روايتي الثالثة (( يا دنيا ارحميني )) .. قصة واقعية .. ReRez

[بلووونه]

ناطرين البارت

 

[هاناا]

ريريز

حياتي لا تزعلين من البنات

يحبونج و يحبون القصة فيحنون
و آنا ضد الاختصار

نبي القصة 30 بارت عشان نستمتع فيها
و اخذي راحتج
و ترى ما نرضى تعتزلين الغرام
نبي قصة بعد هذي
[B]خلاص ادمنا على قلمج[/B]
يسلمووووووووووووو سامحينا حدنا نحن:ssssso:

 

[إيمي1987]

نااااااااطرينج لو 100 باااااااااااااااااارت اخذي راحتج فديتج

الباااااااااارت رووعة اكسرت خاطري ندى وكسر خاطري احمد بنفس الوقت

مشكورة ما تقصرين

 

[المستبــده]

بالانتظار

وترى مو قصجي احن بس عشان تعرفين انتي ناطره مع البنات

 

[المستبــده]

قصجي اخت قصدي

 

[ReRez]

- 19 / ماراح اجازف -

- ندى دشت البيت و اهي حابسه دموعها –

أمل : ها يمه استانستو ؟
ندى : اي الحمدلله .. بس احس بتعب شوي وبروح ارتاح
أمل : ( قامت راحت يمها ) ليش اشفيج ؟
ندى : مافيني شي بس وايد تمشينا و تعبت
أمل : خلاص روحي ارتاحي انا بعد شوي اطل عليج
ندى : لا لا يمه بنام مايحتاي اتيين .. تصبحين على خير
أمل : وانتي من اهله حبيبتي

- اصعدت ندى غرفتها وانسدحت بملابسها واقعدت تبجي حيييل و تفكر باللي صار –

ندى : ( بقلبها ) منحقه يروح .. منو يبي يرتبط بوحده جذي

- تمت تبجي 10 دقايق بعدين نامت من التعب –
---

- شقة حمد ( بالصالة ) –

فرح : ها مايرد ؟
حمد : ( وخّر التلفون عن اذنه ) لا والله
فرح : جد طاح من عيني
حمد : صراحه فروح اهو يمكن غلط لأن مشى وخلاها .. بس ماغلط لأن زعل منها
فرح : ليش كل هذا عشانها مريضة ؟
حمد : ماقلت لأنها مريضة .. بس متى كانت ناويه تقوله ؟ حزة الخطبة مثلا ؟؟ مو لازم تعطيه خبر منزمان ؟؟ مو منحقه يختار اذا حاب يكمل او لأ ؟؟
فرح : وليش ما يكمل ؟؟ اهي مافيها مرض معدي
حمد : استغفرالله .. انا شقول واهي شتقول
فرح : و لو هذا مايبرر اللي سواه
حمد : انا من اول شي كنت متردد و ماحبيت ازعلج بس بقولج الحين .. تره أحمد مو مال جذي .. اهو يحب الطلعات الكشتات المغامرات .. يموت على شي اسمي مخاطرة .. ندى ماتصلحله
فرح : ( طالعته مده بعدها قامت ) الحمدلله والشكر ( راحت غرفتها )
---

- الفير عالساعه 3 ونص رد أحمد البيت و كلش ماله خلق شي –

أم حمد : ( مبين عليها التعب ) يمه احمد وين كنت ؟ وليش ادق ماترد علي
أحمد : ( بعصبيه ) يعني مايصير الواحد يتمشى مع ربعه
أم حمد : بلى يمه يصير بس عالأقل اترد علينا تطمنا
أحمد : يمه خلاص عفية والله تعبان
أم حمد : اشفيك حبيبي
أحمد : ( بصوت هادي ) مافيني شي بس بروح انام
أم حمد : اوكي على راحتك
---

- الساعه 4 الفير .. ندى افتحت عينها لقت نفسها للحين بملابس الطلعة –

( قامت بدلت و دشت الحمام – عزكم الله – وردت انسدحت و امسكت تلفونها قاعده تفكر بأحمد ودموعها تنزل .. ماقدرت اتطول اكثر .. اكتبت له هالمسج ودزته )

" ماوصلني منك حتى مسج .. لهالدرجة كشيت مني ؟ "

شوي رد عليها بهالمسج " استغفلتيني كل هالوقت ؟ كنتي تبين تعلقيني فيج أول بعدين تصارحيني صح ؟ "

اكتبت له و دموعها تنزل " لا والله ماقصدت اعلقك .. بس دامك للحين ما تزوجتني ولا بينا خطبة عيل مو منحقك تعرف هالشي "

رد عليها " اي يعني كنتي تبيني انصدم بهالشي بليلة دخلتنا مثلا ؟ "

- ندى قرت المسج اقعدت تبجي اكثر .. تحس قلبها احترق حييل .. قطت التلفون بالارض و اقعدت تبجي وتشاهق مده لين نامت –
---

- الظهر .. بيت حمد –

فرح : ( انزلت الصالة ) السلام عليكم
مشاعل : ( خزتها من فوق لي تحت ) وعليكم السلام
عبير : هلا فروح ها اشلون اختج ؟
فرح : الحمدلله
عبير : متى راح تفهموني اللي صار ؟
فرح : ( خزت عبير )
مشاعل : اشفيكم ؟؟ تره انا مو طرطور اهني اشعندكم انتي وياها ؟
فرح : ماكو شي وين خالتي ؟
عبير : نايمه للحين
فرح : مو بالعادة تنام لي هالحزة
عبير : خل اروح اشوفها ( راحت لها )
فرح : ( تكلم مشاعل ) أحمد نايم ؟
مشاعل : اشتبين فيه ؟
فرح : لا بس اسأل
مشاعل : مادري عنه

- يتلهم عبير تركض –

عبير : مشاعل تعالي بسرعة امي تعبانه
مشاعل : ( قامت ) اشفيها ؟
عبير : مادري حيل مسخنة

- فرح الحقتهم غرفة أم حمد لقتها منسدحه و مبين ويهها اصفر حيل –

مشاعل : يمه اشفيج
عبير : ( تبجي ) يمه الله يخليج كلميني
ام حمد : ( افتحت ) حمد .. نادولي حمد
مشاعل : ( تصرخ على فرح ) روحي ناديه بسرعة لا توقفين تتطمشين

- فرح اصعدت بسرعة ( كان حمد نايم لأن اليوم عطلة ) –

فرح : ( تهزه حيل ) حمد حمد قوم خالتي تعبانة وايد
حمد : ( فز ) اشفيج ؟ أي خاله ؟
فرح : ( حدها خايفة وتحس فيها بجية ) امك تعبانة وتبيك
حمد : امي ؟؟ ( نزل بسرعة واهو عالشورت )

- فرح انزلت وراه و اوقفت عند الباب تطالعهم –

حمد : ( قعد عالسرير ومسك ايد امه ) اشفيج يمه ؟ ( حط ايده على راسها ) امشي اوديج المستشفى
ام حمد : لا مابي اروح مكان طلعهم بره بكلمك بروحك
حمد : يمه مايصير جذي .. كان المفروض مسافرين منزمان .. العلاج اهني ماينفع معاج .. لا تعاندين اكثر
ام حمد : مابي اسافر مره ثانيه و خلاص حمد طلعهم بره

( مشاعل وعبير يبجون )

مشاعل : الله يخليج يمه .. سافري خلاص عاد
حمد : ( بعصبيه ) طلعو بره
مشاعل : ( طالعت عبير ) امشي

- اطلعو بره وسكرو الباب وراهم –

مشاعل : ( اتخز فرح ودموعها تنزل ) ويهج نحس عالبيت
فرح : ( واقفه مصدومة وماقالت شي )
---

- بالغرفة –

ام حمد : ( بصوت تعبان ) انا مابي كيماوي .. ولا ابي مستشفيات .. ابي اقعد اهني بينكم وابيك...
حمد : يمه لازم تـ...
ام حمد : خلني اكمل .. ابيك تدير بالك على البيت .. انت الكبير يا يمه
حمد : ( بعصبية ) لا تقولين جذي .. راح تسافرين معاي غصب زين ؟؟ والحين امشي المستشفى
ام حمد : حمد انت عندك زوجة و ولد ياي بالطريج .. خلاص خلك معاهم وخلني اهني بينكم
حمد : زوجتي ومرتي يبتهم عشانج .. و راح اخليهم هم عشانج .. يمه انتي كل شي بالنسبة لنا
ام حمد : ( ابتسمت و شكلها حيل تعبان )
حمد : يللا انا رايح البس و بنادي مشاعل تساعدج تلبسين
ام حمد : خلاص اللي تشوفه
حمد : ( باس راسها وقام )

- طلع بره الغرفة –

حمد : مشاعل روحي ساعدي امي خل تلبس
مشاعل : ان شاءالله ( راحت حق امها بسرعة )
فرح : توديها المستشفى ؟
حمد : ( هز راسه – اي – و صعد )
---

- مر اسبوع .. وكانت حالة ندى من سيئ الى اسوء .. صارت ماتاكل عدل .. وكله ساكته وبالليل تبجي .. اما احمد ف نفسيته اتعبت زيادة على أمه وماكان له خلق أي احد .. و حمد حجز التذاكر وصار اليوم اللي بيسافرون فيه لندن –

فرح : ( تلم حمد ) راح اوله عليك
حمد : آنا بعد راح اشتاق لكم وايد .. بس هذي امي لازم اروح معاها
فرح : ادري .. بس اخاف اتطول حيل
حمد : على حسب العلاج
فرح : أحبك
حمد : ( باسها بعدين باس خدها و نزل على اركبه باس بطنها ) بابا يمكن ارجع القاك بره دير بالك على امك عدل
فرح : ( بجت زياده )
حمد : ( قام ورد لمها ) خلاص بسج بجي يللا لازم امشي الحين
فرح : ( مو راضيه تهده ) خل احمد يروح مكانك اهو ماعنده احد اهني
حمد : لا انا بروح معاها .. يللا حبيبتي هديني تأخرت
فرح : ( هدته واهي تبجي )
حمد : ( باس راسها ) مع السلامه ( طلع من الغرفة )

( فرح اقعدت عالسرير واهي تبجي .. ماكانت تدري اشكثر راح يتمون اهناك .. بس اللي تعرفه ان المدة مو قصيرة )
---

- موعد ندى عند الدكتور –

الدكتور : ها ندى اشلون صحتج ؟
ندى : الحمدلله
أمل : لا والله يا دكتور حالها مو عاجبني كلش .. كله ساكته وماتاكل الا شوي
الدكتور : ماتاخذين الأدوية ؟
ندى : بلى
الدكتور : وليش ماتاكلين عدل تحسين انج تعبانه ؟
ندى : لا ما فيني شي بس ما اشتهي
الدكتور : لا يا ندى مايصير لازم تتغذين عدل
ندى : ( طالعت الدكتور بعدين طالعت امها )
الدكتور : ام عبدالله ممكن تنطرين بره بكلم ندى شوي
أمل : ليش ؟ اشفيها ؟
الدكتور : مافيها شي بس حاب اعرف منها جم شغلة
أمل : ( اسكتت بعدين قامت اطلعت بره )
الدكتور : ندى صارحيني يتلج النوبة و امج ماتدري ؟
ندى : لا دكتور مايت
الدكتور : ندى انا ماعرفج من يوم او يومين .. انا صارلي معاج 7 سنين .. و أدري ان فيج شي وخاشته
ندى : صراحة في أسئلة ودي اسألك اياها .. و ابيك تجاوبني عليها بكل صراحة
الدكتور : تفضلي
ندى : اللي مثل حالتي .. يقدرون يتزوجون ؟
الدكتور : اكيد يقدرون
ندى : يعني اشلون عالنوبات ؟؟
الدكتور : عادي مثل ما تاخذين الأدويه الحين .. تاخذينها بعدين وانتي عند ريلج ان شاءالله
ندى : و مايأثر عاليهال
الدكتور : ( ابتسم ) يبه انتي انخطبتي ؟
ندى : ( ابتسمت ) لا بس اسأل
الدكتور : بخصوص الحمل بعدين اكلمج عنه لأن في شوية امور ضروري تعرفينها
ندى : لا انا بعرفه الحين
الدكتور : ( يتغشمر معاها ) انتي انخطبي أول بعدين اقولج
ندى : ( تضايقت ) ودي اعرف الحين .. هذي حياتي وودي اعرف كل شي عنها
الدكتور : خلاص بكون صريح معاج وبقولج كل شي
ندى : ( تطالعه واهي ساكته )
الدكتور : عندي حالة مثلج و متزوجة وعندها اعيال حلوين ماشاءالله .. بس ما لازم اكون صريح معاج فترة الحمل راح تزيد النوبات .. وممكن يكون الجنين حامل للمرض بس النسبة مو عالية .. يعني الاحتمال الأكبر يكون الطفل سليم
ندى : ( ساكته )
الدكتور : يعني لا تحاتين شي .. وايد حريم فيهم هالمرض و يابو اطفال اصحاء ومافيهم الا العافية
ندى : قلت ان النوبات تزيد فترة الحمل ؟
الدكتور : اي بس هذا مايعني ان الحياة توقف النوبات صج انها تتكر كل.... ( كمل الدكتور كلامه بس ندى ماكانت تسمع شي بس تطالعها و اهي سرحانه )
ندى : مشكور دكتور .. اقدر اطلع الحين ؟
الدكتور : اي و ديري بالج على نفسج يبه .. ولا تفكرين بشي انتي مثلج مثل غيرج تتزوجين وتييبين عيال ان شاءالله

( ندى اسكتت واطلعت بره واهي تفكر بشيين .. النوبات ( أكثر شي تكرهه بحياتها ) و اللي راح تزيد وقت الحمل .. و بالاحتمال اللي يخليها تييب طفل يعاني مثل معاناتها )
---

- بالبيت –

أمل : يمه لي متى بتسكتين اشفيج اشقالج الدكتور ؟
ندى : ماقال شي
أمل : طولتو داخل شنو ماقال شي
ندى : يمه خلاص الله يخليج مالي خلق
أمل : ندى اذا ماقلتيلي تره والله ادق عالدكتور واهو يقولي
ندى : ( انزلت دموعها ) سألته اقدر اتزوج مثل غيري ولا لأ ؟؟
أمل : و اشقال ؟
ندى : ( تبجي ) يقول تقدرين بس في احتمال اييب ياهل في صرع .. و غير هذا النوبات تزيد وانا حامل .. يمه منو اللي له خلق ياخذ وحده جذي ؟؟
أمل : مالج شغل بالدكتور مايعرف صدقيني
ندى : مايعرف ؟؟ ليش مو اهو الدكتور ؟؟ ولا انتي تفهمين اكثر منه ؟
أمل : اهدي يمه خلاص
ندى : ( تصرخ واهي تبجي ) انا ادري ان محد يخطبني لأن يدرون اني مريضة ؟؟؟ محد وحده مثلي .. منو هالمينون اللي راح ياخذ وحده ممكن تطيح بمكان عام وتفشله جدام الناس
أمل : ( امسكتها بتلمها ) خلاص حياتي والله ماراح يصير الا كل خير
ندى : ( ارجعت لي وره ) بس يمه تعبت والله .. خليني اروح داري
أمل : زين عفية لا ..
ندى : لا تخافين ماراح اقفل الباب متى ماتبين طلي علي يمكن اكون منصرعه او شي ( خلتها ومشت )
أمل : ( اقعدت عالغنفة و محترق قلبها على بنتها ) الله يشافيج يارب
---

- مر شهر وخلص الكورس .. صارت فرح بالشهر السابع –

( بالصالة في بيت أم حمد )

أحمد : ( توه دش البيت ) السلام عليكم
عبير : هلا وعليكم السلام
فرح : ( ماردت عليه )
أحمد : عبير ممكن تروحين شوي .. بكلم فرح
عبير : ( طالعتهم وقامت ماقالت شي )
أحمد : ( قعد عالغنفه ) اشلونج فرح
فرح : الحمدلله
أحمد : ادري انج ماتكلميني بس يا فرح انا انصدمت والله انصدمت ماتوقعت انها مريضه ومو قايلتلي
فرح : ( اسكتت )
أحمد : فرح ردي علي قاعد اكلمج انا
فرح : انت مو قلت ماراح أأذيها كلش ؟ وهذا اللي سويته شنو ؟
أحمد : اهي خشت عني شي كبير اشلون ماتبيني انصدم
فرح : زين الحين اشتبي ؟
أحمد : صارلي اسبوع ادق وماترد علي
فرح : اهي ماتبي تكلمك خلاص خلها بحالها
أحمد : دقي عليها وعطينياها
فرح : ليش ؟ قادر تتزوجها واهي جذي ؟
أحمد : تو الناس عالزواج .. بس ابي اكلمها وماتدرين اذا الله كاتب نصيب بيصير
فرح : ( خزته مده ) ماراح ادق عليها و خلها بحالها

- رن تلفون فرح وكانت اللي داقه ندى –

فرح : طالعت الرقم بس ماردت
أحمد : هذي ندى ؟
فرح : لا ( افتحت الخط وقامت )
---

- اصعدت شقتها و ردت عليها –

فرح : هلا ندى
ندى : ليش خليتيني مدة عالخط ؟
فرح : كنت اكلم أحمد .. يقول يبي يكلمج
ندى : خلاص فرح انا مابي اكلمه والعيب مو فيه .. فيني انا .. مابي اتزوج خلاص
فرح : ندى مايصير تقولين جذي
ندى : فرح انا مو مستعدة اتعب زياده واتعـّب غيري معاي .. ولا ابي تزيد نوباتي اللي عندي مكفين وموفين .. ولا بخاطر بالياهل اللي راح اييبه .. انسي فرح انا نسيت خلاص
فرح : ( دمعت عينها على ندى ) الله كريم لا تفقدين الأمل ندوي
ندى : انا مو فاقدته .. بس والله حياتي جذي احسن .. مابي اتزوج و أأذي الناس أو أضر ولدي من غير قصد
فرح : زين واذا أصر يكلمج ؟
ندى : لا تخافين اهو بس حاس بتأنيب ضمير مو أكثر .. اهو ماحبني والله .. و مادق وايد .. كلها مكالمة وحده باليوم ومايتعب نفسه اكثر .. وخليج مني و قوليلي اشلون حمد ؟
فرح : امس كلمته قبل لا انام .. مسكين كله بالمستشفى
ندى : الله يكون بعونهم ويشافي امه يارب
فرح : آمين
ندى : يللا عيل اخليج بروح اقعد مع امي
فرح : اوكي .. مع السلامه
ندى : مع السلامة ( سكرت الخط )

( حطت التلفون يمها و انسدحت تفكر بحالها و دموعها تنزل عالمخدة )
" لي وين راح أوصل ؟ .. و لي أي مدى راح أتحمل ؟"


كثير من العنا فيني .. وأقول اخفيه وأكابر
وانا ادري كثير الهم .. يشيب العمر به بدري
على حمل الأسى مقوى .. ولا لي خافق ٍ قادر
تراني مكتفي بلحيل .. ثقيل الهم في صدري
عسى الأيام تنصفني .. تعدل حضي العاثر
تحس بجيمة إحساسي .. تحس بوضعي وقدري

~ اسمعوها والله مو طبيعية .. خصوصا آخر مقطع .. لايق على احساس ندى ~

http://www.6rb.com/songs/44978.html

---

تحياتي

ⓡⓔⓡⓔⓩ

 

[ReRez]

انا صراحه ما الوم احمد << بتنطق
يعني صج ما كان له داعي تخش عنه هالمده هذي كلها :\
واهوه كان مصدوم اكيد بيمشي ويخليها ... صج انه قليل ادب بس هم مصدوم لووووول

اي كيوت تخيلي فرضا بيخطب ساعتها ينصدم مثلا ؟ ولا اشلون ؟
ههههههههههه اي صح قليل ادب بس مصدوم ..

احلى شي قريت بارتين ..,,

وولهت عليج ريريز مسكينه هالندى والله وانشالله احمد ما يطلع ويخليها بس اهو خوش واحد مثل اخوه

ويتنغ حيااتي

ولهت عليج اكثر وييييينج ^_^ من طول الغيبات .. شنو يبتيلي ؟

وااااااااااااااي الموقف صعب على احمد

المفروض ندى تقوله

اي صح :× مشكوره حبي

معاه حق أحمد يتخلى عنها لأنه إنصدم من مرضها فجأه والحمدلله عرف مرضها قبل لا يرتبط فيها وندى مع الأسف اغلطت بأنها خشت عن أحمد مرضها وترى مو كل رجال يتحمل زوجه جذي وربي يعوضها بزوج ينور قلبها ويعوض أحمد الغالي بالبنت اللي يتمناه قلبه عاجلا غير آجلا آمين يا رب العالمين ويكحل عيون أميمته وأبوه وأهله بفرحته ويفرحهم بفرحه عاجلا غير آجلا ى/ين يا رب العالمين

غزال الريم أحمدقدساوي ربي يحفظه من كل شر وربي ينور حياته بالفرح ويبعد عنه الصدمات المفاجئه آمين يا رب العالمين

ويا ندى حبيبتي إنتي مع الأسف اللي حطيتي نفسج بهالموقف يعني اللي يحب لازم يصا رح اللي يحبه من البدايه وأحمد بعد عمري صارحج بكل شيء عنه بالبدايه ولكن إنتي يا ندى تجاهلتي كلامج بصراحه مخفيه حق الغالي أحمد

ربي يشفي ندى ويشفي مرضانا كلهم ويشفيهم اللهم أنت الشافي المشافي إشف مرضانا شفاء لا يغادر سقما عاجلا غير آجلا آمين يا رب العالمين

تسلمين حبيبتي ريري عالبارت يا نور الغلا يا مكحل الطيب والغلا بقلوب أحبابها يا تاج المحبه يا أصيلة الطيب ياللي غلاها تتحلى فيها القلوب بوجودها بينهم وربي يخلي لها أميمتها شمعة الدنيا وجوهرة قلبها ياللي أغلى وأحلى كلمة بالوجود ربي يشفيها ويخليها لهم اللهم أنت الشافي المشافي إشف والدة أختنا ريري شفاء لا يغادر سقما عاجلا غير آجلا آمين يا رب العالمين

:q8::edbf4317b9:

اهي حرام مالها ذنب بمرضها بس مو اي احد يتحمل زوجه فيها مرض .. الواحد بيتزوج يرتاح مو يزيد عليه مسؤولية مريضه
انا ما ابررله بس اقول في ناس وايد جذي يفكرون استغفرالله
ومشكوره حبي عالكلام الحلو والدعاوي الاحلى فديتج عساني ما انحرم منها ^_^

اخيييييييييييييييييه بعدعمري ندى
حرام عليييه مهما يكون صج انصدم احمد بس مويخليها ويرووح وعرف ان فيها صرع
المفرووض يعذرها ان ماقالتله

عاد الله كريم .. شيسوي بعد انصدم يوم درى ان فيها هالمرض صارلهم جم شهر يعرفها و خاشه عنه هالشي
وماخلاها الا يوم قامت
بس هم حرام

ياحلوين متى ينزل البارت الياي انا توني داشه قريت كل الي طافني وماقريت الردود ممكن احد يقولي متى البارت الياي

البارت كل يوم بالليل متأخر بعد ال12 لأني اكون مشغوله طول اليوم وما اكتب الا متأخر .. مشكوره حبي

مهما يكون الموقف صعب عليه مايهدها ويروح الله يشاافي ندى يارب
بلييييز كملي ريري شوووقتيني

مشكوره حبي عالكلام الحلو والمتابعه

صج صج يعطيع العافيه على هالقصه رووووووووووووووووووووووووعه بس جان زين تنزلين بارتين او ثلاث مع بعض

والله ما اقدر الا واحد يوميا لأني حيل اتعب فوق ما تتصورين عندي 1000 شغله على راسي وقاعده اخصص لكم وقت
معين

waaaaaaaay amby la2 7aram

enshalah yrdlaha a7md

thanks rerez

9ij 5osh part

3ad shawagtenaaaa waaayed

waiting 3ala a7r mn el jamer

ثانكس حبي عالمتابعه والاندماج فديت عمرج

أحمد ليش سوا جذي
مسكيييييينه ندى احمد الحين منصدم بس ان شاءالله راح يردلها ،،

يعور القلب الباااارت

فديتج مشكوره عالطله البهيه لا تقطعين ^_^

waaay 7yati ndooy
7eel 7eel kasra 5a6ri
w a7mad lesh chithi ysawi feeha 7ram
enshala yetfaham el.maw'9oo3
rerez cham part bagi ?

حبي جم مره اقول اهم 30 بارت يعني انتو حسبوها انا وصلت 19 و شكلي بختصر والله
لوول وايد مستعيلين على رزقكم

ماينلام !!

اهوا صبي يعني يمكن البنات يتعاطفون بس صبي وتخشين عليه شي جايد أصلاً زين مسك اعصابه !!

الله يستر !!

الحين صج باقي 12 بارت

عفيه قبل الامتحانات

اي عفيه الحين حسبتيها صح ^_^

 

[المستبــده]

وااااااي ندى تعوور القلب والله

ربي يعينهااا ان شاء الله


ومادري ليش خايفه انه حمد يسوي شي بره يصدم فرح فييه !!
ان شاء الله يكون احساسي غلط

والاغنيه عذاااااااااب


ومشكوره ريري على البارت

 

[ReRez]

واي منو قال باقي12 بارت!!!!! انا حدي منقهره لاني داشه بنص القصه قبل لاتخلص ماحب انطر حقدت عليج ريريز

ماراح اقول شي انا في قمة الزعل

ويييي نجى عووورت قلبي مسكيــــــنه
بس اهي كانت لازم تقوله و اهو بعد كان لازم ما يخلييها
و يرووح =(
تسلم ايدج ريريز و عساج عالقوة حبيبتي :fun:

مشكووره فدييتج ^_^ عالمتابعه والطله الحلوه

واااو

رواايتج حدهاااااا نااايس

يعطيج العاافيه ريريز

وفرووح وحموود وااايد حبيتهم ايننووووون

لوول وأكثر شي عجبني سآلفه الباسكن كاااااااي مووو صج

<< خلوها تتدلع كيفها لووووولز


أحمد بالبدااايه واايد عجبتني شخصييييته وشكله << لولز

بس ليش جذي سوا بندووووي صج ما ينلاام اهيا ليش ما قالتله من اول شي بس اتوقع بيتفهم وضعها ويردوون لبعض << إن شآلله

مشاعل هذي واااااي حدهاا ما تنبلع قطييعه مال جذييي >>

عبير أحسن من أختها خل تتعلم منها مشااعل لولز


وووو بعد منو ماعلقت عليييه

ايييييي اختها نسيت اسمها لولز :$
امبي هذي شنو ما عندها قلب ليش جذي ما بطت جبدي الا لما نايمه عندهم وتوها طالعه من غيبووبه ويييييع تبط الجبد بصرااااحه

امها فاطمه حراام مسكيينه الله يكون بعونها واهم شي رضت عنها وصار الوضع قوود :eh_s(15):

مشعل ابوها واااي شهالأبوو أستغفر الله ناس تبي عيال وناس ترفسهم بريوولهم

امل وسامي امبي حدهم طيووووبييييييين والله يخليلهم ولدهم عبووودييي

دلال وييييع مآأحب البنات إلي جذييي قطيييعه بس بعرف شصااار فيهااا مالت عليهاااا لووولز

أم دلال مو من صجهااا يااايه تتهاوش مع الناس ابييتهم قطيييعه صج ناس ما تستحي ماشالله عليها وايد واثقه من تربية بنتهاا ويييييع



ومشكووووووووره وااايد على هيك روااايه وبإنتظاااار الباارتاات اليديييييده :>

تفضلي هالورده

CU :sfg:

لووووووووووووووووووووووووول مشكوره عالتعليق المفصل ماخليتي احد ما علقتي عليه اي جذي المتابعه ولا بلاش

و على احمد اهو تره مايبيها زواج ولا ما تلكك وايد .. و مومنه والله في وايد يفكرون ان مايبون مريضه .. الله يكون بعون
ندوي
ومشكوره مره ثانيه حبي

ونااسه قريت بارتين ورا بعض


واااي البارت يعور القلب

وشكله احمد عصب لأن ندى ما قالتله عن مرضها وانصدم نفس الوقت عشان جذي خلاها وراح

الله يستر..

يعطيج العافيه وعساج عالقوه والله يشافي امج ويخليها لكم


تسلم الايــــــــادي

مشكوووره حبي جنووو فديت طلتج

الله البارت حلوو !!!

لا تمدحيني وايد ترى استحي :$ <<<< مالج شغل فيني مدحي على كيفج

ندى المفروض ما تزعل اهيا الغلطانة المفروض اهو اللي يزعل خل تحط نفسها مكانة تشوف شلون تنبط جبدها

اي تذكرت فرح منصجها كانت تبي بعد باسكن

لوووووووووووووووووووول اي والله تبي باسكن مره ثانيه شفتي شلون لووول يحلييلها
و احمد لا اهو يبيها زواج واهي مريضه و لا اهي تفكر تتزوج عقب كلام الدكتور
وفديتج عرباويه .. ومبروك لنا التأهل << شكو ؟؟ لوول

هاي ريروووووو سوري من زمان مومعلقه .............الحمدلله على سلامة اختج ومبروك الكتكوت الحلو ويتربى بعزكم انشاءالله
الله يجعله من الذريه الصالحه يارب والله يقوم امج بالسلامه ويشافيها ويخليها لكم يارب
الله كل هذا طافني بس وناسه قريت جم بارت مع بعض والقصه كلمالها وتصير رووووووووووووووعه
حبيبتي تسلم ايدج عالابداع

اهليييييييييييييين " لأن لطلتك هيبة كما هيبة ملك " ^^ ولهت علييييييج حبييي
القصه كلمالها وتصير روعه ؟؟ لوول اهي على وشك اني اخلصها يعني لا تندمجون وايد ;p

البااااااااااااااااااااارت روعــــــــــــــــــــــــــــه

بس يكسر الخاطر يعني ندى غلطانه جان قالتله أول ما حبته أهوا من حقه يعرف...

وعبييير تينن ضايعه بالطووووشه...

وناطرين البارت الياي ياقلبي

:fun:

محد قال انها حبته .. اهي ارتاحت له :× مو حب يعني
و مابغت تقوله الا اذا نيته زواج صج .. بس عاد منحقه يدري مو فجأه تقوله بعدين

الحمدلله واخيرا عرفنا موقف المدينه الترفيهيه
واللي سواه احمد طبيعي لانه ما كان يدري وحط فباله ان اهيه مجذبه عليه او بتلعب عليه يمكن بس هم كان المفروض يفكر بعقله
وندى الله يعينج بس هم انتي غلطانه
لوووول انا مابي من دلال شي بس لانها مختفيه ونبي نعرف شصار عليها
مشكوره حبي عالبارت وناطرينج:**​

العفو حياتي باجر تطلع لكم ست الحسن والجمال :×

هاااااي ريريز شلونج

بييييييييه بارتات الدنيا طايفتني كله من الايقووووو

مالت عليها لوووووووول بروح اقراهم برررررب

ههههههههه اوكي ناطرتج حبي ^_^
عادي الايقو دايما تستخف دمها مع الناس

واااااي وااااااااااااااي

حدددددددددده الباااااااااااارت مووو صج

ندوي كل ماتضبط معاها لازم يصير شي بس حاااسه ان احمد بيرد لهااا بس يبيله وقت على مااايستووعب اللي صااار

ويلقى لهااا العذر لانهااا خشت عنه سالفة مرررضهااااا

فددديتج والله خووووش بااارت يوووونس بس قررريته متأخررر

يسلمووو يسلموووو ع الباااارت

يعطيج العااافيه غلاااي على الوقت اللي قااعد تخصصينه لروايه ولمتااابعينهااا وانتي بهالضررروف

,,​

ثانكس فديتج حبي عالرد الحلو ماقصرتي والله كلج ذوق وتقدير ^_^

لا لا مو خوش احداث

هو اكيد انصدم بس كان يقدر مايصد ويروح عنها والله عوار قلب

يعطيج العافيه ريررريز وناطرينج

ثانكس حبي عالمرور الحلو

واعليااااااااااااه مسكينه هالندى تكسر الخااااااااطر
و حركة احمد انه خلاها و مشى يمكن هالرد الفعل طبيعيه من واحد مصدوم و ما توقع هالشي !!!!

بس اتوقع راح يرد لها لأنه يحبها و اذا ما رد غصبن عليه يرد ما عندنا انحب و نمشي عندنا نحب و عقبها نتزوج ....مو !!!!

و فرح على حركة الايس كريم ترى عاااااااااااادي هرمونات الحمال تخلي الوحده مره تعصب و فجأه تشوفينها اتكعكع و مره تبجي ...يالله لك الحمد و الشكر <<<< ما جنه يصير فيني لما احمل لوووووووووووول

و رزرز يعطيج العافيه و ما قصرتي على شيلة البيبي ذكرتيني بأخوي اهوا يشيل عيالي لما انام مو امي (عسى الله يقومها بالسلامه)

الله يقوم كل الامهات بالسلامه يارب .. ومشكووره حبي اروسا فديتج
و احمد محد قال ان يحبها .. بس اهم ارتاحو حق بعض .. اهي كانت تبي تطول معاه يالله تقوله واهو منحقه يدري من اول شي
بس اهو مايبي وحده مريضه مبين عليه
ومشكوره حبي اقين

وين هذا اي صوب ؟
عندنا وين بالضبط حددي ؟

لووووووووووووووووووووووووووووووووووووووووووول والله انا بعد اقول وين هذا اي صوب خل ادله بس لووول

مسكيييييييينه احمد ليش سوه فيها جذي
شذنبها
يسلممممممو ناطرتج

ثانكس حبييي

واي اكسرت خاطري ندى ربي يكون في عونها
ويشافي كل مريض وسقيم يارب العالمين
ريزيز تسلم ايدج على البارتات الحلوة
والحمدلله على سلامة اختج
ومبروك ماياكم
وربي يقوم امج بالسلامة ويعطيها ربي الصحة والعافية

آمين يارب مشكوووره عالدعوه ادعي اكثر حق امي و ندى يستاهلون ^_^ فديت عمرج

لوووووووووول ريري

اي يعني كبرنا بس شرايج فالنك خطير صح :eh_s(22):

اي والله خطيييييييير بس يخرع عقب الطفوله البريئة تصيرين ديزاستر ؟ :× يا سااتر!! لوول

 

[هاناا]

ثانكيو ريريز على البارت

اخذي راحتج

ما راح احن

 

[ReRez]

رز رز

كتبي البارتاااااااااااات على راحة راحتج

متى ما خلصتااااااااااي نزليييهم

انا اقول اخذيلج يومين راحة لأن الست متعبة نفسيتج و فوق هذا كلام [ بعض ] البناااات !

لا تختصرين ولا شي

احنا ناطرينج متى ما خلصتاااي !

امس حلمت بـ اللي راح يصير حق ندى

لوووووووووووووووووووووووول متأكده ان حلمتي فلم هندي دش لها البيت اعتذر و خذاها على حصانه ;p
لووول

حبيبتي ريريز قبل لا اقول اللي بقوله في ابيات للامام علي بن ابي طالب عليه السلام

في الجو مكتوب ٌ على صحف الهوى /--/ من يعمل المعروف يجزى بمثله
إياك تجني سكرا ًمن حنظل ٍ /--/ فالشيء يرجع بالمذاق لأصله

بنات حطو روحكم مكانها لو وحده منكم تتعب امها او اختها او اهيا تعبت مالها حتى تتحرك من مكانها
فشلون انه البنت كلشي على راسها تحمدو ربكم انها قاعده تنزل بارت ترا مو الة اهيا وبجذي قاعدين تحرمونا من روايات ثانية باذن الله
لو كنتو مكانها وتعبتو راح تتافافون وماراح يعجبكم
اصلا حتى لو مو تعابا وتمر عليكم عطله تبون تطلعون وتستانسون واهيا عطتنا موعد محدد وملتزمة فيه
واللي مو عاجبها لا تقرا واذا تبي تقرا لا ترد وتحط ردود مالها داعي
في شي اسمه حب لأخيك المؤمن ما تحب لنفسك ومقصد كلامي اهوا الراحه
مثل ما انتو تبون تقرووون البارت براااحه خلووها تكتب لنا البارت واهي مرتاحة

انا عندي تصويت غير تصويت ريريز
الا وهو:
ان نعطيها اجازة اسبوع عشان ترتاح وتكتب على راحتها وتنزلنا شي حلو ومعتبر نقرااه ونمخمخ روووسنا بالقراية واهوا تقريبا راح يكون عبارة عن بارتات وايد

السلام ختام

فديت ذووووقج وكلااامج كله عسل عسل والله
انا مابي يعطوني اجازه بس عالاقل لا يحسسوني اني مقصره انا والله مو مقصره
خي يخلوني على راحتي متى ماقدرت انزله انزله بس وعد يوميا فيه بارت :× ومشكووره فدييت عمرج

لااااااااااااااااا
لاااااااااااااااااااااا
تختصرررررررررين
بليزززز عطينا التفاصيل كلهااا لو ان شاء الله 100 بارت
التمثليات التركيه مو احسن منج لووووووووووول

وبنات بليزززززززز للي يبونها بأختصار

احنا نبيها كامله مانبي اختصار وتدرون من الاول انها بتحطها كامله جان ما قريتوها وخلاااص
وبلييييييييززز

راعوو البنيه شوويه والله انه في بنات قاعدين يكرهونها بكاتبة قصه

وحبيبتي اذا تعبانه احنا ناطرينج حتى لو باجر تكملينها

خخخخخخخخخخخ اي المسلسلات التركيه مو احسن مني ابدا
فدييت ذوقج حبووو ^_^

اخذي راااحتج ريري ومو مستعجلين على شي اهم شي صحتج ونفسيتج
نفس حالتي انتي والله حاسه فيج

مااااااااااانبي اختصارااات والله اسلووبج حده يشووق فديييتج كملي البارتات على راحتج ان شاءالله يتعدون الثلاثين اهم شي تعطين الروايه حقها

:$ انا قاعده اسرع شوي بالاحداث لأن ابيها تتناسب مع سوالف فرح اللي بالطريج ^_^
ومشكووره حبييي

ريريز

حياتي لا تزعلين من البنات

يحبونج و يحبون القصة فيحنون
و آنا ضد الاختصار

نبي القصة 30 بارت عشان نستمتع فيها
و اخذي راحتج
و ترى ما نرضى تعتزلين الغرام
نبي قصة بعد هذي
[B]خلاص ادمنا على قلمج[/B]
يسلمووووووووووووو سامحينا حدنا نحن:ssssso:

عالغرام :$ :$ ودي اعتزله لأني قمت اتعب لووول وماحب اكتب اي كلام يعني اللهم بكتب وبس ://

نااااااااطرينج لو 100 باااااااااااااااااارت اخذي راحتج فديتج

الباااااااااارت رووعة اكسرت خاطري ندى وكسر خاطري احمد بنفس الوقت

مشكورة ما تقصرين

العفوو حبي ومشكووره عالتصويت الحلو

بالانتظار

وترى مو قصجي احن بس عشان تعرفين انتي ناطره مع البنات

احلى شي ان مو قصجي لووول جنج مصري تتدلع :× ثانكي عالمتابعه حبي ^_^

 

[G!RLooNa]

ثنكيوو :*

 

[المستبــده]

لووووووووووووووول
ريري عدلتها خوووو قصجي اخت قصدي الله يسلمج

 

[asrar mdfona]

كسرت خاطري والله ندوووووي وهم فروح ومشاعل ودي اكفخها


واحمد عاد شدعووووووه حرام عليك تسوي جذي


وريريز مانبي اختصار نبي نعيش الاحداث لحظه بلحظه وبعدين عاااتي عاتي لو حتى 40 بارت هم راضين اخذي راحتج

وبعدين تكفين يا قلبي انتي لاتعيدين كلمه اعتزلت الغرام لان حتى لو اعتزلتيه بيجي لي عندج مره ثانيه يبه احنا تعودنا عليج وعلى اسلوبج
يعني بالعربي ماكو فكه منا لازقين لج لازقين لج ونبي قصه يديده بعد هذي

 

[أنين الورد]

وييييييه دمعت عيني
بس اهي ليش معقده الموضوع جذيه ..بصراحه بصراحه احس ان ندى وايد متدلعه ..انا شفت ناس فيهم الصرع بس عالادويه كل شي كنترول وعايشين حياتهم

 

[أم@الحلوين]

مشكوره ريري عالبارت

 

[واحشني مووووت]

طايفني بارتين وااااي على هالمنتدى البايخ:23_asmilies-com:

بس توني قريتهم وااااااااي الصراحه ابداااااااااااااااااااااااع تسلم ايدج ريريز القصه حيييييل عورت قلبي الله يعين ندى ويعينا معاها

وسوري ريريز لان من زمان ماعلقت على القصه بس لان المنتدى وايد يعلق و انا ابوي تعباااااااااان وايد فماعندي وقت ادعوووووووله الصداع النصفي ذااااابحه :eh_s(22)::eh_s(22):


البارتات صفحه:

1،7،11،15،19،25،34،39،43،55،59،65،69،81،86،90،96​

 

[cute princess]

مشاعل وويعه حتى ويعه قولو امين
محد نحس غيرها مالت عليها وعلى ويهها

 

[كويتية بحتة]

thanks alot for the last part
and waiting for the new part

 

[كيوتيه كويتيه]

وااااااااااااي على هالمشاعل جانها تقث تدخل عصها بشي ما يخصها

وفرح مسكينه ريلها راح عنها

وندى الله يعينها

نااااااااااااطرينج

:fun: