رايكم باللي كاتبته لازم مل وحدة تبدي رايها

[نمسآونه]

السلام عليكم ..؟

سؤال بسيط احترت فيه يمكن يكون فيه سعادتي او ماراح اكون سعيدة *الله العالم لكن بناخذها بشكل نسبي ...



شنو مزايا وعيوب الزواج من رجل خمسيني*
علماً بانه لايوجد امرأه على ذمته ..؟



طبعا مادري شاللي خلاني اقلب فصحه بعدين ارجع عامي :d


والزواج من رجل خمسيني دايما فاشل*

علما بان عمري فوق24*



فمان الله

 

[قطوووة]

شحادج تتزوجين واحد كبر ابوج ؟؟؟؟؟؟؟؟؟؟؟؟؟

 

[_زينه_]

مادري شقول واايد الفرق !

جيلكم يختلف عن بعض

 

[مياسـة القد]

يعتمد على الانسان نفسه صعب نحكم كذا طيب ممكن بنت او ولد عمره 25 بس ابدا مايشابه اصدقائه او من اللي بعمره
صعب نحكم من العمر لكن .. بحكم عن الفرق بالعمر اللي بينكم وووااااايد كبير واحس فيه صعوبه بالتعايش حتى لو بتنجبين بعدين بيصر فيه فررررق جدا كبير مع ابوهم و ممم اشوفه مو كويس اذا كان الفرق جدا كبير

 

[رانس]

مادري هو صج كبير بس ماتدرين يمكن يكون من نصيبج استخيري والي كاتبه ربي بيصير اذا انتي مرتاحه له

 

[لحن التياعي]

الله يكتبلك الخير

 

[أعشقه]

حتى لو كان عمرك فوق 24 هو بــ 50 انتي شوفي الفرق
بس ترى انا اعرف وحده والله ان زوجها يوم يتزوجها با 40 وهي عمرها 15
والله انها لاعبه عليه لعب ومدلعها بس كل شي باسلوب يمشي
الله لا يغير عليها .. استخيري واستشيري اهلك والله يوفقك

 

[أحترت أعبر]

صعب يا حبيبتي ...انتي الفرق اللي بينكم كبير جدا اكثر من 20 سنه ...يعني طالعي لجدام , بكره لاصار عمره 60 انتي بعز شبابج وحيويتج ....
لو فرق عشر سنوات بقول مو مشكله بس اكثر من عشرين سنه !!!!!شحادج ؟
توج صغيرونه والحياه جدامج ....ترا الزواج مشاركه بس شلون تشاركينه ويشاركج وانتوابينكم اجيال ...
فكري زين قبل لا تاخذين قرار ...واللي تقول متزوجه برجل اكبر منها بأكثر من عشرين سنه خل تطرح تجربتها ...ولا تجي وحده وتقول فلانه كاهي او اعرف وحده والا وحده من اهلنا ...ترا البيوت اسرار وفي اشياء تعتبر ركيزه اساسيه بالزواج الوحده مهما كانت جريئه تستحي تتكلم فيها ...
نصيحه لوجه الله لا تتسرعين فكري عدل
ولو انا يرد فيني الوقت وانحط بمكانج ارفض بدون تفكير ...بس هاذي حياتج انتي فكري حبيبتي ترا العمر كله جدامج
عسا الله يسعد قلبج ويوفقج يارب

 

[انثى عاشقة]

الفرق حيل كبير
بالعربي الي تتزوج شايب تصير ممرضة عنده

​

 

[ام الدرر]

حبوبة انتي عارفة ومقتنعة انه في فروقات
بالعمر بالتفكير بكل شي
بس تبين اللي يقنعج
اذا كانت لصالحج ولا العكس
حياتي هذي غيبيات
استخيري رب العالمين وعسى الله يكتب لج اللي فيه الخير​

 

[Patcholli]

وشحادج تتزوجين واحد بعد جم سنه بيدش بالستين .!! حبيبتي هاذا كبر يدج مو كبر ابوج بعد ..!!

انا اقول اخذيلج واحد عمره مناسب بالثلاثين حتى لو اواخر الثلاثين بس خمسيني صعبه ..!!

يعني جم سنه بتعيشين يعني لي خذيتيه وتزوجتي ويبتي عيال لما عيالج يصكون ال 20 ريلج عمره 70 ..!! يعني شايب وكهل بعد ..!!

حبيبتي مانصحج حرام وايد كبير عليج :<

 

[اميره1980]

انا اشوف ان وايد كبير عليج
هو عمره بالخمسينات و انتي بالعشرينات يعني اتوقع الفرق 25 سنة
حتى لو صحته زينة شوفي بعد جم سنة راح صحته تتغير و تطلع الامراض و احنا بدي ادم لازم الانسان يمرض مع تقدم السن و انتي راضية تصيرين حقه مجرد زوجة بالاسم ؟؟

 

[Reelax]

ماااااااااااييد صراااحه لانه كبير واايد وليش الى الاااان ماااتزووج

استخيري اولا واخيرااا

 

[Gifts&Occaions]

ماااااانصحج كلش

 

[هونها يارب]

انتى حطيتى مشكله وتبين راينا ممم بدون زعل اولا انتى مو كويتيه ومو موظفه صح والى متقدملج اكويتى وابا كان السبب زوجتا متوفيا مطلقها من راي زواج ناجح
انتى تبين الجنسيه والامان واهو يبى وحده صفيره فا يعتبر زواج ناجح

 

[سلمى الدلوعه]

اذا هو من نصيبك راح تاخذينه ....

و

اذا هو مو من نصيبك لو تبينه ماراح تاخذينه ...



وهذا الشي انتي تقررينه مع نفسك محد يتدخل فيك ولا يعطيك راي هذي حياتك لحالك
وانصحك بصلاة الاستخارهـ ..



ربي يسسسعد الجميييييييييييييييع .. فمان الله ..

:blueSmCLR::blueSmCLR::blueSmCLR::blueSmCLR:

 

[كويتيه شماليه]

هلا اختي اولاً
انتي ما قلتي لنا شنو الاسباب اللي تخليج توافقين !!

شوفي اذا احدا هالاسباب أأيدج وبكل قناعه وافقي:
- عمرج فوق ال 35 !!
- عيشتج مع اهلج جحيم وانتي مو موظفه وفاضيه!!
- ولا احد تقدم لج!!
- مريضه!! يعني فيج عيب خلقي فيج مرض معين!!
- مطلقه وعندج عيال !!
وفي اسباب كثيره بس هذي اللي اذكرها الحين

صدقيني اذا في علاقة حب لا تخضعين له لان كبير اذا انتي بالعشرينات او بداية الثلاثينات!!
حتى لو انه غني ومليونير الزواج مو فلوس



عموماً انا من البداية رافضه هالمبدأ فيه ظلم لج ولحقج!!

*

 

[كويتيه شماليه]

اختي هونها ردج عجيب
تقصدين فيه زواج مصالح(( الله يالدنيا !!))

 

[فوفو22]

اذا مافي حب اقول لا تستعجلين

لانه عمره 50 لما يصير ولدج عمره 20 ابوه يكون عمره 70

ما يمديه يفرح حتى باحفاده

فوفو

 

[مـعـجـبـة]

باختصار ... لا