رواية "يا زين أحبك أكثر من حياتي!" 2012

[Mo7aSbChia]

بسم الله الرحمن الرحيم

قريت وايد روايات...وفي كاتبات شهادتي فيهم مجروحه..

بس حسيت في شي بقلبي و ابي اطلعه.. :eh_s(9):

تجرأت و طرحت روايتي إهني..روايتي الأولى..

وإنشالله إن لاقت إعجاب تتبعها ثانيه و ثالثه....

قراءه ممتعه :eh_s(8):

...


يا زين احبك اكثر من حياتي
الجزء الأول​

أبي نوتيلا! احتاج نوتيلا!..خذت سويج سيارتها وطلعت من غرفتها.
"الزين يمه لا تنسين اليوم اليَمعه، ابيج جاهزة عالسبع"
إكملت..."إنشالله يمه"
هذي الزين، آخر العنقود. عمرها 22 سنه. توها متخرجه من الجامعه. عندها اخوين مشاري و شاهين، واخت دلال.
إركبت سيارتها وسيده اقرب فرع. كانت حزة عصر و ما كان في احد بالشارع، الكل إبّيته يتغدا وينام. دشت الفرع وكل همها تاخذ اكبر حجم نوتيلا موجود. "شكلي باخذ اثنين، من مفاجأة امي"
خذت النوتيلا و راحت عند الكاشير، كان في اثنين جدامها. سايق ومعاه ورقه فيها طلبات ومتوهق فيها. و وراه واحد شكله توه طالع من الدوام ومتنرفز حده. "خلّصنا يا عمي صارلنا نص ساعه ناطرين!"
ما كان ماسك شي بإيده. صار دوره وخذا باكيتين زقاير. انتبه انه في احد وراه. طالعها من فوق لي تحت بنفس والتفت على الكاشير المصري وعطاه حسابه وطلع.

...​

What's app – Lulwa Abdulmohsen's Chat
"لولو لازم اتيين! ماني قاعده بروحي عفيا لا تكسرين فيني!"
"زيون والله مالي خلق اكشخ حدي داون اليوم، شوفي دلول ولا فروح"
"دلال بنتها مريضه ماتقدر تخليها بروحها، وفرح عندها امتحان عقب باجر"
"إمصيبه هذي ما تهد الكتب!"
"لولو عفيا تعالي"
"راح تردينها لي ترا"
"صار! :*"
لولو و فرح و الزين..رفيجات عمر.

...​

أم مشاري (أم الزين) : "هلا والله، هلا بأم محمد حياج الله تو ما نور البيت"
أم محمد : "منور فيج يام مشاري، شلونكم شخباركم شلون بومشاري والعيال"
أم مشاري : "بخير الله يسلمج، حياج حياج"
بمكان ثاني بالصالة..
لولو : "زيون جيكي عاللي قاعده بالزاويه شوزها مو صج!"
زين : "اي واي معور قلبي من مساعه وانا اخزه"
أم مشاري : "زين تعالي سلمي على خالتج ام محمد"
زين : "هلا والله خالتي شلونج؟"
أم محمد : "الله يسلمج انتي شلونج؟؟ وشلون الدراسه معاج"
زين : "الحمدلله تخرجت"
أم محمد : "ويه الف الف مبرووك عئبال الوظيفة"
زين : "تسلمين"
رجعت زين حق لولو : "واي اكره اليمعاات!!"
لولو : "ها قثوج الحريم؟" :d
زين : "مو عن الحريم بس الوضع ملاقه"
لولو : "يللا ما بقى شي"

...​

مبارك : "اقولك شفت نسختها اليوم بالفرع!"
ثنيان : "بروك والله انت مادري شصاير فيك خلاص يبه انساها الله يرحمها"
مبارك واهوا يدخن : "شاللي انساها؟! مرتي شلون انساها!"
ثنيان : "انزين احنا الحين يايين الديوانية نستانس ولا ننقث إب كلام مأخوذ خيره؟"
خالد : "خلاص يالربع فضوها سيره، يّه!"
قام مبارك عنهم وطلع من الديوانية

...​

بشقة دلال و عبدالعزيز..صارلهم 3 سنين متزوجين..ويابوا جوا قبل 5 اشهر..دلال (24 سنه) قاعده بصاله و يمها جوا و ماسكه مجلة marie claire تتصفحها.
دلال : عزيز بكلمك بموضوع
عبدالعزيز واهوا يلعب ps3 : ها؟
دلال : هد اللي بيدك شوي!
عبدالعزيز : خلصيني دلالو شعندج
دلال : انا ودي ارد وظيفتي
عبدالعزيز هد اللعبه : ليش؟ قاصرج شي؟
دلال : لا مو قاصرني بس مليت من قعدة البيت ابي اشوف الناس!
عبدالعزيز : ممم....
دلال : و...ناصر مديري داق يقولي انه امومتي خلصت والمفروض ارد الشغل.
عبدالعزيز التفت عليها : هذا ما يرتاح! وانتي شلون يدق عليج وماتقوليلي؟! @@ بأمر منو يدق!!
دلال : اهوا توا يوم الاثنين داق..وبعدين شركته ما يحتاج امر احد
عبدالعزيز : وانتي ناطره من يوم الاثنين واليوم تقوليلي؟!
دلال : يعني شلون الحين؟
عبدالعزيز : ولا شي! البنيه يمج مريضه حالتها حاله وانتي تفكرين بشغل؟! متى ما انا اقصر معاكم بشي ذيك الساعه اشتغلي.
دلال : عبدالعزيز اهيا مو سالفة فلوس!
عبدالعزيز : خلاص دلال صكري الموضوع لا تنرفزيني
شالت دلال جوا و دشت غرفتها.

...​

أم مشاري : "يا بعد عمري يا زين ما قصرتي"
الزين : "حبيبتي يمه ما سويت شي. بس يمه الله يخليج فكيني من سالفة هاليمعات"
أم مشاري : "هاو ليش عاد؟ صح ذكرتيني ما قلتلج أم محمد قاعده تدور مره حق محمد"
الزين : "الله يوفقهم"
أم مشاري : "اي بعد محمد ما عليه قاصر..."
الزين : .....
أم مشاري : "شرايج فيه؟"
الزين : "من أي ناحيه يمه؟"
أم مشاري : "إذا تقدملج يعني"
الزين : "يمه تدرين انا شنو رايي بهالموضوع"
أم مشاري : "كيفج كيفج خلاص" وقامت عنها.

...​

فتح عيونه....الشمس طالعه...شاف تليفونه..10:27!..ما قعدتني حق دوامي...
راح الصاله..شافها معطيته ظهرها عند طاولة الطعام...
لمها...باس رقبتها..
عبدالعزيز : "ما قعدتيني"
دلال : .....
باس خدها...
دلال : "روح شغلك"
سحب الكرسي اللي يمها و قعد عليه...و مِسَك شعرها يلعب فيه..
عبدالعزيز بهدوء : "كل هذا عشان تبين تشتغلين؟"
دلال : "مو سالفة ابي اشتغل..سالفة انك مو واثق فيني عبدالعزيز"
عبدالعزيز : "دلال حبيبتي، مرتي انتي شلون ما اثق فيج!"
دلال : "عيل ليش ما تبيني ارد الشغل اذا واثق فيني؟"
عبدالعزيز : "بس، انا واحد اخاف على مرتي، ما تتذكرين لما طحتي عليهم؟ مابيج ترهقين نفسج.."
دلال : "عزيز!! كنت حامل!!!"
عبدالعزيز قام : "تبين تشتغلين؟ اشتغلي..انا ماشي"

...​

Conference Call – مكالمة جماعية
فرح : "انا مو مصدقه انه باجر فاينلي وانا مو دارسه شي!"
لولو : "إذا انتي مو دارسه شي انا شقول؟ هههاي"
زين : "اياام...فاينلز.." :d
فرح : "يا انتي يالكبيره"
زين : "صج والله متى إتخرجون مليت بروحي"
فرح : "انا هالكورس اخر كورس"
لولو : "سمر إنشالله"
زين : "الله يسهل عليكم إنشالله، يللا درسوا الحين، انا شكلي بطلع"
فرح : "يللا باي"
لولو : "باي"

...​

إمسكت زين فونها و دقت على دلال : "الو دلول..شقاعده تسوين؟"
دلال واهيا تفرفر بال TV : "ولا شي..قاعده بروحي"
زين : "عزيز وينه؟"
دلال : "مادري عنه طلع من الصبح وليلحين ما رد...احسن لا يرد"
زين : "بييه...انزين دلول عفيا عفيا عفيا تعالي معاي Elevation Burger"
دلال : "مو مشتهيه آكل زيون خليها مرا ثانيه"
زين : "دلال يعني انا شسوي بنفسي فروح و لولو عندهم امتحان و ماعندي غيرج عفيا!"
دلال : "إنزين..تعالي إنتي مريني مالي خلق اسوق"
زين : "يعني منتي داقه على عزيز تستأذنين اول؟"
دلال : "لأ...تعالي بسرعه لا أهون"
زين : "يايه يايه..باي"
دلال : "باي"
دقت على خالتها (ام عبدالعزيز) : "الو هلا خالتي حبيبتي"
أم عبدالعزيز : "هلا دلال شلونج وشلون جوا إشتقتلها"
دلال : "والله بخير الحمدلله كانت فيها سخونه بس الحين احسن"
أم عبدالعزيز : "إيه عادي لا تحاتين الحين الجو متغير"
دلال : "إيه...خالتي ميخالف اييب جوا عندكم شغل ساعه؟"
أم عبدالعزيز : "إيه اكيد الحين ادز لج جاندرا"
دلال : "مشكوره خالتي" :*
أم عبدالعزيز : "العفو شدعوا بنتي هذي...وهم انا ولهانه عليها" :*
دلال : "يللا عيل خل اجهزها"
أم عبدالعزيز : "مع السلامه يمه"
سكرت دلال الخط و قامت تجهز جوا...دلال و عبدالعزيز ساكنين عند اهل عبدالعزيز...بيتهم مسوينه نظام شقق ولهم باب خارجي...

...​

شاهين (27 سنه) بالصاله : "كانتي...كانتييي!"
كانتي : "نام شاهين"
شاهين : "شنو الغدا؟"
كانتي : "كلص غدا" :d
شاهين : "ولييه...سويلي بطاط و جوانح بسرعه يوعااان"
كانتي : "زين"
شاهين : "يمااه"
كانتي واهيا رايحه المطبخ : "ماما نايمه" :<
شاهين : "يوعاان بسرعه خلصي!"
شاف زين نازله من الدري : "على وين يالحلوه"
زين : "اوه شاهين بالبيت شعندك؟ رايحه elevation مع دلول حياك"
شاهين : "لا مشكوره قلت حق كانتي تسويلي" -.-
زين : "زين لك" :d
شاهين : "يللا ديروا بالكم"
زين : "إنشالله...يللا باي"
إركبت سيارتها وطلعت من بيتهم بالشامية و راحت حق بيت حمولة دلال بقرطبة...اوقفت بالاشاره اللي بين الشامية و كيفان...والتفتت على السيايير اللي على يمينها و يسارها تتطمش..
زين رفعت حايبها : "هذا مو اللي امس شفته بالفرع!"
شبت الاشاره خضرا و مشت...

...​

ولّع مبارك زقارته : "وليييه...لا يكون هذي ساكنه إهني!"

...​

فرح قاعده على فراشها و فارشه الكتاب و الاوراق جدامها وقاعده تتكلم بفونها
فرح : "يللا خلود سكره ابي ادرس"
خالد : "صارلج شهر وانتي قاعده تدرسين لوعتي جبدي"
فرح : "فاينلز بعد شنو!"
خالد : "فرح انا من زمان مو شايفج"
فرح : "أمبيه لأ مو من صجك!! انا وين وانته وين"
خالد : "يللا حتى لو باركنق الجمعيه ربع ساعه بس"
فرح : "خالد!"
خالد : "خلصيني"
فرح : "الله يسامحك والله"
خالد : "لا تطولين ناطرج"

...​

فهد رفيج عبدالعزيز من واهما صغار...ييران..والحين اثنينهم يشتغلون بنفس الإداره بالنفط...
بستاربكس..
فهد و اهوا قاعد يلعب بال BB : "انت شاللي مضايقك الحين؟"
عبدالعزيز واهوا قاعد يشرب iced vanilla latte : "اللي مضايقني اني ما ابيها تشتغل مع هالحيوان اللي اسمه ناصر.."
فهد : "إنزين قولها إذا تبي تشتغل شرطك انها تغير شغلها"
عبدالعزيز : "ماقدر...راح تسويلي سالفه وتقول انت ما تثق فيني وانت وانت..."
فهد : "ممم...عمرها طويل.." و أشر ورا عبدالعزيز
إلتفت عبدالعزيز جان يشوفها مع زين : "انا مضايقتني ضيقتها...شوفها طالعه بدون لا تقول.."
فهد : .....
دق عليها عبدالعزيز وشافها واهيا تشوف فونها وتخليه سايلنت...

...​

 

[MiSs FoOoFoOo]

كمللليييي
شكللهااا عجييييبه

ناطرره الباارت الثاني
بالتوفييق

 

[Miss MzajeYa]

البداااااااااية زووووووووووغة

كمللللللللي حبيبتي

اب اب اب اب اب اب اب

نااااااطرييينج

 

[Mo7aSbChia]

كمللليييي
شكللهااا عجييييبه

ناطرره الباارت الثاني
بالتوفييق

بعد عمري ثينكيوو :*
إنشالله ياي بالطريج
اجمعيين ما قصرتي :$

 

[Mo7aSbChia]

البداااااااااية زووووووووووغة

كمللللللللي حبيبتي

اب اب اب اب اب اب اب

نااااااطرييينج

انتي ازوغ والله :*
إنشالله :$

 

[Mo7aSbChia]

يا زين أحبك أكثر من حياتي​

الجزء الثاني​

سفط سيارته في باركنق جمعية مشرف...شافها واهيا تسفط سيارتها وراح لها..
خالد شافها لابسه بيجاما : "عاد في احد يطلع من بيته جذي؟"
فرح واهيا تنزل جامة السياره : "في احد يطلّع اللي يحبه اب ليلة فاينله؟"
خالد : "إمشي خندش الجمعيه"
فرح : "خالد إنت قلت بس بالباركنق انا مهلقه!"
خالد : "شكلج حلو إمشي"
فرح @@ : "شنو اللي شكلي حلو! ماني نازله"
خالد بطل بابها : "ماشي..بس لي طلعه ثانيه هالإسبوع"
فرح : .....
خالد : "حياتي فروحه احبج" :*
فرح : "حتى انا احبك خالد بس قاعده على اعصابي"
خالد عِفَس ويهه : "خلاص ردي" رجع وسكر الباب
فرح تكلمه من الجامه : "أفااا" :$
خالد : "خلاص فرح انا قلت بهالخمس دقايق اغير جوّج، بس ماكو فايده، رجعي درسي احسن"
فرح : "سوري خلود، راح اعوضك وعد"
خالد يتطنز : "إي إي إنزين إنشوف" -.-
فرح : "والله"
خالد : "يللا ردي بيتكم"
فرح بطلت بابها ونزلت..فتحت إيدها..جان يلمها خالد..لفت إيدها على رقبته ولمته حيل : "أحبك والله.."

...​

Elevation Burger
​

دلال : "انا بروح اقعد" -.-
الزين : "ادفع واييلج"
قعدت دلال ولحقتها الزين..
الزين : "يللا الحين قوليلي شسالفتج مع بوالعز..ليش طالعه من وراه"
دلال : "مو راضي ارد وظيفتي"
الزين : "ليش مو راضي؟"
دلال : "يقولي خايف عليج تطيحين عليهم مره ثانيه...ولما قتله كنت حامل قام عني وقالي كيفج وطلع..هالحجي كان على ال 11 الصبح...وليما دقيتي علي قلتيلي خنطلع ما كان راد البيت..واشكرا ما راح الدوام.."
الزين : "إي بعد صج كنتي حامل..انا اقول صكري الموضوع يومين وردي فتحيه وياه وشوفي شيقولج"
دلال : "الزين ناصر داق علي قبل جم يوم قايلي متى تردين و إنه فكري خلال إسبوع و ردي علي لأنه وايد طولت وعشان إذا ماني راده يدورون على بديل"
الزين : "والله دلال مادري شقولج كيفج"
القرسون الفلبيني : "مس دلال؟"
الزين : "يس!"

...​

بيت بو مشاري
رن تليفون البيت..
كانتي شالته : "الوو..سلام ماما...اي موجود لحظه ماما.." راحت حق أم مشاري : "تليفون ماما"
أم مشاري خذته منها : "ألوو..اهليين هلا والله...هلا فيج بعد عمري شلونج شخبارج شلون ابوكم والعيال؟ الحمدلله والله بخير الله يسلمج...ايه؟..والله مادري شقولج يا ام محمد..بعدها صغيره..الله يكتبله بنت الحلال انشالله..حبيبة عمري..اي ليش لأ نشوفلنا يوم..بس تدرين الحين حزة امتحانات..ايه والله صاجه..صاجه صاجه..يللا عيل سلمي..مع السلامه الله يسلمج"
بو مشاري ماسك إستكانة الجاي : "شفيها ام محمد؟"
أم مشاري : "تدور حق ولدها محمد مره"
بو مشاري : "ايه.."
بو مشاري متقاعد...يومه يقضيه بين البورصه و الديوانية...طيب و باله طويل..تزوج أم مشاري من 33 سنه..يابوا مشاري (30 سنه) مدير مجلس إدارة شركة يده..ورثها ابوه من يده..وعقب ما تقاعد وهد الشغل إستلمها مشاري..شاهين (27 سنه) مهندس بترول..يشتغل بمؤسسة البترول الكويتية..كان يشتغل مع عبدالعزيز و فهد بنفس الإدارة بعدين إنتقل..مره كانت دلال يايتله الدوام تييبله اوراق كان ناسيها بالبيت..شافها عبدالعزيز و طلبها من شاهين..كانت بآخر سنه ثالثه جامعه لما تزوجوا..دلال (24 سنه) عقب ما تخرجت من الجامعه بكالريوس إقتصاد..توظفت بشركة ناصر اخو رفيجتها نورة...كان بومشاري مجهز لها مكتب كامل بشركتهم..بس ما رضت تشتغل عند ابوها واهيا توها متخرجه..تبي توصل بنفسها مو بمساعدة ابوها..حب بو مشاري هالشي اب بنته وتركها تسوي اللي تبي..ما كملت سنه بالوظيفه الا واهيا حامل...الزين (22 سنه) آخر العنقود..توها متخرجه من الجامعة..تخصص محاسبة..ماشيه على نهج دلال..ما ودها تشتغل بشركتهم إلا واهيا عندها الخبره الكافيه..ما تبي تكون رئيسة قسم لمجرد انها اخت مدير الشركه...بس ما يمنع انها كانت تروح الشركه من فتره لي فتره تخلي الموظفين يعلمونها وتسألهم عن اي سؤال..من كانت بالجامعه..

...​

شقة عبدالعزيز و دلال...الساعة 10:34 بليل
عبدالعزيز وفهد كانوا قاعدين بالصالة و مجابلين الـtv وtwitter...فهد وحيد امه وابوه...وعى على الدنيا بدون ابوه اللي توفى لما كان عمر فهد 7 سنين...فكان يعتبر بو عبدالعزيز ابوه بحكم انه كان رفيج بوفهد من عمر..وصار عبدالعزيز اليار و الصديق والاخو اللي مايبته امه...توفت امه لما كان بثاني سنه جامعه...مشّى الخدامه عقب امه...ويابله صِبي يساعده..و ضبط الديوانية وفتحها حق الشباب عشان يغير جو..كان من واهوا صغير ايي بيت بو عبدالعزيز...يقعد و ياكل وينام معاهم..ولأنه عبدالعزيز ما عنده الا إخت وحده اكبر منه ب 15 سنه..ساعد هالشي فهد إنه ياخذ راحته اكثر..هالشي ما تغير بعد زواج عبدالعزيز و تفهمت دلال الوضع و كان كاسر خاطرها وايد..
دشت دلال و ماسكه بيدها جوا وجنطتها..إنتبهت إنه عبدالعزيز و فهد موجودين..سكرت الباب و حطت جنطة جوا على طاولة الطعام..
فهد شاف ويوهم..يتله الضحكه وقام : "عيل..شسمه..يللا انا ماشي.."
سكر فهد الباب..
عبدالعزيز شاف دلال : "تو الناس.."
دلال ماسكه جوا بإيد و قاعده تطلع الاغراض اللي بالجنطه وتحطهم على الطاوله..ما ردت عليه..
قصّر عبدالعزيز على الـ tv : "وين كنتي؟"
دلال : "كنت طالعه"
عبدالعزيز : "أدري كنتي طالعه! وين كنتي؟!"
دلال رفعت راسها وشافته : "رحت تعشيت برا..ولا حرام يعني؟"
عبدالعزيز : "و من متى تطلعين بدون لا تقولين؟"
دلال : "والله لو إنت كنت بالبيت جان دريت.."
عبدالعزيز : "دقيت عليج ما رديتي"
دلال سكتت شوي : "ما..شفته.."
عبدالعزيز : "ما شفتيه ها..مممم...تعالي بكلمج بموضوع"
خذت دلال مميه فيها حليب من الجنطة و راحت صوب غرفة جوا : "أجل موضوعك حق وقت ثاني..بنوّم جوا و بنام تعبانه"
قام عبدالعزيز و راح غرفة جوا : "عطيني جوا انا انوّمها..ماني مأجل موضوعي" مد إيده لها..
خذت دلال نفس عمييق..وعطته جوا..وقعدت على طاولة يم فراش جوا
خذا جوا وقعد على الـ rocking chair : "اول شي.....لا اشوفج مرا ثانيه طالعه بدون لا تقوليلي..ماني اصغر عيالج انا!.."
قامت دلال تهز ريلها بطريقة إنه (إخلص)..
كمّل عبدالعزيز : "يعني انا شنو موقفي لما اشوف مرتي تتمشى جدامي بمجمع وانا عبالي إنها بالبيت قاعده مع بنتي..."
إنصدمت دلال شلون درا إنها بمجمع و وقّفت هزة ريلها..
عبدالعزيز كان قاعد يطالع جوا واهوا يشربها حليب : "هذا شي..الشي الثاني...تدرين إن دقيت عليج مرا ثانيه و مارديتي شسوي فيج؟"
إنحرجت حيييل و ويها صار احمر (الله يستر لا يكون شايفني!!) : "لا..انا..انا كنت..إممم-"
خزها..وقطع كلامها : "انتي شنو؟؟ ما شفتيه؟؟"
حست الجو صار حار فجأه..نزلت دلال راسها وقعدت تطالع ايدها..
عبدالعزيز : "انا لما ادق عليج مو معناته بضحك وبسولف معاج فا تقررين اذا لج خلق تردين ولا لأ! و حتى لو كنتي مشغوله بلحظتها، اول ما تشوفين جهازج إتدقين! يعني معقووله ما شفتي جهازج من الساعه 6؟!! إشدعواا"
دلال : "انا...ِشفته-"
عبدالعزيز قطع كلامها : "ادري شفتيه..وادري حطيتيه سايلنت..كنتي جدامي يا..ام عيالي"
تبي تبرر موقفها : "انا ما رديت لأني كنت متضايقه عبدالعزيز.."
عبدالعزيز حط المميه على الارض و وقّف جوا على جتفه : "حلو، يبتينا حق الموضوع الاساسي...من شنو متضايقه؟"
قامت دلال ويت صوبه، جندست ومدت إيدها تبي تاخذ جوا : "عطني إياها"
عبدالعزيز شافها : "خليها شتبين فيها..ما قلتي ليش متضايقه؟"
دلال وقفت عدل وتكلمت بهدوء عشان جوا لا تسمع : "اوكي، تبي تعرف ليش متضايقه؟..متضايقه لأني ملييت من قعدت البيت...قاعده لا شغل ولا مشغله كل يوم قاعده بروحي زين ما ايِن..وانته حضرت جنابك ما ودك اشتغل..وبدون سبب..اكيد بتضايق يعني!"
عبدالعزيز لف راسه صوب جوا وسوّا روحه مو مهتم : "قلت لج تبين تشتغلين اشتغلي مالي شغل فيج.."
دلال علا صوتها : "مالك شغل فيني؟ واليوم طالع لي من الصبح وانت كاشت بالدوام ما قلت لي حتى وين بتروح...لأنه مو عاجبك اشتغل.."
جوا تعسرت...قام عبدالعزيز و مد إيده حق دلال عشان تاخذ جوا : "تصبحين على خير.."
خذت دلال جوا و قاعده تسكتها..وصل عبدالعزيز عند باب الغرفه جان يلتفت عليها : "ومره ثانيه...لما تبين تطلعين...لا تقطينها عند امي..ترا امي كبيره ما تتحمل جانج مو مركزه..ادش عليها والقى جوا ميته بجي و الخدم يطالعونها.." وطلع من الغرفه...لمت دلال جوا حيل لما تخيلت شكثر ممكن تكون باجيه بالفتره اللي طلعت فيها..

...​

بيت بو مشاري
بو مشاري و مشاري و الزين قاعدين بالصاله يسولفون
مشاري : "زيون يعني لي متى بتقعدين جذي بطاليه؟"
الزين : "يبه شوفاا..مستكثر لقمتي"
بو مشاري : "شفيك عليها مشاري؟"
مشاري : "يبه مو قصدي جذي..."
الزين واهيا تضحك : "ادري والله مشاري...مادري حتى انا وايد ماله..."
مشاري : "انزين داومي بالشركه عيل!"
الزين : "لا مابي الشركه.."
مشاري : "اللي يريحج..."

...​

لولو قاعده تراجع حق فاينلها مع عبدالرحمن...زميلها بالجامعه..طبعاً اغلب الوقت ضحك و سوالف بس إسم قاعدين يراجعون..
لولو واهيا تضحك : "لأ مو جذي السالفاااا! هههههه شوف اهوا قال اخر يوم تسليم الهوم ورك باجر..فا قلناله عندنا فاينل ماركتنق و مو دارسينله يعني اشكرا ما يمدي نسوي الهوم ورك! فا بس قالنا تعالوا بعد يومين"
عبدالرحمن : "ايييه...مو انتوا تتضحكون جدامه و تعطونه (هاااي دكتوور) و (بااي دكتووور)"
لولو : "هههههههههههههه"
كمّل عبدالرحمن : "زين ما يموت منكم...و تسوون روحكم مساكين...واحنااا..مسوي روحه شخصيه علينا"
لولو : "هههههه حراام والله طييب حداا"
عبدالرحمن : "يمعوده اي طييب..ذاك اليوم دازله ايميل كاتبله فيني امساك ماقدر اداوم..توني بغمض عيني بكمل نومتي ولا اسمع صوت ايميل واصل..قلت يا ربي ما مداه! شراد علي تكفين؟ قلت بيقول ماتشوف شر شي...بطلت الايميل..كاتبلي : اشرب بطلين ماي و تعال!!! وان ما ييت بعتبرك غياب"
لولو راح صوتها من الضحك..لوول..
عبدالرحمن : "اي يبه ضحكي...الدنيا ماشيه على كيف كيفكم...اخر شي انتوا a واحنا السقيطه"
لولو : "ههههه إنزين حمني عفيا..هههههه عفيا عطني اياه خل انقله" :$
عبدالرحمن سوا صوت شهقه قويه واهوا فيه الضحكه : "بعااااااااادد!!"
لولو : "هههههههه يللا عااد حمنيي"
عبدالرحمن : "ومنو قالج اني حالّه! كنت معتمد عليج! مالي شغل الحين تدبريني شوفي رفيجاتج.."
لولو : "بييه.."
عبدالرحمن يالّه اتصال على خطه الثاني : "لحظه لولوه...هلا بويعقووب..هلا والله هلا بالحبييب..ايه..ايه شفيه؟...لا مو جذي السالفه لا يقعد يخربط هذا...يا يوسف قلتلك مو جذي السالفه..انت وينك؟...خوش يايِك..السلام.."
"لولو؟"
"هلا؟"
"شرايج انتي تشرحيلي وانا اسوق؟...خنخلص chapter 4 اوكي؟"
"اوكي"
"شناطره؟"
"انزين ممكن خمس دقايق بعدين ادق عليك؟"
"اوكي"
"مممم خلاص مو إله.."
"شفييج"
"خلاص ولا شي"
دق عبدالرحمن السياره سلف..
"عبدالرحمن.."
"ممم؟"
"شسالفة يوسف؟ عن شنو كان قاعد يتكلم؟"
عبدالرحمن بنبره جديه : "ما يمدحون اللقافه.."
انحرجت لولو : "سوري..مو عن بس فرح قالت لي انك متهاوش مع فيصل بالمخيم بس ما توقعت انه صج لأنك ما قلتلي!"
عبدالرحمن : "اوكييي..يعني توا كنتي بتدقين عليها تعرفين التفاصيل ها؟"
لولو : ....
وصل عبدالرحمن حق الديوانية اللي فيها يوسف... : "يللا انا نازل..درسي وخلي عنج هالسوالف لولوه.."
لولو : "اوكي...باي"
عبدالرحمن : "باي"
لولو دقت : "الو فرح؟.."

...​

دشت دلال غرفة نومها..شافت عبدالعزيز منسدح.. بسكات غسلت ولبست بيجاما وانسدحت...اهوا كان معطيها ظهره..
دلال بصوت واطي : "عزيز؟"
عبدالعزيز : "همم"
دلال : "قاعد؟...انا سوري لأني ما رديت عليك لما دقيت علي.."
عبدالعزيز : "عادي.."
لزقت فيه و لمته..صار اهوا بينها و بين إيدها..باست جتفه من ورا : "تصبح على خير"
خذا ايدها و باسها وردها صوب صدره : "وانتي من اهله"

...​

​

 

[FooFoony]

rewaytich bdayat'ha waaayed 7lwaa
w thaanx 3al part
continue plz

waiting u

 

[Q8-93]

بدااايه حلوووووووووه


يلا ناطرييين الباجي



يسلموووووووووووووو

 

[Mo7aSbChia]

rewaytich bdayat'ha waaayed 7lwaa
w thaanx 3al part
continue plz

waiting u

ba3ad 3omri matgasreen :*
you're welcome :*
inshalla I will :eh_s(7):

 

[Mo7aSbChia]

بدااايه حلوووووووووه


يلا ناطرييين الباجي



يسلموووووووووووووو

ثينكيوو :*

الله يسلمج :d

 

[Ms.Australia]

ana tawnii emsajlaa bs 3shan agouliich kamlaay

il8e9aa 3ajeeiba

na6reeinech;*

 

[Mo7aSbChia]

ana tawnii emsajlaa bs 3shan agouliich kamlaay

il8e9aa 3ajeeiba

na6reeinech;*

3omri :*

Thank you :eh_s(22):

 

[Miss MzajeYa]

البااارت عجييييب

مشكووور حبيبتي

اب اب اب اب اب

ناااطريينچ بالبااارت الياااي

 

[Mo7aSbChia]

البااارت عجييييب

مشكووور حبيبتي

اب اب اب اب اب

ناااطريينچ بالبااارت الياااي

:eh_s(7)::eh_s(7):

 

[FooFoony]

waiting ..

 

[Ruwaishdawya]

روععه ناططرينج :*

 

[Mo7aSbChia]

waiting ..

I'll be posting a new part in minutes :* thank for waiting..

 

[Mo7aSbChia]

روععه ناططرينج :*

انتي الاروع حبيبتي :*

 

[Mo7aSbChia]

يا زين أحبك أكثر من حياتي!
الجزء الثالث
​

لولو : "الو فرح؟.."
فرح : "اهلين؟ نعم داقه ابي ادرس؟"
لولو : "فروح ماني مطوله..بس تذكرين ذاك اليوم لما قلتيلي انه حميّن متهاوش بمخيم؟؟"
فرح : "اي؟؟"
لولو : "قوليلي شسالفه بالضبط الله يخليج.."
فرح : "لااا..مو صح "حمين ما عنده هالسوالف" و "ماعتقد صج"؟؟ ولا نسيتي كلامج؟"
لولو : "فروح يللا تحجي.."
فرح : "الواحد ما يدرس؟؟"
لولو : ؟؟؟
فرح : "اف انزييين!...شوفي الله يسلمج ذاك اليوم كنت قاعده باللاب جان اسمع يوسف يقول حق عيسى "عسى ما شر؟" فا شفته ولا مبين شكله مطقوق هههههه...امبيه استغفرالله المهم...فا قاله انه صارت صكّه بالمخيم و تهاوش مع حمني...فا قاله يوسف على شنو جان يقوله لولوه..."
لولو اخترعت على انصدمت : "انا؟؟؟!!!! @@ اي شي صح؟؟؟!"
فرح : "والله عاد هذا اللي سمعته.."
لولو : "انزين كملي!!!"
فرح : "ماكو...اهوا لما قال لولوه يوسف اشر له انه انا وراه..فا..بس..هذي السالفه.."
لولو : "امبييه اي شي اي شي اي شيييي!!!"
فرح : "لولو يللا باي بدرس.."
لولو : "باي!"

...​

يوم الثلاثه..27/12/2011..الساعة 4:55 الفير..فرح ليلحين ما نامت..وقاعده إتطق إطوف من كثر ماهي دايخه...: "امبيه خل انام لي ساعتين عل اقل ماراح احل شي اذا رحت جذي!!" امتحانهم الساعة 11..يمدي..حطت 16 الف الارم و دزت حق امها وابوها و خدامتهم مسج عشان ما ينسونها وتروح عليها نومه..دنّت الكتب على ينب..ونامت والليتات مفتوحه..ماتبي تنام عدل ويروح عليها الامتحان..

أما لولو..نطرت عبدالرحمن عشان يكملون الدراسة..كانت كل ساعه تتذكر كلام فرح..بس ما دق عليها..فا نامت على الساعة 12 تقريباً..وحطت الارمها 4:30 الفير عشان يمديها تقوم و تكمل اللي ما خلصته..رن الارم..سكرته..شافت فرح داقه 3 مرات..وعبدالرحمن داق مره..والزين دازتلها بالوتس اب (موفقه بالامتحان :*)..قامت..وقبل لا تغسل ويها حطت الماي و القهوه بالكوفي مشين..ونطرت على ما تستوي قهوتها..تثاوبت..دشت على عبدالرحمن بالوتس اب..شافته اونلاين..(قاعد؟)..شمت ريحة القهوه..: "شكثر احب ريحتها!"..عبدالرحمن دق..
لولو بصوت نايم : "الووو"
عبدالرحمن دايخ : "نايمه لولو؟"
لولو : "لأ"
عبدالرحمن حس بصوت : "شنو هذا؟ شالصوت؟"
لولو زين ما تقعد عالارض من التعب : "القهوه..إهههييووه (تثاوبت)"
ضحك عبدالرحمن : "بيه بيه هدي اللعب"
لولو : "إسكت حمني جد مالي خلق كلش احس حوايبي بيطيحون من التعب.."
عبدالرحمن : "ههههه...يللا ترا انا بقالي جابتر ايت و اخلص..تصحصحي وغسلي ويهج ودقي اوكي"
لولو : "ويت ويت شدراك مو غاسله ويهي؟!"
عبدالرحمن : "خايسه اعرفج.....لا اتغشمر..كان قصدي عشان تتصحصحين بس انتي فضحتي عمرج"
لولو : "اييه..انزين يللا باي قطيعه روح"
عبدالرحمن : "قلنا مالج خلق بس مو جذي عاد!"
لولو : "باااااي!"
عبدالرحمن ضحك : "خلصينا"
سكرته..وصبت القهوه بالمق..حطت حليب و شكر..حاسته..وشربت شربه..: "ليلحين مالي خلق اف"
راحت الحمام و غسلت ويها..خذت كتبها واوراقها وقطتهم على الفراش..بطلت الـtv عشان لا تنام بالغلط..حطت المق على الطاولة يم فراشها..مسكت فونها ودشت بالوتس اب على فرح (فروح قاعده؟) ودقت على عبدالرحمن (جان زين اعرف سالفتك حميّن)
عبدالرحمن : "ما بغيتي ندقين.."
لولو : "اقول حمني..مو كافي كِشَت فيني امس وانا كنت ناطرتك وقلت لاا يا لولوه لا تدرسين وتقطينه على صخر.."
عبدالرحمن : "اللي يسمعج يقول لخصت الكتاب كله...ترا بس درست جابتر 5 و 6..وترا ما فيهم شي بس تحفظين اساسيات الماركتنق Principles of marketing"
لولو : "ايهم؟"
عبدالرحمن : "الـ four p's"
لولو : "اي ادري نسيتهم شنو اهما؟"
عبدالرحمن قاعد يدوّرهم بالكتاب : "حتى انا نسيتهم لحظه.."
لولو قاعده تسمع صوت الصفحات : "اييه يالدنيا..حمني يدرسني! بشييه" :d
عبدالرحمن : "جنه مو عاجبج؟"
لولو : "لا لا بالعكس! اصلاً سكسي هيهي"
ضحك عبدالرحمن : "اي عبالي بعد..لقيتهم شوفي..اهما place, promotion, product and price"
لولو : "واااي..احس من كثر ما حفظت وايد اشياء مو قادره ادخل شي بمخي"
عبدالرحمن : "سهله فهميها..تخيلي..رحنا 1- 360..2- مسوين عرض..3- مسكتي مق إعجبج..4- شفتي سعره!..ها؟"
لولو : "اي اوكي!"
عبدالرحمن : "هذا جابتر 5 و 6..بقا 8..ها نسحب؟" :d
لولو : "حداا! تصبح على خير.."
عبدالرحمن : "هههههه نامي يبه ارتاحي..يللا باي.."
لولو : "بااي.."

...​

يوم الثلاثه..اهوا يوم زوارة بيت بومشاري..وبما انه مشاري و شاهين و الزين اساساً ساكنين بنفس البيت..يكتفون انهم يلتزمون وإيوون على الغدا..وينطرون عبدالعزيز و دلال على ما إيون..ولأنه دلال مو متوظفه..قامت اتيي مبجر على الضحى..تقعد مع امها واختها وتغير جو..وإيي عبدالعزيز سيده من دوامه..
بالصاله..كانوا قاعدين ام مشاري و دلال و الزين و جوا نايمه يم الزين..
ام مشاري كانت قاعده تتكلم بالتليفون مع يارتها ام حمد..
دلال بصوت واطي : "اقول زيون.."
الزين قاعده تشوف الـ tv : "ها.."
دلال : "انا متضايقه من شغله وابيج تساعديني"
شافتها الزين : "شنو بعد..شمسويه.."
دلال : "مو مسويه شي..بس امس لما كنا اب Avenues عزيز كان داق علي و ما رديت عليه" -.-
الزين : "اي اوكي عادي ليش متضايقه؟"
دلال : "مو المشكله انه اهوا كان موجود! و شافني وانا اخليه سايلنت"
الزين : "شدراج انه كان موجود وشافج؟"
دلال : "اهوا قالي"
الزين : "بييه دلاااال..." -.-
دلال : "شسوي الحيين"
الزين : "اممم....مادري..سوي شي يحبه..طلعوا مكان يستانس عليه او شي"
دلال : "من صجج..اليوم ابيبدون تصفيات كرة قدم صارله شهر واهوا يقول مابيج تطلبين مني طلبات لما تبدي التصفيات..حتى لمبه ماني مغير" -.-
الزين : "حلو! حاولي تقعدين معاه واهوا يشوف المباراة..طفريه وجذي..غيري جو و خل يستانس بوجودج..لبسي ملابس لاعبين و هيك.."
دلال قاعده تتطنز : "انا خل اعرف اساميهم عشان البس ملابسهم.."
الزين : "خو شوفي بالنت شنو اساميهم..بالعكس والله عجبتني الفكره.."
دلال : "ممم..خنشوف.."
ام مشاري تتكلم بالتليفون : "على خير حبيبتي..يللا سلمي..مع السلامه.."
دلال : "ها يمه..ماكو إعروس يايه؟ مودي مود إعرووس"
ام مشاري : "امبلى في عرس بس بعيد..ولد اخو مرت احمد (اخوها) احتمال ما اروح..تبون روحوا انتوا الثنتين.."
دلال شافت الزين : "ها زيون؟"
الزين : "يمه اهوا متى بالضبط؟"
دلال تتطنز : "اللي يقول جدولج مزحوم بالمواعيد الحين..."
الزين عطتها نظره..
ام مشاري : "مو هالخميس..الخميس اللي وراه"
الزين : "خلاص اشوف.."
ام مشاري قامت : "يللا عيل انا بقوم بشوف شصار عالاكل اكيد الحين كلهم يايين بالطريج.."
بقومتها دخل بو مشاري..: "السلام عليكم"
ام مشاري و دلال و الزين : "وعليكم السلام ورحمة الله وبركاته"
بو مشاري قعد يم جوا : "شلونكم يا بنات؟"
دلال راحت تبوس راسه : "بخير والله يبه انت شلونك؟"
الزين : "انا زينه بس ملل زهقت.."
دلال : "اي والله حدا.."
بو مشاري : "اييه على الطاري زين ذكرتوني..الجمعية مسويه مخيم كبير بعطلة راس السنه يكفي كل عيال الشامية..والجماعه موصيني ايي وايبكم معاي..عاد شوفوا انتوا اذا ما عندكم شي تعالوا..وايد تعبانين عليه صارلهم شهور..وحتى المرشحين بيوون يعني بتصير حوسه "ما حصلتش"..شقلتوا؟"
الزين : "واي صج ما احب المخيمات بس بيي زهقاانه.."
دلال : "والله خوش فكرة..انا خل اشوف عزيز وانشالله اعطيك خبر.."
بو مشاري : "على خير.."

...​

بالجامعة..خلص وقت فاينل الماركتنق..عبدالرحمن و لولو و فرح ثلاثتهم ظلوا لي اخر شي..فرح عشان تراجع اجوبتها..وعبدالرحمن و لولو عشان يزيدون التأليف والفلسفه..لولو كلش مو صوب الامتحان...شاغله بالها سالفة الهوشه حيل!..(شنو يعني متهاوشين علي؟ شكو شكو؟ وااااي ابي اعرف السالفه تنرفزت!)
الدكتور : "كل واحد يكتب (ستوب) بالسؤال اللي قاعد يحله عشان اذا كان ماشي صح اعطيه درجة السؤال...يللا ييبوا اوراقكم خلص الوقت.."
قاموا عطوه الاوراق..وفرح ليلحين قاعده تراجع..
الدكتور : "فرح؟!"
فرح قامت عطته : "اف!!"
يوسف : "شدعوا عليج فرح زعلانه وانتي مقطعه الاوراق تقطع!! احنا شنقول.." :<
فرح : "مو وقتك ترا مو نايمه الا ساعتين!"
يوسف حط ايده اليمين على قلبه : "جرحتينييي!"
ضحك عبدالرحمن : "يبه كلنا مو نايمين عادي" شاف لولو...كانت سرحانه واهيا تطالعه..
ابتسم وقالها بصوت واطي : "شفيج؟"
انتبهت لولو و طلعت سويجها من جنطتها : "مافيني شي..يللا انا ماشيه..فروح بتردين معاي؟"
فرح : "اي اكيد! ماقدر اسوق وانا بهالحاله..بس عفيا لولو وديني اي مكان اكل فيه ابي اعوض الطاقة اللي استُهلكت وانا ادرس!"
عبدالرحمن : "هههههه الله معاكم.."

...​

بشقة عبدالعزيز و دلال..عبدالعزيز قاعد ياخذ شور..ودلال قاعده بالصاله..ومقعده جوا بحضنها..ومبطله اللاب توب..وتسوي سيرج عن اللاعبين..(اوكي اهوا يحب ريال مدريد ركزي دلال)..ومن سيرج لي سيرج صارت بيوتوب..وطاحت على فيديو استانست عليه و جوا قعدت تضحك..قامت كل ما يخلص تعيده..طلع عبدالعزيز من الشور وياي الصاله من ازعاج الفيديو..حتى قبل لا يلبس..
عبدالعزيز : "شنو هذا؟؟ قصري!"
دلال قاعده تضحك : "تعال تعال شوف"
يالها عبدالعزيز و شغلت الفيديو
شافه عبدالعزيز جان يشوفها واهوا يأشر على الشاشه..: "هذا اللي مونسج؟"
دلال : "ههههههه ايي عجييب..عشان جذييي متابعهم الحبييب حدهم يشوقوون" :d
عبدالعزيز : "انا اشوفهم واهما يلعبون مو يترقصون!"
دلال : "هيهي اي اي.." :d
قام : "الحمدلله والشكر.."..و واهوا لاف جان تسحب فوطته..جان يركض حق غرفته واهوا يصرخ : "عييب عييب بنتج بحضنج!!" دلال ماتت من الضحك..واهوا يكمل : "انا رياال البييت اتهزأ..والله العظييم!"

...​

لولو و فرح طلعوا من الجامعة و راحوا prime & toast البدع..ودشّوا على طول بدون ويتنق لست..فرح اول ما دشت شافت صدة واحد تعرفه..قاعد يتضحك مع وحده..كملت سيده تبي تشوف عدل..امبلا..هذا خالد!


​

 

[النزغة أسيل]

كملي كملي