رابطة "دودات الكتب " .. حياكم

[Anastasia]

بنياااااااااات ..
.
باجر بحط الصور .. مئدرش دلوئتي

 

[Bq]

مسكينه خرعتيها لوول ناطرينج جوجو

 

[Little_Queen]

اوووووووووووف اليوم كان يوم !!


قعدت الساعه 8 الصبح !


غسلت و استعديت لمعركتي المكياجية ..

قعدت نص ساعه أنقش بالويه ! عشان آخر شي أطلع بمكياج خفيف !!!!!!! والله لاعت جبدي ! اليوم يعني قلت خل أثقل مكياج شوي من خاطري !!

لا ثقل ولا شي ! الكحل كان مخربط و حالته حاله !


ثم ..

توني بطلع من بيتنا عشان أروح احضر مسرحية جوجو


جان اخوي الصغير ينادينييييييييييي


تعاااااااااااالي عطي ولدج حليب ! " ولدي الي اهو قطوي . سميته بومبو " ...


مو راضية يرضع بإيد الخدامه .. و اخوي الصغير حمني ما يعرف يشربه حليب ..

جان أرد اصعد مره ثانية و امسك ولدي و عطيته رضعته اسمالله عليه .. و لحفته عدل مدل و نومته ..

و طلعت ..



عافرت وسط الزحمة


لا و نسيت احط الكرت في البوكية ... جوجو .. اكتشفت انه الكرت الي المفروض احطه عالبوكيه موجود في سيارتي


و انطلقت ..

من الفحيحيل " حيث أقطن في المنقف ، و تواجدت في الفحيحيل لاستلام البوكيه الجميلون حق الحلوة الجميلة بدر الزمان ! " ...

الى قرررررررررررررررررطبة


و طبعا تأخرت

و ضيعت

و دشيت بالظبط مدرسة جوجو الساعه 11 يعني عقب ساعه كامله من بداية الفعالية ...


طبعا دشيت لقيت الناس هايجة و مايجة و كل من يسلم على كل من .. و الناس يصورون .. و انا احووووووووس جني خبله اتلفت


ماااعرف احد .. ولا اعرف اصلا شلون شكل جوجو ... قلت خل أقعد على اقرب كرسي و انطر فرج الله !


يا تصيدني البنت و تنقشني انا و يا بوكيهي " جني عماد حمدي مواعد فاتن حمامة !! " ..


او عليه العوض و منه العوض ... اروح آخذ فطاير صغار و حلو و عصير من الي حاطينهم يم الباب ضيافة و امشي !


بس تووووووووووني


توووووووووووني بقعد


ليلحييين ما لمست الكرسي


جان أشووووووووووف شئ مااااا يقفز و يهاجمني من الاماااااام !



انها فتااااااااااااااة !



it is a giiiirl !!


بنوته حلووووة لابسه اسود و اكسسوارات و تاج ملكة كششششخه و تقولي : هنووووووووووووودة !


هنا فقط .. عرفت انها جوجو


ونااااااااااااااسة


طبعا ما حضرت ولا شي من مسرحيتها للأسف الشديد ديد ديد !


و الله مو مني آنا آسفة جدا جدا عالتأخير


خذتني و رحنا سلمنا على أ.حنان عبدالقادر .. أبلتها و زميلتي في جريدة الراي .. و هم بعد اعرفها من خلال الامسيات الشعرية

و بعدين عرفتني على صديقاتها


الي يهبلوووون

و طبعا ما أقولكم الازياء شحلاتها ماشالله


سواء الزي مالها

ولا ازياء البنات الي كانو معاها بالمسرحية


ولا الديكوووووووووووور

صج صج صج شغل متعوب عليه


و مسوين معرض صغيرون لابداعات الطالبات في التصوير الفوتوغرافي و الرسم


كان شغل وايد حلو و مرتب ..


والله و استانست وايد وايد بشوفة جوجو الحلوة و الحين بنزلكم صور و مقتطفات من الي صار اليوم

 

[Little_Queen]

هذه " برشامة " جوجو ..

الاخت الظاهر مو حافظة دورها عدل .. جان تطبع الورقه و تلزقها على مهفة كانت تستخدمها في التمثيل ...

نياهاهاهاهاها

حسافة ما صورتها و اهي لازقة بالمهفة ..

بس خذيتها منها ذكرى ..






و شوفو هني كتبتلي عليها ذكرى خاصة ..




و هذه صورة لجانب من المعرض الي كانو مسوينه لإبداعات الطالبات ..




و جانب آخر ..




و إبداع فني من نوع مغاير..




و هذا الكرت الي المفروض كان يكون على البوكيه مال جوجو .. بس من العيله " الاستعجال " نسيت أحطه !!!








كـــــــانــــت معــــكم : هــــــــــــــنادي البلوشي .... تــــلفزيون الوطن ..


من المعهد الديني للبنات .... قوووورطوباااا !

 

[حبيبه امها]

هلااااااااااا دوداااااااااااات
شلونكم حبايبي ؟؟؟



لتووووووووووول وجوجوووو


وناسة ماشاء الله لقائكم وايد حلو .. واحس انكم استانستوا ...
وصج ونستونا معاكم ...
جوجو يعطيج العافية وانا متاكدة انه كنتي مميزة بشكلج وادائج
بس ضحكتيني على البرشامة ... هالكبر عاد !!!!!! :dddds:

ولتول مشكورة انج رحتي وطبعا لتول بنيابة عنا كلنا مو الملكة



دمعة غلا

هلا حبيبتي ,,, ومشكورة ... وقوليلنا بعد انتي شنو تقرين


رونة

هلا بالغالية سوري ما عرفت الكتاب الي كاتبتة بس يمكن بجرير ما دورتي اهناك ؟؟​

 

[نماين]

يا حولكم يا بنات انا مشتااااقتلكم كتيييييييييييييييير اووووووووييييييييييييييييييييييييي
الاسبوع الي فات كنت جدا مشغووووووووووووولة

تحولت من معلمة اسلامية الى حاسوب ( ما ادري ليش القسم بالمدرسة عباله اني فلته بالكمبيوتر ) المهم اني تدبست وطلبوا مني شغلة وسويتها فسويت ذاك العرض التقديمي الواو ( بشهادة الجميع مو شهادتي لاني ما اعجب بشغلي )

العرض عبارة عن قصيدة شعر ومدح للمديرة ( تستاهل احبها حييل ) مع صور لها وعبارات وعرضناه بحفل التفوق قدام الحضووور ومفاجأة لها

يا حلو وجها لمن شافت العرض بداية مو مبين انه لها فاشوفها تتلفت على الي حواليها وتقول شنو هذا مو من ضمن الفقرات بس عقب لمن عرفت ادمعت اعيونها تأثرااا

الحمدلله اني افتكيت جدا ارهقني بس ما فشلني العرض ان شاءالله

واليوم انهيت آخر صفحة من رواية


( زهرة الثلج والمروحة السرية


حييييييييييل اثرت فيني اول مشاعر الصداقة والاستمتاع بالصداقة وبعدين لمن تفرقوا بسبب التسرع وعدم التأكد زالندم زمحاولة تكفير الذنب

والجو الي في القصة جديد علي والمكان الي صارت فيه الاحداث ببساطة القصة مؤثرة )

 

[نماين]

هلا لتل..

لا اول شي احس بحر عقب دوخه تخف وترد عقب اقوى فجاءه تظلم الدنيا ووماقدر اشوف شي واطيح ..

اي شكلي بروح خاص اريح واسرع واضمن..

نوم العوافي يارب..

وناس ناطرين تغطيتج ..

ومرسو..

حبيبتي ما تشوفين شر يالغالية

ببساطة الحالة الي فيك اسمها هبوط ( خبرة انا فيها ) لمن تصير فيني سيدة لازم اقعد واحول اكون بمكان بارد بالضبط بالبداية حر وسرعة بنبضات القلب و عدم توان ودوخة وتنتهي بظلااااام

فلازم اول ما تحسين فيها تقعدين وتشربين شي بارد ونفس عميق عشان تخف الحالة بس اهي لازم تمر

واكثر اسبابها نقص الحديد والفيتامينات فلا تحاتين اخذي لك كورس فيتامينات يبيلك تغذية اوووكي وبالعافية يارب

 

[نماين]

جوجو جركااااات ومسرحيات يا عيني

حسافة توي ادش واشوف دعوتك للعرض لو قاريتها مبكر كان استأذنت وجيت طوووووالي لاني احب هالشغلات

وعقبال ما تسوين فيلم سينمائي ..............لووووووووووووووول

وما قصرت لتوووووووول تكفي وتوفي

كسرتوا خاطري بسبة هالخدم الله ستر عليك و انا شكلي بطلع خدامتي الاندونسية مو عاجبتني احسها مريبة الله يستر

 

[.]

السلام عليكم..

ازيكو..

لتل :

مرسي ع الصور باباريز صايره خخ..

و شكلها خوش فعاليه..

الله يعطيهم العافيه يارب..

واهنيج ع فكرة البوكيه رائعه ماشالله ..

خخ ضحكتني فاتن حمامه..

ومشكوره..

هلا حبوبه..

مااحبها جرير و بفيرجن مافي ولا بذات السلاسل..

ومرسووو خيتووو..

حبيبتي ما تشوفين شر يالغالية

ببساطة الحالة الي فيك اسمها هبوط ( خبرة انا فيها ) لمن تصير فيني سيدة لازم اقعد واحول اكون بمكان بارد بالضبط بالبداية حر وسرعة بنبضات القلب و عدم توان ودوخة وتنتهي بظلااااام

فلازم اول ما تحسين فيها تقعدين وتشربين شي بارد ونفس عميق عشان تخف الحالة بس اهي لازم تمر

واكثر اسبابها نقص الحديد والفيتامينات فلا تحاتين اخذي لك كورس فيتامينات يبيلك تغذية اوووكي وبالعافية يارب

هلا نماين ..

بعد عمري الله يريحج مثل ماريحتيني يارب..

جزاج الله خير..

 

[.]

طلو ع شخابيطي..

واذا عندكم وقت علقوا. اذا ماعليكم امر.

بحط اللي عن كتب الرابطه..

ظلي - حميدي حمود..

http://sha5bo6a87.blogspot.com/2009/04/blog-post_30.html

زمن البوح - تحولات لحمد الحمد..

http://sha5bo6a87.blogspot.com/2009/04/blog-post_25.html

في سوالف احمد توفيق..

يحليلهم كل اللي قاريت لهم اساميهم فيها حمد

 

[روح كويتيه]

سلاااااااااااااااام علييييييييكم

شلوووووونكم

بناااااااااااات

حدي حححدي حدي فقدتكم



بخاطري اروح اشتري كتب بس مافي في بالي شي احس اني مشوشه


عطوني اقتراحاتكم


وطبعا حده ماكو وقت بسبة الانتخابات

 

[Anastasia]

بنات باذن الله باذن الله ..
.
بنسوي عرض ثاني .. عشان اللي ماشاف يشوف ومالحق يلحق >>>نغزة
عقب اسبوعين وشوي ..
.
لتووول بدعتي .. بس امبي ولدج توووحففة .. مدللعته حضرتج ..
.
بيني وبينكم بناات ,, انا كان حسبالي لتول (من اسلوبها وكلامها معانا اهنيه بالمنتدى) .. وحدة رسمية حييل ووقورة وانسانة عملية جدا ومعنهاش لعب عياال .. بعدين يوم شفتها انصدددممممت ..
.
.
.
.
واااي تينن قمممة بالانووثة والذرااابة والذوق نعووومةة وطوول ما اهيا تكلمني لاازم تمسك ايدي وهذا دليل على رقتها
.. صج صج استااانست بمعرفتها .. صج وححدة تبييض الويه .. ماخلي احد ماسلمته عليها ولسان حالي يقول (انظروا انها صدييقتي) ..
.
وعئبال مانشوف نمااين الحلوة وروونة (الله يشاافيج يارب سهالات ماعليج لازم تحوشني هالحالة ايام الشيسمونة ) وحبووب ودمووع وروح وكمول و منو بعد منوو ؟؟ ... كملو عني
.
اي صج لتول متى بتكتبين عنا بالجريدة >>>حنانة
.
عازمتج بتاريخ 21/5 ..عندنا مناظرة وبيوننا زوار.. مسوين احنا البنات حملة "انتعاشة روح" من فترة ونجحت بقووة .. وفعالياتنا شحلاتها .. وفي اشاعة تقول انه بيعممونها على باجي المدارس بس موو اكييد اصص لحد يعلم ..
.
بحط الصور الحين ..اللي صورتهم بكامرتي اليديدة الكشخة اللي احترت منها لتول خخخخ
.
هذا اثناء تحضير ديكور المسرح .. >>كله شغل ايدنا
.

.
هذا عرش الاميرة بدر الزمان .. اللي اهيا انا خخخ (جيكوا على رواية هاري بوتر الانجليزية خخخ كللش موو لاايق مع المسرحية الفصحى خخخ)
.

.
وهذا العرش من بعيد (اهم شي بالموضوع رفيجتي المسكينة شايلة جنطتها على ظهرها وتلقط غريضاتنا عقب العرض واهم الاهم جيس ناين وست اللي داش عرض بالديكور العباسي خخخ)
.

.
وهذا البردة والدريشة
.

.
هذي جرة وطالع منها شي خخ
.

.
وهذا المسرح كلة من بعيد
.

.
وهذا جانب من معرض الصور الفوتوغرافية البروفيشنال (امبروز بالاسود تصوير : أروى الربيعة)
.

.
والمبروز بالذهبي هذا تصوير لولوة الضيف

.

.

.
يتبعع

 

[Bq]

وناااااسه شفتوا بعض عليكم بالعافيه والله المسرح كان حلوووو حتى البراويز

نماين انا حاليا قاعده اقرى غير حياتك غير تفكيرك

 

[Anastasia]

هذا تصوير أروى الربيعة من قريب
.

.

.
هذا لولو (ادري مخربط بس حدي مستعيلة )
.

.
هذي هنووودة .. اكتبتلنا بسجل الزواار
.

.

هذيي الصورة مخصوو حق نمااين .. عشان تشوف تصوير الختيير ..
.

.
هذا سجل الزوار من بعيد
.

.
هذي الاشعار اللي قلناها بالمسرحية .. مسجلينها بسجل الزوار عشان يطلعون عليها ..
.

.

.
هذا بوكيه لتوول حقيي .. مو يشووق .. اول بوكيه ورد لي بحياتي ..
.

.

.
يتبعع

 

[Anastasia]

باجي جم صورة.. حركاات خخخخ يعني مسوية نفسي بروفشنال
.

.

.
هذي توه وانا قاعدة ادرس جان ارسمها خخخخخ تذكرت رفيجاتي اللي مثلوا معانا بالمسرحية كانو حاطين بالكحل علة حنجهم دقوق خخخ .. "حشا صلب مو عرب خخخخ"
.

.
وهذي قبل جم يوم وانا رادة الظهر .. صورت بيضة فلين طالعة منها ريشة معطتني ياها اختي مع جنطتي الحمرة .. وجم نفنوف المدرسة المخطط اللي ييب المرض طاالع
.

.

شرايكم
.
شكرا لتوول الحبيبة

 

[Anastasia]

همممففف .. أخيييييييييررررننن
.
خلصصتتت .. وااي هلاااك .. وانا اصغر وارفع الصور .. ان شا الله طالعين عاد ..
.
لاني شكلت بمواقع رفع الصور من العيلة شنسوي

 

[Anastasia]

نمااااااااااااين ..
.
قريتي زهرة الثلللج ..
.
وااااااااااااي روووعة روووعة ..
.
لتووول تذكريين من ايام موضوعنا القديم "0شنو شريتي من معرض الكتاب) .. وانا البح واللبببحح يا بناات لاتطووفكم زهرة الثلج روووعة وتبجيييي .. تييينن ..
.
صج صج مش ممكن انساها ابدنن ..
من اروع واحلى الروايات اللي قريتهم .. وصج بجيت من قلب قلب قلللبي .. بس اهيا على فكرة مو ماساوية وسوداوية بالعكككسس صج فيها حزن بس حزن مثقل بالمشاعر والشفافية ونغمات الشجن الجميل .. وتراويج عادات الصينيين قبل ومواصفات الجمال الغريبة اللي تختصر الجمال في قدمي المرأة .. وشلون يربطوونهم من يوم صغاار ويعذبونهم .. عشان تطلع القدم صغييرة نتتتقة تغري زوج المستقبل ..
.
تخيلو لدرجة ان من اصل عشر بنات صينيات .. تموت واحدة على الاقل من عذاب ربط القدمين ..
واللي تفشل عملية ربط قدميها .. يا تصير فيها عاهة بريلها لاخر عمرها وماتتزوج او تتزوج واحد طايح ةحظة .. او تنمو ريلها وتوصل للحجم الطبيعي للقدم (اللي بنظرهم عملاقة) وتصير خدامة بالبيوت او جارية للزوج للمتعة بغرض التنويع اذا مل الزوج من زوجته ..
.
يعني المرة عندهم ماتنخطب لا جمالها ولا لعايلتها ولا لفليساتها ولا لديينها .. تنخطب لقدميها (امحححقق خخخ) ..
.

 

[Little_Queen]

أوووووووووووووووووووووو



جنه احد قط نغزة علي ؟؟؟؟؟؟؟؟؟؟؟؟؟؟


بس لالا
وناااااااااااسة مادحيني >>>>>>>>>>> تموت عالمدح !!


الله وناسة انا قمة بالذرابة و النعومة و الجميلون و الي يهبلون !

واي فديتني أناااااااااااا كربوني والله حلاتي


>>>>>>>>>>>>>>>>> لا تصدقين نفسج وايد عاد !!


حمدلله و الشكر ..



21 مايو ... انشاااااااااااالله ما يكون عندي امتحان ولا شي يومها و بتلاقيني مرتزه كالعادة احب الترزز بصراحة

بس رح أيي مبجر

و مثل ما قلتلج ...

اذا موعدكم 10 .. قوليلي 9 !

واذا موعدكم 9 .. قوليلي 8 !



انا امشي على توقيت دبي يما !! لووووووووووووووووول

و الله والله بوكيهي طلع شكله حلو و انا مادري !

الحلوووووووووو للحلووووووووووووو يا حلوووووووووووووووووووووووووووووووو


و اهم شي حاطه كلمتي مالت سجل الزوار الي تفشل !

و خطي صاير لوعه قرف !

بس محد قالي انكم كاتبين القصايد في البداية جان قريتهم


عاد انا قصيدتي المفضلة لمحمود درويش أحن الى خبز أمي !

انا عبالي كله زوار كاتبين فما طليت ! من زود الذرابة يا وخيتيييي



اما صورة رفيجتج يا وخيتي !! تووووووووحفة على قولتهم ! وعليااااااااا وا على حالها !


انفضحت اهي و جنطتها عالهواااا مباشرة !


لووووووووووووووووووووووول


امبي جوجو انا الي حدي استانست يومها بشووووفتج

و بشوفت رفيجاتج " امهات الدقااات الي على الحنج " ... تهبلون تهبلون كلللللللللكم والله و شغلكم مبين كان متعوب عليه و ابداااااااع



أما بالنسبة لموضوع :
تنخطب لقدميها يا جوجو !


عيل أنا اشهد إني عانس عندهم !!!


ريلي استغفر الله الحمدلله على كل حال

مقاس 39 !

و اصابع ريلي اطول من ابهام ريلي !!

يعني الحالة صعبه و مستعصيه


لا و فلات فوت بعد !

خليها على الله

----------------------


روووووووووووونة .. عجبتج فكرة البوكيه ؟ قوليلي رايج فيه يا وخيتي ترى نقيت الالوان من قبلها بيوم و انا دايخه و مكأبة ! انشالله اكون وفقت في الاختيار


بس الحمدلله انه عجب جوجو


و اهم شي انه اول بوكيه في حياتها يعني وصمة عار على جبينها للأبد نياهاهاهاهاها الحين زوجها انشالله بالمستقبل كل ما رح اييبلها بوكيه ورد تقول ايييييييه الله يمسيج بالخير يا كوين !


شفتي شلون أنقي اشياااء تضرب و تعلق بالمخ للأبد تكتيييك عسكري بحت !

 

[.]

كتبت رد شطوله وراح..

اللي اذكر اني سلمت ..

وقلت جوجو الله يعطيكم العافيه يارب..

و روح اخر ماقرات اصدرات دايموند بوك حلوه وهم رابطة الادباء..

حبوبه ونماين ولتل و دمعه والكل ازيكم؟؟

لتول مشكوره ع التعليق ببلوقي اسعدتني..

و اليوم خلصت من خذها الا اريدها ونزلت تقرير عنها..

وسلامتكم..

لتل اي وايد حلو ماشاءالله من ايد مانعدمها يارب ..

خخ وحلو البعل حلاته ايب ذهب الماص ..

 

[نماين]

هايات بنات

شخباركم

جوجو خوووووووووش صور وثانكس عالصورة يا فنانة

يصير تدزون دعوة لمدرستنا ؟ عشان اضمن لك الجية بأذن الله

دمعة كلمنيا عن هالكتاب اهو من اي نوع ؟ عنوانه مغري

رونة شخبارك اليوم ؟ شيكي عالمدونة كتبت تعليق على رواية حميدي ( قاعدة اجرب يضبط التعليق او لا )