رابطة "دودات الكتب " .. حياكم

[camilia]

ماحب الروايات العربية احسها مو صج ومافي ابداع نفس الاجنبية واثارة وتشويق
الظمني عادة يبيعون كتب المؤلفين الكويتيين اللي نزل لهم كتب بمعرض الكتاب ويوصلون للبيت

تقدرين تقولين اني نفسج ,ماقرا حق اي كاتب عربي , بس اللي قريتله وعجبني صج اهو عبدالوهاب مرعي , قريتله رواية وحدة واهي اليهودي والفتاة العربية , اسلوبه حلو ووايد عجبني لما احد شخصياته تكلمت عن الرسول , الصراحه خلاني اشوف الرسول بنظرة يديدة وعظيمة , وهذا غير الاحداث اللي كتبها مشالله وايد احداث مرت فيها بطلة الرواية مرات يخليج تضيعين بس الاحداث تحمسج و leave you in suspense :eh_s(6):

 

[camilia]

مممممممممممممم رونه انا قاريه اسم الكاتب مار علي من قبل بس مو مثبته اسم الروايه يمكن اتحصلينها بجرير دقي عليهم وسأليهم افضل ​

hiii
روونة

خبري فيج بقسم السفر ..
It's good to see you here :eh_s(6):

 

[.]

السلام..

شلونكم بنات..

ولكم باك كاميليا..


رحت الظمني مره 2 وهم ودي اروح له بعد..



قريت لعنة تلميذ الجديد احس مالت يهالوه..


جزء من سلسلة فانتازيا الحين عندي النص تقريبا لو شاريتها كامله احسن لي ..

هم بلشت بالعدد الاول والقراءه اليديده بتكون للعدد ال2 لانه مثل موضوع اول عدد من سلسلة ماوراء الطبيعه..




صرخة رعب اول مره اشتريها بس رفيجتي تمدحها والريال كان خاشها

والوانه تشوق احب اللي جذي..



اشوه خذيتها كلها وارتحت كنت محتاره شاخذ وصلت لي 48 عدد جان اقول كلهم احسن وسعره لقطة مايتطوف..

قريت العدد الاول حلوو عن مصاص الدماء والرجل الذئب..



ارزاق لـ د. نبيل فاروق من سلسلة كوكتيل..



لاحظوا اخراج وتصميم الغلاف تطور وفرق عن الاعداد الاولى ..

 

[هل ترانا نلتقي]

تقدرين تقولين اني نفسج ,ماقرا حق اي كاتب عربي , بس اللي قريتله وعجبني صج اهو عبدالوهاب مرعي , قريتله رواية وحدة واهي اليهودي والفتاة العربية , اسلوبه حلو ووايد عجبني لما احد شخصياته تكلمت عن الرسول , الصراحه خلاني اشوف الرسول بنظرة يديدة وعظيمة , وهذا غير الاحداث اللي كتبها مشالله وايد احداث مرت فيها بطلة الرواية مرات يخليج تضيعين بس الاحداث تحمسج و leave you in suspense :eh_s(6):

يالغلا شكلها الرواية حلوة بس مثل ماقتلج ياقلبي ماتقبل اقرا لاي كاتب عربي
بس لفت نظري جملة كتبتيها....اللي اهي ....((( الصراحه خلاني اشوف الرسول بنظرة يديدة وعظيمة ))) شقصدج؟

 

[ra'3ad]

هلا يالغلا
والله مادري احس الروايات العربية نفس الافلام العربية يعني مافيها اثارة وتشويق

هلا فيج بالعكس من أروع الكتاب العرب! الافلام العربية معروفة بالمبالغة بس الروايات والكتب روووووعة

شوفي أمين معلوف وأنيس منصور شي راقي

وفي النهاية الناس أذواق

:tek:​

 

[ra'3ad]

اهلين رغــــــــــــــد
ذكرتيني بزهرة الثلج استمعت فيها حيييييييييل

هلا نماين

اي زهرة الثلج الحين وصلت أيام الارز والملح ومن كثر ما اندمجت بالقصة سويت سيرج على foot binding in china واااااااااي واااي ظيــــــــــــــــــم ريولهم وعليه ليش يسوووون جذي!!

عاد قريت ان الاسطورة الصينية تقول ان بنت الملك كانت ريلها معوقة فيها عيب خلقي فعشان الملك ما ينحرج من بنته جدام الشعب فطلع فتوى الحبيب ان اي بنت ريولها حيـــــــــــل صغار اهي اللي تكون فيها انوثة ومرغوبة من الجنس الآخر وعلى هالاساس قاموا الحريم حمدالله والشكر يربطون ريولهم عشان يصيرون جدام الرياييل فيهم انوثة ومرغوبين

والنتيجة اللي حصلتها ان الرياييل اهم سبب البلاي هههههههههههه اتغشمر :krkrkr:​

 

[ra'3ad]

هلا والله .. توقعت محد يعرفه!! وايد استانست لما قريت ردج :eh_s(9):​

اما عزازيل فما قريتها بس سمعت مرة لقاء مع المؤلف وكان يقول ان الرواية تتعلق بقصة تدور احداثها بسالفة لها شغل بكنيسة مصر وعلى فكرة عزازيل كلمة عبرية معناها اسم الله عليج وعى كل من يقرا ""الموت""​

اهليـــــــن الوردة :eh_s(6): حبيبتي انشاءالله دوم مستانسة

وشوقتيني على عزازيل! انا استانست على سوالف الديانة المسيحية من شفت فيلم angles & demons شوفي اذا تحبين تقرين عن الديانات وايد حلوو​

 

[ra'3ad]

قوة

بخصوص كتاب زهرة الثلج وايد مدحتووه ! شوقتوني عليه ماتعرفو اسمه بالانجليزي عشان أدور عليه اهني ؟؟

اهلين كاميليا اي والله زهرة الثلج وايد حلوة مع اني ما خلصتها بس عاجبتني اسمها بالانجليزي

snow flower and the secret fan

والمؤلفة اسمها lisa see​

 

[camilia]

يالغلا شكلها الرواية حلوة بس مثل ماقتلج ياقلبي ماتقبل اقرا لاي كاتب عربي
بس لفت نظري جملة كتبتيها....اللي اهي ....((( الصراحه خلاني اشوف الرسول بنظرة يديدة وعظيمة ))) شقصدج؟

أهلين ..!

الله يسلمج أنا قراءاتي عن رسولنا جدا محدوودة .. تنحصر اغلبها بمقرر الاسلامية في مدارسنا .. في الكتاب ماني ذاكرة بالضبط بس فيه شخصية رجل كبير بالسن قعد يعلم البطلة عن الصبر مثلا وييب امثلة من حياة واقوال الرسول .. مادري والله شلون اشرحلج . شوفي باختصار .. من خلال الكتاب تعرفت على محمد الانسان ..

للأسف انا مو بالديرة حاليا ولا جان كتبتلج مقاطع من الكتاب عشان تعرفين قصدي .. بس اعتقد العضوة جوجو عندها الكتاب انشالله تقرا هالكلام وتحطلج بعض السطور اذا تقدر

 

[camilia]

اهلين كاميليا اي والله زهرة الثلج وايد حلوة مع اني ما خلصتها بس عاجبتني اسمها بالانجليزي

snow flower and the secret fan

والمؤلفة اسمها lisa see​

ثاااانكيووووو .. أدورها اهني انشالله القاها

 

[هل ترانا نلتقي]

هلا فيج بالعكس من أروع الكتاب العرب! الافلام العربية معروفة بالمبالغة بس الروايات والكتب روووووعة

شوفي أمين معلوف وأنيس منصور شي راقي

وفي النهاية الناس أذواق

:tek:​

يالغلا والله ماتقبل اقرا لاي كاتب عربي
مادري ليش هههههههه
السموحة

 

[هل ترانا نلتقي]

أهلين ..!

الله يسلمج أنا قراءاتي عن رسولنا جدا محدوودة .. تنحصر اغلبها بمقرر الاسلامية في مدارسنا .. في الكتاب ماني ذاكرة بالضبط بس فيه شخصية رجل كبير بالسن قعد يعلم البطلة عن الصبر مثلا وييب امثلة من حياة واقوال الرسول .. مادري والله شلون اشرحلج . شوفي باختصار .. من خلال الكتاب تعرفت على محمد الانسان ..

للأسف انا مو بالديرة حاليا ولا جان كتبتلج مقاطع من الكتاب عشان تعرفين قصدي .. بس اعتقد العضوة جوجو عندها الكتاب انشالله تقرا هالكلام وتحطلج بعض السطور اذا تقدر

مادري يالغلا تحسسيني اني اتكلم ويا وحدة مو مسلمة...من صجج يالغلا ماتعرفين كثير عن المصطفى عليه السلام وصلوات الله عليه؟ عالعموم انصحج تقرين الكتب اللي تتكلم عن سيرة المصطفى افضل من اللي يتكلمون عن سيرة المصطفى برواياتهم

 

[ماغنوليا]

اهليـــــــن الوردة :eh_s(6): حبيبتي انشاءالله دوم مستانسة

وشوقتيني على عزازيل! انا استانست على سوالف الديانة المسيحية من شفت فيلم angles & demons شوفي اذا تحبين تقرين عن الديانات وايد حلوو​

اذا تحبين تطلعين على الديانات السماوية والوثنية مرة قرأت كتاب اسمه قصة الديانات في عن الديانات السماوية والبوذية والالكونفوشية وغيرها حتى ديانة الفراعنة تقدرين تقولين عنه موسوعة كاملة ​

انشالله بدوره واحط لج اسم المؤلف >وهو امريكي واعتقد اشهر اسلامه< ودار النشر ​

 

[ماغنوليا]

يالغلا والله ماتقبل اقرا لاي كاتب عربي
مادري ليش هههههههه
السموحة

آنا عندي لج اقتراح بعطيج اسم روايتين كل وحدة لكاتب وانتي اختاري اي وحدة واقريها وبعدها عطينا رايج
1- مدن تأكل العشب ل عبده خال
2 - رحلة بالدسار. ل أمين معلوف
بعدها متأكدة بيكون لكل حادث حديث _03ba:​

 

[camilia]

مادري يالغلا تحسسيني اني اتكلم ويا وحدة مو مسلمة...من صجج يالغلا ماتعرفين كثير عن المصطفى عليه السلام وصلوات الله عليه؟ عالعموم انصحج تقرين الكتب اللي تتكلم عن سيرة المصطفى افضل من اللي يتكلمون عن سيرة المصطفى برواياتهم

لول امبلى مسلمة :eh_s(6): اهو لازم احفظ سيرة رسولنا من الالف الى الياء حتى اصير مسلمه ؟ اذا اي عيل أفط اللوم على مناهجنا الصراحة المفروض يخصصون مادة كاملة عن سيرة النبي ولا شرايج ؟ عموما هالكتاب ماله دخل بالرسول اهو بس جم مرة تحجى عنه وهالجم مرة كانت كافية بالنسبة اني أشوف محمد عليه الصلاة والسلام من منظور اخر .. اهو يعتمد على الاسلوب يعني اسلوب مناهجنا الصراحة رتيب وممل عكس لما ييلج كاتب قلمه مشوق ويعرف شلون يوصلج الاحساس .

 

[camilia]

اذا تحبين تطلعين على الديانات السماوية والوثنية مرة قرأت كتاب اسمه قصة الديانات في عن الديانات السماوية والبوذية والالكونفوشية وغيرها حتى ديانة الفراعنة تقدرين تقولين عنه موسوعة كاملة ​

انشالله بدوره واحط لج اسم المؤلف >وهو امريكي واعتقد اشهر اسلامه< ودار النشر ​

ابي ابي ابي اسم الكتااب الي تقولين عنه ! احب سوالف الأديان والثقافات

 

[camilia]

رونه ..
صرخة رعب يشوقووون هبيت فيهم ايام المتوسطة اعنقد اني قريت كل الاعداد لووول . واذا ماانقهرتي من نهاية كل رواية ما اطلع كاميليا هههههههه

 

[حامله القنديل]

\\

 

[هل ترانا نلتقي]

آنا عندي لج اقتراح بعطيج اسم روايتين كل وحدة لكاتب وانتي اختاري اي وحدة واقريها وبعدها عطينا رايج
1- مدن تأكل العشب ل عبده خال
2 - رحلة بالدسار. ل أمين معلوف
بعدها متأكدة بيكون لكل حادث حديث _03ba:​

هلا ياالغالية
عن شنو تتكلم هالروايات لو ممكن؟

 

[هل ترانا نلتقي]

لول امبلى مسلمة :eh_s(6): اهو لازم احفظ سيرة رسولنا من الالف الى الياء حتى اصير مسلمه ؟ اذا اي عيل أفط اللوم على مناهجنا الصراحة المفروض يخصصون مادة كاملة عن سيرة النبي ولا شرايج ؟ عموما هالكتاب ماله دخل بالرسول اهو بس جم مرة تحجى عنه وهالجم مرة كانت كافية بالنسبة اني أشوف محمد عليه الصلاة والسلام من منظور اخر .. اهو يعتمد على الاسلوب يعني اسلوب مناهجنا الصراحة رتيب وممل عكس لما ييلج كاتب قلمه مشوق ويعرف شلون يوصلج الاحساس .

هلا يالغلا
هههههههههههه كلنا مسلمين بس يالغلا شكلك ماتقرين واايد عن سيرة الحبيب عليه الصلاة والسلام
مناهجنا مالها علاقة
انا درست بهالمناهج ..وتثقفت اكثر بالكتب والنت ..عالعموم ربي يوفقج يالغلا