رفيجات والقدر واحد

[b6ooo6a*_*]

يلا طولتييييييي

 

[um-aljod]

البارت الثالث عشر:


حسين: رتاج حبيبتي شوفي خليني اصارحج بشي

رتاج: قووول



حسين: رتاج انا يمي بنات وايد بالعايله .. بالشغل .. بكل مكان ووحده احلى من الثانيه وكلهم يتمنون قربي وانا عارف هالشي ... انا مثل ماقتلج مواصفاتي .. وعندي شهاده وبكمل ماستر وخير ابوي مغطينا يعني كلش ماعلي قاصر .. ولمن نويت احب بغيت وحده تحبني عشان شخصيتي مو عشان حسين ولد ..... ولا عشان حسين عنده فراري ولا عشان حسين عنده وعنده .. عرفتي عشان جذي فضلت اني اتعرف على وحده من النت لا اعرفها ولا تعرفني ولا شايفتني

رتاج: أي بس احنا الحين حبينا بعض خلاص شالمشكله انك ...

حسين: خلاص ولا يصير بخاطرج بدزلج صورتي

رتاج: اوكي انطر

حطلها صوره بس من بعيييد ماتبين عدل

رتاج: حسين مايبين عدل

حسين: أي هذي بالنمسا بس ماعندي صور هني مره ثانيه انزلهم وادزلج

رتاج: اوكي حبيبي







علي كلم اخته عن فاطمه .. (اخت علي بنت على نياتها عمرها 20 تدرس بالجامعه)

عبير: بس شنو اقولها

علي: بعد انا اعلمج بسوالف الحريم.. قوليلها أي شي تصرفي

عبير: انزين الحين ادق

فاطمه قاعده عند التليفون ناطره شوي ولا يدق رقم غريب فز قلبها

فاطمه: الو

عبير: الو السلام عليكم شلونج فاطمه

فاطمه: وعليكم السلام .. الحمدلله منو معاي

عبير: انا عبير اخت علي واتوقع علي قالج اني بدق عليج

فاطمه( مستحيه): أي قالي

عبير: والله يا فاطمه انا داقه اتعرف عليج اكثر لانه ان شاءالله ناوين نخطبج حق علي وتدرين مالازم امي تعرف بعلاقتكم فعشان جذي بتصيرين من طرفي

فاطمه: أي ان شالله .. بس يا عبير قبل كل شي حبيت ابينلج انا شنو تربيتي وصدقيني تعرفت على على بالصدفه ومو نوعي جذي

عبير : ادري ادري .. فاطمه اشرايج تيين عندي البيت انا عندي شويه مكياج من برا اذا تحبين .. منها اشوفج وهمن اخلي امي تشوفج

فاطمه: ويي فشله

عبير: لا بالعكس ترا امي حبوبه ماعرفتيها .. وانا ماني قايلتلها شي .. بس بقولها تعالي شوفي رفيجتي اللي بخطبها حق علي .. وطبعا يعني انتي ماتدرين

فاطمه: ان شالله متى يناسبج

عبير: حياج الله باي وقت البيت بيتج يا مرت اخوي

فاطمه: خلاص اشوف رفيجتي واقولج

عبير: ناطرتج انا بروح اكلم امي الحين



فاطمه: اوكي نشوفج على خير



عبير انزلت حق امها تقولها .. وابوها كان قاعد

عبير: يمه بقولج شي

ام علي: قوولي

عبير: يمه في وحده رفيجتي اتينن خووووش بنت ودي نخطبها حق علي

ام علي: ويي هذي الساعه المباركه .. يوم لمنى اللي اخطبله

بوعلي: بس علي للحين ماتخرج من الدوره

عبير: ماعليه يبا خل امي تشوفها بالاول بعدين يصير خير

ام علي: اييي عادي كلها جم شهر ويتخرج .. واحنا على ما نتفق مع الاوادم

بوعلي: خير انشالله ,.. بس ماقلتيلي يا يبه عساها بس من حموله طيبه

عبير: أي يبا ابوها عيسى ال ... <<< طبعا ابو فاطمه ريال معروف بالمسايد والاماكن الديينه ريال لحيه غانمه .. معروف بالاخلاق والقيم ويعطي محاضرات

بوعلي: والنعم والنعم والله ونعم الاختيار

عبير: يما البنت بتيي البيت تشوف بضاعتي لي يت تعالي وشوفيها

ام علي: انشالله بس انتي مو تقولينلها شي .. خليها على طبيعتها .. مابيها تتصنع عشان نشوفها شلون صايره

بوعلي: مايبيله قول دام بنت عيسى اكيد مربيها عدل

عبير: أي يبا والله البنت ذهبه تينن

بوعلي : الله يكتب اللي فيه الخير والصالح



فاطمه بهاللحظات دقت على مريم عشان تروح معاها بيت عبير

مريم: اليوم ما اقدر

فاطمه:مريوموووه عاد اشعندج؟

مريم: بصراحه بشوف احمد

فاطمه: حتى انا بشوف علي وبعطيه هديه شاريتها .. بس نروح شوووي ونطلع مانطول

مريم: بس مبجر لاني حتى لمن بشوف احمد ما بي اتاخر

فاطمه : اوكي عقب صلاة المغرب على طووول تلاقيني عندج ولا تدرين اشللون انا الحين بتسبح واتعطر واتزهب وايي اصلي عندج ونطلع

مريم: يما منها مستعيله على شوفت الحما ههههههههه اوكي

فاطمه: مريووم طلبتج لا تتكشخين وايد وجكري روحج عشان امه ماتطالعج

مريم: وييييع عاد مالقيتي الا انا شبي فيه القزم

فاطمه: هيي مريوم تراب يصير ريلي

مريم: لي صار ريلج بعدين احترمه ههه

فاطمه: ماعليه مقبوله منج حسابج بعدين يالله باااي

مريم: باي



مريم دقت على احمد تقوله .. قالها اوكي بس تخلصين منها قوليلي

صار المغرب صلو واطلعووو

بالسياره ..

فاطمه: مريوم انا خايفه امبي قلبي يدق بسرعه

مريم: هههههه الله يعينج .. حاسه فيييج من كثر خطابي صار عندي عااادي ههههه ما قمت اخاف

فاطمه: الخطيب غير الحبيب

مريم: والله قمتي تشعرين بعد انزين انزين انتبهي عالدرب لا تودينا بداهيه

فاطمه: كاهو هذا بيتهم .. هذي سيارت علي واقفه خل ادق عليه

مريم: ويييه بعد اشحقه تدقين امشي ننزل وندق الجرس ونسأل عن عبير

فاطمه: أي صح .. والله انا لولاج مادري شسوي.. محد مقويني غيرج

انزلو دقو الجرس

 

[um-aljod]

بنات انا باجر بروح الشاليه وبرد السبت يمكن ما انزل بارتات بس بحاول باجر من الصبح اقوم وانزلكم بارت

والسبت لي رديت انزلكم بارتين تعويض



لا تنسون تعطوني رايكم مو بس بالشباب حتى بالبنات

 

[um-aljod]

محد علق


بس لاني وعدتكم قبل ما اروح الشاليه انزلكم بارت



:eh_s(17):


البارت الرابع عشر:

فاطمه: كاهو هذا بيتهم .. هذي سيارت علي واقفه خل ادق عليه

مريم: ويييه بعد اشحقه تدقين امشي ننزل وندق الجرس ونسأل عن عبير

فاطمه: أي صح .. والله انا لولاج مادري شسوي.. محد مقويني غيرج

انزلو دقو الجرس

وزادت دقات قلب فاطمه

افتحت لهم الخادمه الباب

ادخلو بالدوانيه

شوي ادخلت عليهم بنت نعووومه مثل علي وتشابهه

فاطمه: انتي عبير

عبير : أي انتي فاطمه

سلمو على بعض ويابت جنطتها وورتهم بضاعتها

وفاطمه مستحيه ما جاست شي .. بس مريم قاعده تقلب بالبضاعه وتسولف مع عبير تسألها عشان تخفف من توتر فاطمه وقاعده تلطف الجو

شوي واهم يشوفون

دشت عليهم مره متوسطه العمر شايله صينيه عصير .. وسلمت وماقالت ولا كلمه بس ويها ماكانت مستانسه قدمت العصير واطلعت

عبير: هذي امي

فاطمه ( ابتسمت)

عبير حست انه امها فيها شي .. مو هذي امها اللي كانت مستانسه بخبر خطبة علي

فاطمه ومريم عشان لا يتاخرون شروو منها شوي مكياج واطلعو

بالسياره هدووووء

مريم: فطوم اشرايج؟

فاطمه ( متوتره): مادري

مريم: ترا حسيت امه الشر يتطاير من عينها

فاطمه: أي هذا الي حسيته بس عبير قالتلي امهم طيبه وحليوه

مريم: ماكو بنت بتقول عن امها شريره .. بعدين لا نسبق الاحداث .. يلا خلينا نروح وقوليلي شيصير معاج

فاطمه: اوكي ... تبين اوديج حق احمد

مريم: لا قطيني البيت اروح بسيارتي عشان ما اتاخر

فاطمه: اوكي

وصلو بيت مريم

مريم: فاطمه متأكده انج بخير ولا تبين اكنسل موعدي مع احمد واقعد معاج

فاطمه: لا حبيبتي مشكوووره .. انا بطلع مع علي بشوف شقالت امه

مريم: اوكي عيل طمنيني عليج

فاطمه: اوكي باااي



اتفقت مريم مع احمد انهم يتشاوفون بواحد من هالكافيات الصاده اللي مافيها احد وصول سفطو يم بعض وانزلو

احمد: مريوم اشتشربين

مريم: لاتيه

احمد طلبلها وطلبله وقعدو يسولفون

مريم( بداخلها مستانسه .. سوالفه حلوه وكلامه تغير): احمد انت متغير

احمد: أي لمن شفتيني اول مره كان فيني بو الويووه والحين تشافيت

مريم: ههه لا احمد مو هذا اللي اقصده .. اقصد اسلوبك

احمد: الحياة تعلم وتغير

مريم: مو من كبر عمرك بعدك الحياة جدامك

احمد: أي بس شفت اللي محد شافه

احمد بدا يسترسل بالحجي وفج قلبه لها ... قالها اشكثر اهو مظلوم بين اخوانه مع انه البجر .. بس امه وابوه يحبون خواته البنات واخوه الصغير اكثر منه

وشلون ابوه من كثر ما حارمه من كل شي ماكمل دراسته واشتغل بس عشان يصرف على عمره .. وانه ابوه دايما يقط عليه حجي انه يشتغل ومايصرف عالبيت

وانه احمد بحاجه للحب والحنان

ما طولت مريم بالقعده وقررت تمشي ترد البيت



فاطمه راحت مع علي بسيارته يفترون وعطته الهديه اللي شاريتله

فاطمه: علي امك ما كلمتها ما قالت شي

 

[أم@الحلوين]

اسلوووووبج رووووعه

والقصه حلوه على راعيتها

ومشكوره عالبارت

 

[تيناا]

يسلمو على البارت القصه حيل حلوه

اتوقع انه ام علي عارفه فاطمه او شايفتها من قبل

 

[The purple]

البنات :

- مريم حبوبه .,

- فاطمه مادري ماشي حالها .,

- رتاج طفوليه .,


الشباب :

- علي بايخ شوي ..

- احمد مسيجين ..

- حسين احسه نصاب ..

 

[b6ooo6a*_*]

ماادري الصؤاحه توقعت بويه كاااااااااااااك شكوو@@!

و ثانكس و وايد حلو البارت بس لو ما تختسرين و تحظينه كل الاحداث بالتفصيل احله ومشكووووووووووووره

 

[أم@الحلوين]

نبي بارت؟؟؟؟؟؟؟؟؟؟؟؟؟؟؟؟

 

[The purple]

ناطرين البارتين اليوم

 

[أم@الحلوين]

up

up

 

[um-aljod]

باااك


وناسه بالشاليه حاولت اشبك بس ماكان فيه وقت



بس الحين انزلكم البارت اليديد

 

[um-aljod]

البارت الخامس عشر:



فاطمه راحت مع علي بسيارته يفترون وعطته الهديه اللي شاريتله

فاطمه: علي امك ما كلمتها ما قالت شي



علي: لا انا طلعت قبل لا تطلعون من البيت ليش اشصار اشبتقول يعني ... انا اللي عرفته من عبير انها كانت مستانسه لمن قالتلها

فاطمه: عيل لي رديت البيت اسألها

علي: ما اقدر اسالها لازم عبير تعرف رايها لانه انا جدامها ماعرف شي عنج ولا ادري بالسالفه

فاطمه: عيل دق على عبير الحين

علي: بعدين انا الحين وياج ومانبي شي يخرب علينا

علي سفط ..

علي: تعالي قربي يمي

فاطمه ماردته وقربت لانه هذي مو اول مره !!







رتاج ببيت يدتها متيمعين بس اهي بعالم المسجات غرقااانه

حسين: رتاج انا شاريلج هديه وبعطيج اياها

رتاج: اشهتطورات

حسين: أي حبيبتي ولا مره عطيتها هديه رحت شريتلج

رتاج: يعني بتشوفني

حسين: لا بس بعطيج الهديه

رتاج: اشلون

حسين: انا اقولج شلون .. بيت خاالتي عندهم بالحديقه صندوق رسايل نفس الاجانب بحطلج الهديه هناك وتعالي اخذيها

رتاج: شلون ادخل الحديقه ؟

حسين: الحديقه برا ومفتووحه انتي قبل لا تيين قوليلي وانا احط الهديه وانتي بس توصلين فتحي الصندوق واخذيها

رتاج: اخاف احد يشوفني

حسين: حبيبي لا تخافين .. تعالي الظهر الكل نايم

رتاج: خلاص باجر الظهر (مستانسه عشان حسين شوي شوي قاعده يتحرك بموضوعها معاه)

حسين: اوكي

علي رد البيت وسيييده راح حق عبير يشوف رايها

عبير: هلا علي

علي: طمنيني اشصار

 

[um-aljod]

اسلوووووبج رووووعه

والقصه حلوه على راعيتها

ومشكوره عالبارت

انتي الحلوه يا قلبي

يسلمو على البارت القصه حيل حلوه

اتوقع انه ام علي عارفه فاطمه او شايفتها من قبل

يمكن

نشوف بالبارت الياي

البنات :

- مريم حبوبه .,

- فاطمه مادري ماشي حالها .,

- رتاج طفوليه .,


الشباب :

- علي بايخ شوي ..

- احمد مسيجين ..

- حسين احسه نصاب ..

تحليلج منطقي وحلووو

يمكن نفس تحليلي انا

ماادري الصؤاحه توقعت بويه كاااااااااااااك شكوو@@!

و ثانكس و وايد حلو البارت بس لو ما تختسرين و تحظينه كل الاحداث بالتفصيل احله ومشكووووووووووووره

حتى انا توقعت بويه

يمكن بويه


بس للحين مو متأكيدن ننطر الاحداث شيصير

نبي بارت؟؟؟؟؟؟؟؟؟؟؟؟؟؟؟؟

ناطرين البارتين اليوم

up

up

شكرا

كاهو البارت

 

[The purple]

وفي بارت ثاني انتي واعدتنا

ياليت لو تطولين البارت شوي بعد اذنج ~

 

[أم@الحلوين]

مشكوووووووووره ياقلبي عالبارت

لو شوي اطول يكون اوكى

 

[al-7azeena]

حبيبتي القصة اتينن وروعه
وناطرين البارت الياي

 

[أم@الحلوين]

اب

اب

 

[برونزيه كويتيه]

اتوقع ام علي شايفه فاطمه او اتعرفها عشان جذي ما كانت مستانسه لما شافتها >>>>>> بكيفج لوووول
وامووووووووت و اعرف شنو سالفه حسين احس انه جذاااااااب
و ثاااااانكس ع البارت
ناااااااااااطرينج

 

[دنيا رديه]

القصه وايد حلوووووووووووه
حسين نصاااااااااااااااااااااب مبين منن تصرفاته

كملييييييي ناطرررررين