روايتي الثالثة (( يا دنيا ارحميني )) .. قصة واقعية .. ReRez

[فيلجـ كول ـاويه]

طـــــــولت نبي بااااااااااااارت وااااااا ببجي ببجي

 

[Q8_ButterFly]

فيلجاويه نملتج عجييييبه :d

 

[فيلجـ كول ـاويه]

لوووول حلالج اخذي اللي تبينه بس ابي بارت لوووول

 

[JaN JaN]

الذين تشاهدون محتوى الموضوع الآن : 26 ( العضوات 9 والزائرات 17)
‏JaN JaN, ‏مزاجية حساسه, ‏bentalnoor, ‏Bnota_q8ya, ‏الاحاسيس المبهمه, ‏الصبر له حدود, ‏بلووونه, ‏nunu alghanim, ‏Q8_ButterFly


:ggdw::ggdw::ggdw::ggdw::ggdw:

 

[ReRez]

بنات الموقع حده علني .. وفوق هذا انا مريضه حيل والله حالتي كسيفه عيوني وخشمي يبجون وبلاعيمي مسكره
وراسي ذابحني فإذا البارت قصير طوفولي .. واذا مافيه احداث هم طوفولي .. واذا ماعجبكم هم طوفولي

لأني والله مسكينه :eh_s(2):
----



- 8 / كرهت السينما -

( فرح اطلعت من غرفة نورة و راحت غرفتها .. اتفكر )

فرح : والله نوره اطلعت اتحب وانا مادري .. و من وين دبرت فلوس ؟؟ والله خايفه على اختي .. صج انها اكبر مني بس مخها مخ ياهل عمره 7 سنين .. ( راح تفكيرها صوب ندى )
آآه يا ندى .. ادري قسيت عليج بس هذي امي .. امي اللي مافي بالدنيا اغلى منها

- رن تلفونها ... وكان اللي داق ( حمد ) –

فرح : ( ردت عليه ) الوو .. هلا حبي
حمد : هلا بحياة روحي انتي
فرح : ها تغديت ؟
حمد : اي الحمدلله
فرح : بألف عافية ان شاءالله .. حمد ؟
حمد : عيوونه
فرح : تسلم عيونك .. قاعدة افكر بندى .. مادري شاللي صار لنا .. عمرنا ما تهاوشنا بهالطريقة
حمد : اي صج ذكرتيني .. قلتي بعدين اتقوليلي .. شنو سبب هوشتكم ؟
فرح : ( مترددة ) الصراحة مادري شقولك
حمد : افا فروح .. انا حمد لا تخشين علي شي
فرح : بصراحة ندى ... ( قالتله كل شي )
حمد : من صجج ؟؟
فرح : اي والله
حمد : وليش خاشه عني هالشي ؟؟
فرح : مادري
حمد : بطوفلج هالمره .. بس اذا دريت ان في شي خاشته عني ماراح يصير خير اوكي ؟
فرح : حمد اشفيك عصبت .. والله ماقصدت اني اخش عنك
حمد : اوكي خلاص .. قلتلج هالمره بعديها
فرح : تسلم حبيبي
حمد : بس جد جد اكسرت خاطري
فرح : حتى انا تكسر خاطري وايد .. بس هم امي مسكينة
حمد : والله لو هذي امي مافكر اكلمها ولا ابي اعرفها
فرح : حمد لا تقول جذي امي مافيه اطيب منها والظروف حدتها على هالشي
حمد : الله يكون بعونهم ثنتينهم
فرح : آمين .. حبيبي عفية موضوع مرضها لا يطلع كلش واذا حصل وكلمتها بيوم سو روحك ماتدري .. لأنها وايد حساسة
حمد : ان شاءالله .. اصلا انتي توج عن شنو كنتي تسولفين ما اذكر ؟
فرح : ( تضحك ) اي كفو .. ابيك جذي على طول
حمد : حياتي انتي .. خلينا منهم وقوليلي .. متى تشوفيني ؟
فرح : ان شاءالله متى ماقدرت اقولك
حمد : فديتها بنيتي

- بعد ربع ساعة –

حمد : يللا تلحفي عدل .. اقومج الساعة 7 اوكي ؟
فرح : اوكي .. قعدني بضمير لأن وراي دراسة
حمد : اوكي حياتي نوم العوافي
فرح : مع السلامه ( سكرت التلفون وحطته تحت مخدتها )

( توها بتغفي جان تسمع صوت امها عالي بس ماتدري شنو قاعدة تقول .. خافت جان تنزل تحت )

- دشت الصالة –

فاطمة : ( بصوت عالي ) تقول انها حامل انت مستوعب يا مشعل ؟؟ مستوعب هالحجي ؟
مشعل : زين انتي اشفيج منفعلة وايد .. الله يحبها ورزقها بالحمل
فاطمة : بس اشلوون ؟؟ وندى اشراح يصير عليها ؟
مشعل : اشراح يصير يعني ؟ ماراح يصير شي
فاطمة : مشعل هذي بنتنا .. اذا اهي الله رزقها بياهل من بطنها خل ترجعلي بنتي
مشعل : فاطمة خلاص بس عاد البنت عطيناها اياهم من اول ما انولدت اتيين بعد 20 سنة اتقولين بنتي ؟
فاطمة : اي بنتي و بعد امية سنة هم بقول انها بنتي
مشعل : والله هالبنت ما احسها بنتي ولا شي .. دمها ثقيل مادري اطلعت على منو .. شكله سامي دلعها عالآخر
فرح : خالتي امل حامل ؟
فاطمة : اي توها مكلمتني وقالتلي
فرح : و ندى درت ؟
فاطمة : اي
فرح : ( تضايقت ) ماكنت ادري .. لو ادري مازعلتها اكيد الحين اهي وايد متضايقة
فاطمة : وليش زعلتيها ؟
مشعل : انا رايح انام ( قام وخلاهم )
فرح : ( اقعدت يم امها ) انا تهاوشت معاها عشانج .. اهي وايد ظالمتج وانا ماقدر اسكت اكثر
فاطمة : ( لمت فرح ) يا يمه ميخالف .. انا هم اللي سويته بحقها مو شوي .. لا تزعلينها مره ثانية
فرح : خلاص انا باجر اكلمها واراضيها
---

- ثاني يوم بالكلية –
( بعد المحاضرة )

دلال : ( تتكلم بالتلفون ) اي اي خلاص نص ساعة بالكثير انكون اهناك .. باي حياتي ( سكرت التلفون )
ندى : دلول ماودي اروح تكفين خلاص مو لازم
دلال : لا حبي .. انا من امس متفقة معاج
ندى : شوفي انا وافقت اروح بس مو معناته اني موافقة اكلم هذا مادري شسمه
دلال : اسمه مازن
ندى : مايهمني اسمه المهم ماراح اكلمه
دلال : على راحتج بس امشي
ندى : الله يستر
دلال : ندوي ريلاكس وين ماخذتج انا كلها سينما .. راح نروح بسيارتي
ندى : لا سيارتج وايد تلفت الانظار .. خلينا بسيارتي احسن
دلال : قلت سيارتي يعني سيارتي .. وامانه ندوي حاولي ماتييلج الحالة
ندى : ( تضايقت من كلمتها ) لا تخافين ماراح افشلج جدامهم
دلال : لا مو قصدي جدامهم .. اقصد جدامي .. تره انا والله خوافه امس زين ما انحشت
ندى : تره ماراح يطلع مني يني .. كلها دقايق وارد طبيعية
دلال : ادري ندوي لا تصيرين سخيفة بس مادري هم يخوف شكلج
ندى : ( اسكتت ومشت معاها )

- اصعدوا سيارة دلال ( بي ام باب واحد .. لونها أسود ) و مشوا –

ندى : انا ليش طاوعتج
دلال : اووو ندوي بسج حنه
ندى : استغفرالله
دلال : زين ماراح تبطلين شعرج ؟
ندى : لا مابي
دلال : مو حلو عليج جذي
ندى : كيفي

( اوصلوا سينما ليلى .. ودلال دقت على ( علي ) )

دلال : الوو .. ها حياتي وينك ؟
علي : وراكم قلبي فتحي عيونج شوي
دلال : اوو هذا انت ؟ .. عشان تعرف حبيبتك ماتشوف غيرك
علي : اي ادري فديتها تربيتي
دلال : ( تضحك ) زين يللا نزلو قبلنا لاحقينكم
علي : اوكي يللا باي
دلال : باي ( سكرت التلفون ) واي فدييته
ندى : ماتطالعين غيره ها ؟
دلال : ( اضحكت ونزلت المنظرة وقاعدة تحط حمرة فوشية ) اي بعد شنسوي انعيش شبابنا عدل .. وانحلله لأن مسيرنا باجر نتزوج و ننحبس بالبيت
ندى : ( طالعتها وهزت راسها ) الله يشافيج
دلال : ( حطت الحمرة بجنطتها ) نزلي نزلي والله محد مينون اهني الا انتي ( بطلت الباب وانزلت )

( ندى كانت لابسة جينز اسود مع قميص قصير احمر في خطوط متعرجه بسيطة بالأسود له زراير صغار .. ولابسه كعب احمر .. وشعرها رابطته ذيل حصان )
( دلال كانت لابسه بدي اسود جابنيز .. مع تنورة تركواز لي الركبة .. و لابسة اكسسوارات.. وشعرها كالعاده كيرلي )

- صارو تقريبا عند البوابة لقو علي واقف مع واحد طويل ومعضل حيل ( عضلاته اوفر يعني ) .. وويهه يخرع ملامحه عصبية –

ندى : ( تكلم دلال ) دلول منصجج ؟ شوفيه يخرع انا برجع السيارة
دلال : ( امسكتها ) لا يويلج والله اذبحج
ندى : ( مشت معاها وودها تنحاش )

- اوصلوا عند الشباب –

علي : اهليين ندى اشلوونج ؟
ندى : الحمدلله تمام
علي : ( باس خد دلال ) اشلونج حبيبتي
دلال : تمام بشوفتك فديتك
علي : اعرّفكم .. مازن رفيج عمري .. هذي دلال شايفها من قبل .. وهذي رفيجتها ندى
مازن : هلا ندى
ندى : اهلين

- دشو السينما .. راح علي مع البنات داخل .. و مازن راح يشتريلهم بوب كورن و عصير –
( دشوا البنات مع علي جان يقعد عند الممر و خله يمه دلال ويم دلال ندى )

ندى : ( بصوت واطي ) دلال قوليله يخلي رفيجه يقعد مكانه واحنا اندني شوي مابيه يقعد يمي
دلال : اوف ندى عادي اشفيج
ندى : دلول قوليله خلصيني
دلال : عمري علي دن شوي .. خل يقعد مكانك مازن
علي : لا حبيبتي يمكن ايي واحد يقعد يمها مايصير لازم احنا نقعد يمكم
ندى : بس هذا مكان عوايل يعني اذا فرضنا ان في واحد راح يقعد يمي فعادي راح يكون اهله معاه
علي : لا لا هم مايصير شنو احنا مو رياييل ؟
ندى : ( بقلبها ) مسويلي فيها كلش يعني الرجوله ذابحته
---

- بالكلية عند فرح –
( فرح قاعدة تدق على ندى بس كله يطلع لها الجهاز مغلق )

فرح : وينها هذي ؟؟ المفروض تكون بالكفتريا الحين
( دقت على حمد )

فرح : الو ؟
حمد : هلا حبيبتي .. ها كلمتيها ؟
فرح : لا ماحصلتها وجهازها مغلق
حمد : يمكن اطلعت مع دلال
فرح : هذا اللي خايفه منه .. اكره طلعاتها معاها
حمد : زين حبيبتي اشعندج الحين ؟
فرح : ماعندي شي الحين
حمد : زين عيل خل اطلع من الدوام واييلج
فرح : اشلون آخذ السيارة ؟ شقول حق نوره ؟
حمد : قوليلها بتتمشين مع رفيجتج
فرح : اوكي
حمد : يللا انا بطلع وادق عليج
فرح : اوكي باي
حمد : باي
---

- بالسينما –
( ندى قاعدة على اعصابها لأن اللي يمها من كثر ما عضلاته اوفر بارزه كانت تحوشها .. واهي كل شوي تلزق يم دلال )

دلال : ذبحتيني اشفيج .. تعالي قعدي بحضني بعد
ندى : ( بصوت واطي ) سكتي عني بروحي معصبه
مازن : ششش مايصير تسولفون بالسينما
ندى : ( اسكتت وقاعده تحرك تهز ريلها من العصبية )

---

- سيارة حمد المرسيدس -

حمد : ( ماسك ايد فرح ) تبين أمر على بيتنا تشوفينه من بره ؟
فرح : ( استانست ) صج حبيبي ؟
حمد : اي والله الحين اوديج .. بس اول قوليلي كلمة السر
فرح : ( تضحك ) احبك
حمد : فديتج انا .. زين ماتعطيني شي ؟
فرح : شنو يعني ؟
حمد : بوسة خد مثلا ؟
فرح : مممم .. اول ورني بيتكم
حمد : من عيوني

- وصل القادسية .. ووقف شوي بعيد .. و أشر لها على فيلا وايد حلوه كبيره حيل .. لونها ابيض ببيج –

فرح : هذا بيتكم ؟
حمد : اي حبي .. ماتشوفين اللمبرجيني سافطة ؟
فرح : اي صح .. ماشاءالله وايد حلو
حمد : عيونج الحلوة فديتج
فرح : زين امش لا يطلع احد ويشوفنا
حمد : اوكي
---

- بالسينما –

مازن : ( حط ايده ريل ندى ) اهدي شوي وايد تحركين ريلج
ندى : شيل ايدك عني
مازن : اشفيج منفعله وايد يعني ؟
ندى : اقولك شيل ايدك ( بتدز ايده مو قادره )
دلال : خلاص مازن قالتلك شيل ايدك
مازن : واشسويت لها انا عشان تنفعل جذي ؟
ندى : ( بغت تقوم بس مازن مسكها من ايدها وقعدها )
مازن : وين رايحه تعالي خلاص ماراح اسوي شي
ندى : ( صرخت ) لا تمسكني
علي : خلاص مازن بس .. في اوادم اهني
مازن : ( شال ايده ) يايبلي وحده معقده يعني بتضبطني عليوي ؟
ندى : ( قامت وخلتهم )
دلال : اوو مازن تره زودتها .. علي انا بروح باي
علي : خلاص حبيبتي روحي ديرو بالكم

( دلال خلتهم واطلعت بره الحقت ندى )

دلال : ندوي نطري شوي
ندى : ( اوقفت ) نعم اشتبين ؟؟ والله العظيم كرهت السينما بكبرها
دلال : اشدعوه اشسوالج عشان تصرخين جذي ؟
ندى : شكو يمسكني ؟؟
دلال : واي ندوي اشصار الحين ؟ كلها مسكة ايد
ندى : لا والله ؟؟؟ ومنو قالج عادي عندي هالشي ؟
دلال : بس خلاص موزين عليج الانفعال
ندى : ( طالعتها مده بعدين خلتها ومشت راحت حق السيارة )
---

سامحوني بنات عالقصور .. والله اني اكتب وكل شي فيني تعبان

______________________



----


// ما أحلل أي أحد ينقل رواياتي ومايذكر اسمي ReRez //
---
ادعوووولي أتوظف وربي يشافي امي وابوي ويوفقني انا وخواتي وأهلي اجمعييييييين ياااارب

 

[JaN JaN]

البارتات :


1 - 7 - 11 - 15 - 19 - 25 - 34 - 39

 

[zooz92]

سلاااامتج ريريز ما تشوووفين شر حووبي

البااارت حلو ومب قصير

مسكيينة ندى تكسر خااطري بس لو ما تمااشي هذي دلال :s

يعطييييج العاااافية على الباااارت

ناااااطريــنج :**

 

[فيلجـ كول ـاويه]

ثااانكس عالبارت وماتشوفين شر وسامحينا اذيناج

ناطرييينج ومازن سخييييييييييف

 

[The purple]

سلامات ريريز

كنت اقرا البارتات بالسفره بس نت الفندق يعل القلب

وعلى فكره توقيعج يطلع انتي الوحيده حطي البارتات فيه !؟

القصه جميله وممتعه وشيقه وشسمه مادري وباقي 12 بارت على النهايه

شرايج فيني بنت علمي صح ؟

 

[spongebob93]

thaaaaaaaanx .., al.paart 7lloooo w mo Q9eer bel3aaks 7seta 6weel a9lan w ana aQrah :icon30:
w maaaa tshooooofeeeeen shaaaaar nafs 7alty mreee'9aa

waiting :hjy5jewf:

 

[cute princess]

لووووووول ريريز
سلامات ماتشوفين شر :***
الله يهداج ما لقيتي الا اسم مازن مع ويهج ؟!
ودلال ويع لوعه والاخ مازن ماراح اتحجى عنه !!
وفاطمه ؟ نعم حبيبتي ؟ شقالت ما سمعت ؟ تبي ندى ؟
ما تبي كف على ويهها اضيع ملامحها احسن ؟ :rgewrg:

 

[أروسا]

مازززززن استايله اكرهه اللي يكون معضل وااااااايد يعععععع لو تييبين دبوس جان انبطططط

و حمد عندي احساس انه يقص على فرح

و ندى زين سوت بالغبي مازن ,,,اللي تكون محترمه تكون معقد مالت عليه


رز رز الله يعطيج الصحه والعافيه مدام تعبانه ليش اتنزلين بارت اهم ما علينا صحتج حبيبتي والا القصه لاحقين عليها ان شاء الله

ما تشوفين شر حبي

 

[UNiQe^PRiNceSs]

وااااااااااي ام فرح :rgewrg:

واااااااااااااااااااااااي دلال :rgewrg:

وااااااااااااااااي ماااازن :rgewrg:
اسمه كارثه و طلع كارثه لوووووووووووووووووووووووول

كملي حياتي ناطرييينج
وسلامااات انتي وخشمج ​

 

[JaN JaN]

سلامات ريريز :aha:

مشكووووووووووورة يعطيج الف عافيه وسامحينا اذا تعبناج :eh_s(21):

حمد شكله جذاب وهذا مو بيتهم :eh_s(10): مثل ما قلتلج احس انه حافي ومنتف >> لووول مادري شفيني عالى هالحمد

وفاطمه شكلها بتتهاوش مع امل عشان تاخذ ندى

اما مازن حسيته زلمه وريحته حلبه لوووول >>الله يولع جبدج
ويييييع قطيعه قليل ادب يا كرهي لهالنوعية

ودلال الله يستر عليها شكلها بايعتها عالآخر


تسلم الايادي

 

[UNiQe^PRiNceSs]

البارتاااااات

1 - 7 - 11 - 15 - 19 - 25 - 34 - 39​

 

[الرورو]

سلامات حبيبتي ما تشوفين شر
وبالعكس ما فيه شي البارت حلو
مازن حده ويع شكو تمسكها
وندى كان المفروض ما تروح فرضا ياتها الحاله وطاحت بالسينما من تصرفات مازن شتسوي
ودلال رديت كرهتها اهيه مع عليوي اذوا ندى الله يسامحهم
فاطمه الحين تذكرت بنتها
ومشعل اهم شي انه يكرهها واهيه بنته
وحمد شكله قاعد يمهد حق شي الله يستر منه
مشكوره حبيبتي ما قصرتي
ننطرج باجر انشالله
باي​

 

[جروحي انزفت]

سلامات حبي
بلعكس البارت حلو
تصدقين كله عبالي نمله على الشاشه من الصوره الرزمزيه مالت فيلجاويه كول لا واقول ليش ما تنمسك ههههههههه والله اني دايخه

 

[B!g Sm!le]

وييييييييع مازن سخيف
عاد اسمه يلوق على واحد ابيض ويلبس نظاره ومو معضل !!

رزروزتي حيااتي يعطيج العافيه
البارت حلوو ومو قصير
وما تشوفين شر يا الغاليه واذا تعبانه لا تنزلين بااارت اهم شي راحتج فديتج

 

[*الغاليه*]

يسلمووووو خيتووو ع الباااارت ويعطييييج الف عااافيه ماااقصرررتي
ربي يشفيج ومااااتشوووفين شررررر ,,,اجررر وعاافيه

بناااااااااااااااااااااااااات قررراااار بنعطي ريري اجااازه مرضيه يووومين ارحموووهاااا تعباااانه​

 

[HYoOoN:*]

سلامات حبيبتي و ثانكس عالبارت... بس اسم مازن ضحكني لوووول بس وييييع دمه ثقيل مع عضلات@@ ناطرنج