رابطة ما بعد التكميم ونزول الوزن

[مذهلة 78]

السلام عليكم

حبيبت اسوي موضوع منفضل نتكلم فيه عن عنايتنا بنفسنا بعد التكميم وبعد فقدان الوزن

ابي كل وحده تذكر وزنها السابق و وزنها الحالي والمشكله اللي عانت منها وشلون عالجتها عشان الكل يستفيد

وراح ابدي بنفسي

الوزن السابق : 94
الوزن الحالي : 56

المشاكل اللي عانيت منها :

جفاف البشره , تساقط الشعر , الهالات السوداء , شحوب الوجهه


وحليت المشاكل بالطرق التاليه

جفاف البشره
خذيت مرطب من العضوه بي كي ووايد فاد معاي وهم خذيت منها علاج للهالات السوداء وفعلا خف بنسبه بسيطه جدا

تساقط الشعر :
خذيت من العضوه دلوعة البريسم خلطه للشعر الحمدلله نبتت شعري بس عيبها انها تنشف الشعر عشان جذي لازم على طول تسوين حمام زيت

وقاعده استعمل شامبو فيتشي مع الانبولات وحيل شعري تعدل والحمدلله

شحوب الوجهه

خذيت ابره نضاره عن عبدالناصر خلاف وصار ويهي جنه منظره

للترهل الحمدلله جسمي كلش ما ترهل بس منطقه الخلفيه والصدر واكيد لازم اسوي شي

للخطوط التعبيريه هم خذيت ابر فلر عند الدكتور عبدالناصر ورد ويهي مثل قبل

وقاعده اخذ حبوب كولاجين من الصيدله سعرهم ب27
والحمدلله النتيجه حلوه

 

[ام عيالي]

هلا مذهله
يسعدني ويشرفني اكون اول وحده ترد عالموضوع
وزين سويتي هالموضوع
ماشالله الفكره حللللوه ومفيده بنفس الوقت

انه سويت العمليه ٢١ /٩/٢٠١١
كان وزني ١٠٥والحين عقب خمس اشهر تقريبا ٧٨ماشالله والحمد لله ولا حول ولا قوة الا بالله
الحمد لله وين كنت ووين صرت
المشاكل الي صارتلي
فقر دم وقاعده اخذ حديد
شعري طبعا يطيح بشكل فضيع حتا اخاف امشطه علا طول كل ما امشطه يطيح بالهبل
بشرتي حدث ولا حرج بالااهته جني مريضه جني كنت بالمستشفا وتوني طالعه
اظافري صارت تتكسر بسرعه ولونها مو شي كللللش
الترهل اكيد وايد لاني كنت ماينه الترهل بالبطن والفخوذ الي صارت طبقات والمؤخره
ششوفو ماني زايده اكثر من جذي بالمشاكل عشان ما يخترعون الي بيسوون العمليه حرام
بس ترا مع هالمشاكل انه من الضعف حاسه اني صغر عمري والويه والشعر شنسوي بعًد ماكو إلا نعالجهم
بس الصراحه متكيسله مالي خلق اسوي شي حتا ابي اقوم اروح اسوي تحاليل ما اقعد من النوم الا متاخر كل يوم متاخره علا الدوام
بالنسبه للعلاج
ما استعملت شي لين الحين الا الفيتامينات الي كتبها الدكتور وحبوب الحديد
واحس اني غلطانه لان عظامي بدت تعورني
اقول اسوي التحاليل واشوف شنو ناقص

 

[ام عيالي]

بالنسبه للشامبو بديت استعمل شامبو الحصان يمدحونه قلت اجربه
بس ودي استعمل شي طبي لبشرتي مادري شاخذ
المشكله اني ما حب الخلطات وهالسوالف كلش
احب الماركات الطبيه المعروفه ما حب اغامر في بشرتي
الي تعرف تنصحني بشي اشتريه
ساعات اقول اخذ سيرن الكولاجين من ريكسول بس مادري ارد واقول خن اخذ مجموعة النظاره من كلينكاو لابرري انه احب هالسوالف
الي جربت شي ونفعها تقولي
اي صج افكر بعد اخذ من بوتس ديت الاوميغا البيور الطبيعي واستعمله لبشرتي والله مادري ودي اسوي كل شي انصحوني

 

[ام عيالي]

ههههههه امبييي وايد قرقت
توني اشوف الي كتبته لا وبدليات بعد
اعذريني مذهله
ومشكوره عالموضوع
وان شالله البنات يفيدونا بتجاربهم اكثر

 

[مذهلة 78]

نورتي موضوعي يالغاليه ومشكوره على ذكر تجربتج انا خذيت جبوب كولاجين الامريكيه وسويت حقن عند عبدالناصر خلاف بقى الموخره والصدر وجاري البحث عن حل

 

[love^angel]

خوش موضوع مذهله يعطيج العافيه

انا سويتها شهر ٩
الوزن السابق ٩٣
الوزن الحالي ٦٧
باقيلي ١٠ كيلو عالمثالي انشالله

المشاكل للحين اهي سقوط الشعر بس مع الحبوب الي وصفها لي الدكتور والانبولات الحمدلله جنه احسن شووويه
بشرتي عادي ما احسها تغيرت لني ارطبها دايما بكريم شاريته من التاجره غراس الحمدلله وايد ناسبني وبشرتي ما تغيرت عقب العمليه
جسمي كل العله فيه الخطوووط الي عالبطن والاجناب يبطون الجبد كل خط شطوله مادري شسوي فيهم
بالنسبه للترهل الحمدلله مو وايد بس زنودي اكثر شي مبينه شكلي امتن ومخربه علي مقاسات الملابس مادري شسوي فيهم قلت ادش نادي شرايكم راح ينفع؟؟

 

[خلطات المذهله]

مشكوووره حبيبتي
يعطيج العافيه

 

[مذهلة 78]

خوش موضوع مذهله يعطيج العافيه

انا سويتها شهر ٩
الوزن السابق ٩٣
الوزن الحالي ٦٧
باقيلي ١٠ كيلو عالمثالي انشالله

المشاكل للحين اهي سقوط الشعر بس مع الحبوب الي وصفها لي الدكتور والانبولات الحمدلله جنه احسن شووويه
بشرتي عادي ما احسها تغيرت لني ارطبها دايما بكريم شاريته من التاجره غراس الحمدلله وايد ناسبني وبشرتي ما تغيرت عقب العمليه
جسمي كل العله فيه الخطوووط الي عالبطن والاجناب يبطون الجبد كل خط شطوله مادري شسوي فيهم
بالنسبه للترهل الحمدلله مو وايد بس زنودي اكثر شي مبينه شكلي امتن ومخربه علي مقاسات الملابس مادري شسوي فيهم قلت ادش نادي شرايكم راح ينفع؟؟

الحمدلله حبيبتي ان بشرتج ما تغيرت وان الخلطه ماشيه معاج
بالنسبه للنادي راح ينفع ولازم تسوين تمارين العضلات وتمارين الاكوا لانهم يشدون الجسم بطريقه عجيبه

 

[مذهلة 78]

مشكوووره حبيبتي
يعطيج العافيه

يعافيج ربي يالغاليه :eh_s(17):

 

[ام خدود ورديه]

خوش تجمع انا بخاطري اسوي الشكل يتعالج مو مشكله بس الصحه ؟ لي متى التعب والدوخه اختفو ولا ليلحين انا بسويها بس ماقدر اتحمل التعب والدوخه

 

[مذهلة 78]

خوش تجمع انا بخاطري اسوي الشكل يتعالج مو مشكله بس الصحه ؟ لي متى التعب والدوخه اختفو ولا ليلحين انا بسويها بس ماقدر اتحمل التعب والدوخه

هلا حبيبتي بالنسبه لي الدوخه راحت عقب الشهر الثالث من العمليه لاني كنت اكل فواكه وخضرا وبالذات

طحت بالملوخيه ومرق الشبزي وهم من قبل الدكتور كان معطيني ابر حديد يعني سهالات لا تحاتين

 

[شهد-الكويت]

السلام عليكم

اول شي مشكوره يا مذهله علي الموضوع الحلوو

وانشالله كلكم تضعفون بصحه وعافيه

طبعا انا مسويه تحزيم وضعفت عليه 40 وسعتها ورديت ابلع وبعدين كل شهر لازم حقن واشتهي الاكل ولا اقدر اكل من ترجيع لما اضيجها

ودي اسوي تكميم بس خايفه حييل لان يقولون كله ترجيع ودوخه بعدين بعرف بعد العمليه جم شهر قمتو تاكلون طبيعي دياي عيش لان سمعت 4 شهور او خمس كله سوائل

وبصراحه تحسفتو سويتوها وله لا في عوار

ابي وحده تقولي قصتها كامله شنو حست بعد العمليه وجم يوم قعدت بالمستشفا واول 3 شهور جم نزلت وجم كلفتها واسم دكتورها ومشكورين

 

[اوووفه]

الله يامذهله علي مواضيعج صج انت مذهله جيتي علي الجرح

اولا انا كان وزني ٨٧ والحين ٥٧
المشاكل الوجهه شحوب كل من شافني شهق بوجهي واخترع وكل من يقولي صايره تخرعين ياحلوج اول وجهج منور ومتختخ الحين جنج عجوز

المشكله الثانيه الترهل وهذا غلطتي لاني ماسويت رياضه لان بصراحه ماعندي وقت لنفسي كاش عيالي ومدارسهم وامتحاناتهم ودوامي حوسه فترهلت

المشكله الثالثه شعري خلص خلاق تشوفين فروت الراس وما احب امشطه من كثر مايطيح وصار ناشف وميت حتي ان ودي احشه بوي وافتك
المشكله الادهي والامر والي مضايقتني حيل صدري صار دلاقات جنه تفيخه مفشوشه يفشل لدرجه استحي من زوجي يشوفه كله اطفي الليت مو حلو منظره ومجعد ملمسه كلش فشله
وللاسف ماحليت ولااا مشكله منهم والسبه خوفي الوجه اخاف اطق ابر اخاف توزيعه الفلر ماتكون مرتبه او انه تتكور الماده الي يحقنونها داخل خدي
والصدر اخاف بعد اسوي عمليه ثانيه وحوسه خلاص ما ابي عمليات ابي شي سهل ومايخوف
وقاعده انطر تجاربكم وان شالله استفيد منكم

 

[انوثتي غير وياك]

متابعتكم

 

[شهد-الكويت]

اب اب اب

وينج مذهله

 

[مذهلة 78]

السلام عليكم

اول شي مشكوره يا مذهله علي الموضوع الحلوو

وانشالله كلكم تضعفون بصحه وعافيه

طبعا انا مسويه تحزيم وضعفت عليه 40 وسعتها ورديت ابلع وبعدين كل شهر لازم حقن واشتهي الاكل ولا اقدر اكل من ترجيع لما اضيجها

ودي اسوي تكميم بس خايفه حييل لان يقولون كله ترجيع ودوخه بعدين بعرف بعد العمليه جم شهر قمتو تاكلون طبيعي دياي عيش لان سمعت 4 شهور او خمس كله سوائل

وبصراحه تحسفتو سويتوها وله لا في عوار

ابي وحده تقولي قصتها كامله شنو حست بعد العمليه وجم يوم قعدت بالمستشفا واول 3 شهور جم نزلت وجم كلفتها واسم دكتورها ومشكورين

العفو حبيبتي مشكوره وماقصرتي

حبيبتي التحزيم متعب اكثر من التكميم بدبلات والترجيع اول شهرين بعدين يوقف ومع الفيتامينات الدوخه تروح تدريجي

العوار اول اسبوع بعدها يبدي. يقل وثاني يوم عمليه لازم تمشين عشان الغازات تطلع لان اهي اللي تسبب العوار

انا سويتها بمستشفى الفروانيه عند. المبدع عبيد الحربي وكلفتني 980 والاكل اول اسبوعين سوائل شفافه وثاني اسبوعين مهروس وبعدين تبدين بالاكل الطبيعي وانا كاتبه موضوع كامل وشارحه فيه عمليه التكميم بالتفصيل الممل ومع الصور ياريت تقرينه.

وبالنسبه للنزول انا نزلت 40 كيلوا خلال 7 شهور وجسمي ما ترهل والحمدلله وطبعا تقعدين بالمستشفى 4 ايام

 

[مذهلة 78]

هلاااا باوووووفه شلونج يالغاليه شخبارج

شوفي حبيبتي بالنسبه للتساقط استعملي شامبو فيتشي مع الانبولات وااايد زين ةاخذذي ابر البي كومبلكس خلي دكتورج يكتبهم لج

ولشحوب الوجه لازم تحقنين انا حقنت عند عبدالناصرر خلاف وويهي صار يهبل كله نضاره وخدودي طلعت مع اني ما سويت تفخ بس فلر ونضاره

وبوتكس وانشالله الاربعا بحقن بالخلايا الجذعيه هم عنده روحي ولا تخافين من التكتل وصدقيني ماراح تتحسفين


والصدر لازم سيليكون انا بسويه عند محمد معروف والمؤخره انشالله بحقنها عنده بالاكوالفت اووووفه صج ان احنا حصلنا على جسم رشيق


بس خربنا اشياء واااايد و هالاشياء لازم تتعدل والا الضعف ماله معنى روحي سوي ما في دكتور الحين ما يعرف يحقن واذا وحده صارت تجربتها

سيئه فهذا مو معناه ان الكل بصير فيه جذي شوفي الناس اللي النتيجه كانت اوكي معاهم واذا كلش ما تبين حقن اخذي حبوب الخميره الامريكيه من

الصيدليه اتفخ الويه وتزيد الوزن وسعرها ب6.500 واخذي حبوب الكولاجين انا الحين قاعده استعمل الخميره مع الكولاجين والحمدلله النتيجه اوكي

 

[اوووفه]

بعد قلبي بخير عساج بخير
بسالج شنو هذي ابر البي كمبلكس هي فيتامين ب
وشسم الامبولات الشعر
والخدود بروح لبنان بحقن هناك ان شالله هاليومين
بس باقي الصدر شوفيلنا حل غير العمليه لان ماراح يرضي زوجي كلش اهو بالموت رضي علي التكميم وانا مالي خلق بعد عمليات وتعب مافي ابر وشي يكون امان ومافي مضره
والخلايا الجذعيه هي نفسها تقنيه البلازما؟

 

[اميره بكلمتي]

مسااء الخير للكل

انا حدث ولاحرج مع الترهلات جني نفيخه وانفشت لاصدر ولابطن ولازنود ولافخوذ
ومن ناحية الاهتمام وجهي ليلحين احس تعبان وجسمي كله خمول واحس ودي كله نايمه وشعري احسه تعدل لانه قمت ازيته بزيت الباراشوت وخف شوي التساقط والحين حاطه فبالي اقصه لانه ميت مافيه حياة ولاشي

 

[تيناا]

بنات انا صارلي 4 شهور ونص من سويت العمليه ومانزلت غيلر 20 كيلو ووزني معلق صارله شهر وشي حدي محبطه كنت 118 الحين 97