روايتي الاولى: •§ خــــاطـــري عـــافـــكــ يـــاخـــلـــي §•

[AroujaXD]

السلام عليكم انا وحده يديده بالمنتدى وحبيت انزل روايتي الاولى الي بعنوان(خاطري عافك ياخلي ) ابيها تكون عبره ودرس للغير...روايه حقيقيه 70% والباجي من تاليفي والماكن بعضهم مني والبعض الثاني اماكن الحقيقيه وانا اول مره اكتب روايه فاحترم اي وجهت نظر اوتعليق على اسلوبي بطرح القصه اوعن القصه نفسها واي وحده عندها سؤال عن القصه انا حاظر وادري قرقت وايد ​

​

​

​

روايتي الاولى: •§ خــــاطـــري عـــافـــكــ يـــاخـــلـــي §•​

​

​

:جسوم جسوم دربــالــ ( مامداه يكمل ولا !!!!​

​

طرراااااااااااااااااااااااااااااااااااااااااخ​

​

انتظر ردودكم

 

[انوار الكوويت]

متابعتج
وناطرين تنزلين البارت الاول
ومنورة المنتدي

 

[هناء - Hana]

متابعةة ونبي بارت حبي؛*

 

[AroujaXD]

[No message]

 

[AroujaXD]

[No message]

 

[AroujaXD]

​

​

طرراااااااااااااااااااااااااااااااااااااااااخ​

​

البارت الاول​

​

​

في احدى مناطق الكويت​

وتحديدا منطقه يرموك​

الساعه 11 بليل​

​

:شنووو​

شوق واهي تبجي:خالد والله هذا الي صار​

خالد:استغفرالله​

شوق: ولي يسلمك دور عليها​

خالد : شوق هدي شوي خل افكر​

شوق تبجي:شتفكر فيه خالد تكفى دور عليها خذت جوري وياها​

خالد:بعد!!!! لا هذا ابوج ستخف على الاخر​

شوق:شوق كلا من الجلبه​

خالد: هذي حسابها عندي بعدين​

شوق تبجي​

خالد:شوق سمعيني لا تفتحين الباب لا حق ابوي ولا مرته انا بدورها وبيي امرج​

شوق واهي تبجي : اوكي​

خالد :يلا باي​

وسده​

ركب سيارته ومشى​

​

​

​

--​

​

​

بمكان ثاني​

​

:انا شسويت شصار فيها الحين​

:تكفى جسوم اشوه بس ان فتكينا وانحشنا محد شافنا​

جاسم:بس لوصار فيها ش​

قاطعه:يبا حتى لو صار فيها شي محد بيدري​

جاسم :انا خايف والله خايف​

:اقول نام وجنى ماصار شي وانسى البنت وبعدين اهي الي نطت جدام سياره انت مالك اي ذنب​

جاسم والعرق يصبصب منا:الله يستر بس​

نزل من السياره:يلا فمان الله​

جاسم سكت وسيده حرك​

​

: حمدالله والشكر هذا بدال مايحمد ربه ان محد شافه مضايق (وضحك ضحكه استهزاء)​

​

​

--​

​

وصل اليرموك يدور على وعسى يلقاها بالمنطقه​

رن تلفونه​

​

:هلا وليد​

وليد:الله يهداك انت وينك طلعت تكلم وقطيت​

خالد:والله سامحني بس طلعت لي شغله وطريت اروح​

وليد: لا عسى ماشر​

خالد:لاماكو بس سوالف الاهل​

وليد:لا عيل نشوفك باجر انشالله​

خالد :انشالله​

وليد:مع سلامه​

​

حط الفون ورفع راسه​

استغرب من​

الشرطه والاسعاف وناس ولويه​

​

نزل يشوف شسالفه وطول ما اهو يقرب يسمع​

صوت الي يسمي والي يدعي والي يقول حرام و الي مضايق وصوت الاسعاف والشرطه والخ​

​

ويقرب اكثر ويسمع​

​

:وعليا مسكينه معاها ياهل​

​

​

:الله يشففيهم انشالله​

​

​

​

:مسكينا ممتكسرا لبنيه​

​

​

:لا حول ولا قوى الا بالله الله يردهم سالمين حق اهاليهم​

​

​

​

:الله يعين اهلهم​

​

​

وبعد الي واليي​

​

​

قرب اكثر​

شاف دب وردي وفي قلب احمر بنص مرمي على الارض متوصخ بدم​

​

لا اراديا ركض ودش بين الناس ماهمه احد اهم شي يشوف البنت الطايحه​

​

​

الكل مستغرب ويشوفه​

​

​

قرب لقى بنت صغير طايحه​

​

ووحده بيركبونها الاسعاف​

​

مسكه الشرطي :لوسمحت ممنوع​

​

خالد:وخررر وخررر اختي​

​

الشرطي :لوسمحت رد مكانك​

​

خالد:اقولك اختي اختي (ويدز الشرطي) وخر​

​

ياه واحد:شسالفه​

الشرطي :طال عمرك يقول اخته​

الضابط:ما عليه خليدخل​

​

​

هده شرطي​

​

قعد يركض لين وصل لقى بنت صغيره ببجامتها الورديه الي متوصخه بدم دم ودب الي طايح يمها مدمر بدم وجسم الي مغطيه الدم كله​

​

قعد على ركبه ومومصدق الي قاعد يشوفه جدامه​

قعد يهمس ويهزها:جوري جوري​

لكن ماشاف اي حركه منها كل الي يشوفه طفله طايحه بالارض والدم يسيل من جسمها​

​

رد يهزهاء:جوري قومي انا خلود اخوج انتي قاعده تسوين جذي عشان تخرعيني صح؟ويدزها اكثر :جوري بابا قومي حبيبتي عشاني انا اسف عصبت عليج ماراح اعصب عليج بس قومي حبيبتي (نطر ) قعد يخزها ينطر منها اي رد بس ماكو فايده تكلم واهو يرجف :جوري بس عاد قاعده تقطعين قلب اخوج بابا يلا قومي مو كنتي تبين تروحين العاب انا الحين بوديج وباخذلج احلى لعبه بس قومي (شاف نفس الوضع) انترست الدموع بعينه اكثر ومسح على ويها ورفع راسه ويهمس :جووري بابا قومي وطاح يمها يبجي​

يالا شايب وحط ايده على جتفه:يبا مايصير جذي خل ايمانك بربك قوي​

خالد مغمض عينه ؤالدموع تنزل من عينه​

شايب:ان الله على كل شي قدير خل ايمانك بربك قوي ربك قادر على كل شي ادعيلها​

​

​

​

​

خذوهم الاسعاف وخالد لحقهم سيده​

​

​

--​

​

​

​

وصل مكان الحادث​

نزل لقى شرطه​

:سلام عليكم​

الشرطي :وعليكم اسلام​

جاسم:اخوي ماعليك امر بغيت اعرف الي تعرضت حق الحادث وين ودوها​

الضابط:قصدك الياهل والبنت​

جاسم انصدم "كان معاهاياهل":ايي​

الشرطي :نقولهم مستشى الا***​

جاسم تسلم​

الشرطيي: الله يسلمك ومشى​

​

اما جاسم وقف بمكانه مصدوم"شسوي انا البنت كان وياها ياهل وطق راسه اخ ياغبي غبي"​

​

ركب سيارته وطيران على المستشى​

​

​

​

​

​

بعد ثلث ساعه​

​

​

بالمستشفى​

​

:عفوا ممنوع الدخول​

خالد : بس انا اخوها​

السيستر:تفضل استريح واحنا بنطمنك​

خالد سكتت وقعد ينطرها​

​

--​

وصل الاميري وسيده نزل​

:لوسمحتي​

الموظفه:هلا اخوي​

جاسم:ماعليج امر توا دخلو وحده سياره داعمتها بغيت اعرف وين نقلوها​

الموظفه:لحظه اشوفلك​

جاسم :سكتت​

الموظفه:توا دخلو عندنا وحده من غير بيانات اثر صدمه سياره نقلوها العنايه​

جاسم :مشكوره​

​

​

واتجاه للعنايه​

​

وصل لغرفه العانايه لقى واحد قاعد وحاط ايدنه على راسه​

قرب منه​

جاسم:سلام عليكم​

خالد رفع راسه وباستغراب :وعليكم السلام​

جاسم ماعرف شيقول​

خالد طالعه​

جاسم يتكلم واهو يرجف : كنت واقف بالحادث وصراحه ييت اطمن على احوالهم​

خالد بحزن:والله على حطت ايدك محد طلع يطمني​

جاسم حط ايده على جتف خالد:انشالله مافيهم الا العافيه​

خالد :انشالله وسكت ولف ويها​

ام جاسم قعد يمه ينطر​

​

​

​

بعد 4 ساعات​

​

طلع الدكتور​

​

خالد فز سيده وراح حق الدكتور:ها دكتور طمني​

الدكتور:خل ايمانك بربك قوي​

جاسم انصدم وقام​

خالد واهو مو فاهم :شنو يعني​

الدكتور : احنا سوينا كل شي نقدر عليه والاعمار بيد ربك اهم شي ايمانك يكون بربك قوي احنا فقدنا الطفله الي وياها اما البنت الثاينه قدرنا ننقذها بس للحين ماتجاوزت مرحله الخطر​

خالد يطالع الدكتور وجنى مو مصدق:​

دكتور حط ايده على جتف خالد و ابتسمله ابتسامه كانه يواسيه​

الصدمه كانت حيل قويه بنسبه لي خالد ما تحمل و طاح على ركبه وتم ساكت يطالع غرفه العمليات​

​

اذكر لمن طلبت من تروح الالعاب وزفها​

جوري:خالد شوف شوق مو راضيه توديني الالعاب​

خالد : خلاص باجر توديج​

جوري:مابي مابي​

خالد:جوري خلاص باجر توديج يمكن مشغوله​

جوري:انت ودني​

خالد:جوري قلت لج باجر توديج​

جوري واهي تعاند:مابي بروح العاب​

خالد صرخ :جووريي خلاص عاد لا تحنين​

​

ماكان مصدق حس ان الجوري بتطلع الحين وبتلمه نفس عادتها بس للاسف هذا كله حلم​

اما جاسم كان مصدوم اكثر ماعرف شيسوي قرب من خالد وحط ايده على جتفه:هذا الي الله كاتبه هذا يومها ومحد يقدر يمنع هالشي خل ايمانك بربك قوي ياخوي​

خالد واهو يمسح على ويها :الله يرحمها​

ساعده جاسم ان يقوم ويابله ماي​

رن فون خالد وكانت شوق​

رد عشان لايخرعها وماحب يقولها بالخبر​

خالد:هلا شوق​

شوق:ها وينهم لقيتهم​

خالد:لا مالقيتهم بس لا تحاتين انشالله الزين وجوري مافيهم شي​

شوق واهي تبجي:وين راحو​

خالد بنبره حزن :بنلقاهم انشالله وبيردون البيت​

شوق:خالد لا ترد الا واهم وياك​

​

خالد ماعرف شيقول:انشالله حبيبتي انا الحين بسكر دربالج ولاتفتحين الباب لا حق ابوي ولا مرته​

​

شوق:انشالله​

خالد:مع سلامه (وسده)​

جاسم:يلا انا استاذن وعظم الله اججرك​

خالد بحزن:اجرنا واجرك​

​

​

​

​

​

​

يوم الي وراه​

​

دخل خالد البيت بدشداشته وغترته الي على جتفه وويها الي مبين عليه الحزن​

​

لقى ابوه قاعد بصاله ويقرا الجريده​

بوخالد بصراخ:شرفت حضرتك اخيرا​

خالد كان يخز بوه بنظرات عتب ولوم​

بوخالد بصراخ:شفيك تخز جذي ليكون انت الابو وانا مادري​

شوق نزلت تشوف من شنو الصراخ​

شافت خالد واقف قبال ابوها​

خالد قرب عند ابوه اكثروابتسم ابتسامه حزن :عظم الله اجرك يبا​

بوخالد واهو موفاهم ويخزه​

خالد:جوري عطتك عمرها​

شوق شهقت وحت ايدها على حلجها​

اما بوخالد انصدم وقعد يخز خالد​

خالد وللحين يبتسم:دعمتها سياره اهي والزين وعطتك عمرها​

شوق:جذااب والله جذاب (قربت ودزته)جذااااب لا جذب لا جذب جوري ماماتت جوري امس كانت تلعب وياي لا جذب​

خالد انزلت الدموع من عينه​

شوق بصراخ : لا تبجي لا تبجي قول جوري ماماتت انت قلت بترد وياهم قلت بتييب جوري وياك وين جوري وين جوري(مره وحده نقلبت ملامح ويها ومسكت خالد)خالد ولي يسلمك قول انك اجذب خالد ييبلي جوري ابي جوري خالد ابي اختي ودني لها خالد الحين خالد رد علي جوري ييبها ييب اختي ييبها(طاحت على الارض)ييب جوري خالد ييب اختي ابيها خالد ييبها​

خالد نزل لمها يواسيها ويمسح ظهرها​

​

طول الوقت بوخالد ساكت منصدم​

شوق:خالد جوري راحت ياخالد جوري راحت اختي راحت (قامت ووجهت الكلام حق ابوها) كلا منك ذبحت اختي و بتكمل على اختي ثانيه الله لا يسامحك يايبا​

بوخالد انترست الدموع بعينه وقعد :الله وان اليه راجعون (ونزلت من عينه دمعه)​

شوق بحسره :حسبي الله ونعمه الوكيل فيكم انت ومرتك حسبي الله ونعمه الوكيل فيكم​

بوخالد :خالد ودني حق بنيتي​

خالد انصدم ماعمرا ابوه حن عليهم ماكان متوقع هالرد من ابوه​

بوخالد واهو يقوم غصب :قوم قوم ودني حق بنتي​

شوق:انا بيي وياكم​

خالد :انتي خلج هني​

شوق والله مااقعد​

صعدت فوق خذ تعبايتها ونزلت​

 

[AroujaXD]

​

تعريف الشخصيات​

بيت بوخالد: كان يحب ام خالد الا يموت فيها وخذاها عن حب بس للاسف مااتت واهي تولد جوري (الي اهي بنته الصغيره 6 سنوات) وومن عقبها همل عياله وماهتم فيهم ولا درى عنهم وبعدها ضغطواهله ان يبيله مره تربي عياله بس للاسف مارضى بس يوم كبرو عياله حس يبيله مره اداريه واداريه جوري لانه مايدري عنهم وجوري صغيره يبيلها احد يربيها وتزوج منيره واهي وحده شرانيه تشيشه على عياله والحادث الي تعرضت له الزين وجوري بسبب منيره​

​

نردقبل الزين وجوري للحادث​

قعدت من النوم ساعه 9 بليل​

سمعت صوت بجي وصراخ نزلت بسرعه لقت منيره قاعده واطق بجوري​

الزين قربت ودزتها وجوري سيده لمت الزين تبجي :انتي هي هي سمعيني وحطيني فبالج عدل الي يمد ايده على اختي اكسر ايده فاهمه شنو يعني اكسر ايده​

منيره:ههههه مابقى بعد الا انتي طولين لسانج​

الزين قربت منه حيل :والله والي رفع سابع سمه ان شفتج ماده ايدج على اختي لا تلومين الا نفسج وقد انذر من اعذر​

منيره:انتي تهدديني !!​

الزين بسخريه :ليش ومنو انتي اقصاج من شارع وخزتها من فوق لي تحت​

لفت ويها بتمشي​

ماتشوف الا احد تالها من شعرها​

منيره:اقول يابابا ثمني كلامج عدل لانج تعرفين انا شنو اقدر اسوي​

الزين وخرتها ومسكته من فانيلتها:تفو عليج وعلى اشكالج يازباله​

منيره:انا تفلين علي ياكلبه​

الزين:اتفل عليج وعلى اشكالج بعد​

منيره:ماالومج تربيت موضو​

الزين لما سمعت سيرت امها ما تحملت مسكتها من شعرها حيل :سمعيني عاد لا تيبين اسم امي على السانج القذر وامي اشرف منج ومن طوايف طوايفج ودزتها على الارض وخذتت جوريي​

منيره بصراخ:هين يا الزين هين حسابج عندي​

​

​

ساعه 10:30​

انفتح الباب مره وحده​

وبصراخ:الزين​

الزين قامت بسرعه:هلا يبا​

مسكها من شعرها : انتي تمدين ادج على منيره​

الزين:يبا اهي كانت اطق الجوري​

بو خالدواهو تالها:انشالله تذبحها ! ماتمدين ادج عليها ياجلبه​

الزين واهي تتالم :بس يبا والله​

يت منيره وقاطعتها وتسوي نفسها تبجي :اهي اهي اهي لا بو خالد لاتعورها خلها​

بوخالد:خليني اربيها هالجلبه المو متربيه​

الزين واهي تبجي:بس يبا اهي يابت طاري امي يبا انا ماارضى على امي​

بوخالد لماا سمع طاري مرته القديمه هد الزين ولف على منيره خزها​

منيره بخوف :انا ؟؟ انا يبت طاري امج يا ظالمه !!
الزين : وجذبين بعد​

منيره اطالع بوخالد:شفت بو خالد شفت بنتك شلون جذب والله حرام عليككم انا تحملتهم وايد ولا تكلمت بولا كلمه شوفها شتقول انا يبت طاري موضي ! حشى مايبت سيرتها المره ماتتت والله يرحمها شفت بوخالد​

الزين بصراخ:هيي انتي لا جذبين​

بوخالد :وتصرخين عليها جدامي بعد​

​

مسكها من شعرها وتلها لي تحت​

الزين :اااييي يبا والله انا مالي شغل والله​

بوخالد:جب ولا كلمه​

طلعو شوق وجوري​

وانصدمو من ابوها تال اختهم وينازلها​

جوري قعدت تلحقه وتبجي​

وشوق تهديه​

بس ماقدرو طردها برا وشاف جوري وطردها وياها​

​

خالد :اكبرهم 27 سنه يحب خواته بشكل موطبيعي واهو الي رباهم بعد امه كان لهم الام والابو وماقصر عليهم بولا شي .خالد شخص مملوح ومليون وحده تمناه حنطاويوعيونه وساع عسليه على يدته ام امه شعره اسود وجسمه راياضيي وخشمه صغيره​

شوق:24 ثاني وحده بيضه عيونها صغارضعيفه خشمها صغير شفايفها كبار شوي مملوحه​

الزين:18 الزين حلوه بمعنى الكلمه وكانت طالعه على امها وامها ماخذه ملامحها من امها الى اهي موكويتيه (لبنانيه ) الزين بيضه (بس برونزيه من تان ) عيونها كبار ووساع ولا هي متينه ولا ضعيفه وزنها 60خشمها ضغير وشفايفها صغار ومتفوخين.. الزين خجوله حيل وحساسه وبنفس الوقت شيطانه ولسانها طويل ماتحب احد يغلط عليها او على امها خاصتن السانها متبري منها بس بنفس الوقت الي يتعرف عليها يحسها بنت عفويه على نياتها​

الجوري:6 سنين وحيل كانت متعلقه بالزين​

​

بالمستشفى​

​

وصلو وراح بوخالد وخالد وشوق يشوفون جثه جوري​

شوق: جوري راحت خالد جوري راحت​

خالد لمها :ميخالف شوق خلي ايمانج بربج قوي​

شوق:والله حرام والله توها صغيره​

خالد : يلاشوق ابوي بيدخل​

طلعو شوق وخالد​

وبوخالد دش وراهم لانه طلب يدخل بروحه​

​

قرب لي عند الجثه​

شافها مسكره عينها والغطا الابيض على جسمه والكدمات مبينه:سامحيني يايبا سامحيني انا غلطت ماعرفت النعمه الي ربي عطاني اياها يبا انتي وصيت امج لي بس للاسف ماعرفت احافظ على الووصيه (قعد يبجي ويمسح علىويها)ندمان يا يبا والله ندمان(قعد يبجي ماقدر يكمل)​

الدكتور:احمد ربك يابوجوري بنتك طير من طيور الجنه وهالشي يفرح​

بوخالد:اهه يادكتور فرطت بنعمه الي ربي عطاني ياها​

الدكتور :يلا بو جوري (مسكه عشان يطلعه)​

​

​

​

طلع لقى خالد لام شوق واهي تبجي​

راح خالد ياخذ ابوه​

خالد:يلا يبا​

توه بيمسكه جان يطيح عليهم​

​

​

​

اتمنى عجبكم البارت

 

[AroujaXD]

متابعتج
وناطرين تنزلين البارت الاول
ومنورة المنتدي

بوجودج حبيبتي:eh_s(22):

 

[AroujaXD]

متابعةة ونبي بارت حبي؛*

انشالله توني نزلت بارت :eh_s(22):

 

[A7laa kuwaitia]

متابعه يديده
متى تنزلين بارت ثاني

 

[انوار الكوويت]

الروايه روعه
ناطرينج

 

[AroujaXD]

​

البارت الثاني​

​

خالد:هادكتور طمني​

الدكتور:عظم الله اجركم ايده على جتفه:هذا الي مكتوب ومحد يقدر يعترض ادعوله بالمغفره انشالله​

خالد نزل راسه :الله يرحمك يايبا​

خالد انصدم​

الدكتور حط​

اما شوق انهارت وطاحت تبجي​

​

​

​

​

مات بوخالد وجوري​

الصدمه حيل كبيره على شوق​

وهم خالد بس لازم يبقى قوي لان محد بقاله غير شوق اما الزين مايندرى عنها​

​

​

​

​

​

​

بعد 5ايام حيل كانت لها تاثير عليهم فقدو شخصين يحبونهم ابوهم ووجوري​

اما الزين حالتها تحسنت وتجاوز الخطر​

​

​

​

​

​

​

...:صج دكتور !...الله يطمن قلبك مثل ماطمنت قلبي ..لا اكيد اكيد بنزورها .. لا بس تدري الي مرينا في مو شوي .. يعطيك العافيه​

​

​

خالد:شوق شوووق​

​

نزلت شوق واهي تعبانه حييل​

شوق:هلا خالد​

خالد(متقطع قلبه على اخته حيل تغيرت ضعفانه حيل وويها صاير اصفر وباهت وطول الوقت بجي ولا لقمه دشت بحلجه وصايره ماتحاجه)​

خالد والفرحه مبينه من عينه:الزين تجاورت مرحله الخطر وانشااله باجر بينقلونها حق غرفه خاصه​

شوق والدموع تنزل من عينها :صج​

خالد قرب ولمها:ايي حبيبتي​

شوق واهي تبجي:الحمدلله الحمدالله والله خفت تروح اهي بعد وتخليني والله​

خالد مسح على راسها:لا انشالله​

​

​

مره وحده انفتح الباب حيل وشوق وخالد اخترعو​

​

​

منيره بدلع: سلام​

خالد:أنتي شيايبج اهني​

منيره:خير هلا ماسمعت​

خالد بصراخ :شيااايبج​

منيره:يايا حق بيتي​

خالد:ههه قصدج بيتنا​

منيره:للاسف غلطان هذا بيتي وحلال ابوك كله صار حلالي​

خالد:انتي صج ماتستحين على ويهج الحين هذا همج عزا ريلج الي اهو عزا ريلج ماحضرتي​

منيره:اقول بلا كلام فاضي يلا شيلو اغراضكم انت واختك وبرا​

خالد باستهزاء:بشوف شلون طلعينا​

منيره:بسهوله البيت بسمي والحلال كله بسمي يعني بالمختصر انتي مابقالكم ولا شي​

خالد:هذااك قبل ياماما​

منيره:نعم​

خالد :ابوي الله يرحمه قبل لا يموت ويطرد الزين بيومين حول كل شي بسم عمي وهم البيت يعني انتي الحين مالج عندنا ولا شي !!​

منيره :جذااب ابوك وراني ورقه مسجل البيت بسمي اهو وراني​

خالد:اذا انتي غبيه احنا شذنبنا يعني اذا انتي مقصه وينقص عليج !! ياماما ابوي لا سجل البيت بسمج ولا الحلال بسمج​

منيره : انت قاعد جذب قاعد ادبرون موأمره ايي اكيد كل هالعز ماتبونا يروح منكم​

خالد:عندج المحامي تقدرين تسالينا ويلا الحين برا (بصرخ) برا​

منير:ماني طالعه من بيتي​

خالد :اظاهر انتي ما تفهمين (قرب منها ومسكها حيل ودزها برا البيت​

منيره بصراخ:والله مو هادتكم والله وحلالي رادته يعني رادته​

خالد واهي يحذف جنطتها :الي ماطولينا بيدج وصلي لريلج وسد الباب​

​

اما شوق طول الوقت ساكته وماتكلمت​

​

​

​

​

بعد سبوع قامت الزين ودرت بموت اختها وابوها بنفس الوقت وتازمت حالتها حيل وتهمت نفسها بموت اختها​

شوق حالتها حيل تحسنت بقومت اختها​

منيره مايدرون عنها للحين​

​

​

​

​

بعد مرور ســــنـــه​

​

​

​

:ها رايحه الجامعه​

الزين:ايي والله شوق حدي خايفه تدرين اليوم اول يوم​

شوق:لا ماعليج هذا شي طبيعي بتخافين​

الزين:ماعلينا انتي مابتروح شغلج​

شوق:لا والله مالي خلق​

الزين:هاو مامداج توج صارلج 5 شهور متوظفه من بدايتها جذي​

شوق:سكتي بس لايعه جبدي من الشغل​

الزين: الصراحه الله يعينج على مديرج هذا​

شوق:سكتي سكتي بس تعالي تريقاي وروحي​

الزين:لالا حدي متاخره اكلي شي هناك بجامعه يلا باي​

شوق:الله معاج​

​

​

--​

بالشويخ​

ام احمد:ها يما راييح​

جاسم:ايي يما رايح​

ام جاسم:دربالك حبيبي​

جاسم :انشالله يالغاليه​

​

​

--​

بالجامعه​

​

منزله راسها والكتب بيدها ماكانت عارفه وين تروح والجو حار صارلها ساعه تلف​

ماحست والا واهي داعمه بواحد​

:شنو ماتشوفون انتو ماتشوفون​

الزين رفعت راسها وطالعته : اا انا اسفه اخوي​

جاسم رفع راسه وشاف الزين وتخسبق حس نفسه غبي لما صرخ : لالا عادي اختي انا الي اتاسف​

الزين واهي مفتشله ابتسمت ومشت​

​

اما جاسم مشى رايح​

:جسووووووووووم جوييييسم​

لف ويها لقى صاحبه حمد​

حمد:مابغينا نشوفك وين قاط عنا​

جاسم يسلم عليه ويضحك : ظروف ياخوك​

حمد:حتى لو ارفع سماعه اسال عن صاحبك ولا الي لقى حبابه نسى اصحابه​

جاشم :ههه لا يبا​

حمد:ههه يبين كل شي بعدين​

جاس ضحك:يلا انا استاذن عندي محاظره عن اذنك​

حمد:اذنك معاك​

​

--​

:ميري مييييرريييي​

شوق:هاشفيك شفيك​

خالد:مارحتي شغلج اليوم​

شوق:لا مالي خلق​

خالد :انزين انا رايح الشركه​

شوق:شكنت تبي من ميري​

خالد:بغيت تسويلي قهوه بس تذكرت اني مستعيل​

شوق:اييي عيل روح لا طول​

خالد:يلا مع سلامه​

​

لفت شوق بتصعد لمحت درج نزلت وكانها اذكرت شي​

اتجهت لي الكبت وفتحت الدرج​

غورقت عيونها لما شافت صورتها اهي والجوري والزين:الله يرحمج وحطت صوره فوق الدرج يم طاوله الطعامم​

صعدت فوق غرفتها بتريح شوي​

سمعت فونها قاعد يرد​

شوق:افففففف​

وبعدين ويا هالرقم يعني
شوق:نععممم خيير​

:.........​

شوق:يعني داقين عشان تسكتون​

:......​

شوق :استغفرالله (وسدته)​

​

شوي ولا يوصلها مسج (فديت الي مصبح عليها )​

شوق حقرت​

(فديييت الصوت انا بس)​

شوق :استغفرالله​

قررت اطفي الفون ونامت​

​

​

​

ساعه 1 العصر​

بجامعه​

كانت الزين تمشي رايحه السياره​

لمحت جاسم يطالعها​

كانت تحاول ماتشوف لانها مفتشله من الي صار​

​

واهي ماشيه​

سمعت:لوسمحتيي لو سمحتي​

لفت ويها تشوف منو وبستغراب وخجل :هلا​

جاسم:انا حبيت اتاسف من الي صار واني صرخت من غير قصد​

الزين ابتسمت ابتسامه عفويه : لا عادي حصل خير​

جاسم ابتسم ومد ايده:معاج جاسم​

الزين طالعت ايده وطالعته وقالت من غير ماتمد ايدها :اهلا تشرفنا يلا عن اذنك​

​

مشت الزين وركبت سيارتها​

​

اما جاسم حيل عجبه تصرف البنت وعفويتها خجلها​

​

ابتسم وراح​

​

​

-- ​

​

بشركه بو خالد والي اهو بعد وفاه خالد استلم كل شغله​

​

:استاذ خالد عندك ضيوف​

خالد بعصبيه : قلت لج لا تحاولين لي احد ولا بشوف احد​

:بس استاذ خال​

خالد قاطعها:اشتغفرالله دخليهم دخليهم (وسده)​

​

دقايق و​

بكل شموخ وغرور دخلت بنعومتها المعتاده وبحضورها الطاقي وصوت كعبها الي كل يسمعه وعطرها الفايح بكل مكان:سلام عليكم​

​

حوله الاوراق والملفات منزل راسه ويطالع فيهم كان مبين عليه من تعابير ويها معصب بس !!!!​

لما سمع ذاك الصوت وشم ذيج الريحه تخسبق وكانه عارف هالصوت عدل​

​

رفع راسه يشوف​

​

​

​

​

وفعلاا الي كان متوقعه​

وقف مصدوم ويطالعها :انتي شتسوين اهني​

ابتسمت له وقربت :شلونك خالد​

خالد بنبره عاليه:شتسوييين هنيي​

:يايا اشوفك​

خالد بعصبيه : غرور تفضلي طلعي برا​

غرور:مو قبل ماتعرف ليش يايا هني​

خالد:ولا بعرف (واشر على الباب) طلعي​

غرور بكل جراه قعد وحطت ريل على ريل :اسفه اخلص الي ابيه واطلع​

خالد : اللهم طولج ياروح​

غرور:للحين ما تغيرت نفس الويه نفس التعابير نفس العصبيه هذا انت ياخالد ماتغيرت​

خالد قعد واستسلم:شتبين غرور​

غرور:ابييك​

خالد خزها​

غرور:ايي خالد ابيك ابي خالد حبيبي ابي خالد الي ماكان ينام لين يسمع صوتي والي اذا قام يصبح على صوتي ابي خالد الطيب الي قلبه بس كان لي انا​

خالد قااطعها:انتي قلتيها كان ! والحين كل ششي تغير​

غرور :بس انا للحين احبك​

خالد:رجاءا غرور مانبي نفتح دفاتير صارها 3 سنين مسكره واذا هذا الي يايه عشانه فلا تعبين نفسج​

غرور:خالد انا ندمت والله ندمت انا بعدك ضايعه ياخالد والله ضايعه​

خالد:كل واحد يتحمل نتيجه غلطه انتي خنتيني ورحتي حق غيري معني ماغلطت معاج واحترمتج وصنتج ويكفي فوق كل هذا انج بنت عمي بس للاسف هالشي مابين بعينج​

غرور واهي تبجي :بس انا ندمانه​

خالد:انا كنت اقدر افضحج ولا اروح واقول حق ابوج بس لاياغرور مو خالد الي يسوي هالشي ولا خالد الي يرضى على نفسه يفضح بنت انا تفاهمت ويا الي خليتيني عشانه ! بس مو عشانج ! عشان سمعت العايله وقلتلج ان رديتي وعدتي هالشي مالي غير ابوج​

غرور تبجي :كنت ياهل وطايشه​

خالد:ياهل ولا مو ياهل ييكفي عطيتج قلب مليون وحده غيرج تمناه وانتي خذلتيه وهذي النتيجه​

غرور قامت وخزته بحقد:بس انت للحين تحبني​

خالد ضحك ضحكه استهزاء:هههههههه هذا اول يا غرور​

غرور :حط عينك بعيني واحلف انك ماتحبني وانا مستعده اروح ولا تشوف رقعت ويهي بعد​

قام خالد بعصبيه : شوفي ياغرور ان شفتج يايا اهني بعد ولا شفتح مقربه صوبي ولا صوب خواتي والله لا تلومين الا نفسج وقد اعذر من انذر​

غرور واهي تبجي :نتواجه يا خالد​

خذت جنطتها وطلعت واهي تبجي​

​

اما خالد قعد على الكرسي وتنهد​

​

نوقف شوي​

​

غرور بنت عم خالد واهي حب خاالد لوحيد من واهو صغير​

غرور شخصيتها تختلف حيل عن خالد تحب تسيطر على الاشياء تملك الشي حتى لو ماتبيه حقوده شرانيه بس هم اكو جانب منها طيب بس قليل مايبين نقدر نقول حبت خالد او حبت شخصيته لانه خالد مليون بنت تمناه بحكم ان حلو وجذاب وحضوره طاغي حبته حب مصلحه بعكس خالد الي حبها من قلبه وصانها بس اهي بسهوله راحت حق غيره ولا همها خالد ولا طوايف وخالد بحكم ان ولد عمها وخايف على سمعت العايله تفاهم ويا الي خلته عشانه وهدده وطبعا هذاك هدها ووخر عن المشاكل وكاهي بعد 3 سنين ارجعت له بس ليش وشتبي منه ؟ وصج تحبه ولا شنو ؟ بنعرف كل هذا بعدين​

​

​

 

[انوار الكوويت]

ااب كملي الروايه حلوة

 

[AroujaXD]

​

البارت الثالث​

​

​

​

​

​

​

:يماااا يمااا​

ام جاسم: ها يما ​

جاسم : يما ميت يوع والله​

ام جاسم:كاني بجهز الاكل انت روح بدل ولقى الاكل جاهز​

جاسم : شنو غدانا​

ام جاسم : امطبق زبيدي​

جاسم:ايببااا​

ام جاسم:ايي ادري فيك ماتقاومه​

جاسم:لا كاني كاني ابدل وانزل​

ام جاسم ضخكت :يلا يما​

​

​

--​

باليرموك​

:ها زيون شلون الجامعه وياج​

الزين:والله عادي بس تدري اول يوم​

خالد:لا بتتعودين انشالله​

الزين :ابتسمت​

شوق :الا اقول خالد​

خالد:هلا​

شوق :ابي فلوس​

خالد:عندج بالبنك​

شوق:لا مالي خلق اروح اسحب​

خالد:ومعاشج وينه بالله​

شوق :خلصتهم​

خالد ضحك :مو مستغرب​

الزين:حتى انا خالد ابي فلوس​

خالد:شتبين فيهم بعد​

الزين:بروح السوق​

خالد:خلاص انشالله اخلص واعطيكم​

الزين كانت تاكل ولمحت صوره اهي وجوري وشوق​

حست بضيقه ونزلت راسها​

خالد لاحظ وسالها:شفيج زيون​

الزين:مكان جوري فاضي بهالحزه كنت انا الي اوكلها​

شوق سكتت ونزلت راسها​

اما خالد طالعها وابتسم:الله يرحمها​

الزين قامت:الحمدالله​

​

شوق وخالد ماحبو يضغطون عليها لان يعرفون شكثر كانت متعلقه بجوري​

​

​

الزين كانت حيل متعلقه بجوري لان مثل ماقلنا ام خالد ماتت اول ماولدت جوري فجوري كانت لها الام والابو وهم شوق وخالد ماقصرو والزين لما درت عن الجوري وايد تازمت حالتها وتمت 4 شهور على نفس الحاله​

​

​

​

--​

بالشويخ​

:اقول يما​

جاسم:هلا يما​

ام جاسم:خالتك سعاد وايد تسال عليك وبتشوفكك​

جاسم: اشوف اشوف​

ام جاسم بعصبيه :انا كل ماكلمتك عن خالتك قلت اشوف اشوف​

بوجاسم:خليه الولدج لا تضغطين عليه اختج سعاد ماتبلع​

ام جاسم:بو جاسم شهل حجي​

جاسم:يما خالتي سعاد انا ادق عليها واسلم​

ام جاسم :بس خالتك بتشوفك​

بوجاسم: ياعايشه خليه على راحته​

ام جاسم:ويه كيفكم​

جاسم:الحمدالله​

امجاسم:وين يما ما خلصت صحنك​

جاسم:الحمدالله احس نفسي طفحت​

ام جاسم:بالعافيه يما​

بوجاسم:اليوم تعال وياي عند عمامك​

جاسم:بس يايبا اليوم مواعد رفيجي​

يبو جاسم:ايي ماعليه تعالي وياي وبعدين روح حق رفيجك​

جاسم:بس يايبا​

بوجاسم:لا بس ولاشي​

عايشه:هو انت مو توك تقول خليه على راحته خلاص خله​

بوجاسم خز عايشه انه لا تدخلين​

عايشه :وي كيفك​

بووجاسم:لا تنسى​

جاسم بخيبت امل :انشالله​

​

وقام​

​

​

بيت بوجاسم​

​

بوجاسم :رجل اعمال وله هيبته بسوق والله بس رزقه بولده جاسم ...حنون وطيب بس وقت الجد جد وشددييد ومايرضى احد يخلف بكلمته او يعترض
ام جاسم:على نياتها تموت بولدها وحيدها واي شي يقوله بو جاسم اهو صح بنسبه لها
يجاسم: شعره اسود اسمر عيونه صغار سود وجسمه رياضي وخشمه كبير شوي عمره 23

​

--​

​

ساعه 8​

باليرموك​

الزين كانت تكلم بالفون​

الزين:ها​

جود:انتي وينج وينج​

الين:كاني طالعه من البيت​

جود:لا حلفي​

الزين:جود يلا عاد خو بيتكم مو بعيد دقايق وتلقيني عندج​

جود:ماشي انا اعلمج​

الزين:هههه انزين باي​

جود:باي​

​

توها بتطلع ولا تسمع​

​

:ها بتطلعين​

​

الزين لفت ويه:ايي​

شوق:دربالج​

الزين ابتسمت : انشالله وطلعت​

​

​

سمعت صوت مسج يالها​

فتحت الفون​

(وينج مو مبينه اليوم ؟​

شوق : استغفرالله وبعدين وياهم هذيل​

ردت : (خييير منو ؟​

شوي ولايوصلها (بتعرفيني بعدين​

​

شوق :اوه بطقاق كيفهم​

​

​

​

--

:بالروضه​

​

يلا انا ستاذن​

غانم:وين تو ناس​

جاسم:لا عمي مواعد رفيجي​

حمد(عمه):شلم عليه​

جاسم :يوصل اشناله​

جاسم لف على ابوه:يلا يبا عن اذنك​

بوجاسم:اذنك معاك​

​

​

​

​

​

​

​

​

--​

​

​

​

​

​

​

بالافنيوز​

​

عند بينك بيري​

الزين:افف حدي مشتهيته​

جود:حمدي ربج انا الي عزمتج عليه​

الزين:لا تكفين​

جود:ايي حبيبتي​

الزين:يبا انا عازمتج على المطعم لا تحاتين​

جود:هههههه اي جذي تعجبيني​

الزين:امشي امشي​

جود:زيون ودي ادخل سينما​

الزين:لا الوقت مايساعد​

جود:نشوف اي فلم اقرب شي​

الزين:لا مرا ثانيه​

جود: يلا عاد زيون والله انا ادفع​

الزين:والله الوقت مايساعد​

جود:خل نشوف يلا عاد​

الزين:امشي​

​

من صوب ثاني ​

جاسم :مو تبينا نيي الافنيوز يلا هاك شوف الزحمه​

محمد:يعني بالله هذا شي يديد ؟​

جاسم:استغفرالله اكل تبن بس​

محمد :اقول اجب جب وامش​

واهم يمشون​

جاسم لمح الزين من بعيد​

جاسم:هذي مو جنها(وسكت)​

محمد:شنو​

جاسم امش امش امش​

محمد:شنو شفيك؟​

جاسم:امش انت الحين​

​

--​

بسينما​

وقفت الزين عشان تحجز​

وجاسم وقف وراها ​

بس اهي مانتبهت​

كانت تسولف بالبلاكبيري​

​

:لوسمحتي ممكن اجدمين​

الزين لفت ويها وانصدمت !!​

الزين :انت!!!!​

جاسم:اي:d​

الزين سكتت ولفت ويها مستغربه​

​

​

بعد ساعه الا ربع​

بقاعه االسينما كانو الزين والجود قاعدين يم بعض الجود على اليمين والزين على اليسار​

جود:عاد انشالله الفلم حلو​

الزين : عاد شوفي عاد حمدي ربج لقيت هالفلم لا ورومانسيه شتبين بعد!​

جود: خل اقوم ايب لنا شي احسن من مجابل ويهج شنو تبين​

الزين:بوب كورن وماي​

جود:اوكي​

شوي جان ايون محمد وجاسم جاسم قعد يم الزين ومحمد يمه(طبعا اهو عمدا حجز يمها)​

الزين كانت تخزه واهي منصدمه​

وجاسم ويها جذي :dd​

الزين :افففف​

جاسم:جنه موعاجبج​

الزين خزته خزه ولفت ويها​

يت الجود:زيون مسكي بسرعه بيبسي بيطيح​

جاسم ابتسم يعني اسمها الزين​

قرب قالها شوي شوي :اسمج حلو ترى​

الزين لفت عليه وعطته نظره انه شتبي​

جاسم يضحك​

الزين :حمدالله والشكر​

جود:تكلمين منو!​

الزين بعصبيه قالت :محد​

جاسم بهمس :لا ينطلج عرج بس​

الزين:استغفرالله​

جاسم: قلتي شيء​

لزين:وانت شكوء​

​

بنص الفلم​

كان البطل يحب البطله بس مو قادر يعترف لها وكل مابقولها تدقه ولا يطلع شي بويه​

​

قرب جاسم :تصدقين هذا يذكرني بواحد يحب وحده واهي شكلها مو بالعته (نغزه)​

الزين خزته:لا احلف بس وانا شكو​

جاسم:لا بس اقولج​

الزين: وبعدين!!
جاسم بتحلطم:الحمار يفهمها​

الزين:نعم!​

جاسم حقرها​

​

بعد ربع ساعه​

جاسم:تبين تررى حلو ؟​

الزين:لا!!​

جاسم:والله خوش نفيش​

الزين:استغفرالله​

جاسم :كيفج​

جاسم كان كل شوي يتعمد يحوش ايدها وينرفزها ​

الزين واهي متنرفزه : انت وبعدين بعدين وياك​

جاسم:اوش احنا بسينما !بس تصدقين يحليلج تعصبين بعد ​

الزين:لا عاد طالت و تشمخت لوسمحت اقضب نفسك​

​

جاسم حس ان زودها وسكت​

​

​

​

خلص الفلم​

​

جود:زيون احس اني شبعت​

الزين:لا عاد بعزمج انا​

جود:والله شبعانه​

الزين:تصدقين هم انا بس هذا مايمنع ناكل شوي​

جود:مره ثانيه​

الزين :كيفج وين تبين اوديج الحين​

جود :والله برد البيت احط راسي وانام دايخه حدي​

لزين :يلا عيل​

​

جاتسم:يلا امش​

محمد:انت ماتقولي شسالفتك لاحقهم​

جاسم:انت امش وبعدين تعرف​

​

--

​

​

انتي شناويه عليه!​

:ههه بتشوفين ان ماعلمتهم وخاصتان خالد هذا دواي عندي !!​

:انا اقول اتركيهم عنج احسن​

:ضحكتيني والله لااعلمهم ما اكون منيره ان ماربيت واحد واحد فيهم​

:يعني شبتسوين يعني بتروحين اطقينهم وتاخذيمن فلوسهم !ياماما انتي مالج شي عندهم والمحامي قالج بنفسه​

منيره:ههههههههههههه انتي صببري وبتشوفين منيره شبتسوي​

:اللله يستر من ج بس​

​

--​

بسياره​

جود:اقول الزين مو جنىهالسياره من الافنيوز لاحقتنا​

الزين:لايتهيالج​

جود:امم يجووز​

​

​

​

عند جاسم بسياره​

محمد:تدري انت ا نسان فاضي لاحق البنت لي بيتهم !​

جاسم ماتكرمنا بسموتك تاحسن​

محمد:خبل ماتغير​

​

​

​

وصلت الزين الجود وبعدها راحت بيت وطبعا جاسم لحقها لين عرف البيت​

​

 

[AroujaXD]

Sorry 3la elbdlyat;;p

​

 

[A7laa kuwaitia]

الله كملي بعد

 

[AroujaXD]

متابعه يديده
متى تنزلين بارت ثاني

7yach 7bebti;*

​

Twni nzalt parten

 

[AroujaXD]

الروايه روعه
ناطرينج

Entay elraw3a 7yateee ;;*::

 

[AroujaXD]

الله كملي بعد

Enshalla etha gdart anzel

​

part bnzl

 

[انوار الكوويت]

ناطرينج
ااب