روايتي الأولى ( سجينات الحب )

[@تاج الراس@]

بسم الله الرحمن الرحيم
معاكم ((تاج الراس ))
وهذه اول رواية اكتبها في منتدي واتمني ان تنال اعجابكم
ابطالها ثلاث بنات مراهقات (( دانة_ دلال_ ريم))
خبطتهم الدنيا كل علي حدا وجمعتهم الاقدار في صف واحد
تعرفوا فيها علي بعضهم وعاشوا اجمل واغرب مغامراتهم
و تشاركوا مأسيهم وكبروا حتي اصبحوا روايه ارويها لكم لتكون عبرة لكم جميعا
رواية ((سجينات الحب))
اضعها بين ايديكم واتمني ان تنال اعجابكم.........
...
...
...
...

 

[@تاج الراس@]

نبذة بسيطه عن ابطال سجينات الحب
دانة: بنت شاطرة الملقبة(( بام قلبين)) تحب الدراسة وطيوبة و شاطرة اهلها شديدين حتي تلفون ممنوع وعندها تلفون خشاشي بو ليت عشان تسولف فيه وعندها حبيب من 3 سنين عشان يداريها ويهتم فيها ويخفف عنها مشاكل بيتها من بعد طلاق امها وابوها وامها سافرت لاهلها واهيا ظلت مع ابوها اهيا واخوانها الكبار العسرين واختها اخر العنقود الصغيرة جنى وابوها حيييييييل عصبي كبريت عسي ما تكلمها عادي تنطق او ينداس ببطنها لاتفه الاسباب ومنعزلة بدارها اهيا وتلفونها بوليت وناطرة تخلص رابعه ثانوي عشان تتزوج حبيبها الي قعد يخش مهرها من الحين والي مكلم وحيدته بهالدنيا امه والي موافقه علي الزواج وتكلم دانووو و مطيحينها صحبة مع بعض بين فترة وفترة



دلال: الدلوعه الحلوة عايشه بكأبة بعد وفاة ابوها وزواج امها والله رزقها بولد نساها بنتها وصارت بنتها تتنقل من بيت لي بيت جم سنه ببيت خالتها وجم سنه بيت مادري منو من اهلها لان امها كانت متزوجه وماعندها مكان تحط فيها بنتها بس الحين امها شرت شقة عالبحر بعد ما تزوجت هالغني واثثت غرفة لنتها عشان تقعد فيها وتحب واحد اسمه جابر ومكلم امها عشان يتزوجون وملجتهم بعد رابعه ثانوي باذن الله
اريام: طايحة حظ محبة النوم اهلها فري ما يدرون عن هوا دارها مرافجة صديقات سوء ودايما ينجلونها ويقطونها علي صخر عندها ربع اكثر من البنت وعندها بمقلمه المدرسة ورقه طوييييييله جنها لستتة طلبات الجمعية من اولها لي اخرها ارقام الربع الي تعرفهم ويعتبرونها اخت دنيا وتطلع وياهم جنها وحده منهم وفيهم ولا جنه بنت لانها ما تهتم بملامحها وشكلها ووايد تهلق لابسها لابعد الحدود وتصرفاتها صبيانية


دانة: قعدت من النوم الساعه 5 الفجر عشان تلبس وتركب الباص وتروح اول يوم مدرسة عندها واهيا الحين برابعة ثانوي
دانة: ياربي هالنتبه ما يسكت اففففف يلا قمت انزين لا تحن صدعت راسي
ياربي بنات العز الي اهلهم يوصلونهم عندهم سواق يودونهم الساعه 6 ونص يلا يقومون يتسحبونن من سراريهم مو نفسي الساعه 5 الفجر عشان الباص يايلي مع طلعة الديج
يلا هانت دانوووو ما باقي الا سنة<<<تصبر نفسها المسيكينة


في هذه الاثناء قامت دلول من النوم: ياربي انا ما كبرت انا جم عمري اليوم ويييييييه بعدي 18 سنة بعدي رابعه ثانوي وانا الاي عبالي اني الحين متزوجه وحامل وقعد اسمع صوت ولدي يتحرك ببطني وريلي مستانس
طح طح <<<دلول طقت نفسها طراقين
اصحي دلول هذا حلم انتي للحين توج بسم الله رابعه ثانوي وهذا اول يوم دوام قومي غسلي وصلي لا تشوفين احفادج لو مكملتها نوم اكثر<<<لوووووول
الساعه 7
قامت ريوووم بعد ما امها رفستها عشان تقوم خبركم هالبنت نومها ثقييييييييل وما تصدق تلقي مخدة عشان تتمقط وتنام

ريوووم: انزين يمه انزين خلااااااااااص لوعتي جبدي بقوم طوطوطوطوط<<<عطت جم مسبة اشكبرها لان قعدوها من النوم
قامت ريووم وهذه ثاني سنة واهيا مغرزة بنفس الصف والمدرسين احفظوها غسلت وما باقي علي الجرس الا نص ساعه والاخت تمقطت ومدت هوز الشيشه وسوت قهوة تركية وقاعدة تشربها
طق الجرس وراحوا البنات اصفوفهم
دانة :امبيييييه لااااااااااااااا غيروا صفي ياربي انا بروحي يديدة وانا ياله لميتلي جم بنت تعرفت عليهم السنه الي طافت بهالمدرسه بعد الحين غيروا صفي وانقطعت عنهم وقطوني بهالصف المعفن
خل اروح الحمام ادز مسج حق حبيبي اقوله عن هالمصيبة
ياربيييييييييي خل اقعد اخر شي <<<تحب تقعد اخر وحده بالصف وخصوصا يم الطوفه عشان تتسند
دلال: يبووووووووووووي غيروا صفي شالاشكال الي بخاويها السنه كلها اللهم صبرني عليهم الله الله روايحهم من اول يوم فايحه من باجر عدة الديتول معاي وسله عطورات بوزعها هدايا عليهم واقول لهم عربون صداقه خل اقعد ورا لا اختنق بروايحهم.

بدت الحصة وحلوج البنات منشقه عالاخر فيهم النوم وناس تقرق جنهم مو شايفين بعض من قرن لك لك لك من الصبح جنها بالعه محطه الاخبار بكبرها
دخلت مدرسه الكيمياء (( للعلم اهما بنات علمي))
ومن الصبح طلبات وشروط وشوية دراسه
وفجاة طبااااااااااااح
دانة: ويعه منو الي داش علينا جذي خربت علي كنت سرحانة بحبيبي افكر شقعد يسوي الحين
دلال : بسم الله الرحمن الرحيم
المدرسه مصدومة ويوم شافت منو دش تغيرت تعابير ويهها عالاخر
ريم: سوري مس الباب ما كان راضي ينفتح جان ادزه بريولي
دلال: جذابه الخت كانت تلعب كاراتيه بالباب رافسته من قلب هالبنت
المدرسة: هذي انتي بعدج ما تخرجتي دشي دشي<<<تحاجيهاباستهزاء
للاسف الحين الصف كله درا ان ههالبنت عايدة السنه والمفروض المدرسه تشجعها او علي الاقل ما تفضحها جدام البنات ومن اول يوم وتفشلها لكن هالفئة من المدرسات الله يصلحهم
كملت المدرسه الشرح لين لاعت اجبدوهم الطالبات وما صدقوا طق الجرس
واحمدوا ربهم لانه لو مكمله بعد شوي جان اعتقد ردت اكتشفت لهم الذرة عشان بس تدرسهم.
ريم حطت اغراضها يم دانة وسلمت عليها وحطت راسها ونامت
دانة: امبيه اشفيها هذه من صجها نامت بالمدرسة!!! والله الشره مو عليها الشر علي انا الي قاعده ورا
كملوا البنات يومهم وردوا البت ناموا بعد التعب وبعدها الي راحت المكتبة تييب الطلبات والي راحت تنام لي اليوم الثاني<<<ريمووو
والي راحت تسويشعرها وتضبطه حق باجر
وعلي جذي عدا يومهم

 

[@تاج الراس@]

اتمني تفاعلكم عشان اكمل لكم باقي الرواية
ممنوع نقل الرواية الا باذني وبذكر اسم الكاتبة @تاج الراس@

 

[@تاج الراس@]

الجزء الثاني
وبعد مرور اسبوع من الدراسه
في الصباح و بالضبط في احد صفوف الطالبات
كانت دانوا منحاشه ويا جم بنت من الحصة
صج دانة كانت شطورة بس كانت ساعات تزهق من الحصص ويحسون بضغط خصوصا انهم علمي وموادهم دسمه وحصة ورا حصص وماعندهم فجة بين الحصص الا الفرصه الي يمديهم يوصلون للمقصف ويوقفون طابور الخباز اليومي وبعد هوشه وتمشع يشترون صموووووونة بايتة وغالية عالفاضي او عصير وحلاو ولله الحمد الا الجرس طاق فانحاشت من الحصة ويا جم بنت واهيا تهوي المغامرات والاستكشاف وهذه بحد ذاتها مغامرة بالنسبة لها<<<مسكينة ما شافت الدنيا
وقعدت ويا البنات بصف فاضي يسولفون ومن بين السوالف يابو طاري ربم
الطاف: اي هذه الساقطه ما احس اني ابلعها
شجن: اي يقولون هذه رايحه فيها لانها السنة الي طافت رفيجاتها الي تخرجوا كانوا رايحين فيها
مسك: اييييييي شكلها مولية لا بعد ساقطه
دانة انقهرت وماتحب الظلم ابدا والظلم الي شافتها من اهلها كان كافي عليها فما تحب تشوف انسانة جدامها تنظلم
دانة: بنات اشفيكم عالبنت واذا يعني ساقطه يعني شنو ؟!؟
تري اهيا احسن مني ومنج انتي لو سقطتي يا سمح الله كنتي رح تعيدين السنة لج خلق؟! ل وبنفس المدرسه الي تخرجوا منها كل صديقاتج الي كانوا وياج بالدفعه؟ وماظل غيرج؟!؟ اكيد لا ما رح تتجرؤون
وبعدين اذا رفيجاتها مو زينين اهيا شكو تذمونها
بلا البنت تغيرت بلا تسنعت وصارت خوش وحدة وانتوا مو صايدين عليها شي اللهم ان رفيجاتها الي مو زينين مو اهيا
بنات رجاء انا ما احب الحش ولا ارضي بالظلم لا تحشون فيها وتاخذون اثامها علي شي ما يسوي وبس قيل وقال
البنات سكتوا وحسوا بالندم وانهم ظلموا ريوم
بعد الحصة وبعد ما تاكدوا ان المدرسه طلعت من الصف راحوا البنات للصف مسوين شباق كالعادة))) خبال زايد
راحت دانة تقعد مكانها يم ريم جان تلقي ريم كالعادة نامية
قالت لها :قومي قومي قومي انتي ليش كله نايمة انتي ماتنامين بالبيت؟
ريوم تتثاوب بويه دانة: لحظة اتمقط واجاوبج، بلا انام بليل بس ما اشبع لاني ارد متاخر حيل اساعد امي بالشغل
الي فهمته ان ام ريوم تشتغل بحفلات الاعراس فشغلهم يكون كالعادة بايل ومايرجعون الا الساعه 1 وعلي ما يغسلون وياكلون وينامون الا 2 صارت فما يمديهم ختي يشبعون نوم الله يعينهم واهيا تروح تساعد امها لان امها مسوية عملية فما فيها حيل هالشغل بس مافي احد يقرف عالبيت الا ام اريام لان اختهم الكبيرة متزوجه وعايشه بره مع ريلها بالاردن
وابوها شايب عوووود وشوي مخرف فتلقينها بالبيت محد يدري عنها ام لاهية تصرف عالبيت وابو كبير مخرف

دانة اكسرت خاطرها ريوم حيييييل وحمدت ربها علي عيشتها
وحبت تساعد ريوم
وخلال الشهرين الي بعدها تعرفت دلال علي ريوووم ويسوللفون مع بعض
ودامة كان بينها وبين دلال بس سلام بس جذي ما ارتاحت للبنت
وتقربت دانة من ريوم وصارت تساعدها بالدراسه والواجبات وصارت ريوم تيي حق دانو البيت يدرسون ويسولفون ويضحكون
ودانة مستانسه ان عندها رفيجه تزورها لان اهيا اهلها عندهم مقوله شهيرة: ما عندنا بنات يروحون بيت رفيجاتهم الي يبيج ييه لي عندج
فرقيجات دانة يوون لها مرة مرتين وبعدها يبطلون يون لان اهلهم يننعونهم بحكم ان دانة ماتزورهم
وصارت ريوم تسولف عن مغامراتها ويا ربعها بكل عفوية ودندون مندمجه تسمع
بتقولون ليش ما سكتتها وهالبنت ما عندها جذي سوالف غير هالحبيب الي تكامها وهمها بدراستها
دندومن مثل نا ذكرت قبل تحل الاستكشاف وودها تستكشف العالم الخارجي والناس اشلون عايشين ويطلعون ويستانسون لان اهيا ابوها حاكرها ما تطلع الا لبيت عماتها وجدها وهناك ما عندها احد كبرها وتزهق من القعدة مع العيايز
وماراحت تعيش مع انها لان ابوها مارضي تعيش بدولة منفتحة
اهيا امها تركية ابوها تعرف علي امها خللا دراسته في بريطانيا وصار دكتور نساء وتوليد وكانت ام دانة تشتغل بالجامعه نفسها الي يدرس فيها ابوها

ظلت دانة تسمع ريوووم واهيا منبهرة من السوالف الي تقولها لها ريوم وعن زياراتها للمطاعم وروحتها حق البحر بالطراد والجيتيسكي ويل الربع
وروحتها حق قهاوي السالمية والشيشه الي ما يتعدل مزاجها اذا ما شربت راس شيشة باليوم

وريوم بحكم انها مكملة 18 سنة فاهيا تسوق وعندها سيارة ابوها الكحيلنه الي صافطه تحت بينهم من دهر والاخت صار لها سنين تسوق بدون ليسن قبل لا تكمل ال18 سنة

ومع الايام والاجواء الدراسية والانتهاء من الامتحانات الفصلية
قررت ريوم تطلع تغير جو وقالت لدانة تيي معاها
دانة: ريوم انتي تدرين اهلي اشلون صايرين ومستحيل يوافقون اني اطلع ويا رفيجتي
ريوم: يبا طلعي من وراهم شوراج
دانة: نو وااي تبين ابوي يشبه راسي
ريوم : اشدراهم اهما شرايج باجر نطلع من المدرسو زهبيلج ملابس طلعه حطيهم بالجنطة وامشي نطلع
دانة: انتي ينيتي؟!؟ ميتخيل ( ودانة من داخلها يليت ودي اخذيني معاج بس اخاف)
ريوم : عندج اليوم كله فكري بالموضوع
ردوا البنات للبيت ولعصاري بعد ما خلصت دانة واجباتها قعدت بالصاله جان يي اخوها
عيدالله: انتي ليش ما نظفتي جوتيي الي عند الباب ما شفايه اشلون وصخ
دانة: نعم نعم نعم عندك خدامة روح قول لها
عبدالله: مابي الخدامة قومي انتي علي حيلج نظفي عيل انتي شفايدتج بس اكل ونوم
دانة طنشت اخوها لان ماعودة علي حقا ة اخوها عبدالله وتدري ان شايف روحه عالفاضي وقاص علي نص بنات الديرة ومعشمهم بالزواج والحب
عبدالله: اقولج قومي نظفيه بطلع
دانة سامته ومتابعه التلفزيون بصمت
وفجاة ما تحس الا بصاروخ ياه بويهها وانزقع فيها والا الاخو رافع جوتيه الي غرقان رمل وطين من سهرتها امس بالمخيم ويا الريع وهبده بوسه دانو
دانة حسا بالاهانة وقامت تزفها واهيا تبجي سمعها ابوها جان يطلع
تقول لابوها يبا شوفه طقني بالنعال علي ويهي عشان مارضيت انظفله ياه
الابو بكل برود اعصاب: تستاهلين وليش ما سمعتي كلام اخرج الي اكبر منج ونظفتيله جوتيه وبا تبين اعلمج اشلون الناس تنظف الجواتي
دانة انقهرت زود وراحت لغرفتها واهيا ميته بجي من الظلم الي تشوفه كل يوم والاهانة والتفرقه الي تشوفها من اهلها مو كلفي انها مانعينها تتواصل مع امها ومحرومة من حنان ال ام
دانة دقت علي ريوم ولالول مرة تفتح قلبها لغير حبيبها واهيا مادقت علي حبيبها لان كان نايم هذه حزة نومته بعد الدوام وماحبت تقعده وخرت الاكو والماكو حق ريوم وقالت لها بكل حرتها زهبي عمرج باجر عشان نطلع انا محتاجه اغير جو والي فيها فيها اهل ما يون الا بالعين الحمرة((( شكو يادانوووو يحليلج والله
ريوم: افت عليج انا باجر امرج قولي للباص لا يمرح وانا امر اخذج
سوت دانو المطلوب واهيا مو حاسه بنفسها من القهر الي فيها تبي ترفع عن نفسها باي طريقه وزهبت ملابسها حق طلعه باجر وصار اليوم الثاني ونزلا تحت واهيا ميته خرعه وتدق علي ريوم الي ماترد عليها ودانة ميته برد وخوف من الي قعد تسويه وخليفه اخوها الكبير ينزل عشان يزوح الدولم بعد شوي ويشوفوها للحين ماراحت بالباص ويزفها
وبعد 16 مليون ومسج لريم قامت رين وقالت اها يلا الحين اييج صاروخ ويت ريوم مستعيله
دانة: هذه ويتها صارلي ساعه ناطرة ثلجا وخلص رصيدي حتي حليبي مل اقدر ادق عليه احسن لايق علي ولا ادق عليه اخاف يسمعني وانا طالعه واتوهق
دزتله مسج باخر 20 فلس بجهازها وكتبتله
صباح الخير حبيبي انا رايحه المدرسه
ودرت المسج ومداها ترقع راسها الا اسمع طبااااااخ
والا الحبيبة ريوم يايه وداعمه سيارة بيت الجيران
دانة: ياربي ياربي انا تاقصه ياربي شموزيني ذالعه الحين الجيران يطلعون ويسوفوني راكبه معاها
ريوم: ديد ديد دااااااانة ركبي بسرعه خل نمشي قبل لا يقعدون الجيران ويشوفون سيارتهم مدعومة
دانة: امبيه شسوي ياربي ششسوي شالورطه الي ورطت فيها نفسي؟
اركب ولا ارجع البيت؟؟؟ بس اذا رجعت فياحتمال ابوي يسويلي تحقيقي ويذبحني طق وان ركبت اخاف البنت مو صاحية بعد الي شفته وفوق هذا ما تعرف تسوق اخاف اركب وتسوي فيني حادث يا ربي شسوي يا ربي الله يعيني
في هذه الاثناء وورا سيارة ريم كان مسعود ولد الجيران توه طالع بسيارته بس كان بعيد شوي باول الشارع ورا مريوم ومن الصدمة من سواقة الي جدامه بطها ضحك قال ينزل يساعد بس ريم مسرع ما تحركت ودايت بسرعه تركب دانو السيارة واهوا يناظر دانة الحلوة الي بمريول المدرسه وسرح فيها شوي عالصبح
مسعود: يا ويلي هذه بفريجنا وانا ما ادري ربي يخليها لاهلها ان شاء الله بس شكلها صغيرة بعدها بالمدرسة
مسعود شاب في اواخر العشرينات تزوج من قبل و مرته بفترة الملجه ماتت بحادث وبعدها ما تزوج ولا قدر يحب ووخر عن شي اسمه بنات ولا يفكر بالزواج بالرغم من حنة اهله عليه بالزواج

تهقون رح تركب بطلتنا السيارة ولا ترجع بيتها ولا شنو رح تسوي بطلتنا بهالموقف الصعب!؟!؟
مسعود شنو علاقته بدانة وشنو من بعد هالنظرة الي ناظرها فيها؟!؟
انتظروا الجزء الثالث

 

[@تاج الراس@]

للعلم تري القصه احداثها حقيقية وحدثت بالكويت مع بعض التغييرات البسيطة في احداث القصه وتغيير الاسماء لابطال واصحاب روايتنا الحقيقية سجينات الحب

 

[@تاج الراس@]

انتظروا التكملة

 

[mj2012]

توني طايحة على روايتج بصراحة حدها تينن
الله يعطيج العافية

 

[@تاج الراس@]

الله يعافيج يسرفني مرورج ومتابعتج

 

[@تاج الراس@]

الجزء الثالث من رواية ((سجينات الحب))

خذت دانة زفير قوي وقررت بسرعه انها تركب ولا انها تذبح من ابوها اوتظل بفريجهم اكثر من جذي
تلفتت وركبت السيارة ولقت واحد بسيارته شكله شاف الحادث طنشوا ومشوا
وطلعوا من الفريج
ريوم: ها وين ناوية تروحين
دانة: كيفج اي مكان انتي كيفج انا للحلين عظامي تطقظق من الخرعه الي سويتيها فيني
ريوم: ههههههه سوري حقج علي خلاص عيل بوديج شارع المطاعم
دانة بقلبها: اي هذا سامعه عنه بس مادري وين صاير بخريطة الكويت

راحوا البنات شارع امطاعم بعد ما بذلت دانة ملابسها بالسيارة كانت لابسه تحت مريوله مال المدرسه وراحوا هناك الصبح عال٧ اهما مناك
ودانة منبهرة اهيا الخليج بكبره ما شافت منه الا برجر كنج مال البحر لما عمتها خذتها ويا عيالها قبل جم سنة
واعليا عليها

وظلت تطالع منبهرة الجو شتاء واشحلاته والغيوم بالسما بنظر يجذب ويخلي الواحد ينتعش
وكلوا وطلعوا وتمشوا عالخليج واغاني حده ومستانسه دانوا بس كانت تتضايق لما الشباب يتحرشون وما كانت تعطي ويه لانها ماتبي تخون حبيبها اهيا طالعه تغير جو مو رايخه تخم ارقام شباب وريوم ما تحاجي شباب الا علي بنه اخوانها خخخخخ وعندها واحد ميته فيه بس للحين ما صارحتها انها تحبه لان اهوا يعتبرها اخته او صديقه لا اكثر ولا اقل وما يعتبرها البنت الي ممكن ينجذب لها من تصرفاتها الدفشه واسمه حمد
المهم كيفت دانه عالاخر ومن السبع لي الوحدة واهما يفرفرون عالخليج وعالبحر واستانسوا وظلت دانة تسولف عن حبيبها وعن اهلها افتحت قلبها حق ريوم وريوم تسمعلها وريوم بعد كلمتها عن الي اهيا معجبة فيه حمد وانها مو عارفه اشلون تجذبه لها عشان يتقبلها كحبيبه
وبين السوالف جان دلول حبت تنصح ريوم وقالت لها انتي ليش ما تهتمين بشكلج يعني رتبي شعرج لبسي الوان فواتح مو كله غامج وهذا مقطوع ولا بنطرون لون وجاكيت لون ما يصير جذي

ريوم: مو انا مالي خلق الي بويهي البسه وانا ما اعرف اطقم
ريوم: انا اساعدج خليني المرة اليايه ايي بيتج واشوف ملابسج واطقملج واعطيج افكار عشان تروحين تشترين ملابس

واتفقوا ويا بعض ان المرة اليايه يمرون بيتهم وفهمتها ان امها طيبة وما تسوي شي حتي لو درت انها منحاشة
وردت البيت دندون واهيا حيل مستانسه غيرت جو لاول مرة بحياتها حست بحرية لا عبدالله يراقبها ولا اخوها الاكبر فيصل يزفها لي واحد تحرش واهيا المسكينه مالها شغل ولا حتي طالعت الصبي
لا وساعات ينزلونها الجمعية يقول لها روحي عندج ١٠ دقايق تقوم تدخل الجمعية واهيا تحوس تلقي اخوها بالدور الي فوق مال الجمعية يراقبها واهيا تتسوق يبي يشوف شنو تسوي خخخخخخ المحقق كونان مو اخوها

ردت البيت بطلتنا دانه وغسلت وصلت وتغدت وحطت راسها ونامت ونست تدق علي حبيبها او تبلغها بمسج انها ردت من بره
وبعد ما نامت ظل تلفونها يرن ومسجات ورا بعض فوق ال٤٠ مكالمة و١٠ مسجات

وراحت ريم للبيت وكلت زفه سنعه من امها

ام ريم: انتي وين كنتي وين السيارة من الصبح مو موجودة شسوي فيج انتي متي تعقلين انتي ما كنتي بالمدرسه صح ليش تنحاشين مو كافي انج عايدة السنه بلا بلا بلا
ريوم: اووووووووووه فكينه زين لا تحنين ابي انام لحد يزعجني

طبااااخ ورجعت بطلتنا الباب بويه امها
وامها مقهورة منها كو قادرة عليها يلا تلحق علي شغلها والتزاماتها عشان تلبي احتياجات البيت وعشان تجابل ابوها المخرف


تهقون شرح تسوي ام ريوم بعد ما تقعد بنتها من النوم؟!
وهل دانه رح تنحاش من المدرسه وتطلع ويا ريوم مرة ثانية؟!
ومنو الي قعد يدق علي تلفون دانة واهيا نايمه و شيبي منها اذا اهيا حتي رقمها محد يعرفه غير حبيبها وريم صديقتها اليديدة
ووين دور بطلتنا دلال في هالقصة؟!؟
انتظروا الجزء الرابع لمعرفة المزيد

 

[@تاج الراس@]

((الجزء الرابع))
يوم الخميس بعد اذان المغرب
دلال: هلا حبيبي كاني قاعدة انت وينك
جاسم: توني كنت مسكرة من امج
دلال: صج؟!؟ شعندك داق عليها
جاسم : ابد اقول لها استعيلي علي بنتج خل تتخرج بسرعه عشان املج عليها
دلال: ههههه صج مينون , ما باقي شي حياتي الحين احنا قربنا من نص السنة يعني ما بقى الا كورس ونخلص
جاسم: يا الله نصبر شورانه، المهم انا جراح بيركب معاي الحين احاجيج بعدين باي حبيبتي
دلال : اوكي باي حبيبي انت


جراح صديق جاسم تعرفوا قبل ٤ شهور علي بعض بالقهوة وطقوا سوالف وصحبة من اول يوم
وجراح بطالي عطالي لا شغله لا مشغله قاعد بالبيت ياكل ويشرب ويمش ايده بالطوف


جراح: هلا والله بو الشباب شيايبك تحت بيتنا
جاسم: لا اااا تستعبط حضرتك موجنك انت داق علي وماذيني كل شوي تعال مرني تعال مرني خل نروح القهوة مالتنا
جراح : ههههههه، يبا اتفشمر معاك انزين يعني بتظل واقف تحت بيتنا
جاسم: انت صج ويهك عريض فوق ما انا مارك بعد هم تتحكم بسواقتي ، لا تخليني انزلك الحين اضبط حالك تري اخليك تيي القهوة مشي
جراح : ههههه لا لا خلاص رح اضبط حالي ولو، الا قولي كنت تكلم منو؟!؟
جاسم: اهوا في غيرها الحب
جراح: ياعيني عالعاشق الولهان ، ياحظك خو اهيا مزيونة فديت ذوقك
جاسم: استح علي ويهك هذه مرتي المستقبلية ، تري اسويها وانزلك واخليك تيي مشي القهوة
جراح: خخخخخخخ يبا اتغشمر حرام اتغشمر حلاي خشتك انت يا الحبيييييب

سكرت دلال من جاسم التلفون وطالعت التلفون جان تلمه
دلال: وااااي فديت هل الولد شكثر احبه ، ياني ناطرة اليوم الي البس النفنوف الابيض واقعد عالكوشه واهوا يمي ، الله يوفقني معاه ، خل اقوم اشوف امي واسالها شمخربط لها هالجسوم <<<ملقوفه ما تقدر خخخخخ


((في بيت دانة ))

دانة: وااااااااي ياحلو النوم من بعد هاليوم الحلو ، وين تلفوني يبوي لايكون طاح مني واحد صادة

قامت دندون مفزوعه من الفراش تحوس تحوس تدور التلفون مخترعه خاف احد صاده بس اشوه لقته بالدج الي يمها حاطته سايلنت بالسيارة من اول ما قربت من بيتهم

دانة: الله اكبر ، ٣٦ مكالمة ، وطعش مسج خخخخخخ
منو الي يحبني وهالكثر داق علي اليوم
اخاف ريمو موزعه رقمي ، لا لا حرام ما تسويها ، خل ادق عالحب ماجد اليوم نسيت اكلمه


رن التلفون توووووت توووووووووت
ماجد رد بس ظل ساكت يتاكد من منو الي بيرد عليه

دانة بمياعة : حبيبيييييي انا قعديييييييت

ماجد: ويهد ان شاء الله انتي وينج اليوم شكلت عليج لين قلت بس
دانة: يمه منك مو داق علي ولا مرة اللهم رقم غريب مشكل علي ومسجات فاضية مادري شالطبخه
ماجد بعصبية: هذا انا يالهبلة هذا رقم امي النقال الي داقلج منه ، طيحتي قلبي عبالي اهلج جكوج جان ادق من تلفون امي عشان اخلي امي ترد علي اسا انها رفيجتج واطمن عليج
دانة: سوري كنت نايمة
ماجد : نايمه طيح الله حظج وانا احاتيج!
دانة : اثفة اثفة خلاص لا تعصب علي اليوم كنت حيل تعبانه بعد الطلعه
ماجد: اي طلعه
دانة: هاااا، أأأأ!! اقصد يعني بعد روحتي المدرسة
ماجد: اها
انزين المهم بسالج سؤال عندي رفيج متوهق بشغله وانا احترت معاه ابيج تساعديني وتفكرين معاي اوكي

دانة : لحظة حبي خل اضبط القعدة واتربع عشان اركز عدل معاك يلا قول

ماجد: عندي رفيجي يحب ثنتين وثنتينهم يحبونه بس وحدة صغيرة عليه والثانية قريبه من عمره ومرتاح لها اكثر ويبي يتزوج وحدة فيهم بس ما وده يجرح وحدة فيهم شالحل

دانة : اممممم، اكيد يتزوج الكبيرة لان مرتاح لها اكثر والصغيرة حتي لو درت انه تزوج بعدها صغيرة العمر جدامها تكبر وتنسي هالجرح والعمر جدامها
ماجد: اها اوكي رح اقول له وجهة نظرج


اشرقت شمس يوم جديد والبنات قاعدين بالمدرسه ناطرين دخلة مدرسة الكيمياء

ودانة وريوم قاعدين يطبلون ويغنون جان تدش المدرسه ولقت ريوم واقفة عالكرسي تترقص ودانة تصفق لها
عصبت المدرسه الي ما تواطن كلش شي اسمه ريم لانها عايدة السنة
المدرسة: ريييم وصمخ شنو هالمصخرة الي مسويتها نزلييي

ريم انبطت جبدها من طريقة المدرسه معاها حان تقوم تصعد فوق الدرج وترقص وتغني عناد بالمدرسة وغنت الغنية عند المقطع الي يقول:
(( برافو عليك استاذي انت بشر مو عادي،،، برافو عليك استاذي انت بشر مو عادي ططو ))

ام ريم: رييييييييييم قومي بسج نوم قومي نظفي البيت عفن انتي كله خياس نوم

ريم قامت مخترعه
ريم : ها نعم شصاير انا مو بالمدرسة ،،طح طح

طقت ريم نفسها طراقين عشان تصحصح وتستوعب اهيا وين والا تطلع حلمانه بمدرسه الكيمياءجان تقوم تضحك بهالستيريا علي الحلم الغريب الي احلمت فبه

ريم: هذه المدرسة حتي باحلامي وبعز عطلتي لاحقتني بعد ههههه والله حالة
خل اقوم انظف البيت لا تقوم تفصل علي امي مو كافي مو مداومة اليوم و صايدتني خل اروح اراضيها بعد واقص عليها بكلمتين ادري امي حنينة وبسرعه ترضى

وراضت ريمو امها وما خذت مجهود اكثر من دقيقتين عشان تراضي امها هههههههه

انتظروا الجزء الجديد لتعرفوا شنو قصة ككاو جالكسي و يا البنات
واشلون دلال تعرفت عالبنات؟!؟
وشنو قصة ريم ويا حبيبها الي مو قادرة تصارحه بحبها له شيبي منها داق عليها يبيها ضروري

انتظروا المزيد في الجزء القادم

 

[@تاج الراس@]

اب اب اب

 

[@تاج الراس@]

الجزء الخامس
يوم الاحد قعدوا بطلاتنا من النوم
وكل وحدة ركبت باصها عشان تيي المدرسه
الا ريمو بعدها نايمة))) تعشق العزوبية وحالفه ماتتزوج الا لي كملت ٢٦ او ٢٧ سنة

في باص دانة

عبير: تكفي عطني زقارة اعطيك نص دينار
السايق: اممممم لا
عبير بقلبها :يالنحيس عبالك ما اعرف اشكالك ادري تبي فلوس اكثر
عبير وبابتسامة مصطنعه: انزين دينار عالزقارة الوحدة
السايق: هاج وحدة
وعطت عبير الفلوس للسايق وقعدت اخر شي تتلذذ بالزقارة تمخمخ فيها. لين نوصل للمدرسة

البنات : اف ريحة خايسه اختنقنا ويع
دانة صديقه عبير بالباص بس ماكانت تدري انه عبير تدخن وانصدمت يوم شافتها بهالمنظر
ومحد يتجرا بفتن عليها لان الفتانين بالباص معروفين ورح يروحون فيها من ايد عبير لانها ملسونة وتوديهم بداهية لي اخر السنة

دانة: عبير ليش تدخنين
عبير: مادخنت اليوم الصبح والدوام طويل شيصبرني
دانة: امج تدري انج تدخنين
عبير: امي جكتني من قبل وبجت وانقهرت بس صالحتها ومشي الحال ، تبين زقارة
دانة بقلبها : الله يهديج ان شاء الله ودي اعلم عليج بس انتي رفيجتي وانا ماني ناقصة مشاكل ابعد عن الشر وغنيله
دانة : لا مشكورة

سارة : انا ابي
شروق : انا بعد ابي اجرب
دانة: شنو لا حرام عليكم سارون انتي توج داشه الثنوية تبين تدخنين
وانتي يالنزقة يالي بالمتوسط تبين تدخنين؟، يوزي انتي وياها
عبير امها وابوها مطلقين و خواتها كبار الي رمتزوجه والي تشتغل واهيا الوحيدة الي تدرس ومحد مهتم فيها طلعت ولا درست ولا شي وكل حياتهم طلعة ووناسه وشيشة واللبس والكشخة والحياة حلوة عندهم ومافيها حدود


عبير: بنات تدرون حبيبي شرالي مرسيدس
البنات: واااااو صج ياحظج
دانة انبطت جبدها عبير بس تتشيحط بحبيبها الفاشل الي بس فالح سكر وحفلات
دانة: لا والله واشلون بتسوقينها اذا انتي للحين ماعندج ليسن
عبير: عادي اعرف اسوق وطلعت فيها امس عالخليج
دانة: واشقلتي لاهلج من وين لج مرسيدس مرة وحدة
عبير: لا ما قلت لهم صفطتها بالبراحه الي يم بيتنا حسافه لو كان الباص مار يم البراحه جان وريتكم ياها
دانة : اها، الا شخبار حبيبج هذا استغفر الله نسيت اسمه
عبير: خلود زين واي يهبل اشحلاته الاسبوع الي طاف كلم امي عشان يخطبني وذاك اليوم خذاني معاه الحفلة الي مسويها عنده وعرفني علي ربعه

دانة عيونها بغت تطلع من مكانها من هول الصدمة

عبير تكمل الحديث بكل ثقه وفرحه: وشالني جدام ربعه وقال لهم هذه حبيبتي ورح اتزوجها بس اهما قهروني قالوا: ما ظنتي تتزوجها جان يقوم يطردهم من الحفله عشاني

سارة تهمس بذون اختها شروق: اقول هذا بله اشلون شالها اذا اهيا شبيلها
سارة وشجن: هههههههههههههه
عبير: اشفيكم تضحكون؟!
شروق: لا ابد سلامتج اختي قالتلي نكتة ضحكتني من ويه الصبح
عبير: شنو اهيا علميني

توهقت شروق : ياربي هذه من وين االف لها نكتة الحين
بس اشوه علي حظها وصل الباص المدرسه
سارة تصفق وتنادي البنات جنها قاعدة بسوق الحراي تبيع اثاث مستعمل: طق طق طق يلا بنات يلااااا اشوف كل وحدة جدامي يلا نزلوا طق طق طق عاشوا عاشوا

مادري ليش سوت جذي بس شكلها قعد ترقع الموضوع بعد ما شافت اختها متوهقه مع عبير
بدت الحصة الاولي وريم بعدها ما يت دانة قامت تحاتيها وحاطه التلفون داخل الدرج وتتصل عليها ردت ريمو سكرت دانة الخط بويهها بعد ما تاكدت انه ريم قعدت ودزت لها المسج التالي: بسج نوم يالخايسه ناس تقعد الساعه ٥ وناس للحين تتمقط بالسرير تعالي بدت حصة الكيمياء

ردت ريم عليها بمسج:
ادري علينا كيمياء عشان جذي ما ييت خل تخلص الحصه ايي مالي خلق اجابل ويهها
خشت دانة تلفونها داخل المقلمة بالدرج وشافت ككاوها الجلكسي وقالت له: انا ماكلتك ماكلتك بس اصبر علي شوي

خلصت الحصه الاولي وريم يت وبدت الحصه الثانية وبدت بعدها الثالث واخيرا يت الفرصه بعد ما ساحوا البنات من المواد العلمية كيمياء ورا فيزياء وراها احياء
ريم: اقولج شايفه هالبنت مو شكلها اصبغت شعرها احمر[
دانة : اي ادري قبل كان شعرها اسود ويوم سالتها انا والبنات صبغتيه تقول لا اهوا طبيعي جذي
ريم : خخخخخخخ خاف خايفه نصكها عين علي صبغة الموسم الي براسها وانا مادري
دانة: خخخخخخخخخخ
دلال : خخخخخخخ سمعتكم حتي انا لاحظت انها صابغه شعرها
دانة : زين جذي ريوم اسمعتنا البنية فشله اخاف تقول لها
ريم : لا ماعليج دلول اصلا ماتحاجي ذيك البنت
ظلت ريم تسولف ويا دلول علي ما دندون تطلع اكلها واعزمت ريم دلال تيي معاهم بالفرصه ودانة هزت راسها لريم علي انها موافقة
وظلت تحوس تحوس تدور بين اغراضها
وفجاة دانة: لااااااااااااااااااااااا
ريم ودلال: اشفيج
دانة: لا لا لا اهئ اهئ
ريم : ويعه اشفيج
دانة: باقوا ككاوي باقوا الجلكسي مالي ليش ليش انا يبوقوني
متنسية فيه من حصة الكيمياء حرام والله حرام كان نفسي فيه
ريم: هههه تري مو مبيوق انا اكلته قبل شوي بحصه الاحياء يوم انتي استاذنتي رحتي الحمام
دانة: انتي!!!!!!!! ليش حرام عليج انا متعنية رايحه الجمعية عشانها واخوي حاسبلي الوقت قالي عندج ١٠ دقايق اشتري حاجاتي فيها من الجمعية واركب السيارة
حرام عليج قمت اهرول بالجعية ابي الحق اشتري حاجاتي خو انا ما اروح الجمعية الا بالشهر مرة وبالغصب وقعد امشي هروله بالجمعية ابي الحق قبل ما يمشي عني اخوي
وظلت دانة تتحلطم
دانة: انتي علي الاقل البقالة تحت بيتكم ما عرفتي تييبيلج؟
دلال: خلاص خلاص هدي امشي المقصف ندورلج ككاو
ومشوا النات وريمو تضحك علي دندون ودانة معصبة خخخخخ

خلص الدوام ورجعوا البنات البيت

في بيت ريم الساعه٣ عصرا
ترن ترن ترن ترت ترن ترن ترن ترن
ريم: يووووووووه منو الي داعية امها عليه الي داق علي هالحزة بعز نومي
هالتلفون ما يسكت ما يخمد شوي
ريم لما شافت منو داق اشهقت
جان تعدل قعدتنا وتذكرت كلام دندون عن النعومة والذرابه الي وصتها عليه
ريم بنعومة: الوووووو
ماجد: بسم الله الرحمن الرحيم اسفه اختي داق غلط
ريم: بدفاشه تعال انتي شنو داق غلط انا ريم
ماجد: اي مو هذه ريم الي انا اعرفها هههههههه مو هذيك
وماجد يقلد صوت ريم واهيا تتدلع: الووووو
ريم ويهها قام يقلب الوان من الفشيلة وحقدت علي نصايح دندون هههههه
ماجد: ريمو انتي وينج ادق عليج وادزلج مسجات اقولج ابيج ضروري تحقريني؟!
ريم: كنت نايمة امر كلي لك
ماجد ما حط بباله ان ريم قعد تقول هالكلام من قلبها وتتغزل فيه
ماجد: اليوم بروح الضاحية في بنت عاجبتني كله تطلع من جامعتها وتروح تشرب عصير الضاحية حتي طلبها حفظته صمدي دايما
ابيج تضبطيلي البنت مو راضية تعطيني ويه ،قوليلها اخوي معجب فيج ويبي يكلمج وتري اخوا خوش واحد
ريم حست بحرقه بقلبها علي سمعته بس ماتقدر تردله طلب تحبه
ريم : اوكي الساعه جم تبيني
ماجد : الحين لان البنت توقف مناك اربع
يلا تزهبي الحين امرج
قامت ريوم وتزهب طبعا مارخذت وقت عشان تتزهب اللهم بطلت الكبت واول جاكيت لقته بويهها لبستها علي ملابسها وخذت تلفونها وطلعت والحياة حلوة عندها
ماجد : من سكان الرميثية ، رجال الصبح ويحاجي ٥٠ بنت علي الاقل ويتحول بنت تالي الليل ))) لا تعليق والكلام واقعي
يعني ماتفرق عنده اذا اهوا ريال ولا مرا كله ماشي عنده اعوذ بالله
المهم ريم ركبت معاه ولعبت الدور الي طلبه وضبطتله الموضوع واقنعت البنت تاخذ رقم ماجد واهيا بقلبها ريم: عساج ماتدقين علي حبيبي حلاي الريبان الي ماكله نص ويهج
وماجد حده مستانس ويتشكر الريم علي خدمتها وعزمها علي عصير سانكيست وبفك وقال لها السموحه مفلس المرة اليايه اعزمج علي مكان ارقي
وطلع من ورا الكشن الي قاعد فيه بطل توباسكو بو ديج حق البطاط
ريم: خذت التوباسكو وتضحك: ههههه مزهب العدة، اقول انت حدك اذا كشختني توديني مطعم كناري الي بحولي
ماجد: سكتي عاد يلا شسوي الي كانت تصرف علي طاحت علي اخونها مع وحدة ثانية وهدتني وانا من يومها مفلس مالقيتلي صيدة ثانية
ريم: ما تنلام انت تمشي وتوزع رقمك الحين لو اقول حق اي احد بس اسم ماجد رح يقولون اي هذا ماجد بن فلان من عيال رميثية ، صكيت علي عاشور الي يقعد عند الجزيرة الخضراء
وكملت ريم طلعتها بعد مافرها فرتين عالبحر وردها البيت وقال لها سلمي علي امج
وامها في هذه الاثناء كانت بالبيت تدورها
ام ريم: وين كنتي؟!
ريم: طالعه ويا ماجد
ام ريم: اشلونه ماجد!؟
ريم: زين يسلم عليج
ام ريم تدري ان بنتها تكلم وماعندها مانع حاطه ببالها ان بنتها تسوي هالشي من جدامهاولا انها تسوي شي من وراها وواثقه ثقه عمياء ببنتها انها مو ممكن تسوي شي غلط معاهم اقوي من الطلعات يعني

شنو قصة طلعتهم الياية وليش دلول طالعه معاهم
ووين بيروحون؟!؟
وليش دلال بعد هالطلعه قعد تبجي بجي وسوتها مناحة؟!
جراح شناوي عليه ؟!؟
انتظروا الجزء القادم لتعرفوا الجواب /size]

 

[mj2012]

دلول راح تبجي لان جكت حبيبها يخونها
دانة الرجال الي كان يقصده حبيبها و يحب ثنتين اهوا ماجد نفسه بس في شي في بالي ما ادري يمكن يكون صح ان ماجد حبيب دانة اهوا ماجد الي تحبه ريم بس انتي قلتي في البارت انها تحب واحد اسمه حمد فما ادري هل هو غلط مطبعي
ويتنق يو ي قلبي

 

[@تاج الراس@]

دلول راح تبجي لان جكت حبيبها يخونها
دانة الرجال الي كان يقصده حبيبها و يحب ثنتين اهوا ماجد نفسه بس في شي في بالي ما ادري يمكن يكون صح ان ماجد حبيب دانة اهوا ماجد الي تحبه ريم بس انتي قلتي في البارت انها تحب واحد اسمه حمد فما ادري هل هو غلط مطبعي
ويتنق يو ي قلبي

اي خطا مطبعي
ماجد حبيب دلول
حمد حبيب دانة