رابطة "دودات الكتب " .. حياكم

[Anastasia]

شريتها من معرض الكتاب وتلاقونها اكيد بجرير او فيرجن .. سعرها والله ماذكر .. جنه 3 دنانير
.
اصدار المؤسسة العربية للعلوم -ناشرون
.
تحصلونها بموقع نيل وفرات بس ماعرف شلون طريققتهم الظاهر بالفيزا وانا مو صوب هالسوالف خخخخ..

 

[Anastasia]

شرايكم بصورتي الشخصية .. ههههه وايد متأثرة خخخخخ

 

[Betty]

اهلين بنات
رونه صج اختج كبري حياها الله ختشارك ويانا
و رونه ان شاء الله على امرج غاليه و الطلب رخيص نلخص القصه او الروايه و نحط سعرها فكره حلوه
جوجو امبيه القصه تينن لا عن جد ابيها موجوده بجرير ؟

 

[Betty]

خوش صوره شخصيه عليج بالعافيه جوجو

 

[Anastasia]

ان شالله تلاقينها بجرير او فيرجن

 

[Betty]

ان شاء الله مشكوره جوجو
اكيد مسوين عنها فيلم بسوي سيرج بقوقل

 

[Betty]

لا شكلهم مو مسوين بس الكل يمدح الروايه بالسيرج عندها شعبيه ما شاء الله

 

[Anastasia]

ياريييت اي عفية دوريه لانه رووعة .. ترى اللي قتلكم بس البداية .. غي شغلاات والقصة اصلا عن بنتها الصغير اماديا ,,هذي بس مقدمة .. اماديا بعدين تصير ناذرة عفة يعني راهبة ماتتزوج وتعيش بتقشف ومغير تصلي وتهلي بالكنيسة .. بعدين تنحاش قصصصصة طويلة >>جني حرقت القصة .. خلاص مايحتاي تشترونها بنات بصير ماماعودة وبخليها حزاية قبل النوم شرايكم هههه ..

 

[.]

مرسي بنات صورت كتبي بس باجي الوصله ادورها..

القصه شكلها حلوه..

بس اسلوبج احلى بشرحها حلو يابارع وحاربها والبخور

قراءه ممتعه..

 

[Anastasia]

ههههههه اعجبج رفيجاتي يقولون جنج عيوز لاسولفتي ههههه لا بعد ماشفتوني وانا اسوي حركات تعبيرية واصفق واقرص اللي ماتنتبه معاي بالشرح هههه

 

[Betty]

بناءا على طلب الغاليه رونه بتكلم عن روايه سعار للكاتبه بثينه العيسى صراحه مو ذاكره سعرها لأني شريتها من المعرض مع مجموعه قصص
عموما القصه تتكلم عن بنت توفت امها و اهيا صغيره و ابوها تزوج فعاشت فتره مع يدتها بعدين يدتها توفت فاضطرت البنت انها ترد تعيش عند ابوها و مرته و تتعلق البنت بعيال عمها الاثنين و تبني احلام الزواج عشان تتخلص من سيطره ابوها مع انه ماكان مسيطر بس كانت تبي الحريه و الاستقلاليه باي طريقه حتى اذا وصلت لاستغلال الاشخاص اللي حوالينها باختصار القصه مشوقه و النهايه غير متوقعه انصحكم فيها

 

[.]

جوجو بس ناقصنا النهايه..

زين انتي مثلي تقدسين القرقه..

 

[Betty]

اي ما شاء الله شرح جوجو روعه الله يحفظها قلبت الروايه كويتيه لوول ونييييييييييييسه هالبنيه

 

[.]

مشكوره بتي..

شكلها نايس..

جوجو يعني احذف غيتشا من اللسته..

 

[Anastasia]

>>> مستحية هههه

 

[Betty]

غرفه السماء للكاتبه ميس العثمان
حلوه عجبتني اكثر من عرائس الصوف بس اهيه قديمه يعني مو توه لا من 2004 جنه
تدور احداث القصه في سنه 1935 كويت اول استانست عليها واهيا بعد عن بنت يتيمه عايشه عند يدتها و عمامها و الجناين حريم عمامها
القصه قصيره يمكن بس 93 صفحه فاخاف افسرها اكثر و احرقها عليكم
بس مادري احس فرقت علي ميس العثمان يعني لمن اقرى قصصها اللي قبل و اقارنها بعقيده رقص احس غير مع اني ما خلصت عقيده رقص للحين

 

[Betty]

رونه العفو و لو
جوجو يا حلو المستحيه و الله على قوله عبدالحسين عبد الرضا يازين هالفتات زيناه

 

[.]

هذا اللي شريته من مكتبه المثنى..

اللي ع اليمين شرايكم ايهو احلى..




وهذي كتب فيرجن..

خل احط اسعارهم..



الصوره ع الطاير بوسط الجمعه العائليه

حظك اليوم =2.500

الابعاد المجهوله =2

الابعاد المجهوله2 =2.500

الحافه = 3.500

قوس قزح = 2

وتحدث العلم = 2.500

هادم الاساطير = 3.500

وسلامتكم..

 

[Betty]

يا حلو ال snowmen يشوقون
و عسى الله يديم هالجمعه العائليه الحلوه يارب و بالعافيه و قراءه ممتعه رونه

 

[Betty]

انخشت المستحيه وينج يا الحلوه طلعي من الكبت ونسينا بشوفتج