روايتي الاولى(أحبك بس عقلي مانعني)واقعيه، اتمنى انها تعجبكم

[MiSs FoOoFoOo]

لاااااا شيبي هذا طالع حده وكته غلط خرب الجو الرومانسي <<<< حدها مندمجة عفية كملي حطي بارت لايوقف لايوقف لا يوقف

لوووول ايي حده ،، اوك حبيبتي يمكن بالليل احط بعد بارت

 

[MiSs FoOoFoOo]

بناات ساعه 8 في بارت يعني بعد ربع ساعه

 

[MiSs FoOoFoOo]

البارت: 14

ااخر شههررر 6 ،، صار 3 ايام عالعطلله
(علي وحسين وفهد اتخرجوا ويابوا نسب اتدخلهم الجامعه،،
وخذوا الليسن ماعدا حسين لي الحين لأن ماكمل 18،
والكل ياب نسب حلووه،، وليووول اتخرجت من المتوسطه)​

ملاك اتكلم حسين​

حسين(مستانس): تدرين صارلي اكثر من شهر مو شايفج واخيرا يعني باجر
بشووفج​

ملاك: اممم​

حسين: شنوو امم يعني انتي بعد ماشتقتيلي​

ملاك: امبلا ​

حسين: امبلاا ؟؟!!​

ملاك: شفيك حسين​

حسين: لا يعني عادي عندج كله واحد كلمتج ماكلمتج شفتج ماشفتج​

ملاك: لا عادي​

حسين(منصدم): عااااديي​

ملاك(متعمده تقول جذي): اي شنو قلت شي غلط عادي يعني، اهمك تهمني! يعني عادي ولد عمتي​

حسين(وصل حدده، وعلاّ صوته): يعني تعترفيييييين انيي ماااهمج هاااا مااشي ملااك ماشي بااي
ملاك: باي​

ملاك شوي وتبجي اول مره يصير معاها هالموقف ويصرخ عليها ​

بقلبها(امبيييي انا ليش جذي سويييت ليييش انا احبه واموت فيه بعد
بس لييش جذيي اكلمه ليش اخلييه يكره الساعه اللي حبني فيها )
...​

طبعا حسين سده واهوا حييل معصب عليها واهوا يدري انها عناد اتسوي جذي ،،
متنرفز من تصرفاتها كل مايحاول يتقرب منها تبعد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،​

في مكان ثاني
سحر واخوانها وامها قاعدين بالصاله​

سحر: اقوول غيروا غيروا شنو هاذا حاطيلي ببّااي​

عبدالله: هاذي نورو مو مخليتنا نطالع​

داليا تنزل من الدري (اخت سحر اللي برابعه ابتدائي)​

داليا: سحررر فوونج يرن​

سحر: عطيني​

داليا: مممم مكتوب (علي) هاذا ولد خالتي بدريه؟ >> فظحتينا ههههه​

سحر(عرفت ان علي اللي قام يدق): ها، اي ولد خالتي يعني منو وبعدين شاللقافه ، ييـبـي​

داليا: شدعوووه هاج هاج​

طبعا طول الوقت امهم موجوده​

ملاحظه: اهيا مسجلته باسمه عشان اذا احد شاف ولا شي مايشك ان بينهم شي
ولان اهيا كل مكان اتودي فونها معاها فيمكن احد يشوف الاسم... ،
و اي اهيا ماتحطه سايلنت الا باالليل لان اهوا نااادر يدق عليها الظهر ولا العصر​

شالته وسوت روحها عادي​

سحر: الوو​

علي: هلاا قلبي, قااعده؟​

سحر: هلا علي, اي بغيت شي ​

علي(عرف ان يمها احد لانها تتكلم جذي اذا كانت قاعده مع اخوانها او امها وابوها): انتي تحت مع اخوانج؟​

سحر: اي​

علي: اهاا اوكي تقدرين تصعدين ولا ادق عليج وقت ثاني؟ بس بقولج شي​

سحر: لا عادي بس اللابتوب فوق لحظه خل اصعد >> اترقع لان امها يمها​

علي: كااااااااك حلوه حلوه​

وصعدت فوق وكلمته
....................................................................

ولما خلصت نزلت مره ثانيه​

فاطمه(امها): ها شيبي منج علي؟!!​

سحر: لااا بس علمته شغله باللاب​

فاطمه: امممم >> طبعا اهما عادي يعني مايدققون وايد​

................................................................​

رن فونها مره ثانيه بس هالمره كانت ملاك​

سحر: هلا ملووك​

ملاك: سحر وينج​

سحر: فالبيت​

ملاك: تعالي بيتنا​

سحر: فيج شي؟​

ملاك: لاا ، اذا ييتي بقولج شي​

سحر: اوكي خلاص ناو البس واخلي امي اتقطني​

ملاك: اوك ياالله مو اتطولين​

سحر: اوك ياالله باي​

ملاك: باي​

طبعا ملاك لي الحين متظايقه من اللي صار​

،،،،،،،​

في بيت ملاك​

سحر: هاااي​

ملاك: هايات امشي فوق​

سحر: ياالله​

...​

 

[MiSs FoOoFoOo]

دخلوا الغرفة وقعدوا عالسرير

سحر: هاا مليكه شفيج​

​

​

ملاك: حسين اليوم اتصل عليي​

​

​

​

​

​

سحر: سوو ؟

ملاك: عصب وصكه

سحر: ليييش؟!

ملاك: سحر يعني انا من اول قايلتله ان علاقتي فيه راح اتكوون عاديه مو حب ولا شي ويدري اهوا ،
الحين ليش ياي يحاسبني ويبي يغير كل شي

سحر: وانتوا لي الحين على هالموظوع

ملاك: يعني شسوي اهوا كل مره يسوي سالفه أو يقط نغزات بس هالمره عصب وعلا صوته عليي

سحر: واالله ملووك انا مادري شنو الحل معاكم
انتي موراظيه تعترفينله انج اتحبينه ولا راظيه يكلمج انج حبيبته،
واهوا مو راظي يستوعب انج ماتبينه ولا راظي يهدج انزين وبعديين؟

ملاك تنهدت

سحر: بس ترا الحل بيدج انتي

ملاك: وشالحل؟!

سحر: انتي مو تحبينه خلاص عيل

ملاك: لالا سحر شنو مابي انتي تدرين ان ماحب جذي
والله واحد يقعد على جبدي كل دقيقه يدق وكلام فاظي ويتدخل بكل شي شنو ريلي؟؟
لي صار ريلي ماقول شي بس تدرين فيني من زمان،
وحلاته جذي من بعيد انا جذي عندي ان احب بقلبي بس ماحب هالسوالف

سحر: ملاك شنوو ماتحبين جذي بعد،،
الحين اتحبينه وماتبينه يصير حبيبج بعد انا اول مره اشوف جذي

ملاك: اي انا جذي

سحر(اتنرفزت): ترا واالله اتنرفزين، الله يعينه عليج

ملاك: الحييين انتي بعدد صرتي عليي مشكووره خلاص مابي منج شي
وانا قلت الحين بتقوليلي كلام نفس الناس أو تعطيني حل،
بروحي متظايقه اتزيدينها

سحر: بعد انتي ماينعرف لج صج يعني ،، المهم خلاص غيري الموظوع

ملاك: اووووف انزين
....................................................................................

بعد 3 ايام

ملاك: ماله حس حتى بالمسن يشبك بس ما يكلمني ولاشي ، الظاهر لي الحين معصب مني

ليال: انتي غبيه ،، دقي عليه شي بعد انتي الغلطانه وتبينه يكلمج ويدق عليج ولا شنو !!

ملاك: لالا انا مو غلطانه..//

واهيا تتكلم ولا الباب ينطق

حوراء(من ورا الباب): ملااااك

ملاك(اشهقت،، وبصوت واطي): تتوقعين سمعتنا امبي صوتنا كان عالي

حوراء: ملااااك

ملاك: ويي انزين انزين كاا

كانوا قافلين الباب جان اتبطله

حوراء: شتسوون

ملاك: ولا شي انسولف

حوراء: وليش قافلينه بعد

ملاك اتطالع ليال

ليال: اييي عشان حمودو امأذيينا كل شوي يدش ويستعبط

ملاك بققت عينها اتفاجئت منها ان جذبت لأنهم مو متعودين يجذبون على امهم

حوراء: اممم انزين ياالله لبسوا بنطلع

ليال: صج ويين؟

حوراء: ابوكم بيودينا 360

ملاك+ليال: اوك
،،،،،

لبسوا وخلصوا

ليال راحت غرفة ملاك

ليال: شكلي زين

ملاك: ايي بس خففي مكياجج تبين اتحصلين زفه من ابوي

ليال: واااي انزيين خلااص
،،،

ولما رجعوا بالليل

ملاك بغرفتها

ملاك(اتكلم نفسها): انزيين ادزله مسج نفس ماقالت ليال،،، بس شقوله​

 

[MiSs FoOoFoOo]

دزتله مسج( شلونك ؟)
،،،

حسين استغرب اول مره اهيا اللي اتكلمه

رد عليها(ماشي الحاال)
،،،

ملاك(اتكلم نفسها): ويي هاذا لي الحين زعلان

قعدت اتفكر شنو اتقوله

ودزتله( صارلك مده ماكلمتني نفس اول ولا شي !!)
،،،

حسين فقلبه(اتسوي روحها ماتدري ليش انا ماكلمها)

رد عليها( انتي تبين جذي)
،،،

دزتله( لا انته تدري انا شنو ابي)
،،،

رد عليها( اي تبيني اكلمج واسمع صوتج بس ماقدر اقولج اللي في قلبي،
تبيني اكلمج بس اتعذب وانا اكلمج،
تبيني اكلمج بس ماقدر اقول واسمع اللي ابيه واللي يبيه أي واحد يحب)

ملاك ماردت عليه لانها ماتدري شتقول

بعد 10 دقايق

حسين دزلها(اقوولج شي ملاك خلاص انسي اللي قلته واللي صار وراح اكلمج نفس ما انتي تبين
وصح يبا انا الغلطان لاني من اول قتلج راح اسوي اللي تبينه ان انكوون بس فرندز بس الحين غيرت كلامي،
خلاص اعتبريني ماقتلج شي اوكي،، وياالله تصبحين على خيير)

دز لها واهوا متظايق بس يحبهاااا مايقدر،،
يعني جذي ولا ان مايكلمها ولا يسمع صووتها
،،،

ملاك ردت عليه(وانته من اهله )

اهيا شوي استانست لان سكر الموظوع اللي كانت متظايقه ان بطّله وان بيرد نفس اللي اتفقوا عليه

.......................................................................................

خلص شهر 6، تقريبا مافي احداث مهمه عاديه ماصار شي يديد
ودخلنا شهر 7
،،،،
الساعه: 1 الفير


ليال: دريتي خالي طلال بيوون من السفر بس خلاص راح يقعدون مني بعد ماراح يسافرون

ملاك: حلفي ليش شنو خلص خالي دراسته

ليال: ايي وبس خلاص عياله بيكملون مني

ملاك: ويي ليش

ليال: بس بعد شنو خلص وبيشتغل مني

ملاك: اييي ،، عاد صارلنا سنتين مو شايفينهم بــــــــي (لان اخر سنتين ماكانوا يزورون الكويت)

ليال: ايي حدده

ملاك: انزين متى بيردوون

ليال: يوم الاربعا

ملاك: يعني بعد يومين يعني الخميس انشوفهم

ليال:اي صح

ملاك: اوكي تسهرين معاي؟

ليال: ايي وبنام عندج اليوم

ملاك: لاا مااكوو مكاان

ليال: لااا شنوو ماكو مكاان، قولي ماتبيـن ليش الأعذاار

ملاك: هههههه لا خلاص بس جذي نامي

ليال(استانست): اوكي خل اروح أييب كمبلي ومخدتي<< لان حظرة ملاك لازم الكمبل كلله علييها لوول

ملاك: لووول اوك ،، انا برووح اسوي نفييش

ليال: لووول فاظيه بس ياالله زيين حق السهره

ملاك: ههههه

وراحت

وقعدوا عاللاب بعدين طالعوا افلام وجذي والساعه 6 الصبح ناموا
~~~~~~~~~~~~~~~~~~~~~~~~~~~~~~~~~~~~~~~~~​

انتهى البارت
تتوقعون راح يصير شي برجعة خالها وعياله من السفر :eh_s(10):
هل رجعتهم راح تغير مسار حياة ملاك !! ​

 

[دمعة_حب]

يسسسسلمو علئ البارت بانتظار البارت الياي

 

[دموع المساء]

انا احس ان جيتهم من السفر فيها شيء ياواحد محب ملاك او ليال بتصير لها قصة حب لاول مره ,,, لا تاخرين علينا اختي مشكوررره على الروياه جدا اعجبتني بس تنزلين رويات راح اقرا لك انتي بصراحه طريقة تنزيلك مره حلوه مافيه لفه او حوسه كله حلو ومميز ومرتب

 

[L.Al-kandri]

مشكووووره علا البارت حده عجييييب

 

[MiSs FoOoFoOo]

يسسسسلمو علئ البارت بانتظار البارت الياي

الله يسسسسلمج

انا احس ان جيتهم من السفر فيها شيء ياواحد محب ملاك او ليال بتصير لها قصة حب لاول مره ,,, لا تاخرين علينا اختي مشكوررره على الروياه جدا اعجبتني بس تنزلين رويات راح اقرا لك انتي بصراحه طريقة تنزيلك مره حلوه مافيه لفه او حوسه كله حلو ومميز ومرتب

يمكن ليش لأ :eh_s(10):،، ماراح اتأخر العفوو حبيبتي ،،
هههه والله ماعتقد انزل بعد روايات لان حبطووني :eh_s(16): مافي واايد تشجييع وتفااعل الا جم وحده ينعّدون بس معنا المشاهدات وايد،،
اي انا احب التنظيم والترتيب لووول ودقيقه حدي ،، ثانكس حبيبتي :eh_s(7):

مشكووووره علا البارت حده عجييييب

العفوو حبيبتي ،، تسلميين

 

[مريوم]

يسلمو هالايادي والله والبارت حدة حدة حدة يهبل بس ملاك شوي بطت جبدي وحسين حددددة يكسر الخاطر وبس ويتنق يو حياتي ولاتطولين

 

[MiSs FoOoFoOo]

الله يسلمج ،، ثاانكس

 

[مريوم]

اب اب اب اب اب اب اب اب اب
اب اب اب اب اب اب اب
اب اب اب اب اب
اب اب اب
اب اب
اب

 

[حريتي بحجابي]

يسلموووووووووووووو

 

[دمعة_حب]

لا يوقف لا يوقف نبي بارت نبي بارت

 

[دايم شيك]

القققققققققصصصصصصصصصصصصصصه رووووووووووعه كمممملي حياتي لا يوووقف

 

[MiSs FoOoFoOo]

ثااانكس بناات

دايم شيك
تسلميين حبيبتي من ذووقج ،، انشاالله راح اكمل
نورتي
...
وبنات ناو راح انزل البارت: 15
نطرووني
​

 

[دمعة_حب]

بانتظارج حبيبتي لا يوقف لا يوقف

 

[MiSs FoOoFoOo]

وقعدوا عاللاب بعدين طالعوا افلام وجذي والساعه 6 الصبح ناموا
................................................................................​

البارت: 15​

يوم الخميس
العصر​

حوراء: اتزهبوا اليوم بيت خالكم طلال مو بيت يدتكم​

ملاك: ليش​

حوراء: اهما عازمينا عالعشا مناسبة رجعتهم الكويت وتخرج خالكم ​

ملاك: اهاا اوك
...​

وعالساعه 8 الكل تيمع في بيت طلال​

ملاك سلمت عالكل والحين يا دور فيصل ولد خالها ومستحيه منه من زمان مو شايفته..، وبالغصصب​

ملاك: شلونك فيصل، الحمدالله عالسلامه​

فيصل: تمام الله يسلمج، انتي شلونج ​

ملاك: تمام الحمدالله​

جان اتروح على طول تقعد عند البنات​

فيصل بقلبه( بيــــي الحين هاذي ملاك اتغيرت واايد، احح صاايرره قمرر )​

((خلوني اعرفكم على فيصل: عمره 19 سنه كان بثانيه جامعه


يدرس برا طبعا مع امه وابوه والحين راح يكمل جامعته بالكويت-،،


عنده بس اخت وحده عمرها12 ،،- قبل لايسافر لما كان بالكويت كان حددده مغازلجي ،،


عصبــي و حدده جريــئ ومتهـوور ،،


اناني و مغروور واذا يبي يسوي شي يسويه ماعليه من احد،،


مواصفاته: طويل، حنطاوي، حلوو حيييييل


أي بنت اتشوفه اتذووب امممم وبسس ))​

بعد ساعه ونص​

ليال: هاا وين عليوي ما يا خوون فييج هاا كاااك​

سحر: جب جب شكوو رايح شاليه اهوا قايلي​

ملاك+فاطمه: هههههه
...........................................................​

ملاك حست بعين اترااقبهاا​

لفت ويهها ولا فيصل متنح فيها وبس شافها لفت عليه جان يبتسم لها، ​

ملاك على طوول لفت ويهها ، حدها انحرجت ​

سحر: هيي قام اكلمج​

ملاك(واهيا منزله راسها): همم؟​

سحر: شفيج جذي بالغصب تتكلمين << لان قتلكم ملاك وايد خجوله
والحين بس ان قام يطالعها حدها مفتشله ماتحب جذي احد يطالعها مدده اذا صبي طبعا ،
يعني ماتقدر تقعد ولا تتكلم نفس الاوادم >> لوول شي اكيد​

ولما اتأكدت ان لف ويهه​

ملاك: امبي سحر شفيه جذي فيصل يخزز استغفرالله​

سحر: ايي لوول لاحظت​

ملاك: اي ليش جذي يعني الصراحه ماني قادره اقعد يعني​

سحر: هههه مادري يمكن عشان من زماان مو شايفنا عاادي يبا طوفي لا تهتمين​

ملاك: ممم يمكن​

سحر: انزين ياالله قومي خل نتعشا ​

ملاك: اوك​

وقعدوا يتعشون​

ولما خلصت ملاك راحت اتغسل عند المغاسل اللي يم الحمام ،،
غسلت ويا وراها فيصل​

بسرعه نشفت ايدها عشان تطلع​

فيصل: الا ملاك جم صار عمرج الحين​

طالعته​

ملاك: 17​

فيصل: اهاا العمر كله​

ملاك اكتفت بابتسامة​

طبعا اهيا بتطلع بس اهوا واقف بطريجها >> الحبيب مطول بالسوالف​

فيصل: متى اتحجبتي​

ملاك: سنه اللي طافت​

فيصل: اهاا، بس حلو عليج (وغمزلها) ياحلوو​

ملاك عاد صج انحرجت واتفاجأت​

ملاك بقلبها(لا صج مصخهااا ، هذا شفيه)​

ملاك ماردت عليه بس كانت بتطلع واهوا لي الحين واقف >> يعني ناوي اتكمل سوالف ولا شنو خخ​

ملاك: شوي​

فيصل: هههه و وخر
..............................................................​

بنات بعديين اكمل
شوي ماراح اطول:eh_s(13):​

 

[دمعة_حب]

عفية لا تطولين حدي تشوقت شكلها راح تحبه وحسين حرام وعليا عليييييه بانتظارج

 

[MiSs FoOoFoOo]

عفية لا تطولين حدي تشوقت شكلها راح تحبه وحسين حرام وعليا عليييييه بانتظارج

انشاالله نااو اكمله ،، مايندرا والله :bbbiu: