رواية "يا زين أحبك أكثر من حياتي!" 2012

[Miss MzajeYa]

لا حبيبتي

بارت قصيير احسن

وييتنق يوو

 

[Mo7aSbChia]

yes yes ana m3ahom part eg9eir kel youmain


na6reein;*

ok..inshalla shwai ou a7i6 ilnew part :*

 

[Mo7aSbChia]

part g9eeeer a7san

manaby nan6r esbooo3 loooool

LOL inshalla..3adi 7ata law isbo3 bes part 6weel

 

[Mo7aSbChia]

لا حبيبتي

بارت قصيير احسن

وييتنق يوو

حبيبتي انتي..انشالله :eh_s(8):

 

[Mo7aSbChia]

بدام محد يبي كل اسبوع بارت طويل انشالله اذا الله احيانا راح اخلي كل يومين بارت قصير..

ليلحين تواريخ البارتات كانت :

الجزء الأول : 8/1

الجزء الثاني : 10/1

الجزء الثالث : 12/1

الجزء الرابع : 14/1 (شوي وانزله :yaaaaaarb

 

[Mo7aSbChia]

يا زين أحبك أكثر من حياتي!
الجزء الرابع​

لولو و فرح طلعوا من الجامعة و راحوا prime & toast البدع..ودشّوا على طول بدون ويتنق لست..فرح اول ما دشت شافت صدة واحد تعرفه..قاعد يتضحك مع وحده..كملت سيده تبي تشوف عدل..امبلا..هذا خالد! ماسك ايدها بيده الثنتين..ومتشقق حده..
فرح منصدمه : "خالد؟؟!! @@"
خالد اخترع و هد ايد البنيه : "فرح!..انتي..انتي شيايبج اهني؟!" :s
فرح : !!!!
لولو مسكت ايدها وسحبتها : "امشي فرح.."
فرح : "لا جد انا مو مصدقه! لا تعليييق!! بس الشرهاا مو علييك! الشرها عليي اللي اكلم ناس زباله تخون عشان زباله نفس هذي!! هههههه صج الطيور على اشكالها تقع!" طالعت البنيه..: "مالت عليج و على تربيتج الوصخه يا بواقة الرياييل..وانشالله مثل ما خاني يخونج! سلييييمه تصكم انتوا الاثنين! ويع بزوّع!" وطلعت ولحقتها لولو..: "فروح!"
فرح بدت تبجي : "ويييع شفتيها؟ على شنوو؟؟"
لولو لمتها : "ميخالف فروح في ناس جذي اذواقها وصخه"
فرح وقفت بنص شارع الباركنق واهيا تبجي : "لاا واهم شي "انتي شيايبج"!! الحقييير الواطيي..مو مصدقه اللي صار!"
لولو مسكتها وقاعده تسحبها لي السياره : "فروح خيره! زين الله كشفه الحين..في ناس يظلون سنيين منخدعين!"..ركّبتها السياره و سكرت الباب (حسبي الله عليك يا خالد!)

...​

بيت فهد..دخل عبدالعزيز جان يشوف جُبير..صِبي فهد..: "ها جُبير شلونك؟"
جُبير : "زين بابا.."
عبدالعزيز : "وين فهد؟"
جُبير : "موزود داخل.."
عبدالعزيز دش : "اوكي"
بالديوانية..
فهد : "ها بوسعيّد.."
عبدالعزيز قعد : "فهد من صجك فاتح الديوانية اليوم!"
فهد : "اي شفيك التصفيات اليوم!"
عبدالعزيز : "فهيد يعني تستعبط؟! جم مره قايلك الا التصفيات لا تيمّع الخمه اهني! كل واحد يصير فارس عوض على افاي"
فهد : -.-
عبدالعزيز : "راح إتهدهم واتيي عندي الشقه نشوف المباراة على راحتنا!"
فهد يقلد صوت البنات : "وااي لهالدرجه تحبني! تبيني انحاش وياك" :$
حذف عبدالعزيز عليه قوطي الكلينكس..: "صيير ريااال" :d
فهد : "بقعد وياهم شوي بعدين اييك..شقا...ِشقا.." -.-
دش عليهم واحد من الربع..: "السلام عليكم"
فهد : "وعليكم السلام ورحمة الله وبركاته..هلا والله"
عبدالعزيز عطى فهد نظرة (تكفى لا تكسر فيني)
فهد : -.-

...​

بغرفة لولو..فرح منسدحه على فراش لولو و متلحفه وقاعده تبجي...لولو قاعده وراها متضايقه وماتدري شتسوي..مسكت فونها و دشت على الزين بالوتس اب...(أشوى اونلاين)
لولو : "الزين ماقدر ادق...بسرعه تعالي بيتنا"
الزين : "مالي خلق اطلع.."
لولو : "زيوون بسرعه تعالي صايره سالفه! طحنا على خالد مواعد وحده!"
الزين : "فروح عندج؟"
لولو : "أيه! تعالي حدا مادري شسوي واهيا بس قاعده وتبجي"
الزين : "كاني يايه"
لولو طلعت من جات الزين جان تشوف عبدالرحمن مكلمها (ويه! مو وقتك) سكرت فونها وراحت انسدحت يم فرح و قاعده تمسّح على ظهرها..

...​

قام عبدالعزيز من ديوانية فهد ورد شقته..شاف دلال لابسه لبس طلعه..
عبدالعزيز : "على وين؟"
دلال كانت ماسكه جوا..شافته جان تعطيه اياها : "عزيز الله يابك...عفيا خل جوا عندك ابي اروح الصالون"
عبدالعزيز مسك جوا : "لااااا مو من صجج!!!" :"(
دلال : "عزييييز...انا مشربتها حليب الحين راح تنام بس خلها يمك...انا مشوار اقل من ساعه ويايه!"
عبدالعزيز قعد : "تحمدين ربج انه المباراة بعد ساعه.." -.-
دش فهد...شافته دلال جان تاخذ جوا من عزيز وتعطيها فهد : "برقبتك! هيهي" :d
فهد مسكها واهوا منبعص : "ليييش انا ليييش؟؟ بنتكم!" جان يشوف جوا : "محد يحبج"
عبدالعزيز : "يمعود لا تكلمها ختنام.."
دلال بلغة تهديد : "اقل من ساعه! لا تبجونها.."
عبدالعزيز و فهد : "انزيين" -.-
طلعت دلال..راح فهد قعد يم عبدالعزيز وشاف جوا : "متى إتكلم هذي؟؟"
عبدالعزيز : "خل عنك إتكلم..تو الناس..مساعه قاعده تضحك على فيديو كرستيانو واهوا يرقص.."
فهد ضحك : "تعجبيني والله كفو عليج"
عبدالعزيز : "تصدق فهيد..اول مره اتضايق لأني ما اعرف ارقص..كلش.."
فهد حط جوا على القنفه و قام : "قوم خل اعلمك..مفشلنا وقاعد"
ضحك عبدالعزيز : "إقعد يا رجل.."
فهد مسك فونه وحط إغنيه : "يللا..خل اوريك فايدة القعده بروحي بالبيت"
قام عبدالعزيز واهوا مستحي : "يعني شسوي؟ ما اعرف!"
مسك فهد جتف عبدالعزيز و هزه : "ريّح عمرك لا تيبس روحك..شوف..الرقص انواع..ويبيلهم تدريب و شغلانه..انا بعلمك اساسيات..شلون ترقص مع اي لحن.."
عبدالعزيز مسوي روحه ماله خلق : "انزين.."
فهد بدى يرقص..يحرك جتوفه و راسه و آخر ظهره..: "قلدني.."
عبدالعزيز قعد يحرك راسه جنه ديايه..لووول..
فهد -.- مسك خصر عبدالعزيز وقاعد يرقص معاه : "حركها!"
دخلت دلال وقبل لا تشوفهم : "نسييت فوطـ*شافتهم! جان تبطل حلجها وتضحك* كاااااك..انتوا...كاااااااااااااكك إه إه (ضحكه مع تنفس :>)..شقاعدين تسوون؟؟؟"
عبدالعزيز @@ قعد ومسك جوا و يخش ويها..فهد قاعد يكح جم مرا واهوا يوقف الاغنيه بتليفونه..
دلال واهيا تضحك : "لا عفيا فهد لا توقفون نشاطاتكم عشاني! هههههههه..امبييييه!" جان تدش غرفتها واهيا تضحك..
عبدالعزيز واهما يسمعون دلال قاعده تهستر بالغرفه : "استانست؟"
فهد :
طلعت دلال واهيا ماسكه الفوطه وجيس وقاعده تكلم نفسها بصوت عالي واهيا تضحك : "كاااااك "لاا لاا بنشوف مبارااة" يا عمييي"
عقب ما سكرت الباب..عبدالعزيز فيه البجيه..فهد يبي يتحرش فيه وقاعد يتكلم بطريقة جنه مكتشف شي..ويحرك ايده حركة (ويين؟؟) : "اقول بوسعيّد ماودي اسوي مشاكل بس اهيا وين رايحااا مع الفوطااا هااااا؟؟" وقعد يحرك حوايبه :d
عبدالعزيز : -.-

...​

الزين دشت غرفة لولو..شافت فرح منسدحه على الفراش..
الزين : "فرووح!"
فرح قاعده تبجي : "زين..خالد!"
الزين لمتها : "الله ياخذ خالد!"
فرح : "كان...قاعد مع..وحده..و..و ماسك ايدها..يضحك وياهااا..و لما..لما رحتله...اخترع!"
الزين إمسِكت ويه فرح : "فرح! خلاص لا تبجين! وعلى واحد نفسه؟! من صجج انتي؟ خيولّي قطيعه تقطع روحه.." تبي تحاول تغير الموضوع..: "وبعدين انا مو يايه عشان هاللي ما يتسمى..انا يايه لأنكم عطلتوا! واخيراً!"
دشت لولو : "الزين اشوى ييتي..انا توني قايله حق نارينا إييب لنا من Wagamama" نارينا سايقهم من زمان لدرجة انه ياييبين اهله من الهند عشان يعيشون معاهم :d
فرح : "انا مو مشتهيه اكل شي"
لولو : "أي صح مادري منو طالعه من الامتحان حدها يوعانه.."
الزين : "واي عاد حدي مشتهيه Chicken Katsu Curry" (وجبة فرح المفضله)
فرح -.-
لولو : "اي طلبتها حقنا كلنا" (مع انه الزين تحب Yaki Soba و لولو تحب Chicken Ramen)
الزين : "انزين سمعوا كنت بقولكم...يوم السبت بنروح مخيم حق ليلة راس السنه...لازم اتيوون!"
لولو : "وااي وناسه! احب اجواء البر والمخيماات!"
فرح : ....
الزين : "فرح إن ما ييتي ماراح اروح..و ترا انا صارلي 7 شهور قاعده بالبيت اوكي؟ بس اذكرج يعني..."
فرح : "اشوف واقولج"

...​

دلال طلعت من الصالون وركبت سيارتها..رن فونها..شافته..
دلال : "ألو؟"
ناصر : "الوو..دلال شلونج؟؟"
دلال : "الحمدلله بخير..انت شلونك؟"
ناصر : "بخير دامج بخير.."
دلال : .....
ناصر : "آاا..شسمه..ما رديتي علي على سالفة ردتج؟"
دلال : "امم..والله مادري شقولك ناصر..ادري سويت لويه وايد-.."
ناصر قطعها : "لا شدعوا لا لويه ولا شي تامرين انتي"
دلال برسميه : "تسلم..بس ماعتقد اقدر ارد الشغل مره ثانيه..آسفه"
ناصر : "ليش شلّي رادج؟ اذا الشغل وايد عليج نخفّفه عادي!"
دلال وعبدالعزيز على بالها : "انا مفكره اقدم على مكان طبيعة العمل فيه تكون مختلفه..اتمنى تتفهم رغبتي.."
تضايق ناصر : "على راحتج...يللا عيل..مع السلامه"
دلال : "مع السلامه.."

...​

يوم الاربعه...الساعه 6:30 الصبح..بشقة عبدالعزيز و دلال..رن الارم دلال...سكرته دلال و لفّت على عبدالعزيز..نايم على ظهره و ويها صوبها..: "عزيز.."
عبدالعزيز : "هممممم.."
قعدت تهز ايده : "يللا عزيز قووم.."
عبدالعزيز لف ويها الصوب الثاني : "إنزييين..شويه"
قامت وراحت الحمام..وردت..ليلحين ما قام..وخرت الكفر عنه وصعدت فوقه..
عبدالعزيز ليلحين مسكر عينه و لا تحرك : "آي آآي"
ضحكت دلال..وقعدت تجيس رقبته و صدره..
عبدالعزيز @@ رفع إيدها وضغط عليها : "اييدج بااارداا دلاااال"
دلال قاعده تحاول توخر ايدها : "هههههههه..انزين ايدي!"
هدها..
دلال : "ابوي امس قالي اذا نبي نروح مخيم بعطلة راس السنه..شرايك؟"
عبدالعزيز : "تبين تروحين انتي؟"
دلال : "اي خنروح إنغير جو"
عبدالعزيز مسك ايدها وقعد يبوسها : "أي اوكي عيل نروح ليش لأ"
دلال : "اممم..وهم بعد في شي ثاني.."
عبدالعزيز : ؟؟؟
وخرت دلال عنه وقعدت على الفراش..إستغرب منها عبدالعزيز : "شنو؟"
دلال : "امم..امس ناصر دق علي.."
عبدالعزيز (انشالله مِهي راده وظيفتها) : "انزين؟"
دلال : "قالي..شقلتي على ردة الشغل......جان اقوله موافقه"
قام عبدالعزيز من الفراش : "أوكي.."
دلال : "شنو بعد انت قلت تبين تشتغلين اشتغلي مالي شغل فيج!"
عبدالعزيز واهوا رايح الحمام : "إنزين شقلت الحين انا؟"
دلال : ""أوكي"؟! بدال لا تقولي مبروك؟؟"
وقف عبدالعزيز..: "اي صح..سوري" لف عليها : "الف مبروك!"
دلال قعدت تطالع ايدها وبصوت واطي : "الله يبارك فيك..."

...​

​

 

[Ms.Australia]

Wow wagamama:eh_s(11):

5alid 7a8eeir :eh_s(4):

oo zain etsawi dalal eb 3zeiz eb salfat dwamha

thaanks 3al part il7ilo :eh_s(7):

 

[Q8-93]

9owar alakil yawi3atny looooooooool


yalla waiting

part5

 

[Mo7aSbChia]

Wow wagamama:eh_s(11):

5alid 7a8eeir :eh_s(4):

oo zain etsawi dalal eb 3zeiz eb salfat dwamha

thaanks 3al part il7ilo :eh_s(7):

ee reyayeel mayon ila bel 3ain il7amra

you're welcome yal 7ilwa :*

 

[Mo7aSbChia]

9owar alakil yawi3atny looooooooool


yalla waiting

part5

LOOOL zain ashwa 3abali matshofonhom

inshalla part 5 eb 16/1 :ggdw:

 

[MiSs FoOoFoOo]

عجييب الباارت تسلمييييين

امبيي مع اني حدددي حددي متضاايقه من الامتحااان ومالي خلق شي مادري شلون ضحكت لووول
اللي لما يرقصوون ودشت عليهم دلال ههههه مو صج

وخالد مالت عليه ويع ويع نص الصبيان جذي ماحبهم هههه
ناطريين الباارت ال5

 

[Miss MzajeYa]

واااااااااااااااو الباااااااارت زوووووووووغة

امبييييييييه فروووح كسسرت خاااطري فديتهاا والله

خااالد حقيير ويبط الجبد ودي اذبحه

عبدالعزيز و دلال شحلاتهم يهبلوون الله يوفقهم انشاءالله

يعطيييييييييييج الللللللللف عااااااااافية

ناطرينج بالبارت الياااااي حياااتي

 

[رتبه دبلوماسيه]

اب اب لعنونج

 

[Miss MzajeYa]

اب اب اب اب

 

[HmS al JaLiD]

اب اب

 

[HmS al JaLiD]

.............

 

[Ato0l]

روووعه البارت فروح كسرت خاطري و دلال وعزيز إحلى شيء*

 

[Ms.Australia]

Waiting

 

[Miss MzajeYa]

اب اب اب اب اب

 

[Miss MzajeYa]

نــــــــــــــــــآاطـــــــــــــــــــــرينـــــــــــــــــــــــــــــــــــــــــج