رابطة "دودات الكتب " .. حياكم

[ra'3ad]

وااااااااي صارلي مدة مو داشه بس متابعة من بعد :eh_s(6):

انتهيت من قراءة حول العالم في 200 يوم حق حبيبي انيس منصور واااااااي احب كتاباته تقريبا عندي كل كتبه من المتوسطة وانا اقراله

وخلصت السجينة ... بجتني ومن كثر ما ضاق خلقي ما ودي اقرا باجي كتب العايلة كتاب اختها سكينة واخوها وامها وكتابها الغريبة

حاليا قاعدة اقرا الروحانية في أرض النبلاء يتحجى عن بدايات الاسلام في ايران واللي كانت على ايد شيخ الصوفيين صفي الدين الاردبيلي توني مبلشة

واللستة اللي حاطتها عقب:

1. سمرقند لامين معيوف .. امبيه هالكاااتب عشقته كتاباته شي مو طبيييييييييعي قريتله كتاب رحلة بالدسار امبيـــــــه انصحكم فيها واااايد حلوة
2. جيشا .. لاني حابة الفيلم واااايد فحبيت اقرا القصة
3. زهرة الثلج والمروحة السرية
4. العطر قصة قاتل


وابي آرائكم :tek:​

 

[Little_Queen]

رغد .. واااااااااااااااااو

قراءات جميلة و رائعه .. ياريت تكلمينا عن حول العالم في 200 يوم و تشاركينا رايج فيه


عن نفسي انا قريته و وايد حبيته .. و ياريت تسولفين عنه و نعلم البنات عنه و عن هالكتاب التحفه


............ جنج يايه على نفس المود مالي هاليومين ؟؟ سوالف المتصوفين و الروحانيات سولفيلي سولفيليييييييييييييييي





و بالنسبة للعطر قصة قاتل .... انننننننننننننننننننننننصحج فيها و بششششششششششده دده دده ! روعه


و انا بعد حاطه في لستتي زهرة الثلج ... شوقتوني عليها بصراحة كل من في هالرابطة قراها إلا انا ؟!؟!؟


-----------------------


دمعة غلا .. حياج تعالي خمطيلج دبوس من شيلتي و تعالي نبطبط معا !

---------------------------

 

[Little_Queen]

كويتية و أفتخر .. و مريم


هلا فيكم خواتي برابطتنا و حياكم الله ...

اقرو الصفحة الاولى عشان تعرفون شنو موضوعنا بالظبط و شنو شروط السواااااااالفات معانا اهو ماكو شروط

بس حطو شعار الرابطة بتوقيعكم ..

و ممنوع الحديث عن بعض نوعيات الكتب .. الابراج و الخرافات و الطبخ و الاشغال اليدوية و المكياج و هالسوالف مو عشان شي بس اكو اقسام متخصصة في هالاشياء

يعني هني نبي نسولف عن كتب ادبية ، فلسفية ، روايات ، شعر ، الخ الخ الخ

 

[ra'3ad]

انا اكثر شي حبيته بهالكتاب ان هم يعطيج معلومان وهم يضحك وااااااي ضحكني انيس منصور يوم كان بالهند ويوم تكلم عن الديلاي لاما اكثر شي عجبني كان الهند امانة وانتي شنو عجبج؟؟​

هذا عاد ماقدر اسولفلج للحين هههههههه توني مبلشة اهوا مو بس عن الاسلام عموما يتكلم عن القبائل الايرانية ان كانوا عبدة النار واليهود وغيرها وشلون تحركاتها وشلون اسلموا وجذي يعني يصنف من الكتب الدينية وسالفة التصوف انا حبيتهم من اشعارهم صراحة اشعار اهل البيت عليهم السلام كلماتها مو صج باستثاء حركاتهم وبخورهم وهالخرابيط عشان لحد يفهمني غلط .. وحابة عقب اقرا عن الصوفية بالتحديد لو ترشحيلي كتاب عن هالموضوع اكون شاكرتلج ​

العطر انا بقراه على كثر ما مدحتيه ههههههههه منج اه منج وبخاطري اشوف الفيلم بعد تصدقين توني ادري ان هالرواية ممنوعة!!! رحت جرير وقالولي ما نييبها!!​

هم زهرة الثلج حاطتها باللسته من مدح البنات اهني واقريها معاي عقب :eh_s(6):



بس ما قلتليلي رايج بأمين معيوووف!! امبيه لتل لااازم تقرينله كتاب من كتبه واااااايد حلوو

​

 

[حبيبه امها]

هلا دودات
شلونكم حبايبي ؟؟
وناسة جينة في ناس يدد ... حياكم الله معانا وقولولنا شقاعدين تقرون

لتوووووووول .. دمعة غلا

شلونكم ؟ ان شاء الله بكمل وسوري على انه ما رديت كملت يوم السبت بس لهيت شوية ... واعذروني اني وايد اقطع فيه واكتب فقرات صغيرة لاني قاعدة اختصر ومابي ياثر على المضمون وشكلة بخلية مسلسل تركي

نماين

شلونج حبيبتي ... شلون الصغار والاهل ؟؟؟ لا عمري حدج مو كسولة انا معاج لا حياة بدون خدم
بس عديها فترة تغيير وان شاء الله توصلج خدامة زينة تبرد قلبج ...






السبت رحت فيرجين وشريت كتابين - حسرتي بس اكود هالكتب وماكو وقت


شريت رواية الخيميائي - لباولو كويلو - وايد مدحوها قوالوا فيها فلسفة وفكر اذا صج انا احب هالنوعية

وكتاب قوس قزح جينة وحدة منكم بنات امدحتة اهو مجموعه قصصية
جينة رونة قالت عنه صح ؟؟؟ صج وينها ؟؟؟​

 

[حبيبه امها]

والحين انكمل عن بطلنا الثوري حبيب لتوووووووووول

تشي غيفارا

( اسمحولي هالمرة اكتب باسلوبي علشان يكون اسرع )

وصلنا لي انه صار عمره 14 سنة وشجعه والدة انه يشتغل ...وفعلا اشتغل باعمال صغيرة مع انه اهله ماكانوا محتاجين . بس كان غرض الابو انه يتعود ولدة على متاعب الحياة وصعوباتها

واهنى كان اول لقاء لارنستو مع الطبقة الكادحة وحس بمعانتهم ( وطبعا لاحظتوا انه الابو كان له دور كبير ورئيسي في تشكيل شخصية الابن )

بالاضافة انه الابو حرص انه يثقف ولدة وخصوصا لما يتعبة الربو ويقضي الوقت بالبيت فبدا تشي يقرا عن الفلسفة والرياضيات والهندسة والاجتماع ... ويناقش كل الي قراه مع امة وابوة

حتى انه استطاع ان يتقن الفرنسية ويقرا كتب فرويد بالفرنسي ( اراهنكم ما قريتوا بالعربي علشان تقرونة بالفرسي ) طا اعيالهم مو اعيالنا




لكن كان والدية مسيح كاثوليك بالاسم فقط ... ماكانوا يروحون للكنسية ويعتبرون غير ملتزمين دينيا

ودائما الاب كان يقول : (( المسيح اعظم رجل عرفتة البشرية لكن للاسف افسدت الكنيسة تعاليمة ...والكنسيه اكبر مشروع تجاري ثم اختراعة من قبل اليهود وقام الايطاليون بادارتة ))

وطبعا تسربت هالافكار للولد وصار معادي لرجال الدين


وكان يميز تشي ذكائة بالرغم انه ما التحق بالمدرسة الا لما صار عمرة 7 سنوات لكن قدر يتفوق بدراستة حتى وصل لمرحل الثانوية

وكان له اسمين ينادونه فيه اصدقائة بالثانوية
(( ال تشانتشو )) اي معناته ( المبهذل ) لانه مظهرة كان مبهذل وما يهتم بلبسة
(( ال بيلادو )) اي الاقرع
ومن وين يت قصة الاقرع ...؟؟؟ انه مرة تشي صادف رجل مشرد وقاله انا كنت حلاق لكن الايام دارت علي ( امير مو حلاق )
فتشي قلبه طيب وما حب يكسر بخاطر المشرد وقاله جرب بشعري قصات علشان تستعيد مهارتك

وطبعا كان ما يتضايق بهالالقاب حتى قعد مدة يوقع باسم ... ال تشانتشو

اتوقع كافي لاهني قرقت عليكم وايد ... نكمل باجر وصلنا لي المرحلة الثانوية ​

 

[نماين]

حبيبة امها ويارب يخليلك امك

سبحان الله كلامك ما ادري ليش ممتع وسلس

يعطيك العافية على كلام الحلو وتلخيصك المفيد

وان شاءالله نكمل معاك بكرة

ملاحظة للحين انا بالتاكسي وجنبي بعد رواية هيفاء بيطار ما كملتها احس مو متشجعة بس لازم اكملها ما احب اهد شي بدون ما اكمله

 

[.]

السلام عليكم..

شلونكم..

وناسه الرابطه عامره اليوم ان شاءالله دوم..

كويتيه وافتخر ومريم 22 ورغد..

اهلا اهلا..

حياكم الله..

شوقتوني اقرا لانيس منصور..

امم لتل العفو لو..

حبتج العافيه يارب..

نماين الله يعينج ..

دمعه وروح ازيكم؟؟

شوقتوني ع صحافة ..

جوجو غياب؟؟

بتي غياب مستمر

حبوبه ام هير..

بالعافيه يارب وقراءه ممتعه ان شاءالله..

انا مو لاقيه شي يديد اشتريه واساس ماراح اشتري شي الا لما اخلص كل اللي عندي هالمره صج كل مره اقول جذي يبقى شغله او 2 واشتري غيرهم ولا اقراهم..

انا اليوم خلصت موستيك وقاعده اجهز بوست عنه انتظروه خخ..

 

[.]

نماين لوسمحتي من وين حصلتي التاكسي؟؟

 

[Little_Queen]

اول مره ادري انه رواية العطر ممنوعه !!

مع انه مافيها شي على فكرة .. يعني بصراحة انا اشوفها عاديه كلش مافيها اووووووووفر كلش

يعني كلش كلش مو نفس فانيلا مثلا و لا عماره يعقوبيان و غيرها ..


اي والله يا رونة جزاج الله خير ذكرتيني ببيتي الي مادري وينها !!!!!!!!!!!!!!!!!!!!!!

جوجو متواصله معاي مسجات عالموبايل بس مادري وينها عن المنتدى بصراحة ..


يلا مو مشكلة .. ناطرين بوستج ( البوست حقتج ! .. مو بوستج يعني بوسه ! ) عن موستيك ... عاد رئيس قسمنا بالجريدة يمدحها وايد بس مادري مو متشجعه وايد اقراها ما بعرف ليش




شريت اليوم من الكلية مجموعه قصصية حق غابرييل غارسيا ماركيز .................. طلع رفيج ريلي جيفارا !!

اييييييي و متأثرين وايد بأفكار بعض و اشتغلو ويا بعض و كانو اصدقااء !!!!!!!!!!!!


--------------

حبيبه امها ..
باولو كويلوووووووووو .. بعد ما يبيله ! اكيد روعة !


الخيميائي هذي من كلاسيكيات الرواية اصلا !

و تعتبر رواية رائدة و قديرة و شي اساسي في حياة كل كاتب و كل مثقف لازم يكون قاريها


بس ما توقعت ابداااااااا تنباع هني ؟!؟!؟!؟!؟!؟


شيشتيني .. بروح اشترييييييييييييييييهاااااااااااااااااااااااااااااااااا


بس تعاااااااااالي ...
انتي الحين بعد صرتي حبيبة لتل كوين مو بس حبيبة امج !


طول ما انتي حلوه جذي و تتكلمين عن حبيبي .. بتمين حبيبتي ... بس اول ما تبطلين حجي عنه .. رح أكررررررررررررهج !! :*

شوفي يا حبيبة شلون التربية تأثر .. ابوه من الصغر عوده على القراءة و الثقافة و الثورة و النشاط ..

و احنا عيالنا متعودين عالفلوس السهالة و الكروش و الوجبات و البلاي ستيشن .. و ماري و كومار !

شلون تبون عيالنا يطلعون شخصيات رائعة ؟؟؟؟؟؟؟؟؟؟؟؟؟؟؟؟؟؟

اذا طول الليل و النهار الولد قاعد مكبر كرشه عالعنفه شااابك ولا يلعب بلاي ستيشن و كل شي يوصل لي حلجه !


اصلا يكفي انه ابو جيفارا خلاه ينزل يشتغل و يحس بالتعب و يعاشر الاوادم الفقارى و الاغنياء !


صراحة .. تربية جيدة جدا ! و لا عجب ان ولده صار احد اقوى مناضلين العالم ! و من اكثر الشخصيات المحبوبة و العالقه في الذاكرة للأبد


احبببببببببببببببببببببببج حبوووووب احبج وناسه كملي كملي ... كملي احبج من حب جيفارا


------------------------------


رغد ...

اي مالج شغل ببخورهم و الحركات مالوتهم .. بس شوفي الفكر مالهم و اشعارهم و اناشيدهم !!

بصراحة روائع !

رواااااااااااااااااااااااااائع !!!


اعرف شاعر ماشالله عليه يكتب على هالنسق !! شعره غريب ! غريب حده ما تقدرين تقولين مو حلو

ما تفهمين .. و تقعدين ماتدرين انتي وين قاعده .. ياربي الفااااظ قوية و صور غريبة عجيبه و اشياااااااااااااااااء و عااالم


مادري بصراحة انا اجهل تماما هذا العالم و نفسج بالظبط قاعده ادور اشياء اقراها اذا ابي اعرف اكثر

بس شوفي .. اهي مدخلها على فكرة من كتب الفلسفة !


انا انشالله رح اشترك بورشه السهروردي الفلسفية - مادري احد سامع عنها ولا لأ ؟ ..

اهي تقريبا مثل حلقة دراسية في الفلسفة .. و صاحب هذي الورشة اديب و فيلسوف معروف بالكويت اسمه عبدالله السعيد .. معروف أكثر باسم " بو علي " !

مره احد اصدقائي يقول انا قاعد في الجامعة اسولف ويا رفيجي اقوله عن الورشة و اسولفله عن بو علي

ولا بمرت دكتور ..

الدكتور مر من جدامهم ... و اهو يسولف .. يقول من سمع اسم بو علي جااااااااان الدكتور يطق بريك مره وحده و يرجعلهم !



يقولهم : انتو تعرفون بو علي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الصبيان قالوله : إي !

الدكتور : سلمولي على استاااذ بو علي و قولوله دكتور " فلان " يقولك أنا اسف اني مقاطع الورشة و رح أرجع أرد ادرس و اذاكر مثل قبل !!


و الصبي يحلفلي يقولي ويهه قلب لون ثاني ! كأنه سامع اسم يني !


فمادري وايد وايد متشوقة حق موضوع ورشة السهرودي


اهيا طريقتهم انه يجتمعون مره في الشهر تقريبا او على حسب ..

بس يعطونج اول شي مذكرة فلسفية عن " اللوغوس" .. تقرينها و تدرسينها .. و تتابعين مع مشرف من الورشة ..

شنو الي فهمتيه و شنو الي ما فهمتيه

عقبها يعطونج تطبيق ...

من الي قريتيه و فهمتيه

هل يالج إيحاء قصة ؟ يالج ايحاء قصيدة ؟ رسمة ؟ مسرحية ؟ تمثيليه ؟ ايييييييييي نوع من انواع الفنون !

يقولج طبقيه .. شنو حسيتي و شنو الهمج الي قريتيه .. طبقيه ..



يعني بشكل أساسي يناقشون فلسفة الجمال ..

او الفنون الجميلة ..


الشعر .. الموسيقى .. القصة .. التشكيل ...


و منها يدخلون للفلسفة الصوفية

و الافكار

و الروحانيات

و الفوضى

و الواقع


و الاشياء هااااااااااااااااذي !! حدي متححححححححححححمستلها ودي اتعلم فلسفه صج و ودي اعرف هالاشياااء احس صج متعه


الحين انا خذيت كتاب اللوغوس صوره لي المشرف مالي من الورشة .. قريت اول جم صفحة مافهمت شي كلش فقلت يا إني بقوله اني م فاهمة و يقعد يفهمني


او بقوله بنطر لي الصيف عشان أقدر بالاجازة أفجج الالغاز الي مكتوبة في مذكرة اللوغوس

يمكن لأني مو دارسة فلسفه كلش ملش في حياتي فالموضوع صعب علي و محتاجه تأسيس من الصفر !



maybe !


المهم يا رغد ...

في ناحية الصوفية خليني اسألج شنو الكتب الحلوة ...

كان في كتاب شريته قبل فتره من معرض كتاب مستعمل يتحدث عن الصوفية في العالم الاسلامي .. شي جذي

نسيت اسمه ..


بتحصلينه قبل جم صفحة ! مادري متى بصراحة .. شوفي صفحة 96 ... هالصوب ..



و بالنسبة لأنيس منصور ... طبعا حدي حبيت مغامراته بالهننننننننننند !

و الاحلى بعد لما راح جزيرة ال ...... !! فشلة كل الحريم هناك ما يلبسون بلايز ! ما يلبسون شي من فوق كلش ملش !


و انا بعد حبيت سالفته مع الدلاي لاما وايد

باختصار انا احب الكتاب كله ما أمل منه بصراحة مهما أقراه استانس عليه مره ثانية

 

[.]

تذكرت خخ..

رغد السجينه احلى من كتاب اختها انا قريت 3 ..

السجينه الغريبه والحياة بين يدي شي جذ اسمه..

سكينه مع عندها شي تضيفه غير محالاتها عقب السجن لانه لما نسجنوا كانت صغيره..

اما مليكه حياتها بالقصر بطفولتها وعقب مراهقتها وعقب السجن الهرب..

انا شريت مال سكينه عساس اعرف حياتهم اكثر لقيت في تناقض بسيط بسردهم لطريقةاكتشاف الحرس لعملية هروبهم..

والغريبه شوقوني علي البنات وكنت بعرف حالتهم عقب السجن ..

اذا بتردين تقرين شي لهم انصحج بالغريبه..

 

[.]

هلا لتل..

صباح الخير..

ولكم بالمثل يارب..

انا ودي اقرا لباولو بس ابي 11 دقيقه..


بالعافيه يارب..

حتى ربعه تحبينهم خخ..

توني نزلت البوست بس شي ع طاير بس اهتميت بتجميع معلومات عنه من الجرايد ..

ومرسوو..

اي طلعتي علمي..

الفلسفه عجيب حبيتها يام الثانوي من كثر ماحبيتها يبت 100 الا شوي خخ بس صج ممتع وكنت دي اخذها عند الربعي بس الله ماكتب..

 

[ra'3ad]

وااااااي لتل نفس ذوقي بالقراءة احب الكتب اللي ماخذة طابع فلسفة من جذي احب كتابات انيس منصور وانتي اذا تحبين كتب عن عادات وتقاليد الدول عندج كتاب ثاني حث انيس منصور اسمه الحب والجنس والزواج هم يتحجى عن تقاليد الزواج والحب بكل ديرة شنو الاغراء اللي في كل دولة يعني مثلا في الصين الاغراء اهو القدم الصغيرة اللي من صغرهم يلبسونها طابوق مادري شنو عشان واعليه تصغر ريلها!! وفي مادري باي دولة عندهم الاغراء للي رقبتها طويلة يحطون حلقات في رقبتها وكلما زادت عدد الحلقات يعني اهي ملكة جمال :eh_s(6): وغيرها يعني ممتع الكتاب

لان واااايد فيها من الفلسفة بس الله يعينج على اللوغوس الي مادري شنو اهوا بس ما فهمت شي من اللي قلتيه ههههههههههههههه

وعطينا اخر اخبار الكتب الصوفية ... ومن اشهر القصائد اللي يقولونها اهي قصيدة الفرزدق في مدح الامام زين العابدين بحطلكم مقتطفات من القصيدة لانها وااااااااااااااااااااايد طويلة

هَـذَا الَّــذِي تَـعْـرِفُ البَطْـحَـاءُ وطْـأَتَـهُ وَالْـبَـيْـتُ يَـعْـرفُـهُ والْـحِــلُّ والْــحَــرَمُ
هـــذا ابـــنُ خـيــرِ عـبــادِ اللهِ كـلِّـهـمُ هــذا التـقـيُّ الـنـقـيُّ الـطـاهـرُ الـعـلـمُ
هــذا ابــنُ فاطـمـةٍ إنْ كـنــتَ جـاهِـلَـهُ بِــجَــدِّهِ أنـبـيــاءُ اللهِ قـــــد خُـتِــمُــوا


مِـنْ هاشـمٍ فـخـرِ فـهـرٍ بــل وسيـدِهـا مِنْ شيبةِ الحمدِ ساقـي الخلـقِ منقذِهـا
مِنْ أحمدٍ فوقَ وصفِ الشعـرِ والفُقَهـا ومِــنْ عـلـيٍ أمـيـرِ الـحــربِ قـائـدِهـا
ومِـنْ شهيـدٍ لـه امـتـدتْ يــدُ السُّفَـهـا إذا رأتــــه قــريــشٌ قـــــال قـائـلٌـهــا
إلـــى مـكــارمِ هـــذا ينـتـهـي الـكــرمُ


بـيــتُ الـنـبـوةِ هـــذا ســبــطُ دُرَّتِــــه يخْبـو سَنـا البـدرِ مـن إِشـراقِ طلعتِـه
والشعـرُ يحتـارُ فـي تمجـيـدِ حضـرتِـه والطـرفُ ينغـضُّ مـن إجــلالِ هيبـتِـه
لا تـســأمُ الـعـيــنُ إمْـعـانًــا لهـيـئـتِـه ينشـقُّ ثـوبُ الدُّجَـى عـن نـورِ غُرتِـه
كالشمسِ تنجـابُ عـن إشراقِهـا الظُّلَـمُ





انا مشكلتي دوامي ماخذ كل وقتي :0bee2e8d89: الوقت اللي بقرا فيه بعد خلالالالاص عيوني منبطة من الشغل
طلعولي حل​

 

[ra'3ad]

تذكرت خخ..

رغد السجينه احلى من كتاب اختها انا قريت 3 ..

السجينه الغريبه والحياة بين يدي شي جذ اسمه..

سكينه مع عندها شي تضيفه غير محالاتها عقب السجن لانه لما نسجنوا كانت صغيره..

اما مليكه حياتها بالقصر بطفولتها وعقب مراهقتها وعقب السجن الهرب..

انا شريت مال سكينه عساس اعرف حياتهم اكثر لقيت في تناقض بسيط بسردهم لطريقةاكتشاف الحرس لعملية هروبهم..

والغريبه شوقوني علي البنات وكنت بعرف حالتهم عقب السجن ..

اذا بتردين تقرين شي لهم انصحج بالغريبه..

اي انا توقعت جذي ما عندهم شي يضيفونه كله مكرر!!

ومااابي اقرالهم بعد شي حاشتني كآبة اسبووووع منها ​

 

[.]

السلام عليكم..

شلونكم بنات..

انا اليوم ماقريت شي اهي اهي..

كان محتاره اقرا صمت يتمدد لسليمان الشطي او اقرا قليلا وشهقة لهبة بوخمسين..

بس رجعت كفت سليمان الشطي وقريت صفحتين جنه ونسيتهم خخ..



هلا رغد..

وي..

اساسا الغريبه تتعاطفين معاها لانه صج بتحسين انها غريبه بحكم سجنها 20 سنه فكل شي تغير عليها بس من جانب 2 لوعت جبدي وطاحت من عيني..

 

[Bq]

رغد الكتاب عن العادات والتقاليد أنا ما احب اشتري جذي بس لمن كتبتي نبذه عنه طلع وااااايد حلووو غير عن التفكير الي في بالي
والمقطع مال الإمام زين العابدين واااايد حلووو عجبني

حبيبة امها كملي بس بسأل سؤال شنو اسم الكتاب الأن أن ماتبعت معاج من أول صفحة 105 بديت اقرى الي كتبتي اظاهر الصفحات الي طافتني انا ما فجيتها لتل و حبيبه والله كلامكم كله صح إذا من صغرهم ماتعلموا اقرايت كتب عيل متى بيتعلمون اذا اشتغلوا ما في مجال يتحسفون ليش ضيعون الماضي بدون قراءه الصارحه انا عندي القرآءه واااايد مهمه احيانا تغير معتقداتنه الخطأ

 

[حبيبه امها]

هلا دودات شلونكم ؟؟؟
بعد قلبي حدة كلامكم اينن راح ارد عليكم وحدة وحدة ... يعني نفر نفر


بس بقولكم اليوم خلصت رواية 207 ... يقولولكم الناس شرواها وقروها الشهر الي طاف وانا توني

حلوة ودمة خفيف الكاتب في جم مقطع ضحكني
بس ما ادري مو هذا نوعي كلش ... بس حلو خذت عنه فكرة ​

 

[حبيبه امها]

حبيبة امها ويارب يخليلك امك

سبحان الله كلامك ما ادري ليش ممتع وسلس

يعطيك العافية على كلام الحلو وتلخيصك المفيد

وان شاءالله نكمل معاك بكرة

ملاحظة للحين انا بالتاكسي وجنبي بعد رواية هيفاء بيطار ما كملتها احس مو متشجعة بس لازم اكملها ما احب اهد شي بدون ما اكمله

هلا نماين شلونج حبيبتي ؟؟؟

بعد قلبي تسلمين امين ياربي ... وحدي استانست على المدح مشكورة يا الغالية ... :eh_s(6):

وانا معاج لازم اتكملين الرواية علشان اتكونين فكرة كاملة عن الكاتب واسلوبة انا مثلج ما احب اخلي كتاب مو مخلصتة​

 

[Bq]

حبيبه عن شنو يتكلم الكتاب ؟؟؟
ماجاوبتيني على السؤال اسم الكتاب تشي غيفارا

 

[حبيبه امها]

هههههههههههههههههههههه


يا جماعه لاحظتوا لتووووووووووووووول رفيج ريلي


خلتة ريل مرة وحدة مو حبيب ... ماكو حب؟؟ ختووبة ؟؟ ... يلا ما تلامين حلو وحنون وبيصير طبيب :eh_s(15):

بحلقة اليوم راح اكملكم شلون صار طبيب ( وحدة عاشت الدور انها روائية فقاعدة اتشوقكم
ابشركم كل يوم راح اقولكم شوية لين ما نكمل 100 حلقة )

وبخصوص حبيبة لتووووووووول ما عندي مانع ودي اتمنى اصير حبيبة الكل اتمنى احد يقول لا
وماراح ابطل عنه علشان ما تكرهيني وراح اتكلم عن اعيالة واعيال اعيالة

بس والله يا هنووودة صاجة بالكلام الي قلتية عن تربية ترا اعيالهم ما يطلعون جذية مني والطريج هذا ناتج تربية سنين
الاجانب انا لاحظتهم ايجايلون اعيالهم عدل ... او يهيتونهم عدل

لا بس الفئة الزينة الي اتجابل اعيالهم اتشوفين صج يتعبون عليهم علشان جذية ترا ما يكثرون العيال وما عندهم شي اسمة دقار
ما يدقرون ماشاء الله الياهل يعاملونة جينة كبير ... احنا كلة نجعمهم وعلية لما تكبر نقولك ... هذا حجي كبار لا تدخل
يا جماعه ترا الطفل حييييييييييييل ذكي فاذا بيسال عن شي جاوبوا بالمعلومات البسيطة الي تبينها يعرفها لا يروح يسال احد ثاني ويعطونه معلومات علط او معلومات ما تبينهم يعرفونها وخصوصا بالمواضيع الحساسة او الكبيرة او المعقدة شوي فهمومهم مافيها شي

يعني مثلا في وحدة اعرفها اذا صار خلاف بسيط بينها وبين زوجها والعيال احلوين وحسوا وقالولها شفيكم يما ... اتجعمهم ماكو شي وهذا حجي كبار واحنا مابينا شي

انا برايي اتقولهم ميخالف انا وابوكم اختلفنا شوي بالراي وهذا مافيها شي ترا عادي الناس تختلف بس هم انا ليلحين احبة واحترمة واهو نفس الشي واحنا انحبكم وووو من هالحجي

ترا علشان جذية احنا ما نتقبل الراي الاخر ولا نتقبل الاختلاف اتشوفون لو يصير موقف بسيط اتصير عقبها زعل وقطاعه ليش عاد؟؟؟ الاختلاف شي عادي ووارد ..
جيني قرقت وبعدت وايد عن الموضوع ... كيفكم نماين قالت اسلوبي حلو :bbbiu:

_ الحين البنية اتقول ما تسوى علي هالمجاملة )​

[

U]دمعة غلا [/U]

هلا والله سوري ... بس والله على بالي برد عليج
اسمة تشي غيفارا وعنوان تحتة نهاية بطل وميلاد اسطورة
للكاتبين : فريد الفالوجي- حسن حمدي​