رواية الثالثة عشر ~نهاية فــــــــرح~

[sho-sho_93]

وييييييييييييييييييييييييييييييييييييييتنق

 

[miss 3yara]

البارت ليلحين ماخلصته 1 بالظبط تقريبا اكون خلصته

 

[Zozαĺiиaђ]

اووووووكي =)
هياا باااقي ربع ساااااعه =)

 

[miss 3yara]

عدوووو من 1 لي 10 والبارت عندكم

 

[M!s$ GoOnA]

1
2
3
4
5
6
7
8
9
10

 

[ikilled barbie]

ناطرينج

 

[miss 3yara]

الاخير​

~الثامن والاربعون والتاسع والاربعون~​

ــــــــــــــــــــــــــــــــــــــــــــ​

الساعه 7 بالليل​

ـــــــــــــــــــــــــــــــــــــــــ​

فجر منسدحه على فراشها وتكلم بدر وشيخه كانت عندها بالغرفه تسوي شعرها بالفير علشان بتروح عيدميلاد رفيجتها​

فجر:اووه بدوور​

بدر:اغار علييج شسووي​

فجر:فديتك​

بدر:فوفوتي​

فجر:عيونها​

بدر:انا فبيت يدتي​

فجر:انزييين ؟؟​

بدر:انزيين​

فجر:وااي كاسكو كاسكو بس تمشي وتقلد​

بدر:كيفيي​

فجر:المهم حبيبي لاتقعد ويا البنيااات​

بدر:البنيات هاا يالعيوووز​

فجر:اي صج لاتقعد معاهم اغااار والله​

بدر:انشالله حبي​

ولاصوت يدته:يالله يما بدر تعااال خل ابخرررك قبل لاتروحون الملجه​

فجر:اووه بتروح ملجه واشحقه ما قلت لي​

بدر:ياحياتي والله نسيت اليوم ملجة خويلد ولد خالتي​

فجر:اممم​

بدر:فجر​

فجر:ها​

بدر:ويعا :p​

فجر:تويعك يا الحقير​

بدر:حقير مره وحده ؟؟​

فجر:سوري​

بدر:احبج ​

فجر:اموت فيك​

بدر:يالله حياتي باي​

فجر:باي بس ويت صور ودز لي صورتك بحطها خلفية :$:$:$​

بدر:ههه خلاص اوكي حياتي تبين شي الحين​

فجر:لا حبيبي ابي سلامتك​

بدر:الله يسلمج يالله باي​

فجر:باي....وسدته​

شيخة:الله يابعض الناس بيتشرشحون اليوم وبينطقوون بعدد​

فجر:نعم !!!​

شيخة وهي تصكر الفير:اي حبيبتي اليووم بقول حق امييي كللل شيي​

فجر:انتي ياهل ياهل​

شيخة طالعتها وخذت فيرها..فجر قامت من فراشها ومسكت من زندها :شوفي ياشيوخ والله ان شفتج قايله حق امي شي لاتلومين الا نفسج​

شيخة دزتها:وخري عني مابقى الا اليهال بعد اصلا حتى لو قلت لها انا شبيضرني​

فجر:انتي طووول عمررج انانية وماتفكرين الا بنفسج​

شيخة طالعتها من فوق لي تحت وطلعت​

ـــــــــــــــــــــــــــــــــــــــــــــــــــــــــــ​

فبيت يوسف ال.......وبعد مانسميه بيت نسميه قصر​

ــــــــــــــــــــــــــــــــــــــــــــــــــــــــــ​

امينة قاعده بالغرفة وتبجي بس شبعت اهانات وطق جسمها صار يشكييي​

ـــــــــــــــــــــــــــــــــــــــــــــــــــــــــــ​

دش عليها الغرفة وكان سكران عالاخرررر​

يوسف:تت تع الليييييي اهنيييييي​

امينة تبجي:انت اشتبي منييي خلاااص طلقنييي ماببييييييك​

يوسف:رو روحي الصالة عن عند ربعي خيستانسون في فيج شووي​

امينة قربت صوبه:انت واااحد ماتستحيييييي شنوو تقط مررت...ٌقاطعها وقعد يكفخها ليما قال بس ليما طاحت غشيانه امينه J !​

 

[miss 3yara]

بدر لف راسه ولايشوف عايشه وراه انصدم صدمة حياته​

بدر:عايشه​

عايشه:منو فجر​

بدر:وانتي شكو​

عايشه:شنو وانتي شكو يعني ماتدري اني احبك​

بدر:نعم !! شنو تحبيني ماتحبيني شهالسوالف بعد انتي اختي وبس ​

عايشه:بدرر اناا احبك والله العظيم احبك​

بدر:انتي هي شنو احبك استحي على ويهج والله زمن يبا انتي مثل خواتي روان والزين فهمي ​

عايشه:بدر لاتقص على عمرك وقط عنك هالسوالف لانك ب تصير ريلي​

بدر يضحك:والله ضحكتيني حلوه هذي ​

عايشه بقلبها اعلمك وقعدت تصرخ :لحقوووووووني...وقربت صوب بدر:لااا بدررر انت شتسوووي شررف....قاطعها بدر وحط ايده على حلجها:انتييييي هييييي جربتي كف يبب على ويهج شوووي مينووونه​

عايشة وخرت ايده عن حلجه وقعدت تبجي:بدر انا مينونه فيييييك والله العظيم احبك​

بدر:بتنجعمين لا اشرشحج الحين واخليج بيزه ماتسوين جداام امج الحين​

عايشة قعدت تطالعه مده وركضت لي الصالة​

ــــــــــــــــــــــــــــــــــــــــــــــــــــ​

شيخة:يما يبا والله فجر تكلم سامعتها بأذوني​

بوجراح:لو تقوليلي كل البنات يكلمون اصدق بس فجر لا !!​

ام جراح:انتو اشفيكم على البنيه​

ولا فجر داشه:يما هاج تلفوني شوفي الارقام ودشي البيبي ام ​

ام جراح خذت التلفون من فجر وقعدت تطالع شيخة وابوهم دن يم ام جراح وقعد يطالع​

بعد ماشافو:ماكو شي لابالمسجات ولا شي ​

شيخة:اي دقوو ​

ام جراح:لا بالله ينيتي اشفيج انتي اليوم مادري اشفيكم على فجوره ​

شيخة هني خلاص بدت تبجي:طوووول عمررركم مدلعينهااااا وكله تبدونها علييي مووجنيييي بنتكم الكبيرة​

ام جراح سكتت وطالعت بوجراح​

فجر:انتيي الي يبتي كل هذا حق نفسج...وطلعت من البيت بكبره وقعدت بالحديقه​

ــــــــــــــــــــــــــــــــــــــــــــــــــــــــ​

ام حسين:منوووور منوووووور​

منيرة:نعممم يمااا​

ام حسين:يا يما يا منيرة انتي كبرتي وصرتي عروس وكل خواتج تزوجو وعيلو وباقي لي انتي وحسون ​

منيرة:ادري يما انخطبت​

ام حسين:لا بس هالمره خاطبج شيخ الشباب عااد​

منيرة:منووو@@​

ام حسين:الي كل بنات الفريج ميتين عليه​

منيرة:ههه اشدعوه خبس توم كروز​

ام حسين:خطبج فراس ولد ام براك​

منيرة:لا عرفته يما الحين​

ام حسين:هااو بيتهم لاصق فبيتنا منووور فراس الي عنده همبرجيني مادري نامبرجيني ايي اي عنده لامبرجيني​

منيرة شهقت:حلفيييييييييييي يماااااااااااااااااا​

ام حسين تضحك:هااااو اشفيييج والله ​

منيرة وهي تنقز لي الارض:يما يما فراااس ماغيرره الي كله لبسه ماركات الي حتى بجامة بيتهم ماركة ​

ام حسين :اييييييييييي​

منيرة:واااااااااي لا موومصدقه​

ام حسين:لايما صدقي​

منيرة:يما دقي عليهم قولي لهم موافقه​

ام حسين:يالله عاد لاتصيرين خفيفه والحين روحي وطلعي لج احلى بدله عندج وبعدين روحي الصالون تكشختي وتسنعي اليوم بيون ورا صلاة اللعشا​

منيرة باست راس امها:انشالله يا احلى ام بهالدنيا...وراحت تركض وتناقز عالدري:واااي ونااسه بتزووجه ​

ــــــــــــــــــــــــــــــــــــــــــــــــــــــ​

شجون وهيا تتعبث بتلفون سعود​

شجون وهي توريه صورة:هذي فرررح​

سعود:لاحول ولا قوة الا بالله اييي يبا ​

شجون:بعد صج فصعه عندك صورتها وهيا لابسه حفر​

سعود:يالله عاد احترمي نفسسسج ما ارضى عليها​

شجون:اكيد ماترضى عليها بنت الشوارع​

سعود:شجون بتسكتين ولاكف على ويهج​

شجون بنفسية:عالعموم مسحت صورتها​

سعود خزها​

ـــــــــــــــــــــــــــــــــــــــــــــــــــــــــــ​

 

[miss 3yara]

بعد مرور 5 اشهر​

ـــــــــــــــــــــــــــــــــــــــــــــــــــــــــ​

الزين تصرخ بالسياره:واااي لا بس بموووت ​

ام عبداللطيف ماسكتها :بس يا يما بس كا بنووصل ​

ومنار قاعده جدام يم اخوها وكانت توها طالعه من العده حتى منار طلعت فبجامتها وشعرها كشه وحالتها حاله​

عبداللطيف معوره قلبه:بسس زيوون كاا وصلنااا المستشفى​

ــــــــــــــــــــــــــــــــــــــــــــــــــــــــــ​

فبيت حمد​

فرح شوي وتبجي:حمدد قوووم​

حمد:................​

فرح:يالله حمد قوووووووووم​

حمد:اوووه فروووووووووح خليني انام ​

فرح:قوووم امش مستشفى الس....(خو الكل بيعرفه لوول)زيون بتوولد​

حمد:انزين واحنا شكو​

فرح:بتقوم اتوديني ولا اروح بسيارتي​

حمد:لاحول ولاقوة الا بالله خلاص يبا بنقوول ومرزوق اشلوون​

فرح:نايم واذا قعد الخدامه عنده​

حمد:خلاص كااني قاايم​

ــــــــــــــــــــــــــــــــــــــــــــــــــــــ​

دشت ام احمد المستشفى ركض وياها بواحمد ​

ام احمد:ها بشروووا​

ام عبداللطيف:والله يا ام احمد توها مدخلينها غرفة الولاده​

ام احمد:واي الله يسهل عليها انشالله​

عبداللطيف قاعد على اعصابه​

بواحمد:عبداللطيف​

عبداللطيف:هلا عمي​

بواحمد:هد شوي انشالله الزين بتقوم بالسلام​

ولا فرح وحمد داشين المستشفى وحمد يمشي شوي شوي ويها كله نوم وفرح قاعده تمشي بسرعه​

فرح:ها خالتي مريم زيون ولدت​

ام احمد:لا والله يما فرح يقولون توها مدخلينا غرفة الولاده وهي حامل (بتوم)​

حمد قعد له على اقرب كرسي وكمل نومته وشكله يموت من الضحك​

ام عبداللطيف راحت له:قوووم وقمقام انشاللله​

حمد:هااهااا انتي بصوب وفرحو بصووب شنوو ماانام يعنييييي​

ام عبداللطيف:قوووم فشلتنا حسبي الله عليك ياحميد​

حمد:قعدنا​

منار:خايفه على الزين وايد​

فرح:لا انشالله ولادتها سهله وطبيعيه خو كل يوم تمشيني معاها بممشى المركز العلمي كرهتني حياااتييي ​

منار:تعالي انتي باي شهر ؟؟​

فرح:السابع ​

منار:الله يسهل عليج​

فرح:اميين امبيه منور شكلج عبيط​

منار طالعت شكلها لابسه بنطرون رومادي عليه هيلوكيتي من اوشو وتيشيرت وردي جبنيز وشعرها كبه وكشه​

منار:امبييه شكلي مصخره بعد شسوي قاعده من النوم متصروعه انتي طا الساعه جم الساعه 4 الفير بس اليوم العصر بروح الصالون(منار صارت احسن من قبل بوااااااااااااااايد)​

بعد 4 ساعات​

طلعت السستر وهي شاقه الحلج :الف الف مبرووك يوكم 3 صبيان​

عبداللطيف انصدم واستانس بنفس الوقت​

ام احمد :وي قللللللللللللوووووووووووووووووووش​

ام عبداللطيف:قالولهم 2 وطلعو 3 ياحليلج يازيون​

فرح من فرحتها عيونها قامت تدمع​

حمد:ها استانستي يالله انا برد البيت بنام متى ماخلصتي دقي علي​

فرح تمسح دموعها:روح روح​

منار:واي اخوي صج مايستحي​

ـــــــــــــــــــــــــــــــــــــــ​

بعد ساعتين بالغرفة الخاصه​

الزين بتعب:واي تعبانة​

ام احمد تبوس راس بنتها:سلامتج يما​

فرح:الف الف مبروووك زيون​

الزين بصوتها المبحوح:الله يبارك فيج حبيبتي وين عبداللطيف​

ولا داش:الف الف الف مبروك يا احلى ام بهالدنيا..وباس راسها​

الزين طالعته:اذنت بأذونهم​

عبداللطيف يطالعها بحنان:ايي​

منار:انزين شبتسموونهم​

عبداللطيف:اي صج قولي لي شسميهم علشان اروح اسجلهم​

الزين:امممم ​

ام عبداللطيف:لاتسمين مرزوق بس كافي عندنا مرزوق واحد​

منار تضحك:وين ابوي خيسمعج عاد توه داق اول ماسمع بالخبر راد على اول طياره الكويت​

الزين: ابوي مايبي احد يسمي على اسمه مادري ليش فبسميه اممم غانم والثاني فروح سميه والثالث عبداللطيف سمه​

فرح:مفرح هههههههه لا لا سميه (سعووود)​

الزين طالعت فرح:حلوو سعود​

عبداللطيف:اي حلو سعود بسميه حمود​

ام عبداللطيف:سعود وحمود وغانم حلو​

ـــــــــــــــــــــــــــــــــــــــــــــــــــــــــــــــــــــــــ​

وبعدها بشهرين ولدت فرح ويابت بنيه ولانها تعبت بولادتها وايد وطلعت بطلعة الروح فسمتها(روح)​

ــــــــــــــــــــــــــــــــــــــــــــــــــــــــــــــــــــــ​

فرح نفاسها كان فبيت اهلها وابوها كان مسوي لها استقبال فبيتهم لان ماسوو لها بالمستشفى ماتحب استقبالات المستشفيات وكانو يايين عماتها وبناتهم والزين وعيالها بعد لول اشكالهم تشوق ويشابهون بعض بس الي يفرقهم لون عيونهم سعود وغانم لون عيونهم بنيه وحمود عيونه سود وعنده شامه عند حواجبه بس صغيره حيل ماتبين بس الي يدقق يشوفها​

ــــــــــــــــــــــــــــــــــــــــــــــــــــــــــــــ​

وكان استقبالها بطلعتها من الاربعين وكانت مسويه نيولوك شعرها قاصته قصة فكتوريا وصابغته ​

وكانت بالاستقبال لابسه نفس دراعة ميساء مغربي بالظبط​

[url=http://www.0zz0.com]

[/url[/COLOR][/URL]]​

ـــــــــــــــــــــــــــــــــــــــــــــــــــــ
منار:وااي فرووح بنتج روح جنها امج(روح الي يشووفها يقول امريكية شعرها لونه اشقرر وعيونها عسليه وتينن)​

فرح بدلع :ايي تيينننن ​

يت ام فرح وبايدها قلب ذهب مكتوب عليه(الله):فرح هذا قلبج يوم كنتي صغيره خاشته حق بنتج صج وقتها كنت مسيحية بس كنت البسج جي رغبة من ابوج والحين كاني اسلمت ويايه لي هني والبس بنتج ​

فرح:يا بعد جبدي ماماتي...وعطتها روح​

الزين:فرووح شوفي بنتج بزوجها غنوم وسعودو وحمودو​

فرح:الللله الللله​

 

[miss 3yara]

كويت:ها ليلحين حاطه عينج على حمد​

بتول:شبي بحمد خلاص ياني الي احسن منه وبسوي لي عرس لاصار ولا استوى الي عرس فرح بيصير ولا شي حق عرسي​

كويت :عشتو​

دانة:فرحو صايرة زقطة بلقطة ولاجنها طالعه من النفاس​

مريم:قولو مشالله لاتنحسد البنيه بس ​

​

ـــــــــــــــــــــــــــــــــــــــــــــــــــــــــــــــــــ​

ام عبداللطيف:منار عبدالرحمن خاطبج​

منار انصدمت:نعم يما ترى انا توني طالعه من العده وماني متزوجه​

ام عبداللطيف:منار يما انتي صغيره عمرج 25 يعني معقوله بتضلين طول هالعمر بدون زواج​

منار:يما خلاص عاد صكري هالموضوع وماني متزوجه وبس...وراحت وقعدت يم الزين:واي امبييه يشوقون عيالج ​

الزين طالعت منار وابتسمت وقالت بعدين:منور ترى عيالي هما عيالج j​

منار:وااي زيون حبيبتي انتي​

ـــــــــــــــــــــــــــــــــــــــــــــــــــــــــــــــــــ​

الساعه 10 بالليل​

حمد بطل حق فرح الباب والايد الثانيه شايل مرزوق النايم الي كانت شايله روح النايمه وشكلها يشووق​

حمد:نوورتي بيييتج يا ام روح ​

فرح:اوووش رورو نايمة وحتى مرزوق نايم​

حمد هو يصك باب البيت:ولييه​

فرح قعدت عالقفنه وقالت حق حمد بصوت واطي:تعال شووفها اشلوون ناايمه واي حمد تشوووق اشوه ان امي امريكية علشان تطلع بنتي شقره ​

حمد وهو يطالع بنته وسرحان بويها:تشبهج يوم كنتي صغيره وايد​

فرح ابتسمت:انزين يالله روح ود مرزوق غرفته خينام​

حمد:والله تحسفت اني طاوعتج و سميت بنتي روح يعني الحين لما بقولها روحي اقولها روح روحي ولا اذا بقول حق مرزوق روح مسكينه عبالها اناديها..وقعد يتحلطم ​

فرح ضحكت على خفيف​

فرح قعدت تحاجي بنتها:رووح انا كنت قبل كله اقولج قصص واغني لج وانتي فبطني كنتي تسمعيني صحح؟؟!! وكنت اقولج سوالفي ويا بابا حمد لما نتهااوش وقلت لج قصتي وياه ..وتنهدت :يعني لو مومغتصبني...وغمضت عينها حيل:جان انا الحين مو متزوجته ولافكرت اني اخذه بس بس بس ...عيونها دمعت:حبيته وعشقته وهويته صار دنيتي صار حياتي​

حمد كان ورا الطوفه يسمعها ومندمج​

فرح:احببه يا روح احبه قبل كنت اعتبر كلمة احبك وانا اقولها حقه مجامله!!! بس الحين انا صج احبه واامووت فييه​

حمد:فرح​

فرح مسحت دموعها على طول:هلا​

حمد:سمعتج​

فرح طالعته وسكتت​

حمد قرب صوبها وقالها:انا بعد عشقتجج هويتج كل شي فروح انتي دنيتي انتي كل شي بحياتي...ومسك ايدها:تعالي​

فرح:اشفيك حمد روح نايمة​

حمد:قووومي​

فرح:اوكي..وقامت وشايله روح بايدها وتمشي شوي شوي وركبو الاصنصير وحطت روح بفراشها الي بغرفتهم​

حمد راح صوبها ومسكها من خصرها فرح وخرت ايده عنها ولمته حيلل​

ــــــــــــــــــــــــــــــــــــــــــــــــــــــــــــــــــ​

( مشاري )
تعالي يا احلى احساس...حسيتة
عشقت عطر الانفاس ..و حبيتة

(هند)
انا قربك و خذني لحضنك حس فيني
مشتاق انا اسمع قلبك...يناديني


( مشاري )
تعالي يا احلى احساس...حسيتة
عشقت عطر الانفاس ..و حبيتة

(هند)
انا قربك و خذني لحضنك حس فيني
مشتاق انا اسمع قلبك...يناديني

( مشاري )
انا دنياي إهي دنياج
ما اعيش انا دنيا و عينج يا روحي مو فيها

(هند)
ترا هالناس كلها
و الله ما تغنيني عن يوم اعيشه معاك


(هند)
معاك انا عشت الحب و منك تعلمته
خذيت انا منك قلب و بروحي شلتة

( مشاري )
يا عمري كلي فداج و كل سنيني
اشوفج كل الناس في عيني

(هند)
انا و ياك قلبي معاك و بالي دايم حولك انسى روحي ما انساك
( مشاري )
يالله نعيش احلى سنين انا و انتي فالدنيا قلب واحد مو قلبين


(هند)
انا و ياك قلبي معاك و بالي دايم حولك انسى روحي ما انساك
( مشاري )
يالله نعيش احلى سنين انا و انتي فالدنيا قلب واحد مو قلبين​

 

[miss 3yara]

الزين وهي تدش الشقه وشايله غانم وعبداللطيف شايل سعود وحمود​

الزين :وااي وااي عبداللطيف عيالك يننوني عيل اليوم دشيت غرفة فرح بس علشان ارضعهم اخلص من واحد احطه بالفراش والثاني وبالدور /@امبيه حتى شكلي يضحك​

عبداللطيف مات من الضحك:كااااااااااك قاعد اتخيل شكلج ​

الزين مدت البوز:جب وشوي وشوي على عيالي ​

ضي:اي والله يبا بس قاعدين يبجون شهالاخوان​

عبداللطيف:ها ضيوون​

الزين:تعال خنحطهم بفرشهم قبل لايقعدوون ويسوون لنا عرس...وحطوهم بفرشهم وضيون راحت تنام ونزلوا لزين وعبداللطيف تحت وقعدو بالصاله​

ولايرن الجرس ​

الزين مستغربه:هاو منو ايي هالحزه​

عبداللطيف بطل الباب ولاينصدم من شكل امينة مكياجها سايح بويها وشعرها صاير كشه ويايه بعباية راس اول ماشافت عبداللطيف طاحت على ريله​

امينة ميته من البجي:عبداللطيف طقنييي اذبحنيييي سوفيني الي تبيييه انا استاهل​

عبداللطيف:امينة قومي...وقومها:شوي شوي قولي اشفيج..(كان وايد هادي معاها)​

امينة تبجي:انا تزوجت​

الزين يت ووقفت يم عبداللطيف وانصدمت من شكل امينة​

عبداللطيف تنهد:ادري​

امينة:ريلي طلع سكيير ومدمن وييب بنات عندي البيت واايد يطقني ويهيني واليوم طلقني ااه يااا عبداللطيف انا ندمانه وااايد وااايد​

عبداللطيف :شيفيد الندم وشعقبه!!عقب ماكسرتي قلبي وجرحتيني عقب ماخنتيني فبيتيي !!! عبالج نسيييت ولا عبالج الجرح الي فقلبي برى لا يا امينه ما برى ​

امينة:الزييين سااامحيينييي​

الزين:مسموحه يا امينه مسموحه​

امينة:بس انا مابي شي من هالدنيا غيررر شوووفة بنتييي ضييييي​

عبداللطيف:لا الحين حسيتي فبنتج الحين متي على شوفتها ​

امينة طالعت الزين:الزين انتي ام واكيد فاهمتني ...ومسكت ايدها وقعدت تبوسها:والي يسلمج خليني اشوفها​

الزين وخرت ايدها على طول:لا امينه انشالله بتشووفينها بس هيا الحين ناايمة​

امينة:ابي انام عندها !!!​

عبداللطيف:لا عاد مص...قاطعته الزين وهي تطالعه:عبداللطيف خلاص عاد خلها​

امينة لمت الزين حيل :مشكوره الزين وايد والله مراح انسالج هالمعروف

 

[miss 3yara]

بعد مرور 5 سنين​

ـــــــــــــــــــــــــــــــــــــــــــــــــــــ​

عرس ​

(فجر و بدر)​

ـــــــــــــــــــــــــــــــــــــــــــــــــــــــ​

بحطلكم ابطالنا شلابسين​

ام احمد (ام المعرس )​

[url=http://www.0zz0.com]

[/url]​

ام جراح(ام العروس)​

[url=http://www.0zz0.com]

[/url[/COLOR][/URL]]​

شيخة(كانت توها مالجه على ولد رفيجة امها) وتغيرت حييل بس ليلحين شايله بقلبها على فجر​

[url=http://www.0zz0.com]

[/url[/COLOR][/URL]]​

الزين الي عيالها كبرو وصارو اعمارهم 5 سنين وعندها بعد الحين الجود عمرها 3 سنين وضيونه كبرت وصار عمرها 13 سنة يعني بسابع وتغيرت حيييل صارت نسخه من امينة وامينه ياها الشين وتوفت صار لها سنتين تقريبا والزين موبس صايرة حق ضي الام صارت لها الاخت قامت تقول كل اسرارها حقها وضي ماتستحي منها كلش وكل شي تقوله وتنادي الزين يما J ​

[url=http://www.0zz0.com]

[/url[/COLOR][/URL]]​

فرح بس عندها روح الي عمرها 4 سنين ونص بعد شهر تقريبا يصير عمرها 5 وكلها فرح تشبها وايد ومرزوق الي صار عمره 7سنين بثانيه ابتدائي ينن صاير يشبه الطاف وايد بس كصفات وشخصيه حمممد وليلحين مايدري بقصة امه عباله فرح اهي امه J وفرح ماتفكر بموضوع الحمل نهائيا تعقدت من سالفة ولادتها بروح وحمد راضي ومكتفيه بمرزوق وروح هما كل حياتها​

[url=http://www.0zz0.com]

[/url[/COLOR][/URL]]​

وكانت حاطه نفس ميك اب هيفاء وهبي وكانت صج صاكه عالكل بالعرس​

ومنار الي توها وافقت على عبدالرحمن وبعد جم اسبوع ملجتها وبيسون حفلة محفوفه بين الاهل بس​

[url=http://www.0zz0.com]

[/url]​

​

ـــــــــــــــــــــــــــــــــــــــــــــــــــــــــــــــــــــــــــــــــ​

الزين:الحين تلقين عيالنا ميننين الهام وعلياا​

فرح:لاتحاتيين الهام تحب اليهال​

الزين :كااهي شجون بنت خال فجر عاد ويع فجور تقول مغروره وشايفه نفسها وبالزواره سعود سوالي وسعود حط لي ​

فرح ساكته وتطالع شجون​

ـــــــــــــــــــــــــــــــــــــــــــــــــــــــــــــــــــــــ​

شجون تصير بنت خال فجر(صج الكويت صغيرة) سعود ماننكر ان حبها بس ليلحين موقادر ينسى فرح شجون عندها بنيه اسمها فرح عمرها 3 سنين سعود سماها اعترضت بالبدايه وتهاوشو على هالسالفه بس بالاخير كلمة سعود اهيا الي تمشي​

[url=http://www.0zz0.com]

[/url[/COLOR][/URL]]​

ـــــــــــــــــــــــــــــــــــــــــــــــــــــــــــــــ​

شجون كانت لابسه تراجي وقلب وخاتم مكتوب عليهم (سعود)وكانت متعمده عقب ماسلمت عالحريم وخلصت راحت صوب الزين وفرح وسلمت عليهم​

شجون:اشلوونج فررح​

فرح:الحمدالله بخير ​

شجون:عسى دووم انشالله​

ــــــــــــــــــــــــــــــــــــــــــــــــــــ​

وعالساعه 11 دخلت العروسه فجر وكانت صج صج تينن كبرت وتغيرت وعمرها صار 25 سنة كانت جميله بمعنى الكلمه وكل شي فيها ناعم حتى نفنوفها​

[url=http://www.0zz0.com]

[/url[/COLOR][/URL]]​

وولابسه قلب صغير مكتوب عليه(بدر) ​

ــــــــــــــــــــــــــــــــــــــــــــــــــــــ​

وباركو لها وصورو معاها​

فرح:الف الف مبروك فجوره​

فجر:الله يبارك فيج​

فرح:شوفي عاد حطي ولدي بعيونج​

فجر ضحكت بدلع:انشالله​

ويت شيخه صوب اختها ولمتها حييل ​

شيخه:اسفه فجور وايد​

فجر:انا مسامحتج شيوخ واحنا عيال اليوم​

ــــــــــــــــــــــــــــــــــــــــــــ​

والساعه 12 دش بدر وكان وايد شاد حيله لوول بدر طلع ويها صاير احلى من قبل وكبر وصار عمره 26 سنة(شفتو اشلون السنين تمشي بسرعه :p ) وليييي يووومكم ينادي فرح ماماتي لووول وعادي يناديها جدام حمد ماماتي فوفوتي ويغازلها جدام حمد اصلا حمد صارت عنده مناعه لوووول وحتى فجر قامت ماتغار من فرح نفس الاول دشو وياه فرقه بلال الشامي ​

ام احمد اول ما شافت ولدها جعدتها شمعة البيت على قولتها داش وهو وبشته ومعرس دمعت عينها والزين قربت صوب امها ولمتها:بس ماما انتي موت منيتي انج تشوفين بدور معرس كاهو جدامج​

فرح تشوف بدر وهو يمشي فدشداشته وبشته وعيونها تدمع كانت صج تحس بدر ولدها وتذكرت ​

ــــــــــــــــــــــــــــــــــــــــــــــــــ​

خنرد ذاكرتنا لورا لورا لورا واااايد يعني لوول​

كان عمر فرح 17 سنة وبدر عمره 10 سنين​

وفرح كانت رايحه عند الزين يدرسون ويا بعض وبدر بيروح عرس ويا ابوه دش عليهم الغرفة بدشداشته وبشته كان شكله يشوق​

بدر بصوته الناعم (بدور يوم كان صغير كان صوته ناعم شوي لوول يشوق):ماما فرح اشرايج فيني​

فرح:واااي وازين ولدييي اتينن​

الزين:حدج واثقه فروح ان ولدج​

فرح تلمه حيل:اشعليج انا ولدي ننياز صح بدوري​

بدر:صاااااااااح​

فرح:تعال حبيبي اقرا عليك المعوذات انشالله اقراهم عليك بعرسك قوول امين​

بدر طالعها وابتسم وطلعت غمازاته:اميييين​

ـــــــــــــــــــــــــــــــــــــــــــ​

وصج لما طلعو الرياييل قربت صوب بدر وحطت ايدها على يبهتها وقعدت تقرا عليه المعوذات والكل استغرب منها واولهم فجر​

بدر يطالعها​

فرح لما خلصت دمعت عيونها:الف الف الف الف الف مبرووك يا احلى بدر بهالدنيا​

بدر:اوف اوف ليشه الدموع والله ازعل​

فرح تمسح دموعها:والله مومصدقه ​

بدر:انزين خلاص مسحيهم والله ازعل​

الزين وهي تيي يم فرح:ينقلبها مناحه تعالي...ولمتها حيل​

ــــــــــــــــــــــــــــــــــــــــــ​

بعد مرور يومين​

ـــــــــــــــــــــــــــــــــــــ​

عند الزين ​

كانت ماره صووب غرفة ضي ولاتشوفها ماسكه صورة امها وتبجي​

دشت عليها الزين:ضي​

ضي على طول مسحت دموعها وخشت صورة امها تحت المخده:نعم​

الزين:تعالي..ضي على طول نطت بحضن الزين​

الزين خنقتها العبره:انا امج انا اختج انا صديقتج انا كل شي​

ضي:احبج يما​

الزين ساكته ولامتها حيل​

ولايدشوون سعود وحمود وغانم الي لابسين لبس ابطال النينجا بأيدهم سيوف واشكالهم تموت من الضحك​

سعود الي اكبر واحد فيهم كل واحد اكبر من الثاني ب10 دقايق x_x:من هووو القاااتل​

ولا تيي الجود الي لابسه كعب امها:انا الي تتلته(قتلته)​

حمود:هيا نأخذها الى السجن​

غانم:هيااا​

الزين:وييي ياقردي شمهببين انتووو​

سعود:امي انتي ليس لكي دعوه بنا​

الزين:هاو حرفت بأم اللغه العربيه​

ولاعبداللطيف داش:شمسوين عيالج قالبين البيت فوق تحت​

الزين:اسألهم​

ضي تضحك:يبا اخواني وايد عايشين الدور ومسوين رسوم متحركه​

عبداللطيف:فديتهم عيالي تعالو تعالو بحضن ابوكم​

((وهذيلا الزين وعبداللطيف حياتهم رسوم متحركه على قولة ضي كل يوم عيالهم طالعين بشي يديد وحياتهم عسل بعسل الله لايغير عليهم))​

ــــــــــــــــــــــــــــــــــــــــــــــــــــــ​

منار كانت طالعه ويا عبدالرحمن ويتمشون عالبحر​

عبدالرحمن:وين تبين نروح شهر العسل​

منار:مادري ماودي نسافر​

عبدالرحمن:وانا ودي اشلون​

منار:خلاص عيل نروح تايلاند​

عبدالرحمن:تايلاند تايلاند خوش​

منار طالعته وابتسمت​

عبدالرحمن:احبج​

منار:عياار​

عبدالرحمن:اقولج احبج​

منار:عيااار اقولك​

عبدالرحمن بصوت عالي:يباااااااااااااا احببببببببببببببببببج​

منار ضحكت:يا المينون انا اموت فيك​

(منار وعبدالرحمن مانقول غير الله يتمم عليكم)​

ــــــــــــــــــــــــــــــــــــــــــــــــــ​

شرم الشيخ​

فجر قاعده عالتراب وبدر حاط راسه بحضنها​

بدر:فجورتي​

فجر:عيون فجورتك​

بدر:مومصدق ان تزوجنا X_X​

فجر ضحكت وقعدت تلعب بشعره:لا صدق صدق​

بدر:اقوول بوووالشباااب​

فجر تخشن صوتها:هاا بدور​

بدر يقوم:قوومي قومي خنتسبح بالبحر شووي​

فجر:مالي خلق​

بدر قام:اقولج قومي​

فجر:اقولك مالي خلق​

بدر:مالج خلق هاا...وشالها ​

فجر تصرخ:نزلني يا المينون​

بدر يركض:ماني منزلج​

ليما وصل البحر وحذف فجر​

فجر :امبيييييييه انا اعلمك​

بدر وهو يطشر على فجر ماي:جب جب انتي لابسه مايوه لابسه​

فجر:واي زيين مينون احبك..وطشرت عليه ماي​

بدر طشر عليها ماي بعد:اموت فيج يا الخبله​

(بدر وفجر مهما يكبرون بيضلون خبال لوول وعسى الله يخليهم لبعض ولايفرقهم)​

ــــــــــــــــــــــــــــــــــــــــــــــــــــ​

اما عند فرح وحمد وعيالهم روح ومرزوق​

روح:انا ابي ماكدونالدز​

مرزوق:انا ابي برقر كينق اشلووون​

فرح:وااي بس خلصتوو​

روح ومرزوق قعدو يطالعو بعض​

ولا حمد داش:اشفيها الحلوه زعلانه​

فرح ماده البوز: عيالك يننوني​

حمد راح صوبها ولمها من ورا:ليش تيننوون الماما​

مرزوق:يبا انا ابي برقر كينق وروحو تبي ماكدونالدز​

حمد:خلاص يبا نييب لكم من ال2 بس لاتزعلون امكم ولاتنرفزونها​

فرح ماسكه ايد حمد:حمد​

حمد باس ايد فرح وخدها:عيونه​

فرح:انا حامل !!!
حمد بقق عيونه:حلفيي​

فرح:والله :$:$:$​

حمد:عيااااااااااااااالييييييييييييييييي​

روح ومرزوق:هااااااااااااااااااا(عادي عيالهم مايستحوون لوول كله جي)​

حمد:امكم حاامللللللل ​

روح ومرزوق على طول نطو على فرح ولموها حيل وحمد قرب صوبهم ولمهم وباسهم وقال:عسى الله لا يحرمني منكم​

وهذي كانت نهاية فرح نهاية سعيده وحلوه اتمنى ان الروايه عجبتكم واتمنى انها كانت خفيفه عليكم وسامحوني اذا قصرت وياكم او اذا تأخرت وبس سامحوني عالقصور والي حابه تنقل الروايه بليز بليز تنقلها مع ذكر اسمي(على فكرة نهاية الروايه كانت غير غير يعني حزينه بس قلت ملينا من الحزن وانتو كاسرين خاطري لوول فخليتها سعيده)عاد يالله الحين ابي احلى الشخصيات واحلى حدث بالروايه وابي انتقاداتكم J​

 

[miss 3yara]

بنات البارت قسمته لكم على شكل اجزاء لان ماينزل كامل وتكملته بصفخة 114

 

[miss 3yara]

وي صور النفانيف ماطلعو باجر احطهم :$ لاني دايخه حدي يالله تصبحون على خير

 

[mantoosha]

واااااااااااااااااو
روااااية تينن واسلوبج وايد حلووو
يعطيج الف عافيه وناطرين يديدج

 

[PriNceSs RoRa]

A9oooul wrbiiiii entayyyyy Ebdaaaaaaaaaaaaaaaaaaaaaaaaaaaa3
Esloubch 7d oma raw3a
A7biiich walla
And el,rwaya dam katbt,ha hal,anaaaml akeed raw3tain ba3ad
Na6reein ydedch 3la a7r min jmrrrrrr
7yatiii bdooour :$
Frou7 and 7amad zoqa
Zaiyoun w l6ouF ya 7lat,houm
Mnoour 7dha kasra 5a6rii bs zain 7lwa nhayt,ha
S3ooud a7bbbbbbbbbba :$
Shjoun akrh,ha 8-|

W bth :$

 

[عثمان حبي]

تهبببل يعطيج العافيه اما عالشخصيات... فرح وحمد صج بدايتهم مو شئ كلش بس صج مو كل شئ يجي بسهوله الحب مو بالسهوله نحس فيه .....وكل شئ يجي بسرعه يروح بسرعه فا لهالسبب حبته وحبها احب جذي وناااسه.... ياحلاتج يالزيين احب شخصيتها وعبداللطيف هم روحه حلوه ... اما بدر وفجر يازيييييينهم .... سعود ياحلات الوفى اللي عندك حبيييته.... بالنهايه اشكرج على هالروايه​

 

[toutiiii <3]

Wansaaaaaaaaah

Awl Shy Y36ech 1000 3afyah W Ma Ga9artyy

W A7lah Ba6al : Baderr
W Fajer 7di 7abet'houum

W a7lah 7adath lamah Fara7 3ind el.zain w bader kan 3oumrah 10


W El.Rwayah Kelha 7lwah

W 9jj Mshkourah W Na6renich B Rwayah Ydeda ;*

 

[miss 3yara]

واااااااااااااااااو
روااااية تينن واسلوبج وايد حلووو
يعطيج الف عافيه وناطرين يديدج

يا حياتي
الله يعافيج

 

[miss 3yara]

A9oooul wrbiiiii entayyyyy Ebdaaaaaaaaaaaaaaaaaaaaaaaaaaaa3
Esloubch 7d oma raw3a
A7biiich walla
And el,rwaya dam katbt,ha hal,anaaaml akeed raw3tain ba3ad
Na6reein ydedch 3la a7r min jmrrrrrr
7yatiii bdooour :$
Frou7 and 7amad zoqa
Zaiyoun w l6ouF ya 7lat,houm
Mnoour 7dha kasra 5a6rii bs zain 7lwa nhayt,ha
S3ooud a7bbbbbbbbbba :$
Shjoun akrh,ha 8-|

W bth :$

يابعد عمري وانا اموت فيج :eh_s(22):
حبيبتي
اي عسى الله لايفرقهم
اي
ينن سعود
لوول
حياج الله حبيبتي انتي