رابطة "دودات الكتب " .. حياكم

[][ الميـــــــار ][]

اهلين بنات شلونكم
ولهانة عليكم كلكم الحاظرين والغايبـــــــن =*

لتوول ماكو عاصفة ولا شي كنت متابعة بصمت
بما انكم يبتو طاري حمد الحمد امس خلصت روايته زمن البوح - التحولات حلو اسلوبه عجبني وودي اقراله بعد اشياء ثانية

اممم الحين ودي اقرا امرأة في اناء - ليلى العثمان واااي احبها ما اقدر اشوف لها شي عندي و ما اقراه بسرعة

وبس مراح افكر بالقراية الميدتيرمات ما باقي عليها شي الكتب الدراسية اننفع واحسن

 

[بمبة المفترسة]

صبااح الخير بنوتات
شلونكم

روووووووونة
بالنسبة للمكتبات عند مكتبة الربيعان بحولي مجمع العثمان كل شب فيها حتى الكتب الممنوعة وعندج العروبة
احسن من فيرجن على الاقل تقدرين تكاسرينهم فيرجن وجرير اسعارهممحدودة
وتبدلين الكتب اذا ماعجبوووووج
وبالنسبة للكتاب العرب
عندج
أمين معلوف رواياته حلوة
نجيب الكيلاني / عباس العقاد



ليتل كوين
خلي لنا شوي صكيتي عليهم كلهم جيفارا وحمد الحمد خلي لنا شوي مو باقي الا ليلى العثمان لوووووووووول

 

[بمبة المفترسة]

هاليومين قاعدة اقرأ كتاب حياتي للكاتب الاسلامي المعروف احمد امين روعة الكتاب
طبعاا واضح من اسم الكتاب انه يكتب عن نفسه صراحة اسلوب ولا اروع
وهو نفسه اللي كتب كتب فجر الاسلام وضحى الاسلام ظهر الاسلام وعنده كتب بالفلسفة
والكتاب من كتب جريدة القبس

 

[Little_Queen]

:jumpon:بوووووووووووووووووووووووومبه :eh_s(14):

بمبة :eh_s(14)::eh_s(14):


عليـــــــــــــــــــــــــــــــــكي الــــلـــــــــــــــــــــــــــــــــحمه !!!! :eh_s(14)::eh_s(14):



حاطه عينج على رجاجيلي ؟؟؟؟؟؟؟؟؟؟؟؟؟؟؟؟؟؟؟؟؟؟؟


الشرع حلل 4 :eh_s(14):


وانا ماخذيت إلا 2 !


دورولكم أحد ثاني حبوووه !


لا تقطون مصايبكم علي أناااااااااااااااااااا :eh_s(14)::eh_s(14):




إلت أدب .. ناس تخاف ما تختشيشييييييييييييييييييييي !! أطيــــعه !


:23_asmilies-com::rgewrg:​

 

[Little_Queen]

اواااااااااافقج الراي جدا في أمين معلوف يا بمبه !


و عنديكي كمانااااااااا ..........


مين مين مين مين .....


قارية حديث الترللي ؟؟؟؟؟

 

[بمبة المفترسة]

ممنوع وضع روابط لمنتديات اخرى
هذا قسم الادباتية رووعة في جميع انواع الكتب والروايات و نبذة عنهاا
رووعة الموقع
بدال ماتشترون كتب

 

[Bq]

هاااي بناتو أشلونكم ؟؟؟

بالعطله ألي طافت انا شريت كتاب قريت منه أشويه وهديته بس أليوم فتحت ولا أقول أنا لازم اكتب عنه حق دودات أسمه

أشلون أتكلم تنجليزي عدل ؟ sam english

هذا كتاب واحد كويتي مسويه حده عجيييييييييب في اكثر من جزء و ألي عندي الجزء الأول ولغة كتاب بالكويتي العامي و آخر الصفحات كاتب الكلمات ألي يستعملونها الكويتين مثال:أنت شكووو: .. واتس دات غوت تو دو ويث سو : what's that got to do with you ?

بالمشمش : إن يور دريمز : in your dreams
مو شغلك :إت ايز نن اوف يور بيزنس : it is none of your business
شسالفه : وات ايز دا ايسو : what is the issue
اشمعنه: واي ذ هيل : why the hell
طبعا انا نقلت لكم بالحرف الواحد و طبعا الكتاب فيه كله كلمات وأشلون يقولونهم مع التصريفات و القواعد حده عجيييب
وفيه على كل قاعده تمارين انتي أترجمينهم بالعربي وفي أنتي انرجمينهم بالأنجليزي
وهو في style 12 غير صفحات كامله عن التصريفات والكلمات وتمهيد

شاريته من مركز السلطان
السعر 3.00 k.d.
وبس أنشاء الله تستفيدون من أي كتبته

 

[Little_Queen]

دمووووعة ..

مو هذا الي عليه صورة واحد لابس بدله ؟؟؟؟؟

بمبة ..

بشوف الموقع و أرجعلج :>

 

[حبيبه امها]

هلا دودااااااااااااااااااات
شلونكم حبايبي ؟؟

الميار


حياج الله وينج فقدناج ... وشدي حيلج بالامتحانات


نماين

هلا والله يا االغالية ... هم مشكورة وايد حياتي هم استانست

شلون رواية التاكسي ... قوليلي عنها اهي قصة وحدة والا مجموعه قصصية ؟



رونة

هلا رورو اول شي رحتي الطبيب ؟؟؟ جاوبي

ثاني شي انا ضحكني على لما الخواجة اتهمهم يتحرشون بهدى وشلون يقولها ... انا اتحرش ؟؟
الفقرة كلها موتتني من الضحك شلون يعلق على نفسة


بمبة

في مكتبة داخل مجمع العثان ؟ اي صوب ؟؟



لتووووووووووووول


ماشاء الله تبارك الرحمن انتي بالكتابة دمج عسل تموتيني من الضحك شلون بالصج ؟؟؟
كل كوم ورياييلج كوم ... عاد تدرين قبل جم يوم اقول جان زين الوحدة تاخذ اكثر من واحد
ترا صج وناسة :eh_s(6):​

 

[Little_Queen]

حبيبه

حبيبه


بنقز بنقز بجاوب بجاوب أبله أبله أبله أبله



التاكسي مو رواية كلش ولا مجموعه قصصية

التاكسي كتاب يوميات

و ذكريات الكاتب مع سواق التاكسي و المواقف الي صارتله معاهم و سوالفهم و قرقتهم



" جني تليقفت موووووووووووووووووووووووو ؟ "


وناسة مدحتيني أحب المددددددددددح !! " ويع يا الغروووووووووور "

 

[End Girl]

السلااااااااام
شخباركم بنات من زمان عنكم

تصدقون صارلي فتره ماقريت

وقبل جم يوم رحت فيرجن وشريت هالكتاب

قراءه جديده لكتاب هنري فورد

اليهودي العالمي

راح اكتبلكم الملخص اللي مكتوب بظهر الكتاب

* عباره عن مقالات كتبها المليونير الامريكي المعروف هنري فورد في بدايات القرن الماضي ثم جمعت ثم جمعت في كتاب مستقل فما ان شرع على توزيعه حتى سارع اليهود وعملائهم الى جمعه من الاسواق والمكتبات فور صدوره وذلك لما يحتويه الكتاب عن اليهودي الشره ، المحب للمال والذي يفعل من اجله كل المحرمات ، وقد كشف الكتاب عن بعض حيل ومكر اليهود مع من يتعايشون معهن ، وتاتي اهميه هذا الكتاب في هذه الاونه بالذات لما اصبح لليهود سلطه ونفوذ داخل الولايات المتحده الامريكيه وسيطرتهم على البيت الابيض وصناع القرار في امريكا !!

بديت في شكله مشوق

 

[.]

اممممممممممممممم ..


مادري يا رونة .. عرب من أي ناحية يعني ؟؟


امممممممممممممممممممممممممممممممممم


ما يصير نلاقيلج احد نفس حمد الحمد

لكل كاتب بصمته الخاصه و اسلوبه الخاص المتفرد

- و عموما .. حبيبي أ.حمد الحمد ماكو منه 2 - :> :> :>

هلا لتل..

قصدي مستوى طرحه راقي واقعي عن مجتمعه هذا الشبه اللي ابيه

 

[.]

صبااح الخير بنوتات
شلونكم

روووووووونة
بالنسبة للمكتبات عند مكتبة الربيعان بحولي مجمع العثمان كل شب فيها حتى الكتب الممنوعة وعندج العروبة
احسن من فيرجن على الاقل تقدرين تكاسرينهم فيرجن وجرير اسعارهممحدودة
وتبدلين الكتب اذا ماعجبوووووج
وبالنسبة للكتاب العرب
عندج
أمين معلوف رواياته حلوة
نجيب الكيلاني / عباس العقاد



ليتل كوين
خلي لنا شوي صكيتي عليهم كلهم جيفارا وحمد الحمد خلي لنا شوي مو باقي الا ليلى العثمان لوووووووووول

هلا بمبه..

مشكوره..

العربه وين صايره؟؟

انا استحي ومااحب اكاسر:tomato2:

وناسه عيل الحين عندي العروبه و العجيري والقرطاس و ووحده يم العجيري نسيت اسمها و الربيعان كلهم مارحت لهم..

والكتاب بقرالهم ان شاءالله..

الله يعطيج العافيه يارب..

هلا دودااااااااااااااااااات
شلونكم حبايبي ؟؟

الميار


حياج الله وينج فقدناج ... وشدي حيلج بالامتحانات


نماين

هلا والله يا االغالية ... هم مشكورة وايد حياتي هم استانست

شلون رواية التاكسي ... قوليلي عنها اهي قصة وحدة والا مجموعه قصصية ؟



رونة

هلا رورو اول شي رحتي الطبيب ؟؟؟ جاوبي

ثاني شي انا ضحكني على لما الخواجة اتهمهم يتحرشون بهدى وشلون يقولها ... انا اتحرش ؟؟
الفقرة كلها موتتني من الضحك شلون يعلق على نفسة


بمبة

في مكتبة داخل مجمع العثان ؟ اي صوب ؟؟



لتووووووووووووول


ماشاء الله تبارك الرحمن انتي بالكتابة دمج عسل تموتيني من الضحك شلون بالصج ؟؟؟
كل كوم ورياييلج كوم ... عاد تدرين قبل جم يوم اقول جان زين الوحدة تاخذ اكثر من واحد
ترا صج وناسة :eh_s(6):​

هلا حبوبه ..

خخ اي اللي ماتت عقب خنت حيلي..

بروح ان شاءالله..

اهو خل يصير فيه ريال واحد عشان يصير فيه 4..:eh_s(1):

الميار موفقه يارب بامتحاناتج..

دمعه مشكوره..

واند مشكوره وقراءه ممتعه يارب..

 

[Little_Queen]

روووووووونة


لا تنسين بعد مكتبة صالح المسباح you will like it

 

[بمبة المفترسة]

مكتبة الربيعان بمجمع العثمان وعندهم دار قرطاس مدري شالووها ولا لاااااا
دار قرطاس بالمجمع نفسه فوق
ومكتبة الربيعان بالبناية نفسها
ومكتبة العروبة مقابل مجمع النقرة الجنوبي

 

[حبيبه امها]

هلا دودات شلونكم ؟

بمبة


مشكورة على الوصف .. بحاول اروحلها


رونة

وانتي صاجة بس قلنا اذا زاد العدد زاد الدلال يمكن ... والتغير حلو


لتووووووووووووووول

ابشرج طلع مزاجي بس دمة خفييييييييييييييف ...

يا جماعه ما راح اكتبلكم عن جيفارا لازم تقرونلة وايد احسن لانه في مواقف وايد له ما ادري شكتب وشخلي منها بعضها صج بطولية وبعضها محرجة وبعضها اتضحك​

 

[نيولوفر]

خوووووووووووووووووووووووووش موضوع .... لي رجعه بإذن الله

 

[Little_Queen]

حبيبة ... جان زين تحطين صورة غلاف الكتاب عشان انا مصممة اني ادوره


خو خلاص انتي بتحرمينا من الاجزاء المجانية مالتج


تذكريني بالبرامج مالت الكمبيوتر الي تشتغل 30 يوم و بعدين لا زم اشتريها بفلوس ! !!

او الالعااااب

اكون مكيفة و مندمجه بلعبه ... 60 دقيقة و تفصل !






تعبااااااااااااااااااااااااااااااااانه


وقفت اليوم من 7 الصبح

ليييييييييييييييييييما 11 و نص بالليل

في الانتخابات حق تغطية الجريدة


مافيني عظمة صاحية

ريلي منتفخة

ظهري يعورني

تقريبا حايشني تسمم


مادري مادري حدي تعبانه ابي انام

 

[.]

يعطيج العافيه يارب لتل..

متعته الصحافه بتعبها..

تعالي ليش ماتخصصتي اعلام

 

[Little_Queen]

رونه

لا تقلبين علي الموااااااااااااااااااااجع


انا محكورة مقهورة مجبورة في الادارية مو بكيفي

ولا انا

كان ودي إعلام أو لغة عربيه !

بس يلا ..

قدر الله و ماشاء فعل




انا مكيفة .. 4 نساء فازو وناسه حده :>