رونة انزين يا بنت الحلال روحي الطبيب يا قلبي
و بعدين يعني
على فكرة ... بطرشلج رسالة عالخاص ....... :> شوفيها
-------------
بمبة المفترررررررررررسة
حبيبة امها
للأسف الكتاب الشباب عندنا ماعندهم ثقافة والثقافة هي اللي تطور الواحد وهي اللي تعطي كتاباته عمق
احنا عندنا يكتبون لمجرد الكتابة كل من هب ودب صار كاتب شكثرهم طالعين
" مووووووووووو كلهم يا بمبة .. لاتحكمين على كل الكتاب الشباب من واحد أو واحده او حتى 10 ... الكتاب الشباب فيهم الزين و الشين ... و الزين يفرض نفسه و اهو الي يبقى للآخر ... دعي الفقاعات تطير و تتكاثر .. في النهاية لن تبقى للأبد في الهواء ! .. لابد ان يأتي وقت تختفي فجأة !
ليش ؟
لأنها فارغه ! و خفيفة ! و هامشية ...
فعلا ... بعض الكتاب و الكاتبات الشباب .. يتبنون قضايا و أفكار غريبة !
على بو إن - ما نبي نغث الناس ! - ... ما نبي لغة فصحى ! ما نبي قضايا و مشاكل حقيقية
خل نكتب قصة أي اثنين يحبون بعض ! و اكو عقبات في طريجهم ! و ننقيلنا صورة غلاف حلوة و غلاف بارز و تصميم شغل عدل ! و نبيع بمعرض الكتاب
المشكلة هني مو في الكاتب ..
في القارئ هم بعد الي يخمط و خلاص ! اتصفح
اقعد ويا الكاتب - الي غالبا يكون مرتز يم كتابه و مستانس بمعرض الكتاب - تناقش معاه شوف كلامه شوف مخه !
نظيف مو نظيف !
متنور ولا مو متنور !
لانه لحد يحاول يقنعني انه اذا كاتب مخه مو نظيف .. كتاباته بتصير حلوة او نظيفة او ممتعة !
الادب و الفن هم مرآة المجتمع ... و الكتابة مرآة الكاتب
تصدقون و تآمنون بالله ؟؟
قلبي يحزن والله لما اشوف البعض يتكالب على كتب سخيفة ! كتب ما فيها اي محتوى حقيقي ! و يشيلها على قلبه و يقط عليها فلوسه و جهده !!!
اليوم بالجامعة شافتني وحده من رفيجاتي من ايااااااااااام المتوسط - ما تدري عني كلش من ايام 3 متوسط
..
سلمنا و سوالف و مادري شنو
قعدت تقولي بس يبيلج ريجيم ما ريجيم - سوالف معتادة يعني -
جان تقولي لا والله انا انصحج نصيحة روحي اقرب مكتبة تدلينها .. و دشي سأليهم قوليلهم عندكم كتاب " وحده من المنجمات المعروفات " .. اخذي الجزء الرابع منها .. حاطه فصل كامل عن الريجيمات حسب البرج
صج صج كتااااااااب مفييييييييييييد لما تقرينه اهو كله عن الابراج و تحسين النفس عن طريق الابراج .. صج انه الكتاب غالي شوي بس يسوى !!
لا و شتقول : انا شارية كل الاجزاء من هالكتاب كل ما ينزل أروح اشتريه ..
اهي تتكلم و انا قلبي يتفتت على روحي و عليها !!
يسوى و كتاب رائع و صارلج ساعة تمدحين الكتاب .. آخر شي ريجيم عالابراج !؟!؟!؟!؟!؟؟!!؟!!؟؟!؟؟!
انا ما أقلل من الابراج ولا اقول انه الي يهتمون فيها مو شي
بالعكس انا ساعات احب اقرا عن الشخصيات حسب الابراج .. بس كسوالف تضييع وقت .. مو اني اشتري كتببببببببب
واقط فلوووووووووووووس و حالتي حالة !!
آآآخ يا قلبي آآآآخ
قبل جم شهر .. توفي كاتب سوداني شهير جدا اسمه الطيب صالح ، اقل مافيها المفروض انه مشهور ضمن نطاق المثقين و الادباء لانه كان له حراك ثقافي واسع جدا
صج اني مو قاريتله ولا التقيته .. بس من قبل إسمه كان مار علي و اعرف انه كاتب سوداني ...
يوم وفاته .. الجريدة كلفوني انا و رفيجتي بشغله .. إنه ندق على الادباء و المثقفين في الكويت ناخذ منهم كلمة بمناسبة وفاته
دقينا و سجلنا كلمات مختلفة من ناس مختلفين
صديقتي دقت على كاتبة - للأسف لها قاعده قراء - رغم ان انا شخصيا اشوف كتاباتها نوعا ما مملة .. اسلوبها حلو بس خلاص صفحة صفحتين و يحوشني ملل انغث احس انه كأنه مكياج أوفر أو حااالي زيادة عن اللزوم !
المهم .. اهي خوش بنت و انا شخصيا اعزها
دقت عليها و قالتلها كيت كيت الموضوع .. و نبي منج كلمة بمناسبة وفاة الطيب صالح ..
تتخيلون شنو قالت ؟؟؟؟؟؟؟؟؟؟؟؟؟؟؟
جان تقول .. ويييييييييي ... لقد فقدت الكويت - و الكاتب سوداني ولا عمره طب الكويت أساسا - احد ابناءها المخلصين ! و كتابها الرائدين ! الذين افنو حياتهم و جهدهم في خدمة الكويت !!!!!!!!!!
!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!
يلا ..
اخذي عندج هاذي الكتابة
لا حوووووووووووووووووووول ولا قوة لا بالله
بس ما يمنع يا بمبة اني اختلف معاج .. مو كل الناس جذي
و اذا تبين تشوفين كتاب صغااار و مثقفين فعلا بعيونج و تسمعينهم بأذونج .. حياج يوم الاثنين الياي برابطة الادباء بالعديلية الساعه 7 ! بتشوفين شي عجيب لا صار ولا استوى
شباب اكبر واحد فيهم 26 سنه ! يتكلمون عن الفلسفة و عن الادب و الشعر و بحور الشعر و منهم من هم علماء في علم العروض .. و منهم من يحفظ قصائد كامله للمتنبي و لإمرؤ القيس و غيره و غيره
شيء مذهل فعلا !
--------------------------------
روح كويتية :> الحين بتقولين عني خايسة امس لبست نفس اللبس مال اليوم !!
ميخاااااالف ياوخيتي انتي حاسة فيني
امس لبسته كان نظيف و مكوي شحلاته رديت البيت و علقته
الصبح تكيسلت و تعيزت اطلع هدوم يديدة حق الكلية
جان البسهم
و واصلت يومي كله فيهم
مجرد تنويه
>>>>>>>>> صج بنات
يا حياتي والله انتي الي كيووووت و سويييييييييييييت وعسووووووووووووووووووووووولة
والله حدي استانست لما شفتج اليوم بعد
صراحة عجبتني ندوة اليوم عند د.رولا دشتي
ابرك من ندوة أمس الي نقعونا ساعه و ربع ننطر المرشح
اليوم د. رولا يايه قبل الحضور .. قبل الندوة بربع ساعه كانت بالقاعه و تشيك و تسلم عالناس و عالاوادم و تشوف شكو ماكو
بس أمس ... ساعه و ربع ننطر المرشح !!!!!!!!!!!!!!!!!!!!!
كان يوم مأساوي امسسسسسسسسسسسسسس
فرق فرق شاااااسع بين الطرح مال د.رولا و مال أمس صراحة
