول ..
روان : منو اكبر ؟ انا ولا منول ؟
مشاري : انتي
روان : خلاص انا اكبر وانا اقول ان راح يطيب ويرجع
مشاري : ( يبتسم ) انا اصدقج انتي لأنج كبيره
روان : ( استانست لأنها شافت ابتسامته ) عفيه عالشاطر يللا خل انقوم منال عشان تقدر تنام بالليل
مشاري : انا بقعدها .. ( يهز جتف منال ) منول .. منووول قومي يللا
منال : ( تفرك عينها ) اشتبي؟
روان : قومي يللا قعدي معانا
منال : ( تطالعها ) مابي خلوني بنام ماحب اقعد
روان : يللا قومي عشان تقدرين تنامين بالليل
منال : مابي خليني على كيفي
روان : يللا قومي عفيه حبيبتي انتي
منال : متى نرجع بيتنا؟
روان : يمكن باجر
منال : برجع اليوم .. ماحب اقعد اهني
مشاري : انا بعد برجع البيت
روان : ( تبتسم ) زين روحو غسلو ويهكم وبدلو ملابسكم واشوف شيصير
- راحو اليهال وتمت روان قاعده بالغرفه اتفكر شتقول حق عمها .. خلصو اليهال ودشو الغرفه بدلو ملابسهم وانزلوا تحت مع روان –
روان : عمي .. احنا قررنا نرجع البيت
ابو جاسم : ماخلصنا من هالموضوع؟؟
روان : بس عمي كلنا ودنا نرجع
ابو جاسم : ماقدر اخليكم بروحكم
ام جاسم : لا عادي كل يوم طل عليهم ومافيهم الا العافيه
( طبعا اهي قالتها لأن ماتبي احد يسكن عندها )
ابو جاسم : بس يا ام جاسم اشلون بنت بروحها تعيش اهناك ومعاها يهال؟
ام جاسم : عادي شنو بيصير لهم يعني؟ وعندهم فلوس تعيشهم
ابو جاسم : ( يكلم روان ) اي صج المحامي يبي يقعد معاج بخصوص الورث
روان : ( حست شي يعصر قلبها ) مو جنه تو الناس على هالشي؟
ابو جاسم : كل ما خلصنا اسرع كل ماكان احسن
روان : ( اسكتت ) وامسكت ايد اخوانها وراحت اقعدت يمهم عالقنفه
- بعد فترة حطو العشى قامو عشان يتعشون معاهم –
منال : روان مابي اكل مو يوعانه عادي اروح الغرفه؟
روان : لا مو عادي .. قعدي معانا واكلي
منال : بس انا مو يوعانه
روان : ميخالف حبيبتي شوي اكلي وروحي زين؟
منال : ( اقعدت واهي معصبه )
( روان ماتشتهي الاكل بس اقعدت عشان اخوانها واهم ياكلون دش جاسم البيت )
ام جاسم : هلا يمه اقعد اكلك لقمه
جاسم : لا يمه الحمدلله كليت بره
ابو جاسم : شكل الشله اللي تمشي معاها شله فاسده اتوقع ماصليت العشى
ام جاسم : لاتكلمه جذي جدام الغرب
روان : ( غصب ابلعت لقمتها حست ان كلمة ام جاسم قويه )
جاسم : لا يبه ابشرك صليت الحمدلله .. يللا استأذنكم بروح انام ( راح غرفته )
روان : عمي .. بنروح بعد شوي بيتنا
ابو جاسم : خلاص روان وايد تحنين قلت راح تعيشون اهني وهذا اخر كلام
( منال اتطالع روان وشوي وتبجي )
روان : آسفه عمي بس نبي نروح
ابو جاسم : شنو يعني؟؟ ما اتدخل فيكم ؟؟
روان : لا العفو ماقصدت
ام جاسم : خلاص اشفيك بو جاسم خلهم دام هذي رغبتهم كيفهم
ابو جاسم : انا بوديكم اليوم .. بس راح ارد افتح معاج هالموضوع .. ماراح اخليكم تعيشون بروحكم
-----
( بعد العشى خذوا خدامتهم وراحوا مع عمهم ووصلهم و نزل معاهم البيت )
ابو جاسم : ( عطاها المفاتيح) قفلي عليكم الباب واي شي يصير لا سمح الله دقي علي ( عطاها كرت الشغل وفيه رقمه )
روان : مشكور عمي
ابو جاسم : باجر العصر امركم عشان نروح حق فراس
روان : تقدر تمر عليه الحين يمكن صار شي يديد
ابو جاسم : اذا صار شي وصيت الدكتور يكلمني .. اهو حاليا بغيبوبه والله يقومه منها بالسلامه
روان : آمين يارب ..
ابو جاسم : يللا انا ماشي تبين شي؟
روان : لا مشكور ماقصرت
( طلع وخلاهم )
روان : ( اتطالع البيت وحست بغصه اصحاب البيت راحو ومابقى غيرهم )
منال : روان انا بنام بغرفة امي وابوي
مشاري : انا بعد
روان : انا بعد راح انام معاكم فيها
( منال ومشاري اركضو راحو غرفة امهم وابوهم )
خيرية ( الخدامه ) : ماما بابا واجد زين .. انتي بعد واجد زين .. شنو سوي سبحان الله ( يعني قصدها تواسيها )
روان : ( عيونها غورقت ) الحمدلله على كل حال .. انتي روحي نامي مابي شي
- اقعدت بالصاله ودقت على بدر من تلفون البيت –
روان : الو
بدر : الو ؟؟ روان؟
روان : اي اشلونك بدر
بدر : حبيبتي انا بخير انتي اشلونج ؟؟ اشوه انج دقيتي كنت احاتيج
روان : الحمدلله انا بخير .. كنت عند عمي توني راده بيتنا
بدر : بروحكم؟
روان : اي
بدر : زين اشلون اليهال .. واشلون فروس؟
روان : اليهال الحمدلله بخير .. يبجون بين فتره وفتره بس الحمدلله زينين .. وفروس بغيبوبه وتحت رحمة الله
بدر : أي مستشفى؟ باجر بزوره
( روان عطته اسم المستشفى وين موجود اهو بالظبط )
روان : انا بعد صلاة العصر بروحله مع عمي
بدر : خلاص اشوفج اهناك باجر ..
روان : ( ساكته )
بدر : زين انتي اشلونج؟؟
روان : ( تتنهد ) ضاق صدري اكثر من دشيت البيت ماله طعم بدونهم
بدر : ادري حبيبتي .. الله يرحمهم
( مشاري دش عليها واهو يبجي )
روان : ( نزلت السماعه ) مشيري اشفيك؟؟
مشاري : ( يبجي ) منول اتقولي حتى بالمدرسه اذا نجحنا وصارت حفله الكل راح اييون امه و ابوه الا احنا
روان : ( تكلم بدر ) الو.. انا لازم اروح الحين مع السلامه
بدر : روان .. انتي قويه تصرفي معاهم عدل حاولي تنسينهم
روان : ( دمعت عينها ) مع السلامه
- سكرت الخط ولمت مشاري –
روان : الله يخليك لا تبجي .. حبيبي امي وابوي يزعلون اذا بجيت
مشاري : بس اهم ماتو اشلون يدرون؟؟
روان : بلى يدرون .. ويزعلون اذا بجيت .. لا تبجي
مشاري : انتي بعد قاعده تبجين
روان : ( تمسح دموعها ) انا بجيت لأنك قاعد تبجي .. وانا ماحب اشوفك تبجي
مشاري : منول قاعده تبجي بعد
روان : امش انسكتها
( راحت مع مشاري ودشو الغرفه على منال )
روان : منال حبيبتي ميخالف اكلمج شوي؟
منال : ( دافنه راسها بالمخده ) مابي خليني بروحي
روان : مشاري يا بطل .. ميخالف تروح شوي الصاله اتطالع تلفزيون ؟
مشاري : زين .. ( راح )
روان : ( تمسح على شعر اختها ) حبيبتي منوله قومي شوي خل اكلمج
منال : مابي مابي طلعي بره
روان : امي وابوي مايعجبهم اللي تسوينه
منال : ( لفت عليها وطالعتها )
روان : اللي يموت يبي الناس تتذكره وتبتسم ما يحبون الناس يبجون عليهم واذا تذكرناهم وبجينا لازم نحاول نلهي نفسنا بأي شي عشان لا نبجي وايد عليهم موزين
منال : ( تبجي وتطالعها )
روان : وبعدين ياعمري مايصير تقولين حق مشاري كلام يبجيه اكثر .. احنا خواته الكبار .. لازم نصير اقوياء عشان اهو بعد يصير قوي مثلنا
منال : بس امي وابوي ماتو وراح اشتاق لهم .. ومنو راح يدرسنا اذا عندنا امتحان؟
روان : انا
منال : ( تمسح دموعها ) اتعرفين؟؟
روان : ( تبتسم ) اي اعرف انا شاطره كنت بالمدرسه وراح اخليكم الأوائل
منال : زين منو يشتريلنا ملابس؟
روان : هم انا
منال : اتعرفين تسوين مثل اكل امي ؟
روان : لا .. بس كلنا راح اندش المطبخ ونحاول
منال : بس هم راح اشتاق لهم وايد
روان : ( لمتها ) ادري ياقلبي محد يقدر يعوضنا عنهم .. بس لازم مانبجي وايد عشان نقدر نعيش عدل
منال : بس انا مابي اعيش
روان : ( وخرتها عنها واتطالعها مصدومه ) لا منول لا حبيبتي لاتقولين جذي استغفرالله الله مايرضى
منال : ( لمتها حيل واقعدت تبجي وروان تقرا عليها لين نامت )
- اطلعلت من الغرفه لقت مشاري نايم عالقنفه –
روان : مشاري حبيبي قوم نام داخل تعال
( مشاري قام واهو شبه نايم ودته لي السرير ونام على طول )
- روان انسدحت بينهم و غمضت عيونها وتمت تقرى جم سورة حافظتها واهي اتدمع لين نامت –
اليوم الثاني قامو تريقو جدام التلفزيون وحاطين قناة فيها رسوم متحركه و روان كل شوي تعلق على شخصيه من اللي بالتلفزيون وتخليهم يظحكون .. خلتهم يطالعون واقعدت يم التلفون ودقت على فجر

روان : الو.. فجر نايمه؟
فجر : لا لا قاعده .. اشلونج الحين؟ اشلون اليهال؟
روان : الحمدلله زينين .. بغيتج تكلمين عمي يشوفلي مدرب يعلمني اسوق كلها شهر ويردون يداومون لازم اسوق
فجر : اخذيلج سايق احسن
روان : شنو آخذ سايق بروحي بالبيت مو ناقصه كلام عمي .. انا ماقلتله اني بسوق خايفه من تعليقاته
فجر : اهو شكو مايخليج تسوقين؟
روان : مادري ماسألته ومابي اسأله .. كلمي ابوج شوفي شيقول
فجر : زين تعالي عندنا اليوم
روان : خلاص بعد صلاة العصر اقط اليهال عندكم واروح المستشفى وبعدين ارجع.. يعقوب موجود عشان يلعب مع مشاري ؟
فجر : اي موجود
روان : اوكي خلاص عيل اشوفج اليوم .. مع السلامه
- سكرته منها ودقت على بدر –
روان : الو
بدر : ( رد عالتلفون واهو مغمض ) الو؟؟
روان : نايم؟؟
بدر : اي
روان : خلاص عيل اخليك
بدر : باي ( سكر التلفون )
- روان تمت اتطالع السماعه بعدين رجعتها مكانها كله جذي بدر يرد عالتلفون واهو نايم من غير لا يحس –
---
بعد صلاة العصر يالهم عمهم بو جاسم وقعد بالصاله معاهم
ابو جاسم : يللا خل اوديهم بيتنا ونروح المستشفى حق فراس
روان : عمي خل انوديهم عند خالتي احسن منها يلعبون مع يعقوب اهو كبر مشاري
ابو جاسم : عيل نتوكل على الله
- كلهم راحو معاه حتى الخدامه ووصلهم لي بيت خالتهم وانزلوا بس روان تمت مع عمها وراحو المستشفى –
روان : ( تسأل الدكتور ) اشلونه اليوم؟؟
الدكتور : نفس حالته داش غيبوبه والله معاه ان شاءالله
روان : ( اسكتت واقعدت اتطالع فراس من الجام ) يارب ارحمه برحمتك
- واهم بيطلعون لفت ويهها لقت بدر واقف بعيد ويبتسم لها ارتبكت لأن عمها يمها –
( روان ارتاحت لأنها شافت بدر وحست انه مو متخلي عنها )
- بالطريج –
ابو جاسم : يبه يمكن مو وقته اقولج هالكلام .. بس مثل ما انتي شايفه الموت ايي فجأه ومحد يدري بالمكتوب عدل ولا لأ؟
روان : ( تحس بغصه ) عدل
ابو جاسم : يعني انتي باجر اذا الله خذا امانته بعد عمر طويل ان شاءالله .. مو راح تتحاسبين عالحجاب؟
( روان اتطالع عمها مصدومه كلش ماتوقعت اييب طاري هالسالفه بجذي وقت )
------------------------------------------------

 

[ReRez]

لا لا لا لا لا مااااعرفتتتني وانا انزل البارت بالدقيييييييييييقه ياااسلااام علي .. لوووووووووووول
بنااات السموووووووووووووحه ادري قصييييييير البارت كان ودي احط احداث اكثر بس السهر شييييييييين
وماحبيت ما انزل شي اليوم بس مخي مقفل والله .. وكله من كيوت و يونيك اهم السبب

 

[×...Fa6o0oma...]

اخذي راحتج حبيبتي ولاتطولين علينا:ada:
كيوت و يونيك لاتعبون ReRez فديتكم:eh_s(6):

 

[fatma]

امبيه البارت موطبيعي ايبجي بجي الله ايعينها روان وايصبر قلبها