رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالكويت

[حور العيون]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

والله مادري شقول ومادري شعبررر


كمليييي بليييز

 

[الطخمه]

حبيبتى بسرعه نزلى البارت



حدددددددددددددى إندمجت

 

[بيه كويتيه]

حدي اندمجت

كملي كملي

 

[سارووونه22]

اب اب اب اب اب اب

 

[Ray.Bana =$]

<< نآإأطرهـ من أمسس

 

[دلوعة الكويت90]

ستارة جديده تزاح عن مسرحية الاحلام وجزء جديد يبتدأ ليحل الاغاز لااعرف لماذا تتشوش الرؤية عندي وانا اكتب الان امام جهاز الكمبيوتر ,, اممم لقد عرفت السبب يبدو ان نضارتي وسخه ,,نضفتها الان افضل اعود الا موضوعي اترك الاحرف والكلمات تعبر عن ابطال قصتي ومشكالهم سأبدأ في هذا الجزء بميرا ..

اصبحت ميرا في رعب شديد وخاصه بأن خالد يعرف عنها كل شيء اسمها مكان اقامتها ,, وهذا خطأ اغلب الفتيات كانت الدنيا تتحرك ولاتقف بها كانت تعض اصابع الندم علا مافعلته حلمها الوردي اصبح كابوسا اسود اللون ..ماذا لو علمت امها هل ستحرمها من الدراسه ماذا لو علم ابوها هل سيوسعها ضربا ماذا لو علم اهلها هل شتظل تتحمل الكلام مدى حياتها وهل ستستطيع الزواج بعدها ؟؟
وصلت مرام التي استقبلتها ميرا بصدر رحب انتضرت ميرا الفرصه التي تترك فيها مرام هاتفها ,, وكانت عندماطلبت دخلول الحمام امسكت ميرا الهاتف ويداها ترجفان وبدأت بالبحث في الاسماء حتى وجدت رقم رائد سجلت رقم رائد بسرعه في هاتفها ووضعت جهاز مرام وكأنها لم تلمسه خرجت مرام من الحمام لتسأل ميرا عن المكان التي تريد ان تذهب اليه؟؟ وقررن الذهاب الا احد المجمعات التجاريه..

تفاجئت هديل بالمبلغ اللذي في حسبها كانت دمعتها تغلب فرحتها تذكرت والدها وتذكرت حبه لها حتى انه لم ينساها عند وفاته وادخر لها هذا المبلغ مبلغ كبير جدا بالنسبة لطالبة في الجامعه خرجت هديل من البنك وابتساماتها وكأنه دق مسماران في طرفي فمها الا الاعلى .. كانت متفائله لم تفرح منذ فتره فكرت مليا بالموضوع كانت الاحلام تأخذها هنا وهناك خبأت الكرت في حقيبتها بعد ان سحبت ماتريد مؤقتا ..

اتصل يوسف بمرام ..

يوسف : وينج؟
مرام : في مرينا.
يوسف : ليش ماستأذنتي من قالج اني راضي؟؟
مرام : ياقلبي رفيجتي ضايق خلقها اضطريت اني اطلع معاها.
يوسف : الحين انا ياي.
مرام : لاتحرجني جدام البنت يوسف فشله.
يوسف: مالي شغل عندج ساعه وتخلصي منها مو مشكلتي لازم اشوفج.
ميرا : خلاص يبا فهمنا انا ابي ارد البيت.
مرام : جب ميروو مو بكيفج.
ميرا : الا كيفي ونص لو سمحتي رديني البيت والله مو زعلانه بخليج ويا الحب اليديد شفيج انتي والله مو زعلانه ولاتدرين شلون خل ييب رفيجه.
يوسف: حلو حلو.
مرام : صج انج خفيفه.
ميرا : خل نقزرها شفيها؟
يوسف: يالله ياي وبييب طلول المزيون وياي يلا اختاروا مطعم واحنا بالطريج باااي.
(سكر الخط)

مرام : انتي شهالخفه انا من اليوم مسويه روحي كلش عليه وانتي جذي صج تفشلين وماتستحين هيلقيه ماادري شلون رفيجتي.
ميرا : يوووووه ياتقاليدج عيوز يعني عادي خل نقزرها نشوف شنو مايتهم.








تــــــعال وغير اطباعي .. علا الزلات عاتبني وخلني ابتسم واغرق كـــلي بين امواجك..
بدونك دنيتي صعبه حبيبي للوصل خذني .. ترى معما ضوت شمسي ابي ليل به سراجك..
دخيلك ارحم بحالي .. كفايه البعد عذبني حبيبي لاتخليــــــــــــــني تراني بجد محتاجك..
انـــــــــا الغلطـــــــــــان ضيعتك...ومثلـــك ضعت صدقني .. خسرتك للاسف وبنفس الوقت محتاجك..

كان مشعل في ضيق مستمر كانت امواج حزنه تأخذه يمينا وشمالا كان كالغريق في بحر بلامركب وحيدا لم يستطع تفسير تصرفاته كان نادما كان اسفا ولكن فات وقت الندم ولافائدة الان كان يحاول الاتصال بساره مرارا وتكرارا دون رد كان محتاجا اليها اكثر من اي وقت اخر كان مشعل يحب ساره بجنون ولاكن جنونه اضاعها من يده .. في تلك الاثناء كانت ساره تعاني من الام المخاض ارسلت رسائل الا صديقاتها حتى يدعون لها بولادة سهله اخذتها امها واخوها محمد علا الفور الا مستشفى دار الشفا حتى تتم ولادتها كانت ام ساره في حالة يرثى لها فهي ابنتها الوحيده كانت تقرأ القران في توتر مستمر واما محمد كان جالسا علا الكرسي ويدعي ربه ان تتم ولادتها علا خير ,, تأخر الوقت مر علا وصول ساره المستشفى 8 ساعات ولم تتم الولاده بعد كانت ساره تتألم بشده وكانت الامور مستعصيه عندها اتصلت هديل بأم ساره حتى تطمئن اذا ماكانت ساره اتمت عملية الولاده بخير..

ام هديل : هلا والله بنيتي .
ميرا : هاخاله بشري ولدت ساره؟
ام هديل : والله ماادري يما الدكتور يقول ان الولد مو راضي ينزل.
ميرا : ويه الله يستر.
ام هديل : والله خايفة صارلها من امس وبعدها ماولدت.
ميرا : لاتحاتين خالتي انا اختي جذي طولت بالولاده انتي لاتحاتين انشالله الله يسهل عليها.
ام هديل : انشالله انشالله .


كانت ميرا تحاول ان تزين من شكلها بقدر ما تستطيع منتضره الفارس المجهول ..

ميرا: شرايج بهالحمره هذي احلا ولا هذي؟
مرام : يوه عليج وايد خابه نفسج ويع شدعوه حمره حمره وايد ترى تخرعين احلا عليج مكياج خفيف.
ميرا : صج؟؟ ولاتقصين علي.
مرام : اي وعلا فكره الشباب مايحبون المكياج الوايد..
ميرا: وييه شوفي واصلي مسج من ساره كاتبه.. ادعولي بنات انا نزل علي ماي وردي وبولد.
مرام : واااي حياتي الله يسهل عليها بعد بتولد وزوجها مو يمها صج الله يعينها.
ميرا: انشالله يسهل عليها يارب.

وصل يوسف وصديقه عمر قرروا ان يجتمعوا في مطعم فريج صويلح جلسوا علا الطاوله وبعدها طلبوا وبدؤو بالحديث..

عمر :هاي شلونج ميرا انشالله فاين.
ميرا ماسكه ضحكتها: اي وااايد فاين بيكوز انا شفتك.
عمر: بصراحه انا من زمان ماكليت اكل كويتي لان صارلي فتره طويله بكندا نو ارب فود.
ميرا : اها نايس ..
عمر: بس انتي سو بيوتيفل احلى من ماي جيلر فرند هناك في كندا شوفي هذي صوره لي معاهم شوفي حوالي 10 بنات حدهم جورجس,,
ميرا : اهاا.
عمر: جورجس يعني رائع اي نو ماتعرفون انجلش بس ترى تتعلمون.
ميرا : ترى علمونا بالسكول ماي هني.
يوسف : اعذروا صاحبي ترى مو متعود علا الكويت كلش عايش بره نص عمره وتوه راجع فيعني.
ميرا تهمس بئذن مرام : يييع شهالنوعيه وانا قاعد اكشخ مالت علي عادم مايلوق شكله عقيدي حييل.
مرام : ميرا جب.
عمر : هااا وت ار يو تقولون؟
مرام : نقول يو ار سووو جورجس بصراحه حبيتك.
مرام تنغز ميرا : بس ميرو.
عمر : حبتج العافيه ماي هني حتى انا وااايد عجبتيني ..
ميرا : البيردز علا هير شيبس تقع.
عمر : عفوا؟؟
ميرا : اقول الطيور الي بره تطير شكلها حلو..

في تلك الاثناء اتصل فهد بهديل ..

هديل : هلا بهالصوت ياقلبي فديتك شكثر مشتاقتلك ,, احبك احبك اموووووواه.
فهد : هديل قصري صوتج لحد يسمعج.
هديل : هههه منو يسمعني انا بروحي.
فهد : ليش وين اهلج.
هديل : في بيوتهم بعد وين.
فهد : عيل انتي وينج؟
هديل : في شقتي.
فهد : شنوووووو انتي شقاعد تقولين؟
هديل : شسوي فهد وين اروح من كل مكان مطروده.
فهد : انتي من صجج اكو بنت تسكن بشقه بروحها؟؟ صاحيه انتي؟
هديل : فهد ماعندي خيار ثاني هذا الي جدامي ولاتبيني ابات بالشارع.
فهد : حسبي الله ونعم الوكيل شهلاهل ماكو احساس هديل غثيتني والله.
هديل : اسفه حياتي بس شسوي.
فهد : وبروحج بالشقه؟
هديل : لا مع بنات معاي بالجامعه دخلت معاهم لان مااقدر علا الاجار بروحي.
فهد : منووو هالبنات ماوراهم اهل؟؟
هديل : وحده امها لبنانيه وابوها مطلق امها بس ماتنام هني تتي من الصبح لين الليل بعدين ترد بيتهم ,, ووحده اهلها طاردينها من البيت مسكينه.
فهد : مسكينه؟؟ انتي من صجج ليش طردوها من البيت مثلا عشان انها تحفظ قران ؟
هديل : فهد لاتظلم الناس تراهم خوش بنات ماشفت منهم شي صارلي جم يوم معاهم واحسن من ان اسكن بروحي.
فهد : هديل انا ماني مرتاح ماابيج تسكنين مع جذي ناس لو سمحتي هديل.
هديل :عندك حل ثااني ؟؟ لاتتشكى انا هذا الي بيدي مو ذمبي.
فهد : باي هديل باي.

تفاجئتم اليس كذلك .. هذا ماحصل اتذكرون ايمان ؟؟ ايمان الفتاه التي ذكرتها في الاجزاء السابقه كانت احد هاتين الفتاتين تعرفت هديل علهم بالجامعه وتشاركن الحديث وعرفن هموم بعضهم عندها عرفت هديل بأنهم يسكن في شقه دعتها ايمان الا السكن معهم لم ترفض ذلك العرض فقد كان ذهبيا بالنسبه لوضعها في ذلك الوقت ,, كانت هديل في ضيقه لم يسبق لفهد ان كلمها بتلك الطريقه ,, لم يكن بيدها شي ثم انها لم تعرف حقيقة ايمان ومنال كل ماعرفته بأنهم فتيات اجبرتهم الحياة السكن لوحدهن ..

 

[miss disaster]

امبيه والله خايفه على هديل منهم


يسلمو وناطرين الياي

 

[Sparkle]

واي هديييل عورت قلبي الله يسهل عليها يارب

 

[Ray.Bana =$]

مشكوؤورهـ ع البآإأرت نآطرييييييييييييين البآرت الياااااااااي لآتطولين

 

[6amni bs]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

مشكوره على البارت
كملي

 

[BNT KWT]

يعطيج العافيه


ناطرين البارت حبيبتي

 

[Miss.Beckham]

يعطيج العافيه و لا يوقف لا يوقف

 

[@_@_@]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

واااااااااي لا هديل تكسر الخاطر
ننطرج حبيبتي كملي بسرعه بليز

 

[so_what]

يسلمووو كملي ناطرينج

 

[سارووونه22]

وااااااااي هديل تعور القلب وسارو بعد ميرا غبية بتضيع نفسها ومرام مسكينة

 

[حور العيون]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

ياويييل قلبي عليهااا


كمليي بلييز

 

[ينابيع الغلا]

هديل تكسر الخاطر

ساره يعور القلب اللي صار لها

بلييييز لاطولين علينا

 

[دلوعة الكويت90]

يسلموووووو حبيبات قلبي علا المتابعه واليوم انزل البارت اليديد انشالله

 

[Ray.Bana =$]

يلا نآآآآآآآآآآآآآآآآآآآآآآآآآآطريييييييييييييييييينج

 

[دلوعة الكويت90]

ابوس راســـــــك يازمن ماعاد فيني للجراح .. خلاص .. كافيني اسى ابوس راســـك يازمن ..

غزت الدموع خدي هديل كانت تشعر بالوحده بالغربه بالظلم بالقهر بأشياء كثيره ومازاد الطين بله فهد كانت تفكر بعدم تقبله لفكرة ان تسكن في شقه كانت ايمان تجلس علا الاريكه وتتابع احد الافلام نضرت ايمان الا هديل ولاحضت دموعها اقتربت ايمان من هديل ومسحت دموعها..
ايمان : هديل لاتضايقنين نفسج ترى الدنيا والله ماتسوى تدرين انا امي كانت تبي الفكه مني كانت بتزوجني غصب ماكنت ابي اتزوج كنت احب واحد ثاني تخيلي امي درت بكل شي وعلاقتي مع الي كنت احبه كانت اكبر من علاقه عاديه سوري هديل بس علاقتنا وصلت للفراش ما كنت ابي الاالي احب انخطبت من الي امي كانت تبي تزوجني اياه رفضت ,,انطقيت انهنت قررت انحاش من البيت رحت معاه كان اهو ملاذي الوحيد بس تدرين ,, الي ضيعت عمري علشانه بالنهايه تخلى عني وصلت لين هني اهلي ماعادوا يبوني تركوني امي تبرت مني ابوي سدحوه بالمستشفى والسبه انا والحين ماعرف عنهم شي.
هديل : وحبيبج؟؟؟
ايمان : تركني هجرني وسمعني كلااام كنت اتمنى اسمعه من امي ولامنه والمصيبه تدرين شنو؟
هديل : شنو؟؟
ايمان : الي كان متقدملي كان يعرف الي كنت احب ويعرف عنه كل شي كان يغتصب بنات ورايح فيها ماكنت ابيه والحين مايهمني شي بالدنيا صرت عايشه حق نفسي وتدرين اكثر الناس الي تحبينهم واقرب الناس لج صدقيني اهم الي بتنجرحين منهم خافي من الي بجاج توه.
هديل : بس اهو يحبني وناوي يتقدملي.
ايمان : هديل خلينا واقعيين ترى نسبة الزواج عن حب 5 بالميه وهالخمسه بالميه نصها طلاق هذا الواقع لاتتأملين علشان ماتنصدمين.
هديل : ليش تقولين لي جذي بس انا احبه حيل.
ايمان : ماكو حب الحين الشباب مايبون الا الي خبري خبرج حب صافي صعبه بس اتمنى ان يكون الي تحبينه من فئة الخمسه بالميه وتتزوجينه,, يلا قومي الحين نامي علشان تقومين باجر مصحصحه للدوام .
هديل : مشكوره حياتي واسفه فتحت جراحج.
ايمان : لاعادي انا ماعاد تفرق معاي الدنيا وصخه وماتستاهل المهم اعيش مستانسه.


ماادري شبيه ياربي لمن فارقت حبي.. حسيت الشمس غابت حسيت انشلع قلبي..
ماادري شبيه فهموني بعد مااشوف بعيوني طريقي وين دلوني رجعوني علا حبيبي ..


http://www.youtube.com/watch?v=Nbn6TPemBUw&feature=related

كان فيصل ممسكا بصورة هديل وهي في الابتدائيه وكان يفكر كانت ابستامتها في الصوره كلها براءه كان قلبه يخفق بسرعه كان حبا ممزوجا بحزن كان يفكر في نفسه .. ويقول ..
ااااخ ياهديل ماتدرين شنو غلاتج مثل النسمه مريتي ورحتي ماعطيتيني فرصه اقولج الي بقلبي ولاادري شنو الي بقلبج تصورت لمن وصلتي عندنا ان عمري بيبتدي والحين ضعتي ليش ياهديل بعدي ماقتلج احبج بعدج ماعرفتي قدرج بس .. كان ودي اطلع الي بقلبي خشيته طول هالسنين وشكلي بموت ولاقتلج احبج ولاقتلج تتزوجيني ولا مشيت يمج بالعرس ولاشفتج حامل بولدي هديييييل حرام الي قاعد يصير ابيج ابيج وينج ليش رحتي ليش علا الاقل ابي اعرف اذا كنتي بخير اتمنى تطمنيني بس ؟؟

دمعت عيناي وانا اكتب هذه الاسطر ربما دموع فيصل قد خرجت من عيناي لااعلم ربما تأثرت بالاغنيه التي وضعتها خلفيه وانا اكتب او لانه لامس احساسي فراق الحبيب ليس سهلا فكيف فراق حبيب لم يعلم بحبنا له كانت صرخات الالم والحزن تعتصر قلب فيصل في كل يوم.. وكان دفتر مذكراته قد ملائته كلمات الحب والغزل لهديل ,, وكانت تلك الكلمات احد اوراق تلك المذكره ,,,

نرجع الا ميرا ومرام كانت الضحكات تملاء افواههم كانت ميرا تقلب الجو ضحكا واسهزاء لم يعجبها عمر بالبدايه الا ان,,

ميرا : تسوق سياكل؟؟
عمر : يس عندي قروب سياكل وحتى يسوف معانا.
ميرا : اللله ونااااااااسه ركبني معاك علا يوم ابي افل شعري واركب.
مرام : يوسف انت ماقتلي عن قروب السياكل؟؟
يوسف: اي قاطعه من فتره كنت محتاج فلوس واضطريت ابيع السيكل والحين بس متفرج.
ميرا : والله تركبني؟
عمر : اي نوبروبلم اذا تبين الحين.
ميرا : صجج يالله يالله وناسه خذ فيني فره .

خرج يوسف ومرام وركبا سيارة مرام اما ميرا فذهبت مع عمر حتى تركب السيكل اللذي كان قد ركنه في مكان قريب .. ركبت ميرا مع عمر واستمتعت بالرحله يبدو انها بالنهايه اعجبت بعمر بما انه (راعي سياكل) اما مرام ويوسف كانا بالسياره شغلت مرام اغنية يوسف العماني .. اشتاقله ..

اشتاقله واهو جمبي واهو بعد يشتاقلي ويشتاقلي .. وانجبر قلبي بحبه للابد .. ماعاد لي شي يذكرني بحزني للابد والي احبه صار قربي ومافي مثلنا احد..


http://www.youtube.com/watch?v=_4WeASRWnFE
نضر يوسف الا عيني مرام ..
يوسف: احبج مرام والله شاهد علي.
مرام :.........
يوسف : ليش ماتقولين لي احبك؟؟ ليش تسكتين.. صارلنا 5 اشهر وماسمعتها منج متى بسمعها؟
مرام : انزين وين ميرا الحين؟
يوسف : تضيعين الموضوع ؟؟ ليش مرام انتي ماتحبيني ؟؟
مرام : يوسف اقولك تتوقع انهم باعدوا؟
يوسف : علا راحتج ,ماادري عنهم بس عمور سافط سيكله بواجهة فرايديز.
مرام : الله يستر ماتصيدهم دوريه .
يوسف : لاتحاتين عمر سواق شاطر , وييييه صج اشتقت حق السيكل والقروب.
مرام : شنو كان سيكلك؟
يوسف : كان بي ام والله كان خوش سيكل يالله انطر اتوضف واشتريلي واحد.

استطاعت ساره الولاده ولاكن بعد عمل عمليه قيصريه لها بسب ان الجنين كان ..قالب دماغه وموراضي يتعدل .. كانت الولاده صعبه عليها وخاصه بأنه الولد الاول ,, نعم لقد انجبت ولدا كان جميلا, كان الوقت متأخرا قررن الصديقات زيارتها في اليوم التالي اما مشعل فقد وصل الا المشفى بنفس الوقت دخل الا غرفة ساره وكان ابنها في سرير صغير بجانبها كانت امها بالغرفه اما محمد فقد ذهب ليشتري قهوه .. نضر مشعل الا ولده بكل حنو ..
مشعل : لاتحرموني منه .
ساره : حاضر .
مشعل : ساره انا كلمت شيخ قالي ان ممكن نرجع لبعض لان الطلاقات كانوا في فتره قصيره يعتبرون مره وحده.
ساره : مشعل خلاص ماعدت تعنيلي شي بعت وشريت فيني وايد ماعدت اتحملك انا بعيش حياتي مع ولدي بدونك وخلاص.
مشعل : بس ساره انا احبج.
ساره : لو سمحت مشعل هذا الكلام مايجوز بيني وبينك الحين انت محرم علي .
مشعل : الحين صارت كلمة احبج حرام اقولها.
ساره : احبج عندك لعبه ماعرفت قيمتها ,, مشعل ترى كافي الولاده تعبتني ماابي اتعب اكثر.. خلاص مو شفت ولدك يالله اطلع الحين.
ام ساره : مشعل لو سمحت اطلع بره.
مشعل : ماشي ماشي بطلع بس راح ترجعين لي مو كيفج وماراح اوثق طلاقج بالمحكمه راح تبقين جذي معلقه …