سوري يا بنات طولت عليكم
البارت السادس عشر:
علي رد البيت وسيييده راح حق عبير يشوف رايها.. عبير كانت قاعده بغرفتها تقرا مجله
عبير: هلا علي
علي: طمنيني اشصار
عبير: والله يا علي شقولك .. امي ماعجبتها
علي: ليش
عبير: امي تقول انك ضعيف وقصير وفاطمه وايد ضخمه عليييك اطول منك وامتن منك
علي: اشعليها دام انا ابيها وعاجبتني
عبير(عصبت): رووح قولها هالحجي .. قولها انك تبيها
علي: لا انا اشلون اقولها
عبير: خلاص علي خل البنت تشوف نصيبها
علي: بس انا احبها !!
عبير (تنهدت): علي صج انا اصغر منك .. بس اسمع سوالف من البنات وايد .. ترا الحب مو كل شي .. اشدراك عن البنت اذا ماكانت تلعب عليك ولا اشتبي بواحد مثلك !! ما سألت نفسك هالسؤال ؟
علي: ليش يعني انا اشفيني اشناقصني
عبير: علي ناقصك الشهاده .. بنات هالايام قاعده معاهم والجامعيه ماتبي الا جامعي.. والبنات هاليومين لهم المظاهر يبون يتفاخرون برياييلهم جدام رفيجاتهم .. بس اهي اكيد فيها شي ولا ليش تبيك
علي: شنو يعني فيها .. اهي تحبني عشان جذي ماتفكر بسخافاتج
عبير: علي روح كلم امي انا ما اقدر عليها وانا رايي من رايها .. انا اشوفها ماتناسبك .. اصلا ماكو تكافؤ بينكم
علي طلع من غرفتها معصب .. راح غرفته ومحتار مايدري شيسوي .. يكلم امه ولا شلون يتصرف .. دق على فاطمه واهو متضايق وقالها راي امه فيها
فاطمه ضاقت فيها الوسيعه وعلى طول دقت على مريم … مريم كانت واعيه وفاهمه وتعرف تتصرف وفاطمه ترتاح معاها
مريم: هدي فطووم خليني اعرف افكر
فاطمه: شنو يعني شسوي
مريم: فاطمه بقولج شي بس لا تزعلين .... الريال اهو اللي لازم يسوي ويتصرف
انا عندي ثقه تااامه انه الريال لو بغى بنت يتحدى العالم كله وياخذها غصبن عالكل .. فانا اشوف علي مو الريال اللي يحبج
لانه لو في حب حقيقي .. جان ما سكت جان راح حق امه وقال ابيها
جان طق العالم كله بالطوفه وقال هذي زوجتي وحبيتي
جان راح قال لامه وابوه عيالي ابيهم من فاطمه ومو من غيرها
بس للاسف هذا خايف !!
فاطمه: لا انا اعرف عليوي يتردد وايد ..
مريم: شلون يعني يتردد مهو ريال وكلمته بيده ..
فاطمه: امبلا بس علي يقول انه بينطر شوي
مريم: خلاص نطري السالفه تبرد وشوفيه اشبيسوي ..
دق احمد على مريم شاف عندها ويتنق وطولت على ماردت .. لانها كانت تسولف مع فاطمه ويحاولون يدبرون لهم حل
مريم: فطوم سالفتج مالها حل .. خليه اهو يحلها يقول حق امه
فاطمه: مايقدر لانه امه ماتدري انه يعرفني
مريم: عيل خلي عبير تقنعها انج خوش بينه وراح تسعدينه
فاطمه: أي بس علي يقول انه عبير مع امها بالراي ..
مريم: واي فطوم الصبي لا يقدر يعني على امه ولا اخته مو معقوله دام قال حق اخته عنج اكيد يقدر يقنعها عشان تقنع امه .. انزين سمعي انا بروح اكلم احمد شوي لانه كان داق علي بعدين اكلمج ..
فاطمه: اوكي باي
دقت مريم على احمد
احمد (معصب): ها توج خلصتي .. اخذي راحتج ماحبيت اخثج
مريم: لا احمد بس هذي فاطمه وصايره سالفه قاعدين نحلها
احمد(بطنازه): عسى حليتوها
مريم: احمد اشفيك جنك مو مصدق !!
احمد: لا مصدق .. كل هذا سوالف
مريم(تنرفزت): اوووه احمد قتلك صايره سالفه يعني شنو البنت ماتتكلم بالتليفون الا مع واحد ولا الموبايل بس حطوه حق المغازل .. يعني البنت ماتحتاج تسولف مع رفيجاتها وتفضفض اللي بقلبها ولا شنو .. يعني لو ادق عليك واشوف عندك ويتنق بشك فيك يعني تكلم .. لا بقول يكلم اهله .. ربعه أي احد بس انتو الشباب ..
احمد: بس بس كليتيني .. اسفه يبا
مريم: أي عبالي بعد .. المهم شلونك
احمد: الحمدلله توه ابوي يقول بيروح الحسا ( الاحساء) مع امي واخوي وخواتي .. ويبيني الحقهم بالويد اند الياي
مريم: ليش خير انشالله
احمد: ماكو ملجت ولد عم ابوي << احمد كويتي بس عندهم عيال عم سعودييين
مريم: عالبركه .. الفال حقك
احمد: عاد تصدقين امي تقول تعال عشان يشوفونك واشوفلك وحده من بناتهم الحلوات
مريم (غارت): أي خل امك تنقيلك اختيار الاهالي صحيح
احمد: ليش وين كلامج قبل عن الحب و الزواج عن طريق الحب واحلامج
مريم: صارت بالباي باي .. هههههههه
احمد(بجديه): بس انا غيرت نظرتي مابي امي تخطبلي ابي اتزوج وحده اعرفها
مريم: ليش شلي تغير
احمد: ولا شي بس كبرت وعقلت ههههههههههههه
كملو سوالفهم ...واحمد نوعه يسولف وايد ونقاشاته مع مريم حلوه لانه وجهات نظرهم متقاربه واثنينهم صايرين نفس التفكير.. يسولف عن كل شي ومريم وايد تاخذ رايه و تسأله عن معلومات بالشغل وغيره ..
فخذت رايه بسالفت فاطمه وعلي بدون ذكر اسمائهم
احمد: عدل كلامج يا مريم .. الريال قد كلمته لازم يكون وماكو شي يرده .. يعني لي بغى شي يسويه
مريم( ارتاحت لطريقه تفكيره): أي عشان جذي انا قتلها خليه اهو يتصرف
احمد: ونعم الراي
صار باجر الظهر ورتاج على موعد مع حسين
رتاج تجرات شوي ودقت على حسين وهالمره كسرت جدار الصمت وتكملت
رتاج: الو انا يايه الحين
وسكرته
حسين تعجب شلون تكلمت معاه
ورتاج نفسها متعجبه من نفسها شلون تجرات بس لانها بينها وبين نفسها ملت من هالحاله اللي اهي فيها
دزلها مسج: صوتج اينن .. انا حطيت الاغراض لمن توصلين البيت اخذيهم ودقي علي
وصلت رتاج ..
نزلت الحديقه افتحت البوكس لقت ظرف متفوخ شوي .. خذته وركبت السياره ركض
البارت السادس عشر:
علي رد البيت وسيييده راح حق عبير يشوف رايها.. عبير كانت قاعده بغرفتها تقرا مجله
عبير: هلا علي
علي: طمنيني اشصار
عبير: والله يا علي شقولك .. امي ماعجبتها
علي: ليش
عبير: امي تقول انك ضعيف وقصير وفاطمه وايد ضخمه عليييك اطول منك وامتن منك
علي: اشعليها دام انا ابيها وعاجبتني
عبير(عصبت): رووح قولها هالحجي .. قولها انك تبيها
علي: لا انا اشلون اقولها
عبير: خلاص علي خل البنت تشوف نصيبها
علي: بس انا احبها !!
عبير (تنهدت): علي صج انا اصغر منك .. بس اسمع سوالف من البنات وايد .. ترا الحب مو كل شي .. اشدراك عن البنت اذا ماكانت تلعب عليك ولا اشتبي بواحد مثلك !! ما سألت نفسك هالسؤال ؟
علي: ليش يعني انا اشفيني اشناقصني
عبير: علي ناقصك الشهاده .. بنات هالايام قاعده معاهم والجامعيه ماتبي الا جامعي.. والبنات هاليومين لهم المظاهر يبون يتفاخرون برياييلهم جدام رفيجاتهم .. بس اهي اكيد فيها شي ولا ليش تبيك
علي: شنو يعني فيها .. اهي تحبني عشان جذي ماتفكر بسخافاتج
عبير: علي روح كلم امي انا ما اقدر عليها وانا رايي من رايها .. انا اشوفها ماتناسبك .. اصلا ماكو تكافؤ بينكم
علي طلع من غرفتها معصب .. راح غرفته ومحتار مايدري شيسوي .. يكلم امه ولا شلون يتصرف .. دق على فاطمه واهو متضايق وقالها راي امه فيها
فاطمه ضاقت فيها الوسيعه وعلى طول دقت على مريم … مريم كانت واعيه وفاهمه وتعرف تتصرف وفاطمه ترتاح معاها
مريم: هدي فطووم خليني اعرف افكر
فاطمه: شنو يعني شسوي
مريم: فاطمه بقولج شي بس لا تزعلين .... الريال اهو اللي لازم يسوي ويتصرف
انا عندي ثقه تااامه انه الريال لو بغى بنت يتحدى العالم كله وياخذها غصبن عالكل .. فانا اشوف علي مو الريال اللي يحبج
لانه لو في حب حقيقي .. جان ما سكت جان راح حق امه وقال ابيها
جان طق العالم كله بالطوفه وقال هذي زوجتي وحبيتي
جان راح قال لامه وابوه عيالي ابيهم من فاطمه ومو من غيرها
بس للاسف هذا خايف !!
فاطمه: لا انا اعرف عليوي يتردد وايد ..
مريم: شلون يعني يتردد مهو ريال وكلمته بيده ..
فاطمه: امبلا بس علي يقول انه بينطر شوي
مريم: خلاص نطري السالفه تبرد وشوفيه اشبيسوي ..
دق احمد على مريم شاف عندها ويتنق وطولت على ماردت .. لانها كانت تسولف مع فاطمه ويحاولون يدبرون لهم حل
مريم: فطوم سالفتج مالها حل .. خليه اهو يحلها يقول حق امه
فاطمه: مايقدر لانه امه ماتدري انه يعرفني
مريم: عيل خلي عبير تقنعها انج خوش بينه وراح تسعدينه
فاطمه: أي بس علي يقول انه عبير مع امها بالراي ..
مريم: واي فطوم الصبي لا يقدر يعني على امه ولا اخته مو معقوله دام قال حق اخته عنج اكيد يقدر يقنعها عشان تقنع امه .. انزين سمعي انا بروح اكلم احمد شوي لانه كان داق علي بعدين اكلمج ..
فاطمه: اوكي باي
دقت مريم على احمد
احمد (معصب): ها توج خلصتي .. اخذي راحتج ماحبيت اخثج
مريم: لا احمد بس هذي فاطمه وصايره سالفه قاعدين نحلها
احمد(بطنازه): عسى حليتوها
مريم: احمد اشفيك جنك مو مصدق !!
احمد: لا مصدق .. كل هذا سوالف
مريم(تنرفزت): اوووه احمد قتلك صايره سالفه يعني شنو البنت ماتتكلم بالتليفون الا مع واحد ولا الموبايل بس حطوه حق المغازل .. يعني البنت ماتحتاج تسولف مع رفيجاتها وتفضفض اللي بقلبها ولا شنو .. يعني لو ادق عليك واشوف عندك ويتنق بشك فيك يعني تكلم .. لا بقول يكلم اهله .. ربعه أي احد بس انتو الشباب ..
احمد: بس بس كليتيني .. اسفه يبا
مريم: أي عبالي بعد .. المهم شلونك
احمد: الحمدلله توه ابوي يقول بيروح الحسا ( الاحساء) مع امي واخوي وخواتي .. ويبيني الحقهم بالويد اند الياي
مريم: ليش خير انشالله
احمد: ماكو ملجت ولد عم ابوي << احمد كويتي بس عندهم عيال عم سعودييين
مريم: عالبركه .. الفال حقك
احمد: عاد تصدقين امي تقول تعال عشان يشوفونك واشوفلك وحده من بناتهم الحلوات
مريم (غارت): أي خل امك تنقيلك اختيار الاهالي صحيح
احمد: ليش وين كلامج قبل عن الحب و الزواج عن طريق الحب واحلامج
مريم: صارت بالباي باي .. هههههههه
احمد(بجديه): بس انا غيرت نظرتي مابي امي تخطبلي ابي اتزوج وحده اعرفها
مريم: ليش شلي تغير
احمد: ولا شي بس كبرت وعقلت ههههههههههههه
كملو سوالفهم ...واحمد نوعه يسولف وايد ونقاشاته مع مريم حلوه لانه وجهات نظرهم متقاربه واثنينهم صايرين نفس التفكير.. يسولف عن كل شي ومريم وايد تاخذ رايه و تسأله عن معلومات بالشغل وغيره ..
فخذت رايه بسالفت فاطمه وعلي بدون ذكر اسمائهم
احمد: عدل كلامج يا مريم .. الريال قد كلمته لازم يكون وماكو شي يرده .. يعني لي بغى شي يسويه
مريم( ارتاحت لطريقه تفكيره): أي عشان جذي انا قتلها خليه اهو يتصرف
احمد: ونعم الراي
صار باجر الظهر ورتاج على موعد مع حسين
رتاج تجرات شوي ودقت على حسين وهالمره كسرت جدار الصمت وتكملت
رتاج: الو انا يايه الحين
وسكرته
حسين تعجب شلون تكلمت معاه
ورتاج نفسها متعجبه من نفسها شلون تجرات بس لانها بينها وبين نفسها ملت من هالحاله اللي اهي فيها
دزلها مسج: صوتج اينن .. انا حطيت الاغراض لمن توصلين البيت اخذيهم ودقي علي
وصلت رتاج ..
نزلت الحديقه افتحت البوكس لقت ظرف متفوخ شوي .. خذته وركبت السياره ركض
التعديل الأخير:
