رابطة ما بعد التكميم ونزول الوزن

[اميره بكلمتي]

ان شاء الله عند الدكتور اشرف عبدالقادر
اي حياتي غيرته لانه القديم احترق بس راح ادزلج الجديد ع الخاص

 

[مذهلة 78]

انا بتكمم قريبا وعندي اسئلة وااايد بليز ردو على
شنو تنصحوني قبل العملية اسوي ؟؟ مثلا اكثر شرب الماي ؟؟ اخذ فيتامينات ؟؟
شنو تجهيزات استعد فيها للمستشفى والبيت ؟؟
اكثر شي تعبتو منه واشلون اقدر اتجنبه ؟؟
انا خايفة على بشرتي خصوصا ويهي لان ماشالله ويهي اشحلاته اخاف يخترب من الضعف يترهل وتتغير المعالم ؟؟؟؟؟

اشلونكم مع ترهل الجسم ؟؟الحلول وهلا فعلا الاشتراكي بنادي يقلل الترهل ؟؟؟
الفيتامينات للشعر والبشرة افضل شي استعملتوه ؟؟
شامبوات الشعر كريمات اي برودكست

حبيبتي شربي ماي لان مفيد بغض النظر عن العمليه وعقب العمليه راح يكتبلج عالفيتتامينات اللي تحتاجينها

وويهج راح يتعب وراح يتعب بس مع ابر النضاره والفلر كل شي يرد وترهل الجسم شر لابد منه فعليج بتمارين الاكوا

اغلب النوادي عندهم اللي اهو سويدي داخل الحوض

وحق المستشفى راح تحتاجين بجامات وكروكس لانج من ثاني يوم بتمشين

وتساقط الشعر بيستمر حوالي 6 شهور وبعدها بخف عاد انتي استخدمي شامبو وانبولات فيتشي

*

 

[مذهلة 78]

تصدقين مذهله ولهت على العيوش والفاست الفوود اليوم كنت معزومه على عرس واشوف هالناس تاكل منه قاعد بنظرات بؤس واكتفيت بس بالتبوووله وبنص كباب احس كسرت خاطر نفسي

آخ يا اميره يبتيها عالجرح عيل انا شقول اللي كل اسبوع تيني هالحاله بالزواره ولا بطلعت اليهال

بس يالله في سبيل الرشاقه والصحه كل شي يهون

 

[ملوكه 92]

بنات ولله حدي خفت انا صدري صغير واحس انه قابل للترهل ياربي اخاف اسويها صدري يروح فيها
لانه بعد وزني حيل كبير يعني بيحوشني ترهلات وايد بنات تنصحوني اسويها ؟؟ انا وزني 160

 

[اميره بكلمتي]

آخ يا اميره يبتيها عالجرح عيل انا شقول اللي كل اسبوع تيني هالحاله بالزواره ولا بطلعت اليهال

بس يالله في سبيل الرشاقه والصحه كل شي يهون

اخخخخخخخ بس خليها ع الله

 

[اميره بكلمتي]

بنات ولله حدي خفت انا صدري صغير واحس انه قابل للترهل ياربي اخاف اسويها صدري يروح فيها
لانه بعد وزني حيل كبير يعني بيحوشني ترهلات وايد بنات تنصحوني اسويها ؟؟ انا وزني 160

الصرااحه انصحج فيها مليوووون بالاميه وبذات انتي وزنج كبير والترهلات شي لابد منه يعني حتى لو سويتي رجيم عادي هم بعد بيترهل ،،، توكلي على الله وسويها واحنا وياااج اول باول

 

[بطوووطة$بيضة]

امي ممكن اقنعها
بس ابوووووي ابو العسارة كلها
هذيك المرة قلتها على ضحك بغى ينتحر 

 

[اميره بكلمتي]

امي ممكن اقنعها
بس ابوووووي ابو العسارة كلها
هذيك المرة قلتها على ضحك بغى ينتحر 

انتي جم وزنج بطوووطه ؟؟

اذا تحت 100 حاولي تسوين رجيم وتشتركين بالشركات التغذيه مالت الرجيم

 

[مذهلة 78]

بنات ولله حدي خفت انا صدري صغير واحس انه قابل للترهل ياربي اخاف اسويها صدري يروح فيها
لانه بعد وزني حيل كبير يعني بيحوشني ترهلات وايد بنات تنصحوني اسويها ؟؟ انا وزني 160

حبيبتي من صجج وزنج 160 وتفكرين بعدين !!!

انا اقول توكلي على الله وسويها حرام وزنج وايد كبير

والترهلات شر لابد منه

 

[سيلينا بيريز]

اشلونج مذهله ياقلبي

ابي دكتورج عبدالناصر خلاف ...انت جربت عنده اشلونه شاطر وابي رقمه وعنوانه

وبسألج انا لي 6 اشهور ووزني بس نزل 30 كيلو وصارلي شهرين ونص ما ينزل وزني ابد ....بس ملاحظه انا اكل ككاو وبطاط وسوالف ما اسوي دايت بس اكلي حيل اشوي ليش ماينزل

وسؤالي الثاني هل لما اتم 6 شهور صج الوزن خلاص ماينزل ...ومتى يوقف تساقط الشعر ..لايكون طول عمري يطيح شعري .....لاني قرعت وكل ما امشطه ابجي حيل

 

[مذهلة 78]

اشلونج مذهله ياقلبي

ابي دكتورج عبدالناصر خلاف ...انت جربت عنده اشلونه شاطر وابي رقمه وعنوانه

وبسألج انا لي 6 اشهور ووزني بس نزل 30 كيلو وصارلي شهرين ونص ما ينزل وزني ابد ....بس ملاحظه انا اكل ككاو وبطاط وسوالف ما اسوي دايت بس اكلي حيل اشوي ليش ماينزل

وسؤالي الثاني هل لما اتم 6 شهور صج الوزن خلاص ماينزل ...ومتى يوقف تساقط الشعر ..لايكون طول عمري يطيح شعري .....لاني قرعت وكل ما امشطه ابجي حيل

هلا حبيبتي

عيادته عالبدع اسمها المنار كلينك وهذا رقمهم 25752222

وحبيبتي الكاكاو والخرابيط تثبت الوزن انا صارلي 8 شهور وللحين ما ثبت انشالله يثبت لان صار وزني الحين 55

وبالنسبه للتساقط استعملي شامبو وابولات فيتشي وايد زينه وتوقف التساقط وانا الحين قاعده استعملهم وشعري حيل تعدل وعلى فكره انا مثلج كان يحت خصل خصل وهم الفروق طلعت بس الحين الحمدلله التساقط وقف

 

[ملوكه 92]

يسلموووو اميره بكلمتي و مذهله
اي ان شاء الله راح اسويها عند خالد العنزي بس اول اقنع الاهل :*

 

[بطوووطة$بيضة]

وزني ٩٩كيلو

 

[اميره بكلمتي]

يسلموووو اميره بكلمتي و مذهله
اي ان شاء الله راح اسويها عند خالد العنزي بس اول اقنع الاهل :*

حراام لو ماوافقوا لانه وزنج حيييل كبير ،،، اذا عندج اي مشاكل صحيه لاسمح الله حاولي تقنعينهم بهالشي او معرضه للامراض مثل السكر والالم الظهر والركبه ترا هاذي كلها من السمنه ،،، بس بسأل سؤال ؟؟ انتي متزوجه ؟ وجم عمرج ؟؟

 

[اميره بكلمتي]

وزني ٩٩كيلو

امممممم

شوفي اذا ماوافقوا ع العمليه حاولي تسوين رجيم ،،، لانه رفيجتي كان وزنها 90 وطولها 157 واهلها ماكانوا مقتنعين بالعمليه كلللش مابذنهم ماي نهائيا سوت رجيم اشتركت بشركات التغذيه للريجيم الحين ماشاء الله وزنها 77 وناويه تواصل بعد لين توصل للوزن اللي تبيه

 

[Q8 fashion]

بنات انا قنعت ريلي تقريبا

بس سؤال اي دكتور اروح و منو سامع عن احمد الشرهان الي بالسلام ؟؟

و جم احط بحسابي حق العمليه

 

[krkosha]

انا سويتها شهر 11 كان وزني 86 الحين صار 67
اللي مازمني ويهي صار يومين مشي ولازم اسوي شد حق فخوذي لان مالعبت رياضه كلش وشعري صار خفيف
اكل حبوب للشعر برايون ان واخذ ابر فيتامينات حق خدار الاطراف

 

[krkosha]

الحين ابي حل حق ويهي لازم فيلر وفخوذي لازم شد تنصحوني بمنوو

وحياتي مذهله شلون عبدالناصر تفخه طبيعي؟ لان مابي شي اوفر

 

[krkosha]

تصدقين مذهله ولهت على العيوش والفاست الفوود اليوم كنت معزومه على عرس واشوف هالناس تاكل منه قاعد بنظرات بؤس واكتفيت بس بالتبوووله وبنص كباب احس كسرت خاطر نفسي

تصدقين اميره انا عادي اقدر اكل فاست فود وعيوش بس كميات قليله طبعا مع ان صارلي 3 شهور احس فيني شي غلط ههههههه

 

[مذهلة 78]

بنات انا قنعت ريلي تقريبا

بس سؤال اي دكتور اروح و منو سامع عن احمد الشرهان الي بالسلام ؟؟

و جم احط بحسابي حق العمليه

دكتور وايد زين وشاطر و وايد مسوين عنده وتحتاجين تقريبا 2800