روايتي الاولى(أحبك بس عقلي مانعني)واقعيه، اتمنى انها تعجبكم

[MiSs FoOoFoOo]

شمحووطه
ههههه يمكن، اوك راح اكمل بس اليوم ماعتقد
بس باجر أكييد


lamia a. al-kan
ولكم، لوول بالبارت اليااي راح اتشوفين شيصير
وماراح اطول،، يا اليوم بالليل أو باجر الظهر
​

 

[مريوم]

ثنكس مبيبتي على البارت حددددة يشوق واتوقع ان الشباب راح يشوفونهم وراح تصير هوشة لاصارت ولاستوت >> شدعوة جني زودتها لوول

 

[مريوم]

حبيبتي >> عادي طوفي البدليات

 

[MiSs FoOoFoOo]

ثنكس مبيبتي على البارت حددددة يشوق واتوقع ان الشباب راح يشوفونهم وراح تصير هوشة لاصارت ولاستوت >> شدعوة جني زودتها لوول

ولكم ، هههه بالغتي شوي , باجر اتشوفين شراح يصير d;

 

[MiSs FoOoFoOo]

حبيبتي >> عادي طوفي البدليات

لوووول عادي عادي

 

[MiSs FoOoFoOo]

سوري بنات مانزلت اليوم بارت لان كنت طالعه وتوني رااده
خلاص انشاالله باجر في بارتيين :eh_s(7):
نطروووني​

 

[Zhoor el7lwa]

عادي حبيبتي.....ناطرينج^_^

 

[MiSs FoOoFoOo]

عادي حبيبتي.....ناطرينج^_^

:*​

 

[L.Al-kandri]

3adi take ur time nn6r eshwrana

 

[MiSs FoOoFoOo]

3adi take ur time nn6r eshwrana

Thanxx 7abeebtii

 

[MiSs FoOoFoOo]

بناااات اليوم مثل ماوعدتكم في بارتييين
والظهر يعني بعد شوي راح أنزلهم

نطرووووووني :ggdw:

وثانكس على تشجييييعكم :**

 

[MiSs FoOoFoOo]

ليال: وييع
صبي2: افااااا
ملاك: ليال خيولي لا تردين​

صبي1 (توه بيتكلم)
......................................................................​

البارت: 4​

ولا علي وعزيز وحسين يووا كانوا بالقواري شافوا سيارة صبيان عند البنات
وعلى طول يوا​

علي: خييير شتبون واقفين عند البنات انتوا ماتستحوون ​

صبي1: وانت شكو منو حظرتك​

حسين: جب هذول خواتي وبنت خالتي >> طبعا جذب لول​

الصبيان اللي بالسياره توهقوا​

علي: تبي الحين اخليك ت// ماكمل​

الصبي قاطعه​

صبي2: خلاص اسفين اسفين​

وطار بالسياره انحاش لوول​

الحين البنات خايفين ان الصبيان يزفونهم أو يدخلونهم داخل
بس بالعكس​

علي: خلاص اتمشوا عادي بس أي احد يتحرش فيكم بس دقوا علينا
هاكم رقمي,, ليال عطيني تلفونج عشان اكتبه​

ليال: اوكي​

وعطته
،،،​

وراحوا الصبيان​

سحر: امبي أي شييي اشوا ان مازفونه ولا قالولنه دخلوا داخل​

ملاك: اي حده​

ليال: واهم شي ان عطانه رقمه لوول​

سحر: امبي عاد الحين اذا أي سياره بعد وقفتلنا ولا شي راح اتدقون؟؟!​

ملاك: مادري لا​

ليال: الحين يصير خير بس مو على طول راح اندق أي سياره تكلمنا
لا بس اذا طولوها ومارظوا يروحون​

ملاك: اي جذي​

سحر: يامعودين مانبي مشاكل نعطيهم طاف وخلاص​

واتمشوا وجذي واتحرشوا فيهم شوي شباب>> خو لازم بعد،،
بس ماصار شي ومادقوا عليهم..................،،،،،،،،،،،،،،​

واتمشوا وبعدين لما صار بالليل راحوا قعدوا عالبحر والجو كان حده عجيب واتعشوا ،،
وقعدووا ليي الساعه 2الفير الكل كان سهران لعبووا اونو وجنجفه واهما برا وحب وخرابيط
ولما خلصوا دخلوا الشاليه وناموا...
.........................................................​

ثاني يوم​

كان عادي تقريبا نفس اللي قبله
بس بالليل​

ملاك كانت قاعده بروحها جدام البحر
(ليال وسحر كانو داخل الشاليه لان كله من الصبح قاعدين طبعا لعبوا واتمشوا وجذي فدخلوا داخل يرتاحون)............​

(الساعه 10 بالليل)
،،،​

ملاك قاعده بعيد شوي عن الشاليه وحاطه سماعات الايبود بأذونها
وتسمع اغاني ومندمجه​

سكرت الآيبود وقعدت اهيا اتغني واهيا اتطالع البحر
وكانت اتحب اغنية (هذا جزاي)>> فرقة جيتارا ​

ملاحظه(الاغاني اكثرها راح اتكون2009يعني بعد 2008 اعتبروها انها كانت نازله
لأني مالقيت اغاني مناسبه من اللي نازلين في 2008):s
**لاتنسون ان هذا كان بسنة 2008​

ملاك اندمجت وقام اتغني مو حاسه بنفسها​

ملاك: ((هذا يزااي اني حبيتك من قلبي عطيتك أياامي صار الوهم دربي صار الوهم دربيي،
أخلصتلك انيي ماعشت متهني خيبتلي ظنيي عذبتني // وقفت))​

شافت ظل احد وراها يبين لان في ليت كان فوقها فا يبين اذا احد يا،​

توها استوعبت ان في احد واقف ولا اتلف ويهها على طوول
،،،،،،،،،،،،،،،،،،،،،،،،،،،،،،،،،،،،،،​

انصدددددمت ،(ملاك صوتها واايد حلوو بس ماتحب اتغني جدام احد حتى البنات لما يقولونلها غني تستحي وماتغني
فمابالكم اذا غنت جدام صبي )!! :s​

...؟.. : ليش سكتي صوتج حلوو
................................
<<<<<<<<<<<<<<,​

ماخلص البارت​

 

[MiSs FoOoFoOo]

,,,,,,,,,,,,,,,,,,,,,,,
......................​

؟؟؟؟؟؟؟؟؟​

.......
..
ملاك(نزلت راسها حدها اتفشللللت) $:​

عرفتووه ~~​

حسين: المهم قالولي اناديج العشا جاهز​

ملاك(هزت راسها>> ان اوكي)​

وراح قبلها واهيا مشت وراه
,,,,,,
ودخلوا الشاليه​

سحر: هاا ييتي يالله امشي نتعشا حدي يوعاانة​

ملاك لي الحين متفشله: لا مابي آكل​

سحر: تستعبطين يالله خلصينا مايعتي من الغدا الساعه 2 ماحطينا بحلجنا شي​

ملاك: لا مو مشتهيه​

سحر: شفييج!،، شفيج جذي صار شي؟؟!!​

ملاك: لالا ​

سحر: هااا؟ امبلا في شي​

ملاك: خلاص بعدين اقولج
سحر: وااي خرعتيني تراا، الحين بس نتعشا اتقولين انزيين​

ملاك: خلاص اوكي انا انطرج فوق بالدار​

سحر: اوك
..........،،،،،،،،،،..........​

فوق بغرفة البنات​

سحر: يالله ملووك انا كليت بسرعه بسرعه
بس عشان أييلج واعرف شصاير؟؟​

ملاك: حسين​

سحر: شفيييه!!​

ملاك: اتخيلي انا مو كنت قاعده برا عالبحر وحاطه الايبود واسمع​

سحر: اييي​

ملاك: بعدين عاد نسيت عمري وقمت اغني ومندمججه ​

سحر: خخخ ايي داشه بقووه الاخت كملي​

ملاك: ويعه، انزيين ولا اشوف ظل احد وراي الصدمه
لفييت ويهي ولا حسين واقف ويسمع $:​

سحر: أييي شييي!!​

ملاك: امبييي ياااسحر انتيي ماشفتي شصااار فيني بغيت ابجي​

سحر: ويي امبي عاد انتي حددج تستحين اتغنين جدام احد​

ملاك: اييي والمشكله ان يقولي ليش سكتي صوتج حلوو انا منيي رحت فيها ،،
وااااي الحين وين اودي ويهي منه عقب اللي صار
صرت استحي منه بزياده عن قبل​

سحر: بس ملووك خو عادي شنو يعني انتي مو مسويه جريمه​

ملاك: الا اكبر من الجريمه بالنسبه ليي ،،
سحوور انتي تدرين اني استحي وهالمره جدام صبي مغنيه وااااااي
اهئ اهئ ببجي من الفشله​

سحر: ههههه يالله تكبرين وتنسين​

ملاك: سحووور الحين انا حدي مفتشله ومادري وين اودي ويهي
وانتي تظحكين وتنكتين حظرتج​

سحر: وااااي ياربي انتي مادري على منو طالعه
احنا وكل اهلنا جريئين عادي
بس انتي مادري يايه بالغلط لوووول​

ملاك: واااي منكم ذبحتوني انتي وليال يعني انا استحي شسوي يعني!؟​

سحر: انزيين يالله يا أم الحيا خل ننزل نقعد عالبحر​

ملاك: ماني طالعه​

سحر: نعمممم انشالله بتخيسين مني؟!!​

ملاك: وااااي توه قايله حق يدي اللي صار يعني​

سحر: امبي ملووك خلاص انسييي​

ملاك: ههه الحين شنسيني مصدقه وايد انتي​

سحر: وااااي انزين امشي بنقعد بعيييد ماراح اتطالعينه​

ملاك: اووففف يالله بس والله اذا شفته يويلج راح تنطقين​

سحر: هههه انزيييين
...................................................................................​

ماخلص البارت ​

​

​

 

[MiSs FoOoFoOo]

طبعا بعدين راحووا صوب البحر وليال قعدت معاهم وقالولها اللي صار بملاك مع حسين
بس الصبيان ما كانوا موجودين فماشافوهم....​

ليال: هههه لحظه ملووك أي سونق؟​

ملاك: هذا جزاي :S​

ليال: يالله عفيه عفيه غنيها​

ملاك: يالله زييييين​

سحر: لا صج ملاك يالله والله من زماااااااااااااان موو سامعه صوتج​

ملاك: موو الاّ ​

ليال: لاااا يالله ملووك بلييييييييييز​

ملاك: وااااااي انزيييين​

ليال+ سحر: ​

ملاك: بس ويت ويت خل انلف عشان اذا احد ياا انشوف
موووو بعد يصير فيني نفس مسااااااااع
(لان كانووا مجابلين البحر)​

سحر: لا اشفيج حتى لوو محد راح ايي احنا بعيد عن شاليهنا فماعتقد احد إيي​

ليال: انزين يالله غني اغنية هذا يزاي​

ملاك: اوكيييي ​

ملاك: هذاا يزاي اني ههههههه لحظه​

سحر: هههه يالله عاد​

ملاك: (( هذا يزااي انيي حبيتك من قلبييي،​

عطيتك أيااميي صار الوهم دربيي صار الوهم دربييي،،​

أخلصتلك انيي ماعشت متهني خيبتلي ظنيي عذبتني وربييي،،،​

قام يغنون معاها سحر وليال<<
(عهد الهوى وييينه ياعمري وسنيينه، ​

لالا تخليني أعيش في هميي أعيش في همييي،،​

داار الزمن فيناا وتاهت خطاوينااا كأنك تجافينا مادار في ظنييي)) ​

طبعا البنات حدهم اندمجوا واهما يغنوون وخاصة ان عالبحر والجو عجيب​

سحر: لااا لاا الصراحه ملوك صووتج اينن مشاالله​

ملاك: اي اي جاملي​

سحر: لاا وربي عجييب انا ما اجامل ​

ليال: ايي اينن صوتج فديت اختي والله​

ملاك: بعد جبدي والله ​

الكل: ههه
......................................................................​

ومر باجي اليوم، واليوم اللي وراه اللي اهوا السبت الكل رد بيته.....​

وعقب اسبوووع ،، ليال وفاطمة وسحر وملاك طلعوا كلهم مع اهلهم​

(بالافنيوز)
الساعه 8 بالليل في ستاربكس< كلهم قاعدين​

سحر: اقوول بنات اشرايكم انروح شوي نتمشى بالمحلات بشتري شغله
وبروح الحمام​

ليال: مادري شوفي سألي امج بس بروحنا صح؟​

سحر: اي ، ها ملوك فطوم اوكي؟​

ملاك+ فاطمة: اي اوكي​

سحر: يما عادي بس انروح صوب المحلات انا والبنات
بس بشتري شغله وبروح الحمام​

امها(فاطمة): ايي بس بسرعه موو تطولوون​

سحر: انشاالله​

ملاك: يما احنا رايحين ها​

حوراء: اوكي ​

وراحوا
~~~~~~~~~~~~~~~~~~~~~~~~~~~~~~~~~~~~~~~
خلص البارت الراابع
وبعد شوي راح انزل البارت الخامس :eh_s(7): ​

 

[MiSs FoOoFoOo]

البارت: 5​

بمحل​

سحر: بنات شرايكم بهالقميص بخاطري فيه من زماان بس ماشريته​

ليال: عجييب​

ملاك: ايي حلوو اخذيه​

سحر: اكيد؟​

ملاك+ليال+فاطمة: ايي​

سحر: خلاص يالله امشوا خل انحاسب ​

فاطمة: بس خلاص ماتبين شي ثاني؟​

سحر: لا بس​

فاطمة: اوك​

وطلعوا من المحل​

واهما بيدشوون الحمام​

ليال: الحين خل انروح الحمام بعدين نتمشى شوي وانرد اوكي​

سحر: ايي اوكي انا ماني راده الحين​

ملاك: اي شوي خل نتمشى بروحنا عالاقل لوول​

البنات: ههه​

فاطمه: ايي حق الفراره زاهبه هههه​

البنات: ههههه​

ملاك: اي شنو بعد بناخذ راحتنا لووول مادري شكوو
بس ان خل نستانس من زمان مو مع بعظ طالعين بروحنا وجذي​

ليال: اييي عاد الحين شوفي شلون الصبيان بيأذونه​

فاطمة: ايي وييع ماعندهم شغل​

عدلوا مكياجهم وجذي​

وطلعوا​

اتمشوا وطبعا مافيه واحد ما اتحرش فيهم​

فطوم شافت واحد عالسريع
ولا يبتسم لها ويبوسها بس بالهواااا >> عبييييط​

والبنات بعد شافوه لان كانوا يايين قبالهم​

فاطمة: ويعه انشالله قطيعه تقطعه حمار @:​

البنات: كااااااك​

ليال: عادي عادي طوفي لووول​

وتمشوا شوي ​

واخر شي راحوا السلم الكهربائي عشان يرجعون..​

ماكان في احد غيرهم اهما و3 شباب قبلهم بس يمهم مو بعيد
جذي على طقة 18-19سنه​

(اهما مو جدامهم فلافين على البنات وجابلوهم لوول)​

صبي1( يقرب عند ملاك): فديتها والله​

صبي1(حق ملاك): في مجاال؟>> قصده ان يعطيها رقمه واتكلمه)​

ملاك:........... ساكته​

صبي1: هاا؟؟​

فاطمة: استغفرررر الله @:​

الصبيان: هههههه
..........................................................
في بعد ​

 

[L.Al-kandri]

مشكوره علا البارت
Waiting
Waiting
Waiting

 

[MiSs FoOoFoOo]

صبي1( يطالع ملاك): ممكن يعني؟؟ ​

ملاك: لا​

طبعا مو بس اهوا اللي قام يتكلم حتى الصبيان اللي معاه
قام يتحرشون ويستعبطون بس هذا كان يبي يرقّم ملاك​

صبي1: شدعوه يبا لييش​

ونزلوا من السلم بس لي الحين كانوا قام يلحقونهم​

صبي2 واقف يم سحر يعني امبي لاصق وكل ما اتدني يرد يمها​

صبي2 (حق سحر): شدعوه عطينا ويه​

سحر: ........​

صبي1 : يالله عاااد​

ملاك: بسسس>> ملاك بالغصب كانت قام ترد لان اهيا اساسا تخاف لما
صبي يكلمها
وتستحيي وااايد بس متعوده على جذي فاترد عليهم عشان يروحوون​

ويحاول فيها​

صبي2(حق سحر): عسل والله عسل​

سحر: (سوت جك بحلجها)>> فهمتوها لوول ​

صبي2: ليش ليش ليش شدعوه يباا​

سحر: (عفست حواجبها) >> عصببت @@:​

صبي3: خلاص شباب امشوا شكلهم امصممين​

صبي1: يعني خلاص انرووح ماكوو امل​

ليال: فاارجووا​

صبي1: مشكوورة ​

ليال: العفو ​

صبي2 (حق سحر): باي يا حلوة​

ليال: اووففف مابغينا يعني غصب غصب وااااي​

ملاك: ايي حده​

سحر: وهذا الحين بقوول شوي ويلصق فيني الشقوول​

فاطمه: يباا امشووا خل نرجع ونقعد مع اهلنا أبرك لووول​

البنات: اي والله هههههه​

ليال: بسس ايينن بو سبايكي هاا ​

سحر: لوول بيني وبينج ايي هههه​

البنات: هههههههههههه
...................................................................................​

 

[MiSs FoOoFoOo]

بعد اسبوع تقرييبا​

يوم الخميس كانو متيمعين فالزواره في بيت يدتهم
(وكان يوم الاحد بتبدي المدارس)​

في بيت يدة ملاك>> أم امها (الساعه 8 ونص بالليل)​

(ملاك وليال وسحر وفاطمة يسولفون ويظحكون...)​

ملاك: امشوا انروح الفرع >> الفرع وااييد قريب من بيت يدهم
يروحونله مشي​

البنات: يالله اوكي​

ملاك: بس لحظه خل ارووح الحماام​

وراحووا البنات كلهم الحمام صوب المغاسل وويعدلون اشكالهم بالمنظره​

بعدين سحر وفاطمة وليال ردووا الصالة ينطرونها ​

ردت ملاك​

ليال: يالله مشيناا؟ ​

ملاك: لا بس هونت ماني رايحه​

فاطمة: ويي ليش؟؟​

ملاك: بطني شوي يعورني مالي خلق​

سحر: افاا ياملووك ​

واتغني عبط<<(( انته مو قد الكلاااام كل يوم ولك كلااام))​

البنات: ههههههههههههه​

ملاك: كااااااااك شخباري​

سحر: لووول​

،،،،،،،،،،،​

علي بالسيارة بيرووح بيت يدتهم​

وسايقهم كان يسووق>> طبعا علي بعده مو ماخذ الليسن​

علي: الووو​

علي: كاني بالطريييج​

علي: لا ماراح اتاخر كا شوي وأوصل​

علي: باي​

وسدااه
>>
كان يكلم فراس > ولد خاله​

.........​

طرااااااااااااااااااااااااااخ​

~~~~~~~~~~~~~~~~~~~~~~~~~~~~~~~~~~~~~~
انتهى البارت
واتمنى يعجبكم
وبلييز توقعااتكم ​

 

[MiSs FoOoFoOo]

مشكوره علا البارت
waiting
waiting
waiting

العفووو

 

[L.Al-kandri]

مشكووره ومادري ماعندي توقعات