راضيــه عن نفسج؟ بكل أمانه

[منـــاي]

السلام عليكم

بنات نساء زوجات

سؤال واتمنى تسالين نفسج

وتجاوبيني بصراحه واذا ما حبيتي تصاحيني

بس سالي نفسج و اتمنى تفكرين فيه ولو لوهله ..

هل تحسين انج وصلتي للمرحله الي تبينها في الزواج ؟

هل تحسين انج لقيتي توأم روحج ؟

هل انتي صديقه و ام لزوجج قبل اي شي ؟

هل انتي راضيه عن مظهرج كانثى و زوجه ؟

هل انتي راضيه عن اسلوبج مع زوجج ؟

وبالاخير سالي نفسج هالسؤال

هل فعلا فعلا فعلا تحبين زوجج ؟

أتمنى اقرأ اراءكم

 

[منـــاي]

جاوباااااااااااااااااااااااااااااااااااو لوووول ما انتبهت ان الموضوع نزل اخيرا كولولوش

 

[afaf]

ﺑﺲ ﺳﺎﻟﻲ ﻧﻔﺴﺞ ﻭ ﺍﺗﻤﻨﻰ ﺗﻔﻜﺮﻳﻦ ﻓﻴﻪ ﻭﻟﻮ ﻟﻮﻫﻠﻪ ..ﻫﻞ ﺗﺤﺴﻴﻦ ﺍﻧﺞ ﻭﺻﻠﺘﻲ ﻟﻠﻤﺮﺣﻠﻪ ﺍﻟﻲ ﺗﺒﻴﻨﻬﺎ ﻓﻲ ﺍﻟﺰﻭﺍﺝ ؟لا ﻫﻞ ﺗﺤﺴﻴﻦ ﺍﻧﺞ ﻟﻘﻴﺘﻲ ﺗﻮﺃﻡ ﺭﻭﺣﺞ ؟لا ﻫﻞ ﺍﻧﺘﻲ ﺻﺪﻳﻘﻪ ﻭ ﺍﻡ ﻟﺰﻭﺟﺞ ﻗﺒﻞ ﺍﻱ ﺷﻲ ؟لا ﻫﻞ ﺍﻧﺘﻲ ﺭﺍﺿﻴﻪ ﻋﻦ ﻣﻈﻬﺮﺝ ﻛﺎﻧﺜﻰ ﻭ ﺯﻭﺟﻪ ؟الحمدلله علي كل حال ﻫﻞ ﺍﻧﺘﻲ ﺭﺍﺿﻴﻪ ﻋﻦ ﺍﺳﻠﻮﺑﺞ ﻣﻊ ﺯﻭﺟﺞ ؟لا ﻭﺑﺎﻻ‌ﺧﻴﺮ ﺳﺎﻟﻲ ﻧﻔﺴﺞ ﻫﺎﻟﺴﺆﺍﻝﻫﻞ ﻓﻌﻼ‌ ﻓﻌﻼ‌ ﻓﻌﻼ‌ ﺗﺤﺒﻴﻦ ﺯﻭﺟﺞ ؟ نعم

 

[أم فـرح الحلوه]

هل تحسين انج وصلتي للمرحله الي تبينها في الزواج ؟
بنسبة٨٥٪ وصلت للي ابيه &&
هل تحسين انج لقيتي توأم روحج ؟
ليما الحين لا بـ��ـس لقيت منو ينفذ طلباتي&&
هل انتي صديقه و ام لزوجج قبل اي شي ؟
اي&&
هل انتي راضيه عن مظهرج كانثى و زوجه ؟
لا&&
هل انتي راضيه عن اسلوبج مع زوجج ؟
٩٠٪ راضيه بـ��ـس احيانا يفلت لساني&&
وبالاخير سالي نفسج هالسؤال

هل فعلا فعلا فعلا تحبين زوجج ؟*
اي احبه &&

 

[منـــاي]

عفاف مشكوره على صراحتج واتمنى الي جاوبوا علي يقعدون مع انفسهم و يحاولون يحلون مواضع الخلل

 

[Perfume]

الحمد لله بعد سنتين زواج احس وصلت للمرحلة اللي ابيها بس مو بشكل كلي طبعاً
لقيت اللي يفهمني ويحاول يسعدني بس مو توأم روحي بنسبة ١٠٠٪
احاول اكون ام وصديقة وان شالله اكون نجحت
الحمد لله راضية عن مظهري كأنثى وزوجة وما تغير اهتمامي بنفسي بعد الزواج والولادة
اسلوبي مع زوجي كان مو عاجبني وحاولت اغيره وآخذه بالكلمة الطيبة والدلع وللحين احاول وان شالله اتغير بنسبة ١٠٠٪

وآخر سؤاال اي أحبه فعلاً فعلاً فعلاً وامووووت فيه الله يخليه لي

 

[! بــدويه وآآيــد !]

،


صراحه موضوعج عالجرح هالاشياء والاسئله حيل قاعده اسأل روحي كل يوم
انا مو راضيه عن روحي كلـــش
ماوصلت للمرحله الي ابيها
وانا صديقه لزوجي اي بس مو ام
ومظهري قبل الحمال واول شهور الحمال راضيه فيه مليون بالاميه بس الحين لا
ماعرف اطبخ بكمل سنتين وزوجي عايش عالمطاعم وبيت اهله ودواوين ربعه لايلقى لقمه سنعه مثل الناس ولابيت مبخر ونظيف ما اسوي اوتي يتكود الاوتي وانا مجابله المنظره والنت والتلفزيون انا مقصره بكل شي ومو راضيه عن روووحي

ان شالله بس اولد وتجي الخدامه تشيل عني الشغل وانا افضى لشكلي وللبيبي ولزوجي بتعلم الطباخ مع ان صار لي سنتين احاول ماعمرها ضبطت لي طبخه بس هانت باجر اجرب بهالجدور وما اشيل هم غسيل مطبخ ومواعين مثل الحين
عندي امل كبير ان حياتي راح تتغير واصير خوش مره بعد الولاده لان حاليا مو راضيه مو راضيه مو راضيه ولا واحد بالاميه

 

[al-musk]

أسألتج خطيرة والله شوفي انا أحس ان الانسان متقلب بطبعه والي يرضيه اليوم يمكن مايرضيه باجر

 

[خوووخه w]

هل تحسين انج لقيتي توأم روحج ؟

اممم يعني مو بضبط


هل انتي صديقه و ام لزوجج قبل اي شي ؟

اي

هل انتي راضيه عن مظهرج كانثى و زوجه ؟

يبيله شويه حق المظهري


هل انتي راضيه عن اسلوبج مع زوجج ؟

اي راضيه كل الرضى


وبالاخير سالي نفسج هالسؤال

هل فعلا فعلا فعلا تحبين زوجج ؟

اي احبببببببه

 

[سكرة هانم]

ياعمري يابدويه ذكرتيني فيني

ومثلج صارلي سنتين زواج والحمل والولاده قلب حياتي فوق تحت+ اني توظفت بعد الولاده وزاد الضغط

والحمدلله بديت ارتب وقتي ووضعي واقدر اقول في تحسن ٧٥٪ ..الله يسهل عليج وتولدين بالسلامه 



سوري شطيت عن الموضوع بس رد بدويه يه عالجرح 


اما جوابي لراس الموضوع اايد الاخت اللي قالت ان الانسان متقلب مره راضي ومره لا ..بس راضيه والحمدلله لان اقنعت نفسي اني مو مكينه اسوي اللي اقدر عليه يوم اكشخ يوم عادي يوم اهلق كيفي يوم اطبخ اكثر من طبق ويوم خفايف ويوم مطعم
بالنسبه لعلاقتي توني بالبدايه ويبيلها شغل عشان اوصل المستوى اللي بالي واول شي بركز عليه اني اعطي نفسي الاولويه قبل الكل 

 

[فوفو22]

هل تحسين انج وصلتي للمرحله الي تبينها في الزواج ؟

لله الحمد نعم


هل تحسين انج لقيتي توأم روحج ؟

نعم

هل انتي صديقه و ام لزوجج قبل اي شي ؟

no انما عشيقته

هل انتي راضيه عن مظهرج كانثى و زوجه ؟

100%


هل انتي راضيه عن اسلوبج مع زوجج ؟

الى حد كبير

وبالاخير سالي نفسج هالسؤال


هل فعلا فعلا فعلا تحبين زوجج ؟

طبعا احبه

فوفو

 

[الأميرة جوري]

نعممممممممم لكل الاساله ولله الحمد

 

[lolo.qtr]

هل تحسين انج وصلتي للمرحله الي تبينها في الزواج ؟. نعم

هل تحسين انج لقيتي توأم روحج ؟ اييييه ❤

هل انتي صديقه و ام لزوجج قبل اي شي ؟ تقريبا ايه لان للحين ما رحت عنده

هل انتي راضيه عن مظهرج كانثى و زوجه ؟ بس باقي لي ثلاثه كيلو واصير راضيه ١٠٠٪ ��

هل انتي راضيه عن اسلوبج مع زوجج ؟ اي الحمدلله

وبالاخير سالي نفسج هالسؤال

هل فعلا فعلا فعلا تحبين زوجج ؟ وااااااايد الله لايخليني منه��❤


يعطيييج الف الف عاافيه

 

[glby7sas]

هل تحسين انج وصلتي للمرحله الي تبينها في الزواج ؟


الحمدالله


هل تحسين انج لقيتي توأم روحج ؟

نعم

هل انتي صديقه و ام لزوجج قبل اي شي ؟

الحمدالله

هل انتي راضيه عن مظهرج كانثى و زوجه ؟

٩٠%


هل انتي راضيه عن اسلوبج مع زوجج ؟

مااقولج مو راضيه راضيه بس ساعات اخورها بالحجي واتحسف لوول

وبالاخير سالي نفسج هالسؤال


هل فعلا فعلا فعلا تحبين زوجج ؟

يس اكيد

 

[Tom ♥ Jerry]

,


كل الآسئله جوآبهم yes :$

 

[غـلآوي ّ ~]

أنــآ مٌو متزووجـه بسسسس

لــلــه آلحممممــد

رآآضيه كِــل الرضآآ بِفضل الـله وِ مـرتآآآآحــه بشششـكل مٌو طبيعي الحمدلله وِ الله يِتمم هـ الونــآسهه عليّ يّ رب

 

[غلآ نوآف]

هل تحسين انج وصلتي للمرحله الي تبينها في الزواج ؟
لا بصراحة وصلت نسبة يمكن 60% من الي كنت ابيه واتمناه ويرجع هالشي لعدة اشياء وظروف
صارت خارج عن ارادتي وارادة ريلي
منها الحمل من اول شهر زواج وتوي عروس
لا سافرنا ولا عطلنا بمكان يونس وزوجي يشتغل ويدرس
وانا نفسيتي زفت من الحمال وتغيرات شكلي بسبته والتعب والارهاق وعوار الظهر والحوض
ومفروض تكون اول شهور احط فيها انطباع حلو
وكلش مامشت الامور مثل ماكنت اتمنى ومخططة لها
واثر هالشي ع زواجي ونظرة ريلي لي اني مهملة لزوج ولشقتي ونفسي
رغم احاول قدر المستطاع اني ما اقصر بشي
بس التعب ونفسيتي ماثرين وايد علي الله يكون بعوني
عندي امل اني بعد ما اولد بالسلامة ان شاء الله
ويرجع كل شي طبيعي فيني وصحتي ترد لي
واخذ حريتي بتجديد لوكي وشعري والاهتمام ببشرتي
والشقة وهو تكون حياتي احلى
ونقدر نسافر ونتونس ونعوض الايام الي طافت بالمشاحنات بيننا
و الحمدلله ع كل حال

هل تحسين انج لقيتي توأم روحج ؟
اممم مومتاكدة صدق اذا ريلي توأم روحي مرات احسه مايفهمني
لكن اهم شي اني احبه ويحبني ومانقدر نستغني عن بعض
ان شاء الله كل هالمشاكل الي بيننا بسبب الظروف الصعبةالي تعرضنا لها من اول زواج والحمل
تروح وتتعدل

هل انتي صديقه و ام لزوجج قبل اي شي ؟
مومتاكدة بعد
المشاكل خلتني اشك بقدرتي
لكني جنبه ومعاه بالحلوة والمرة
وان شاء الله اعدل من حالنا

هل انتي راضيه عن مظهرج كانثى و زوجه ؟
اممم لا بسبب الحمل تغير جسمي واخذت ع سمار وايد بصدري وبطني وفخوذي
بس ايام العرس كنت وااااااااااايد اهبل لكن كل هذا راح وتغير بالحمل
وعسى بالعناية والاهتمام بعد الولادة وحرية استخدام اي كريم او منتج واي جلسة تجميلية وعناية بدون خوف ع الياهل الي ببطني
يرد كل شي مثل ايام العرس واحلى باذن الله

هل انتي راضيه عن اسلوبج مع زوجج ؟
لا الحقيقة
مرات يطلب مني شي وماقدر اسويه ويزعل واعصب عليه لان احسه مايحس فيني
ولاني احس اني قاعدة امر بكل هالاشياء بروحي محد يحس بتعبي غيري انا
اطلع من طوري واتضايق وازعل واقعد ابكي وااااااايد

وبعد لاني مقصرة بواجبه اتجاه اهله
واقاربه ومناسباتهم بسبب اني ماقدر اروح وممنوعةمن الحركة الزايدة
والارهاق والتعب يجبروني
ونفسيتي من تغيرات بشرتي ولوني وعافيتي من الحمل
تمنعني اقابل ناس لاول مره يشوفوني
ما احب يشوفوني ع شكلي جذي وانا كلش مو راضية عنه
كون ان كل شي صار بسرعة وماتهنيت بحلاوة العرس
اهله يعذروني مرات ومرات احس يتضايقون مني
وهو بعد بس اتمنى انهم مايزعلون ويفهمون هالشي
وبحاول ارضيهم بعد الولادة وبعد ما اتطئمن ع ولدي

وبالاخير سالي نفسج هالسؤال

هل فعلا فعلا فعلا تحبين زوجج ؟

واااااااااااااااااااااااايد واااااايد
وجزاه الله خير متحملني ومتحمل بداية زواجه
تنسي وحمل وتعب وهو عريس
وعسى اني اقدر اجازيه بالخير واعوضه عن كل شي

الله لا يحرمني منه
ويقدرني ع رد الجزاء الحسن

مشكوووووورة حبيبتي عالموضوع

 

[Alias]

الحمدلله كل الاسئله اجابتهم نعم ما عدا توام روحي

 

[كارلوفي فاري]

blue]هل انج وصلتي للمرحله الي تبينها في الزاج ؟لله الحمد حالي احسن من كثير غيري والواحد يطمح للاحسن color=blue][/color]
هل تحسين انج لقيتي توأم روحج ؟[/colorتوام روحي هذي صعبه شوي لانه زوجي للاسف النقيض لي ]

هل انتي صديقه و ام لزوجج قبل اي شي ؟
نعم بشكل كبير
هل انتي راضيه عن مظهرج كانثى و زوجه ؟
الانوثه ضغوطات الحياة تخلي الواحد يتحسر عليها لكن مظهري كزوجه لله الحمد تمام
هل انتي راضيه عن اسلوبج مع زوجج ؟
[ احيانا لا color=blue]
وبالاخير سالي نفسج هالسؤال

هل فعلا فعلا فعلا تحبين زوجج ؟
اكيد ولا كان ماتحملت التناقض معاه
أتمنى اقرأ اراءكم[/QUOTE]

 

[كارلوفي فاري]

اعتذ عن النقل السيئ. خخخخخ الاي باد يلعب بالخط