روايتي الاولى وبقلمي ( ملايين ) اتمنى انها تعجبكم ^_*

[ღ Mzajiya ღ]

هااا يا حلويين شلوونكم شخبااركم :eh_s(17):
:eh_s(9): هااا زااهبين حق الباارت :eh_s(9):
ان شاءالله شوي وانزله لكم قاعده اشطب عليه :eh_s(22):
بس بقولكم ملحووظه عنوونه اهوا شوي شوي راح تكون فيه
( احداث مخله بالاداب احم شوي بس لول ) عشان اسوي اكشن بالبارت
و اتمنى يعني مااكون ثقلت فيها :tongue22:
وبس
نطرووونيي :eh_s(7):​

 

[دمعة_حب]

ناطرين لا يوقف لا يوقف يليت لو ملاين تعطي مشيعل كف علئ ويييها لا يوقف لا يوقف

 

[a7la_cute_lulu]

يا قلبي انتي العسل والرواية منورة باهلها وكاتبتها يلا ناطرينج اب اب اب اب اب اب اب اب اب اب اب اب اب اب اب اب اب اب

 

[ღ Mzajiya ღ]

دمعة_حب

يه يه جنه في وحده عسوله قاعده تتوقع توقعات بتصير بالبارت :eh_s(15):
انتوا اللي يلا يوقف من رايكم وتوقعاتكم :eh_s(9):
فديتج منوره ياقلبي و اشكرج عالتشجييع يا حلووه :eh_s(22): :eh_s(17):


a7la_cute_lulu

فدييتج والله اخجليتي صراحه :wqedqw:
اشكررررج قلبي على تشجييعج :eh_s(17):
منووره الرواية والله يا عسل :eh_s(22):


​

 

[دمعة_حب]

افا عليج اذا ماشجعناع نشجع منو لا يوقف لا يوقف لا يوقف

 

[ღ Mzajiya ღ]

البارت الثاني عشر .. ​

ملايين وساره واقفين يم الباب الجانبي للبيت وناطرين مشعل ..​

( ملايين وموقادره توقف عدل من كثر ماركبها
قاعدين يطقون ابعض ،، وساره قاعده تطالع يمين ويسار
وخايفه انه احد يشوفهم وتدعي بقلبها
انه مشعل مايسويلهم مصيبه ) ​

ملايين ( ترجف ) : سااارووو امبييه مو قادره اوقف على حيلي والله ركبي مو شايلتني
ساره ( وماكانت اقل خوف منها ) : انا متصروعه كثرج
والله ،، الله ياخذك يا مشعل جانك مبهذلنا جذي :eh_s(14):​

ملايين ( شوي وتبجي ) : عسى محد يشوفنا بس
ساره : لا الله لا يقول ياربي تعدي اليوم على خير
ملايين : يارب يارب ​

شوي ولا يوصلها مسج ​

مشعل ​

( انا دقيقتين و اوصل يم البيت ) ​

ملايين​

( قامت ترجف اكثر من قرت المسج ) ​

ساره : شفيه شقال ويينه ؟؟
ملايين : كاا كااهووو يقول دقيقتين و يووصلللل
اللل البييت ( وتبجي ) اهيئ اهيئ​

ساره : اااشششش مو وقته تبجين والحين يخترب
مكياجج ننفضح والله
ملايين ( تمسح دموعها ) : انزين انزين خلاص بسكت
ساره: الله يستر الله يستر ​

مروا الدقيقتين جان يشوفون ليتات سيارة يايه صوبهم​

ملايين جلبت بعباية ساره وماتت خرعه ​

ساره : واااي ملاايين والله بروحي خايفه لا تخرعيني اكثر
ملايين : امبيه امبيه كاهو قرب صوبنا ​

شوي ولا يرن تليفون ملايين ..​

ساره : ردي ردي بسرعه
ملايين : آآ آالوو​

مشعل : يلا تعالي انا صافط يم البيت وسكرت الليتات
بسرعه تعالي ​

ملايين : اوكي ( وسدته بويهه )
تطالع ساره : عفيه تعالي معاي
ساره : ها ،، اخاف يعصب اذا شافني يايه معاج
ملايين : مو بكيفه يلا امشيي قبل لا احد يطلع
ساره : الله يستر ،، يلا امشي ​

وراحوا ملايين وساره
عند سيارة مشعل ( ملايين قعدت جدام وساره راحت ورا ) ​

طبعا مشعل حده حده
عصب لانه ساره يت معاها بس مسك اعصابه ​

مشعل : هلا بالزين هلا وغلا
ملايين ( ميته خوف وتتكلم بصوت حده خفيف ) : ه هلا فييك
مشعل : حيالله ساره ،، شلونج
ساره ( بنفس ) : زينه
مشعل : ول ،، مادري شقت عاد ترى السلام لله
ساره ( معصبه ) : مابينا شي عشان اسلم عليك ​

ملايين ( تطالع مشعل وتكلمه واهيا معصبه ) : الحين خلك من ساره وكلمني انا
كاني ييتلك نفس ماطلبت يلا عطني الصور ​

مشعل : لا يبا تو الناس انا ماشبعت منج بقعد
اسولف معاج اخاف اذا عطيتج اياهم الحين تاخذينهم
وتنحاشين نطري شوي خل اكحل عيوني
بالقمر اللي جدامي ​

( ملايين خافت اكثر وقعدت تغطي روحها بعبايتها عدل ) ​

ملايين : 5 دقايق بس
مشعل : يصير خير ​

( وقعد يطالعها بنظرات خبيثه من فوق لي تحت )​

و ساره قاعده ورا وقاعده تتحلطم وتسبه بقلبها ..​

نروح شوي داخل العرس وبالضبط عند حصه وهنادي​

صعدت هنادي الغرفه عند حصه ..​

هنادي : يلا حبيبتي يلا عشان تنزلين تحت
حصه : هنووده وايد متروعه ( خايفه )
هنادي : لا تتروعين حياتي ماكو شي ان شاءالله
يلا عطيني ايدج ،، بسم الله ​

وطلعوا برا الغرفه ..​

هنادي كانت قاعده تدور على ساره وملايين
بعينها بس مالقتهم
وشافت شيخه وفاطمه وحصه واقفين كل وحده
بمكان عالسلم عشان يساعدون العروسه واهيا تنزل ..​

ونزلت حصه على اغنية " مبروك " مالت يوسف العماني
( ادري قديمه حدها بس احبها كيفي لول )​

وحصه تنزل شوي شوي وهنادي تعدل نفنوفها وامها
وخالتها اللي تمسك ايدها واللي ترش عليها الملح
وامها قعدت تسمي على بنتها ​

طبعا حصه كان نفنوفها وايد حلوو وناعم على الصدر كله شوارفسكي
ومن تحت منفوش نفشه خفيفه واهيا مشالله بيضه نفس ملايين
ف كانوا حاطيلها مكياج درجات البنفجسي
ومدخلين معاه الوردي
وحمره ورديه فاتحه ورافعين شعرها بتسريحه حلوه
وكانت مشالله وايد حلوه وناعمه ​

شيخه : بسم الله ،، ما شاءالله الله يحفظج يابنتي من العين
ويتمم عليج ويهنيج يارب ..
خواتها : امييييين يااارب ​

شوي ولا فاطمه حست انها فاقده البنات ​

فاطمه ( بصوت خفيف تكلم هنادي ) : ويين البناات ؟؟؟
هنادي : مادري وين ساروا !!
ايمان سمعتهم : تلاقينهم مع بنات خالتهم تحت يرقصون
ولا يسولفون ..​

وعلى مانزلت حصه وعلى ما قعدت تصورها المصوره خذتلها ​

ربع ساعه وطبعا هنادي وخواتها منحكرين معاها
مايقدرون يهدونها ​

وبهالوقت هنادي كان حيل حيل قلبها ناغزها وحست
انه في شي قاعد يصير من وراها ..​

نرد عند البنات ..​

طبعا طول هالوقت وملايين قاعده تساحل مشعل
عشان يعطيها صورها وتنزل ..​

مشعل : خلاص خلاص كسرتي خاطري بعطيج اياهم
بس عندي شرط وغير هالشرط ماراح ارضى تنزلين
الا نفس ماقلتلج عقب ساعه ،، ( يطالع الساعه )
اممم انتوا قعدوا ربع ساعه يعني باقي ساعه الا ربع
وتصير ساعه شرايكم مو حلوه القعده معاي ؟؟​

ساره : ياا اخي انت شنو ماتحس بالله احد فقدنا بالعرس ..​

مشعل : خلاص عيل انتي الحين تنزلين ياحلوه
وتروحين داخل عشان محد يحس بشي ،،
لانه عندي كلام بقوله حق ملايين وبصراحه
ابيه يكون بيني وبينها ..​

ملايين ( عصبت ) : ساره اختي وانا مااخش عليها شي ،، اذا عندك اي شي قوله جدامها
مشعل : عيل انا قاعد ما وراي شي ​

ساره : ااافففففف خلاص انا بنزل بس عندك
دقيقتين اذا مايتلي ملايين راح ارد مره ثانيه ​

مشعل ( يطالع ملايين بنظرات احم) : خمس دقايق
وبتكون عندج
وملايين من الخرعه ولا كلمه لانها تبي صورها ​

ونزلت ساره وراحت وقفت يم الباب تنطر ملايين ​

بس طلعت ساره مشعل قفل الباب ​

مشعل ( يحط ايده على ايد ملايين ) : انزين قربي شوي
شفيج جذي لازقه بالباب ترى مااراح اكلج
ملايين ( سحبت ايدها ) : مو من حقك تمسك ايدي ،،
و يلا قول شنو سالفتك اللي بتقولها لي
ابي اخذ صوري واروح تأخرت​

مشعل ( يقرب صوبها ) : ماخلصواا الدقيقتين بعد
ملايين ( تلصق يم الباب اكثر ) : انزين بس لا تقرب اكثر
ترى قام تخوفني ​

مشعل ( يحط ايده على حنجها ويرفع راسها ) : لا تخافين
مني ​

( ملايين مغمضه عينها حيل وماسسكه عبايتها )​

مشعل : طالعيني ​

( ملايين بطلت عينها شوي شوي )​

مشعل يطالع بعينها ويقرب اكثر ،، و رد حط ايده على ايدها
وقرب اكثر من ويهها​

ملايين ( تضايقت وقلبها قام يرقع حيل ) : مشعل بس
وخر عني ليش لاصق فيني جذي​

(مشعل يمسح على ايدها وايده الثانيه حطها
على راسها
وقعد يمسح على شعرها )​

ملايين شدت على عبايتها ،، جان يلاحظ مشعل
جان يمسك ايدها حيل وفج عبايتها .. وشاف لبسها ونفنوها
اللي كان وايد قصير وحيل عجبته وقعد يلمس
على جسمها ويطالعها بنظرات كلش مو زينه​

( ملايين عينها قامت تدمع من الخوف ) ​

ومشعل قرب اكثر منها لي درجة شوي ويقعد بحضنها
وانفاسه صارت كلها على ويه ملايين وملايين من كثر
ما مشعل قاط نفسه عليها مو قادره تتحرك شوي
ولا مشعل يسحبها من راسها وباسها على ... :eh_s(22):
وقعد يمسح على ريولها ​

ملايين قاعده تحاول توخر راسها بس اهوا ماسكها حيل
من رقبتها ومو راضي يهدها وقعدت تتحرك حيل
وتوخر راسها لمن بالغصب هدها ..​

وبس وخر على طووول ملايين عطت مشعل طراق على ويهه :eh_s(14):​

 

[دمعة_حب]

اقعد يبت التوقع بالظبط لا يوقف لا يوقف

 

[ღ Mzajiya ღ]

نرد داخل البيت عند هنادي ..​

قعدت تدور على ساره وملايين ومالقتهم وتدق على تليفوناتهم ومحد يرد عليها ( كانوا حاطينه سايلنت ) ..
وخافت عليهم جان تروح تاخذ عبايتها وتطلع
من الباب الرئيسي ..
شوي ولا تشوف ملايين يايه من بعيد وكانت قاعده تبجي .. ​

هنادي ( طقت ايدها على صدرها وشهقت ) : ياويلي هذي
ليش طالعه برع هالوقت وشبلاها تصيح ،،
و وين ساره عنها ؟!!​

وعند ساره كانت قاعده تنطر ملايين وتدق عليها بس
ماكو رد
وماكانت قاعده تشوف عدل لانه يوم ركبووا مشعل
بعد سيارته
شوي عن البيت عشان محد يشوفهم ،،

شوي ولا تشوف ملايين يايه صاوبها وكانت قاعده تبجي ..
و اول ماوصلت عندها مسكت ايد ساره
وركضوا دشوا داخل

وصعدوا فوق بالغرفه اللي كانوا حاطين فيها اغراضهم ..​

نرجع شوي عند ملايين قبل لا تنزل من السياره ..​

طبعا مشعل انصدم من الطراق اللي عطته اياه ملايين وعصب حيل عصب ..
مشعل : انا تطقيني يا ملايين انا مشعل انطق لا ومن منو
من بنت لا راحت ولا يت
ملايين ( قاعده تبجي ) : انت اللي خليتني امد ايدي عليك ​

مشعل : ماشي والله لا ردها لج بدال الطراق طراقين ،،
ويلا نزلي الحين من سيارتي وصورج تحلمين تشوفينهم​

ملايين ( تصرخ ) : يالجذااب يالحقيير انت وعدتني مو بكيفك طلعهم ( وقعدت تطقه على صدره وتصرخ عليه )​

مشعل ( مسك ايدها و وخرها عنه ) : مالج شي
عندي فاهمه وخل اشوف ادق عليج
وماتردين .. يلا ذلفي ​

ملايين ( ماتدري شتسوي وحيل منصدمه ) : ماشي يامشعل
والله لا اوريك​

ونزلت وراحت ركض حق ساره ​

و بس نزلت ملايين مشعل طق السكان بايده ​

( يااربي انا شسويت ماكنت حاط ابالي اسوي جذي
وكنت
بعطيها صورها وخلاص ،، بس اهيا اللي حدتني على هالشي )
وحرك سيارته ومشى واهوا معصب ​

وطبعا هنادي اللي كانت واقفه يم الباب بس شافت
ملايين واهيا بتدش البيت وشافت سياره
مشت بس ماانتهبت منو كان داخلها ..​

نرد عند ساره وملايين فوق بالغرفه ..​

ملايين ( قاعده تشاهق من البجي )
ساره : اشفييج قوليلي شصاار ،، عطاج صوررج ولا لأ ​

ملايين تهز راسها يعني لا
ساره : اييي شيييييييي ،، الجلب الحقيير ليش ليش ماعطاج شصار قوليلي ليش تبجين جذيي​

ملايين بالغصب تتكلم وقالتلها شنو اللي صار ​

ساره توها يايه بتتكلم ولا تدش عليهم خالتهم هنادي ..​

هنادي : ملاييين ،، شو بلاج تصيحين ؟؟ شو فييج ؟؟
وومع منو كنتي ؟؟ وكنتي راكبه بسيااره منو ؟؟​

ملايين
( ماتت بجي وانصدمت من خالتها شلون عرفت
انها كانت
طالعه وراكبه سياره وقعدت تفكر برد سريع ترد فيه
على اساله خالتها ) ​

وساره طبعا مبققه عينها وواقفه تطالع هنادي وملايين
وماتدري شتقول ومنصدمه شلون خالتها شافت ملايين ​

( ملايين هدت من روحها شوي ،، يت على بالها
رفيجتها الاماراتيه نووف هذي رفيجتها اهيا وساره من زمان

وكل ماايوون ملايين وساره مع اهلهم كانت نوف تزورهم
وتطلع معاهم و تذكرت ملايين انه نوف بهالعطله
كانت مسافره مع اهلها عشان جذي ما قدرت
تحضر العرس ومحد يدري من اهلهم انه نوف مسافره ​

وسبحان الله كان خيره انه محد يدري انها مسافره
وصار هاليوم المشؤوم بالنسبه حق ملايين وساره
وكانت نوف اهيا اللي راح تنقذهم من هالموقف )​

ملايين ( عقب ما هدت اكثر وقعدت تكلم بصوت هادي ) : هذي رفيجتي نوف انا كنت مسويه فيها مقلب ولمن وصلت انا
اصريت اني اروحلها لي السياره عشان كنت حيل مشتاقتلها
وبس وصلت عندها قلتلها انه هالعرس عرس ساره .. ​

ونوف حيل عصبت لانه ماقلنالها من قبل وقعدت تقول انه
اهيا بحسبة اختنا ومن الصغر كل مانيي الامارات معانا يعني
جنها تربت معانا واهيا اخر من يعلم وزعلت مني

وقعدت تبجي وانا قعدت اساحلها مارضت شفت انها من صجها زعلانه وماترد علي ،،
قلتلها انه مقلب زعلت اكثر وحلفت انها ماتنزل العرس عاد اهيا
اذا زعلت خلاص ماترضى الا من نفسها عقب يوم او يومين ..
وبس هذا اللي خلاني ارد من السياره ابجي .. ​

هنادي ( تطمنت حيل ) : صدق ،، والله روعتيني عليج ياملايين ..
حيل خفت انه مستوي شي ( صاير شي ) لا سمح الله الافكار
توديني وتييبني من اول ما جييتونا وانا شاكه بشي
( وتهز راسها جنها تبي تطلع الافكار من راسها )
يلا ماعليه حبيبتي كلها يوم ولا يومين وترد تكلمج ..​

ملايين : ان شاءالله يارب
هنادي : يلا حبيباتي تعالوا ننزل ترى العروس الحين اكيد
الحين ميته خوف وشوي وراح تصيح خل نسيرلها ..​

ساره ( توها تستوعب ) : ان شاءالله هنوده بس خل نضبط مكياج ملايين وننزل شوفي شسوت بعمرها من البجي :/
هنادي : اي يالله ولا تتأخرن ..​

وطلعت هنادي من الغرفه وراحتلهم ( وقاعده تقول بقلبها
الحمدالله :yaaaaaarb: يارب انه ماصار شي من اللي
كان في بالي
والحمدالله انه بنات اختي مو من هذيل بنات هاليومين
الخايسات
وابتسمت وراحا عند العروسه تبي ترقصلها ) ​

نرد عند ملايين وساره ..
​

ملايين ( تطالع ساره ) : قوليلي شسوي ؟؟
ساره : الله ياخذه من ريال ،، اي ريال هذا ريال هذا مو ريال
هذا حيو... اللي يسوي جذي ابنات الناس حسبي الله عليه
ونعم الوكيل فيه :eh_s(14):
​

ملايين بجت
ساره : خلاص كافي بجي قطعتي قلبي ،،
قومي الحين عدلي مكياجج وخل ننزل ولي ردينا البيت
يصير خير ،، شكلنا بندخل احد كبير بالسالفه ..
يلا قومي
ملايين : ان شاءالله
​

وعدلت مكياجها ملايين ونزلو تحت عشان محد يحس بشي ..​

وطبعا طول الوقت اللي بقى من العرس كل وحده فيهم كانت سرحانه وتفكر ..​

ملايين تفكر باللي صارلها وبالموقف اللي مااتنحسد عليه
وباللي راح يصيرلها بعدين

وساره قاعده تفكر باللي راح يصير بعدين وانها لازم
تلقى حل
حق اللي قاعد يصيرلهم ..​

ولمن صارت الساعه 11 ونص ..​

شيخه قالت حق الحريم يتغطون عشان بيزفون المعرس ..
وكل وحده قامت تلبس عبايتها والمتحجبه قطت الشيله
على راسها وغطووا حصه برداء العروس طبعا ..
ودشوا الرياييل ...​

...............................................

​

لي هني وخلص البارت
اتمنى انه يعجبكم :eh_s(22):
وهم اتمنى اشوف رايكم وتوقعاتكم بالبارت الياي
قراءه ممتعه :eh_s(17):​

 

[ღ Mzajiya ღ]

دمعة_حب

لوول حياتي والله تسلمين
اييي شفتي اشلوون توقعج طلع صح :eh_s(6):
والله ابي اشوف رايج وتوقعج بالبارت الياي _03BA:
وتسلمييين ياقلبي على متابعتج :eh_s(22):
مونستني بردودج والله :eh_s(9):
منوره حياتي :eh_s(17):​

 

[دمعة_حب]

تسلميين بانتظار يديدج اتوقع اذا دشوا الرياييل اخو سارة راح ينعجب بملاين ويبدا يحبها

 

[a7la_cute_lulu]

امبييييييييه هذا شنو من انسان اي انسان حتى الحيوان اللي اهو الحيوان مايسوي جذي يرظاها حق اخته هالحقير اللي ماعندة كرامة شيببي خل يعطي البنت صورها ويروح يدش الجات ويتعرفلا على اي خمه من البنات اللي نفسة وييييييييييييييييع وملاايييين ليش ما قالت حق هنادي وما توقعت ان هنادي بتصدق توقعتها ذكية وتاخذ رقم السيارة او تفكر انه هذي السيارة مو سيارة نوف او تشوف السرعة سرعة واحد طايش امبييييييييييييه قمه بالغباء <<<< سوووري انفعلت وفيني اكثر وثانكس علبارت القعدني ععلى اعصابي


عندي سؤال الرواية بتخلص قبل رمضان ولا لا؟؟

 

[FooFoony]

ايااا النذل مشعلل ههه
تسلميييييييين عالبااااارت

 

[مريوم]

امبيه مشعل حقييير ونذل انا شفت ناس حقارة بس مثل حقارته ماشفت وثنكس حبيبتي ناطرينج لاتطولين *

 

[39la o f9la]

كاااك لولو شفيج منفعلة اعصابج حبيبتي

 

[L.Al-kandri]

مشكوره حبيبتي البارت عجيييييب
و مشعل حيوان اكرها

 

[عانديهم]

يلااا ناطرين الباااارت ع نااااااااار

 

[غلآها غير]

ثاانكيوو عالباارت
وناطرتج بالباارت اليااي
لا تطولين ..!

 

[a7la_cute_lulu]

كاااك لولو شفيج منفعلة اعصابج حبيبتي

نورة لان السالفة تبط الجبد واعصابي راحت فيها:eh_s(14)::eh_s(14):

 

[غلآها غير]

اب اب اب اب اب

 

[L.Al-kandri]

Waiting
Waiting waiting
Waiting waiting waiting
Mta el part?